|
|
|
 Re: حسين خوجلي اهل العوض تطاردة عقدة امدرمان (Re: محمد الامين محمد)
|
يا محمد الأمين محمد... حسين خوجلي من ناس ود نوباوي وزول أهله يسكنون من قديم الزمان.. وكان ما مولود فيها بقي من سكانها الأصليين. إنت قايل الفصاحة الشديدة دي جابها من وين؟ ما من أم درمان. وأم درمان دي كرش الفيل. بلد الأمان تدخل بتايوتا تمرق بنيسان. فيها قبة سيدي. وفيها الطابية المقابلة النيل. وفيها فريق هلاريخ. ومنه 4 رؤساء حكموا السودان: أزهري – عبد الله خليل- الصادق المهدي – والنميري. وماتنسى أنا قريت فيها وعشت فيها 20 سنة بس. وبعدها إنتقلت لرحمة مولاي (كما يقول حلاق الجامعة) إلى خرتوم أحمد,. تحياتي.
كبـّـاشي الصـّـافي
| |
 
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: saber alhawatti)
|
Quote:
وناس حسين خوجلى ديل جابوهم الانصار وسكنوا فى ودنوباوى ؟؟ ود نوباوى اهلها معروفين يا الحبيب ؟؟
|
لا بس كده ولحدى هنا كفايه..........قعدتو تقولوا اهل العوض وما سبينا ليكم دين زى ما حصل مع المذيع فى البث المباشر
كمان دايرين تعملوا ام درمان بلد ناس تانيين عاملين فيها حقتهم واصلهم وشنو شنو......هى ام درمان غير الانصار اصلها جايه من وين يعنى
وغير لحم الراس الوصفوها الناس الجو مع المهديه.......هسه دايرين كمان تعملوها بلد الصفوه والجاهوات وناس منو وكيف كيف
بعدين شنو الجابوهوم وودوهم وختوهم ..انت بتتكلم عن بشر ولا حاجه تانيه؟؟؟؟؟؟
ودنوباوى الاهلها معروفين ديل انصار برضو ولا كانو موجودين من زمان قبل المهديه والانصار
يعنى لو مسكناها اسماء ساكت بنلقى ابناء جبال النوبه هم احق بالفخر انهم اول من سكن بها....فما تشبكونا اهل العوض والانصار وتصنفو امدرمان هى حقت ناس فوق للناس
بلا امدرمان بلا بطيخ............قال اهل العوض قال
====
والله ماعندى شغله فى العوض ولا الانصار ولا ودخوجلى ولا ودنوباوى ولا امدرمان.............لكن الافتراء والحقاره ما بنرضاها من اى زول
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: Alshafea Ibrahim)
|
قاتل الله الجهويه
لا احد لديه يد فى اين ولد واين يموت
انا شخصيآ لو خيرت ان انتمى للشرفه وابحراز والعركيين ام ان انتمى لامدرمان
لاخترت الاولى لاننى ساكون اكثر اصاله ان كان هذا ما تحاول ان تجرنا اليه
كما اننى احفظالحق لمن اختار الثانيه ولا ادعى انه مصاب بعقدة ما
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: Alshafea Ibrahim)
|
| Quote: يعنى لو مسكناها اسماء ساكت بنلقى ابناء جبال النوبه هم احق بالفخر انهم اول من سكن بها....فما تشبكونا اهل العوض والانصار وتصنفو |
اها النقول ليك القصة دي، كان عندنا استاذ في المدرسة الإبتدائية في شمبات من ناس أم درمان، قال لينا أم درمان فيها ناس أصليين وناس عبيد ساكت، أنا بكل شلاقة سألتوا العبيد ديل منو قام قال لي (ناس الموردة والعباسية والكبجاب) ولي الآن بتذكرها عشان قصة الكبجاب دي، أها بعد داك (قبل تشكل الوعي بتاع العبد لله)، كان أي زول من أمدرمان برة من الأحياء المذكورة هو شخص أصلي والباقين عبيد ساكت.
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: الصادق اسماعيل)
|
انت يا محمد الامين بتعرف ناس امدرمان ديل كلهم وبعرفوك؟
من ذكرته يعرف ناس الشرفه كلهم وبعرفوه
كمان من يعرفهم حسين خوجلى من ناس امدرمان ومن يعرفونه ربما عشرات الاف المرات ممن تعرفهم انت
ويعرفونك من ناس امدرمان
ارجو من الابنه ملاذ نقل مقولة هذا الرجل للاستاذ حسين فهو الاقدر على الرد عليه
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: talha alsayed)
|
| Quote: انت يا محمد الامين بتعرف ناس امدرمان ديل كلهم وبعرفوك؟ |
تحياتي ياأستاذ طلحة
أراك قد انطلقت في ردك على محمد الامين على انه من أمدر
والرجل لم يصرح بذلك , وواضح من أسمو أنو من أهل العوض
إن لم يكن العوض نفسه وربما يكون من نواحي أم دقرسي
ما شايف أسمو كده عنكوليب عنكوليب ؟!
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: معاوية الأرباب)
|
Quote: أراك قد انطلقت في ردك على محمد الامين على انه من أمدر
والرجل لم يصرح بذلك , وواضح من أسمو أنو من أهل العوض
إن لم يكن العوض نفسه وربما يكون من نواحي أم دقرسي
ما شايف أسمو كده عنكوليب عنكوليب ؟! |
الارباب حبابك
والله انا الزول البتلولح فى بروفايله ده
قطع شكى انو ما زول ضهارى
لوليح زى ده عندنا فى البطانه بنرمى فيه القيد
ونركبو حمارآ دبساوى الطندب عديل للخليفه الفاضل
فتك عافيه
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: معاوية الأرباب)
|
أسماء أحياء أم درمان: من الشمال إلى الجنوب: المهدية: الحارات 1،2،4،5،6 (بدون الحارة 3) إسمها يغني عن تعريفها، حاولت حكومة عبود تغيير الاسم إلى الثورة ونجحت في ذلك إلى حد ما ولكن يظل الاسم الأصلي هو المهدية. ود نوباوي: تيمناً بالأمير محمد عبد الله ود نوباوي أمير قبيلة بني جرار في المهدية وهو الفارس الذي حزّ رأس الكافر غردون باشا. أبو روف: تيمناً بالأمير أبو روف قائد رايد العنج. بيت المال: بيت مال خليفة المهدي. أبوعنجة: تيمناً بالقائد الفذ، قائد الدفاع الشعبي في المهدية. العباسية: مكان سكن الأنصار الذين رجعوا من مصر بعد أن سُمح لهم بذلك، وهي مسقط رأس الإمام الصادق المهدي. أسميت تيمناً بالعباسية المصرية التي كانوا يسكنون بها أو بالأحرى كانوا مسجونين بها. حي الملازمين: وهم ملازمية الأمير عثمان شيخ الدين الخليفة عبد الله التعايشي، القوة الضاربة في جيش خليفة المهدي. فقد كانوا من حملة السلاح الناري وراكبي الخيول. (لنا الشرف أن جد أبي الصافي أحمد هو أحد جنود الملازمين، وكان من حراس الطابية المقابلة النيل، ووُلِد جدي لأبي وجدي لأمي في منزلهم بالملازمين القديمة، شمال شرق بوابة عبد القيوم، حيث أم درمان الثانوية بنات الآن). فريق فُنقر: أحد أرباع العباسية: تيمناً بجبل فُنقرمسقط رأس رابحة الكنانية، بالجبال الشرقية جنوب كردفان. هنالك حي تقلي في نفس المنطقة. أبو كدوك: على القائد العسكري الشهير جد الزابط الأشهر أبو كدوك. الموردة: مكان ورود خيل فرسان الملازمين. أمبدّه، أكبر أحياء أم درمان، مكان عرضة خيل الناظر أمبده ناظر عموم دار حامد، وقائدهم في المهدية. المسالمة: مسكن الذين أسلمهم خليفة المهدي ومن بقي على دينه من الأقباط المصريو الأصل.
هنالك أحياء صغيرة كتجمعات إثنية مثل الركابية والكبجاب وغيرهما وهي تعتبر أجزاء من أحياء كبيرة. الحي الوحيد الموجود قبل المهدية هو الفتيحاب (ديم أبو سعد). فقد كان يسكنه أهله قبل وصول جيوش المهدية لفتح الخرطوم. أحياء العمدة وبانت لا أعرف مصدر تسميتهما ولكن حي البوستة حي جديد أسماه الإستعمار على بوستة أم درمان.
كبـّـاشي الصـّـافي
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: talha alsayed)
|
الأخ طلحة ... سلامات .. نسيت أن أضيف أن حي العرضة هو المكان الذي كانت تعرض فيه فرسان المهدية راكبي الخيل. وأن حي العرب هو مكان سُكنى العرب الذين كانوا يمدون سكان المدينة بالحليب والحطب والخدمات المصاحبة. ما زال جدي عليه الرحمة حتى مماته يقول لنا: لو ما كان سيدي خليفة المهدي قال: أكسروا الغرب عشان نجي تاني دافرين ونهزم الكفار، كان زماننا قاعدين في نص البقعة – كما كان يسمي أم درمان-
الذين استقروا في أم درمان هم أوائل النازحين في زمن الإستعمار. إحتلوها وصاروا أسيادها. نحن بنعرف تاريخ وأصول كثيرين منهم. لقد ذكرت في مداخلة سابقة أن كتاباً معيناً يحكي عن تاريخ أم درمان وساكنيها من الشخصيات الهامة في زمننا هذا. وخليناهم لكن كان ما خلونا بنجيب الكتاب دا وبنفتو تاني. ومحل الرهيفة التنقد. تحياتي
كبـّـاشي الصـّـافي
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: Saifelyazal Elmaki)
|
والله يا اخواننا البوست دا آخرو ما أتوقع يكون شي طيب
فآمل من الناس تجاوز الحاجة دي
أما بالنسبة لصاحب البوست
فيا أخي اتق الله
وأتمنى تحري الدقة في المواضيع التي ترغب في تناولها
عشان ما يبقى زمننا هنا فارغ من المضمون
لأنو لو قلنا بسم الله ونظرنا لموضوعك دا ما حا نلقى منو أي فايدة للقارئ أو للمتصفح
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: Marouf Sanad)
|
| Quote: تيمناً بالأمير محمد عبد الله ود نوباوي أمير قبيلة بني جرار في المهدية وهو الفارس الذي حزّ رأس الكافر غردون |
الصافي كانتونا يا عمنا
قاتل غرودن هو جدنا طه ود شاهين وهو من أهالي حفير مشو,و زول تاني اسمو ود جار النبي من الحسانية.
المصادر:
-حبوبتي نوني بت جميل عن امها ستنا, عن امها سعيدة بت شاهين.
-دوجلان لندن, في كتابه فاتنة المهدي, الصفحة الاخيرة.
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: saber alhawatti)
|
| Quote: الذين استقروا في أم درمان هم أوائل النازحين في زمن الإستعمار. إحتلوها وصاروا أسيادها. |
تحياتي يا كانتونا
بل الكثيرون قد تم تهجيرهم إليها قسرا ليكونوا تحت أعين الخليفة
باعتبارهم مناوئين وطابور خامس , جدي الأرباب ود هضلول أحد هؤلاء
, جئ به - وهو طفل يافع - مع من نجا من دواس عبدالله ود سعد من الأطفال( الدرافين) وكبار السن
الى مشرع ابروف وهو عمل يرقى إلى درجة الإبادة الجماعية بمقاييس اليوم,استقروا مكرهين في أم درمان
ومن ثم بدؤوا التوغل جنوبا نواحي الجزيرة شرقا وغربا هربا من عسف الجهدية, وساكنوا وانصهروا مع
سكان الجزيرة من شكرية, ورفاعيين, وعركيين, ومسلمية. ومع ذلك
(شدوا جمالهم وجونا ,,جلبنا ليهم سمسم ,السمسم ما كفاهم ,, جلبنالم سعية )
بالمناسبة يا كانتونا هل من الحنكة أن تزج بجنودك في معركة غير متكافئة ثم تعرد لا تلوى على
شئ وفي معيتك نبي الله (الخدر)؟.
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: معاوية الأرباب)
|
Quote:
Quote: من نواحي أم دقرسي
لقد اصبت بعضهم برزاز كلماتك الجارحة
بئس الفهم |
تحياتي يا أخ سيف اليزل المكي
لم اقصد التجريح البتة, وهل يجرح الانسان بعض نفسه فالعبد لله يفخر بكونه من أهل العوض
ومن ضواحي أم دقرسي كمان.
أخشى أنت تكون أنت من جرحتنا إن تسرب إلى نفسك ذرة من شك في أن إنتساب شخص إلى
مسقط رأسه مدعاة للخجل والتجريح .
هون عليك يا أخي فالموضوع كله هزل في هزل . وما تنسى رمضان دخل العضم .
| |
|
|
|
|
|
|
|
|
 Re: حسين خوجلي اهل العوض تطاردة عقدة امدرمان (Re: محمد الامين محمد)
|
الحسين خوجلى شاعر وكاتب وناقد وأديب وفصيح مفوه يحمل أثقال الثقافة
حمل الجرارق وهو قارئ نهم وذواقة فنان ومفكر دارس للفكر ومدارسه الفلسفيه المختلفه يعرف جيد الدوبيت والمسدار ويكتبه بنفس اللحوى البدوى ويكتب الشعر كذلك ويحفظ شعر غيره لا بل هو ضليع فى معرفة أشعار الحقيبه وعارف لملابسات كتابتها كما إنه يمكن أن يكون مرجعيه فى شعر صلاح أحمد إبراهيم المنشور والمستور عاصرته فى الجامعه ودرست فى ذات المدرجات التى درس بها وشاهدته يكتب جريدته سلامات واقفابخط جميل وبتنوع يشمل الفن والأدب والسياسه وشاهدته كادرا خطابيا جذابا حتى لمن لا يود الإصغاء إليه وقرأت له ما أطربنى وأشجانى وليس لدى أى علاقة شخصيه به وهذه شهادة لله والرجل درس الثانويه بالأهليه أمدرمان وزامل الكارث والمحبوب وإمام الطيب وآخرون وأدار محلات الدوحه فى قلب أمدرمان فلا أحد ينكرأمدرمانيته وإن ولد فى الشرفه...................................
منصور
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: khaleel)
|
Quote: يا معاوية انت ما مثقف في الشان العربساتي
العنكوليب في فداسي والبطيخ في امدقرسي
وارجي الله في الكريبة
|
يا سلااام على عربسات غنية بفومها وبصلها
وماتنسى قرع ود العباس واحدة بجنيه والهوادة عشرة,ويكة الحديبة,وكبدة ألبل في تمبول.
الله كريم برجاهو في الكريبة , لكن لو بقيت طيرة ما برك في أبوحبيرة.
إفطارا هنيئا.
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: معاوية الأرباب)
|
Quote: الله كريم برجاهو في الكريبة , لكن لو بقيت طيرة ما برك في أبوحبيرة.
|
وود النيل والقمري قيل ويا ماما لو تعرف درب العشق في جلقني
وبنزقة ام خريفين
عارف يا معاوية محمد عوض الكريم القرشي كان ياتي من قرية جريبانة الي امدرمان ويطرب كل السودان ويرجع
كل سنة والجميع بخير
| |
|
|
|
|
|
|
|
|
 Re: حسين خوجلي اهل العوض تطاردة عقدة امدرمان (Re: khaleel)
|
(((يا الحبيب
انا امدرمان انا السودان ... قايله ساهله ؟
الجنسيه الامدرمانيه ما ساهله ؟؟ ما عندنا حاجه اسمها بالتجنس ؟؟
ولا عندنا الجنسيه حقت ناس جمال الوالى البدوها للواحد فبلما ما يجى السودان زاتوا ...
وحسين بالرغم من انه اتعلم فى امدرمان .. وكمان اتعلم الحنك من ناس امدرمان .. برضو فى النهايه
وامدرمان اهلها معروفين كمان ؟؟؟ لكن برضو بنكرم الضيف وبنقبلوا
الحبيب كانتونا ...
كل رؤساء السودان من امدرمان ؟؟؟
الا الحكومه الحاليه ما فيها ولا وزير واحد من امدرمان ...؟؟؟
والموضوع ده لو استمره .. حندخل الغابه احنا كمان ؟؟؟)))
ا
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: abubakr)
|
Quote: كيييييييييييييييف الكلام دة
لوساكن في مكة اوالمدينة بفرق كتير |
انت ياحبيب قائل ناس ابوجهل ومسيلمة ديل كانوا ساكنين تكساس ؟!
المكان ماعندو علاقة بقوة الائمان من عدمه ...
يامعروف ...
قاتل غردون هو الامير ودنوباوى وهو فعلا زعيم بن جرار ..وهى من قبائل
بحر ابيض ..قبيلة تعجبك تهز وترز ...
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: محمد الامين محمد)
|
اخي محمد وضيوفه الكرام
يا اخوتي كل انسان معجب بمنطقته سوي ولد فيها او تربي او تلقي تعليمه
انا شخصيا ولدت في بحري وتربيت ودرست بها فلا ابدلها بمنطقة ولا اري
اي منطقة اخري في السودان اجمل ولا احلي ولا اكثر اجتماعية منها
رغم ان لدي اهل كثيرين من امدرمان لا وبل من اشهر واعرق الاسر بها
لكن ما يغيظني ترديده كما قال اخي محمد
للاغنية الامدمانيه
الكلمة الامدرمانية,
الطريقة الامدرمانية
كانما امدرمان دي في كوش ولا مملكة مروي
نفس الكلمة او الاغنية التي يرددها الامدرمانيون
يرددها اهلنا في بحري او الابيض او واو او طوكر
ولا شنو يا جماعه ؟؟؟؟
ولو للغناء كلنا حافظنو وعايشنو
وهسع الطرب البنسمعوا في اغاني واغاني العامل ضجه دا
من منو ؟؟؟
محمود عبد العزيز
طه سليمان
فرفور
شموس
وديل كلهم من بحري
حتي عاصم البنا نفسه ساكن المغتربين بحري
اها تاني في كلام
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: طارق ميرغني)
|
كلام جميل كتبه الاستاذ قاسم مهداوي في بوست :
ممنوع الاقتراب والتصوير منطقة امدرمانية ... السر قدور
استسمحه بايراده هنا لفائدة
الوطن والوطنية والمواطنة
العلاقة بين المواطن والوطن علاقه تعاقدية مشروطة
بالحقوق والواجبات
تختل العلاقة بين الوطن والمواطن اذا تخاذل احد الطرفين
فى القيام بواجباته . (الا فى السودان ) اذ لا حقوق فقط واجبات وعلى البعض وبمباركة البعض !!! ....
ويتساوى الكل فيما له وما عليه ... و كذا الحق فى السكن اللائق
والتملك والذهاب والاياب ضمن حدود ذلك الوطن او تلك الجغرافيا .
و... ممنوع الاقتراب والتصوير .. (العاصمة ) او منطقة امدرمانية
حتى خيل لى ان العاصمة هى ملك حر لفئة محددة من الناس دون سواهم . بل
هكذا يتخيل البعض وباقتناع تام . منهم ما هو مثقف وما هو طبيب وما هو عسكورى
وما هو خفير . وجلهم ممن نطلق عليهم لفظ الاخوة فى ( شمال السودان ). الذين جاءوا
الى تلك المنطقة الممنوع الاقتراب منها أو التصوير فيها من بعد ان تم تحريرها من المستعمر
متناسيين عن عمد ان ام درمان تم تحريرها فى العام 1885 وليس مع بدايات ظهور سرور وكرومة وحقيبة
الفن التى يؤرخ ويوثق لها ( السر قدور) القادم هو الاخر الى ام درمان من اقصى شمال السودان من بعد ان بانت فيها بعض من ملامح المدنية الاوليه ,
عن قناعة واقتناع يعتقد امثال السر قدور وهم كثر كما ذكرنا حقهم المنصوص عليه فى اللوح المحفوظ
بتواجدهم وحدهم فى هذه او تلك الام درمان دون سواهم وما على باقى سكان السودان الا الرجوع الى حيث هم والا كيف يفسر لنا السر قدور قوله هذاوحتى وقت قريب فى سكان ام درمان التى لم تعدهى تلك كما يحلو له ان تظل ؟؟؟؟
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: طارق ميرغني)
|
العزيز محمد الامين محمد
لم افهم غرض هذا البوست حتى الان هل هو ضد حسن خوجلي ومع ام درمان او العكس لكن بعض المداخلات ربما وجهتني وجهة معينة في ردي ومنها مداخلة الاخ صابر الحواتي ومن ايده
فتعليق الاخ صابر الحواتي محزن بصورة غريبة اذا ان البوست بهذه الطريقة يسئ لام درمان المدينة التي بناها السودانيون كل السودانيون عنوانا لحريتهم و تتويجا لنضالهم. اذ انها المدينة الوحيدة التي فداها معظم السودانيين بدمائهم في كرري و مات اجدادهم دفاعا عنها وعن رمزيتها كعاصمة وطنية لاول دولة حرة في افريقيا في العصر الحديث .
بعد كرري لم يبق الا ربع سكانها وغادرها من بناها استعدادا لمعركة اخرى فقضى نحبه من قضى وعاد من عاد. لا يوجد بيت في السودان لم يكن له فروع واصول في البقعة. واهل العوض كانوا ولا زالوا مكون اصيل من مكون ام درمان الوطنية تحت الراية الخضراء بقيادة الخليفة على ود حلو (من النيل الابيض)وكان لاهل العوض- خاصة من الجزيرة اذا قبلنا اطلاق لقب اهل العوض على اهل الارياف الوسطى -لهم وضع خاص بصفتهم سلة غذاء السودان اذ سمح لهم في موسم الزراعة العودة ليزرعوا ارضهم لقرب المسافة وذلك كي يوفروا مؤنة الجيوش و الشعب ويعودوا لراياتهم الخضراء في امدرمان بعد الحصاد ويشلركوا في الاستعراض العسكري في ما يعرف بالعرضة والتي اصبحت حيا بعد ذلك. وكثير منهم مدفون الان في مقابر حمد النيل خاصة من من ماتوا موتا طبيعيا اما من استشهدوا في كرري فالمعلوم عن مصير اجسادهم الطاهرة قليل نسبيا الا ما ذكره عصمت زلفو في كتابه كرري من ان بعض نساء ام درمان الاصيلات شوهدن يبحثن عن الاحباء وسط الجثث وبعضهن سقين بعض الجرحى لثلاث ايام.
كمثال من اقاربي و اجدادي الذين غادرو ا ام درمان بعد السقوط ستة من شهداء كرري وثلاثة او اربعة مدفونون في مقابر حمد النيل قبل احتلال ام درمان و غيرهم كثير في كل بيت فلا يزايدن على اهل العوض من جاء في معية المحتل او جاء بعده بعد ان اصبحت مدينة كوافد سابق وعلى هولاء الا يحاولوا تحويل البقعة المشرقة في تاريخنا وعنوان مدنيتنا الحديثة الي (حلة) ريفية موبؤة بالعصبية و امراض التخلف بصورة غير ذات حياء لدرجة ان بعض هولاء اقاموا ما يعرف برابطة ابناء امدرمان وقرروا ان ينسبوا لها فقط من جاء قبل الواحد من يناير 1956 ولا ادري من الذي اعطاهم هذا الحق لاختيار هذا التاريخ الDeadline وشكرا للدكتور زهير السراج الام درماني الاصيل الذي تصدى لهكذا خطرفة قبل سنوات على صفحات الصحف.
من طرائف تلك الرابطة انها قررت استثناء الفنان احمدالمصطفى وضمه للرابطة وهو استثناء رغم عدالته الا انه يصيب فكرتهم الخاصة بال الDeadline المتوهم في مقتل .
اتفهم كذلك ان الصراع الطبيعي بين اهل المدينة واهل الريف واتفهم ما سببه النزوح العظيم من ضغط على الخدمات والمظهر لمدينة لم يصمم المستعمر الخدمات فيها الا للقلة . كل هذا مدعاة لضيق من ولدوا وتربوا وعاشوا بين جدران وازقة و شوارع هذه المدينة الرائعة وهم يشهدون كيف ان دنياهم الصغيرة اصبحت مكاناً للتيه لكن عليهم ان يتذكروا انه قدرهم و عليهم ان يكونا روادأ مضافين متخلقين بخلق الانتماء للسودان اولا و الاحتواء لكل سوداني فتصدق اغنية الراحل الامدرماني( ود الدبيبية) احمد المصطفى:
انا ابن الشمال سكنتو قلبى على ابن الجنوب ضميت ضلوعي
نازك الطيب
(ام درمانية من اهل العوض)
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: saber alhawatti)
|
فالنأخذ العبرة من امدرمان
سيف الاقرع لندن
شد ما يؤلمني ويحذ في نفسي تلك الجهوية والعصبية القبلية التي ظهرت مؤخرا في وطني الحبيب السودان وشد ما يؤلم كل مواطن مستنير ان تكون القبلية هي مدخل لقضاء الاحتياجات المدنية في الدوائر الحكومية او التعيين في وظائف الدولة ..
تلك البدعة المستحدثة في وطن كان معروف بالسماحة والحضارة والتعايش السلمي هي لعمري من ابشع انواع العنصرية القبلية في بلد تتنوع فيه الاعراق والثقافات والديانات .. هذا الوطن يسعنا كلنا بل يسع اضعاف مضاعفة مما يسكنه الان فلماذا نضيق واسع بتحقيري لاي جنس هو غير جنسي او لقبيلة دون قبيلتي لماذا اتعالى على غيري وهم شركاء في الوطن ومنهم من يعتنق نفس ديانتي او يعتقد مثلما اعتقد او حتى يختلف معي في ديني ومعتقدي .. الم يقل جل من قال ( لكم دينكم ولي دين ..)
نشأت في امدرمان وكذلك والدي ووالدتي وابائهم من مؤسسين تلك المدينة العريقة الجميلة تلك البلد المرحابة التي جمعت كل السودانين بأختلاف اجناسهم والوانهم واديانهم ومعتقداتهم .. نشأنا ووجدنا المسجد والكنيسة ووجدنا الابيض والاسود والاسمر وجدنا النوادي التي ماميزت بين جعلي وشايقي ودنقلاوي وفوراوي .. وجدنا الهلال والمريخ وتضم في صفوفها كل الوان الطيف السوداني .. وجدنا الدور الثقافية بلا تمييز في اعضائها ووجدنا الندوات الشعرية والارث الثقافي لكل ابناء السودان وسماحة التعايش وطيب المعشر والامتزاج الفكري والثقافي .. لم اتجرأ يوما ان اسأل جاري ماهي قبيلتكم او الي اي مكان تنتسبون ولم يتجرأ جاري كذلك ولا يهمني الامر كما انه لايهمه لانه نشأ ووجدني ونشأت ووجدته .. جمعتنا المحبة والعشره والانتماء بدون تعنصر .. نشأت فوجدته معي في المدرسة ومعي في الحي وفي الكوره وفي الافراح والاتراح وفي العمل وفي السوق .. والله كثيرا من جيراني لايعرفون ما هو جنسي ولا اعرف من اي القبائل هم .. لا يهمني الامر بقدر ما تهمنا الاخلاق الفاضلة والتدين والانتماء الى الفضيلة والاخلاق الحميدة .. افرذت امدرمان ذلك الشخص المثالي الذي جمع كل حضارات السودان وقبائلهم في شخص بعيد عن العنصرية والجهوية والتعصب فصارت تلك البلد هي سودان مصغر يحمل كل الثقافات ومنها انتشرت تلك الثقافات الى بقية السودان وحتى اللغة اصبحت هي امدرمانية لامتزاجها بجميع اللهجات واللغات فكان افراز تلك اللغة العامية التي نتخاطب بها اليوم وهي مزيج من كل القبائل ولكنا لا نشعر بذلك لان قالبها نقيا لايعرف القبيله ولا الجهة ولا العنصرية
يجب ان نترفع عن تلك العصبية الدخيلة ودعونا نعيش كلنا كأبناء امدرمان .. قد يقول قائل ان ابناء امدرمان عنصريون ومنهم من يقول بمناسبة او بغير مناسبة انا ( من اولاد امدرمان ) ويفتخر يذلك ولكني اقول لمن يستاء من تلك العبارة واصبح يحنق على امدرمان بسبب ذلك مع اعتراف الجميع لها بالفضل اقول لهم لا تؤاخذونا بما فعل السفهاء منا .. وانا ادعوا جميع اهل السودان من جنوبه وشماله وشرقه وغربه ان تحتذي بتلك المدينة الفاضله بسماحة التعايش السلمي فيها وان نفرذ مواطنا امدرمانيا في كل انحاء السودان ويكون انتماءنا للسودان وليس للقبيله وللفضيلة وليس للرذيله للتماسك وليش للانشقاق وللوحده وليس للانفصال .. اكتب هذا المقال وتذكرت صديق الصبا نشأ معي في الحي وتعرفنا على هذه الحياة سويا وخضنا تجاربنا الحلوة والمريرة معا ونحن اطفال ثم ونحن رجال .. والله لا اعرف ماهو جنسه الى هذه اللحظة وربما هو كذلك لايعرف جنسي .. اوليس لنا جنس ؟ بلى والله لنا انتمائنا لاكبر قبائل السودان ولكن انتماءنا الحقيقي هو للسودان وليس للقبيله وانا اجزم بأن كل ابناء امدرمان هم كذلك ومن يقرأ مقالي هذا من ابناء امدرمان سيعرف كم انا صادقا فيما اقول ..
اذن فالنحتذي بأمدرمان كمثال حي بين ايدينا ولنسفه الجهوية والقبلية والعنصرية ونقول كما قال الشاعر الراحل ابراهيم العباد رحمة الله عليه ..
جعلي ودنقلاوي وشايقي ايش فايداني
غير خلقت خلاف وخلت اخوي عاداني
خلو نبان يسري مع البعيد والداني
يكفي النيل ابونا والجنس سوداني
السوداني اخوك سوي حبو وسيلتك
سلم لي علاك تقطعبو يومك وليلتك
ساعدو وناصرو والفي ايدو برضها هيلتك
البتمسو ماساك شيلتو عدها شيلتك
رحمة الله عليك يا ايها الشاعر الفذ ابراهيم العباد وكم نحتاجك الان معنا وبيننا وكم افتقدناك وافتقدنا امثالك لرم شروخنا ودفعنا للتعايش بغير بغضاء ..
سيف الاقرع – لندن
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: سيف الاقرع)
|
بطرى الأسسوك زمان، كانو نحاف جسوم ما سمان
كانوا يحلحلو الغرمان يساهروا يتفقدوا الصرمان
في السودان فتيح معروف، ولسه ابعنجة خوره سروف
ودنوباوي زول معروف، باقي وديك مشارع ابروف
كانوا جبال تقال ومكان، نزلوا اتربعوا الأركان
خلوا البقعة كل مكان، آهلة ورازة بالسكان
ليه يا كعبة العربان، غاضبة وفيك عريسك بان
قبال نسأل الركبان، حبك من حدودك بان
حباب البقعه ..حباب مرقد سيدى الامام ..وتربيع سلام
ليها ولنيلها ولطوابيها وحواريها ولارواح جدودى التى
رحلت دفاعا عنها فى تاريخ ليس ببعيد ..
وتربيع سلام لسيدى الامام الذى اتخذها مقرا ومسكنا ..
لكن ..لتسمح لى امدرمان وليسمح لى اهلها الذين
يحبونها ويعشقونها ..لن ارتضى امدرمان بكل هذا الزخم
التاريخى الذى ارتبط به وجدانيا وروحيا وجسديا ..لن
ارتضى امدرمان بديلا ل(اربجى) التى اجبرت النيل على
الانحناء ..هذا ياسادتى يسمى حب الاوطان ..مراتع الصبا
والذكريات والمولد والنشاة ...وليبحث كل عن وطنه و
حبه الاول ..ولتظل امدرمان ومدنى وجوبا وملكال وعطبره
وشندى لتظل هذا الحواضر محل احترام وتقدير لانها صهرت
ثقافاتنا المختلفة وصبغتها بهذه الصبغة السودانية الجميلة..
هذا منى للاعتماد ...وشكرا ...
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: khaleel)
|
وفيك الباسلام في الفشقة عامل قيف
وفيك القاش الرعد الدوداي كيف
[/v/lN7xedOmTVE?fs=1&hl=en_US">hl=en_US" type="application/x-shockwave-flash" allowscriptaccess="always" allowfullscreen="true" width="480" height="385">[/IMG]
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: khaleel)
|
سلام يا البقعة مبروكة الاله والدين
كلك ادباء من عشاق وفنانين
[/v/Qrxg_KhXLJE?fs=1&hl=en_US">hl=en_US" type="application/x-shockwave-flash" allowscriptaccess="always" allowfullscreen="true" width="480" height="385">[/IMG]
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: khaleel)
|
ولم افهم لماذا هجاها شاعرها د. محمد الواثق الجموعى بهذه الصوره, ما هو السبب هل من يشرح لنا:
ديوان أمدرمان تحتضر للشاعر الدكتور محمد الواثق
القصيدة الثانية:
ودع لميس وداع الــواثق الخالي
قد كنت من أمــرها في أي بلبال
قد كان حبك أوجــاعاً أكتمها
وأزجر الدمــع لا يهمي بتهمال
ما كنــت أحسبنى أني تخلخلني
بعد التجاريب مني ذات خلــخال
غادرتني مثقلا أرعى النجوم ضني
لا أستقر مـــن البلوى على حالِ
من بعد ما كنت مثل الفجر منتشراً
أجر فوق أديــم الأرض أذيـالي
أكلما قمــت للعنقاء أنشـدها
قامـت لميس الي هجري وإذلالي
فلا رجعـــت ولا عادت مؤنثة
تثبط العزم منـــي قدر مثقال
*********
كيما أرتق لأم درمان ما اخترمت
تلك العناكب مــن جلبابها البالي
كي أسأل السحب أن تغشى أباطحها
بواكفٍ مـن عمـيم المزن هطال
حتى أقــول إذا التاريخ عاتبني
لقـد دفعت حميداً مهرها الغالي
********
لكنما أنــت يا أم درمان غانية
تمـرغت في أباطيل ٍ وأوحـال
هجنت كل جميلٍ كـنت أعشـقه
فلا أرى في جميل غير محتال
أكلما شــدت تمثالا لعفتــها
تشيد للعار صرحاً فوق تمثالي
أكلما جـد مني العـزم تقعدني
هـذى البغي بأمـراسٍ وأغلالِ
*******
فرحت أنشد في الحانوت سلوتها
أكتم الناس أقــوالي وأفعالي
فمـا هـناك يقين بت أعلمـه
سوى الزجاجة تجلو الشك بالمال
******
فإن توعدني الرحمن في طربي
وأكثر الناس في عذلي وتسآلي
ففي غدٍ أسأل الرحمـن مغفرة
لكنما اليـوم متروك لإضـلالي
أرد للـخمــر والخمار دينهما
ظـرف بظرف وإجلالاً بإجلال
*******
لكن سمعت غداة السكر ضللني
وعشعش اليوم في مهجور أطلالي
سمعت صوتاً دفينا كنت أحـذره
يقول إذ هدت الأعناب أوصـالي
بدلــت لندن بأم درمان تلزمها
بدلت زهر الربى بالسدر والضال
وكـل بيضاء ملء الدرع ناهضةٍ
بكـل عجفاء خدر البيت مكسال
*******
ياصوت دعني فما أم درمان منزلتي
لولا الأواصر مـن عمٍ ومـن خال
مالي إذا الوخـز أدماها ومـزقها
لا الجلد جلدي ولا السربال سربالي
نيرون أضرم فلا يبقــى لها أثر
وأعزف نشيدك فوق المرقب العالي
أمـا أنا إن جعلت النـار ألسنة
نيرون دعني فقد أعلنت ترحـالي
مـن كل أحمد من أوشيك منقبض
وكل هــارون لا يرضى بملوال
| |
|
|
|
|
|
|
|
|
|
Re: حسين خوجلي اهل العوض تطاردة عقدة امدرمان (Re: khalid Elkhidir)
|
رمضان كريم اخ سيف الاقرع
قد قمت بكتابه هذا الموضوع قبل شهورا مضت في سودانيزاون لاين (مقالات وتحليلات)
وقد لفت نظري لاحد الجمل التي شملها مقالك احد الاصدقاء الغيورين علي امدرمان
واعني الجمله ادناها:
| Quote: يجب ان نترفع عن تلك العصبية الدخيلة ودعونا نعيش كلنا كأبناء امدرمان .. قد يقول قائل ان ابناء امدرمان عنصريون ومنهم من يقول بمناسبة او بغير مناسبة انا ( من اولاد امدرمان ) ويفتخر يذلك ولكني اقول لمن يستاء من تلك العبارة واصبح يحنق على امدرمان بسبب ذلك مع اعتراف الجميع لها بالفضل اقول لهم لا تؤاخذونا بما فعل السفهاء منا .. |
وقد كان تعليقي لصديقي الغيور, ان الموضوع عموما جيد, ووفق كاتبه في اغلب اجزاءه
وان لم اجد اي تفسير في وصفك لمن يعتز بامدرمانيته بالسفه!
وكل ما فعلت مع محاوري و صديقي الامدرماني الغيور بان هذه الجمله
ربما فلتت من الكاتب وبسبب مشغوليات الحياه لم يجد وقت كافي للاسهاب وتبيان افغال هولاء السفهاء
لان الفعل الذي اوردته هو فقط افتخار احدنا بمسقط راسه او مدينته وهذا فعل لا يوجب سفه قائله
الا اذا صاحب فعل الفخر افعال اخري قبيحه قد تندرج تحت طائله السفه
وعندها وجب عليك وكل غيور ان التصدي لتلك القله
وباعادتك الموضوع هنا بعد عده شهور وهو يحتوي نفس الجمله
لزم علي تنبيهك, لازاله هذا اللبث, او الاستفاضه, ولزوم الابانه
ولك شكري الجزيل
| |
|
|
|
|
|
|
| |
محمد الامين محمد
cantona_1
saber alhawatti
محمد زكريا
talha alsayed
الصادق اسماعيل
معاوية الأرباب
Emad Mohamed
نادر النور آدم
Adam Mousa
Marouf Sanad
munswor almophtah
محمد أبوالعزائم أبوالريش
khaleel
عوض الصديق
abubakr
محمد عبدالرحمن
Nazik Eltayeb
سيف الاقرع
khalid Elkhidir
فيس بوك
تويتر
انستقرام
يوتيوب
بنتيريست