|
باركوا لي الرابعة شرفت وقول رزقناء زاد
|
قبل ساعات حلت المدام عفاف بالسلامة بي عملية قيصرية بالزيتونة وجابت بنية تشبه اخواتها
غايتو كان دايرين الولد لكن البنات برضو حلوات ورزقن قول يا لطيف ربنا يحفظكن جميعا ويديني العمر لكي اعمل بوصية سيدنا المصطفي (ص) عشان نخش الجنة
|
|
|
|
|
|
|
|
Re: باركوا لي الرابعة شرفت وقول رزقناء زاد (Re: SHIBKA)
|
السمؤل بدر الدين الف حمد على سلامة المدام وبنيه مبروك الجايه في رمضان ده.
تتربى في عزك ويا بختك بقيت ابو فوق ال 3 بنيات.
اها تعال نضحكك ناس حازم وسند في عيد ميلادهم الكان قبال يومين قالوا اهم هديه لهم عايزين(Baby sisiter) اها قلت لهم عارفين انتو انها ما بتجاب من الدكان مش كده(هههههه) ضحكوا وقالوا عارفين لكن توعيدنا تشدي حيلك(هههههههه)
اها بعد كلام بيان ده:
Quote: البنت يا ود عمي ما بجن لاي زول حبوبة قالت الله بيديهن للراجل الفضيل الطيب |
بيان القت الكروه في ملعبكم انتو الرجال اها نواصل معها الدعاء بان يمنحنا الفضيل وطيب(ههههههههههه)! عشان نعرف نجيب البنيه وهديه ورضيه وعلى كبر(هههههه)!
| |
|
|
|
|
|
|
Re: باركوا لي الرابعة شرفت وقول رزقناء زاد (Re: Ahmed musa)
|
الاخ علي ميرغني
شكرا يا اصيل
Quote: الاخت تراجي
Quote: عشان نعرف نجيب البنيه وهديه ورضيه وعلى كبر |
من كل قلبي الله يحقق دعائك ببركة الشهر الكريم هذا |
آمين يا غالي ودعوتك ما بتقع الارض لانها دعوت اخ فاضل لاخته.
ربنا يحقق امانيك جميعا.
| |
|
|
|
|
|
|
Re: باركوا لي الرابعة شرفت وقول رزقناء زاد (Re: مزمل خيرى)
|
الأخ السموأل مباركة البنية إن شاء الله و حمدا لله على سلامة أمها و نشأها الله و أخواتها في ظل رعاية والديها و حنانهما و جعلهن من الناجحات الصالحات البارات المباركات. بورك في الموهوبة و شكرت الواهب و رزقت برها و بلغت أشدها.
| |
|
|
|
|
|
|
Re: باركوا لي الرابعة شرفت وقول رزقناء زاد (Re: أبو عبيدة البصاص)
|
Quote: ربنا يحفظكن جميعا ويديني العمر لكي اعمل بوصية سيدنا المصطفي (ص) عشان نخش الجنة |
آمين آمين يارب ,, وربنا يسبغ نعمة العافية علي والدتهم وعليك. انا دخلت البوست محرقانى روحى قايلك بتتكلم عن اربعة الهلال فى الجيش طلعت صفوة اريت الشفقة تطير ماترك.
| |
|
|
|
|
|
|
Re: باركوا لي الرابعة شرفت وقول رزقناء زاد (Re: khaleel)
|
حبيناوقريبي الزين الف الف الف مبروك وحات الله البنات سمحات وهديات ورزقن كتر بس وسع جيبك يا حبيب ومن هسي حاجزين العريس تراكم شفوهو يا حبيب الف سلامة للمدام وتتربى في عزكم ان شاء الله دس لي حقي في السماية بجي بسألك منه
| |
|
|
|
|
|
|
Re: باركوا لي الرابعة شرفت وقول رزقناء زاد (Re: omer osman)
|
اللهم أجعلها من الصالحات وأجعلها قرة عين ألف مبروك البنوتة أخي السمؤال وحمد لله علي السلامة,,,,,,,,,,,,,
سلام يا سمؤال وخبرك ..........
| |
|
|
|
|
|
|
Re: باركوا لي الرابعة شرفت وقول رزقناء زاد (Re: Amira Elsheikh)
|
مليون مبروك ياسمؤال ,, وحمدا لله على سلامة الوالده والمولوده ,, وبعد ده ياصاحبى قرض على كده . الشغله لقدام فيها إسكيرتات وبلوزات وكريمات ودهانات ومصاريف جامعات وحجز صالات وعشاء مناسبات وعووووووووك . أسأل مجربين ,,
تحياتى ياسمؤال وربنا يحفظهم جميعا ,,
| |
|
|
|
|
|
|
Re: باركوا لي الرابعة شرفت وقول رزقناء زاد (Re: كمال سالم)
|
Quote:
ربنا يحفظكن جميعا ويديني العمر لكي اعمل بوصية سيدنا المصطفي (ص) عشان نخش الجنة
|
الحمد لله على سلامة والدتهن
وربنا يحفظهن ويعينك ويعين والدتهن على تربيتهن
بس لو قللن شوية من غيرتهن على بعضهن تاني مافي مشكلة
أنا عندي اثنين كانت كل واحدة تصر تجلس على كتف من أكتافي في نفس الوقت
الآن الأثنين في الكليات وأنا أصبحت خبير في ( فض النزاعات)
| |
|
|
|
|
|
|
|