|
ياربى دا من شنو ؟!
|
ان يستهوينى مقطع لاغنية يدندن بها احد امامى يكون ذلك سبب كافى لاذهب وانقب فى (كيس الشرائط) ..بحث عن تسجيل لها من صاحبها او من غيره لاعيد سماعها مرة اخرى ..,و(كيس الشرائط) هذا ياسادة ظل يلازمنى كظلى سنوات طويلة ...نعم اعتراه مااعترى حالتى من تغير ..فبعد كان قديم مهترى ايام الجامعه ..يبدو هنا شكله احسن حالا ..خاصة وان (الكيس) لاقيمة له هنا .. تبدل الشكل مع تغير الزمن ..ولكن ظل المضمون واحد ... مجموعة تسجيلات مختلفة لفنانين غالبهم طبعا سودانيين ..لكن لامعيار هنا ..للباحثين عن المعيار ..فهنا يرقد وردى وعثمان حسين بكل سلام مع ندى القلعه ومعتز صباحى ولمعتز هذا قصة ساعود اليها ...
|
|
|
|
|
|
|
|
Re: ياربى دا من شنو ؟! (Re: محمد عبدالرحمن)
|
ازوره باحثا بين الفينة والاخرى ..باحثا عن اغنية ما ..او ملل من سماع مابحوزتى من تسجيلات فاقوم بتغيرها بأخرى ...او احيانا اضيف اليه جديد ...ذهبت اليه هذه المرة فأكتشفت امر قد يبدو عند البعض خطير ..واخرين قد لايعيرونه اهتمام ..لكن هو امر اثار اهتمامى ...وجعلنى اعرضه للحوار هنا فقد اجد عندكم مايبدد حيرتى .... لو قيل لى قبل السنوات ان هذا الامر سيحدث كنت اعتبر مثل هذا الحديث ضربا من ضروب الخيال .. لكنه حدث على كل حال ...
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
(قلبتها ) ذات اليمين وذات الشمال ..تسجيل لمحمود عبدالعزيز (قائد الاسطول) .. هذا التسجيل كل ماضاع منى بدلته بآخر ..فقائد الاسطول هذه ياسادة ..قيل انه كانت تجرى اختبارات الاذاعة للفنانين الجدد عليها ..واذا سمعتها لجنة اجازة الاصوات باداء محمود حتما ستعيد النظر فى امرها ...فقد اداها بطريقة (السهل الممتنع) ..فجعلها هينة (لينة) ..ارتفع صوته وهبط فيها كصوت المياه فى طلوعها ونزولها ... يالجمال الصوت ..
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
تسجيلات حاج الماحى حاضرة ..اربعة تسجيلات او تزيد ..اثنين منها هدية من الاخ دكين حين قدومه الينا ..واثنين ظلن معى منذ سنوات ...ومن لم يسمع (مديح حاج الماحى) فأنه لم يسمع مديح بعد ...اضف اليها تسجيلين لخالد الصحافة وهما مدائح لحاج الماحى ايضا ومتفرقات لودابشريعه والهندى واخرين ... وتسجيل مديح آخر (لاولاد الحفيان) ..وآخر لاولاد الشيخ قريب الله ..ميزة مدائح الشيخ قريب الله فى التسجيل الذى امتلكه انها بدون طار او ايقاع ...يطربك فى هذا التسجيل الكلمات والمعانى ومن ثم حسن الاداء الجماعى عند المجموعه .. محبه قوية تجمعنى بأهل الطريقة السمانية وشيخها القرشى ودالزين دون التزام ..واشعر برهبة حين دخولى لواحدة من قلاعهم (طيبة الشيخ القرشى) او(طابت) ... واحس احساس التلميذ نحو استاذه وانا داخل لطيبه الشيخ القرشى ... وتلك قصة اخرى .... .
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
معتز صباحى ..لاعلاقة لى به على الاطلاق ..فقط دخلت يوما هنا ..ووجدت عمر الفاروق مفترعا لبوست ..يتحدث فيه عن تسجيل (مبالغه) لمعتز صباحى ..ظللت ابحث عن هذا المبالغه حتى عثرت عليه يوما ...فى محاولة لاقامة علاقة مع صوت جديد.. سمعته مرة واحدة ولم ازيدها ..ولااتذكر فيه اغنية غير (ربيع الدنيا) ...وارتبط عندى هذا التسجيل (الماسورة) .. برؤية عمر حول ان (سليمان بمبى) افضل حارس مر على الهلال .. (المابخليهو افضل حارس شنو طالما ان هذا التسجيل مبالغه) .. على كل حال لم اتخلص منه وظل موجودا مع الاخريات .. .
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
على الرغم من الحضور الكبير لاغلب الاصوت ..ومن غاب يشكل حضورا بين الفينة والاخرى عبر النت وغيرها من الوسائط ..لكن الذى لفت نظرى امر بدا لى غريبا ...وهو سبب فتح هذا البوست ...
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
السلام عليكم ورحمه الله وبركاته
اولا طمنتي بخصوص معتز صباحي فلولا استدراكك لما تداخلت معك اخر مره اشتريت شريط قبل سنتين لابراهيم موسى ابا ولم اشغله لان المسجل بايظ ليه كم سنه
تحولت شرائطي القديمه ركن قصي في المكتبه وتطور كيسك القديم الي لاب توب اخاطبك من كيبورده
اما حكايه انك تعلق في اغنيه بمجرد ما تسمعها من زول تاني فدي حاجه نفسيه
يعني زي بوستات محمد عثمان في البورد دا انا بشبها بي راديو الجيران
عندها طعم خاص
ولا اتخيل سواق الحافله يشغل ليك عثمان حسين
اغرب سواق حافله ركبت معاه قبل كم يوم مشغل ام بي ثري فيه فنانه تغني في حفل غريب جدا
اللحن واحد والكلام مجوبك
عاينت للسواق بالمرايه الاماميه لقيتو راجل شيبه وزول كبير في السن
طبعا في الحاله دي تعاين للكمساري طوالي
لقيت الكمساري ما شغال بالفنانه دي وبلم في قروش الفرده
ياخ لمن ما لقيت تبرير قربت انزل
المهم
بقدر ما التكنلوجيا سهلت الامور بقدر ما افقدتها بعض القيم
يعني زي شرايط منصفون الغاليه وسمحه دي احساسا ما زي لمن تسمع
تسجيل من الانترنت
لكن كل ما كان صعب المنال اصبح علي بعد كليك واحده
فاصبحت مثل حال بشار بن برد ( واين لذه المسارقه)
تسلم علي ذوقك الراقي
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
سألتك بلله يا محمد إما سمعت الجيلي الشيخ في بديعة ود أب شريعة : ( برقن شموسو ) ..!! يا الانصاري إني اسمعها سئيلي الله في كل صباح و انا بلبس ماشي الشغل .. فيستعدل يومي و يتمسح السدُر راحة غريبة .. و يا محمد لومك بي إن سمعتها لو ما شعرات جلدك ######ن شعراية شعراية من هول و متعة و عذوبة و نضارة و قيافة و جلال الصوت و الكلمات التي تهبش فتقعد .. و الأداء الذي يدفر الدمع من عينيك كده بس ... سبة بلا سبب . ( برقن شموسو سرى بي ناموسو ) .. ياخي هذا الجيلي بديع .. بديع .
........ أسمعها يا الانصاري و ادعي لأخوك ياخ .. يا كمان إن ما لقيتا .. اسمع اولاد حاج الماحي في : فوق مطايا أسري الليل لي حجايا .
الله يسعدك ياخي ،، قول يامين .
| |
|
|
|
|
|
|
Re: ياربى دا من شنو ؟! (Re: Emad Abdulla)
|
اها يا ابو حميد البكاسي كنت مقاطعهم فترة طويلة لكن راجعت نفسي وبقيت
مرة مرة بطلع شريط عافية حسن واسمع يا حنين زي عش العصفور
مرات بسمع البت شموس وشوية فهيمة
محمود عبدالعزيز بسمع ليهو اغنية واحدة اسمها حلوة الصدف وسمحة الظروف
فرفور ما بسمعو عصام محمد نور جيد في اغنية ما ترحلي
عاصم البنا كويس لما يغني اغنيات غيره
الامبراطور بري يطرشني طه سليمان ما بسمعو خالص
نادر خضر عشان عمل لي حفلة الزواج مرة مرة بديهو طلة
| |
|
|
|
|
|
|
Re: ياربى دا من شنو ؟! (Re: khaleel)
|
نجي للجيل الثالت
خوجلي عثمان جميل دائما بشغل اغنية من وين يجيني النوم وانت في صدك مكابر
بحب الامين عبدالغفار لما يغني قصة الشوق يا حياري
مصطفي سيد احمد لا امتلك له اشرطة لو لقيت شريط بسمع ليهو واقف براك
محمود تاور عندو اغنية جميلة اسمها ابكن يا عيوني الدم كانت عندي في شريط
ولكنه اتلحس
وعزالدين عبد الماجد برضو كان عندي شريط واغنية جميلة اسمها عد الهنا ومر وخلي الشجن قدري
| |
|
|
|
|
|
|
Re: ياربى دا من شنو ؟! (Re: Emad Abdulla)
|
ودالخليفه ..حبابك .. انا (تعلقى ) صعب ..مابتعلق فى الاغنية الا تعجبنى ..البسمعا وبتعجبنى هى البسكها ...مايخص معتز صباحى فكانت (ماسورة) (بنت لذينا) .. متفق معاك ..انو متعة الاغانى تسمعها فى الكاسيت ..الوسائط التكنلوجية الحديثة لاتناسبنى كثيرا ..وطبعا الناس كلها بتسمع فى العربية ..لاوقت متاح غير هذا ...غناء (الحافلات) و(غناء الحفلات) واحد ..الفنان يمسك ليك امدرمان من اولها لاخرها ..ويمسك ليك الخرطوم اولها ولما يصل الكلاكلة ناس النظام العام يكون جو .. اهم حاجة الاورغن يكون (سنين) ...
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
ياعماد ..ياسلام على الجيلى الشيخ ..
الكاسيت كان يضم على مااذكر برزن شموسو .. الليث على الكرار .. ضوء الليالى السود .. جدد وضوك ... كان يرقد بسلام داخل (الكيس) ..ولشدة مااعجبت به ارسلته هديه مع تسجيل لراتب الامام المهدى وشريط آخر للمادح المرحوم عبدالسلام محمد على ارسلتهم الثلاثة لعمك عبدالرحمن الانصارى ...الذى تعلمنا منه لذة الطرب عند سماع مدح المصطفى عليه الصلاة والسلام ...ولم انجح فى استبداله باخر حتى الآن ..قادر تماما ان اتخيل ماتفعله مثل هذه المدحه بالوالد ربنا يطول فى عمرو. اما فيما يخص مدحة اولاد حاج الماحى ..فأننى ساع فى دربها حتى (اجلسها) الى جانب صويحباتها فى (الكيس) ...
تحياتى ..
| |
|
|
|
|
|
|
Re: ياربى دا من شنو ؟! (Re: Emad Abdulla)
|
ياخليل ..
(سميع) واضانك نضيفة ماعندنا كلام ..بس (شلتها موزه) ..مصطلح (شلتها موزه) مصطلح (مساعدية) ..ويقال عندما سواق العربية يعدى من القدامو (ختفة سريعه) ...ودا العملتو من موضوع مصطفى سيد احمد ...اكتفيت بانك ذكرت انك ماعندك ليهو تسجيل ..بدون الغوص فى ليه ...؟!
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
Quote: مصطفى سيد احمد ...اكتفيت بانك ذكرت انك ماعندك ليهو تسجيل ..بدون الغوص فى ليه ... |
اعتقد يا محمد اغنيات مصطفي للصفوة فقط
وبعض الاغنيات ممكن تسمعا في المناسبات السياسية
العامة عادة يرددون اغنية السمحة قالو مرحلة قد تهبشهم في منطقة ما
ولكن يصعب عليهم ترديد اغنية كمريم الاخري
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
سرقلبى ..ونور ضيايا شوفتو بتبرد حشايا جاب الماحى النهايا عبدفاعل الخطايا جيت واقع بالمعايا بى والدى وجنايا وجيرانى ونمسايا والاخوان واصحبايا
ياسلااام ياعماد ..
الله يفتح عليك ياخ ببركة الجمعه الجامعه والدعوة السامعه .. ولحاج الماحى راكب المطايا شوقا لمن يستحق ان تركب له المطايا والدواب والطائرات وكل مايسر الله ...صلى الله عليه وسلم ...
| |
|
|
|
|
|
|
Re: ياربى دا من شنو ؟! (Re: محمد عبدالرحمن)
|
محمد عبدالرحمن
Quote: كنت من المدمنين لسماعه ...اسمعه صباح ومساء ..لا اكل ولا امل ... ترى اين العلة ؟ هل تغير الذوق ؟ هل العلة فى غناء مصطفى ؟ ام فى اذنى ؟ ام فى تغير الزمن ؟ |
بِكون كرهك في < مُصْطفانا > بدرالدين الأمير ، كُلنا حصل لينا كَدي والمُصيبة أكان دايِر يِكرِهنا في النور عُثمان أبكر ... بدأ كالعادة < نورنا > قال لي ذات يَوم ... بس الحمدلله تدخلت العِناية الإلهية وصرفتو عنو بعد أن هَمْ بِهِ
| |
|
|
|
|
|
|
Re: ياربى دا من شنو ؟! (Re: كمال سالم)
|
Quote: سألتك بلله يا محمد إما سمعت الجيلي الشيخ في بديعة ود أب شريعة : ( برقن شموسو ) ..!! يا الانصاري إني اسمعها سئيلي الله في كل صباح و انا بلبس ماشي الشغل .. فيستعدل يومي و يتمسح السدُر راحة غريبة .. و يا محمد لومك بي إن سمعتها لو ما شعرات جلدك ######ن شعراية شعراية من هول و متعة و عذوبة و نضارة و قيافة و جلال الصوت و الكلمات التي تهبش فتقعد .. و الأداء الذي يدفر الدمع من عينيك كده بس ... سبة بلا سبب . ( برقن شموسو سرى بي ناموسو ) .. ياخي هذا الجيلي بديع .. بديع .
........ أسمعها يا الانصاري و ادعي لأخوك ياخ .. يا كمان إن ما لقيتا .. اسمع اولاد حاج الماحي في : فوق مطايا أسري الليل لي حجايا .
الله يسعدك ياخي ،، قول يامين . |
الله الله الله ....... ياسيادتك
الجيلي الشيخ ....... صوت عميق وقوي .......... لاتسمعه بل تحس به يموج ويموج في الدواخل
| |
|
|
|
|
|
|
Re: ياربى دا من شنو ؟! (Re: omer osman)
|
Quote: اعتقد يا محمد اغنيات مصطفي للصفوة فقط
وبعض الاغنيات ممكن تسمعا في المناسبات السياسية
العامة عادة يرددون اغنية السمحة قالو مرحلة قد تهبشهم في منطقة ما
ولكن يصعب عليهم ترديد اغنية كمريم الاخري |
ياخليل ..
مصطفى فترة من الفترات صار فنان كل الناس وتجاوز مرحلة الصفوية..وسمعوهو ناس (ام صفقا عراض) وناس الرياض .. لكن انا بتكلم عن الاستمرارية ..مستعد اسمع (الفراش ا لحائر) لسنوات قادمة ..لكن لااحس ان لدى رغبة لسماع المجدلية على الاقل خلال هذا العام ...
| |
|
|
|
|
|
|
|