كتب الكاتب الفاتح جبرا المتوفرة بمعرض الدوحة
|
|
 حكاوي منتصف النهار ... لعنة سودانيز اون لاين ..
|
كانت شغله الشاغل ليلا ونهار يتقمصها روحا وبورضا يتابع صفحة اخبارها ومقالاتها يحلم بها يتمني اول الصفحة او اعلي البورض يهيم بها في النقاشات الجانبية يرخي نظارته اثناء الحديث مجادلا والله الموضوع ده جابوه في النت (عندنا) يعني صحيح ميه المية، إدخلها في حياته أخرجها الي حييز الوجود في الونسة والحكي العام (والله معانا زول في المنبر من ناس كسلا) وناس الخليج برضو بعرف كم واحد فيهم وناس امريكا و,,وو..
حملها في لياليه ذات الحكي اللماع يبتدر بها الحديث وكانت تتدفق اثناء النشوة موضوعا موضوعا ومداخلة تلو الاخري ...
إنعكست في زوقه العام اضحي يكثر من الاصفر الفاتح والازرق (البولض) ويختار الاقمصة ذات الاكمام الطويلة والايقونات المزركشة ، يصيبه الهكر بالكابة وإنسداد النفس والصدمة ، تفرحه الارشفة عندما تتناقل بموضوعاته ومداخلاته من (ربع الي ربع) ، يتسكع بمكتابتها بحرية تامة. دخلت (هي) غرفة نومه حتي ضلف دولابه (ابو 3 ضلف) كانت علي شاكلة (رد ، ملف ؛ عدل) وذات مرة كتب معلقا علي الشخبته التي بجدار بيتهم مثل (احب نوال، والهلال سيد البلد ، وعلي الحرامي ) الشخبتات و الآراء المنشورة في الحائط بأسماء أصحابها أو بأسماء مستعارة لا تمثل بالضرورة الرأي الرسمي لصاحب المنزل بل تمثل وجهة نظر كاتبها. إمتلك من اجلها كاميرا (واقع في الخلق تصوير) اصبح مرصدا للظواهر والحوداث والاحداث فلم تسلم منه كديسة علي (بتاع الدكان ) ام ضنبا مقطوع ولا ركوبة عبدو المكوجي التي وقعة بفعل الخريف والركشات وسوق الخضارو الحافلات والطريق العام والخاص وكلو موثق وبالصور.
تعجبه (لمة) البورضاب يساسق مع الحبان ما بين (حليوة و قندهار) و( توتي وشارع المطار) ثم الجبل وماادراك ما الاولياء
ونواصل
تفاصيل هذا الرجل السودانيزي قبل ان تحل به اللعنة
|
|
 
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: omar alhag)
|
اهل الحي اصبحو بقدرة قادر أعضاء بفضله ، فسماية سميرة بت طه موثقة بالصور والتهاني (واهلها في السعودية شافو عبر المنبر العام) الصور ورسلو الهدايا من ضمنها (فتيل ريحة كارب) لإخينا المصوراتي وطه نفسه لامس العالمية عندما نجر صاحبنا العنوان التالي (الف مبروك سميرة بنت عمنا طه) وصاحبنا يقدم التقرير اليومي للعم طه (شاهده 1020 وعلق عليه 54 منهم واحد قريبكم في استراليا) والرجل السودانيزي هذا طبعا (مؤجر من عمك طه البيت) وكلما يزروه في حق الايجار يقوم بنجر موضوع جديد للعم طه.
اما عاطف ود سكينة دائما ما يسأل صاحبنا (اها موضوع النفايات ده إنشاء الله كتبتو عنو حاجة) ، والسودانيزي هذا (مستلف من عاطف مبلغ 100 ) ووعد عاطف في حالة عدم الدفع الموضوع حيبقي قضية راي عام عن النفايات .
اطلق اهل الحي علي بيت السودانيزي لقب المنبر العام مما حدي بأهل البيت ان يعملو ليهو (تحديث ورفرش) بتغيير الملايات وقش ورش الحوش ،ومرات البيت يكون عبارة عن (1. 2 .3) من كثرة المرور والمشاركة بالصور والافراح والاتراح ... فاقترحت له(عوضية أقساط) ان يعمل نادي مشاهدة للمنبر العام، اما بدر الدين بتاع الركشة من يوم ما صورو الركشة بتاعتو وطعلت في النت وبقي عالمي ومشهور (حالف ما يشيل) قروش من صاحبنا في مشوار او توصيلة حتي حسن (بتاع طبلية السجاير ) لم يسلم من رُشاش العالمية والوسائط الاسفرية .......... وصحابنا ينفخ في السجاير أشكال واللوان (بالنعاع) وبدونه ...
نواصل..
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: omar alhag)
|
يقال والعهده علي (السيرفر) عندما ضرب الهكر باطانابه إعترة صاحبنا حمي منبيرة وهلاويس إسفيرة علي شاكلة
UP يسمعها الجيران في انصاص الليالي من الربع الاول للهكر واصبحت الكفارات تنهال من كل حدب وصوب وبعضها SMS .. وكفارات اخري علي الطاير عند مروره بالشارع (اها إنشاء الله ظبطت ) شدة وتزول، ويازول الخبر شنو واخري (البتاع ) كيف وإستفحلت الحالة فتم نقله لإخصائي من (الفيس بوك) من فريق وراء فاستقرة حالته وزال الالم بزوال الهكر ...
نواصل
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: omar alhag)
|
| Quote: اما عاطف ود سكينة دائما ما يسأل صاحبنا (اها موضوع النفايات ده إنشاء الله كتبتو عنو حاجة) ، والسودانيزي هذا (مستلف من عاطف مبلغ 100 ) ووعد عاطف في حالة عدم الدفع الموضوع حيبقي قضية راي عام عن النفايات . |
_____________________
تحياتي عمر
حكاوي ظريفة . في انتظار المواصلة
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: أبو عبيدة البصاص)
|
وللقصة طرف ثالث وهو امير (ود حاجة زينب) مثقفاتي من الزمن الجميل لم يسقط سهوا ولكنه تململ كثيرا علي كنبة الانتظار السردي لمحته يقوم بعمليات الاحماء توطئة للدفع كطرف شمال في حكاوي منتصف النهار..
وامير هذا عبارة عن هكر يعيش علي اربع(الفتة،والتمباك والسجاير وقعاد الدكان) ويموت في اربعة ( الجكس والملح بمختلف انواعه النوم في الدرابزين والتحشيش الحسي والمعنوي) إضافة لكونه شاب ملفوف الشعر متبحر في علم المغالطة ومتخصص في الونسات الطويلة والمتمحورة الي شكل اساطير يونانية قديمة وفي نفس الوقت قاص (لي شنبو) ومطلق لظفره العنان عند اصبع الخنصر او ما يعرف بظفر (الاسكراتش) ...
وهذا الامير (المثقافتي) هو قشة قاصمة لظهر بعير السودانيزي صاحب القصة (الاصل) لدرجة انه فكر ان يقوم بضرب (الباسوريد) الخاص بامير حتي لا(يشفّّّّر) عليه الونسة ويلحس منو الجو... ولكنه فشل فطلب من صاحب البيت ان يصب بعض زيت الفرامل علي لستك الدكان والمساطب الشعبية والجانبية للبيت لانها طاردة للبعوض من ناحية ومفيدة للاسمنت من ناحية اخري علي حسب معلوماته الاسفيريه ولانو في واحد كتب عن هذه التجربة في المنبر العام وهو مقيم في الهند من اولاد بحري ....
ولكنه فشل ايضا مع ود (حاجة زينب) ....
نواصل
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: omar alhag)
|
ولود حاجة زينب سيرة (وإنفتحت) اكاديمية طاف من خلالها علي اروبا الشرقية وكل 3 شهور في كلية إبتداء من اوكرانيا نهاية بجامعة الدول العريبة كونه قضي بالقاهره حوالي 3 سنوات متنقلا ببريده الالكتروني من فورم الي فورم ...
تلك (الميزة) ألقت بظلال كثيفة علي صاحبنا وحاصرته حصارا لا تفاوض فيه فقرر ان يستعين بيوسيط متخصص ومتمرس يكفية شر حركة ود زينب (لتحرير الدكان)
نواصل
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: محمد عكاشة)
|
| Quote: فطلب من صاحب البيت ان يصب بعض زيت الفرامل علي لستك الدكان والمساطب الشعبية والجانبية للبيت لانها طاردة للبعوض من ناحية ومفيدة للاسمنت من ناحية اخري علي حسب معلوماته الاسفيريه ولانو في واحد كتب عن هذه التجربة في المنبر العام وهو مقيم في الهند من اولاد بحري .... |
طريقة مبتكرة في التخلص من الهكر المحتملين بالقضاء على قاعدة انطلاقهم (مصطبة الدكان)
متابعة لصيقة( لدرجة انتهاء المبارة بالتعادل السلبي)
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: اشرف السر)
|
خرج الاسفيري من البيت تاركا كود تحميل الخضار واللحمة(عشرة جنيهات فكة) معلقا بالصفحة الاولي من الدولاب ...وأقتبس بعض الخطوات مضيفا صورة يوسف بتاع الدكان بسرواله وفحمه وبصله يناوله بعض الايقونات النقديه مستفيدا من قدرته في فن الاقناع والتشهير (من شهرة) عبر الاسافير والمنتديات
ففتتح بوستا مستفيدا من الخمسة الهلالية ..
تعرف يا بو الياء ..
الايام دي بس الهلال الهلال .. الهلال .. الهلال
واي زول يقوليك غير كده ..
التجاهل
التجاهل
التجاهل
التجاهل..
نعود
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: أيمن الطيب)
|
اخرج الاسفيري اوراق ثبوتية إسفيرية عبارة عن (Pitnt Out) لآخر ما كتبه وعدد الرود..
شوف ياشاب
الناس البي الجمبة ديل كلهم اصحاب اخوك موت من السعودية وماليزيا والسنغال وواحدين من امريكاثم تبسم الاسفيري مثعلبا وجهه وفي واحدين من المناقل طبعا لكن ما متزكرم ليك وصفّّّّّر منتشينا ثم قام بتحميل اغنية عجوبوني الليلة جو .. وعجبوني اولاد الجزيرة ، وتلك كانت كافية لكسر شفرة صاحب الدكان ومداخلة ناجحة وقام يوسف رافعا لبوست الرجل علي طريقة UP
كويس انت عاوز كم
الاسفيري ..
20 دي تكون ما قصرة معاي ...
واردف قائلا
انا ممكن ارسل ماسنجر واعرف كل اهلك الفي الخليج وبدل قعدة الدكان دي ممكن تشوف ليك عقد عمل وتعمل بقالة كبيرة وكدة يعني .
نعود
| |
|
|
|
|
|
|
|
|
 Re: حكاوي منتصف النهار ... لعنة سودانيز اون لاين .. (Re: omar alhag)
|
,,,,
و أخيراً قريتك و أنا مخنووووق من بحلقة هذا المصري الملحاح
الذي يبحلق في الصفحة
بينما جميع ركاب القطار الأسباني القادم من إسكندرية
يستمتعون ببمارسة الشخير في ضجرٍ من لؤم المحطات التي طالت غيبتها عن ذاكرة القضبان!
المصري الملحاح يبحلق معي في حكاوي منتصف القطار
والنهار الزابل لعنةٌ تطارد المساء
أتذكرت لحظات تضجري من الإضافات التي تزيّل بطاقتي الشخصية
إن هم أرادوا أن يسبغوا علي مزية يرونها موجبة للفخر
حبيب نورة ما بتعرفوا ؟ ياخ دة بكتب في سودانيز أون لاين!!!
أحتسي ما تبقّي من ذات كباية الشاي الحمرا
و أحبّس بسجارةٍ من نفس اللون
ولعنة سودانيز ما تزال تطاردني بإصرار
بالمناسبة البوست الأخير دة عن بنات التاون انا كلوا قريتوا !!
أخيراً قريتك و أنا أعلم مقداري توجّسي وخيفتي ان أفعل
لتمسك أنت بتلابيبِ لغتي
و تجرجرها في المحاكم
لتصبح بين مداخلةٍ و ضحاها أشبه ما تكون بحنة عواطف
وكأن عواطف هذي حننوها في تاج محل !
و بالمناسبة دي أخبار حنة الدامر شنو!!
بعد ما شالت ما تكون لحقت حِنات أماة طه !!
ولساتنا ما وصلنا لي حل في لعنة هذه الأسافير
وصلنا
حجر الحنة
وصلنا
حجر الحنة
و أحمد الزمن الإفتراضي مازال غائباً في سدرة صدودهِ الأخير
وكاروشة الكتابة تكابس ما بين الجِلِد و الراس
و شيتاً كُتُر ....
عمر الحاج أو علي الحاج في روايةٍ تخص ميكال الذي ينعم بطعمِ المستورد في غابات اوروبا المخملية
وقاسم المهدوي الذي يغيّر المترو في السادات و يتجه صوب حلوان
أحبك يا قدع !!
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: كمال حامد)
|
حبيب نورة
شكرا للمرور الذي شابه ما تغنت به إحداهن (بالعصر مرورو) شكرا يا نطاسي النضم والحكايات وانت تزيح الغطاء الابيض عن وجه حكاوي منتصف النهار وتهتف (يالله تمام التمام) لتُُُُُُُُشعر النص بقرب المُُعافاة وبلوغ الصحة الادبية.
اشعر بالفة بالغة عندما تمسك يداي خيوط التجوال مع بنات الدوان تاون ودروب السروراب حتي سيدي بشر بالاسكندرية.
والذي جعل جارك يقاسمك في حكاوي منتصف النهار، لما عرف كمسارة الخرطوم أخذ الاجرة لو أ سمعتهم ما انت كاتب عن السروراب وخدم العشش وبنات الدوان تاون.
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: omar alhag)
|
أضحي صاحبنا الاسفيري بين نار المحلية ورسوم نفاياتها وجنهم ذلك اللابتوب الذي (إتندر وحبس الدرب) وبعد محاولات مضنية ،خرج الاسفيري في (عصرا ميت) لاهو بالمغرب ولا العصرية المعروفة بانحسار ضل حيطة بيت عم ادم ، متلصصا . فلم ترحمه شباك عاطف ودسكينة فصاح به (وينك مختفي ودافن دقن) فاتنهز الاسفيري قصر حيطة سكينة واتخذها مخرجا للدخول في حوار يصرف به النظر عن المديونية والاستهداف المباشر
تعرف يا عاطف ياخي
الحيطة بتاعتكم دي قصيرة خالص ،حاول ابنيها لانها بتكشف الحوش بتاعكم ومنبركم العام بيكون قاعد في السهلا ساي.
فرد ود سكينة جدا بس ادينا القريشات بدل كلو مرة تلف وتدور
كويس يا شاب
انا ممكن اعمل ليك مناشدة واستقطب ليك دعم من الشباب بتاعيننا او زي ماتقول كده بورضاب الخارج ...
انت عارف ياشاب مرة عملنا مناشدة لي بخاخ ازمة لمينا قروش عملنا بيها بيت وجبنا بخاخ الازمة وكمان عربية اسعاف للراجل تتخيل ..
إبتسم ود سكينة من فكرة المناشدة إبتسامة من تمت تعلية حيطتة مع إحتمالات الطابق التاني .
ياسلااااااااااام طيب ما تشوت لينا موضوع الحيطة للجماعة ديل.
تمام ياسيدي
لكن بس انت عارف الايام دي ضاربنا هكر عجيب ، اديها صنة شوية كده
لم يكن يظن الاسفيري بان فكرته قد لفحها الهوا وصولا الي اضان عم طه الذي هتف قائلا
طيب وكت بتلم القروش بالسرعة دي ما تجدع لينا ايجار الشهر الفات .
وبعدين الود خالد جاب البتاع يعني ممكن تخش ملح ومن جنب البيت
وتاني جات سيرة الوجع للاسفيري خالد ولابتوب .......
فرد الاسفيري بأتسامة صفراء (مثل شعار MTN) ياسلام ومالو ياحاج
فصاح الجميع في صوت كورالي موحد (رغم إختلاف الازياء)
يا خالد ياخالد ...........
يتبع
| |
|
|
|
|
|
|
|
|
|
Re: حكاوي منتصف النهار ... لعنة سودانيز اون لاين .. (Re: omar alhag)
|
تأوق خالد لصياح الشباب
وخرج كعادته بالبرموده الجديدة دارعا شنطة اللابتوب في كتفه وممتشقا سجارة (مستورده) ماسحا بعض الكريم ومتبلا ببخاخ ومزيل عرق في ان واحد ولكن ده كلو ما بغير خلقة الله فصدره معفص (متل معجون العزابة واضنيو مشتحات زي الحمار المركبنو االبنطون ومنطط عيونو التقول زارنو في قواله) هذا الوصف علي زمة غمغمة الاسفيري ووصفه لخالد. إضافة لحلاقته التي تشبه لوري القصب (خفيفة بالجنابات وكتيره في نص الراس).......
يتبع
| |
|
|
|
|
|
|
| |
omar alhag
محمد البشرى الخضر
أبو عبيدة البصاص
محمد عكاشة
Nazik Eltayeb
اشرف السر
أيمن الطيب
قاسم المهداوى
حبيب نورة
كمال حامد
فيس بوك
تويتر
انستقرام
يوتيوب
بنتيريست