|
Re: مخططات لتهجير وتشريد السودانيين لصالح مجلوبين جدد (Re: معتصم مكاوي)
|
عبدالناصر الخطيب :
Quote: عشان تقريب الصورة فقط الاروموا ديل اكبر قومية في افريقيا كلها أخر تعداد قال أنهم فوق الـ 40 مليون وهم القومية الاكبر تعداد في إثيوبيا عشان كدة بتلقي الرئيس كمنصب تشريفي منهم ( ود الجرجيس ) تخوف الامهرا الهم 17 مليون ما حيخليهم يقدروا ياخدوا أى خطوات ضد القومية الاكبر في اثيوبيا ما تنسي السلطة ( عمليا ) عند قومية التجراى الاقل عدد من الامهر والامهر كقومية ما غالبة بأى حال من الاحوال غالبه لسان وثقافة لكين سلطة وعدد بتضل أقل من الاروموا بكتير
ثقل اثيوبيا الثقافي والبعرفة بي الناس مقسوم بين الامهر والتجراى وهم من ضمن قوميات تانية خليط سكاني مختلف في اعراقوا واصولوا فيهوا من كل افريقيا غربها وشرقها ومن خارج أفريقيا كمان بس بتظل الاروموا كقومية الاكبر عدد بينهم على الاطلاق
وده لانوا افتراضك فيهو أشاء بتناقض وأقع إثيوبيا وتركيبته الاثنية |
أهلآ يا ناصر وشكرآ على التوضيح والمعلومات وفي الحقيقة أنا لا أعرف الكثير عن الشعوب والقوميات الأثيوبية عارف أن الأمهرا وزنهم الثقافي والحضاري أكبر ، وأظنها قومية الأمبراطور هيلاسلاسي وعارف ان السلطة تاريخيا في يد التقراي وعارف أن الأورومو قومية مهضومة الحقوق وتعاني من التهميش مثلها ومثل قومية الجالا
وأظن أن ألاورمو إنتفضوا وتسلحوا وخاضوا عدد من المعارك وباتوا يشكلون تهديدآ لمركز السلطة عمومآ وللتقراي خصوصآ و سببههم واضح هو عدم تمثيلهم في السلطة بقدر يتناسب مع عدديتهم وكذلك مايلاقونه من إستعلاء وأظن أن غالبيتهم مسلمين إن لم يكن جميعهم كذلك
وضع الأورمو ، وتخوف السلطة ، وهشاشة الإندماج بين الشعوب الأثيوبية كلها تشير إلى أن هناك تزتر وإرهاصات حرب بدأت بمواجهات ومعارك وقد تكون من ضمن حلول السلطة الإثيوبية هو ما أشرنا اليه في هذا البوست ، وهو توطينهم في السودان بإتفاق مع النظام السوداني
ودافع النظام السوداني هو بناء تركيبة إسلامية الديانة وإسلاموية الهوى يستقوى بها لبناء الخلافة الإسلامية التي يعتبر دفع الجنوب للإنفصال مدماك في مداميك دولة الخلافة
أرجو ان تعود مرة أخرى بمعلومات أكثر تعين على تحليل الوضع والقادم في مقبل الأيام
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
تولوس :
Quote: للاسف بوست عنصري ... ومعلومات خيالية ....مع كامل احترامي وتقديري للاخ الكريم ابو ساندرا
السودان ومن قديم الزمان معروف بانه بلد للهجرات المتعددة وهي الغالب لتركيبته الديمغرافيه..
ولا مانع ان يكون للقبائل الوافدة الحق في الاستيطان بمثل من سبقها من هاجر قبلها
(المسغبة والتغييرات المناخية هي من العوامل المهمة في الهجرات والنزوح .... وسياسات الدول ليست بمعزل عن هذالمستجدات...) |
أهلآ تولوس - لاتوجد عنصرية هنا ولا شبهة عنصرية ، وارجو أن تشير لي تحديدآ على العبارات التي اشتميت فيها رائحة العنصرية البغيضة الآ تراني اطالب و أؤيد قيام تكامل مع جيراننا ومع كل شعوب المنطقة ألم تنتبه لنقدي لحدود الإستعمار السياسية التي لم تراع وحدة أراضي القبائل في وطن واحد و وزعها التقسيم الإستعماري بين بلدين والنموذج الأسطع ، قبيلة البني عامر الموزعة بين السودان واريتريا والزغاوة الموزعين بين السودان وتشاد
- نعم السودان ،شأنه وشأن بلدان المياه الوفيرة والمراعي النضيرة كان قبلة ومهجر القادمين من غرب إفريقيا خاصة وكذلك لإنفتاح سوق عمل بعد قيام مشروع الجزيرة وحاجته للأيدي العاملة هجرات لتلك الأسباب وماذكرته من اسباب بشأن المسغبة والجفاف كلها مفهومة ومهضومة كسبب للهجرات الإستيطانية التي نظمها قانون الجنسية السوداني وهذه لا إعتراض عليها أبدآ
الإعتراض على التهجير والتوطين المبرمج والمفتعل لظروف سياسية وعلى حساب أصحاب الأرض الأصليين الذين إما تم تهجيرهم كالذي يحدث في دارفور أو تمت مضايقتهم الآنية بخطط تهجيرهم أو المستقبلية عندما يصير القادمون الجدد ، المجلوبين هم الأكثر عددآ ويشكلون أغلبية
سياسات الدول ليست كلها مبرأة من الخطأ أو من الجريمة وعندما تكون سياسات الدولة وخططها مبنية على تقديرات جهة واحدة لم تصل إلى الحكم إلا عبر الإنقلاب العسكري والعنف المستمر فإنها الكارثة بعينها
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
تولوس :
Quote: تري ما هو رائ كاتب البوست الكريم في الهجرات الي الدول العربية والاستيطان فيها (الاغتراب نموذج) وبصورة صريحة في قطر والبحرين ...!!! وتري كم مستوطن سوداني في مصر وحدها؟؟؟... وماهي معلوماته عن سياسة الدول المتقدمة في مسائلة الهجرة اليها ومبداء القبول بالاخر ؟ (للمقارنة بينها وبينما يتخوف) دعوا رحمة الله تنزل علينا |
بلدان الخليج لاتعرف الهجرات ولا الإستيطان هي دول إغتراب مرتبط بالعمل ومتى إنقضى عقد العمل لأي سبب عليك العودة إلى بلادك أو إلى من حيث اتيت وهذا يشمل قطر والبحرين والكويت والأمارات والسلطنة والسعودية ،، غير ان هناك بعض حالات التجنيس المحدودة وهي غالبآ تتعلق بالمبدعين وخاصة في المجال الرياضي
السودانيون المقيمين في مصر صنفين صنف دخل مصر عندما كانت مصر تحتل السودان ايام الإستعمار الثنائي الإنجليزي المصري وكان دخولهم بسبب عملهم في الجيش وخاصة سلاح الهجانة معظم هؤلاء قد منحوا الجنسية المصرية وهم يستحقونها وصنف مقيم فقط لأي سبب كان ، ومؤخرآ كان السبب ممارسات سلطة الكيزان التي دفعت الناس دفعآ للخروج بفصلهم من العمل وتعذيبهم في ماعرف ببيوت الأشباح والملاحقات المستمرة وهؤلاء ماعندهم جنسية مصرية ، ليس مستوطنيين بل مقيمين وغالبآ سوف تنتهي إقامتهم هذه متى تغيرت الظروف والأوضاع في السودان
أعرف ان للدول المتقدمة مبادرات إنسانية بشأن توطين أعداد كبيرة سنويآ من مختلف الدول وخاصة دول العالم الثالث إضافة لما تفعله فرنسا بمواطني المغرب العربي ومستعمراتهم السابقة ولاتخلو تلك المبادرات من غرض يرمي إلى الإستفادة من الأيدي العاملة الرخيصة وفي الأعمال الهامشية والجيش ومؤخرآ نحت معظم تلك الدول للتشديد في إجراءات منح الجنسية وارتفعت أصوات في البرلمانات الأوروبية للحد من الهجرات
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
ابوجهينة :
Quote: بالمناسبة .. الأورومو هم أكثر قومية متمسكة بوطنها الإثيوبي و عندهم طموح يحكموا كل أثيوبيا بما فيها أرتريا و الحكومة الإثيوبية تعمل لهم ألف حساب ( شاهد قناة أورومو الفضائية ) فهي القومية الوحيدة التي سمحت لها الحكومة الإثيوبية بعمل فضائية ، و هم لا يقبلون بفكرة الهجرة في بلاد الغربة ناهيك عن ترك أوطانهم للإستيطان في بلد آخر .. يقولون أنهم الفراعنة السود |
كيفك يا حبيبنا كلامك بيصب في إتجاه ما أوردته من معلومات أن الإتفاق بين حكومة أثيوبيا وبين نظام الكيزان فقط وتتم من وراء ظهر الأورومو وقد يكون الأورومو ماعندهم رغبة في الخروج من بلادهم والواضح أن المحاولة ح تكون إخراج قسري وليس خروج رضائي ولو ركزت على كلامي قلت أن الخطة مبنية على إحداث ضغط عسكري على الأورومو وحصار يترك منفذ واحد تجاه النيل الأزرق أي أنه سيتم إرغام الأورومو على الهروب تحت قوة السلاح والهروب نفسه سيكون مبرمج ومحددة جهة الهروب
والسبب في الخطة هو تخوف النظام الأثيوبي من طموح الأورومو ، وهو ماذكرته انت يا جلال وبالنسبة لنظام الكيزان إحداث تغيير في التركيبة السكانية يصب في مصلحتهم
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
عزام حسن فرح :
Quote: غايتو أبشِرِك المصرِيين نِحنا وضعنا ليهُم خُطة والله عِلا البشير يِحْرِس كُل مِصري بِعسكري بِكامِل مُعِداتو المصريين ديل مُش جايين أرقين يِزرعو ولا حاجة تانِية ، تَيِب ، بعد ما نُشْعِل قمْشتنا نرمي عود الكبريت في ها الزرع وعِندنا تنسيق مع نوبيي أسوان ، علشان في حالة لو فكر مِصري واحِد يِرجع بعد الحريق ، تستقبلو الخُطة الأسوانِية وفي حالة إنو الحكومة قامت بِحِراسة المِصرِيين عاد عِلا يِزرعو بنقو علشان يِغطو تكاليف الزِراعة والحِراسة وفي هذا فائِدة أيضًا |
أها يا عزام نقلنا خطتك الجهنمية للتوثيق حتى لايغمطك أي كان شرف أول مقاومة لخطط تغيير التركيبة السكانية
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: عبد الناصر الخطيب)
|
Quote: لاتوجد عنصرية هنا ولا شبهة عنصرية ، وارجو أن تشير لي تحديدآ على العبارات التي اشتميت فيها رائحة العنصرية البغيضة الآ تراني اطالب و أؤيد قيام تكامل مع جيراننا ومع كل شعوب المنطقة ألم تنتبه لنقدي لحدود الإستعمار السياسية التي لم تراع وحدة أراضي القبائل في وطن واحد و وزعها التقسيم الإستعماري بين بلدين والنموذج الأسطع ، قبيلة البني عامر الموزعة بين السودان واريتريا والزغاوة الموزعين بين السودان وتشاد |
شكرا اخي الكريم ابوساندرا للتوضيح واتفق معاك في فتح الباب للنقاش بكل حريةوشفافية لكل القضايا التي تمس الامن القومي ومناقشتها بكل جدية وبكل عمقها وتفاصيلها الدقيقة وذلك للوصول الي المصلحة العليا للوطن .. شكرا اخي الكريم
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: تولوس)
|
عبدالناصر الخطيب :
Quote: وأكيد حارجع ليك بتفاصيل اكتر ولك التقدير والاحترام |
شكرآ جزيلآ ، وسوف أنتظر أوبتك لمزيد من الفائدة والإستفادة وباين عليك ضليع بشأن الأحباش وتاريخهم و اؤكد لك إهتمامي بالموضوع وعلاقتنا بالحبشة وأثرها علينا وتداخلها معنا ونبادلك التقدير والإحترام
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
تولوس :
Quote: شكرا اخي الكريم ابوساندرا للتوضيح واتفق معاك في فتح الباب للنقاش بكل حريةوشفافية لكل القضايا التي تمس الامن القومي ومناقشتها بكل جدية وبكل عمقها وتفاصيلها الدقيقة وذلك للوصول الي المصلحة العليا للوطن .. شكرا اخي الكريم |
أهلآ وسهلآ إذن أرجو أن تبقى معنا هنا لمزيد من التناول اقضية بالفعل تمس أمننا الوطني ، وأتوقع مشاركات أكثر عمق منك تسهم في المناقشة المفتوحة إيجابآ لك جزيل الشكر
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
العزيز أبوساندرا تحية وتقدير ,,,
بالتاكيد راجع بس اخلص الفي يدي سبت وزنقت شغل
النسيت أذكروا وده المهم أى حاكم على مر تاريخ إثيوبيا لازم فكرتوا تكون كيف يستميل الاروموا ديل في عهد الاباطرة الناس ديل البتلقاهم لابسين شعر الاسد في راسهم بكونوا قوام الجيش وفي اثيوبيا الحديثة بتلاقيهم غالب سكان الريف والمزارعين وأكتر الأعراق عددية ممكن عندهم نزعات قومية وجبهه تحرير الاروموا لكين برضوا جزء منهم مشارك في التحالف الحاكم ومنصب الرئيس حقهم حتى لو منصب تشريفي فقط , في الاخر عداوتهم ولا تهجيرهم مسالة أكتر من صعبة لانوا البلد فوق للـ70 مليون منهم فوق للـ40 مليون أرومو
-------------------------------
Quote: وباين عليك ضليع بشأن الأحباش وتاريخهم |
زمان بت أبوبكر قالت ما حتتزوج إلا حبشي ... بالنقاش والمنطق طلعته حبشي اكتر منها طبعا ده ما براهوا السبب يمكن قربي من الناس ديل وصداقاتي الطويلة بناس حقيقي مميزين منهم ومعرفتي بكتار بتلاقي السودان متغلغل في خاطرهم... لبلد اى زول عندوا قناعة او إهتمام بإفريقيا معرفتوا ومعرفة ناسوا بتقوي القناعة دي انو الافارقة أهل حضارة وإثيوبيا وعراقته شأرة للحضارة دي
وليك اطيب تحية
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: معتصم مكاوي)
|
Quote: طيب يااستاذ فايز شنو البأكد ليك انه وزير الداخلية ارتري ..ياريت تثبت لى ابراهيم محمود ارتري ..ماتقول لي كان سكرتير والكلام المامقنع ده لانه انا ممكن اقول انت ماسوداني وكنت سكرتير الاتحاد الموزمبيقي ...مادام هو كلام والسلام ...فياريت تظهر لى جنسية وزير الداخلية الارترية ؟!!! بعدين منو الاسياد المفترض يكونوا على الوزارات السيادية ؟!! وزير الداخلية سوداني مادام ان الشرق ارض سودانية واما لو كانت ارترية فحينها يحق لك اتهام الحكومة بانها توزر اجانب ..
ممكن تورينا اسياد البلد والسودانيين الاصلين منو عشان نكون عارفين ؟!!! ] |
الصديق ود القاضي والمتداخلين /وكاني ارى ما لا تروه ان السلطة الراهنة سعت للتغير الديمغرافي لاهداف من ضمنها كسب تاييد مطلق من اشخاص ليست لهم صلة بالسودان لذلك كان مخطط مدروس لنسف نظام الحواكير بغرب السودان ودارفور على وجه التحديد توجد مناطق الان تم تغيرها دمغرافيا اذ ان السكان الاصلين ليس لهم اي تاييد للنظام الراهن .. لذلك ياود القاضي يجب ان يتم التريث في الدفاع عن اي شخص منتسب لنظام المؤتمر الوطني(وزير الداخلية مثلا) ساعطيك له تصريح قال ان احداث دارفور تاثر بها فقط 300 الف ومنهم 100الف نازح بتشاد ولم يشير الى الباقين جاء هذا الكلام في معرض اعتراضه لاحصائية الكارثة التي تمت في العام 2004 وكان حينها على ما اعتقد وزير الشئون الانسانية ويعترض على قول منظمات دولية ان المتاثرين 3مليون وذكر قبله الرئيس البشير انه المتاثرين فقط عشرة الف (ابن ادم )
اذا ولو كان وزير الداخلية سوداني اما وجدا فمجرد انتسابه الى شرزمة كهؤلاء يجب ان تسقط عنه هذه الجنسية هو وامثاله من من تطالو على اعراق الشعب السودان .. اهلك ناس الشرق اهم اكثر اصالة من كثير من قبائل السودان لكن بالجد الان الناس في حوجة الى ترتيب هذه الدفوعات اذ لا يعقل ان يكون رئيس الجمهورية سوداني وهو يقتل مئات الالاف من السودانين متخدما زبانيته ما طرححه البوست يتطلب الانتباه لانه امر حقيق ي كثير من جوانبه انتبه لهذا البوست وحيثياته
ساعطيكم مثال آخر لهذه العلاقات الغريبة في تمرير اجندة هدامة للسودان : علاقة بن لادن بنائب رئيس الجمهورية الاول (على عثمان محمد طه ) في اكبر صفقات القاعدة في السودان وكان الامر بتمويل مشروع شريان الشمال وماتحت الامر من ملفات ستعيق مستقبل الوجود السودان المصدر (الطريق الى تورا بورا )
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: مجاهد عيسى ادم)
|
المكرم /مجاهد عيسى ادم
كتب كلام مهم
Quote: السلطة الراهنة سعت للتغير الديمغرافي لاهداف من ضمنها كسب تاييد مطلق من اشخاص ليست لهم صلة بالسودان لذلك كان مخطط مدروس ) |
أى تعديل ديمغرافي لتركيبة سكانية لازم يكون مدروس كويس أكيد العزيز أبو ساندرا كزول إشتراكي عارف أنو من الاخطاء الكبيرة الوقعت فيها السلطات السوفيتية زمان إصراره بنفس نظرية عوزه ناس ولائاتهم سوفيتية تغير التركيبة السكانية في جمهوريات أسيا الوسطي والبلطيق , الحته كانت عند الرؤس أفضل باعتبارهم إختاروا خليط متجانس وبعد كده ظلت لسنوات طوال كل جمهورية تحاول تلفظ الروس وتتمسك بتركيبته الاصل الشي الخلق مشكلة في التعائيش ظلت ملازمه الناس ديل لسنوات طوال , خصوصا في الجمهوريات ذات الخصوصية الثقافية الغاية في الاختلاف مع الرؤس أهل روسيا البيضاء وغيره من الجمهوريات الكان بينا على الاقل تجانس وتطابق ثقافي
--------
لو أسقطنا كلام زي ده على الحالة السودانية حسب كلام أبوساندرا التباينات حتكون اكبر باعتبارك بتتكلم عن مهجرين من مصر ومن إثيوبيا ومن دول من غرب أفريقيا عشان تباعد الجهات للمستوطنين ديل برضوا ما حيمنع نشؤ نوع من العزلة بين الجهات الأكيد حينعدم بينا أى نوع من التواصل ده في حال أنو الوضع يتجاوز حته الرفض الحيكون من قبل السكان الاصل وبالتالي حته الولاء لى قدام ماحتكون قضية لانوا أساسا الجهات ما حيبقي ليها صلات مع بعض عشان توحده خلف الحكومة المركزية في الخرطوم وبالتالى كل ما قوت المجموعات دي قلة ولاءها وأبتعدت عن أى نوع من الدعم للنظام الاساسا صلته بي معدومة المصري عمروا ما حيكون إلا مصري والاثيوبي عمروا ما حيكون إلا إثيوبي
يعني لو صحت نظرية أبو ساندرا أنو في نوع من التفكير الزي ده حقوا بهدؤ الناس ديل يدرسوا التجارب المشابهه والحصل فيها دائما كان التغير الديموغرافي عنصروا الاول الخليط المتجانس في فترة ما عانت الدولة العبرية ( إسرائيل ) من المسألة دي باعتبار الفروق الثقافية بين البهود الغربيين والشرقيين وممكن معاناته إزدادت بعد ما جو اليهود الروس واليهود الاثيوبيين ( الفلاشا ) اللحدي الليلة قبولهم في كيان زي إسرائيل بتواجهوا صعوبات
فإى إحلال أو تبدل في أى تركيبة سكانية بنطوي على مخاطر لدول ذات قدرات وسيطرة فعلية فما بالك بدولة زي السودان البتأكيد ما حتقدر تتحكم في عمليته وما حتقدر تعالج نتائجة بدقة وأول بأول عشان ما تحصل نتائج كارثية تهدد أمنها القومي
الاساسا مهدد من تصرفاته كدولة ... مع ملاحظة حتى كياناته الاساسية تعايشهم وتمازجهم التاريخي بات مهدد بالتشظي
مع ملاحظة إننا في مرحلة سؤال السوداني فيها منو وأحد من الاسئلة البتزيد التعقيد المنطق هل كلنا قادرين نتعائش مع بعض بإحساس أنو كلنا سودانيين والبلد دي بلدنا ولا .....لا دي الصيغة الكل ما ضعفت حتكون مهدده للبقاء أكتر بكتير من التغير الديمغرافي .......
--------------------------------------- ليك ولصاحب البوست أكيد التقدير والتحية
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: عبد الناصر الخطيب)
|
ياسر حامد
Quote: ولما النميري سألوا لماذا كل المزارعين بتعانك مصرين أجاب البروفيسور للنميري قائلاً: يا ريس المزراع السوداني عشان يفك السروال ويقطع الـ ...... عايز ليهو ساعتين ثلاثة عشان يجي راجع |
يا ابوالنسب ، هنا في الدوحة وفي الخليج عمومآ سمعت عشرات النكات التي تشير إلى كسل السوداني ، وكنت على الدوام أقوم بواجب النفي وان النكتة سلاح مصري لصرف الأنظار عن نشاط العامل السوداني لكن جهودي هذه تذهب ادراج الرياح إذا ما مديري ضبطني في حالة تثاؤب غايتو ، محتاجين لنكتة مضادة نهزم بها المصريين وعليك وعلى عموم الظرفاء واجب إبتداع النكات والتشنيعات المطلوبة
سلم لي على بت اخوي و ولدها
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: فايزودالقاضي)
|
الاستاذ /عبدالناصر ....سلامات ...
Quote: أى تعديل ديمغرافي لتركيبة سكانية لازم يكون مدروس كويس أكيد العزيز أبو ساندرا كزول إشتراكي عارف أنو من الاخطاء الكبيرة الوقعت فيها السلطات السوفيتية زمان إصراره بنفس نظرية عوزه ناس ولائاتهم سوفيتية تغير التركيبة السكانية في جمهوريات أسيا الوسطي والبلطيق , الحته كانت عند الرؤس أفضل باعتبارهم إختاروا خليط متجانس وبعد كده ظلت لسنوات طوال كل جمهورية تحاول تلفظ الروس وتتمسك بتركيبته الاصل الشي الخلق مشكلة في التعائيش ظلت ملازمه الناس ديل لسنوات طوال , خصوصا في الجمهوريات ذات الخصوصية الثقافية الغاية في الاختلاف مع الرؤس أهل روسيا البيضاء وغيره من الجمهوريات الكان بينا على الاقل تجانس وتطابق ثقافي
--------
لو أسقطنا كلام زي ده على الحالة السودانية حسب كلام أبوساندرا التباينات حتكون اكبر باعتبارك بتتكلم عن مهجرين من مصر ومن إثيوبيا ومن دول من غرب أفريقيا عشان تباعد الجهات للمستوطنين ديل برضوا ما حيمنع نشؤ نوع من العزلة بين الجهات الأكيد حينعدم بينا أى نوع من التواصل ده في حال أنو الوضع يتجاوز حته الرفض الحيكون من قبل السكان الاصل وبالتالي حته الولاء لى قدام ماحتكون قضية لانوا أساسا الجهات ما حيبقي ليها صلات مع بعض عشان توحده خلف الحكومة المركزية في الخرطوم وبالتالى كل ما قوت المجموعات دي قلة ولاءها وأبتعدت عن أى نوع من الدعم للنظام الاساسا صلته بي معدومة المصري عمروا ما حيكون إلا مصري والاثيوبي عمروا ما حيكون إلا إثيوبي يعني لو صحت نظرية أبو ساندرا أنو في نوع من التفكير الزي ده حقوا بهدؤ الناس ديل يدرسوا التجارب المشابهه والحصل فيها دائما كان التغير الديموغرافي عنصروا الاول الخليط المتجانس في فترة ما عانت الدولة العبرية ( إسرائيل ) من المسألة دي باعتبار الفروق الثقافية بين البهود الغربيين والشرقيين وممكن معاناته إزدادت بعد ما جو اليهود الروس واليهود الاثيوبيين ( الفلاشا ) اللحدي الليلة قبولهم في كيان زي إسرائيل بتواجهوا صعوبات فإى إحلال أو تبدل في أى تركيبة سكانية بنطوي على مخاطر لدول ذات قدرات وسيطرة فعلية فما بالك بدولة زي السودان البتأكيد ما حتقدر تتحكم في عمليته وما حتقدر تعالج نتائجة بدقة وأول بأول عشان ما تحصل نتائج كارثية تهدد أمنها القومي |
ياعبدالناصر الكلام القلتو ده ياهو حال السودان ذااااااته من قبل اي تغير ديمغرافي ...اعراق مختلفة واثنيات متباينة ولها مايقارب النصف قرن تحاول ان تتجانس واعتقد هي بنسبة كبيرة تجانست ..بس ناس ده اصلي وده مااصلي يفكونا من ده كلام عشان نكمل تجانسنا وماننكفئ ونعود لمربعنا القديم ولكياناتناوانتماءاتنا الاولى وفي جغرافياتنا الصغيرة فيكفى اننا سنخسر الجنوب لمثل هذه النعوت والعنصريات !!!!
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
أبوبكر شداد:
Quote: النجيضة مرة أخرى : ان هناك خمسة مليون سودانى من اهل الشمال وهم عصب السودان وصانعى السودان الحديث الذى نراه ..... هؤلاء ينتظرون العودة
بينما نرى خططا للتهجير وتمليك الاراضى للاجانب
وخطورة كل ذلك شئ لا يستهان به
و النجيضة الثانية : أن هذا البوست يمكن أن يفضى الى نقاش مفيد ان تجاوزنا عن الثانويات الى عصب القضية .......... |
حدثهم يا شداد تفادوا عصب الموضوع وأخذوا في التشكيك والعزاء إنهم تخارجو شكرآ على النظرة الثاقبة
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
محمد علي شقدي :
Quote: ابو ساندرا سلام
بغض النظر عن الارقام فعلا موضوع خطير لما يتقري مع كميه العطاله وتدني الاجور وكمية المهاجرين اصلا من السودان بسبب العوز الاشكال الكبير ايضا في نوعيه الاستثمارات الممكن تصاحب التوطين يعني شوف الاحتفاليه الكبيره بسمكنا الذي تم اعاده اكتشاف وجوده في النيل فاعتمد بعضه واتسبدل البعض بآخر تحتاجه اجسام السودانين الهزيله
Quote: افتتحت سلسلة مطاعم قدورة للأسماك فرعا بالخرطوم 2 غرب نادي ضباط القوات المسلحة وذلك بعد حفل بهيج شرفه كل من معتمد الخرطوم عبد الملك البرير وعبد الباسط سبدرات وعبد الجليل النذير الكاروري ومحمد قدورة رئيس مجلس إدارة قدروة للمواد الغذائية في مصر. |
أهلآ يا شقدي أهو مقتطف داخل مقتطف لترتسم الصورة لفت إنتباهي ما أشرت اليه حول تناقضات الهجرة والتوطين مواطنين سودانيين بالملايين يتم تهجيرهم قسرآ بعد فصلهم تعسفيآ من الخدمة وخضوع بعضهم للملاحقة والإعتقال والتعذيب في بيوت الأشباح حتى أجبروا على الخروج والإنتشار بينات الشعوب وفي كل العواصم بل وأرياف دار الهجرة والشتات في دياسبورا لعينة
في ذات الوقت الذي يتم فيه تهجير السودانيين يتم توطين مجلوبين جدد من دول الجوار بل حتى من أقاصي المغرب العربي وعمق الشام حل ببلادنا ( سكان جدد ) بجوازات سودانية وليس ضيوف أو مقيمين مؤقتآ فتأمل.
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
المسافر :
Quote: تحصل بعض التنفيذيين في المنظمات العالمية والشركات متعددة الجنسيات على المعلومات الخاصة بأن هذه المنطقة تعتبر سوق مقفول في انتظار تطبيق معايير معينة للتواجد فيه وطال الإنتظار وكان بعض السودانيين بموجب الصفة المذكورة أعلاه قد تحصل على هذه المعلومة ومنهم الدكتور حسن الترابي وعمل على إدراج بعض المعايير في اختياره للموارد البشرية التي بنى عليها مشروعه الحضاري ( توسيع قاعدة الإنضمام من المهاجرين وتأسيس أذرع عملية لإستجلاب موارد بشرية عالمية - ولو كانو في أحذية كارلوس أو بوب دينار )... وكان قد أقترب من خلاصات مؤجلة أشعلت العالم ضده... |
والله ياريت لو زودتنا بمعلومات أكثر مثلآ : 1- ماهي المعايير المحددة ؟ 2- من غير الترابي تحصل على المعلومة من السودانيين وبخاصة التنفيذيين منهم ؟
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
موتور :
Quote: إنــا لله وإنـا إلـيـه راجــعــون
يـا جـمـاعـة إتــقــوا الله ... غـيـر الـفـتن الـشـيـنة
دى الـواحــد مـنـكـم مـا بـيـعــرف يـعـيـش ؟؟؟
و مـا يــزال الـرجــل يـكـذب و يـتـحـرى الـكـذب حـتى
يـكـتـب عـنـدالله كـذابــاً و إن الـكـذب يـهـدى إلـى الـفـجـور
و إن الـفـجــور يـهــدى إلــى الــنـار ....
و كــفـى بـالـمــرء إثــمـاً أن يــحــدِّث بــكـل مـا ســـمـع ...
إنــت يــا أخ أبـوســـانـدرا مـش الـجـابـو صــورك فـى بــوســت
بــتـؤم الـنـاس فـى صــلاة جـمـاعـة ؟؟؟؟
يـاخ خــاف الله ... يـاخ فـى الـمـنـتـدى دا فـى نـاس مـوهـومـين
بـيـصــدقـوا أى كــلام شـــين عـن الـبـلــد ...
يـا رب تـقُـش الـكـضـابـين قـشـة تــمـراً يـابـس و مـســوِّس ...
و تـغـيــظ الـمـوهـومـين لامــن يــطـرشــــقـوا ....
و تــحـفـظ الـبـلــد مـن كـيـد الأعــداء و الـطـوابـير .. يا حـفـيـظ .. |
تعمدت أجيب المداخلة أعلاه كلها لأنني قدر مافتشت حاجة فيها مفيدة أو محترمة لكي أقتبسها لم أجد لم أجد سوى ( مسلم حزين ) يظن أنه عندما يدعي فإن الله سوف يستجيب له على الفور بائس لم يتردد ثانية في وصف الغير بالكذب لمجرد أن الرأي أو المعلومات لم تعجبه
وأنا على إستعداد على تجاوز كل الهراء أعلاه لو جاوبني ، عطفآ على أخر سطر أو دعاء رفعه ( يارب أحفظ البلد من كيد الأعداء والطوابير ... يا حفيظ ) وأيضآ انا على إستعداد لدعم دعائه وأقول آآآآآآآآآآمين بس له أن يعلم أن أعداء البلد هم الكيزان وسلطتهم هم الذين يدفعون بها نحو الإنقسام وعلى رأسهم سوف تقع مسؤولية الإنفصال وهي مسؤولية سيلاحقهم بسببها التاريخ
| |
|
|
|
|
|
|
Re: مخططات لتهجير وتشريد السودانيين لصالح مجلوبين جدد (Re: أبو ساندرا)
|
عثمان موسىQuote: العزيز أبوساندرا السلامات بحر يا مك أسمع تهجير لا لا . بس يا أخى شوف لينا عدد 3 كونتينر تيراب من ثاوث أميركا . نحاول نشتت بعض التواريب دى فى حواشات المليون ميل مربع . بس يا أبوساندرا أوعك تقوم تطلع لينا كم مليار جمارك فى دخول الكونتينرات .. عشان القصة دى لصالح مستقبل الفول بالجبنة . تحياتى للأسرة الكريمة |
يا حبيبنا اليومين ديا خاصة السيد الفول صار يشكل عمود أساسي في وجبتنا مدنكل بالجبنة وزيت السمسم الأصلي والشمار الحااااار كل الحب أو الحب كله
| |
|
|
|
|
|
|
|