|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: مرادمات شعرية الي الهالك حسبو .....! (Re: خضر حسين خليل)
|
وقد أثارت الأبيات أعلاه شجون الشاعر المجيد هيثم محمد الأمين فكتب :
حسبوعاين لى حروفك
وانت عايش فى ظروفك
حقو تعرف انو نحنا
قامه اكبرمن حروفك
ولما نتنازل نهاترك
حقوتفرح يوم نشوفك
وهجعه الغربه ولهيبا
مابتغير فى المشاعر
والبفوت من غيرحبيبه
عمرو عاد ماببقى شاعر
هيثم الفاره الجرحتو
خط اشعارزى حقيبه
وسكن الفرح الدواخل
وخلى لحظاتك سعيده
وكنت هيمان بى كلامو
حتى فتشت الجريده
وكل يوم تقراها وتعيدها
وناس بتسال عنى ديمه
وانت سايق الناس تجيبها
وشفت كيف البينى بينك
مسافه ماظنيت قريبه
حسبو احسب فى الالوف
واضرب الكبسه ام خروف
ورسل الكاش فى الظروف
وابقى ساكت ياخروف
مالك انت ومال غنانا
وانت ماعايش معانا
**
وانت شارد من سمانا
وانت فارقت السخانه
وانت محسوب معانا
جيمك الكرواتى صابر
والجامد الفرح المشاتر
واسو لسه مع المخاطر
ويوسف ينقل فى البنات
عندو هايس وعندو ذات
وعباده عايش فى الغلاط
خشه بين اسو حبيتو
وعدى قطر الريده فات
واسو جنه وزولو فات
واسو حايم فى الازقه
ويسال الاطفال بحده
وحده لسه وخمسه جات
وقصه الحله الجديده
صحبك اصطاف والبنات
والبنات بقو باللغات
انجليزى وخواجات
وكول يو انظر تايم
ولسه محمود جاروهايم
وصبغه طاشه وشعرو عايم
ودنيا حلوه مع النكات
ولسه عايشين بالامانى
ولمه الحب والمعانى
وديمه نكتب فى الاغانى
وسمنه يشرب فى القنانى
وريحه جايه وعيشه تانى
ولسه بيناتنا الموده
ولسه بيناتنا الصلات
وانت خليك فى الرياض
ومره ومره امشى جده
وقالو جده اميرها شده
ومنى ليك تهانى عده
ونرجى ردك يامخده
| |
 
|
|
|
|
|
|
|
|
Re: مرادمات شعرية الي الهالك حسبو .....! (Re: خضر حسين خليل)
|
ليعود الهالك حسبو ويرد علي شاعرنا الكبير هيثم :
ارخي جسمك يا قريبك و اطرد ابليس من طريقك
و ما تخلي الوجعة تكبر و تحجب البيناتنا اكتر
اخمد الغيرة الفي قلبك اطفي خوفك ونار لهيبك
و حاول افرز يا هبنق مين عدوك من صليحك
خلي بينك و بين غرورك ... زي مسافه
انت يا داب في بدايتك اهدا روق بطل لقافة
استهدي وسع لي مداركك
اسألنا بالافكار نشاركك
لسة درب الشهرة واسع ما تظن انك وصلته
و لما تنسجم المعاني ببقي شين لو جيت شترته
*****
قبل ما تنشر سمومك و تبدا تشتم في خصومك
امعن التفكير و قارن
بين فهمنا و ضيق رؤاك
بين تراجيديا الكتابة و عجز ما خطت يداك
بين معاني اصيله نادرة و نص بيحوي معاني فاترة
بين خطل زمن الرتابة و نجم بلمع في سماك
بين نضال حرف الصبابة وبين معزز و زهور رباك
حاول اتحسس دواخلك و برضو شوف موضع خطاك
تلقي جد سكتنا صعبة وغاية ابعد من مداك
******
لما ادمنا القوافي كنت لساك في بلوغك
ولما جيت دكان فرنسا احتويناك بي فهمنا
مونتي اشجاك من روائعو و سمنه اهداك من زرايرو
هبيلة كان في عنفوانو و استريو كان سلطان زمانو
و لما شجعتك كتير ما لأنك انت فلته بل عشان خاطر دموعك
جيت و سمعتك فرزدق وكنت طمعان في نبوغك
تاخد النقلة و تجود بس شبكتني جلي انسي
و هسه لما بعدنا عنك جيت تسيء لي ذاتنا تقسي
*****
و لما اخترنا المنافي ما فهم كبسة خروف
كان قدر محتوم و و افي نقهر الهم و الظروف
المرتب ما بكفي العيد كمان عايز خروف
فرصة كانت للتحول خبرة و معارف و ناس صنوف
الوطن ما فيه فرصة عشان تحقق فيه ذاتك
و التناقض في الشوارع هو البعكنن ليك حياتك
ناس تخج شان تلقي منصب ساكنة برزخ من لألي
و ناس بتاكل عيش معتد و ساكنة بيت جالوصو بالي
و رورو داك يجيك ملطط و همو في نصية تاني
و الطارة غرفت ناس حلاوة و في الجنوبي لقو الطراوة
و الخلاص في ايدك انت في سلاح شعرك و صدقو
و انت آثرت السلامه تسكت انت و ديك يسرقو
انت غبيان ماك داري بالقضايا المفصلية
ساهي في ظنك و حنك و الليالي المخملية
كتمة في البيت الفلاني و قعدة في بري الفتية
لاهي ما قادر تفرق بين مغارزك و القضية
هل بتعرف مستغانمي ..!
فرويد .. الحلاج ... و غاندي.!
دافنشي ... يا العشا بي لبن
طيب سمعته ب(جومو) مرة..!
جيفارا ... يا كلك محن
نحن صقلتنا التجارب عركتنا زي خيلاً اصيلة
نسمو بالقيم النبيلة و ذكريات صافية و خميلة
حسبو بكتب للأصالة و لمة الناس الحياري
حسبو بكتب لي زمانو و للحبيبة اللسة راكزا
عن كباكة و صولجانو و عن كفاح باميلي بامزا
للوطن.. للأم و اطفال الشوارع
للمحبة و للمودة و ذكري تخليد لي كوارع
*****
و لما ننظم للقصايد ما عشان حفنة دراهم
ما بنقابض في الجرايد و لا بنصارع في الولايم
لابس الهزاز و تقدل و ساقي شعرك زيت رتينة
جزمة صفرا و جنز ابيض و راخي سيقانك تكركب
ذنبو ايه السر يرافقك و انت غانج بالسمينه
عنيف كمان اوفاك بوعدو والله يكتب ليهو سعدو
و انت ما اوفيت بوعدك خوة لستك خوة فرتك
اقسم الارنب معاهم و سيب امورك يا مخستك
****
و انت مغمور يا حليلك و التنطع هد حيلك
احمد الصادق اهانك لما سجل و ما استشارك
حنكوك يا فارة حقك و انت زي الديك تكورك
حالك اصبح مزري جداً و بقيت تكركب زي ضقل
جيمك الكرواتي ثعلب و اصلو ما بتم الشغل
و بعد ما اصبحت شاعر قالو عايز تبقي تاجر
نحن بنجيد المعاني و انت بتبيع المشاعر
إنت يا سيد جلست
و من سمح قولنا اقتبسته
و في وحل ريد القواسي
انغمست و انغرست
ياخ بدل تكتب قصيدة
امشي اشرب ليك مديدة
و دامه في الخور امشي صيده
و خلي احلامك سعيده
| |
|
|
|
|
|
|
|
|
|
Re: مرادمات شعرية الي الهالك حسبو .....! (Re: محمد البشرى الخضر)
|
ود البشري يا اصليQuote: بس بالغ في قصة البوابير الفي الأحفاد
طوّل من البلد أظنّو |
بتاع البوابير دا ما انا ياخ, دا اسمو الجامد حب ليه واحدة و لمن قطعتو معاه قال ليها انا بيني و بينك الفين جنية عزمتك بيها عصير في كافتيريا (الخرطوم سنتر) , و بعد رجعته ليه بقي يحلم بانو يجاور بوابير الاحفاد :)
| |
|
|
|
|
|
|
|
|
|
Re: مرادمات شعرية الي الهالك حسبو .....! (Re: Amira Elsheikh)
|
سارق شنو يا اميره قدامك قوقل كلو قوقلي لمن تفتري
قصة انو الواحد يردم حسبو دي ما دايرة ليها اي شاعرية
قصيدتي ده كتبتها في ركشة 
ومورتا وحسبو وبتاع الركشة شهود
هسي انتي كان قعدتي باقي يومك بتعملي فيهو معلقة
زول حبيبة ماعندوا
وقاعد في السعودية بنين
اتخيل لي مافي معطيات أجمل ممن كده
| |
|
|
|
|
|
|
|
|
 Re: مرادمات شعرية الي الهالك حسبو .....! (Re: Omar Bob)
|
هيثم لا يستطيع ان يكتب ما كتب لولا مساندة خضر و مورتا له و اعطاءة خارطة لطريق المرادمة
لذا الرش حيكون بالدور :)
خدوري يا غاوي الشقاوات و المحن
اركز و بل راسك و مسحو بالسكن
من صاج قديم نيرانو هابه و ساكنو جن
تلقانا راجنك علي شارع النضال و ماسكين الكفن
دي ابيات مرتجلة لمرادمتنا الجايه يا خضر
غايتو باقي الايام دي قعداتنا حتكون مع كباكه و اب عمه عشان نستلهم الجمجرة علي اصوله :)
| |
|
|
|
|
|
|
|
|
|
Re: مرادمات شعرية الي الهالك حسبو .....! (Re: حسبو عكاشة)
|
Quote: هيثم لا يستطيع ان يكتب ما كتب لولا مساندة خضر و مورتا له و اعطاءة خارطة لطريق المرادمة
لذا الرش حيكون بالدور :)
|
كنت حاسة يا حسبو ..شان كدا من البداية قلت ليهم شامة ريحة مؤامرة
زلا يهمك واثقين منك ياحسبو ..
مورتا ارفع يدك من حسبو ولا بجيب المسنجرات اياها
| |
|
|
|
|
|
|
|
|
|
Re: مرادمات شعرية الي الهالك حسبو .....! (Re: خضر حسين خليل)
|
| Quote: زول حبيبة ماعندوا تثقوا منو كيف يعني |
الكلام دا بدينك ياخضر,,,
غايتو فى كـلام كتبتو بعضمـة كيبورديكـ وانا عاجبنـى شديييد
ومـن سنتين تقريبا...حنستخدمو كـورقة ضغط فى حـالة انزنقنـا انا وحسبـو,,,
___________________________
مــورتا لسة عندك فرصة توبة..
| |
|
|
|
|
|
|
|
|
|
Re: مرادمات شعرية الي الهالك حسبو .....! (Re: خضر حسين خليل)
|
ياخدوري كونك ترفع البوست دا في رمضان يعتبر محاولة هجوم منك في الأشهر الحرم ولا تلومن الا نفسك ان قام حسبو بغاره شعريه عليك خسوسا خسوسا انو الدنيا مطر والجو في الخور اليومين دي فارض نفسو
مورتا مراقب المرادمات الشعريه الحالي وحليف هيثمكا وخدر السابق
| |
|
|
|
|
|
|
| |
خضر حسين خليل
محمد عبد الماجد الصايم
مرتضى احمد عبد القادر
محمد البشرى الخضر
حسبو عكاشة
Omar Bob
الشيخ إبراهيم الشيخ
حمد فتح الرحمن
فيس بوك
تويتر
انستقرام
يوتيوب
بنتيريست