|
|
|
 Re: والله مسختوا علينا المنبر ....... (Re: ود الباوقة)
|
الاخ الباوقه السلام عليكم والله عندك ونسه الواحد الا يسمعها منك فى المنبر دا
ياخى تعال ونسنا يوم كدا فيس تو فيس الليله المنبر فيه انقلاب
على النظام العام انشاء الله يجيب نتيجه دايرين سلام
ودايرين وحده ات رايك شنو
| |
 
|
|
|
|
|
|
|
|
Re: والله مسختوا علينا المنبر ....... (Re: خالد المحرب)
|
اسي دحين ياود الباوقه
الشي دا بس ان كان نهير ساكت بلا خرتيش
ازول كان البويستات ديل لقيتن تلات ولي اربع
وعلي النعمه مظاهرايه الحبه دي ماكان شفتها
علي باقي جناتكن اليوم داك
كانو قليلين الودب
والنصيحه الحقاره مابتترضي يا ود الباوقه ااخوي
والصح صح
والني ني
والنجيض نجيض
مي ياهو؟
| |
|
|
|
|
|
|
|
|
|
Re: والله مسختوا علينا المنبر ....... (Re: طارق الأمين)
|
| Quote: انتو اديتوني ام دلدوم ... |
أهاااااا ... إنت كدة براك وصلت للكنكلوشن البتسأل عليهو.
شيل أم دلدوم دي ... ووصلها محل ما كانت ماشة.
هي بالمناسبة ما كانت مرسلة ليك ... بس إنت إتعرضت ليها في الطريق.
دحين رسلها (تكّس يتناش)
| |
|
|
|
|
|
|
|
|
|
Re: والله مسختوا علينا المنبر ....... (Re: محمد أبوالعزائم أبوالريش)
|
Quote: أهاااااا ... إنت كدة براك وصلت للكنكلوشن البتسأل عليهو.
شيل أم دلدوم دي ... ووصلها محل ما كانت ماشة. |
ابو الريش يا صديقي
صدقني البوستات الهبطرش الشفناها الليلة
في المنبر دا لا تقدم في هذه القضية قيد انملة
وانما يمكن ان يكون ضررها اكثر من نفعها
يعني التروي والحكمة وضبط الكيبورد مسالة
مطلوبة وضرورية ..
| |
|
|
|
|
|
|
|
|
|
Re: والله مسختوا علينا المنبر ....... (Re: طارق الأمين)
|
| Quote: والنصيحه الحقاره مابتترضي يا ود الباوقه ااخوي |
اخي طارق
الحقارة والله ما كويسة
وما حدث في بيت الفنون مسالة مرفوضة وتسيء
لكل منتسبي الشرطة المجتمعية
ونحمد الله ان القضاء قد انصفكم
وبرأ ساحتكم الحمد لله .........
الا ان الهجمات المرتدة التي حدثت هنا
احدثت ربكة ودربكة لا مثيل لها ..
| |
|
|
|
|
|
|
|
|
|
Re: والله مسختوا علينا المنبر ....... (Re: ود الباوقة)
|
ودالباوقة ...ٍسلام ..
بالعكس ياود الباوقة انا اعتقد الاعتراض بهذه الصورة هو مرحلة متقدمة من التحضر..يعني انتو المظاهرات في الشوارع معترضين عليها والكتابة برضو مادايرنها ...يعني الناس تكتفي بالدعوة عليكم(النظام) في السجود ولا شنو ؟!!
Quote: صدقني البوستات الهبطرش الشفناها الليلة
في المنبر دا لا تقدم في هذه القضية قيد انملة |
Quote: الا ان الهجمات المرتدة التي حدثت هنا
احدثت ربكة ودربكة لا مثيل لها |
| |
|
|
|
|
|
|
|
|
|
Re: والله مسختوا علينا المنبر ....... (Re: cantona_1)
|
ود الباوقه كيفنك
أول شيتا تقومبو
الزول اب صليعه اللابس البدله دا شيلو بيني وبينك
مايجيك ناطي هني كل مره بي جنس الكلام الكبار كبار دا تصدق حديثو.
اهانجي لي حديثك
اول شي طلقيتا القتها فوق دي
انا ماني من ناسا طب
كدي عاين للصلعه دي
طلقيتت شنو اازول؟
وين نزقلا الطلقيتا ؟
انا فت الاربعين
والبطنطن البجو هني وقبضوهن ديل
ديل ولادي
و ؤؤ
ولاد اوختي
وولاد عمتن لينا
الشي يدخلولن بالعنج
ويكفتوهن
ويصولو ويجولو في الدار
كاسرنلي طربيزه اللت مكتب
وقزاز فضيه اللت كتب
وقليلين ودب
اسع في فهمك
نسكت؟
أريتنا بالمقابر ان كان سكتنا .
بلدا متل دي
فيها الغرابي
والجنوبي
والنوباوي
وزول الشرق داك
وناس الشمال وناس الوسط
والهوساوي والانقسنا
خراتيش شنو البتلمهم يا ود الباوقه؟
اليوم البنسكت فوقو خايفين دا
والناس قاعدين يكضبو فوق روسينا ديل
يوما اسود أاخوي
| |
|
|
|
|
|
|
|
|
|
Re: والله مسختوا علينا المنبر ....... (Re: طارق الأمين)
|
Quote: كاسرنلي طربيزه اللت مكتب
وقزاز فضيه اللت كتب |
هذه الخسائر تندرج تحت بند التعويضات
طالما انتو رافعين قضية
لكن من يعوض من تم ضربهم
طارق يا اخوي ما تفتكر انا مؤيد لمسالة
ضرب ضيوف بيت الفنون
كلا
ولكن مع ذلك ارفض حل الشرطة المجتمعية والهجوم عليها
التصرف الذي حدث كما تفضلتم به هو تصرف وتجاوز احد
افراد الشرطة وهذا يحدث في كل دول العالم
حتى امريكا هذه التي تتدعي التحضر وتطالب العديد
من الدول الاسلامية بالكف عن انتهاك حقوق الانسان هي من
اكثر دول العالم انتهاكا لحقوقه
لكن الجمل ما بيعرف عوجة رقبتو
افتل يا طارق يا اخوي
الدنيا دار فتل ....
| |
|
|
|
|
|
|
|
|
|
Re: والله مسختوا علينا المنبر ....... (Re: ود الباوقة)
|
كدي خلينا من أمريكا دار الكفّار دي ...
وكلمنا في بلدنا ...
Quote: الا ان الهجمات المرتدة التي حدثت هنا
احدثت ربكة ودربكة لا مثيل لها .. |
شفت الربكة الواجعة ليك راسك دي .....
واجعة راس ناس تانيين كمان ... بوجعو لينا راسنا كل يوم ... ما نوجع راسم يوم واحد؟
الحقارة دي شنو؟
بعدين ياخوي .. إنت السنة كلها تعرض وتسوي في صقريتك ........ سألناك؟
نحن دي صقريتنا ... مالك شفتها كتيرة علينا؟
وإنت لو صحي شايف البيسويهو البوليس ده غلط ... ساكت ليه؟ شيطان أخرس؟
بعدين بوليس الأدب ده زاااتو شنو؟ قليلين أدب نحن؟
واحد ماشي مع مرتو .......... كف لفخو البوليس.
واحد مودي بتو الجامعة ...... كف لفخو البوليس.
واحد موصل بت عمو مشوار (عشان يحرسها وكده) ...... كف لفخو البوليس.
وكتيرة علينا قولة لأ؟
| |
|
|
|
|
|
|
|
|
|
Re: والله مسختوا علينا المنبر ....... (Re: محمد أبوالعزائم أبوالريش)
|
| Quote: بعدين ياخوي .. إنت السنة كلها تعرض وتسوي في صقريتك ........ سألناك؟ |
ابو الريش
صباح الخير
صحيح اتا في عرضتي وفي صقريتي ومشغول
في نفسي
حصل يوم بالغلط قلت لي واحد فيكم تعال
قابلني بي جاي في الصقرية دي
مع علمي التام لحبكم للصقرية
طيب نجي للموضوع
يا اخي انا ادنت التصرف الذي حدث في بيت الفنون
وليس لدي استطاعة اكثر من الادانة
علما بان الاخوة الذين وقع عليهم الضرر قد انصفهم القضاء
ولله الحمد والشكر
طيب كنت اتوقع منكم فتح بوست واحد تضامننا مع
من وقع عليهم الاذى
وكان ذلك سيكفي بالغرض وزود
اما ان تتحول الصفحة الاولى الى كشخانة فهذا
امر اعتبره تجاوزا على حقوق الاخرين في الكتابة
وشكرن جزيلن ...
| |
|
|
|
|
|
|
|
|
|
Re: والله مسختوا علينا المنبر ....... (Re: ود الباوقة)
|
| Quote: علما بان الاخوة الذين وقع عليهم الضرر قد انصفهم القضاء |
دي ما كفاية يا ود الباوقة ... أبداً ما كفاية.
ليه في الأساس الشرطة إفترضت إنهم مخالفين للقانون؟
واحدة قاعدة في أمان الله .. تجي الشرطة تجرجرها ... وبعدين يقولوا ليها خلاص أمشي إنتي بريئة ... دي مش ممكن يكونوا دمّروا مستقبلها؟
لو ما حصل حساب لتجاوز الشرطة، بكرة بيجوا يجرجروني ويجرجروك ويجرجروا أخواتنا وعماتنا وخالاتنا. نسيت موضوع الصحفية لبني؟ أصبر .. أصبر .. ما عايز أكلمك عن لبنى نفسها، لأنو حتقول لي دي أدانتها المحكمة. لأ .... في نفس المداهمة كان في عدد كبير من البنات، جرجروهم لمركز الشرطة. بعد وصولهم هناك، في جزء منهم الضابط أفرج عنو لأنو (حسب ما هو شايف) من النظرة الأولى مافي غلط في لبسهم. البيفرج عنها (لأنو سيادتو قرر) أنو لبسها محتشم دي تمشي تقول لي أبوها شنو؟ مش يمكن ما يصدّقها؟، وما دام لبسها محتشم، ليه العسكري جابها القسم في الأساس؟ لو كان تصرف العسكري ده غلط (وأظن إنو غلط) في زول حاسبو؟ في زول سألو عملت في بنات الناس كده ليه؟
صدقني لو إستمر الحال، وبطش البوليس بالناس ... الحاصل حيتكرر كل يوم، والليله ديل لقوا قاضي عندو ضمير وقرر براءتهم، بكره بيجو غيرهم لي قاضي غيرو يطلّعهم قوادين ومومسات.
يا ود الباوقة ياخي ... ما تدفن راسك في الرملة.
| |
|
|
|
|
|
|
|
|
|
Re: والله مسختوا علينا المنبر ....... (Re: محمد أبوالعزائم أبوالريش)
|
| Quote: يا ود الباوقة ياخي ... ما تدفن راسك في الرملة. |
اخي ابو الريش
يا اخوي نحن هس متفقين مع بعض
بس في شوية ( عصلجة ) ما عارف من منو فينا
يا اخي ربما تم توقيع اجراء في الضابط المذكور
من قبل مسؤوليه
يعني المهم هو كيف ينصفك الاخرين
اما مسالة التعدي على خلق الله بالضرب والركل
وفاحش القول يجب ان ينظر اليها من منظور اسلامي واخلاقي
وان يتذكر المعتدي ....
اذا دعتك قدريتك الى ظلم الناس
فتذكر قدرة الله عليك
فالوظيفة مهما عظمت فهي الى معاش وتقاعد
والعمر مهما طال فهو الى موت وفناء
طبعا دا كلو لا يبرر ان يترك الناس على اهوائهم
اذن لابد من ظابط ورابط وهذا هو دور الشرطة المجتمعية
| |
|
|
|
|
|
|
|
|
|
Re: والله مسختوا علينا المنبر ....... (Re: ود الباوقة)
|
Quote: والله انا ما زعلان من النظام العام لانه دا فلم محروق وللاسف الجميع أدمنوه!!!!!
تحركات النظام العام تتم بإيعاز من جهات تريد تمرير اجندته الانفصالية بشغل الراى العام بقضية انصرافية وكل مرة تتزامن تصرفات الأمن العام مع قضايا محورية!
المؤتمر الوطنى قبل ان يتم الاستفتاء قبل الترسيم اى قبل ان يتم الاتفاق على الحدود اى ستتفجر نزاعات الحدود لتفجر الحروب!
جلدوا عشرة عشرين اربعين يعنى ايه سيفصلون الجنوب وسيدعون انهم ضحوا بجزء عزيز وغال من اخاه أنج زعيط فقد هلك معيط!
اجل اعلاء كلمة الله وتطبيق حدوده وسيتاتى حكومة اهل القبلة بمرغنيها ومهديها وترابيها وسيتم جلد اهل السودان قاطبة جلد غرائب الابل حتى يلقى الرجل منكم اخاه فيقول انج زعيط فقد هلك معيط!
بلد كلها اهلها زعيط ومعيط يتم قنبرتها يوميا!
جنى |
على كدة انتوا الاديتونا ام دلدوم
جنى
| |
|
|
|
|
|
|
|
|
|
Re: والله مسختوا علينا المنبر ....... (Re: jini)
|
الكباشي ..ٍسلام ..
| Quote: يا ود الباوقة المنبر حلو عسل بس بوجودك وببوستك الأحلى وبوجود أمثالك الذين لا يخشون في الحق لومة لائم. |
في دي لم يجانبك الصواب ..فود الباوقة يخاف لومة اللائم الذي يتبع له ..وانت بتخاف لومة لائم لانك عامل فيها لا موالى ولا معارض وتظهر مولاتك في مواقف كهذه ...من حقك تكون اى حاجة لكن اعلنها وريح نفسك فالعوج راى وليس هناك اعوج من انك تكون كوز ناكر لكوزنته ...
| Quote: ما تهتم لفاقدي الهوى والهوية ويميلون حيث مال الهوى وحيث هوى المال. |
خلاص سحبت منهم الهوية لمجرد الرآى العديل ...؟!!
(العديل رأى والعوج عوج )
| |
|
|
|
|
|
|
|
|
|
Re: والله مسختوا علينا المنبر ....... (Re: talha alsayed)
|
Quote: اخي طارق
صحيح الخراتيش مؤلمة ولكن مكتوب الجبين
لابد تراه العين ... |
من الذي كتب ذلك على هؤلاء الابرياء واسرهم
ود الباوقة ياقريبي عايز اجابة مباشرة ...
..............
طارق الامين يا صاحب وياقرريبي
كرامة الانسان لا تتجزأ ومن قال ان
للشرطة الحق في الصياح او النهير او
الاساءات للناس يجب ان يكون هنالك قانون
مثل المعادلة المحاسبية له ومنه الشرطة
جهاز لحماية القانون وصيانته ومراعاة حرمة
البشر .
..........................................حجر.
| |
|
|
|
|
|
|
|
|
 Re: والله مسختوا علينا المنبر ....... (Re: talha alsayed)
|
| Quote: والله مسختوا علينا المنبر .. |
كان كده يا قريبي المظاهر أتت أكلها، يلا شيل شيلتك، الختة الجاية ختتي، وأنا زول لاهاي وجنائيات، وعدالة دولية، وإن شاء الله المنبر يمسّخ عليك لمان تقول: البشير ياهو ده تعالو إستلموهو، نقول ليك نجي وين؟ دخلو في شوال وأربطوا لامن تصلكم الفيزا إنت والشوال، أصلنا ما مستعجلين..
____
يا فايز كنتونا ده مداخلاتو زي الموية الراجعة من الوضو، لا بتتشرب ولا بتبل الواطـة..
| |
|
|
|
|
|
|
|
|
|
Re: والله مسختوا علينا المنبر ....... (Re: محمد أبوالعزائم أبوالريش)
|
فضلة خيركم يا باوقة
ودا يجي شنو قدر البتعملو إنتو..
والله نحن خجلانين من تقصيرنا
يا شيخ المناتلين ديل لو عملوا كدا كل يوم ما يقدرو يطلعوا واحد في المية من دينكم* الفوق رقبتم
روح يا شيخ.. الله يجازيكم بقدر ما قدمت أياديكم
آآآآآمين
ـــــــــــــــــــــــــ
* دين = دبت، كردت، لون.. وهكذا
الخوف منعم يجي يقول ليك (لونكم) ويكون قاصد بيها حاجة كعبة!
| |
|
|
|
|
|
|
|
|
|
Re: والله مسختوا علينا المنبر ....... (Re: عبد المنعم سليمان)
|
| Quote: انا قاصد بيها حاجة كعبه يا ود الباوقه |
دا الكنت خايف منو
الواحد لونو يكون أفتح منك بنص درجة يعمل ليك فيها خواجة!
ياخ لونهم دا ما خلقة الله!
كمان عندك اعتراض؟!
ابن آدم ما بيعيبو لونو، الكلام على الأخلاق
يخسي، ما كنت قايلك عنصري
منعم دا زي الثعلب، مكااار، احتمال كبير يكون قاصد حاجة أكعب من كدا 
| |
|
|
|
|
|
|
| |
محمد أبوالعزائم أبوالريش
معاوية الزبير
خالد المحرب
فايزودالقاضي
cantona_1
محمد على حسن
عبد المنعم سليمان
معاوية عبيد الصائم
علي الكرار هاشم
jini
talha alsayed
داليا الكباشى
الرفاعي عبدالعاطي حجر
محمد علي شقدي
Yassir Tayfour
عبد اللطيف السيدح
haroon diyab
Deng
اسماء الجنيد
Amani Al Ajab
ود محجوب
فيس بوك
تويتر
انستقرام
يوتيوب
بنتيريست