|
Re: خبطة اسفيرية :عارض الازياء فى حديث لسودانيز اونلاين (صور) (Re: عوض الصديق)
|
Quote: *المحاولات الجاده لها منا الاحترام لكن الابتذال ومحاولة خمخمة نمط الاشياء الغربيه ونشرها في السودان يعرض صاحبه للانتقاد.. |
مرحب سنوسي
اتفق معك لكن انظر الى اجابته حينما وجهت اليه سوالا شبيها من حديثك هذا
الا تعرف ان التقاليد فى السودان تمنع ذلك ولاتشبه نمط حياتك فى امريكا ؟
قال انه لم يفعل ذلك فى الشارع العام لكن المجموعة التى شاهدت العرض كانت تعتبر ان هذا شئ يهمها
| |
|
|
|
|
|
|
Re: خبطة اسفيرية :عارض الازياء فى حديث لسودانيز اونلاين (صور) (Re: عوض الصديق)
|
Quote: عوض يا حبيب غايتو يا الزي السوداني أتغير يا نحن طولنا من البلد شديد !! |
لا هذه ولا تلك لكن هذا ما يسمونه المنظار (مش بتاع الجراحة)، زى واحد يقول ليك في تقديري انو الحتة دي كذا وكذا.... يعني هذا ما يعتقده (العارض) - لا أراكم الله عارضا ولا قارضا - نقول هذا ما يتعقده ويراه من منظاره انه الزي الشعبي السوداني، بعدين الطربوش المغربي قريب من الطاقية الحمراء السودانية، طاقية عنترة واخوانه، وكلها بلاد الله العربية المتحدة وإذا تكحل المتكحل مع الطاقية الحمراء فالكحل يكسو الرجال مهابة، وأنسي الشاعر الذي قال ليس التكحل في العينين كالكحل،إنه شاعر موهوم و ما شاف في حياته الخرطوم
| |
|
|
|
|
|
|
Re: خبطة اسفيرية :عارض الازياء فى حديث لسودانيز اونلاين (صور) (Re: عوض الصديق)
|
العزيز صديق تحياتي مجددا
Quote: "اعتقد انى فعلت ما اؤمن بانه صواب "
|
دي واحده من الاخطاء الكبيره البيقعو فيها القادمين من الغرب ... وهي انغلاق الذهنيه الغربيه علي الحريه الفرديه في مقابل الحريه المجتمعيه ... يعني مثلا ممكن واحد يمشي عريان طالما هو نفسو مقتنع انو هو صاح ...والصاح ده ممكن يكون ليهو مبررات ومسوغات مثل العري له ابعاد صحيه وغيرها ممكن تقع تحت حرية الفرد مقابل حرية المجتمع فعشان كده معظم الموجودين او المولودين في الغرب بيفتكروا انو الناس هناك متخلفه وحتي عادات المجتمع متخلفه ويجب احلال ثقافتهم الغربيه لانها هي الافضل ...وده هو الانغلال زاتو ...
______________________________________________ * الكلام القلتو ده لاني عشت بين ظهرانين المجتمع الغربي قبل ما يكون عندي شنب
| |
|
|
|
|
|
|
Re: خبطة اسفيرية :عارض الازياء فى حديث لسودانيز اونلاين (صور) (Re: عوض الصديق)
|
Quote: ماقامت به الشرطة السودانية وبعض الصحف والمواقع والصحفيين * اضر بسمعته اذ اعتبرته الصحافة انه يعمل شئ غير اخلاقى وغير جدير بالاحترام ويضيف هذا ليس صحيحا والصحيح ان الذين عملوا عملا غير اخلاقى هم افراد الشرطة والذين كذبوا امام النيابة باعتبار انه لو لم يجد التصديق لما فعل ذلك
بالنص يقول رشاد "ماكان لى ان اخترق قوانين البلد او لاقاتل من اجل فرض عرضى "
|
والله كلامو منطقي
يعني ماممكن تسمح بإستيرادالركشات وتعمل عليها رسوم وتصاديق وتجي تقول مابرخصها
الزول ده إتفقنت معاهو ولا إختلفنا
منطق القصة
| |
|
|
|
|
|
|
Re: خبطة اسفيرية :عارض الازياء فى حديث لسودانيز اونلاين (صور) (Re: Shiraz Abdelhai)
|
وليد صاحبى ؟ حسسسسادة تولدك البنات ! عارف دا بونيتو والقبر .. دا وارد امريكا .. كل حاجة براها دا براه ودا براهو !! لكن عليك الله شفت الكهربا دى ؟ تقول لى سد مروى ؟ ما يوصلو من هناياخ ! انتو لو عايزين تشوفوا كلللللللل البوردابيات اقترح عليكم تدعوه للمة البورداب الجاية فى بيت الفنون ياخ شتتو لينا السكر .. مش تقابلونا بى صلع طارق الامين وامين سليمان وتبلدينا والكلام الذى دا .. والله ااصلوا ما خاتيين عليكم بورداب الخارج !!
ـــــــــــــــ اسمع ! دا بنزين ولا جاز ؟؟ لوووووووووووبيييين .
| |
|
|
|
|
|
|
Re: خبطة اسفيرية :عارض الازياء فى حديث لسودانيز اونلاين (صور) (Re: osman righeem)
|
غايتو يا رشاد النميري بتبالغ!!
الرجل السوداني تطير عيشة كان عايز تمسخه لينا في آخر عمره؟؟؟!!
يا حبيب مش تسألنا نحن السودانيا كيف بنحب رجالنا؟؟؟ ولا تنظر على كيفك؟؟؟!!
امشي الريف السوداني وانت دي ربك العجب رجاله تحير الما بتحير!!
قامات زي الورد ورجال يهدوا الصخر!
منو قال لك بعجبنا الراجل المسبسب قدر ده ولا كمان ساوي روج وراسم حواجبينه؟؟؟!!
الهيلثي ما مابينه والرياضه من تراثنا بيزرعوا ويرعوا وعندهم قامات تحير الما بتيحر منو قال لك السودانيات بيحبوا اشكال ناس راغب علامه ديل؟؟!!
ديل نسوان ما ناقشين حاجه
نحن يا اخوي بنحب الراجل الذي اذا تحدث اسمع واذا ضرب اوجع سمعته بيهو الاستايل ده ولا ما ادوكم ليه؟؟!!
سودانيه مقيمه في كندا.
دينا خالد اسمعي كلام اخواتك المجربات وبطلي طرطشه اياك وهذا النوع من الرجال تشربي ما تروي.(ههههههههه) انت قايله الحياه دي حده صور في الفيس بوك ولا شنو؟؟؟
قال شتتوا لينا سكر قال!! سكرا اكثر من العندنا ده؟؟؟
ريضيهم بس وماعندهم عوجه وليداتنا ديل.
| |
|
|
|
|
|
|
Re: خبطة اسفيرية :عارض الازياء فى حديث لسودانيز اونلاين (صور) (Re: خالد عبد الله محمود)
|
Quote: اقترح عليكم تدعوه للمة البورداب الجاية فى بيت الفنون ياخ شتتو لينا السكر .. مش تقابلونا بى صلع طارق الامين وامين سليمان وتبلدينا والكلام الذى دا .. والله ااصلوا ما خاتيين عليكم بورداب الخارج !! |
الحمد لله الذي ستر عوراتنا بالغربة
والله انا اعتقد انه امجد البصيري لازم ينزل الصور لانه في ناس قافلة ويمكن يوكلوا قفلته دي ال 14 كرت. حاجة تحير، بالمناسبة يا جماعة ما بلقى لي عندكم رموش؟ رموشي وقعن امس.
| |
|
|
|
|
|
|
Re: خبطة اسفيرية :عارض الازياء فى حديث لسودانيز اونلاين (صور) (Re: محمد عمر الفكي)
|
دي من بوست حميضة :
Quote:
Quote: رشــــاد النميــــــــــــري Actor/ Model /Student in Genetics 3rd year كنت دوما عاشقا للفنون و مواكبة كل معاصر و متجدد . و لطالما احببت ان اتخذها كمهنة . فبدأت مشواري بكليه الدراما و المسرح حتى تخرجت فيها .و لحسن الحظ سنحت لي الفرصة بالمشاركة في بعض عروض الأزياء المحلية مما نمى فيّ حب هذه المهنة و ساعدني على ادراك اهميتها. فطرأت لي فكره انشاء هذه المجموعة و عرض هذه الفكرة على ابناء بلدي عبر الانترنت كبدايه لبعد المسافة الجغرافية بيني و بين بلدي . وأيضا لإثبات فاعلية هذه التكنولوجيا في في هذا العصر . و ها نحن الان و بعد مرور عام من ولادة مجموعتنا و بكل فخر تمكنا من جمع الكثير من لديهم القدرة و الموهبة في التصوير و عرض الأزياء و التصميم.. بصفتي كممثل فإنني ارى ان الممثل و المذيع و المغني بامكانهم العمل في العديد من مجالات عرض الازياء و الإعلان للكثير من الماركات العالميه و قد تمت بنجاح كبير..و ذلك و مع بداية انشائنا للمجموعة قمنا بتعيين مجموعة من الشباب و الشابات المختصين في عدد من المجالات التي ترتبط بعرض الازياء كالمكياج و فن التصوير لتقديم النصائح و الإرشادات للمشاركين وكل ما يتعلق بجودة الصورة و نوعيتها و الوضعيه المستعمله فيها لتعكس المفهوم المطلوب بصورة جيدة . قد اثمرت هذه النصائح بسطوع نجم ذو توقعات مبشرة جدا . و هو العارض محمد صديق الذي يسابق بخطى واثقة لأختراق هذا المجال . و يقوم اعضاء المجموعة بالتصويت لكل مشارك .ثم يتم تجميع الاصوات بصورة اسبوعية . و للمزيد من التشجيع عمدنا الى تخصيص مسابقات بمحفزات ماديه تتراوح مابين ال 100 و ال 300 دولار للفائز ترسل له عن طريق احدى وكالات التحويل المعتمدة( وسترن ينيون مثالا) و تكون عادة هذه المسابقات في المناسبات العامة و الأعياد .
|
|
| |
|
|
|
|
|
|
Re: خبطة اسفيرية :عارض الازياء فى حديث لسودانيز اونلاين (صور) (Re: محمد عمر الفكي)
|
رشاد نميري قلتوا؟ اب عاج الألفية الجديدة يعني؟!..
_____ معليش يا دندون وكل المكسّرات.. بس الصور دي ما بتأكلوا عيش لا في عروض الداخل ولا الخارج.. بعديت مكياج الرجال عارضي الأزياء ما بردموا كده زي مكياج العروس يا جماعة انتوا فايقين ولا شنو؟!
انتهى زمااان عصر النجم المسبسب شعره ومسبّل عيونه دلوقت زمن اللياقة، ساعات في الجيم.. والإخشوشاااان.. إخشوشن يا شاب وتعال راجع ليعطيك الناس سديد الرأي..
| |
|
|
|
|
|
|
Re: خبطة اسفيرية :عارض الازياء فى حديث لسودانيز اونلاين (صور) (Re: ناذر محمد الخليفة)
|
Quote: ليو حق رشاد النميري يقول داير يعمل إعادة صياغة للرجل السوداني ..!! |
بالله هو قال كدي يا نازر يا زول سجلني أنا من زمن كدي حاسي بأنو محتاج إعادة صياغة خليهو يجي يعيد صياغتي أهلي الترابلة ديل بهدلونا ساي يعلم الله
يا ود البشرى : الترجمة بتاعة السميرنوف ده بتقول : تم الحكم على كل قطرة بأنها ذات جودة عالية مما جعلها تحصل على الميدالية الذهبية ........ أها يا زول ممكن يكون كدي غايتو يطرشني ما سمعته بيهو عشان أحكم ... ود الفكي : إتخارج مافي أيِ حاجة هنا شبهكـ
| |
|
|
|
|
|
|
|