زى ما النجوم بتغيـب غابت نجوم حبِك كمان إتبدل القلب الحبيب العاطفة والإلفه الأمان ماتت زهورك والحنان جوايَّ ماتوا من زمان
كنت فاكِرك يا منــــاي صابره في القاسيات معـاي إيد بتمسح لى دموعـــى وريد يخفف كل شقــــاي نسمة من لفح الهجيــــر غيمة تبقِـى ونور غنــاي تبقى فى الخاطـــر دوام والقي فى قربك عـــزاي
لقيت الإلفــة بيناتنا مدن من وحي أوهامى وجع ممدود علي ذاتنا قلب مكتول ومتسامـي وكنتي معاي في جواي منارة عشقي وأحلامي قلبي الحنين المِن سنين وآفى وأمين زرع جواهُ ريدِك قام عشق ممتد ومترامي
كان في خاطرو يلقي هواك وآفي وسامي فى مقامــو يطول النجمة بي ريــدك تفوحي وتبقي أنسامــو كان بتمني طول عمــرو تنوِّري كل أيامـــــو يشوفك زى بشارة الفال فرح طوالي قِدامـــو وينوم مرتاح مع طيفك سعيدة وهانية أحلامو.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة