يا جماعة العايز يرجع يزرع اليرجع ما تدوشونا ساكت ..

Quote: اولا: السيد عصام دهب لو انت ما صاحب وجعة انت ما سوداني؟؟؟ انت بتقول السودان فيه 200 مليون فدان صالحة للزراعة معظمها غير مستغلة هل في داعي يعطوا المصريين مليون فدان من ارض يعيش عليها قرابة الستة ملايين انسان وهي مستغلة ويشكوا اهلها منذ سنوات من الاهمال و التدمير المنتظم للمشروع و الامر دا موثق ومكتوب ومعترف به حتى في اضابير وزارة الزراعة الحالية لو الاتفاق دا ما فيه اي عيب قانوني ....اختيار المكان عيب لانوا نحن مامتنا لسا متمسكين بارضنا رغم انو تمت محاربتنا في ارزاقنا ليل نهار و قاعدين و ما خايفين من زول ولسه عايشين بكرامتنا لا شحدنا لا مسحنا جوخ ولا لعقنا الاحذية تقربا لمن هم في السلطة نحن موجودون ولو كره من كره وقلوبنا حية وضمائرنا ثانيا: نحن بندوش فيك ماقاصدين عصام دهب قاصدين ناس تانيين عشان ننبه الغافلين وعشان كمان نقول نحن ما عاجبنا الحال ودا اسمو التعبير عن الراي ثالثاً: نحن بندوش بقروشنا. اجهزة الحاسوب حقتنا اشتريناها بقروشنا والكهرباء و الانترنت نحن الدافعين ثمنا و بنقطع من زمنا و زمن اسرنا كلها دي حقتنا ما حق زول وما جيناك في بيتكم شحدناكم كمبيوتر ولا انترنت ولا كهرباء ... انزعجت غير القناة اقصد الموقع رابعاً بعدين اول مرة اعرف انو الموقع دا اسمو عصام دهب اونلاين ياخي انت زول تحفة عشان كدا ممكن لوسمحت تدينا لسته بالمواضيع العايزنا نفتحا و تلك الماعايزنا نقرب منها (البتدوشك يعني) و كمان حدد لينا معاك عدد المرات المسموح بيها لتواتر ورود هذه المواضيع في البوست خامساً: لو مافهت حاجة في الموضوع الداوشنك بيه زي ما بتقول امشي افهمو يعني اقرأ (مراجع-دوريات –صحف_مجلات علمية في مجال القانون ) بالشكل البتراه مناسب وتعال ناقش الناس وقول ليهم الاتفاق دا كيت وكيت وانتم مخطئون في النقطة دي و النقطة دي عندها نقبل رايك وقد نقتنع به (وقد لا) انت وشطارتك وال homework القمت بيهو دا كلوا بدخلك في دوامة حاجة كده اظنها غريبة عليك اسمها حرية الراي شرطها واحد بس وواضح وهو احترام المخالفين حتى ولو لم تقتنع به بس لمن يحترموا انفسهم وينتقو الفاظهم كفاك ولا ازيدك