|
استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام
|
تحياتي للجميع.. انا بكتب في البوست ده على أمل انه يكون في بيننا من هو متخصص في طب العيون.. محمود ابني، يبلغ من العمر أربعة سنوات الان... منذ حوالي الشهرين وفي مناسبات متقطّعة، علّق لي ولوالده انه يرانا بصورة مزدوجة... تستمر الحالة لمدة ثواني معدودة، ومن ثم يعود نظره لحالته الطبيعية... أخذناه إلى طبيب أخصائي العيون، سوداني وطبيب ممتاز... قام بعمل كشف له... وقال بأن محمود يحتاج إلى عملية لتصحح مسألة الdouble vision هذه.. للأسف لم يمدنا بأي تفاصيل أخرى، ولكنه قرر ان يلتزم محمود بالنظاره لمدة شهر... كإجراء لابد من تجربه باعتبار ان النظاره تساعد في العلاج، على الرغم من انه يشعر بأن النظاره لن تحل المشكلة، ولابد من العملية...
ما اريده هو ان افهم اكثر عن الموضوع من الناحية الطبية... وماهي احتمالات نجاح العملية وفشلها.... وهل هناك اي شي يمكنني ان اساعد به إبني على تجاوز هذه المرحلة.... من بحثي عبر الانترنت، اعتقد ان اسم الخلل الذي عند محمود هو binocular diplopia...
الجدير بالذكر انه محمود شكل عيونه طبيعي، وحين تحدث مسألة الdouble vision، تتحرك عينه اليمين قليلاً إلى الخارج... وتعود ويعود النظر عادياً... شكراً
للأخصائيين او الذين مرّوا بتجارب مشابهه من خارج، يمكنكم مراسلتي عبر [email protected]
|
|
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: Dania Elmaki)
|
الاخت مريم الحسين تحياتى وانشالله ولدك مافيه الا الخير انا حدث لسميرولدى قبل كده مشكله زى دى واتعمل ليه بعد الفحوصات فى الحقيقة الدكتور الاول قال عمليه لكننا اخدنا استشارة تانيه والحمدلله اتضح انو الامر بيتعالج ومامحتاج لاى عمليه وفعلا الان هو بخير كان فى مشكله بتاعه ارتفاع فى ضغط العين لكن الان كل شى تمام والموضوع ليهو اكتر من خمس سنوات ماتشيلى اى هم باذن الله كل شى يكون تمام ... اذا احتجتى الى اى مساعدة من هناك ماتتوقفى اصلو ورينى تسلمى ...
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: مريم بنت الحسين)
|
عاجل الشفاء يا ام محمود
حاول ترجمو الكلام دا
Quote: Binocular diplopia is double vision arising as a result of the misalignment of the two eyes relative to each other, such as occurs in esotropia or exotropia. In such a case while the fovea of one eye is directed at the object of regard, the fovea of the other is directed elsewhere, and the image of the object of regard falls on an extra-foveal area of the retina.
The brain calculates the 'visual direction' of an object based upon the position of its image relative to the fovea. Images falling on the fovea are seen as being directly ahead, while those falling on retina outside the fovea may be seen as above, below, right or left of straight ahead depending upon the area of retina stimulated. Thus, when the eyes are misaligned, the brain will perceive two images of one target object, as the target object simultaneously stimulates different, non-corresponding, retinal areas in either eye, thus producing double vision.
This correlation of particular areas of the retina in one eye with the same areas in the other is known as retinal correspondence. This relationship also gives rise to an associated phenomenon of binocular diplopia, although one that is rarely noted by those experiencing diplopia: Because the fovea of one eye corresponds to the fovea of the other, images falling on the two foveas are 'projected' to the same point in space. Thus, when the eyes are misaligned, the brain will 'project' two different images in the same visual direction. This phenomenon is known as 'Confusion'.
The brain naturally guards against double vision. In an attempt to avoid double vision, the brain can sometimes ignore the image from one eye; a process known as suppression. The ability to suppress is to be found particularly in childhood when the brain is still developing. Thus, those with childhood strabismus almost never complain of diplopia while adults who develop strabismus almost always do. While this ability to suppress might seem a wholly positive adaptation to strabismus, in the developing child this can prevent the proper development of vision in the affected eye resulting in amblyopia. Some adults are also able to suppress their diplopia, but their suppression is rarely as deep or as effective and takes longer to establish. They are not at risk of permanently damaging their vision as a result though. It can appear sometimes, therefore, that diplopia disappears without medical intervention. However, in some cases the cause of the double vision may still be present. |
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: smart_ana2001)
|
مريومة يا بت الحسين..
سلامات يازولة وان شاء الله محمود ما يشوف شر..
انا ما متخصصة في العيون لكن عندي تجربة قريبة في الموضوع..
مؤمن ولد اخوي عمرو برضو 4 سنوات لما بدت معاهو حالة مشابهة
لحالة محمود دي..يعني بدت العين فجأة تزوغ لثواني وبعد كدا
ترجع عادي..اها الدكاترة في السودان قرروا ليهو تمارين للعين
وقالوا انها حالة من الحول الخفيف وادوهو patch زي بتاعة القراصنة
ديك يقفل بيها العين لساعات معينة..بعد شهر تقريبا ولأنو ما كان
ملتزم بالموضوع بدأت العين التانية برضو تزوغ وقامو شخصوهو انو
حول متبادل وادوهو نضارة وقرروا انهم يعملوا ليهو عملية حول..
المهم اننا قبل شهر تقريبا مشينا القاهرة وعرضناهو علي مركز
العيون الدولي في الدقي (عندهم قسم متخصص في جراحة الاطفال والحول)
وقالوا انو العملية ضرورية وعملناها في مستشفي تاني والحمدلله الان
زي الفل..ومافي اي اثر لحاجة..
اتمني انكم تصلوا لتشخيص صحيح لحالة محمود وبعد داك انا بنصحك
بمصر لانهم صراحة عندهم خبرة عريضة في مجال العيون..ربنا يطمنك عليهو
يارب ويريح بالك..
..........................................
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: Abobakr Shadad)
|
د.أبوبكر...
احنا طبعا استبعدنا الاحتمالات التانية كلها والحمدلله... انا طبعا اول ما بدأ الكلام ده، فتشت في كل الزوايا، لحدي ما حصرناها في موضوع العين ده...
انا عايزه اعرف اكتر عن موضوع تمارين العين ده ... طبيب محمود المعالج، قال انه النظاره ما حتعمل شي.. وانه حيعملها لمجرد انه يجرب الخيار ده، وبفتكر انه الجراحه هي الحل... لكن من قرايتي في الانترنت، قريت كلام عن تمارين بتساعد عضلات العين... وبتتعمل مع العملية (قبلها وبعدها)...
عايزه اعرف اكتر عن الجراحه... احتمالات نجاحها.. شنو البساهم في نجاح العملية ... شنو انا ممكن اعمله عشان اساعد ولدي...
ألف شكر ليك، ما قصّرته والله.. وحأقرا اللنك، شكله فيه معلومات مفيده
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: مريم بنت الحسين)
|
Quote: أخذناه إلى طبيب أخصائي العيون، سوداني وطبيب ممتاز... قام بعمل كشف له... وقال بأن محمود يحتاج إلى عملية لتصحح مسألة الdouble vision هذه.. للأسف لم يمدنا بأي تفاصيل أخرى، ولكنه قرر ان يلتزم محمود بالنظاره لمدة شهر... كإجراء لابد من تجربه باعتبار ان النظاره تساعد في العلاج، على الرغم من انه يشعر بأن النظاره لن تحل المشكلة، ولابد من العملية... |
الاخت مريم عاجل الشفاء لابنكم محمود. من واجب الطبيب ومن حقكم ان يتم تزويدكم بالتفاصيل والمعلومات كلها والاجابة على تساؤلاتكم ومخاوفكم .
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: Adil Osman)
|
عادل عثمان... واضافاتك الصورية دايما بتزيد قيمة للبوست...
محمود عنده exotropia لكن خفيفه خالص... وبتحصل لثواني بسيطه وترجع..
كلامك صحيح انه الطبيب مفروض يوفر كل المعلومات الممكن تساعدنا في اننا نفهم الحاصل، والقرار العايزين نتخذه.. لكن دي ثقافة ما موجوده هنا، الطبيب بفترض اننا ما بنفهم... وقدر ما حاولت اوريه اننا والله بنفهم.. ما اتجاوب مع الحته دي... ديك كانت زيارتنا الاولى، انا زاتي كنت ما مركّزه ... المره الجايه بقعد ليه فد قعدة، واستجوبه...
شكرا ليك
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: مريم بنت الحسين)
|
تحياتي أختي مريم والف سلامة لإبنك محمود ودي بسيطة إنشاء الله لكن ما عايزة اهمال
محمود عنده درجة من الحول وهي قد تكون في احدي الصور التي تم وضعها اعلاه من قبل احد الاعضاء وانتي قلتي العين بتزوع للخارج وده اقرب للصورة التانية اعتقد ان محمود long sighted وده بيجعل المخ يتجاهل عين دون الاخري في بعض الاوقات محمود بحاجة ماسة لنظارة يلبسها كل اليوم اذا امكن ويخلعها وقت النوم النظارة ستصحح النظر له لانه بكون عنده مشكلة في القراية من قريب واهمال الباس النظارة للطفل يعرضه للحول لانه يجهد عينه جدا دون ان يدري احد انا بعرف طفل في السودان عنده نفس الحالة وشخصوه علي انه عنده بعد نظر النسبة كانت اعتقد +5 في عين والتانية +4 النظارة هنا بتكون سميكة لكن ممكن جدا تبقي thin اها اذا الكلام ده طلع صح وما لبس نظارة حا يحتاج الي عملية والعملية هنا اعتقد للطفل لازم تعمل قبل السادسة من عمره والا لن تكون مفيدة لكن العمر هنا للعملية بتحدد علي حسب الحالة فلو العينين بيخرجوا ويرجعوا ده كويس جدا والعملية ممكن تكون بعد السادسة ده اذا اصلا في عملية اما اذا كانت فقط عين واحدة فالعملية هنا افضل في العمر الذي ذكرته معظم الاطفال الذين تحدث لهم مثل هذه الحالات يرجعوا عاديين بعد النظارة وفي بعضهم ممكن الحالة تتحسن لوحدها مع نمو العقل للطفل بالنسبة للعصابة السوداء لا انصحك بها لانه في حالات كثيرة حسب قرائتي للموضوع ممكن تؤثر مع العين السليمة وتبوظها خصوصا اذا تم وضعها لفترات طويلة اذن فهي غير مامونة العواقب اذا كان طفلك متاخر في الكلام وغيره قد يكون التاخير هو احد الاسباب لانه الظاهر المخ بيدي الاشارات الضرورية لاحد العيون ويهمل الاخري طفلك في كل الحالات محتاج تدريبات ذهنية مثل العاب الذكاء والتي يستخدم فيها الطفل عقله للتفكير فهي ستساعد جدا في تنمية الذهن وبسرعة لا تقلقي من الموضوع فقط في رايي موضوع النظارة هنا لا يجب ان يهمل اطلاقا فمعظم مثل هذه الحالات تذهب في خلال سنوات قليلة بعد لبس النظارة كمان ممكن بعد عدة سنوات ممكن الطفل يستغني عن النظارة وكمان تعرفي انه يمكن تصحيح النظر بالليزر في المستقبل بعدين ابعدي طفلك من مشاهدة التلفزيون القريب واديه فيتامينات شراب الاطفال حتي الخامسة من العمر
هذا هو رأيي والله اعلم وانا ليس بطبيب ولكن معرفتي من الاطلاع والخبرات والكلام ده كله يتفق معه افضل اطباء العيون في بريطانيا المهم ليس بالضرورة انو يكون كله منطبق علي ابنك لكن نصيحتي لك اكررها مرة اخري شوفي درجة النظر بتاعة طفلك وهل هو long sighted ام لا وتاكدي مائة بالمائة من موضوع النظارة دي ولا تهمليه
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: نجلاء قرافي)
|
شكرا يا نجلاء.. صحيح كلامك، انا بحمد الله ليل ونهار انه محمود عبّر لي عن المشكلة دي...
تعرفي، اخوي الصغير، حاليا 11 سنة... عنده نفس المشكلة دي، ما فارق انه هو ما عنده اي مشكلة بتاعت نظر... ولا اي شي والحمدلله... عملوا ليه عملية لما كان اصغر من كده... وشكل عيونه بقى عادي... لما يتعب او يكون نعسان، عيونه بتتغير... كنت في مرات قليله جداً بلاحظ انه محمود ولدي عينه بتحصل ليها الحاجه دي... وقلت اصلي ما بعرّضه لعملية (كنت مفتكره انه نظره ما بتأثر زي أخوي)... لما بدا يتكلم ويقول لي انه شايف اتنين، طوالي قررت امشي في علاج... الغريبة يا نجلاء، قبل ما يتكلم بي شهر بالضبط، احنا كنا عند دكتوره ده زاته، وعرضناه عليه عشان يقيم حالته... ووقتها ما كان ظهر شي... بعد شهر اتكلم محمود وقال الكلام ده...
كله خير والحمدلله... العملية لو اتقررت احتمالات نجاحها اكبر بكتير كونه صغير، وعقله بقدر انه يتواءم مع التغييرات دي...
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: jini)
|
جنّي ازيك... وصحيح كلامك.. وده سبب فتح البوست ده.. اننا نتنوّر...
غايته انا، ويعذروني اصدقاءنا الاطباء، ما باخد رأي طبيب واحد على إنه نهائي.. بقرا وبفتش لحدي ما اقتنع... برضه بسأل مازن اخوي.. طبعا ما في اي شي، بس لما يكون موضوع زي موضوع محمود ده كده... الطبيب كلامه اصله ما الاخير عندي...
حاليا النظاره مستمرين فيها كويس... وعلى الرغم من قليب الهوبة بتاع محمود، الله يديها العافية النظاره مستحمله ومستشبثه .. روحها طلعت... لكن ما سابها ابداً...
شكرا على الموضوع اللطيف.. وفعلا هو relevant... قبل اسبوعين تقريبا كنا في الامارات... وكنت مصرّه نمشي السينما الانا بحبها جداً... كان في فليم Shrek forever after.. مشينا كلنا، انا واخواني الكبار وعوار، ومحمود ولدي ومحمود اخوي... الفليم كان معروض 3D، قبل ما امشي، قريب عن هل الناس العندهم مشكلة محمود بقدروا يحضروا الافلام دي ولا لأ... لقيت انه طريقة العرض على 3D في الفترة الاخيره خلت الناس العندهم مشاكل بتاعت binocular vision وما مكتشفينها، يكتشفوها.. لانهم لما يلبسوا النظارة بتاعت ال3D ما بقدروا يشوفوا 3D زي باقي الناس... وبتكون الصورة كأنهم ما لابسين نظارة 3D... مشينا السينما، ومحمود لأنه مشكلته ما مستمره... لبسته النظاره بتاعت ال3D فوق نظارة الطبية.. وشاف الفليم بصورة كويسه، وكان مرتاح خالص... امّا انا فاستمتعت بالتجربة متعة خيالية... الفليم كان لزيز ومضحك... وال3D بدي حياة للصورة عجيبة....
ما معروف الانسان ده حيقيف وين... لكن بعد شويه بنقلوا لينا ريحة المشاهد كمان... غايته بس حأقع فتافيت.. نشم الاكل البعملوه ده ريحته كيف ههههههههه
تحياتي وشكري
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: ASHRAF MUSTAFA)
|
اشرف مصطفى...
ألف شكر على الشرح الضافي، والمعلومات التي اضفتها.. لا اعتقد ان محمود لديه طول نظر.. ولكن عملا بنصيحة الدكتور، فهو لا يترك النظاره ابداً... ويرتديها طوال اليوم.. ممكن يطلعها لما يستحمى مثلاً، او ينوم.. لكن باقي اليوم كله احنا حريصين عليها حرص شديد.. برضه موضوع التلفزيون ده اصله انا اليوم كله خشمي بقى ناشف من الكلام في الموضوع... لما اكون جنبه، بقفله منّه لو ما زح.. ولما اكون بعيده، كل شوية اتأكد انه بعيد من التلفزيون
| |
|
|
|
|
|
|
Re: استشارة من أخصائيّ العيون في البورد لو هم بيننا، أو لمن مرّ بتجربة مشابهه... هام (Re: مريم بنت الحسين)
|
اختنا مريم : نتمني ان يمن الله علي ابنك بالشفاء التام وان يفرح قلبكم دوما وابدا.
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
اللهم اشف انت الشافي لا شفاء الا شفأك..شفاء لا يغادر سقما
| |
|
|
|
|
|
|
|