|
Re: المجاعة فى العرضة شمال (Re: Hassan Senada)
|
تعرفوا يافايز ويا شيخ سنادة من يوم استقالة الأرباب و تبعتها استقالة الوالي وأنا متفائل أن ينصلح الحال في الناديين الرجلين مشكورين ما قصّروا لكن للاسف رفعوا الصرف لمستوى غير معقول ولا يناسب المردود معقول لعيبة زي المعز و طمبل يتسجلّوا بمليار و نيف وبواقي المحترفين بملايين الدولارات و العائد صفر كبير باللعيبة الوطنيين الكانوا ما لاقين ولا واحد على عشرة من البلقوهو لاعبي اليوم و بسافروا بالباصات داخليا و سودانير دوليا الهلال وصل نهائي افريقيا مرتين و المريخ حاز كاس مانديلا كدا كدا كان ح يجي اليوم اليمشي فيه صلاح ادريس و الوالي و تتوقف حنفيات القروش البلا عدّاد اتوقع الآن ان يعود مستوى الصرف للشي المعقول البناسب مع امكانيات الناديين و يتناسب مع مقدرات اللاعبين و يتقيّموا تقييمهم الحقيقي بس الحاجة المستغرب ليها الوصيفاب الطيشاب ديل بعتبرو القروش و الغنى احد ميادين التنافس بين الناديين وفرحانين بقروش جمال الوالي في حين على صعيد المنافسة الحقيقية المريخ متأخر عن الزعيم من يوم الوالي استلم في محصلة المنافسات المحلية و القارية و حتى التصنيف
وأسّي الوالي اتخارج رغم مسيرة التوسّل - تقرا التسوّل - المليونية النشوف حتسوّوا شنو
| |
|
|
|
|
|
|
Re: المجاعة فى العرضة شمال (Re: Hassan Senada)
|
ودالبشرى تحليلك منطقى جدا بس بختلف معاك فى عهد الوالى المريخ ما انجز شى مابضرورى الانجاز يكون
كاسات انجاز الوالى الرد كاسل بمواصفات عالمية وحوض السباحة فى نادى المريخ والراتب بالدولار
عكس انجاز الارباب فى المغبرة
| |
|
|
|
|
|
|
Re: المجاعة فى العرضة شمال (Re: Hassan Senada)
|
كما كشف هيثم حال الاعلام الازرق الذى ظل يخفى حقيقة الوضع الماساوى لنادى ولاكن اعلام الهلال تجاهل
حديث هيثم وصب جم غضبه على صحيفة الصدى كما يفعل الكثير من الرشاشات ضد الحبيب مزمل
| |
|
|
|
|
|
|
Re: المجاعة فى العرضة شمال (Re: Hassan Senada)
|
إنت عارف يا سنادة انا بديك نصيحة يامان
إنت ما تشجع المريخ وصيفنا الدائم لكن اكره الهلال وبس خليك مع كرهك للهلال ونحن بنرشكم رش الكستبلي في البزقلي مرة مرة كدا بنديكم حاجة تعيشوع عليها ونجي تاني نرفعكم رفع الظلط
الصادق
| |
|
|
|
|
|
|
Re: المجاعة فى العرضة شمال (Re: Hassan Senada)
|
Quote: انجاز الوالى الرد كاسل بمواصفات عالمية وحوض السباحة فى نادى المريخ والراتب بالدولار
عكس انجاز الارباب فى المغبرة |
يا شيخ سنادة هلال مريخ فريقي كرة قدم ما استشاريين هندسة معمارية أو انشائية المريخ افتتح استاده قبل الهلال في الستينات اظن هل يوم سمعت واحد قال دا انجاز وفاخر بيه على الهلال الأهلي المصري فريق القرن ما عندو استاد الكلام كلو عن الدوري بدون هزيمة وتمانية ماجد ابو جنزير وكاس جوبا وسيكافا ومانديلا في عهد الوالي اول مرة نسمع هتاف دايرين كورة ما مقصورة
حكاية الراتب الدولار دي غايتو ضحكّتني زين كونك تعتبرها من الإنجازات اها النشوف بعد الراجل شال عدتو حتجيبو سيرتها تاني
| |
|
|
|
|
|
|
Re: المجاعة فى العرضة شمال (Re: Hassan Senada)
|
لا حول ولا قوة الا بالله يا قريبي يا سنادة ما تقول مجاعة بل قل فجوة غذائية والصفوة في العرضة جنوب شدوا حيلكم تنفيذا لحديث الرسول الكريم صلي الله عليه وسلم من له فضل ظهر فليعد به على من لا ظهر له لا يجوز ان ينام الرجل شبعان وجاره جائع
مدوا قرعتكم يا الهلالاب ونحن نجود بالموجود اها الشهر الفضيل مقبل والصدقة فيه اجره عظيم
| |
|
|
|
|
|
|
Re: المجاعة فى العرضة شمال (Re: حمزاوي)
|
" المشكلة حا تكون طوكر والهلال "
قوية يا ود القاضي
شكرا يا سنادة أن جعلت "قوية ود القاضي دي" ممكنة
أنا شخصيا منذ نهاية الثمانينيات قنعت من خيرا في كرة القدم في السودان
ومن الوكت داك مستمتع جدا بالتفرّج - بين الفينة والأخرى - على أحوالها
من باب التسلية وتحليل ما آل إليه حال (السوداكان) حقوق الاسم للصديق بهاء بكري
بالمناسبة التدهور الماشي لي نهايتو دا (في كل المناحي) بدأ قبل الثورة !!!
| |
|
|
|
|
|
|
Re: المجاعة فى العرضة شمال (Re: حمزاوي)
|
قيل في الاثر ان رئيس نادي جزيرة الفيل مدني كان من ضمن ركب مسيرة الشحته المليونيه
ابتعاد الوالي من المريخ سيتبعه هبوط نادي الجزيره الي الدرجه الاولي ثم الروابط
| |
|
|
|
|
|
|
Re: المجاعة فى العرضة شمال (Re: ابراهيم محمد الحسن)
|
Quote: معاوية الوالى موجود وبعدين المسيرة والوفاء لمن اجزل العطاء للكوكب الاحمر فاستحق الاشادة |
نعم نعم ..قيل ان مسيرة الشحته المليونيه هللت وكبرت عندما اعلن الوجيه جمال الوالي ابتعاده عن النادي بشخصه ولكن اجزل ان دولاراته ستظل باقيه هناك ..فعاد الجميع يغني دولار الوالي رئيس طوالي :)
Quote: هو يا ربي كان وين؟ |
كان في دوري الممتاز تحت رعاية نادي المريخ ورئيسه جمال الوالي
| |
|
|
|
|
|
|
Re: المجاعة فى العرضة شمال (Re: Maawya Hussein)
|
إنت يا شيخ سنادة الصدى دي يا كافي البلا بتقرا فيها عمود مزمل وتسقف على كدة؟!! كدي هاك دي من عمود حسن محجوب Quote: * النصيحة ليك يا الله.. الحال من بعضو فتونا بجرسة سيدا وفتناكم بالمسيرة الباكية. |
قلت لي كيف... الراتب الدولاري
| |
|
|
|
|
|
|
Re: المجاعة فى العرضة شمال (Re: tmbis)
|
خليني أشاغلك شويه يا سناده
Quote: ياولى والله انا مابشمت بس هم هلال مغلوب مزمل السبب هلال غالب مزمل السبب كأن مزمل يحمل عصا موسى |
تعرف يا حسن سناده ليه ناس الهلال شغالين بي مزمل بس؟ لأنو كل الباقين من المريخاب ما قعد يخرجوا من كتابات مزمل قيد أنمله كدي شوف بوستاتك وتاريخها واربطها بي عمود مزمل بتاع كبد الحقيقه في نفس التاريخ يعني حتى المفردات ذات نفسها حتى مافيها أي إبداع يعني قعد تنقلوها بي (ضبانتها) كدي شوف معاي عنوانك ده Quote: المجاعة فى العرضة شمال |
وعاين ماكتبه مزمل اليوم
Quote: * وبعد مرور 24 عام من فوز المريخ بسيكافا أعلن كابتن الهلال هيثم مصطفى المجاعة في العرضة شمال، وقال إن لاعبي النادي وأسرهم لا يجدون ما يقتاتون به!
|
وشوف ردك علي حمزاوي
Quote: حبيبنا حمزاوى مطلوب من كل صفوة تجهيز كيس رمضان وافطار فرحة الصائم |
وعاين مزمل الليله كاتب شنو برضو في نفس العامود
Quote: * مطلوب من كل صفوة تجهيز كيس رمضان وإفطار فرحة الصائم! |
وأنت هنا تقول
Quote: ونتوقع من كل لاعب مريخى المبادرة بكفالة اثنين من لاعبى الوصيف |
ومزمل هناك يقول
Quote: * ونتوقع من كل لاعب مريخي المبادرة بكفالة اثنين من لاعبي الند اللدود! |
يعني هنا إنت بس لحنتها (الند اللدود) ب (الوصيف) بالمناسبه أنا ما حا أتابع ليك النقاط هنا، لكني متأكد إنو لمّن البوست ده يخلص بتكون نزلت لينا (كبد الحقيقه) كلو بي جاي عشان كده ياخوي أحسن ناس الهلال يوفروا مجهودهم ويردو علي (العود) ويخلوا (ضلّو) [كيف يستقيم الظل و العود أعوج]
برضو تقول لي ناس الهلال شغالين بي مزمل بس عشان شنو؟؟؟!!!!
| |
|
|
|
|
|
|
Re: المجاعة فى العرضة شمال (Re: كمال حسن)
|
Quote: وشوف ردك علي حمزاوي
Quote: حبيبنا حمزاوى مطلوب من كل صفوة تجهيز كيس رمضان وافطار فرحة الصائم
وعاين مزمل الليله كاتب شنو برضو في نفس العامود
Quote: * مطلوب من كل صفوة تجهيز كيس رمضان وإفطار فرحة الصائم!
|
يا كيمو البوست نزل قبل عمود مزمل
| |
|
|
|
|
|
|
Re: المجاعة فى العرضة شمال (Re: وليد محمد المبارك)
|
مع انو التداخل بين مشجعي الفريقين ديل تحديدا يعد ضربا من الجنون الا انو الموضوع بغيظ شخصيا يهمني ان لا تتشرد لعيبة المريخ والهلال فهم مثل الآلاف الذين تشردوا من الوظائف ولكن المهم هل هذا المشجع المسكين يعلم ماذا فعلت هذه المؤسسات بالشركات والمقاولين في مسيرتهم المزعومة؟؟
بغض النظر حب الجماهير لهم خروج رئيسين من انديتهم بهذه الطريقة وهنالك متعلقات مالية وذمم دائنة يعد أكل اموال الناس بالباطل،ويجب محاكمتهم مهما كان حب الجمهور لهم ومهما كان حجم انجازهم سياتي يوم وتظهر حقائق الملفات المالية وضرر المتعاملين مع المؤسستين.
... سؤال غبي جدا من مواطن عادي. انتو هيثم مصطفي ده مش ليه 15 سنة بلعب للهلال،مش في عقد وضمان اجتماعي ولا كان شغال بالاشهار؟؟ما ادووه راتبه يشيل نسخة من العقد ويمشي محكمة العمل حيدوه 25% كاش من رواتب ال12 شهر في 15 سنة،انشاء يبيعوا ليه استاد الهلال هو وباقي اللعيبة عشان يدوهم حقهم،مافي حاجة بتخلي راجل عنده شنب يجي يقول لراجل زييه انا ما لاقي حق الأكل، لو كان راتبه 2 مليون بس المفروض يكون نهاية خدمته 90 مليون يعني ينزل اتنين امجاد وتلاتة هايسات وقفل يومك علي ربع مليون و(بحقك)ونوم في بيتكم بلاها شحدة الناس الما عندهم قروش اصلا.
سنادة كوماري هكرفي؟
| |
|
|
|
|
|
|
Re: المجاعة فى العرضة شمال (Re: GamarBoBa)
|
وازيدك ياودالبشرى على عموم الاهلة المبادرة باغاثة فريقهم فورا
بمناسبة يامحمد بعد مناشدة الكابتن هيثم قام بعض الصفوة فى الامارات بجمع بعض التبرعات واليوم
حولت المبلغ الى مجلس الادارة عن طريق الصفوة حمودة وهو الان فى السودان
| |
|
|
|
|
|
|
Re: المجاعة فى العرضة شمال (Re: Hassan Senada)
|
مشكور استاذ ابراهيم على المرور اما موضوع جزيرة الفيل جزيرة الفيل فريق كبير وغنى عن التعريف مامحتاجين الوالى المشكلة فى الهلال والموردة بعد ابتعاد الارباب مش الموردة رديف الهلال ولا انا غلطان لان معظم لاعبى الهلال من الموردة المغذى الرئيسى لهلال الموردة
| |
|
|
|
|
|
|
Re: المجاعة فى العرضة شمال (Re: GamarBoBa)
|
الاخوان الاعزاء ودالبشرى وابراهيم الاهلة كلهم قبلوا لصحيفة الصدى وتركوا صحيفة قوون يمكن بعد اسبوع
كمان رمضان احمد السيد يناشد جماهير الهلال كما فعل كابتن الهلال هيثم وبالمناسبة انا بنسق مع مزمل
ومافى اى فرق كان مزمل كتب ولاحسن سنادة كتب كلنا فى النهاية ننتمى لاحمر الوهاج
| |
|
|
|
|
|
|
|