|
|
 دعوة لمشاركة الحبيب (حيدر الزين) أفراحه ثالث أيام العيد بمدينة عطبرة
|
الدعوة موجهة من العريس حيدر الزين لكافة بورداب الخرطوم بدون فرز لمشاركته افراحه بمناسبة دخوله القفص الذهبي
وذلك ثالث أيام عيد الفطر المبارك بمدينة عطبرة
ألف مبروك للصديق حيدر وربنا يتمم على خير
وبيت مال وعيال
________
الاخوة والاخوات بورداب الخرطوم الرجاء تأكيد الحضور والمشاركة من خلال البوست أو عبر هاتفي المعروف لديكم للتنسيق وشكرا
|
|
 
|
|
|
|
|
|
|
|
Re: دعوة لمشاركة الحبيب (حيدر الزين) أفراحه ثالث أيام العيد بمدينة عطبرة (Re: بدر الدين اسحاق احمد)
|
الف مبروك الطريفي وربنا يتمم على الف خير
لو اجلتو للضحية يمكن نحضر معاك لوووووووووووول
طبعا الزواج ده دنيا تانية اوعك تمشي تعمل الطريفي زول نصيحة هناك
البقولو ليك كلو حاضر وتمام وصاح ما فينا اي غلات هناك ولا دليلك شنو لوووووووووووووووول
واحد صاحبنا بيحكي عن قريبو اول يوم في شهر العسل ساق العروس مسك الختام (دي بعرفوها ناس مدني) وطلب البارد وقال ليها اوريك تلات حاجات عشان تعرفي من اسي
1- ابوي وامي خط احمر لو اشتكو منك تمشي بيتكم وورقتك بتصلك
2- اخواتي لو لقيتكم مشاكلين بدقك وبدقهم
3- ودي اهم حاجة عندي اخوي اسمو النيل في ليبيا اها النيل ده لو قال انتي طلقانة وقعت الطلقة
تحياتي يا وهبة وكل سنة وانت طيب وعقبال ما تفرح بجديد اولادك
| |
|
|
|
|
|
|
|
|
|
Re: دعوة لمشاركة الحبيب (حيدر الزين) أفراحه ثالث أيام العيد بمدينة عطبرة (Re: عبدالوهاب علي الحاج)
|
الف مبروك يا حيدر وربنا يتمم على خير
وشكراً يا وهبة
Quote: طبعا الزواج ده دنيا تانية اوعك تمشي تعمل الطريفي زول نصيحة هناك
البقولو ليك كلو حاضر وتمام وصاح ما فينا اي غلات هناك ولا دليلك شنو لوووووووووووووووول
واحد صاحبنا بيحكي عن قريبو اول يوم في شهر العسل ساق العروس مسك الختام (دي بعرفوها ناس مدني) وطلب البارد وقال ليها اوريك تلات حاجات عشان تعرفي من اسي
1- ابوي وامي خط احمر لو اشتكو منك تمشي بيتكم وورقتك بتصلك
2- اخواتي لو لقيتكم مشاكلين بدقك وبدقهم
3- ودي اهم حاجة عندي اخوي اسمو النيل في ليبيا اها النيل ده لو قال انتي طلقانة وقعت الطلقة |
غايتو يا محمد ابراهيم علي بالغت في الكلام الكتبتو دا هههههههههه
ويا حيدر الزين أمسك قوي في الكلام دا ههههههه
| Quote: وان شاء الله تجيب ( الحرمة) بضم الحاء وتسكين الراء |
غايتو يا عبد اللطيف السيدح ضرّستنا شديد
| |
|
|
|
|
|
|
|
|
|
Re: دعوة لمشاركة الحبيب (حيدر الزين) أفراحه ثالث أيام العيد بمدينة عطبرة (Re: HAIDER ALZAIN)
|
تحياتي الاخت ريهان الريح الشاذلي اعتز ان تكوني اول المهنئين ....
الله يبارك فيك يا خليل ومشكور يا حبيب
هارون دياب غااااااغ يآخ انت لسع ما قنعت من مواسيركم دي 
ود الصائم الله يبارك فيك يا حبيبنا واحجز لينا فردة من الثلاثي من هسع 
مرحب بصديقنا صاحب القاموس الامين بشاري .. مشكور علي الهدية تحياتي
ABUHUSSEIN انت لسع ما وقفوك يا حبيب المرة دي طولت شديد والله خير الحاصل شنو ؟! .
عاين دا قال برجف كمان ... أفووووو انا عكاز الرِجْلة برجف كمان
هلا بالحبيب عثمان نواي الله يبارك فيك
حسبو عكاشة الذي بال بجميع الحوائط .. الله يبارك فيك يا حبيب ومشكور شديد
شايف صاحبنا خضر حسين بطل بول الحيط وجاب ليهو بول في السراير كمان هههههههههههه
الصديق بدر الدين اسحاق احمد
ربنا يديك العافية يا ملك انت كدي اصل بس وبعدين شروطك دي بنشوف قصتها تحياتي
محمد إبراهيم علي .. لووووووووول
شكرا اديتني خرطة الطريق من اول يوم .. يبقي الكلام حايمشي بالصيغة دي :
1- ابوي وامي خط احمر لو اشتكو منك تمشي بيتكم وورقتك بتصلك
2- اخواتي لو لقيتكم مشاكلين بدقك وبدقهم
3- ودي اهم حاجة عندي اخوي اسمو ايمن في جدة اها ايمن ده لو قال انتي طلقانة وقعت الطلقة ...ههههه
الملك حسن مكاوي ... كلام زي الرصاص والله وما تنسي يوم الثلاثاء معاك تب ( بس ان شاء الله ما يكون الجماعة كلهم مأجزين )
الصديق ابوبكر صالح الله يبارك فيك يا حبيب وعقبالك ان شاء الله نفرح بيك وليك 00
حبيبنا مزمل خيري ... الله يبارك فيك ويديك العافية تحياتي
صديقي الظلامي الشفيع وراق ... الله يبارك فيك يا حبيبنا وعقبالك تاني هههههه
مرقت من ملاقاتك في الزمن الضائع والله تحياتي
الله يبارك فيك يا Elawad شكرا للتهنيئة يا حبيب
الدكتور أمين محمد سليمان
اقنور لغاية ما ترجع لي حق الرسائل في تلفونك دا كرهنا ززااااتو - والا انت ما بتعرف تنجليزي -
| |
|
|
|
|
|
|
|
|
|
Re: دعوة لمشاركة الحبيب (حيدر الزين) أفراحه ثالث أيام العيد بمدينة عطبرة (Re: HAIDER ALZAIN)
|
الحبيب قمر بوبا .. الله يبارك فيك وعقبال صاحبنا مورتا هههههه
مولانا الشفيع ابراهيـــم ... الله يبارك فيك وناس الشرقية قفلنا منهم رمضان بس ( ما اتربطنا وكدة هههه
الحبيب مرتضي 00 الله يبارك فيك وعقبالك يا حبيب ... شراني خضر حسين في تلفونك والله خليهو البوّال ينكر بس
الله يبارك فيك محمد علي شقدي وسعيد بطلتك هنا
إنت ما تحددهم العزاب ديل بالاسم يا محمد عبداللطيف إدريس وتقول سري بخاري وزياد والجوغان وبس تاني فضل منو لووول
العزيز حاتم العبيد ... الله يبارك فيك يا صديق وربنا يجمعك انت كمان
الحبيب انور كنج ... الله يبارك فيك يا ملك وزي حاتم تجمع انت كمان اقلاها ترتب الغرفة الشفناها في الفيس بوك دي لووووول .... باااالغت ياخ لو كدة انا ارقد قفا بالمقارنة هههههههه
الوجيه معاوية حسين ... الله يبارك فيك يا صديق وكل الامنيات الطيبة 00
تشكرات يا حامد محمد حامد شكرا لك وربنا يسمع ويجيب ..
الله يبارك فيك يا عماد خليفة والف الف شكر ليك يا ملك
الحبيب خالد العبيد .. الله يبارك فيك وعقبال تفرح بجميع الابناء .. تحياتي
لطفي علي لطفي .. لوووووول جد شنو يا عمك الواحد دابو بلغ السن القانونية هههههههههه
الصديق صاحب الاسم حيدر قاسم .. الله يبارك فيك يا استاذ شاكر لك لطيف امنياتك مع خالص تقديري
الاستاذ الناقد Hussein Mallasi الله يبارك فيك مشكور علي التهنيئة الرقيقة يا ملك دا من ذوقك ..
| |
|
|
|
|
|
|
|
|
|
Re: دعوة لمشاركة الحبيب (حيدر الزين) أفراحه ثالث أيام العيد بمدينة عطبرة (Re: HAIDER ALZAIN)
|
الحبيب حمزه بابكر الكوبي الله يبارك فيك ...
جنابو عمر عثمان . ايوة بالله خليك حضور اقلاها تعمل لينا حماية من المنفاخ عارف قصتو طبعاً هههههههه
الله يبارك فيك يا بت الشيخ وعقبال جميع الاحباب ..
الحبيب الفاتح ميرغني .. الله يبارك فيك وشكرا جزيلا يا ملك ..
الحبيب فيصل محمد خليل .. الله يبارك فيك ويجمعنا فيهم الاتنين ..
صدقنا العزيز الاستاذ ماهر محمد صالح .. الله يبارك فيك ووصلت التهاني لكن علي وعدنا بنتشاوف باذن الله
شكرا ليك
طبنجة الذي هو .. الله يبارك فيك ولي قدام يا حبيب ..
الاخ الكباشي الصافي .. شكرا يا ملك وربنا يسمع ويجيب ... تحياتي
حبيبنا حمد فتح الرحمن ... البنين عرفتو لكن والله الرفاه دا شنو ما عرفتو .. تحياتي يا صديقي عاجز عن شكرك..
اساسي الاساسي .. الله يبارك فيك يا حبيب ومقصرين معاك والله .. تقبل كل الامنيات الطيبة..
الصديق حاتم علي .. تحياتي والف شكرا لك ..
هلا يا الشاذلي خيري... شكرا ليك .. بعدين وين اختفيت يا الشاذلي جيت اول مسخن كدة بعدين كراعك خفت بالمنبر ..!!
اللدود صديقنا السيد(ح) الله يبارك فيك وعافرنها من قلبك يا حبيب..
بس مسألة التكتيف دي لا تحلمو بعالم سعيد يادوب كدة الواحد حا يفضي ليك في نطيطك دا
غايتو قصة حُرمة دي يكيك رد انعام حفيظ .. ليه يآخ انت حد مشاتر كدة .. غايتو عمرك ما حا تواكب فقه المرحلة نهائي
| |
|
|
|
|
|
|
|
|
 Re: دعوة لمشاركة الحبيب (حيدر الزين) أفراحه ثالث أيام العيد بمدينة عطبرة (Re: HAIDER ALZAIN)
|
الاخت العزيزة ميادة كمال .. تحياتي ويشرفني ويعزني حضورك .. بانتظارك يا ملكة
عمكـ احمد ابنعوف .. تحياتي والله يبارك فيك يا حبيب.. فقدناك في رمضان
عمنا المنصوري .. فعلاً العزوبية راي واظنها هي الراي العديل هههههههه
ياريتك لو بعطبرة يا حبيب
حبيبنا خضر حسين .. ازيك يا صديق وليك وحشة والله .. علي موعدنا يا جميل وبديك سلك اول من اصل ..
سؤال داخل النص ( ما بقيتو تلاتة ههههههه )
الله يبارك فيك يا عبد الرحمن طبيق وسعدت جدا بمكالماتك .. احترامي يا صديق
عمنا العزيز عثمان رغيــم .. كيف يازول كل من دخل السودان فهو من اهل السودان والا كيف ؟!
عارفك بتكون مهدود من السفر لن بصلك لو ربنا مد في العمر ..
الله يبارك فيك يا الحاج حمد .. شكرا ليك مع خالص تحياتي
كبسور المرشح عن قبيلة المواسير .. الله يبارك فيك وشكرا .. ربنا يتم المناسبة الاخري علي خير ونتشاوف بعدين بس كتر البتيخ هههه
معاوية عبيد الصايم .. يعني لو ما كنت من غرب ام الطيور كان قلت شنو ؟!
يآخ البنطون بكى وشكا من الدوانكي والتمساحيات هههههههههه
تحياتي يا ملك وبينا تلفون في اليومين دي
تشرفنا والله الاستاذ كمال ادريس وايها شرف .. ربنا يرفع القدم ونتمتع بمقابلتك .. تحياتي
الاستاذ طارق ميرغني .. الله يبارك فيك يا حبيب وشكرا لدعواتك الطيبة
الله يبارك فيك يا عمر صديق .. واعتزّ بحضورك ربنا يهر العوارض ان شاء الله
| |
|
|
|
|
|
|
|
|
|
Re: دعوة لمشاركة الحبيب (حيدر الزين) أفراحه ثالث أيام العيد بمدينة عطبرة (Re: HAIDER ALZAIN)
|
العروسة داليا الكباشي .. الله يبارك يا فردة مشكورة يا ملكة الانسانية ..:)
مرحب خالد فهمي والف شكر ليك يا حبيب علي الدعوة الطيبة .. تحياتي
الله يبارك فيك يا معاويـة الزبير مع خالص التقدير
اووو حبيبنا نادر ابكدوك ... الله يديك العافية يا صديق وشايفك قابض الجو في افطار الامارات مع عمنا رغيم
صديقنا وليد الشفت ... الله يبارك فيك يا حبيب
| Quote: أين ذهب صاحب البوست ؟ |
جنابو عمر عثمان ...
جاءتنا الآن رسالة مستعجلة من دفعتك سر الختم محمد الحسن ... هو عطبراوي متعهد مشاكل لوووول
عندو استفسار من قصة المنفاخ اولاً 00
ثم موصي ليك مكي ابونورة بعدد اتنين سوط اضان فيل عشان انت من ولاد الخرطوم نمرة اتنين وكدة حسب تصرفو.
غايتو ما عارف لكن قالوا الوصية بالمهلة
| |
|
|
|
|
|
|
|
|
|
Re: دعوة لمشاركة الحبيب (حيدر الزين) أفراحه ثالث أيام العيد بمدينة عطبرة (Re: HAIDER ALZAIN)
|
ناذر الخليفة يقول ليك احجز لي جنبك في القطر وعاوز يطلع رحلة في نفس اليوم ...
تحياتي يا حبيب بس شكلك طولت من عطبرة من زمن القطر وطرمبة الداخلة الهسع نقلوها وين زاااتو ما عارف اصل وبديك النجيضة
هلا بالمكاتل احمد حنين ... كدة الوضع ظبط ونتشرف ونتوانس ونقابلك يا حبيب خلي الحيشان جاهزة تب والمشاوي عندنا شرق قبة عبد المعروف طوالي في كنور :)
آآآآخ يا طارق جبريل والله اتمنيتك معانا لكن غايتو عيد الضحية بتلقاني قدامك ونعيد الهجيج تاني ..
شكرا يا ملك ..
الله يبارك فيك فادية اليمني وشكرا لدعوتك الطيبة ... تقبلي تقديري
صاحب البرادو الذي محمود مصطفي محمود الله يبارك فيك ... هسع انا بتابع كورة المنتخب الوطني قررربت ااجل العرس من الدلاقين والشلاليت المدورة دي .. غايتو الله يكرمنا بلعيبة بعد دا ... شكرا يا حبيب
الصديق احمد الصديق ... الله يبارك فيك يا ملك
شكرا يا بكري عباس علي الامنيات الطيبة تحاتي وتقديري
الشفيف معتصم دفع الله ... اللهم امين ومشكور يا حبيب ... شنو من ديك وعيك لا سمعنا منك لا شئ ..
تقبل محبتي
العزيزة انعام حفيظ
Quote: غايتو يا محمد ابراهيم علي بالغت في الكلام الكتبتو دا هههههههههه
ويا حيدر الزين أمسك قوي في الكلام دا ههههههه |
غايتو كلام محمد ابراهيم ما بناباهو الا الفيك اتعرفت .. هسع دا كلام يمسكوا فيهو ؟!
اودي وشي أنا وين بعدين من اخوي النيل يعني لو رمي اليمين 
مصداقاً لكلام السيد(ح) زمان قلنا شنو ؟
مش نمسك في شاوروهن وخالفوهن لووووووووووول
| |
|
|
|
|
|
|
| |
عبدالوهاب علي الحاج
ريهان الريح الشاذلي
khaleel
haroon diyab
محمد عبد الماجد الصايم
الامين موسى البشاري
ABUHUSSEIN
عثمان نواي
حسبو عكاشة
بدر الدين اسحاق احمد
محمد إبراهيم علي
Hassan Makkawi
abubakr salih
مزمل خيرى
الشفيع وراق عبد الرحمن
Elawad
أمين محمد سليمان
GamarBoBa
مرتضى احمد عبد القادر
محمد علي شقدي
AnwarKing
Maawya Hussein
Imad Khalifa
خالد العبيد
HAYDER GASIM
Hussein Mallasi
حمزه بابكر الكوبي
omer osman
الفاتح ميرغني
فيصل محمد خليل
Mohammed Awad
cantona_1
حمد فتح الرحمن
حاتم علي
الشاذلى خيرى عبد الله
عبد اللطيف السيدح
mayada kamal
أحمد ابن عوف
خضر حسين خليل
عبدالرحمن طبيق
osman righeem
الحاج حمد الحاج
معاوية عوض الكريم
معاوية عبيد الصائم
كمال ادريس
عمر صديق
داليا الكباشى
خالد فهمي
معاوية الزبير
Nader Abu Kadouk
ناذر محمد الخليفة
ahmed haneen
طارق جبريل
فادية اليمني
Mahmoud Mustafa Mahmoud
أحمد الصديق
بكري عباس علي
معتصم دفع الله
انعام عبد الحفيظ
البدري عبد الله
ابو جهينة
خدر
HAIDER ALZAIN
المكاشفي الخضر الطاهر
النذير حجازي
فيس بوك
تويتر
انستقرام
يوتيوب
بنتيريست