|
|
 عفة وكرامة وشهامة سودانية ( الإفطار في ساحات المسجد النبوي الشريف ) ...
|
حقا ... ديل اهلي
محل قبلتا تلاقهم ...
مدهش هذا الكرم السوداني احبه منذ صغري وانا اتبع والدي
وهو يحمل ما يجود به بيته البسيط من طعام خارجا الي الشارع
يشارك اهل ذلك الحي الفقير الافطار علي قارعة الطريق ليفطر معنا
كل عابر لذلك الطريق ...
هكذا يفعل اهلي المقيمين بالمدينة المنورة الكل يحمل ما يجود به
بيته الى ساحات ذلك المسجد الشريف في كل ركن من اركانه تجدهم يفترشون
الارض يبسطون طعامهم الجميل للجميع لكل المعتمرين والزوار تجد الباكستاني
يتلذذ بطعم العصيدة وبشراب الحلو مر ... وهم واقفون يوزعون طعامهم كانهم
في بيتوهم وهم اخر من يلجس للطعام يا سلام ... صورة تسحرني كل يوم ...
كما انني لم اشهد منهم واحد يجمع بقايا الطعام في اكياس عائدا بها الى بيته
وهذا ما تفعله جاليات اخرى تجمع الطعام من امام الصائمين ..
كما لن تجدهم يتخاتفون طعام غيرهم او صدقاتهم ...
مشهد ... حاجة سودانية ... قالت يا اولادي ما بلقى عندكم قهوة ..
في لمح البصر كانت حولها اكثر من عشرة ايادي تمد لها القهوة
هكذا هم برغم الحال الصعب ...
احبهم
|
|
 
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: معتصم ود الجمام)
|
Quote: مدهش هذا الكرم السوداني احبه منذ صغري وانا اتبع والدي
وهو يحمل ما يجود به بيته البسيط من طعام خارجا الي الشارع
يشارك اهل ذلك الحي الفقير الافطار علي قارعة الطريق ليفطر معنا
كل عابر لذلك الطريق .. |
الأخ / معتصم ود الجمام
رمضان كريم وكل عام وأنت بخير
كثيرا ما نصاب بالاحباط ... حينما نقرأ عن الكثير من التغيرات التي طالت مجتمعاتنا ... بسبب تتالي المآسي والصعاب والأحزان عليه ... والأوضاع الاقتصادية الصعبة ولا يمر يوم وإلا تسمع من هنا وهنالك ... داخل الوطن أو خارجه الكثير المشين ... الذي لا يشرف ... ولقد ساهم هذا الموقع عبر منبره الحر بنقل الكثير المشين ... ولكن سرعان ما تلقي بك الصدف بإناس في ديار الغربة ليسوا من بني جلدتنا يتحدثون لك عن المواقف ... التي تشرفنا ... وتنبع كلمات ... بصدق مغلف بحسن ظن عميق و انطباع لا يتزحزح عبر سرد وكلمات منمقة بالمشاعر الصادقة الدافئة وهم يسردون لك الكثير من المواقف ... بأبهى منظر وأـحسن حال ... ولقد حدث معي اليوم موقفان ... أحدهما ... يمني زار السودان وتحدث بأهزوجة تحمل أسى المعاني ... والثاني هو موضوعك هذا ...
أهلنا من السودان ... وأخص أولئك المنتشرون في المنافي بما يسمى الاغتراب ... أولئك اللذين خرجوا في زمن ... حملوا معهم السودان القديم بكل معانيه ... ودوما أجد فيهم الخلاص ... وأسميهم "السودان القديم" ... رمز العفة والكرامة والشهامة .... على قدرهم تأتي العزائم ... بشاشة وصفاء قلب والتزام وسلوك قويم وكرم وعفة ...
سمعت من أخوة عرب كثيرا عن إفطار السودانيون في ساحات المسجد النبوي الشريف ... قلمَّا تجد من أمثالهم ... وندر أن ترى مثلهم ... اللهم كن لهم معينا وتقبل أعمالهم ...
هم مصدر فخرنا ...
مع أطيب تحية يا معتصم
والسلام ..،،،،
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: عمران حسن صالح)
|
Quote:
حقا ... ديل اهلي
محل قبلتا تلاقهم ...
مدهش هذا الكرم السوداني احبه منذ صغري وانا اتبع والدي
وهو يحمل ما يجود به بيته البسيط من طعام خارجا الي الشارع
يشارك اهل ذلك الحي الفقير الافطار علي قارعة الطريق ليفطر معنا
كل عابر لذلك الطريق ...
هكذا يفعل اهلي المقيمين بالمدينة المنورة الكل يحمل ما يجود به
بيته الى ساحات ذلك المسجد الشريف في كل ركن من اركانه تجدهم يفترشون
الارض يبسطون طعامهم الجميل للجميع لكل المعتمرين والزوار تجد الباكستاني
يتلذذ بطعم العصيدة وبشراب الحلو مر ... وهم واقفون يوزعون طعامهم كانهم
في بيتوهم وهم اخر من يلجس للطعام يا سلام ... صورة تسحرني كل يوم ...
كما انني لم اشهد منهم واحد يجمع بقايا الطعام في اكياس عائدا بها الى بيته
وهذا ما تفعله جاليات اخرى تجمع الطعام من امام الصائمين ..
كما لن تجدهم يتخاتفون طعام غيرهم او صدقاتهم ...
مشهد ... حاجة سودانية ... قالت يا اولادي ما بلقى عندكم قهوة ..
في لمح البصر كانت حولها اكثر من عشرة ايادي تمد لها القهوة
هكذا هم برغم الحال الصعب ...
احبهم
|
هي حبابك ات وحباب اهلك وحباب جوارك وحباب قبر المصطفى وحباب اهل البقيع بقيع عثمان
يا سامعيــن دعاي حال ضجوا بالتأمين
لعـلي عــن قـريـب الثـم ثرى الــحرمين
واطفــي نار حشــاي وامكث هناك عامـين
والعـام بي عــشر اعــوام بعد عامــين
تـــحيــد الـمــكاره عنــي والهـمــين
وابــــــــــلغ مقــــصــدي
ونــــهاية الكرمـــيــــن
..
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: معتصم ود الجمام)
|
شكراً معتصم ودالجمام:
في الواقع ظل السودانيون المقيمون في المدينة المنورة منارة وافضل سفراء الثقافة السودانية والتي تتجلى بصدق في ايام رمضان...يتخيرون اماكن طرفيه في الحرم حتي
يتسني لهم ترصد المحتاج، رأيناهم يتعلقون بالمرء حتي يستجيب لضيافتهم..يقدمون الاكل لسوداني
والله رأيت المغربي والمصري بل والباكستاني المداوم علي المائدة السودانية بابريها وعصيدتها وقهوتها
ماأحلي الاسيوي عندما ينطق العصيدة قائلاً(آسيدة مرة هلو) هكذا هم يخلطون السوداني بالخليجي وبعض
عربي اسيا الفارسي . والمصري عندما يقول الآبري تحسبه (القابري ) بحكم نطقهم للقاف الفاً .
علق احدهم علي لابري قائلاً والله اجمل والذ من الببسي لماذا تشربونه في رمضان فقط؟
شكراً معتصم
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: الامين موسى البشاري)
|
شكرا لاهل الكرم اهلى فى المدينة المنورة
اشهد انى كنت ممن استضافتهم مائدة اهلى السودانيين
الخميس الماضى فى ساحة المسجد النبوى
وحقيقة كانت مائدة عامرة بالعصائد والقراصة
والفول على الطريقة السودانية والكركدى وفعلا كما ذكر
معتصم اهل المائدة اخر من جلس للطعام وكانوا فى غاية
الادب والذوق فى تلبية طلبات احد المصريين الذى كان يطلب
بسماجة ######ف كانه دافع حاجة من جيبه
الا اننى اقترح لو اقتصرت وجبتهم على التمر والروب والطعمية
مثلا مع السمبوسة وعصير الكركدى والخبز السودانى وهذا لان اكل
العصائد والقراريص يتطلب قعاد بمهلة لا تتيحها لحظات الافطار
قبل اقامة الصلاة فى الحرم وكمان تتطلب غسل للايادى من اللايوق
ويصعب الحصول على مكان وماء للغسيل فى ذلك الوقت
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: الامين موسى البشاري)
|
اخي ود الجمام حبابك ورمضانك كريم يا اصيل
رمضان القبل الفات كنت ووالدتي الله يديها الصحة والعافية في عمرة رمضان وزيارة المدينة المنورة
كان مسكننا قريب جدا من الحرم لنتمكن من اداء صلواتنا بارتياح
كان ابن خالتي يأتي يوميا لنا نتناول وجبتنا ونجلس في باحة الحرم
وفي يوم مازحته يا عمر ما بتعرف تعمل عصيدة وحكى لي موقف هز اني ووالدتي جدا
قال لي يا سوما شايفة العمم الكتيرة دي وكانت ما بعيدة مننا ووقت صلاة عصر
قلت ليه ايوة
قال لي شايفة الراجل السوداني ده وقبل عدة سنوات
برسل السودان يجهزوا ليه البصل واللحم ( الشرموط)
ويشحنوا ليه كميات من الدقيق
وكل يوم من اول الشهر بعمل ملاح بالقيزان الكبار
وعصيدة (ونشا )والنشاء للذين لا يعرفونها هي مديدة بالعجين المر
لا خفيفة لا تقيلة
يضاف ليها السكر والهبهان
تشرب سخنة وباردة
وقسما بالله كانت عندي نزلة
ود خالتي بمر عليه يومين بملآ سيرمس كبير نشاء سخنة
و لله ا خففت علي كتير وكل مره ندعو ليه امي وانا بالخير
والطريف فى الموضوع انه بنقدم للناس الحوالينا من النشاء وبنعزمهم
ومرة سالتنا واحدة شامية ده شنو؟ نط ود خالتي قال ليها ده عصير ذرة لووول
ومن يومها بقينا نقول لكل المارة اتفضلوا معانا عصير ذرة سخن
واصر انه يرسل لينا عصيدة كل يوم
يعني مشهد لو ما الزول شافه بنفسه ما بصدق
شفت الحلل الكبار البجي جاريهم بي عربية احجام الحلل دي والله ما شفتها في حياتي
الحلة بجي شايلها في بوكسي
من هنا اسأل الله له الاجر العظيم قدر عمله الجليل
والادهشني في الموضوع انه الراجل كانت بتساعده زوجتة دائما
وصادف هذا الرمضان انها سافرت اهلها لوضوع
لكن هو لم يتوقف بل واصل مشواره الخيري رغم صعوبة العمل ليه وحده
ده غير كمية السودانيات والسودانيين البلاقيهم كل يوم شايلين عصير الكركدي والقهوة والشاي ويحلفوا في المارة اتفضل اتفضل
ومعظم الاسر بتجيب اكلها وبتحلف تفطر معاها الناس الجاية زيارة للعمرة
شكرا اخي معتصم ود الجمام وان شاء الله كلو في ميزان حسناتهم
وليك اجر هذا البوست الجميل
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: اسماء الجنيد)
|
شكرا لك الذين عطروا هذا البوست بكلماتهم الطيبة
ابراهيم النعمة ( عنكبة )
تحايا وود يا زول خلينا نشوفك
معاوية عبيد
كيف حالك جيب العيال وتعال يوم افطر معانا في المدينة
العزيز عبد المنعم
وشكرا ليك كتير مرحب بيك
ود البشاري ..
شكرا ليك كتير وتناي كان جيت البلد الطيبة دي ادينا طلة
موضوع الصور يا الحبيب كان قدرتا بعملا ...
ود المحرب
رمضان كريم ومرحب بيك في بلد الرسول
راجع المسنجر ستجد رقم جوالي كامل الود
احمد التيجاني ...
لو عارفنك جاي كان فتحنا البوست زمان
كان قابلناك بعصايدنا وقراصتنا والاكل السوداني
هو الطعام المميز في ساحات الحرم .. شكرا ليك كتير
بت الجنيد ... شكرا ليك كتير علي كلامك الجميل عن جالية واهلنا
الطيبين في المدينة المنورة تاني لو وجيتي زائرة ادينا
خبر وتصومي وتفطري علي خير
لكم جميعا عامر الود
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: saif massad ali)
|
ازييك يا معتصم ورمضان كريم
تعرف داخل الحرم في اكتر من ( سفرة ) سودانية تقدم ( الزبادي والدقة ) مع العيش المسمسم لتحليل افطار زوار الحرم المدني والمعتمرين وكنت مداوم من 1999 وحتى 2006 عليهن قبل ما ربنا يسخطني ... اقدمهن سفرة (ابو علي - لا اذكر اسمه ولكني دّرست ابنه علي في ثانوية علي بن ابي طالب) وهو اصلا من سنار ولكن امضى معظم عمره في المدينة وافتكر انو من السمانية ... واما اشهرهن فنجد سفر المحبوب وهن اكثر من واحدة وهو راجل برهاني ضكرااااااان اول حجة لي كانت معاهو ومع اسرتو ..... عليك الله لو فطرت مع المحبوب ( ربنا يذكرو بالخير قول ليهو استاذ اسامة - صاحب محمد امين النصري - بسلم عليك وبقول ليك ادعو ليهو - الزول ده دعوتي كاربة وما فيها اي رياء ) وما تنسانا انت برضك من الدعاء ( بعد ما تصلي ركعتين في الروضة )... والله ايامنا الكنا هناك ديك كان اي زول بطلب مننا الدعاء نمشي المقام وندعو ليهو ....
برضو والله امانة في ذمتك كان ما مشيت مطعم البيك واكلت لي واحد ( مسحب حراق ) ....
تورت نفسي ياخ ....
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: Osama Mohammed)
|
سيف مساعد ... رمضان كريم
خلينا نقول الله يخلصنا من ظالمنا
اسامة محمد ... رمضان كريم
تحدثت انت عن سفر الحرم الداخلية حيث الشريك والزبادي والربط
نحنا ناس فسحات ساكت يا اخوي ما بنقدر علي الذبادي والرطب لابد
من العصيدة والقراصة والمدايد والله الليلة في واحد جاب عصيدة بملاح لوبا
والله انا لي اكتر من عشرين سنة ما شفتا ملاح لوبا الليلة اكلتها عديل
وتسلم وين اراضيك انت هسه سبت البلد دي ... كامل الود
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: معتصم ود الجمام)
|
من القصص المدهشة
صديقنا محمد حسين علي ناصر ( روبش ) سوداني الجنسية يمني الاصل ولد وتربا بالقضارف
الزول ده عندو حلة ملاح تقلية وطن من القراصة 5 بوصة انا ما بفطر الا بيها هي بس
وكرمو سوداني اصيل تشوفوا يوزع في صحون القراصة للناس كانو في مسيد في ارياف السودان
ويا هو ده السودان ...
ويوم شكرك ما يجي يا روبش والله يديك الصحة والعافية
والتحية لكل شباب القضارف واحي اخي وصديقي خالد القاسم الجاك
لمانا المسرح من زمان وهسه لمتنا المدينة المنورة
تسلموا
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: معتصم ود الجمام)
|
معتصم سلامات ورمضان كريم
شهد ود المحرب وقال:
Quote: الاخ معتصم ديل مداومين على الامر سنين عددا واعرف منهم ناس كثر
نسال الله ان يجعلها فى موازين حسناتهم
|
وأنا أشهد بمثل ما قال به وما شهدته منهم فى 2005 ، صحيح أنه لم يكن منظماً كما أوضحته الآن وربنا يتقبل من الجميع فهم سفراء
الوطن الحقيقيون ... حفظ الله الجميع فى غربتهم وفى حلهم وترحالهم وربنا يُمنِّى الجميع بزيارة المصطفى عليه السلام ونعشم أن نكون منهم.
شكراً على هذا البوست لمن أثلجوا صدورنا وعكسوا وجهنا الحقيقى.
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: معتصم ود الجمام)
|
| Quote: أعرف أحدهم وهو العم حمزة |
بس اهو ده ابو علي عمك حمزة .... اذكر انه عرض علي ابان زيارة الوالدة (2003) - عمرة وحجة واقامتها في المدينة حتى بداية ذو الحجة ، عرض على ان يستضيف الوالدة في منزلهم( لأنني تم نقلي لمدرسة في قرية بعيدة عن المدينة ) وعرض لنا بدون مقابل ورغم انه قال انه كجزء من رد الجميل لأنني درست ابنه علي الا ان الوالدة اصرت اصرار غريب ( بتاعة عادل امام ديك - اصر يصر الحاحاً) ان تسكن جوار جبل احد ورغم هذا كان يحضر لزيارتنا في نهاية الاسبوع رجل غريب جدا ( غريب الكويسة ) .
Quote: اسامة محمد ... رمضان كريم
وتسلم وين اراضيك انت هسه سبت البلد دي ... كامل الود |
انا سبت البلد الجميلة دي ومشيت (اتكاملت ام العيال ) في بلد الضباب وتحديدا جنوب انجلترا على الساحل ... لكن حتى الامس كنت اتحادث مع معملين سعودين زملاء كنت اعمل معهم في قرى المدينة وحتى الآن لم واعتقد لن تنقطع الصلات معمهم ولو ربنا هون اول ما نلقا قروش بنجيكم بس ما معروف متين ؟؟
بالمناسبة الوالدة تقريبا يوم 18 رمضان حا تجيكم من الشرقية للزيارة.
الله ياخ..... شفت في صورة من صورك سور البقيع تقريبا ( لا تدري كم هيجني ذلك المنظر ) تقريبا الصورة الاخيرة الفي خارج الحرم .
ان شاء الله تكون ادعيت لينا ؟؟؟؟
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: معتصم ود الجمام)
|
الله يبارك فيك يا معتصم ..ان شاء الله نتقابل في فرصة اوسع وكل الاخوان
ففترة الافطار بسيطة جدا وبعدين بعد الصلاة تعال جمب السور من الداخل
ستجد اخونا المهندس فيصل النعيمة وباقي الشباب حيث انه بداخل الحرم
ايضا هناك موائد الا ان نظامها على دفعتين ،نسال الله ان يبارك للجميع
وان تتواصل هذه السنة الحميدة التي تبرز عظمة الشعب السوداني بكل
توجهاته.
دا طبعا عضو المنبر الاخ المهندس فيصل النعيمة (اليمين)وبجواره
الارباب محمد الصادق
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: أبوبكر عبد القادر العاقب)
|
رمضان كريم وكل عام وأنتم بخير .. تصوموا وتفطروا على خير ..
يا هو دا السودان .. ويا هو ديل أهلنا السودانيين .. ودي طبيعتهم .. لهم منا كل التقدير والعرفنا لجميع الأحباب والأخوان ..
سلامي وتحياتي لجميع الأحباب والأخوان .. ولك يا أخي معتصم كل التحية والتقدير حقاً التقينا عدة مرات .. وجلسنا مع بعض عدة مرات ..
أنقل لكم ما كتبه الأستاذ نور الدين مدني في عموده كلام الناس بجريدة السوداني عند زيارته المدينة المنورة عام 2006م
جريدة السوداني العدد رقم: 355 2006-11-03
كلام الناس
مشاهد حية للمحبة الخالصة
نور الدين مدني
كُتب في: 2006-11-03
[email protected]
* اتاحت لنا الاقامة القريبة من الحرم المكي وفي المسجد النبوي الشريف الفرصة لاداء الصلوات في العشر الاواخر من رمضان المعظم فيهما، وكنا نحرص ايضا على الافطار وصلاة المغرب في المسجد او في الباحات المحيطة الواسعة واحيانا امام فندق اجياد الذي نزلنا فيه بمكة.
* والي جانب المشاهد المعتادة التي غمرنا بها المعتمرون واهل البلاد، خاصة عند اذان المغرب لمسنا مشاهد اخرى لا تقل روعة من حيث النظام وحركة المرور والنظافة العامة وتأمين سلامة المعتمرين وتسهيل مهامهم وهم يؤدون شعائر العمرة الامر الذي جعل خادم الحرمين الشريفين الملك عبد الله بن عبدالعزيز آل سعود يوجه بتقديم التهنئة للامير نايف بن عبدالعزيز وزير الداخلية ولرجال الامن وعموم منسوبي وزارة الداخلية على ما تحقق من نجاح لموسم العمرة خلال شهر رمضان المبارك.
* ومن المشاهد التي تستحق التسجيل هنا هذا المجهود المبذول بشكل محسوس في النظافة بحيث لاتكاد تجد اي اثر من مخلفات الطعام والفوارغ التي يستعملها المصلون خاصة وقت الافطار ويقدر حجم النفايات باكثر من مائة طن يوميا وهناك مغسلة لغسل وتنظيف السجاد بواسطة ماكينة خاصة بقوة تكفي لغسل وتنظيف 70 مترا مربعا في الساعة.
*ولاننسى هنا ايضا اخواننا من السودانيين المقيمين حيثما حللنا دون ذكر اسماء وان كنا لا بد ذاكرين فلنذكر البروفيسور عزالدين عمر موسي الذي كان واسطة العقد بيننا وبين الامير احمد بن عبد العزيز نائب وزير الداخلية الذين احاطونا بكرم يشبههم ويدل على أصالة معدنهم.
* لقد تبارى الختمية والانصار في اكرامنا، وفي مقدمتهم مولانا السيد محمد عثمان الميرغني راعي الختمية واحبابنا الانصار والذين اكرمونا وزادوا في الفضل علينا وبعد اللقاء التنويري الذي اقامه السيد محمد عثمان الميرغني في المدينة حملنا معنا الي فندق القصر الاخضر (فتة) الختمية كما اكلنا العصيدة بالملاح خارج صحن المسجد النبوي مع احبابنا الانصار.
* ومن المشاهد التي لابد من ذكرها هنا ايضا المجموعات السودانية التي تمثل مختلف مكونات الامة السودانية بتجمعاتها المعروفة عقب صلاة المغرب على موائد افطار جماعية وهم وأهل الدار يتنافسون على ضيوف الرحمن.
* ومن المشاهد التي مازالت عالقة بذهني ووجداني هذا التكالب الذي تحسه منذ ان تطأ قدماك هذه الارض الطاهرة، وانت في طريقك لصلاة المغرب والافطار لكي يأخذوك معهم إلى جماعتهم، وقد تعلق بيدي وأنا بالمسجد النبوي الشريف للحاق بمجموعة سودانية كانت قد وجهت لي الدعوة للافطار معها، فتى صغير السن رفض ان يتركني قبل ان اذهب معه لتناول افطار رمضان مع أهله فلم أملك إلا أن اشكره واعتذر له.
*وفي مستشفى اجياد العام بالعاصمة المقدسة شهدت كيف ان جموع المعتمرين من كل حدب وصوب يجدون الرعاية الطبية والعلاج المجاني طوال ساعات النهار والليل بلا ملل ولاكلل ولاينتظرون من احد جزاءً ولا شكورا.
* فلابد من تحية مستحقة لكل هؤلاء الذين نعرفهم والذين لايعرفوننا ولكن المحبة الخالصة كانت الرباط المقدس الذي جمعنا والذي نأمل ان يجمعنا في مقبل ايامنا في الدنيا والآخرة.
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: osman abdala)
|
العزيز ابوبكر عبد القادر العاقب
تحايا وود
اتمنى انو الواحد فعلا يقدر يعكس جمال وطيبة شعب السودان
شكرا علي المرور
فيصل النعيمة رمضان كريم ومرحب بيك يا حبيب في البوست
وشكرا علي المساهمة الطيبة ... ونتلاقه في الحرم اليوم
شكرا ليك
بكري عباس علي
رمضان كريم وشكرا ليك كتير
عليش يا صديق تحايا والشوق حاصل يا فردة
امنياتي ليك بالصحة والعافية وكيف عامل في البلاد الباردة
دي والروماتيزم الزمان كان متعبك اتمناك بقيت طيب منو ؟
ويوصل سلامك لحابيبنا اولاد القضارف خالد وروبش
كون بخير ورمضان كريم
العزيز عثمان
رمضان كريم وتصوم وتفطر علي خير
اوعدك انو اسأل من ود عمك برغم انو السفر الفي الحرم حقت السودانين
لو عاوز تلف عليهم وتسال رمضان واحد ما بكفيك من كترة السفر السودانية
في الحرم اتمنى انو القاهو ... شاكر ليك مرورك يا عزيزي
| |
|
|
|
|
|
|
|
|
|
Re: عفة وكرامة وشهامة سودانية ( الإفطار في ساحات المسجد النبوي الشريف ) ... (Re: معتصم ود الجمام)
|
معتصم ود الجمام و زميل الزمن الجميل نيازي مصطفي وجميع ساكني المدينة المنورة سلام..
المدينة المنورة من اجمل بقع الارض طيبا ونقاءاً وكرما وساكنوها على اختلاف مشاربهم ولغاتهم و سحناتهم يبزلون انفسهم حبا وكرامة
ومروءة لزوار المسجد النبوي ..
اذكر في العام 2008 واثناء تاديتي لشعيرة العمرة ذهبت لوكيل شركة كاسيو في المدينة وكنت ابحث عن وصلة كنت قد اضعتها في مكة لكميرا كان لها
شهر واحد في الاسواق وكان المكان مكتظ بالمشترين ففضلت الوقوف جانبا للانني اسال عن قطعة غيار ولست مشتري فانتبه صاحب المحل وسالني عن حوجتي
فقلت له واوضحت له انه لا مانع عندي من الانتظار فطلب مني الكيمرا واخذ يفتح في الصندوق تلو الصندوق بحثا عن الوصلة وعندما فشل في العثور عليها سالني
اذا كنت مقيم في المدينة فقلت له اني اتيت معتمرا فطلب من البائع الوحيد الموجود في المحل باسصحابي لمول اخر وشدد عليه ان يقول لاصحاب المحل انني من طرفه
وعند وصولنا لمحل الاجهزة الكهربائية اصّر علينا صاحب المحل ان "نتقهوى" وكلف كل من بالمحل بالبحث عن طلبي..ورغم عدم عثوري على ضالتي الا انني
ايقنت ان اهل المدينة هم اهل كرم وضيافة وجود قلّ ما تجده في مكان اَخر..
| |
|
|
|
|
|
|
| |
معتصم ود الجمام
othman mohmmadien
عمران حسن صالح
حذيفه ابراهيم الكباشي
ibrahim alnimma
معاوية عبيد الصائم
عبد المنعم سليمان
الامين موسى البشاري
خالد المحرب
احمد التجانى احمد
اسماء الجنيد
saif massad ali
Osama Mohammed
naeem ali
أبوبكر أبوالقاسم
عبد الدائم سيد أحمد
نور الدين عثمان
نادر النور آدم
الصادق صديق سلمان
أحمد الصديق
علاء الدين محمد بابكر
نيازي مصطفى
Ahmed musa
ABDALLAH ABDALLAH
شهاب الفاتح عثمان
طارق جبريل
أبوبكر عبد القادر العاقب
بكري عباس علي
عليش
osman abdala
محمد علي شقدي
Amani Al Ajab
كمال علي ابراهيم
محمد عبد الماجد الصايم
حسين نوباتيا
فيس بوك
تويتر
انستقرام
يوتيوب
بنتيريست