|
|
 المريسة ... تملأ صواني الخرطوم ....
|
المريسة * تعبير سوداني يعبر عن مادة غذائية كان يتناولها معظم أهل السودان وقد تكون هذه المريسة قليلة الكحول " كالتامبيرة" أو خمرة الفقراءالتي تسمى بأم الفقراء أو اسم بهذا القبيل وغيرها من الأسماء العسلية ، القام زوت و .... و.... وقد تكون هذه خالية من الكحول تماما وهي ما يسمى بالعكارة بضم العين وتكون العكارة خالية من الكحول إن كانت الكسرة التي عجنت منها فطيرة بمعنى أنها لم تخضع لأي عملية تخمير والتخمير يؤدي إلى تكوين الكحول وعموما يقال : sugars when digested yield energy and when fermented yield alcohol وبما أن هنالك كثير من الشركات الآن أعادت صناعة المريسة والتي يدعي أصحابها أنها خالية من الكحول ولن نغالطهم في ذلك وقد أدمن على شرابها أبنائنا الذين ما إن يشربون زجاجة بحجم نصف لتر إلا ويغطوا في نوم عميق ... بل يسخر بعضهم من بعض بأن شرب ربع لتر كاف جدا لأن يسكره ... ما علينا فهذه مشكلة المواصفات والمقاييس وهي المسؤولة عن تحديد نسبة الكحول في هذه المشروبات فنرفع من هنا سؤال لأهل المقاييس والمواصفات هل فعلا هذه المشروبات خالية من الكحول وهل تم اختبارها وإن كانت كذلك هل إذا قمت بوضع حبة بندول بداخلها كما انتشر الآن في الخرطوم أو قمت بتخزينها خارج الثلاجة فهل من الممكن أن تزيد نسبة الكحول بها ؟كما كتب عليها فإن كان كذلك فسوف ابتاع غدا كرتونة كاملة مشترطا أن يزيينها الجمل أو حتى الحمار كمناضل قام بحمل أصحابه في الصحو والسكر للأنداية دون كلل أو ملل بل تزداد فائدته عندما يسكر صاحبه ولذلك أصر على أن أشتري مريسة ماركة الحمار ... وإن كان منكم من لديه مبالغ زائدة فليشاركني في افتتاح مصنع مريسة الحمار الخالية من الكحول ...
كل هذه المقدمة وأنا احترت تماما أنني في صحو أو غيره بعدما لاحظت صواني *الخرطوم الكبرى بدأت تزدان ويخرج من وسطها زجاجة كبيرة تدلل على انتشار المريسة خالية الكحول في البلد وأنا لست ضد الدعاية بل لن تستقيم أي تجارة دون دعاية واعية وموجهة ولكنني أقف تماما ضد تزيين العاصمة الوطنية بإعلانات عن مشروبات الشعير خالية الكحول فمن المفترض أن تزدان هذه الصواني بماضينا ، مستقبلنا ، فماذا يضير البلدية إن قامت بتزيين الصواني بشعارات تدعو للوحدة ، العمل ، التسامح وغيرها من الشعارات التي تعبر عنا ، فهذه الصواني ملكنا جميعا فهلا تفضلتم يا أهلنا الكرام في المحليات المختلفة بتزيين الصواني بشعارات أخرى تليق بنا فهل تتفقون معي !!!!!!!!!!!!!!! وأنا لا أريد أن أمنع أهل التجارة من الترويج ولكن يا حبذا بعيدا عن هذه الصواني ...
________________
صواني مفردها صينيه = الدوار في الخليج = round about
المريسة = مشروب سوداني أصيل صنع مما نزرع " الفتريتة ، طابت ، أبيض ، وغيرها)
|
|
 
|
|
|
|
|
|
|
|
Re: المريسة ... تملأ صواني الخرطوم .... (Re: على محمد الخير)
|
| Quote: يقال ان هناك احد الاطباء المشهورين فى السودان كان يدعو الى تعبئة المريسة وتسويقها بصورة تجارية... وذلك لما فيها من فوائد صحية... وياليتنا وجدنا ما يدحض او يؤيد هذه المقولة ..(معهد ابحاث الاغذية مثلا..)... |
شكرا أخي علي محمد الخير وتحياتي لك وأحييك أيضا على ما تكرمت به وأسأل الله أن يصلح الحال ... والسؤال مازال قائما للجهات المسؤولة هل هذه المشروبات خالية من الكحول تماما لأني رأيت بعضها في بلدان أخرى بنفس الاسم ونسبة الكحول بها 10 % ، طبعا لا نريد أن نظلم أحدا أو نتهم أحدا ولكن ما نريده شيئين فقط الأول : الحفاظ على الصواني من هذه الدعايات التي لا تليق بنا لا للمشروبات خالية من الكحول أو غيرها وكأنما أرض المليون ميل مربع لم يتبق فيها إلا هذه الصواني للدعاية ... وثانيا إن كانت هنالك مشروبات خالية من الكحول هل فعلا تم اختبارها ( مجرد سؤال ) .... و وكما يقال علي وعلى أعدائي حتى الشربوت نطالب بفحصه وبالمواصفات التي يجب أن تنطبق على الشربوت خالي من الكحول ومريسة الفقرا وغيرها من المشروبات ....
ولك شكري
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
انور الطيب
كيف حالك؟ علك طَيِب ...
| Quote: وكأنما أرض المليون ميل مربع لم يتبق فيها إلا هذه الصواني للدعاية |
يعني عاوزمْ يِدُقو ليك يافطة دِعاية في عتمور المحس ولا شنو؟ المليوووون ميل ديل البصلح فوقا للدِعايات التِجارِية مِحل الناس حايمة هايمة قايمة مو نايمة أو عايمة ... والصواني تابعة لبلدِية/محلية المدينة وطالما بتجيب فلوس ، مافيش مانِع ، لأنو يُفترض أقول يُفْترض إنو الفلوس البتِتْحصل عليها البلدِيات/المحلِيات ترجع للمُواطِن في شكل خدمات ... وده بيحصل في كُل الدُنيا وحتى البِلاد الإسْتبدلت الصواني بِإشارات المرور الضوئِية ، بتلقى فوقا إعْلانات ... وده بيحصل برضو في البرامج التلِفِزيونِية ذات المُشاهدة العالِية ، زي ما الصينِية أو إشارة المرور ، بِكون فوقا تجمُع عالي
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
يا أنور
إنت دي جبتها من وين ؟
وكانو بسووها في الأعراس والطهور ويقولوا ليكـ عرس فلان كان بي مريستو ،
كناية عن الشبع والخير العميم في المناسبة .
البيره بتاعت الدعاية دي لمن جات جديده الناس كانوا
قايلنها ( ثِـنـر) بتاع البوهـيه داكـ !
ويا اخوي : الإعلانات الفي الصواني دي بيـ تصديق من المحلية والبلدية
والموظفنجية بعد دفع الرسوم الكاملة من قبل الشركات، والمحلية
عاوزة الفلوس والفلوس عند البلدية ، والمدرسين عاوزين فلوس والفلوس
عند المحلية والموظفين عاوزين فلوس والفلوس عند المحلية والمحلية
راجية البلدية وهكذا الدائرة فالكل في حوجه للفلوس ، وعشان الفلوس
لو ختيت ( الله يكرم ...) في الصواني فلا حرج ولا تغيير ذاتو ..)
لو مغالطنا وما مصدقنا إسأل المحلية القاعده جم بيتنا ) حكمه هابطة ..
ناس أرتريا خاتين الشده ( حذاء بلاستيكي ) في معظم صوانيهم ، لأنها
كانت المُعين ليهم في الحروب ، نحنا نخُـت شـنو ؟
×××××××××××××××××××××××××××××××××
أخبار حبوبتك شنو ؟؟ عساها بخير وعافية ،
ومصطفى إدريس دا عـّرس والا إنتحـر ؟
هشام
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: Hisham Ibrahim)
|
| Quote: يعني عاوزمْ يِدُقو ليك يافطة دِعاية في عتمور المحس ولا شنو؟ المليوووون ميل ديل البصلح فوقا للدِعايات التِجارِية مِحل الناس حايمة هايمة قايمة مو نايمة أو عايمة ... والصواني تابعة لبلدِية/محلية المدينة وطالما بتجيب فلوس ، مافيش مانِع ، لأنو يُفترض أقول يُفْترض إنو الفلوس البتِتْحصل عليها البلدِيات/المحلِيات ترجع للمُواطِن في شكل خدمات ... وده بيحصل في كُل الدُنيا وحتى البِلاد الإسْتبدلت الصواني بِإشارات المرور الضوئِية ، بتلقى فوقا إعْلانات ... وده بيحصل برضو في البرامج التلِفِزيونِية ذات المُشاهدة العالِية ، زي ما الصينِية أو إشارة المرور ، بِكون فوقا تجمُع عالي |
شكرا أخي عزام على المداخلة وبعدين بمنطق تاني إنت عايز الناس تلف الصينية والله تعمل حوادث فيها ما أهو الشارع من الكبري للصينية كافي للدعاية ومالية البلد ...
على العموم أحترم رأيك ولكن لا أوافقه ....
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
هشام أخوي كيفك أولا الحاجة آمنة بخير وصحة وشكرا على السؤال ومصطفى كان عندنا حلقة مع الدرديري الاسبوع الفات ولكن لظرف ما لم أستطع الحضور ولكنه بخير والأيام دي محتفلين بزواج عادل محمدعلي العمدة وأخوه علي ويوم الخميس العزومة تتفضل معانا والعقد يوم الجمعة في جامع شمس الدين ... عادل ناسب أهلك ناس الخليفة علي وعلي ناسب أهلك التماسيح ...
Quote: ناس أرتريا خاتين الشده ( حذاء بلاستيكي ) في معظم صوانيهم ، لأنها
كانت المُعين ليهم في الحروب ، نحنا نخُـت شـنو ؟
|
وعلي سؤالك ياخي في حاجات كثيرة ممكن نختها وأنا أختلف شوية مع الناس في ترتيبات الدعاية وبعدين في بعض اليافطات الموضوعة معيقة للحركة يعني تحجب الرؤية فشنو المواصفات والله ال STANDNARDS كما يقولون وأنا ما ضد الدعاية أصلا بل هي حق مشروع ولكن بس عكلتي في الصواني دي ...
شكرا للمداخلة يا هشام ....
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: Hisham Ibrahim)
|
عارف يا انور كمية الاعلانات عن المشروبان المكونة من الشعير فاقت كل خيال وكاننا في بلد كنا ننتظر مثل هذه الفرصة لنعبر
عن حبنا لكل ما هو مسكر او له علاقة بالخمور .. وتجد هذه المسالة واضحة ايام عيد الاضحية وصناعة الشربوت ..
يعني نحن بنسرف في كل شئ حتي نفقد معناه والبركة في المواصفات والمقاييس فهي تفتئ في كل شئ بلا فحص ولا اجهزة ..
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: Hisham Ibrahim)
|
الاستاذ انور الطيب
لك التحايا الطيبة
الاعلان "المريسى" الذى يتم فى التلفزيون السودانى و غيره من الاجهزة الاعلامية
شأنه شأن الاعلان الذى يوضع فى الصوانى لبيع و شاء مزيدا من المريسة التى لا اشك ابدا أنها مسكرة
او تكون مسكرة باضافة شيئ اليها و تركها لوحيظات حتى تخمر و يستوى عودها
انه الجشع و الحصول على المال باى طريقة كانت .
_____________________
صواني مفردها صينيه = الدوار في الخليج = round about
المريسة = مشروب سوداني أصيل صنع مما نزرع " الفتريتة ، طابت ، أبيض ، وغيرها)
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: Mohammed Awad)
|
Quote: عارف يا انور كمية الاعلانات عن المشروبان المكونة من الشعير فاقت كل خيال وكاننا في بلد كنا ننتظر مثل هذه الفرصة لنعبر
عن حبنا لكل ما هو مسكر او له علاقة بالخمور .. وتجد هذه المسالة واضحة ايام عيد الاضحية وصناعة الشربوت ..
يعني نحن بنسرف في كل شئ حتي نفقد معناه والبركة في المواصفات والمقاييس فهي تفتئ في كل شئ بلا فحص ولا اجهزة .. |
الأخ العوض المسلمي تحياتي والله ما أشرت إليه صحيح والإسراف في الغالب سمة غير جميلة وموضوعنا اليوم هو الوجه الحضاري للخرطوم وصحيح أن هنالك بعض الجهود المبذولة في تزيين العاصمة وهذا أمر محمود ولكن لا ينفي أن ننتقد ما نراه غير صحيح ...
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: Mohammed Awad)
|
عمنا انور الطيب والله البوست بتاعك جميل جدا وانا بتفق معاك فى نقطه وبختلف فى نقطه تانيه قولى كيف :
1/ الدعايه فى غير مكانها تؤثر على المظهر العام هنا نحن متفقون....
2/ اما كون الدعايه مكسب للمحليات فى اطار تطوير المحليه فلا ضرر ولا ضرار ......
قندفه:-
هشام كيف وكيف الاولاد
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: almogira alemam)
|
| Quote: أقول يُفْترض إنو الفلوس البتِتْحصل عليها البلدِيات/المحلِيات ترجع للمُواطِن في شكل خدمات ... |
الموضوع ذو ثلاث شعب ... ويدخل فى صلب بناء دولة مؤسسات حديثة وخيارات الديموقراطية والفدرالية ..
فأولاً ...
الدولة فى كل تسلسلها الهرمى من القمة للقاع لا يجب أن تمارس التجارة الربحية .. والمناطق المحددة كمنتزهات وأماكن عامة لا يحق للحكومة الإتحادية أو الحكومات الولائية والمحلية التصرف فيها كمصدر دخل، وإنما يحق ذلك لمواطنى المنطقة عبر مجلسهم التشريعى المحلى ... وذلك بنص تشريع يحدد الملك العام المستثمر والغرض من الإستثمار وطريقة ضبط ومراجعة عمليتى تحصيل وصرف الأموال المستثمرة .. ثم - بعد إجازة التشريع - يطرح فى قوائم الإنتخابات للمشورة الشعبية ليصوّت المواطن على المصادقة على التشريع وسريانه أو عدم المصادقة .... فإدارة الممتلكات العامة ليست متروكة على عواهنها للحكومات ومعتمدى المحليات والولاة يتبوؤون من الجنة حيث يشاؤون ...
ثانياً ...
المنتج المعلن عنه نفسه يجب أن يمر بغربلة إقتصادية من حيث الإنتاج والإستهلاك ... فالسؤال هو: لماذا ننتج كل هذه المشروبات الشعيرية ونحن لا نزرع شعيراً .. وإذا كانت هنالك موارد داعمة (تمولية من النظام المصرفى أو بنية تحتية من الدولة أو خلافه) فهل هذه الموارد موجّهة للمنتج المناسب؟ ... هل هنالك توازن فى إتاحة هذه الموارد لقطاع الإنتاج الزراعى أو الصناعى؟
ثالثاً ..
سؤال المعيار الأخلاقى: أين ذهبت الكحول؟ ولماذا خلت هذه المشروبات منها؟ أم أنها محاولة طوباوية لإصلاح العالم غير آبهة بواقع استهلاك الإنسان للمشروبات الكحولية على طريقة دفن الرأس فى الرمال؟
... المهم ....
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: تبارك شيخ الدين جبريل)
|
سلام باشمهندس أنور
كيف ناس شرق النيل كلهم
الكبري خلاص قرّب إفتحوهو،
وطبعا بعد داك غرب النيل جاك بلا ،
بعدين ياخي دي دعاية لزوم القروش،
دعاية لي مريسة بكحول أو بدونها كلو عند العرب صابون ،
المحليات دايرة القروش ،
والقروش عند الشركات ،
والشركات عندها البضاعة المريسية،
ياخي إت معترض علي الدعاية زاتا؟
ولا معترض علي مكان الدعاية؟
نحنا أسع لافين صينية لينا أكثر من 20 سنة،
الحال ما إنصلح تب،
أخير نلقي لينا مريسة ،
وبعد العشا مافي إختشا،
مسعول من الخير،
قالو في شاحنات مليانة مريسة جد جد
دخلن الخرتوم محل الطيارة بتقوم و الريس بنوم،
أها الشاحنات دي غتست وين؟؟؟
ولكن أقول لك أخي أنور
المريسة الجد جد موجودة بكميات تفوق ما قبل 1983 ،
وأريتوا كان بقت مريسة بس!!!!
المخدرات المخدرات ، ما قريت الجرايد قبل كم يوم؟؟؟
(إنك لا تهدي من أحببت ولكن الله يهدي من يشاء)،
( ولو شاء ربك لآمن من في الأرض كلهم جميعا) صدق الله العظيم،
قبل 1983 كانت المريسة راقدة وبتصديق للبارات والمصانع،
والإستهلاك كان أقل من اليوم بدرجة كبيرة،
إذا هل السبب الدعاية في الصواني ؟؟
الشعب اليوداني محتاج لي صواني الأكل،
كسرة بس بي ملاح!!!!!!
هل من معين؟؟؟
يديكم دوام الصحة والعافية
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: د.السيد قنات)
|
Quote: عمنا انور الطيب والله البوست بتاعك جميل جدا وانا بتفق معاك فى نقطه وبختلف فى نقطه تانيه قولى كيف :
1/ الدعايه فى غير مكانها تؤثر على المظهر العام هنا نحن متفقون....
2/ اما كون الدعايه مكسب للمحليات فى اطار تطوير المحليه فلا ضرر ولا ضرار ......
قندفه:-
هشام كيف وكيف الاولاد |
ولدنا المغيرة كيفك ياخي نحن ما مختلفين أبدا والدعاية قبل أن تكون مكسب للمحليات هي حق مشروع لكل تاجر ولكل بائع ولا خلاف حول ذلك ولكن خلافي هو أن تكون الصواني محلا للدعاية وجهة نظري أنا الصواني والساحات العامة بدلا من أن تكون مكانا للدعاية تكون مكانا لاستعراض تاريخنا ، مستقبلنا ، آمالنا .... شوف الصواني في مدينة الشارقة ، مدينة دبي ، مصر ، كل مدن العالم ... ما كانت أبدا مكانا للدعاية بالشكل الذي نراه في الخرطوم ، وهذه وجهة نظري وليختلف معي من يختلف وفي كلام الأخ تبارك منطق ووعي شديد بالمسؤولية التي يجب أن يتحلى بها الجميع ... ولي عودة لكلامه ...
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
Quote: الموضوع ذو ثلاث شعب ... ويدخل فى صلب بناء دولة مؤسسات حديثة وخيارات الديموقراطية والفدرالية ..
فأولاً ...
الدولة فى كل تسلسلها الهرمى من القمة للقاع لا يجب أن تمارس التجارة الربحية .. والمناطق المحددة كمنتزهات وأماكن عامة لا يحق للحكومة الإتحادية أو الحكومات الولائية والمحلية التصرف فيها كمصدر دخل، وإنما يحق ذلك لمواطنى المنطقة عبر مجلسهم التشريعى المحلى ... وذلك بنص تشريع يحدد الملك العام المستثمر والغرض من الإستثمار وطريقة ضبط ومراجعة عمليتى تحصيل وصرف الأموال المستثمرة .. ثم - بعد إجازة التشريع - يطرح فى قوائم الإنتخابات للمشورة الشعبية ليصوّت المواطن على المصادقة على التشريع وسريانه أو عدم المصادقة .... فإدارة الممتلكات العامة ليست متروكة على عواهنها للحكومات ومعتمدى المحليات والولاة يتبوؤون من الجنة حيث يشاؤون ...
ثانياً ...
المنتج المعلن عنه نفسه يجب أن يمر بغربلة إقتصادية من حيث الإنتاج والإستهلاك ... فالسؤال هو: لماذا ننتج كل هذه المشروبات الشعيرية ونحن لا نزرع شعيراً .. وإذا كانت هنالك موارد داعمة (تمولية من النظام المصرفى أو بنية تحتية من الدولة أو خلافه) فهل هذه الموارد موجّهة للمنتج المناسب؟ ... هل هنالك توازن فى إتاحة هذه الموارد لقطاع الإنتاج الزراعى أو الصناعى؟
ثالثاً ..
سؤال المعيار الأخلاقى: أين ذهبت الكحول؟ ولماذا خلت هذه المشروبات منها؟ أم أنها محاولة طوباوية لإصلاح العالم غير آبهة بواقع استهلاك الإنسان للمشروبات الكحولية على طريقة دفن الرأس فى الرمال؟
|
لا فض فوك والله لقد عبرت تماما عما أريد التعبير عنه بشكل جميل
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
Quote: سلام باشمهندس أنور
كيف ناس شرق النيل كلهم
الكبري خلاص قرّب إفتحوهو،
وطبعا بعد داك غرب النيل جاك بلا ،
بعدين ياخي دي دعاية لزوم القروش، |
العم د. سيد كيف أولادك ، إن شاء الله تمام ، والله الكبري قرب و غرب النيل دة زي ما إنت عارف في القلب ومنو لينا غيركم بس المرة دي حا نجيكم كداري وقول لإمام يجهز ليهو تلج والله حا نكسر ليهو التلج ولو مافي تلج يشوف لينا أزيار والله أي حاجة لأنوا دي حا تكون أول محطة في غرب النيل ومنها تكون الانطلاقة طبعا يا عمنا في ناس حا تمشي شمال وناس تمشي غرب وناس تمشى شمال والله يكتر الأحباب
نرجع لموضوع الدعاية ، الأخ تبارك شيخ الدين كتب كلاما جميلا عن الدعاية في معرض رده على الأخ عزام فرح وهو كلام جميل تراعى فيه أشياء كثيرة من حقوق المواطن العادي وحق التاجر وحق الدولة ... والعملية في غاية البساطة وربنا يهدينا جميعا ....
سلامي للأسرة
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
...
...
اوعي تقولوا لي بكلامكم دا انتو قاصدين الشامبيون .. ؟؟!
ياخي الشامبيون دا اجمل حاجة في السودان ، خاصة لما يكون بااااااااااااااااااااارد ..
.... بتبالغوا لكن ,..
بس لكن دعاياتو كلها شينة شديد ... بتفق معاكم ( وش بقرقر )!
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
سلام يا أنور,,
نحن بلد تفتقر تماما لمسألة الجودة والمواصفات المُتبعة فى التصنيع المحلى والمواد المستوردة!!وهذا الكلام ينطبق على الأدوية المساعدة على الحياة مرورا بالأغذية وصولا للمعدات والآليات بما فيهاالسلاح الذى يستعمله الجيش نفسه!!!
سوق ممتلئ لآخره بالبضائع المضروبة المصنعة من مواد ممنوعة دوليا أحيانا وفى أحسن الأحوال غيرمطابقة للمواصفات المعروفة وتفتقر للجودة فى أقل صورها والقصص تملأ شوارع الخرطوم عن منتجات لايمكن بيعها وتسويقها إلا فى السودان ,,
أغلب مواد التصنيع الموجودة منها فى السوق والتى يسمح بإستيرادها ذات مواصفات رديئة جدا ولا يمكن أن نثق بها,,
لا مواصفات لدينا فى كل شى,,
تحياتى..
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
Quote: انور الطيب
يعنى لو جابو ليك اتنين...
واحد شارب مريسة صينية من صوانيك الفى البوست دى
وواحد شارب مريسة من بحر سماحة ورا هناااك مع البحر تحت شجرة
تقدر تميٍز؟؟
وتيب... |
الحبيب محمد عوض السلام عليكم ، ياخي أنا كتبت ليك رد لكن ما عارف وين ، الظاهر كتبتوا وأنا بتذكر في مريسة بحر سماحة ، والمريسة من البحر دي ما عايزة دعاية والله حاجة ودي ناس شغالة في الحلال :) يعني ما في غش والله خداع ، لعب على المكشوف ، عايز تعال ، ما عايز ما شغالين بيك ، التركيبة الكيميائية بتاعة البحر دي معروفة والمواد المصنعة محلية يعني بالكثير عيش من الجزيرة وحبة سمسم من القضارف ، أما البلح فهو يخرج خارج إطار المريسة دي لأنو دة شغل شديد شوية وعايز حرفنة زيادة ما شغل فقرا ...
على العموم أتمنى أن تكون بخير وطمنا دائما علي أخبارك ووالله مشتاقيييين ليك
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
Quote: اوعي تقولوا لي بكلامكم دا انتو قاصدين الشامبيون .. ؟؟!
ياخي الشامبيون دا اجمل حاجة في السودان ، خاصة لما يكون بااااااااااااااااااااارد ..
.... بتبالغوا لكن ,..
|
الأخت سمرية نحن ما قاصدين أي اسم تجاري ، الاسم القاصدنو فلكلوري " مريسة" ، عشان ما تجينا المشاكل وبعدين الناس دي كلها بتشربوا بارد ، وأهلنا زمان كان المريسة دي بيختوها في الزير برضو ، بس زير زمان ولا الال جي بتاعة آسة .... يعني
| |
|
|
|
|
|
|
|
|
|
Re: المريسة ... تملأ صواني الخرطوم .... (Re: انور الطيب)
|
..
.
Quote: فماذا يضير البلدية إن قامت بتزيين الصواني بشعارات تدعو للوحدة ، العمل ، التسامح وغيرها
من الشعارات التي تعبر عنا ، فهذه الصواني ملكنا جميعا فهلا تفضلتم يا أهلنا الكرام في
المحليات المختلفة بتزيين الصواني بشعارات أخرى تليق بنا |
كالتاريخ .. الحضارة .. والارث الثقافى ..
--------------
يا ليتهم يفقهون؛
| |
|
|
|
|
|
|
| |
انور الطيب
تبارك شيخ الدين جبريل
عزام حسن فرح
Hisham Ibrahim
العوض المسلمي
الطيب رحمه قريمان
Mohammed Awad
almogira alemam
د.السيد قنات
سمرية
أيمن الطيب
فيس بوك
تويتر
انستقرام
يوتيوب
بنتيريست