|
|
|
 Re: تستاهلوا يرموكم في النيل (Re: GamarBoBa)
|
| Quote: تستاهلوا يرموكم في النيل |
أيوا يا قمر بوبا نحنا المهندسين ديل نتساهل يرمونا في النيل
لأنها بلد هاملة و ما عندها وجيع
ولأنه لا كرامة و لا إحترام للمهندس السوداني في بلده
لأنه الجهات المسئولة بالسودان نفسها لا تحترم المهندس السوداني
كثير من المشاريع يتم إستجلاب الشركات الأجنبية لتنفيذها في حين
أن الكفاءات السودانية أفضل بكثير من هؤلاء الأجانب
لقد كان لدي شركة مقاولات بالسودان و اعرف تماماً نوعية البشر
الذين يتم إرسالهم الى السودان لإدارة هذه المشاريع و تعاملت
مع كل هذه الشركات المختلفة الجنسيات أتراك مصريين لبنانين أسبان
سوريين الخ ....
هل تصدق أن بعضهم كان لا يحمل مؤهلات في الهندسة لا شهادة جامعية و لا يحزنون
أفضل من فيهم كان فورمان في بلده .......
السودان أصبح مشهوراٌ في الدول العربية و الأجنبية بأنه بلد الثراء السريع
لكل المقاولين و الشركات الهندسية ، لا يهم ماهو تخصص شركتك و لا تاريخها و لا خبراتها
لم ليك حبة من ناس بلدك اعملوا فيها مدراء و خبراء و البسوا بدل و كرفتات و جيب ليك
كمية هنود و بنغالة و اضرب ليك (سيرة ذاتية لشركتك) مشاريع وهمية و سميها شركة ايه اعاللمية
و تعال السودان اعمل فيها خبير أجنبي تنفتح ليك ابواب البنوك و الشئون الهندسية
و السودانيين العبطاء يقول ليك (دا خبير أجنبي) تاخد صرفياك في مواعيدا و لا قبل مواعيدا ذاته
و كمان لو ما داير تشتغل و تتعب جيب ليك شركة سودانية
تشتغل ليك الشغل كلو و اقعد انتا اصرف الدفعيات باسم شغلهم و ماطلهم في حقوقهم
دا شغل الاونطجية الماشي في السودان يا قمربوبا للاسف
عطاء من لا يملك لمن لا يستحق
إنتا قايل طفشنا منها بالهين
| |
 
|
|
|
|
|
|
|
 Re: تستاهلوا يرموكم في النيل (Re: محمد إبراهيم علي)
|
محمد ابراهيم...
سلامات
طقم شنو اليركبوا للمصري..وفي زول بقدر يهبش اجنبي في السودان ده...حكمة الله نحن برة عادي بندقهم ويطلعنا البوليس السعودي براءة
هسة تلقي مستمخ وبخطط يضرب ليه جردل ملوخية بعد شوية
| |
|
|
|
|
|
|
|
|
|
Re: تستاهلوا يرموكم في النيل (Re: GamarBoBa)
|
لا حولا ولا قوة الا بالله
من الآخر كده
نقوم نغير مجرى النيل
خلونا نبحت الموضوع دا ونعرف من هو "كفيلهم" في السودان وندق ليهو جرس
زي المتعافي، دا طبعا لو ماهو طلع هو زاتو
تحياتي قمر بوبا، اعمل حسابك تاني وانت بتفتح الجرايد الصباح
| |
|
|
|
|
|
|
|
|
|
Re: تستاهلوا يرموكم في النيل (Re: أحمد ابن عوف)
|
ابن عوف سلامات...
كفيلهم شركة الديار القطرية..علي سن ورمح
والقطريين عارفهم محترمين...المفروض يدقوا ليهم جرس ديل وزير التخطيط العمراني،مكتب العمل،الاجهزة العدلية...قضية نازلة في الجرائد وسودانيين متضريين..
فصلوهم ونبذوهم..التقول كان بكتبوا في سودان فور أول
| |
|
|
|
|
|
|
|
|
|
Re: تستاهلوا يرموكم في النيل (Re: حاتم علي)
|
| Quote: النبذ وقلة الأدب لزومها شنو... |
قلة الأدب لزومها إنو السودانيين هملانيين في بلده و ما عندهم وجيع
وإنو كل من هب و دب من حقوا يهينم و يقل أدبه عليهم لأنو هو فوق الجميع
الوضع المعكوس دا ما موجود في أي بلد في العالم إلا في السودان
| |
|
|
|
|
|
|
|
|
|
Re: تستاهلوا يرموكم في النيل (Re: حاتم علي)
|
| Quote: مهندس حساب التكاليف بالشركة و هو مصري الجنسية و يدعى ((اشرف)) |
بعدين مهندس حساب التكاليف دي شنو ؟ ما ادونا ليها
مهندس حساب الكميات يعني ؟ Quantity Surveyor (QS) z
و لا محاسب Accountant
في جميع الأحوال لا يحق لهذا المخلوق يتكلم مع المهندسين ديل
حتى لو بإفتراض انهم Site Engineers
لأنهم مفروض يكونوا Reporting to the Construction Manager
و هو البيحولهم لل HR عشان يفصلوهم و لا يخلوهم
دي براها عواسة براها
والكوم التاني يقا حكاية يرموكم في النيل و حاتلوثوا مياه الشرب
للمصريين !!
تنجض عيشتنا نحنا مع المصريين
غلبني أعبر ذاتو
| |
|
|
|
|
|
|
|
|
|
Re: تستاهلوا يرموكم في النيل (Re: حاتم علي)
|
هذه نظرة الاعراب الدونية للسوداني
انه كسلان لذا كانت تلك القرارات التسعفية والعجرفة علينا داخل بلادنا
مشروع مشيرب ياتي تمويله من شركة الديار وبروة القطرية
الشطارة ان العقود يومية او شهرية لكي لا يكون هناك التزام بفوائد ما بعد الخدمة
علي الحكومة السودانية الزام المقاول الاجنبي بتشغيل عدد من السودانين
اسوة بالشركات الصينية التي تعمل في مجال البترول
قمرنا سلامات
| |
|
|
|
|
|
|
|
|
|
Re: تستاهلوا يرموكم في النيل (Re: khaleel)
|
| Quote: تستاهلوا يرموكم في النيل |
قمر بوبا
ســـلام تقيل عليك يا ملك
يعني كدا انت ما عصرته على المهندسين ديل يا حبيب ؟
يســـوا شنو يا أخوي إذا كان الحكومة ما عايزة تشغلهم وقاعدين عاطلين منذ تخرجهم
وراهم أهل ومسؤوليات والتزامات حياتية لازم يقوموا بيها
أتخيل أخوي مهندس مدني ومن المميزين جدا بين أفراد دفعته في الجامعة
أتخرج وقاعد عاطل ليهو سنتين وأنا الآن بصدد شراء فيزا له في السعودية
كان عندك شغل ليهو قول لينا عـــووووووووووووك بس
أرجو ان لا تقسو عليهم فما فيهم يكفيهم
مودتي
| |
|
|
|
|
|
|
|
|
 Re: تستاهلوا يرموكم في النيل (Re: الامين موسى البشاري)
|
كان علي المهندسين يا البشاري جايبين لينا الكلام هنا في المنبر وهناك..التطير عيشتهم ياخ...
المصري ده نبذ الشعب السوداني كلو...
_
انتو بدرالدين اسحق ده وينو...الشباب الرفدوهم ما عندهم علاقة بالشباب والرياضة؟؟
يا خليل ما بتعرف ليك زول مسئول كبير كدة سوداني في الدوحة شغال في الديار القطرية توريه المنظر ده؟؟قول ليه ما يخاف..الناس البرة ما عندهم علاقة بالتلوث
| |
|
|
|
|
|
|
|
|
|
Re: تستاهلوا يرموكم في النيل (Re: GamarBoBa)
|
يا قمر قالوا البسوم أمه بشتروها منه. و نحن حكومتنا الله ينتقم منها سامتنا رخاص... دا دور الحكومة أن تفرض على هذه الشركات نسبة معينة من العمالة المحلية في كل المستويات و بشروط خدمة معينة. ياخي على كيفهم يعينوا المهندسين ولا غيرهم بعقود يومية؟ و يجي واحد يقل أدبه عليهم... والله الواحد بقت أخبار السودان الزي دي غير ما تزيد في أمراضه ما تعمل حاجة. ياخي زي المصري دا و معاهو مدراء الشركة كلهم ياخدوا علقة السودان دا تاني لو شافوا في الخريطة يزوغوا منه... لكن بيني و بينك هو السودان ذاته تاني حيتشاف في الخريطة؟ نموت مغصة بس.
| |
|
|
|
|
|
|
|
|
|
Re: تستاهلوا يرموكم في النيل (Re: Amira Elsheikh)
|
إلى كل المتداخلين بدون فرز،إليكم الآتي:
1- ما فيكم ولا واحد قاعد في السودان.
2- وما فيكم واحد شاف السودان في الثلاثة سنوات الأخيرة.
3- ما فيكم واحد مواكب الحاصل في البلد بتسمعوا وجهة نظر واحدة من طرف واحد. عشان كدا إنتو برّات الشبكة خالص.
بدون إنفعال:
1- أين رأي مكتب العمل في العقودات اليومية أو الشهرية للمواطن؟
2- لماذا لم يشتكي المتضررون عند تعيينهم بدون عقود عمل سنوية؟
3- أين دور نقابة المهندسين والمهن الهندسية في هذا الأمر؟
4- إين الإلزام من وزارة الإستثمار للمستثمر الأجنبي بتشغيل العمالة السودانية بعقود مفصّلة وقانونية تضبطها قوانين العمل السودانية، عندما مُنِح المستثمر التصديق إبتداءً؟
يا إخوتي الكرام أنتم تتحدثون عن سودان غير موجود الآن. لتفهموا الصورة بوضوح وسهولة تابعوا المسلسلات المصرية – اليومين دول مسلسل الأدهم في قناة دريم- والذي ستشاهدونه هو الحاصل في السودان. الحكاية بقت القوي يأكل الضعيف. والما عندو ظهر بينضرب على بطنه. المسألة كلها بقت مصالح في مصالح.. وشيلني وأشيلك. وهؤلاء المستثمرون الأجانب يدفعون شئ وشويات عشان قشّة ما تعتِّر ليهم ومافي زول يقيف قدامهم. كان وقفت قدامهم بتلقى روحك في خبر كان. الكلام كتير لكن الله غالب. تحياتي.
كبـــّـاشي الصـــّافي
| |
|
|
|
|
|
|
|
|
|
Re: تستاهلوا يرموكم في النيل (Re: cantona_1)
|
أميرة صباح الخير..
والله يا اميرة ديل 80 سوداني،لكن ما عندهم حل..المعايش بتنكس همة الزول في البلد دي بشكل فظيع لدرجة ممكن تسكته عن سودانيته البعرفا..
المنطق بقول انو السوداني ما برضي الحقارة..لكن الحاصل انو السوداني ملطشة في بلده وصناع القرار يبدو انهم متكيفين من الحاصل
يعني ده مصري وفوق انو مصري جاي مع شركة ما مصرية عشان مشروع ...ديل لو ادوهم مليون فدان في الجزيرة علي اليمين زول يقعد في البلد دي معاهم تاني مافي
علي اليمين الشافنا رجعونا تاني لزمن محمد علي باشا والبحث عن الذهب والرقيق اصلو ما كضب بالطريقة دي
_
كنتونا:برجع ليك بدون انفعال برضو لانو شايفك كبيت كم جابتر بتاع موارد بشرية ما عنده علاقة بالتلوث الحاصل ده
| |
|
|
|
|
|
|
|
|
|
Re: تستاهلوا يرموكم في النيل (Re: GamarBoBa)
|
مهيرة قالت ليكم الكلام المطبوظ
(Quote: لو كانو سودانيين بالجد كانو كسرو المصرى داك فى حتتو ورسلو مسج لبقية
الاجانب الفى الشركة....
قانون شنو فى بلد ماعندها وجيع ؟ |
بالله مصري شنو اللى يجي يقرر ويرفد لو ما المعايير إختلت؟
| |
|
|
|
|
|
|
|
|
|
Re: تستاهلوا يرموكم في النيل (Re: ترهاقا)
|
يا ساطور تحياتي
هكرفي..
المعايير ما ما اختلت من ساهل يا تهراقا..السايقة واصلة بقت في البلد دي..ما برانا نوبيين اهل العقاب في بيع البلد الجزيرة نفسها هسة في ذمة التجار
اتمناك طيب يا أحمد
_
كنتونا جاييك..تلزمني حبة قراية في الموارد البشرية وقانون العمل السوداني عشان اناقشك
| |
|
|
|
|
|
|
|
|
|
Re: تستاهلوا يرموكم في النيل (Re: GamarBoBa)
|
Quote: يفصلوهم ما مشكلة..دي عند مكتب العمل والقانون موجود
البلد عدمانة مهندس تكاليف سوداني جايبين خبير مصري قلنا ماشي.
النبذ وقلة الأدب لزومها شنو... |
يا قمرنا المصريين ديل راضعين قلة الادب دى رضاعة
| |
|
|
|
|
|
|
|
|
 Re: تستاهلوا يرموكم في النيل (Re: GamarBoBa)
|
| Quote: والله يا اميرة ديل 80 سوداني،لكن ما عندهم حل..المعايش بتنكس همة الزول في البلد دي بشكل فظيع لدرجة ممكن تسكته عن سودانيته البعرفا.. |
ياقمر انا معاك ..
بس الناس ديل بعد ما حصل الحصل وفصلوهم .....قانون شنو الراجنو..؟
ياخد حقهم بيدهم ودا قصدى ....
| |
|
|
|
|
|
|
|
|
|
Re: تستاهلوا يرموكم في النيل (Re: Amira Elsheikh)
|
يا موسى رد الكباشي ده عليك الله
وبنرجع ليك ...... مافي كفت يا موسى انا كل ما اجي الخرطوم بقبقب لي كم مصري
في مؤمن في شارع المطار مرهف شاف المطعم قال لي انا عاوز اكل من هنا اتاريهو ود الحاوي
اقصد مرهف ابني اتزكر في مصر اشتريت ليهو سندوتش من نفس المطعم في الاسكندرية ادهو هدية
سمحة شبك معاهو منهم مشيت اشرتي لمرهف سندوتش مؤمن المطار وانا عارف مرهف ياكل قرمتين
ويديني السندوتشي اكلو المهم مرهف ادو ليك جعران ولا نيجا صغيرة قرب يرجع السندوتش فقمتا
قلتا للكاشير ما صاح ومرهف قال في اسكندرية حصل كده الكاشير ببجاحة قال لمرهف ده هناك في
مصر انتا في السودان والمضاربة قامت بس انتا بتعرف نسونا بحبو البرستيج لكن اليوم داك المطعم
ده كان حيتكسر بس صاحبتك سكلت ولا شفنا مركب ولا اكلنا سندوتشي مرهف
الخلاصة المصريين حقارين شديد
| |
|
|
|
|
|
|
|
|
|
السلام عليكم ورحمة الله (Re: GamarBoBa)
|
الاخوة والاخوات المشاركين في البوست لا بد من الاشارة الى حدث هام يمكن من خلاله قراءة الموضوع من ذاوية اخرى ..
بالرجوع الى كتاب تاريخ الاسافير لمؤلفه العلامة الدكتور امين نوتة والذي قام بمراجعته الباحث محمدE سليمان ، وتمت اعادة نشره بجهد مقدر من قبل الناشطة اميرة بت الشيخ..وجدنا ان المدعو قمر بوباكان عضوا بمنتدى الصفوة والانتلجنسيا المسمى (سودان فور اول ) وكان يرفد ساحة منتداهم بالعديد من المقالات والمواضيع ذات التوجه الفكري العميق ..فسطع نجمه وجاوزت شهرته الافاق ..فخاف اصحاب الحظوة والمكانة السامية على انفسهم من طوفان القمر بوبا ان يبتلع قلاعهم وتحصيناتهم فتأمروا عليه ذات ليل بهيم ورموا به خارج اسوار قلعة الفكر وهم غير اسفين ...
ومنذ ذاك الزمان اصيب قمرنا المنير بداء الحنق وضيق الخلق وسرعة اشتعال فتيل غضبه ..(نجانا الله واياكم)
..
.
.يتبع
| |
|
|
|
|
|
|
|
|
|
Re: تستاهلوا يرموكم في النيل (Re: طارق جبريل)
|
الاخوان صاحب البوست والمتداخلون سلام
لماذا لم يرد السودانيين المفصولين على الشتائم ولم يردوا (على الأقل) بمثلها؟
ما عايز واحد يقول لي القانون والحاجة وكلام من النوع ده ... إنت مفصول خلاص تاني خايف من شنو؟
يعني نحن عمرنا ما بنراعي لي حاجة عندما نغضب أين راح غضبنا في مثل هذه المواقف..
سؤال هل مشروع مشيرب إستثمار أم هدية ممنوحة للسودان (لأن هذا يوضح الكثير)
| |
|
|
|
|
|
|
| |
GamarBoBa
حاتم علي
محمد إبراهيم علي
أحمد ابن عوف
khaleel
Emad Abdulla
الامين موسى البشاري
Elawad
cantona_1
ترهاقا
جمال محمود
Faris Mohamed
البدري عبد الله
معتصم ود الجمام
طارق جبريل
فيس بوك
تويتر
انستقرام
يوتيوب
بنتيريست