|
Re: طريق التحدى ( بربر / الخرطوم ) موت بالجملة .. أغيثونا .. أغيثونا !! (Re: خيرى بخيت خيرى)
|
Quote: الاخ تاج السر سلامات والله الموضوع هام للغايه وبصراحه كده الحكومه ماشايفه شغلها نهائى فى الحفاظ على ارواح المواطنين ويبدو لى مافى اى قانون رقابى لحركة المرور فى الطرق المؤبده او حتى داخل المدن ،وغالبا مايكون السائق ماعندو رخصه من الاساس
قبل شهرين فقدنا شاب فى الاربعه والعشرين من عمره تخرج من كلية الهندسه جامعة الخرطوم بامتياز وعمل فى شركة ما فى عطبره وعند عودته لمنزل الاهل بالحاج يوسف اصتدم سيارته بشاحنه مسرعه ادى الى وفاته ،ثم ابن خالة زميلنا محمد عبد الماجد الصايم شاب فى مقتبل العمر فقد فى حادث واليوم نبكى زميلنا فى البورد محمد احمد قرفه وبكره حنبكى مين ربنا يستر
بالله عليكم ياوزارة الداخليه مراقبة المرور ابسط حاجه ممكن تعملوها وكفايه لعب بارواح العباد حرام عليكم يااخوانا ،الواحد فيهم حتى لو اوقف زول مخالف قانون الحركه يمكن خمسين جنيه فى جيبه وكل الامور تمر ببساطه وين الضمير تبيعو ارواح الناس بى حفنه من الجنيهات انا لله وانا اليه راجعون شكرا اخى التاج للموضوع الهام |
الأخ خيرى بخيت تحياتى وتقديرى
شكرا جزيلا للمرور .. سائلين الله بأن يلهم أسر المتوفين الصبر والسلوان .. أنا لله وأنا اليه راجعون ..
تاج السر
|
|
|
|
|
|