|
الفاتح النقر اجاد اعطاء الهلال تمرين مباراة في الشوط الاول وفتح ليهم في الشوط التاني
|
مؤامرة ذكية تمت بين ادارة الهلال ومدرب الخرطوم ( لاعب الهلال السابق) الفاتح النقر , حينما وقف للهلال صلدا في الشوط الاول وخطف منه هدفا سريعا , وعاد في الشوط الثاني ليهدى الهلال النتيجة ( حسب الاتفاق المسبق) لتكون المباراة خير اعداد للهلال في مواجهاته الافريقية القادمة امام الفريق الليبي حينما اختبر دفاع الهلال مبكرا بهدف سريع في بداية الشوط الاول واختبر هجوم الهلال ايضا حينما عجز عن التسجيل حتي اوان تنفيز الاتفاق في الشوط الثاني
الحمد لله الواحد المرة دي ما استعجل ورسل الرسائل الشامتة للرشاشات , والذين لم يعفونا بالمقابل من بذاءتهم حينما استغل فريقهم الابواب المشرعة التي اهداها لهم فريق الخرطوم حسب اتفاقهم
|
|
|
|
|
|
|
|
Re: الفاتح النقر اجاد اعطاء الهلال تمرين مباراة في الشوط الاول وفتح ليهم في الشوط التاني (Re: Yasir Mansour Idris)
|
سماني ياحبيب
اتفضل وهاك كلام النقر
بعد نهائة المباراة
Quote: عزا كابتن الفاتح النقر مدرب فريق الخرطوم خسارة فريقه بخماسية مقابل هدف من الهلال رغم تقدمهم في الشوط الاول الي ضعف خبرة لاعبيه الذين فشلوا في المحافظة علي تقدمهم مؤكدا ان الاخطاء المتواصلة في المباراة ساعدت الهلال علي حسم اللقاء بخمسة
اهداف واستحق الهلال الانتصار لانه كان اكثر جدية.
وقال النقر اخاف علي الهلال من عامل الارهاق من اللعب المتواصل داخليا وخارجيا وقال يتوقع ان يلعب الاتحاد الليبي بنفس اداء الخرطوم الذي لعب به الشوط الثاني وتابع النقر قائلا الهلال صاحب اداءه تحسن كبير واصبح ايقاعه سريعا ونصح المدرب باراحة اللاعبين والتهيئة النفسية الكاملة للقاء المهم.
النقر يتحدث مع فييرا وميشو عقب المباراة
حرص الفاتح النقر المدير الفني لفريق الخرطوم علي الحديث مع نجم وسط الهلال علاء الدين يوسف الذي تم طرده في الشوط الثاني للقاء والصربي ميشو المدير الفني للهلال في جوانب فنية دقيقة وطالب علاء الدين بالهدوء وعدم الاندفاع في مباراة الاتحاد الليبي مؤكدا ان الهلال يملك وسائل الانتصار فيها ووافقه ميشو الراي في الاخطاء التي صاحبت المباراة ووعد بمعالجتها رغم الانتصار العريض. |
ونترك التعليق لمن يهمهم الامر
| |
|
|
|
|
|
|
Re: الفاتح النقر اجاد اعطاء الهلال تمرين مباراة في الشوط الاول وفتح ليهم في الشوط التاني (Re: haroon diyab)
|
هارون وشلة المريخاب هنا كابتن النقر يتحدث بصفته مدرب فريق الخرطوم ثلاثة
Quote: عزا كابتن الفاتح النقر مدرب فريق الخرطوم خسارة فريقه بخماسية مقابل هدف من الهلال رغم تقدمهم في الشوط الاول الي ضعف خبرة لاعبيه الذين فشلوا في المحافظة علي تقدمهم مؤكدا ان الاخطاء المتواصلة في المباراة ساعدت الهلال علي حسم اللقاء بخمسة |
وهنا الكابتن الفاتح النقر لاعب الهلال السابق فتدريب كابتن النقر لفريق الخرطوم ثلاثة لا ينفي كونه لاعب سابق في فريق الهلال وبالتالي تشجيع الهلال في مباراته مع فريق الاتحاد الليبي ومن هنا كان تصريحه التالي
Quote: النقر يتحدث مع فييرا وميشو عقب المباراة حرص الفاتح النقر المدير الفني لفريق الخرطوم علي الحديث مع نجم وسط الهلال علاء الدين يوسف الذي تم طرده في الشوط الثاني للقاء والصربي ميشو المدير الفني للهلال في جوانب فنية دقيقة وطالب علاء الدين بالهدوء وعدم الاندفاع في مباراة الاتحاد الليبي مؤكدا ان الهلال يملك وسائل الانتصار فيها ووافقه ميشو الراي في الاخطاء التي صاحبت المباراة ووعد بمعالجتها رغم الانتصار العريض. |
| |
|
|
|
|
|
|
Re: الفاتح النقر اجاد اعطاء الهلال تمرين مباراة في الشوط الاول وفتح ليهم في الشوط التاني (Re: haroon diyab)
|
الفاتح النقر تجده فى الفضائيات والاذاعه يحلل فى مباريات المريخ والهلال وينتقد فى مدربيهم الاجانب وكانه فيرجسون. وجاء بالامس وسقط فى شوط المدربين امام مدرب الهلال الاجنبي الذى ينتقده النقر من طينة المدربين السودانيين الذين لايجيدون غير الفصاحة وانتقاد الاخرين والاعتقاد بانهم من علماء التدريب . النقر لايملك فكر تدريبى يمكن ان يفوز به على الهلال ،وبالتأكيد انه اكثر سعاده من مدرب الهلال بالنتيجه . النقر دائما يجتهد فى تعطيل المريخ والتبخيس من فوزه على فريقه مهما كانت النتيجه ولا يفعل ذلك مع الهلال
| |
|
|
|
|
|
|
Re: الفاتح النقر اجاد اعطاء الهلال تمرين مباراة في الشوط الاول وفتح ليهم في الشوط التاني (Re: محمد عبد الماجد الصايم)
|
Quote: ياخي الزول ده إسمو "الفاتح" |
الموسم الفات الخرطوم دا زاتو فتح للهلال .. يا حمزاوي .. عليك الله كلم الجماعة ديل المرة الفاتت ناس الخرطوم ديل فتحو كيف .. كانت سبعة مش كدا ..؟ والله ناس الخرطوم ديل فتاحين خلاص ..
يا اساي .. أمبارح نمته كيف بعدما قلت لي ما ترسل لي تاني .. ياخ مية مرة قلت ليك كان الكورة ما انتهت ما ترسل لينا .. لانو نحن شبكة كبيرة جدا من الفتاحين .. يعني ترسل لي ود الصايم بيفتح ليك .. ترسل لي نوبي بيفتح ليك .. ترسل لي ود البشرى بيفتح ليك ..
ياخ أقوليك حاجة ..؟ حسع نحن زاتو ح نفتح ليكم في الكورة الجاية بتاعتكم معانا ..
ملحوظة: اووعك تكلم بكري يشيل البوست دا زي اخوانو ..
ملحوظة أخرى : ظووووووووووووط
| |
|
|
|
|
|
|
Re: الفاتح النقر اجاد اعطاء الهلال تمرين مباراة في الشوط الاول وفتح ليهم في الشوط التاني (Re: محمد عبد الماجد الصايم)
|
كالعادة الواحد بيشك في روحو ما بيعرف كورة لما يجي البورد ده .. بس والله الكورة اللعبا الهلال في الشوط الأول أجمل وأحلى بي كتييير من كورة الهلال في الشوط الثاني .. الفرصة اللي أهدرها الهلال (ليس بسبب تألق الحارس ) بل لرعونة التنفيذ من المهاجمين كانت كفيلة بي إنو الهلال الشوط الأول يفوز خمسة .. الخرطوم في الشوط الأول وصلت مرة وسجلت وتاني ما شافت الكورة .. لو في بيع تم فهو في الشوط الأول ما التاني لأنو الخرطوم في الأول كانت سيئة عدا أنها سجلت قون تاني ما لعبت كورة عشان ما تقولا قدمت تجربة .. لو في حاجة اتعملت فباقي لي إنو ميشو فقط وفقط قال لي المهاجمين عليييكم الله ركزو بس القون لكن العبو كورتكم حقت الشوط الأول زاااتا..
| |
|
|
|
|
|
|
Re: الفاتح النقر اجاد اعطاء الهلال تمرين مباراة في الشوط الاول وفتح ليهم في الشوط التاني (Re: tmbis)
|
معروف عن الفاتح النقر أنه يدخل أية مباراة للهلال والمريخ ليخرج متعادلا ولا يغامر أبدا بالهجوم امام الفريقين ، لكنه في ذات الوقت ينسي حاجة إسمها اللياقة البدنية التى دائما ما تخذل فريقه مع مضي الوقت ، تماما كما حدث في مباراته امام الهلال اول من امس . بذل لاعبو تلاتة جهودا جبارة في شوط اللعب الاول لمنع الهلال من الوصول للشباك ما إستنفذ معظم طاقتهم ، قبل ان ينهاروا تحت الضغوط التى مارسها الهلاليون في الشوط الثاني ، لتهتز شباكهم مثني وثلاث .. الخ .. كان اجدر بالنقر أن يتحدث مع لاعبيه بخصوص توزيع طاقاتهم البدنية على زمن المباراة ، ليس ليخرج متعادلا أو فائزا لكن ليتجنب الهزيمة الساحقة ويخرج فريقه من المباراة بشكل يجبر الجمهور على إحترامه رغم الخسارة .
| |
|
|
|
|
|
|
|