|
|
|
 Re: المركز الأول لإفطار (بورداب ماليزيا) الأول .. (أكيد صور كميات ) (Re: khalid fahmi)
|
الشفيف خالد فهمى (عمده البورداب بارض الملايو)
العموديه دى ما معتمده الا بعد الصادق عوض يتنازل ليك
=========================
حقيقه اكتسح بورداب ماليزيا الجميع - زى اكتساح الهلال بتاع امس للفريق الكاملينى -
كيف لا وحضرها اناس تجملت بهم الروشه
وكان من ضمن الحضور من غير ترتيب ابجدى او عمرى
خالد فهمى - صاحب الفكره
المهندس الصادق عوض - القامه السامقه او كما يحلو للنقر بمناداته
الطيب العامرى - صاحب فكره الافطار التانى
د.شهاب الفاتح - صاحب افكار كتيره ومشاريع سوف ترى النور قريبا
د. سيف الدين العوض - يكفى انه سيف الدين
سارى الليل - كفيل لمه العيد
ممثل الجاليه اليمنيه بماليزيا - صاحب الصادق
خالد عبدالحليم - وصل سيف الدين للبيت
ولكن برغم هذا :
افتقدنا بشده كل البورداب التى لم تسمح لهم ظروفهم للحضور
ولكن املنا فى قادم اللقاءات ان يجتمع الكل
======================
لكن ما عصرت علينا شديد يا فهمى منزل البوست الساعه 5 صباحا ياخى
تحياتى
| |
 
|
|
|
|
|
|
|
 Re: المركز الأول لإفطار (بورداب ماليزيا) الأول .. (أكيد صور كميات ) (Re: د.امام الصديق عبد المعطى)
|
كانت لمه لامه , و صوت نمه بلا نميمه ,
الرائع عثمان شفى الله ابنك , و الجايه معانا ,
د امام رمضان كريم شكرا لجميل الطله الذوق , وفعلا خالد
مهندس التجمع شاب و رزين و معك نحييه , واحيي بقيه الحضور الكرام,
خاصه ضيفينا صاحب البصمه اخي المعز , واخي من اصاله باب اليمن,
استاذ حذيفه من لانكاوي لبوكت جليل جاضم البلد كويس شايفك حبابك.
لا احد يسائل اين الجندر باشمهندس بكري صارف الباسورد لاثنين بس ,
لهماالتحيه , لذا من هذا المقام نرسل مناشدتين:
1 حواء ماليزيا خاصه اخواتنا الخريجات و الطالبات راسلن المهندس الراقي
لتكون الطله عبر بيت الجميع سودانيز كما نعرفكم فكر و ابداع و رقي,
و المناشده ايضا موصوله لرجال ماليزيا لنزداد عدد و عضد.
2 جندر سودانيز الكرام وجودكن بالحرف تعويض لنا , وفتحوا عيونكم و عيون جيرانكم ,
اغلبيه الحضور اعلاه مع مسلسل هند صبري الفكاهي الجاد عايز يتجوز :).
ام سهى و د بيان لكما التحيه , و تصوموا وتفطروا على خير ان شاء الله.
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: شهاب الفاتح عثمان)
|
الكاميرا ما شاء الله سنينة ما تزال يا خالد
وما شاء الله تحتها كم خط
ويا اخ خالد فهمي اللمة كانت اكثر من رائعة
والفكرة كانت بالجد خطيرة
وانت طبعا من زمان كنت تتوق لمثل هذه اللمة الرائعة
بروعة بورداب ماليزيا
التحية لكل من حضر
والتحية لم اعتذر
والتحية لمن لم يتمكن من الحضور او الاعتذار
والتحية لمن حالت ظروف قاهرة لغيابهم
والجايات اكتر من الرايحات ان شاء الله
ويا خالد عبد الحليم شكرا على التوصيل
والخيل تجقلب زي الشرى في القندول
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: khalid fahmi)
|
برضاب ماليزيا .....
لمه جميله مع ناس جميله ....
كانت فرصه للقيا أناس أفاضل لم اقبلهم من قبل بدايه بالعريس الطيب العامري ، أخونا معز و ود حلتنا الخلوق خالد عبدلحليم ....
حدثنا د. شهاب عاشق المريخ عن تبنيه لمبدأ "حدثونا عن كيف نبني المريخ لا عن كيف نهدم الهلال" ..... أحمد يوسف "ساري الليل " أجزل وأفاد في الكلام عن إتحاد الطلاب الدكاكيني مولود سفاح المؤتمر الوطني والجدران المغلقه ....سيف العوض بدء حديثنا بفكره التدوين ونشاطات المجموعه وكيف أن يسبح الكل في فلك السفاره :)
.....النحله خالد فهمي وعميد البورداب والمصور الرسمي الله لا جاب يوم شكرك ....
و أنا متمحن لانو صديقي أنا عرفتو علي الجميع بأسمه "صالح" لكن بقدره قادر أصبح إسمه خالد ....حاجه تمحن مش ؟
| |
|
|
|
|
|
|
|
|
 Re: المركز الأول لإفطار (بورداب ماليزيا) الأول .. (أكيد صور كميات ) (Re: khalid fahmi)
|
أووووووووو
اهلين اخونا خالد فهمي
رمضان كريم عليك وعلى كل المعاك
ناس ماليزيا السمحة
Quote: (( هوي يا بورداب سودانيز أون لاين أعفو لينا كلكم ... الجبنا سيرتو والما جبنا سيرتو)
ميادة كمال .. رمضان كريم .. |
أهااااااااا
يا خالد حتقول لي اسمي جبتو في سيرة شنو
ولا انزل صورتك هنا
بتاعة بوتراجايا ديك
تحياتي لكل المعاك
والبعرفوني طبعا
واولهم دكتور سيف الدين العوض
والمعز
*** الاخ المعز
رمضان كريم عليك
ياترى عرفت انو اخونا معروف اللي كان ماعانا في ماليزيا
توفى في حادث حركة بالخرطوم ثاني يوم رمضان
ربنا يتقبله قبولا حسنا
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: mayada kamal)
|
Quote: *** الاخ المعز
رمضان كريم عليك
ياترى عرفت انو اخونا معروف اللي كان ماعانا في ماليزيا
توفى في حادث حركة بالخرطوم ثاني يوم رمضان
ربنا يتقبله قبولا حسنا |
الله يرحمه ويغفر ليهو ..
ويجعل مثواه الجنة ..
أحسن الله عزاءكم ..
Quote: أهااااااااا
يا خالد حتقول لي اسمي جبتو في سيرة شنو
ولا انزل صورتك هنا
بتاعة بوتراجايا ديك |
لا ياختي نزلي ساااااااااااي ..
بس بعد ما تنزلي صورك كلللللها ..
برضو اعف لينا ..
Quote:
تحياتي لكل المعاك
والبعرفوني طبعا
واولهم دكتور سيف الدين العوض
والمعز |
أنا زاااتي إتحيرت قلت ميادة كمال بتعرف الحلبي ده من وين ؟
ولا دي شراكة ني فا شا ؟
غايتو في النهاية كلكم بتجوا ماليزيا و تمشو ..
حبابكم ..
..
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: شهاب الفاتح عثمان)
|
معك يا دكتور شهاب نناشد .. ونحيِّ ..
Quote: لا احد يسائل اين الجندر باشمهندس بكري صارف الباسورد لاثنين بس ,
لهماالتحيه , لذا من هذا المقام نرسل مناشدتين:
1 حواء ماليزيا خاصه اخواتنا الخريجات و الطالبات راسلن المهندس الراقي
لتكون الطله عبر بيت الجميع سودانيز كما نعرفكم فكر و ابداع و رقي,
و المناشده ايضا موصوله لرجال ماليزيا لنزداد عدد و عضد.
2 جندر سودانيز الكرام وجودكن بالحرف تعويض لنا , وفتحوا عيونكم و عيون جيرانكم ,
اغلبيه الحضور اعلاه مع مسلسل هند صبري الفكاهي الجاد عايز يتجوز :).
ام سهى و د بيان لكما التحيه , و تصوموا وتفطروا على خير ان شاء الله. |
..
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: sari_alail)
|
والله كانت لمة حلوة
وفعلاً سودانيزأون لاين دا بخليك تعرف ناس على قدر كبير من الرقى والوعى
ويحسسوك إنو السودان دا فوقو ناس ما هينين يعنى فى لمة زى دى بتلقى كل أوان الطيف
حتى النقاش البدور بين الناس بكون فيهو نوع من الرقى المنقطع النظير
والكلام بكون فى كل شى وأكيد مفيد ودى الحاجة الخلتنى أقترح إفطار تانى
التحية لكل الإخوه الكانو حاضرين - خالد وخالد والصادق ودكتور شهاب وسارى الليل ودكتور سيف العوض وأخونا الحضرمى خالد
والتحية للإخوة الذين منعتهم الظروف من الحضور على رأسهم الأخ عثمان فسكى ونرفع أكفنا بالدعاء لإبنه بالشفاء التام
أما المعز دا كوم برااااهو وإن شاء الله نشوفك معنا هنا عشان نخلص حقنا أون لاين
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: الطيب العامرى)
|
Quote: والله كانت لمة حلوة
وفعلاً سودانيزأون لاين دا بخليك تعرف ناس على قدر كبير من الرقى والوعى
ويحسسوك إنو السودان دا فوقو ناس ما هينين يعنى فى لمة زى دى بتلقى كل أوان الطيف
حتى النقاش البدور بين الناس بكون فيهو نوع من الرقى المنقطع النظير
والكلام بكون فى كل شى وأكيد مفيد ودى الحاجة الخلتنى أقترح إفطار تانى
التحية لكل الإخوه الكانو حاضرين - خالد وخالد والصادق ودكتور شهاب وسارى الليل ودكتور سيف العوض وأخونا الحضرمى خالد
والتحية للإخوة الذين منعتهم الظروف من الحضور على رأسهم الأخ عثمان فسكى ونرفع أكفنا بالدعاء لإبنه بالشفاء التام
أما المعز دا كوم برااااهو وإن شاء الله نشوفك معنا هنا عشان نخلص حقنا أون لاين
|
مشكور يا العامرى على الكلمات الطيبات دى فى حق الناس التستاهل دى ،، ونشكر الفرصه ، وقبل الفرصه يحتم علينا ان نشكر سودانيزاون لاين
ومعك نرفع الاكف تضرعا لشفاء ابن الصديق عثمان
| Quote: وأخونا الحضرمى خالد |
الصادق ما يسمعك :)
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: khalid fahmi)
|
ناقش البورداب عدة مواضيع هامة منها :
1) منظمة تنادِينا ... أو .. تنادَينا ... ماذا بعد ؟؟
2) مقترح عاجل من دكتور شهاب الفاتح لإضافة ( بوردابيات ) مع الرائعات دكتورة نجاة وأم سهى لهن التحية.
3) مقترح من دكتور سيف الدين العوض لتكوين (رابطة المدونون السودانيون بماليزيا) كان هناك إتفاق على تكوين الجسم ولكن الإحتلاف في ثلاث نقاط :
أ- قيام الرابطة أولاً أم البدء بمناشط (ندوت , مجاضرات , ليال شعرية ) ثم تكوين الرابطة.
ب- اسم الرابطة ما بين مقترح دكتور شهاب ( رابطة بورداب سودانيز أون لاين وأصدقاءهم) أم مقترح دكتور سيف ( رابطة المدونون السودانيون بماليزيا)
ج- أن تكون الرابطة تحت رعاية السفارة (مقترح من دكتور سيف العوض)
تنبيه شديييد من دكتور شهاب .. ( يا سيف أنا عارفك ,ما تقوم تكوِّن الرابطة وتقول بناء على الإجتماع الذي تم عقده في الروشة) .. "تنبيه أضحك الجميع على رأسهم سيف العوض"
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: khalid fahmi)
|
5) مقترح خالد فهمي الذي سبق مناقشته مع الصادق عوض بإقامة ندوة حول (المجتمع السوداني ما بين التماسك والتفكك ) يناقش عدة جوانب (إجتماعية, إقتصادية, سياسية, ثقافية)
أثيرت أسئلة حول مكان الندوة ما بين قاعة بفندق وبين السفارة أو قاعة بجامعة , وتساؤلات حول من سيرعاها الجالية أم البورداب أم مركز الخاتم عدلان أم مركز المستقبل أو غيرهم ؟
, ومن سيتحدث من الداخل أو من الخارج؟ , ولمن ستوجه ؟ وهل سيتعمل البورداب التكاليف كإيجار القاعة و غيرها ؟؟؟
إحتج معز و قال أن المجتمع لم يتفكك وأن الموضوع مضخم من خالد فهمي وطلب منه دكتور شهاب أن يكون الحوار في الندوة.
لذا تقرر فتح بوست لمناقشة المحاور والترتيب للندوة,
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: الطيب عبدالرازق النقر)
|
العزيز دكتور النقر
سلام وتحية
Quote: العزيز خالد فهمي وبقية البورداب
ترانيم موة واهازيج حب
حسرة استوطنت الحنايا ولوعة استقرت في الفؤاد
دي لمة جميلة ازدانت بشخصيات تقدح زناد الفكر في ديار الملايو
انشاء الله حاضرين في التانية بحزمةافكار
لمة العيد ابقوا عليها عشره من هسع |
إفتقدناك في اللمة وفي النقاش ..
في إنتظار الإفطار الثاني لنلتقيك ..
==================
حسي عليك الله يا دكتورأحسن قهوتنا دي ولا قهوة المدير ؟
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: khalid fahmi)
|
العزيز خالد فهمي
المدير اخربوا قهوة ماعندوا
لكن كتر لينا شديد من الساتيه
والساتيه للحلوين الخارج نطاق ماليزيا شيتن عامل زي الاقشي
طبعا انا حتلت جنبو لمن جبتا اخرو
الواحد في دعوة الناظر الاجبارية دي صحي ستفا للاخر بس الف دعوة مدنكلة زيها ما بتعادل جلسة شاي معاكم...ولولا المعايش جبارة يا خالد يا اخوي لكان فقعتا الناظر دا زمبا واتكاملتكم
بس شايف ليبيا فتحت ..دعوة من الاخ الطيب العامري واخرى من بوردابي عزيز يود اقامتها في اخر ثلاثة ايام في مطعم فخم اشتهر بموائده المنضدة وطعامه الشهي...البوردابي دا اصر عليا ان يكون الموضوع بيناتنا بس انتم عارفين اخوكم فوله في خشمو ما بتبله...عموما قد تكون من طرف اطول بوردابي سار في سهول المهفهفة الدعجاء كوالالمبور
تههههههي
شفتو الورطة دي كيف يا القامةالسامقة
هي الالقاب دي بتطلق جزافا ساي كده
عشان تكون نقيب بورداب ماليزيا...وعشان ندين ليك بالولاء والطاعة ونذب عن حماك اذا تغول عليك احدهم داخل او خارج نطاق ماليزيا عشينا في كل عام مرة او مرتين..وجد علينا بمالك وكرمك
حينها نكون او اكون اطوع من يمناك...ولو طلعوك ملحد وله شيوعي مصادم حنبرئ ساحتك ونحمي هامتك من المقصلة
اها قلت شنو يا باشمهندس
تهههههههي
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: خالد عبد الحليم سعيد)
|
Quote: الاخت مياده رمضان كريم
وتقبلى تعازينا فى فقدكم |
الله اكرم اخي خالد عبد الحليم
تصوم وتفطر على خير انت وكل من تحب
وشكرا على التعزية
ربنا يتقبله قبولا حسنا
Quote:
بالناكيد انتى قاصده المعز الظلامى :) |
الحمد لله رحبت بالاثنين
بس بيني وبينك كدا
الحلبي بتاعكم دا كمان شكله ظلامي
وظلامي من نوع تاني
وبناء عليه نطالب بكري ابو بكر يديه باسوورد
عشان نشوف مويته شنو الحلبي دا
على الاقل كيتا في خالد فهمي دا
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: خالد عبد الحليم سعيد)
|
حبيبنا خالد
سلام
| Quote: العزيز فهمى . صاحب اسرع صلاه :) |
إنتو القال ليكم تقدموني منو ؟؟؟ وأنا حذرتكم ..
Quote: من المواضيع الملحه والتى يجب ان تؤخذ بعين الاعتبار :
هى المواضيع التى اثارها د. شهاب الا وهى
- زياده انشطه و فعاليه الاعضاء (البورداب) وتقديم ادوارمفيده و ملموسه تخدم مواطن السودان بهذه البقعه .
محاوله تزكيه اعضاء جدد يمكنهم ان يساهمو فى الحراك ، |
دكتور شهاب دائماً مبدع ..
نرفع التداء لبكري أبو بكر ..
و ننادي بقية البورداب
(أياديكم معانا)
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: nazar hussien)
|
تشرفت بمعرفة الاخوة البورداب عن قرب لاول مرة
كنت التقى بهم دائما في مناسبات سعيدة ولكنه غالباً ما يكون لقاء عابر
ولكن جلسة رمضان وافطار البورداب في مطعم الروشة في كوالا
كان حدثا فريدا
اتاح لنا مساحة اوسع للحديث واللقاء والصحبة
جمعنا الله واياكم دائما في ساعة خير
شكرا جزيلا لك يا اخ خالد على الفكرة الرائعة
وشكرا لكل البورداب الذين لبوا الدعوة وجاءوا من اقاصي كوالا
افتقدنا العزيز عثمان بتروناس
وافتقدنا عثمان سيد
ويا اخ عثمان الف سلامة وكفارة لابنكم
شفاه الله واسبغ عليه نعمة الصحة والعافية ان شاء الله
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: سيف الدين حسن العوض)
|
الاخ خالد ولمة البورداب
رمضان كريم وتامين ولامين
ودي ماليزيا البنعرفها وناسها الرائعين
طبعا من زمن ماشفتا صاحبنا مهاتير والله
اشتقنا لي جدعاتك ياعالم وشايف عملتا ليك جضيمات كمان
عساك بخير وتحياتي للبروف عبرك بالله بلغو سلامي
ساري الليل والله عينا باردة بقيت اخر صحة وكرشششششششة كبيرة كمان
شكلو في ترطيبة
عبركم تحياتي وسلامي للجميع دون فرز و ودعوانا بالشفاء العاجل
لابن الاخ العزيز عثمان
وتحياتي للاخ د سيف واسرته
لمة في الجنة يارب العالمين
ميادة تحياتي والاشواق معليش لقيت تلفونك ظاهر عندي بعد ركبتا الطائرة
وماقدرت ارد وجزاك الله خير في التعزية علي اخونا الراحل معروف
فقد كان فقدا كبيرا وصادما لي اسال الله له المغفرة وارجو ان تخلصو
له الدعاء وان يعوض الله شبابه الجنة
ياخالد:
مشيت علي الجماعة؟؟؟ ياخي ما تفضحنا نحنا عشمنا كبير
تحياتي ومودتي
محمود عوض احمد
كيب تاون -جنوب افريقيا
| |
|
|
|
|
|
|
|
|
|
Re: المركز الأول لإفطار (بورداب ماليزيا) الأول .. (أكيد صور كميات ) (Re: محمود عوض احمد)
|
كيفك يا حبيبنا
Quote: لاخ خالد ولمة البورداب
رمضان كريم وتامين ولامين
ودي ماليزيا البنعرفها وناسها الرائعين
|
علينا وعليكم بالخير ..
إنت مع سفرك الكتير ده شكلك (جالد)
Quote: طبعا من زمن ماشفتا صاحبنا مهاتير والله
اشتقنا لي جدعاتك ياعالم وشايف عملتا ليك جضيمات كمان
@@@@@@@@@@@@@@@@@@
ساري الليل والله عينا باردة بقيت اخر صحة وكرشششششششة كبيرة كمان
شكلو في ترطيبة
@@@@@@@@@@@@@@@@@@
|
إنت إشتغلت مشرف غذائي ولا شنو ؟؟
الكروش دي كروش (ناسي قورينق) ما كروش الجماعة (الما طيبين)
..
Quote: ياخالد:
مشيت علي الجماعة؟؟؟ ياخي ما تفضحنا نحنا عشمنا كبير
تحياتي ومودتي
محمود عوض احمد
كيب تاون -جنوب افريقيا |
والله إتصلت بيهو بس .. والله ما سهل الوصول ليهم ...
| |
|
|
|
|
|
|
| |
khalid fahmi
أبو عبيدة البصاص
Zomrawi Alweli
خالد عبد الحليم سعيد
sari_alail
حذيفه ابراهيم الكباشي
د.امام الصديق عبد المعطى
osman abdala
شهاب الفاتح عثمان
سيف الدين حسن العوض
الصادق عوض
mayada kamal
الطيب العامرى
عبداللطيف محجوب
Abdlaziz Eisa
الطيب عبدالرازق النقر
محمود عوض احمد
Dr.Ahmed Boasch
جمال الباقر
فيس بوك
تويتر
انستقرام
يوتيوب
بنتيريست