كتب الكاتب الفاتح جبرا المتوفرة بمعرض الدوحة
|
Re: أهــا يا ناس الدوحــة .. رحـلة العيــد أخبــارها شــنو؟؟ (Re: Salah Abdulla)
|
صلاح عبدالله مسكاقمي
Quote: في رحلة واللا ( نكرضم ) السفّة ؟؟ |
تُنْباكك البِتْكرضِمْ فوقو ده ، إتْ مُمطِرو براك ولا وارِد سعد قِشرة ... ما علينا ... كُنا بِنقول شنو؟! أيوه العيد ... عِندي بدايِل ... عِندي ناس الجمعِية (جمعِية السَكود) وعِندي أولاد بحري (بحري طحنِية) وبِت إبراهيم قالت بتخبِز براها ها العام مِتِل عامن أول وأول عامن أول ، والحق حِلو يا خوي ، أكان ما شِلت نصيبي بدري بدري بمرُق مِن الكعك ملوص
وفي شأن الرِحلة ... ما أنا إلا من غزية إن غوت غويتُ وإن ترشد غزية أرشدِ
| |
|
|
|
|
|
|
Re: أهــا يا ناس الدوحــة .. رحـلة العيــد أخبــارها شــنو؟؟ (Re: طارق ميرغني)
|
Quote: أختوا عدة القيستا بس
|
وجبنة الحبش ,,
أبو أحمد سلام يأخ ومعاك قلبا وعقلا ,, بس تانى يوم فى العيد معايدة المجموعه السودانيه بنادى الغزال . إذا موضوع الخور طرشق أنا بقترح ليكم نادى الشاطى فى الدوحه بالقرب من فندق ماريوت فيه صاله جميله ومكيفه تفتح على حوض سباحه جميل للغايه . مدير النادى صديق عزيز ممكن نكلموا يحجز لينا ثالث يوم فى العيد ,, ما رأيكم دام فضلكم ,,
| |
|
|
|
|
|
|
Re: أهــا يا ناس الدوحــة .. رحـلة العيــد أخبــارها شــنو؟؟ (Re: SHIBKA)
|
Quote: أختوا عدة القيستا بس |
أبو حتوت يال اللخو ....
العالم دي ما ختت البتاعة دي في (إفطار رمضان) ... يختوها ليك بعد رمضان؟ والله ياهو!
غايتو طلّعتو لينا (العدة) بتاعتنا مُنكر، وقبلها طلّعتو (الشامبيون) حوله شُبهات، وطول عُمرنا بنعرف الشامبيون ده سجاير (أرقى سجاير سوداني في زمنه).
صلاح أبشنب .. ياخوي الترتيبات الكتيرة بتجهجه المواضيع. حددوا اليوم والمكان .. بعدها كل زول يجيب ما تيسر .... واللمة بتكون حلوة.
| |
|
|
|
|
|
|
Re: أهــا يا ناس الدوحــة .. رحـلة العيــد أخبــارها شــنو؟؟ (Re: محمد أبوالعزائم أبوالريش)
|
تحبو اللت والعجن زى عيونكم ....
طالما تانى العيد المعايدة ....بقى تالت يوم كونفيرم
ياابوعبدالله تشيل التلفون تضرب لصديق القاعد بعيد بخصوص حجز المكان والذى منو
وكمال سالم يشوف موضوع الصالة القالو دا لو صديق ما اتمكن من حجز المكان
لانو مافى زمن والدنيا قبايل عيد واكيد فى جهات كتييييييييرة زيكم معيدة ...
على ضو النتائج الفوق نشوف الشيرينق كم ونحدد زمن نتلاقى فيهو ... واحسن بعد الفطور
شان يكون غداء ومغربية ونقوم بمهلنا ونجى راجعين لاهلنا
شابكننا لجنة تنظيم ولجنة حفل قايلين المسالة دى ساااااااااااااااهلة كدا انكربو شوية وبطلو كسل (وش اخدر يفرفر )
____________________________________________________ بتاع الفيستا تانى بالدوحة دى مابجى ...والبلع شديد وتانى مابجى
| |
|
|
|
|
|
|
Re: أهــا يا ناس الدوحــة .. رحـلة العيــد أخبــارها شــنو؟؟ (Re: SHIBKA)
|
أبو عبد اللة ياخي الاجازة قريب اسبوعين ممكن توديك السودان وتمشى رحلة لجبل اولياء ولاسوبا ولا الفكى هاشم خليك من رحلة الخور فى الرطوبة دى .
لا الجو يساعد لرحلة ولا الزمن يسمح بعد ده لتنظيم رحلة عشان كدة نقترح حفل غنائي عائلى فى اصدقاء البيئة يحييه عادل التجاني وصلاح عبداللة انا بضمن ليك موافقة عادل انت أضمن لينا موافقتك
| |
|
|
|
|
|
|
Re: أهــا يا ناس الدوحــة .. رحـلة العيــد أخبــارها شــنو؟؟ (Re: معاوية محمد الحسن)
|
Quote: أنا بقترح ليكم نادى الشاطى فى الدوحه بالقرب من فندق ماريوت فيه صاله جميله ومكيفه تفتح على حوض سباحه جميل للغايه . مدير النادى صديق عزيز ممكن نكلموا يحجز لينا ثالث يوم فى العيد ,, |
بعد كلام أخونا شريف ، خلاص إقتراح كمال سالم ظابط ألف.. يلا يا حاج أحجز لينا ثالت يوم .. أميرة الشيخ بطلي النطيط الكتير وتعالي أقعدي في واطة الله دي وحددي تكاليف الناس ، كان عيني كان مادي..
| |
|
|
|
|
|
|
Re: أهــا يا ناس الدوحــة .. رحـلة العيــد أخبــارها شــنو؟؟ (Re: Salah Abdulla)
|
تعرف يا صلاح...يا اخوى.....الناس ديل بفتكروك قاعد "[B]مصوقر" الكمبيوتر دها طــــــــوالى من غير ولد عيان...و لا مرة "مجنونة" و لا بت مفلوقة...و لا سفر لراس لفان كل يوم و لا رجعة للمغربية...و قــــــاعد "ســــــــاكت بس كدها" ذى ما قال اخونا الله يطرها بالخير "دينق ميقانق دى مبيور":
...."ناس دى سمــــان كدى كيــــف زاتو يــــاخ؟؟؟
.....ناس دى بيأكل ....شنو...زاتو...ياخ؟....
.....ناس دى بينوموأ.. كيف ...زاتو...ياخ؟
المهـــم قصة الرحلة جميلة...و فيها كل المجالات مفتوحة ...ممكن..... لكن...الجو ذى الزفت....زاتو يــــــاخ...ماممكن...تكون بنفس لطافة و جمال و رقة رحلة الشتاء.....النوار....
النوار فى بيتم حتها....و لا الفى الغصن شائل محبة....
بالمناسبة.......الكلام دها بتاع زول "مهووود ســـاكت".....مرحب باى زول جايلينا فى العيد....و حبابكم عشرة بلا "كشرة".....
بس إلا .....رحلــــــة!!!!! نهههههههههههههههههههههى (دى بالهندى)
الا فى الشتاء الجميــــــــــــل.....النوار.....
صديق القاعد بعيد
| |
|
|
|
|
|
|
Re: أهــا يا ناس الدوحــة .. رحـلة العيــد أخبــارها شــنو؟؟ (Re: Salah Abdulla)
|
Quote: مع صاحبي ( صديق القاعد بعيد) واللا قرّبتوا شوية ؟؟ |
يا زول أنا ماشى الحج.....و بجى بعد العيد.....
و الله يا صلاح.....تعمل رحلة فى غرفة...تجييك السخانة داخلة..خليك تمشى الخور البعيد...اقتراحى الرحلة تكون فى "عيد الضحية"...و الجو الف...و اللحوم الف....و الامور ...كلهــــا الف....و نادى الشاطئ ...الفين...
و الله العيد دها عيد نوم ســــاكت....
صديق القاعد بعيد
| |
|
|
|
|
|
|
Re: أهــا يا ناس الدوحــة .. رحـلة العيــد أخبــارها شــنو؟؟ (Re: الشيخ إبراهيم الشيخ)
|
Quote: صديق القاعد بعيد والله التكنو كده جاك واحد عشان يقعد
معاك بعيد قلت لي راس دلفان ولا شنو مالك علينا ياخ بتخوف فينا
الله يسامحك ياخ .....
كل سنة طيبين طيبين
الشيخ الح يقعد مع صديق بعيد |
غايتو كان بقيت زولى بتاع الدويم زمـــان.....تكون الدنيا دى صغيرة صغر....
انا بخليها للمفاجأه...بعدين...ياخى مرحبيك فى الدوحة و منورة بوجودك...و إنشاء الله...بس تلفون...و بعد داك الباقى خليه علينا...
موبايلى 55872612
صديق القاعد بعيد
| |
|
|
|
|
|
|
|