|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: imad hassan)
|
Quote: ودونك عماد حسن على من مقاشي المهمشة والتي كثيرا ما ادل عليها اصدقائي بقولي انها تقع قريبا من الزومة وحزيمة. |
يا هلا بي عماد حسن .. ويا مراحب بي مقاشي وناسها الكمل .. معقولة دي يا خي حدي يهمش مقاشي .. علا زولاً مو عارف حاجة تب ..
لدي كمية هايلة ورائعة من أبناء مقاشي أصدقاء وأولاد دفعة في الوسطى والثانوي وجامعة الخرطوم .. احلى ناس وأرقى بشر ..
تحياتي بالكوم
أبوفواز
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: داليا الكباشى)
|
Quote: والله يا عمو صديق خشيت اقول ليك ماما قالت ليك : فطيت نـوري مـالك ..؟؟ لقيت كاتبها جووه .. لكن بررضو ليه ما تكتبها في العنوان ؟
التوقيع :
دلوش , بت عبدالمنعم كباشي سيداحمد .. كريمه السوق والحاجه من نوري , , زميلتكم المصونه ..
بالغتا ! لا كريمه لا نوري ما تكتبهم ؟ |
معليش يا بت أخوي الدكتورة .. العتب على النظر .. باقي كبرنا .. ورمضان كرب تب .. وخالتك أم فواز الظاهر عليها قاعدة تتقل في الدكوة في الفطور .. !!
تحياتي للوالد والوالدة وكل الأسرة الكريمة .. وبلغي الوالدة سلام أم فواز الكتير ، وما زلنا في إنتظار زيارتكم الكريمة ..
وتحية كبيرة مكبرة على واحدة ونص لي ناس كريمي من جنمب ...
سلام وتحية
أبوفواز
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: عمر قسم السيد)
|
التحية لك أخونا الكابتن ( صديق )...ابن الدفعة ( القدامي) في مروي الثانوية ...وفردة الثنائي (ابو المعالي وصديق عبد الجبار) التحية لك وانت ( تلملم ) اطراف البلد!! من خلال بوستك هذا ... وما شاء الله الحصيلة ( لا يستهان ) بها ... بس امسك الخشب وقول تبارك الله !!
القرير ...القلعة حيث قال شاعرنا : سعيد الدنيا يدّي قريرو طوفا** ينزل فوق جداولو يمر يشوفا او كما قال ( ودبادي) : نزلت قرير اهالي الشام *** يعشوا الضيف غني وفقران
اخونا عمر قسم السيد: اجمع هنا ...
لكم التحية ورمضان كريم
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: عمر قسم السيد)
|
مرحب بالحبايب ... وريحة البلد الطيبة .. ما شاء الله عيني باردة وعين الحسود فيها العود .. اخرجي يا عين يا عانية ... رقيتكم من عين بورداب بحري وأمدرمان والخرطوم وجدة وقطر والخليج .. وماليزيا وبالعكس ... أخرجي يا الما بتشبهينا ... !!
تحياتي بالكوم .. وحلف قسم علا أرد علي كل زول وزولة براه/ها ... بس خلوني النفك الريق .. وأحلل الصيام .... تقبل الله منا ومنكم صالح الأعمال والدعاء والصيام والقيام إن وجد .... !!!
تسلموا .. والله يعلي مراتبكم ويجنبكم شر خلقه
حبوبتكم أبوفواز ..
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: جمال المنصوري)
|
Quote: عندك واحد منصوري ، مربط بي شايقية..
امري (الوراريق) + البركل (ناس الكرسني) + ولاد خالتي من ام بكول (ولاد المرحوم الزبير الرفاعي) ينفع ولا نمشي نشوف لينا ناس نفطر معاهم ؟ |
ود المنصوري .. جيتاً جيت يا خي .. ونحن لاقنكم وين ياخي ؟؟
أحلى ناس .. ناس أمري الوراريق وناس الكرسني البركلجية وناس أنبكول .. وآل الرفاعي ، طبعاً ديل غير آل الرفاعي بي مروي .. وبرضو أحلى ناس ..
أنت تتحكر .. وتتوهط .. وحلف علا تواصل معانا .. وبالهنا والشفى ..
تحياتي
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: هاشم محمد الحسن عبدالله)
|
Quote: تحياتى الأخ صديق ، أخوك من السقاى ، ودويم ود حاج، الجدود من الغريبة وأستقروا جزء منهم فى دويم حاج وجدى ناظر محطة السكة الحديد عبدالله عبدالعاطى فى السقاى بعد ان طاف كل انحاء السودان فى عمله ، متزوج قريبة لى والدها من العفاض ، واقيم خاج السودان منذ (32) سنة وحتىالآن ، ولكن شديد الارتباط بكل مايدور فى السقاى ودويم ودحاج بحكم ثورة الاتصالات التى عمت الدنيا، مودتى . |
يا مرحبتين أخونا هاشم .. وربنا ياخي يجمع الناس في ساعة خير .. ونسأله تعالى أن يرد غربتك .. لكن للأحسن ، يعني ترجعوا مجيهين والسودان يكون مجيه ، مش الزول يدق خروج بدون عودة .. ويجي يلقى الحال في حاله .. عشان كدا نحن عاوزين نطلق مشروع وطني لجعل "العودة جاذبة" .. ونعمل ليكم إستفتاء قبل ستة أشهر من ختم الجواز.
تحياتي بالكوم ياخي .. وناس السقاي والباسا ودويم ود حاج ديل بقى أهل أمي .. ففيهم الخال والخالة .. وطبعاً هي دي دايماً العترة المليانة محنة للطيش ...!!
دمت بخير .. ورمضان كريم
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: عمران حسن صالح)
|
Quote: الشي شنو ؟ خد واحد عندكـ أبودوم - مركز مروي حوشابي " أبودوم " ، فاضلابي من نوري من ناحية الأب أربابي شقاقي من ناحية الأم بس معرس جعلية وموزع خمسة أخوات على باقي القبايل |
الشي مو شي .. والتقيل جايي في الدرب .. بس قول يا لطيف وخليك متفائل .. !!
وانا معرس بديرية دهمشية ، خارتاني في القراصي .. لكن النصيحة ..!! .. مشبعاني عصيدي وملاح روب تب .. الله يخليها أم فواز ....
والوالد عبد الجبار افندي طه حوشابي للطيش .. ناس ابدوم الحلوين .. أما الأم من جهة الوالدة كدنقاب من البركل تحت ساقية ود نفيسة - الساقية 5 ، ومن جهة الأب دويم ودحاج - الرجيلي ، دويحاب وحاجاب.
أها شنو ليك مش سوداني مية مية .. ويقال إنو فينا قليل من النفس الفلاتي الجميل ...
لكن اتربينا في العاصمة طبعاً ؛أولاد الضابط ... دا كلامك ... !! مروي الرصيفها حجر .. وفي بعض الكتب كان يطلق عليها صنب ..
الفنان الكبير عبد الكريم الكابلي صادق أخواني الكبار ولحن أجمل أغانيه في ديوان بيتنا الكبير .. وكان يعمل باشكاتب بالمحكمة الشرعية مروي.
وورثنا جميعنا ، كل أولاد عبد الجبار .. العزف على العود والكمنجة والغناء من الرائع كابلي .. ربنا يديه الصحة والعافية
تحياتي
أبوفواز
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: حذيفه ابراهيم الكباشي)
|
Quote: سقاي ولاد بشير عمران و السواعير دويم ود حاج شهير تنقاسي و القرير الدتي و الحجير حلة ولاد بصير جزيرة ود سرير عربان الهواوير في أبقش التجاجير لاتنس الجبابير سوابق والبدير لا أرقو و الحفير |
دي الصولو واللا بلاش .. ولا تنسى الجبابير .. بالمناسبة الجبابير ديل جدودي ، يلحقوني وينجدوني ، نا سعد أبرعد وعبد الجبار أب عنقريباً طار ، وجدنا الكبير الشيخ نور الدايم مبين هنا في الجزيرة في فداسي العامراب ..
لك الحتية والمعزة أخي حزيفة
أبوفواز ود أب عنقريباً طار !
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: بخاري عثمان الامين)
|
Quote: لا لا لا زعلانيين شديد معقولة تنسي الجريف |
أوووه البخاري وليد عثمان اللمين .. الجريف كيفن تتنسي يا خي ، دي الجريف واللوبيا يا خي ، أحلى ناس وأحلى ريحة زيفة وطين بحر ، ..
طبعاً أنا عملت ساتر إستباقي من زمان وقدمت الإعتذار سلفاً .. أنت قايل بوش أحسن مننا ...
نحن يا خوي الكبر دخلنا والعتب على النظر والسمع والشبكة الطاشة ...
تعيش يا غالي .. وسلامي للأولاد وأم العول .. والبنيات والغنيمات .. وإنشالله حلبتوا النعجي .. ؟؟
تحياتي
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: صديق عبد الجبار)
|
اها قمنا للزعل
شبا وعسوم خبارن لا تجيبو
امسك عندك الوالد من شبا من ساقية القرونة وامه (نفيسي بت بغداد) من ساقية البغاديد في شبا الوالدة رحمها الله بركلاوية من ناس ابو دية وامها (فردوس بت الريح) مقرني الدنيي كلها شي من شبا وشي من العفاض وشي من أوسلي وشي من امبكول
يا المنصوري انت ما دام الكرسناب اهلك معناها انا ود اهلك لانه الكرسناب معرسين خالتي زينب ابو دية
وداليا الكباشي دي ذاتها انا مشربك معاها لانه عندها جزء في الكنيشاب وديل ولاد عم ابوي
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: فتحية شامي)
|
Quote: الناس بى شوق نبيهم من المالح فاتو غادى انتى حبك جابنى تنقاسى احج فيها اول تبادى شكرا ليك تنقاسى فى المقدمه شكرا للشاعر ابراهيم ابنعوف |
حبابك ألف فتحية بنية ناس شامي .. وتحية مكبرة لي تنقاسي وناسها الكمل .. والتحية موصولة للشاعر ابراهيم ابنعوف ..
والشوق أردام أردام .. والسلام بالكوم وما ليه حد لي للحبيب سعيد ود شامي .. لم ألتقي به منذ 79 بجامعة الخرطوم ... ألف تحية له ولكل الأحباب ..
تحياتي وتقديري
أبوفواز
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: طارق جبريل)
|
Quote: اها قمنا للزعل
شبا وعسوم خبارن لا تجيبو
امسك عندك الوالد من شبا من ساقية القرونة وامه (نفيسي بت بغداد) من ساقية البغاديد في شبا الوالدة رحمها الله بركلاوية من ناس ابو دية وامها (فردوس بت الريح) مقرني الدنيي كلها شي من شبا وشي من العفاض وشي من أوسلي وشي من امبكول
يا المنصوري انت ما دام الكرسناب اهلك معناها انا ود اهلك لانه الكرسناب معرسين خالتي زينب ابو دية
وداليا الكباشي دي ذاتها انا مشربك معاها لانه عندها جزء في الكنيشاب وديل ولاد عم ابوي |
يا مرحبتين حبابك طارق ود جبرين .. نحن من أولها قلنا الشكك ممنوع والزعل مرفوض ...
رحمة الله تغشى جميع ميتينا .. وتخلي البركة في الحيين ... رحم الله أبراهيم أبدية ، الرجل الإنسان .. الفنان .. الراقي .. كان أعز صديق لي وجار ونعم الجيرة ...
يا صديقي إن دققت شوية تلقى الشغلانة دي مشربكة في بعضيها .. كرسناب على كنيشاب علي دويحية .. على كلو .. وكلو مكمل ومجمل كلو ..
تحياتي العطرة
أبوفواز
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: نصر الدين عثمان)
|
العزيز صديق عبد الجبار
مساء الخير
والله الليله نكشت الحنين جوانا باغنية الزول الوسيم في طبعه دايما هادئ
وطبعا دي اغنية قديمة (قدم الكسري) زي ما بتقول حبوبتي
لكن رغم كدا زيها وزي كتير من الاغاني والقصائد الشايقية باقية
للان في دواخل اجيال متعاقبة مش كدا وبس بل يغيها غير الشوايقة وما اجملها من ابراهيم دينق 00
ودا دليل على انه غناء الشايقية يلامس اوتار كل من يسمعه في السودان وذلك لانه الغناء الشايقي واشعارهم تتناول كل مناحي الحياة 00 فالشايقية غنو للطبيعة
والجمال والمراة والنيل 00 وغنو للتراث وبطولات الشعب السوداني 00 ومش كدا وبس بل
لامس غناهم القضايا والهموم اليومية ودا يظهر بوزضوح في شعر حمييد 00
ولي عودة 00
ولك حبل ود ممدود00
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: عفاف علي ميرغني)
|
Quote: ولا تنسى الجبابير .. بالمناسبة الجبابير ديل جدودي ، يلحقوني وينجدوني ، نا سعد أبرعد وعبد الجبار أب عنقريباً طار ، وجدنا الكبير الشيخ نور الدايم مبين هنا في الجزيرة في فداسي العامراب ..
|
والجبابير ديل جدودى من جهة الوالدة اطال الله عمرها ولازالت تقول يابركة عبد الجبار اب عنقريبا طار فهى .. نور الشام محمد محى الدين عبد الجبار نور الدايم اما الوالد من الجويلاب حواشابى من ابودوم والاصل من تنقاسى .. اما ابناءهم واحفادهم لا يعلمون شيئا عن الجذور وزى مايقولون شايقية تايلاند ...
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: على جويلى)
|
اخونا صديق : حياك الله ومداك بالعافيه وكل سنه وانتو طيبين
حقيقي لفت نظرى العنوان ودخلت حتي اصبت بشد وجدذب عاطفي ومهول
اولا نبد باللوم : تنسي اوسلي (( بلد الشاعر ابراهيم ابنعوف )) يا فتحيه شامي
ويا جيرانا ناس الباس(( اخونا نصرالدين)) بتربطنا بيكم حبوبه من قوز اوسلي. الليله وجيدالنا : طارق جبريل بقي عنده مرق في اوسلي.
وكمان يا صديق ما تذكر الاراك واراك شيخنا ودابراهيم؟ انا مربوطه بين هذين المدين جدودى الله يرحمه تزاوجو بين تلك القريتين وانجبو هذه الامتدادات من الاحفاد.
جدتنا ضوه بت عثمان ود سيداحمد (( صراف مروى )) كما يلقبونه في ذللك الزمان انجبت بتزاوجها من جدى من اوسلي الوالد عليه رحمة الله وعليهم رحمة الله اجمعين لنا جدتنا اخت المرحومه الجده تزوجت في مقاشي وتوفيت هي وزوجها لكن لا زلنا نحن لتكل البقاع - مقاشي_ التحيه ليك يا عماد اعجبني توثيق عبدالعظيم وتمنيت لو حذينا حذوه ....في قروب في الفيسبوك يسمي احفاد الشيخ ودابراهيم
دحين يا صديق ما نسيت مساوى والكنيسه والغريبه؟ ممكن احي ناس قرير ود قرافي ؟ لدى اصقاء اعزاء انقطعت صلتي بهم اتمني ان يكون بخير
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: نورالدين الفحل)
|
Quote: صديق ود عبد الجبار تصوم وتفطر على خير
الوالد حسن عثمان سعيد الفحل فحلابى حنكابى من ناس الجزيرة مساوى الوالدة المرحومة خضرة بت الريح الملك الحاج من ناس الجعل فى اوسلى وام ولادى من القرير حى السوق ومشلهت مابين كسلا والخرطوم بحرى وجدة اها انفع اكون مع ولاد شايق ديل ولاعندك رأى. |
حبابك ألف نور الدين ود الفحل .. إنت محلك محجوز تب ، وحلف الفحل ود الفحل ما بصدوا ، خاصة وأن الحكومة المركزية من القرير وكمان حي السوق ، يعني القرين كارد جاهز وتجي تستلموا مباشرة ...
يديك الصحة والعافية وكل سنة وأنتم طيبون ... رمضان كريم
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: Mahassin Ibrahim)
|
Quote: اخونا صديق : حياك الله ومداك بالعافيه وكل سنه وانتو طيبين
حقيقي لفت نظرى العنوان ودخلت حتي اصبت بشد وجدذب عاطفي ومهول
اولا نبد باللوم : تنسي اوسلي (( بلد الشاعر ابراهيم ابنعوف )) يا فتحيه شامي
ويا جيرانا ناس الباس(( اخونا نصرالدين)) بتربطنا بيكم حبوبه من قوز اوسلي. الليله وجيدالنا : طارق جبريل بقي عنده مرق في اوسلي.
وكمان يا صديق ما تذكر الاراك واراك شيخنا ودابراهيم؟ انا مربوطه بين هذين المدين جدودى الله يرحمه تزاوجو بين تلك القريتين وانجبو هذه الامتدادات من الاحفاد.
جدتنا ضوه بت عثمان ود سيداحمد (( صراف مروى )) كما يلقبونه في ذللك الزمان انجبت بتزاوجها من جدى من اوسلي الوالد عليه رحمة الله وعليهم رحمة الله اجمعين لنا جدتنا اخت المرحومه الجده تزوجت في مقاشي وتوفيت هي وزوجها لكن لا زلنا نحن لتكل البقاع - مقاشي_ التحيه ليك يا عماد اعجبني توثيق عبدالعظيم وتمنيت لو حذينا حذوه ....في قروب في الفيسبوك يسمي احفاد الشيخ ودابراهيم
دحين يا صديق ما نسيت مساوى والكنيسه والغريبه؟ ممكن احي ناس قرير ود قرافي ؟ لدى اصقاء اعزاء انقطعت صلتي بهم اتمني ان يكون بخير |
العزيزة محاسن بت ابراهيم .. لكي التحية والسلام الحار .. وإنشالله تجيكي العافي التخصك في المصارين ...
تعرفي عشان جنس الملامة دي أنا أطلقت إعتذار إستباقي في بداية البوست .. والله العظيم ما في بقعة في منطقتنا بتتنسي ..كلها عزيزة علينا وغالية ..
تعرفي بس عناوين البوستات دي .. زي الشعر ، بتطلع كدا وليس لنا يد فيها إلا قليلاً من التنميق وتجويد القافية ..
لكي ولأهلنا بالباسا وأوسلي والقوز ومقاشي . . ومساوي والكنيسة والغريبة والأراك والكرفاب وجملة البقاع النايرة ...
كل الود والتحايا
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: على جويلى)
|
Quote: والجبابير ديل جدودى من جهة الوالدة اطال الله عمرها ولازالت تقول يابركة عبد الجبار اب عنقريبا طار فهى .. نور الشام محمد محى الدين عبد الجبار نور الدايم اما الوالد من الجويلاب حواشابى من ابودوم والاصل من تنقاسى .. اما ابناءهم واحفادهم لا يعلمون شيئا عن الجذور وزى مايقولون شايقية تايلاند ... |
كيف يا علي ود جويلي .. الجويلاب حوشاب مأصلين .. حتى ههؤلاء الأحفاد والأبناء شايقية تايلان ديل لازم نجيبهم الخية ، فهم التركيب فقط تايلاندي لكن قطع الغيار أصلية ولا بد من صنعاء وإن طال السفر ..
تحياتي للحاجة نور الشام .. ربنا يديها الصحة وطولة العمر ... قولها السلام جاييك من صديق ود عبد الجبار أفندي - سلالة طه الكوج .. ولد عاشة بت يوسف ناس الرجيلي ، التومة بت علي محمد طه عمتي لزم رحمها الله ، وجويلي الكبير متزوج إبنة عمتي حواء بت زينب محمد طه الكوج ، وتحياتي للاخ سيف الدين جويلي ..
لك كل الود والتقدير
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: عفاف علي ميرغني)
|
Quote: والله الليله نكشت الحنين جوانا باغنية الزول الوسيم في طبعه دايما هادئ
وطبعا دي اغنية قديمة (قدم الكسري) زي ما بتقول حبوبتي
لكن رغم كدا زيها وزي كتير من الاغاني والقصائد الشايقية باقية
للان في دواخل اجيال متعاقبة مش كدا وبس بل يغيها غير الشوايقة وما اجملها من ابراهيم دينق 00
ودا دليل على انه غناء الشايقية يلامس اوتار كل من يسمعه في السودان
وذلك لانه الغناء الشايقي واشعارهم تتناول كل مناحي الحياة 00 فالشايقية غنو للطبيعة
والجمال والمراة والنيل 00 وغنو للتراث وبطولات الشعب السوداني 00 ومش كدا وبس بل
لامس غناهم القضايا والهموم اليومية ودا يظهر بوزضوح في شعر حمييد 00
|
الشكر آلاف .. عزيزتي عفاف ..
هذه مداخلة أعتز بها وهي قيمة للغاية .. نعم .. وليس الشايقية لوحدهم ..نحن كسودانيين بشر حنين وحكيم وبكاي ويحب الجمال والخضرة والصحراء ، وكمان شجعان ولا نحب الضيم أو الحقارة ..
وبناتنا مستورات وأولادنا ضلالات .. وأماتنا يعرفون تماماً أصول التربية العلمية التي بدأ العالم المتحضر يرجع لها اليوم ..
وغناء العزيز دينق لأغنية شايقية فهذه رمزية لها ما بعدها .. وأكيد لها ما قبلها ..
تحياتي ومودتي الصادقة
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: نصر الدين عثمان)
|
Quote: خذ عندك الجذور من (الباسا) مركز مروي .. تلك القرية الوادعة الواقعة على الضفة الغربية من النيل
غادرها الوالد - رحمه الله - كما قيل لنا وهو في شرخ الصبا بعد وفاة والدته .. في رفقة والده تاركاً فيها خاله الوحيد.. وقد كان يجيد العزف على الطنبور .. فغني لحنه الأخير مودعاً تلك الربوع وخاله (الواحداني) .. ولم يعزف بعدها الطنبور ولم يعد إليها ثانية إلى أن توفاه الله قبل زهاء السنتين .............. الغريبة .. القوز .. أولاد جابر .. أوسلي .. |
يا مرحب بالحبايب ناس أوسلي والقوز والغريبة وأولاد جابر ..
ربنا يرحم ميتينا جميعاً ويتقبلهم قبولاً حسنا .. ويجعل البركة في ذريتهما ..
تسلم يا عزيزي نصر الدين .. ورمضان كريم
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: أبو الحسين)
|
Quote: الأراك ود سورج (أراك ود شيخنا ود أبراهيم)... الوالد...
المقل + مساوي السيد علي الميرغني... الوالدة...
لك التحايا النواضر ولضيوفك الكرام... وكل عام وأنتم بألف خير وعافية... |
العزيز الغالي أبو الحسين .. السلام بالكوم والتحايا العطرات ما ليها حد ..
أهلاً بالحبايب .. وريحة البلد الطيبة والناس الطيبين .. والأرض الطاهرة ...
كل الود والتحايا وكل سنة وأنت طيب .. تصوم وتفطر على خير
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: ناصر النعمان البدوي)
|
Quote: امسك عندك العبد الفقير لله- ناصر النعمان البدوي محمد صالح النوبي
مسقط الرأس من جهة الوالدين ابودوم جوار المطار
وتمتد أسرتنا اسرة (ودالنوبي) لتظلل تنقاسي السوق
|
ألف مرحي عزيزي ناصر ود النعمان البدوي آل ود النوبي .. قطع شك ما دام أبودوم جوار المطار سمعت بي ناس ود نعيم ، وهم أسرار أل ود النوبي ، الشيخ "الفقير" ود نعيم الكبير متزوج عمتي شقية أبوي لزم المرحومة نعمة الله محمد طه الكوج ، إبنها البكر إبراهيم أحمد نعيم أشهر علم في "كبانية" بوستة مروي بعد المرحوم "خشبة"..
كل الود والتحايا العطرة ... ورمضان كريم وكل عام وأنتم بخير
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: ابراهيم الرشيد عبدالرحمن وراق)
|
Quote: الاخ صديق
تحية طيبة ورمضان مبارك
اها امسك عندك واحد من احفاد الدويحية
Quote: عبد الرحمن ذريته بشبا ومن أحفاده الشيخ وراق عبد الرحمن المقرئ.
من شبا...حلة الفقرا... وعبدالرحمن الفوق ده جدى وشيخ وراق اطال الله
فى عمره عمى تب ووالد زميل البورد الشفيع وراق من بورداب الرياض |
أهلاً أبراهيم أبوخليل ، جنى الرشيد عبد الرحمن ترب الوراريق ، أهلنا وأسرارنا وعترتنا النجيضة ، أنا دايماً بخاطب زميلنا الشفيع وراق بي يا "سري" .. وبالمناسبة إنتو عندكم كان من أسرتكم الشيخ الصالح عبد الرحمن الرشيد ، وكان مستقراً في قرية الرجيلة وهي مسقط رأس والدتي وتربينا وترعرعنا في كنف ذالك الشيخ الفقير إلى الله الصالح رحمة الله عليه. دا بالإضافة طبعاً إلى بقية ترب الوراريق بدويم ود حاج وهم أيضاً أهل والدتي وعترتها.
وأخونا وزميلنا كابتن طيار سبد أحمد الرشيد ، أحد أقطاب نادي الهلال العاصمي "سيد البلد" ، وعضو مجلس الإدارة.، وهو راجل سرنا شديد برضو.
تحياتي العطرة
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: Mahassin Ibrahim)
|
Quote: ويا جيرانا ناس الباسا(( اخونا نصرالدين)) بتربطنا بيكم حبوبه من قوز اوسلي. الليله وجيدالنا : طارق جبريل بقي عنده مرق في اوسلي. |
محاسن ابنة العم .. يا هلا بيك ومرحب بأهلنا وأحبابنا بأوسلى .. ولحمة الحبوبة التي تربطنا بكم .. تزيدنا شرفاً ضمة .. واعتقد أن هناك الكثير من صلات القربى والأرحام والوشائج القوية التي تربط بين أوسلي والباسا وأذكر منهم ابن أوسلي زميلنا المحامي (عبد الواحد محمد عبد الرحمن) تقبلي مودتي وتقديري
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: طارق بخيت)
|
Quote: يا هلا يا نصرالدين ومرحب بيك تاني
هل تصدق ان عبدالواحد محمد عبدالرحمن ابن خال امي (( ود عم والدتها))؟
وخالي متزوج اخته ؟ |
محاسن .. والله دي من بركات هذا البوست المفرح والشكر في ذا وذاك للريس صديق .. كنت إذاً تعنين تلك الحبوبة .. والله أنا دائماً ما كنت أقول بأن هذا السودان برغم اتساعه .. إلا أنه إذا التقيت أي أحد من مواطنيه وتيسر لك تجاذب أطراف الحديث معه فإنك حتماً ستجد قاسماً مشتركاً معه .. الأستاذ عبد الواحد .. يا له من رجل .. عملنا معاً في مكتب ابن خالتنا المحامي حيدر عبد العاطي أبو دية عندما أتيت متدرباً في منتصف العام 1992 .. قبل أن يقوم بافتتاح مكتبه الخاص بعمارة شروني – شارع البرلمان .. هل الأستاذ الشاعر الضخم الجيلي محمد صالح صاحب (خصام) و(ماضي الذكريات) هو قريبكم؟ لك خالص مودتي وتقديري وسلامي للأسرة
(عدل بواسطة نصر الدين عثمان on 08-23-2010, 01:45 PM) (عدل بواسطة نصر الدين عثمان on 08-23-2010, 01:49 PM)
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: طارق بخيت)
|
Quote: والدتى والحجير أها نحن ناس الحجير وجلاس وفى الحجير من كافوتة رغم انه العنوان شايفه كله ناس الغرب لكن قلنا ندخل ونضيف انفسنا نحن ناس الشرق و كمان فى الغرب عندناباقى عقاب فى مساوى، والتحية لك اخ ابوفواز ولجميع المتداخلين ورمضان كريم وتصوموا وتفطروا عاى خير . |
أهلاً بالناس الكمل ... ناس الحجير وجلاس ومساوي ، أهلاً حبيبنا طارق ود بخيت ، إنتو ناس بيت ياخي ولو رجعت إلى المداخلة رقم إتنين جبنا طيرتكم فيها وألحقناكم بالقطر قبل ما يصفر ..
تحياتي الصادقة وسلمي المعطر ...
كل عام وأنتم بخير
أبوفواز
| |
|
|
|
|
|
|
Re: طيب وين بورداب : دويم ودحاج - مروي - أبودوم- تنقاسي - القرير - وبالعكس ؟ (Re: Hatim Gubara)
|
Quote: أها جيناكم نحن شوايقه كاليفورنيا.. في الأصل من بلد الجمال.. القرير قوزهندي.. منها جدنا جبارابي أصلي.. عبدالرحمن جباره ولقبه كربل.. وحبوبتنا.. من تنقاسي.. ستنا بت الشيخ عبدالرحيم الحفيان.. وأبوي جباره وأمي إحسان بت عمن ليهو.. بعد داك خلوها ساي... ننفع? |
مرحبتين حباب ناس قوز هندي أهل الطرب والشعر والكلام الموزون ..
وبعدين شوايقة كاليفورنيا ديل ما يا هم حلقة الوصل التي حضنت الجذور وشالتهم في عيونها عندما أجبرتهم المعايش للنزوح إلى المركز ، فأنتم الساس وأنتم الراس ، أذكر إننا ونحن صبية درفن في مروي عندما نأتي في إجازة الصيف للعاصمة ، وكان دائماً ما يكون ذلك عندما يرضى عننا الكبار ونحرز نتيجة كويسة ، فتكون هذه هي جائزتنا ، نأتي إلى الخرطوم ، ولا نستطيع طوال مدة الإجازة أن نلف على كل الأهل الين لم يروا البلد في حياتهم ، في الصحافات والحاج يوسف والثورات وأمبدات والسجانة ...إلخ تلك الأحياء التي إمتلأت بشايقية كاليفورنيا.
أذكر في إمتحان "اللجنة" من الأولية للوسطى في ذلك الزمن ، أحرزت المرتبة الخامسة مشترك مع صديقي أبوالمعالي محمد الحسن طراه الله بالخير ، وخيرت في جائزتي أن : إما أن آتي للخرطوم لزيارة أخي وعميد أسرتنا حينها رحمه الله رحمة واسعة ، اللواء معاش / محمد عبد الجبار محمد طه الكوج وذلك بالطائرة ، أو أن أذهب لزيارة خالتي ربنا يدها الصحة والعافية ، وهي من رموز حقل التربية والتعليم بالشمالية ، الأستاذة / نعمان يوسف حسين صالح ، وكانت وقتها "ناظرة" مدرسة أرقو الأولية بنات ، أن أذهب إليها بالباخرة ، وكان خياري هو الخيار الثاني ، ولقد حير خياري هذا جميع المراقبين.
وبالمناسبة تذكرة الطائرة على سودانير كنا نتحصل عليها ، باستخراج تزكرة القطر ( أولى - قابل للنوم) والت نستحقها على معاش الوالد ، ثم ندفع فرق 25 قرش سوداني ، ويا بلاش !!!
تحياتي ومودتي
أبوفواز
| |
|
|
|
|
|
|
|