بلدن هيلي نا ـ من كتب هذه الكلمات يجب الاحتفاء به

الاخ طارق
لك التحيه وشكرا للمرور
خلال شغلي في التلفزيون لسنين خلت اتاحت لي مقابلة كل المبدعين في كل المجالات في الفتره ديك كنت قريب منهم جدا بحكم عملي فيها عدد كبير كانوا موظفين في التلفزيون والاذاعه والمسرح والفنون الشعبيه كانوا عايشين حياه عاديه وبتعاملوا مع الاخرين بنفس العاديه دي الماكان عادي انهم كانوا بعانو كثير من تسلط الانظمه وحتي في معاشاتم، لانو نفوسم كانت عزيزه عاشوا على الكفاف وانحنا عشنا على ارثهم الشكل وجداننا ، ياطارق ناس بشكلوا وجدان امه واجب الدوله وانحنا اننا نحتفي بيهم.
الاستاذ خورشيد عليه رحمة الله كان بمشي كداري من المسرح القومي لحدي الشهداء، الشاعر العتيق محمد بشير عتيق كان بركب مواصلات ابوروف من قدام الجامع الكبير بدافر في الناس وبدافروا فيهو عشان يلقي ليه مقعد في الحافله في حر ستين درجه وهو شيخ هرم، الشاعر الاديب الاستاذ ادم الخياط وهو نديد وصديق شخصي وزميل دراسه للاستاذ خالد ابو الروس، كان اخر ايم حياتو شغال في وزارة الشئون الدينيه والاوقاف بجي بالمواصلات لحدي بيت المال ، يوم كانت الشمس قريبه ممكن تمسكا بيدك جسمو المنحول ما اتحملا وقع في الارض مغمي حكي لي انو سمع من ضمن تعليقات الناس الاتلمو فيهو واحد بقول ليهو الشراب دا كان مابتقدروا عليهو بتشربوهو لييه، ولك ان تخيل مدي الاثر النفسي الحصل ليهو ، باختصار مات بعد شهر من الحادثه دي، دي بس نماذج ولولا اني بكتب بالماوس كنت اديك نماذج بتوضح اكثر الجحود البلاقيهو المبدع في بلادنا
لهم الرحمه اجمعين