هو الآن بطل في بلده يعني شنو ينطرد بس ؟؟ مفروض يتغير القانون في هذه الحالة عشان الكورة أصلاً خلاص جوة الجكـ والله حررررررررررررررام عادت إليه الحياة بعد أن خرج مطروداً معتقد بأن الهزيمة والعار خلاص سايرين معاهو باقي عمرو
07-03-2010, 07:57 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
غايتو ما عارف يا عمكـ .. ورغم إني انتظرت كتير يجيبو الكورة دي مع اللاين، عندي إحساس كبير إنو سواريز دا أصلا طلّع الكورة من جوه القون!! يعني مفروض تتحسب قون وينطرد اللاعب!!
07-03-2010, 08:05 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
عندي نفس الإحساس يا محمد بس برضو يظل السؤال استفادت شنو غانا من طرد السجم ده ؟؟ سيكرر ما فعل طالما القانون سيطرده فقط وطالما هنالكـ لاعب شفقان حا يضيع ضربة الجزاء !!!!
07-03-2010, 08:17 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
عشان كده يا أيمن ولأنو المغصة بتكون قاتلة لازم يتم تعديل القانون إلى عقوبة أقوى حتى لا يدفع ثمن الأخطاء القاتلة الفريق الآخر المجتهد أكتر بضربة جزاء ( تعويضاً ) تعتمد على تماسكـ ( لن يجده اللاعب) المنتهية لياقته بسبب الإرهاق والجري المتواصل لأكثر من ساعتين
07-03-2010, 08:34 AM
طارق عبد اللطيف نقد
طارق عبد اللطيف نقد
تاريخ التسجيل: 11-13-2005
مجموع المشاركات: 2311
الكورة تجاوزت خـط المرمى ( شـوف راس اللاعب الأول ونزل منـو خط عمودي تلقى راس اللاعب داخل الخط مع ملاحظة أن الكورة فاتتـو أصـلا , يعني سواريز طلعها من القـون ) المفروض أن يطرد الحكم من المونديال ( رغم أنو كان حازم وحاسـم طوال المباراة وقرارته صحيحة بنســبة 99.9999999 % )
07-03-2010, 10:55 AM
احمد التجانى احمد
احمد التجانى احمد
تاريخ التسجيل: 11-11-2006
مجموع المشاركات: 3155
قدر الله وما شاء فعل يعنى ياعمران اكثر من الطرد والبنلتى تانى شنو الحكم مامسئول من رواشة اساموا قايان ولا استهتار كابتن غانا فى تسديد ضربتى الجزاء وهاردلك افريكا
07-03-2010, 11:04 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: جيان اساموا من بطل قومي اي اكتر فرد مكروه في غانا وامسى وكل افريقيا تلعنهة وتسب ليه
صاحب البوست و الاخوان المتداخلون
تحياتي
ما اجبرني علي الرد هنا مستوي الاحباط الحاسبي بيه في البوست ده يا شباب دي كورة يعني الموضوع غالب و مغلوب و لو سمعتو كل الناس البشجعو غانا بعد المباراة قالو انو بحسو بالفخر من مستو الاداء بتاعها و اي زول كان بيقول انو خرج من الاستاد و راسم مرفوع
و عشان تعرفو انها مدورة صحي هسي الجماعة الفرحانيين (ارغواي) ديل اول ناس فازو بكاس دلوقتي يفتشو فيها بالحظ مع غانا
و اخونا سواريز ده (بالرغم من اني معجب بيهو) ح يتعاقب ب اكتر من الطرد و اخير ليهو يقنع من الكورة بعد ده ولو مغالطني يسأل تيري هنري
فريق غانا رفع راس اي افريقي و ح يستقبل في بلدو كبطل
.
07-04-2010, 10:43 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
القصد يا وليد أن يتم تقليل نسبة الأخطاء ما أمكن عندما يكون اللاعب عارف انو شيلتو للكورة من المرمى بي يدو لن تؤدي لإلغاء الهدف فلن يفعل فعلته وسيحاول ما أمكن التصرف بطريقة أخرى وده كمان لو عارف إنو حا ينطرد ما الفائدة إذن من استخدام يده طالما سيتم إحتساب الهدف وسيطرد ؟؟؟
07-04-2010, 10:39 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
عمران تحياتي هي حاره حرارة نص نهارنا بس الراجل إستفاد من القانون والغانيون لم يستفيدوا من الفرص التي أتيحت لهم. اللاعب بصراحة ذكي بما فيه الكفاية فقد إستخدم روح القانون لآخر درجة ووضع كل الحسابات الممكنة في أقل من طرفة عين ، إذا الكورة دخلت قون حا يطير منتخب بلاده وليس هناك وقت للتعويض إذا أخرج الكرة بيده سوف يتم طرده لكن على الأقل سوف يمنع هدف محقق وبالتالي يبقي إحتمال إحارز الهدف من ضربة الجزاء يساوي ضياع الهدف من ضربة الجزاء وهذا ما حصل.
07-03-2010, 01:07 PM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
والله بتفق مع وليد المبارك، سواريز دا حقو اورجواي تعمل ليهو تمثال، بعدين يا ريت لعيبتنا ديل يعاينوا لكاس العالم دا ويتفرجوا ويتعلموا عشان ما يشيلوا الستات تاني في ارضهم. حاجة في ذمتكم سواريز دا لو ما لعاب زول رأس حربة الموقفه في خط المرمي حقو شنو؟
07-03-2010, 01:16 PM
Mahjob Abdalla
Mahjob Abdalla
تاريخ التسجيل: 10-05-2006
مجموع المشاركات: 8949
الغريبة نفس المشهد ده مكرر من مباراة غانا و استراليا... كان في هدف محقق و اخرجه المدافع الاسترالي بيده واخد كرت احمر و بعدها نفذ جيان ضربة الجزاء و احرزها الا ان هذه المرة فشل فيها...
07-03-2010, 01:39 PM
Mohamad Shamseldin
Mohamad Shamseldin
تاريخ التسجيل: 02-17-2006
مجموع المشاركات: 3074
عمران الكورة شفتها ديشليون مره ... و قفتها.... الكوره تجاوزت خط المرمي... التحكيم الدولي يضحك علي الافارقه كده الواحد قفل من ناس الاورغواي ... و المكسيك ذاتها لانهم كلهم "سي هبلا إسبانيول"... محتالين و مستهبلين... و ممثلين كلهم شحدت ربي هولندا تديهم نص دسته... و أسبانيا ترصع التانيه ديك.. ... كاس العالم بقي تمثيل و حيل ...المفروض أفريقيا تمثلها مصر و لا تونس.. لانهم بتاعين حركات ياخي ده ما عرفناه كاس كوره و لا كاس تمثيل أسامواه جيان أثبت انو شخصيتو قويه ..استطاع تسجيل الضربه الثانية و تقدم لها .. بعدين ضربات الجزاء كثيرين ضيعوها... أنا شخصيا بلوم مدرب غانا .. مفروض كان يكون جاهز...
07-03-2010, 02:21 PM
غباشي
غباشي
تاريخ التسجيل: 01-19-2007
مجموع المشاركات: 1729
Quote: و جيان اساموا من بطل قومي اي اكتر فرد مكروه في غانا وامسى وكل افريقيا تلعنهة وتسب ليه
اخونا طارق نقد و لم لا تقول ان جيان لاعب شجاع , بعد كل ماحدث تقدم بكل رباطة جأش و احرز ضربة الترجيح ... فريق غانا لم يكن مستهتراً و بذل لاعبوه كل ما في وسعهم لكنه الحظ و على الفيفا حسم مثل هذه الحالات بالذات و الرجوع للكاميرات لتحديد ما اذا كانت الكرة عبرت ام لم تعبر , بل في رأي المتواضع يجب ان يتم احتساب اي كرة مبعدة من خط المرمي بواسطة اليد من اي لاعب غير حارس المرمى لأن هذا لا يندرج تحت ما يدعو اليه الفيا من اللعب النظيف فالفيفا عدل الكثير من القوانين من اجل تطوير اللعبة
ولي يا شفت .... مشتاقين ياخ لا اعتقد ان تصرف سواريز عمل بطولي غير انه شكل من اشكال الـ Dirt Play و هذا شئ لا يفرح و لا يدعو للاعجاب
07-03-2010, 03:30 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: ولي يا شفت .... مشتاقين ياخ لا اعتقد ان تصرف سواريز عمل بطولي غير انه شكل من اشكال الـ Dirt Play و هذا شئ لا يفرح و لا يدعو للاعجاب
غباشي يا حبه ازيك ياخ
والله انا متكيف من الزول جنس كيف الزول ده ما مسك الكورة ساكت مسكها عن قصد مستصحب في فكره انها الدقيقة 119 شفت الزول ده مركز لي ياتو درجة وواعي بي نفسو لي ياتو درجة
Quote: الزول ده ما مسك الكورة ساكت مسكها عن قصد مستصحب في فكره انها الدقيقة 119 شفت الزول ده مركز لي ياتو درجة وواعي بي نفسو لي ياتو درجة
لا يا وليد... بالطريقة دي اللعيبه يعلموهم فنون الاستهبال و لا شنو..؟ و بالمناسبة الراجل حا يتعاقب و غالبا ما يصدر قرار باقافه بقيه مباريات كاس العالم....
07-03-2010, 05:56 PM
Elsanosi Badr
Elsanosi Badr
تاريخ التسجيل: 03-29-2008
مجموع المشاركات: 4166
يكفي تماما وتعرف ما مفروض يوقفوه أصلا!! زفت الشفقة على جيان شنو!! ما ينتظر هو قايل الحكم حينهي المباراة قبل ما يلعب ضربة الجزاء!! ينتظر يشرب موية ويجي بعد داك الحارس بكون أكل هوى!! ياخي تعرف الفرق الأفريقية مفروض يعملوا ليهم كأس بتاع أكتر فريق بصيبك بي إحباط!!
مبروك لي سواريز البطل القومي وغانا إلى سخانة أفريقيا ..باي
Quote: غايتو ما عارف يا عمكـ .. ورغم إني انتظرت كتير يجيبو الكورة دي مع اللاين، عندي إحساس كبير إنو سواريز دا أصلا طلّع الكورة من جوه القون!! يعني مفروض تتحسب قون وينطرد اللاعب!!
يا عمّك أتاري لقيتك في الكورة قاعد ساي ...
كيف يُطرد اللاعب وقد أصبحت الكورة خارج عن إطار اللعب بعد عبورها خط المرمى ...
دي زي لمّا الكورة تطلع آوت وتمشي تجيبها بإيديك ...
والله يا عمكـ ما دقسة .. لكن مغسة ساي بس!! ياخ أنا لو لميت في أساموا دا كان سمعتو ليكـ كمية فارغة .. تلاقي المارق من خشمي كلو ############## أقل كلمة بقولا ليهو #####!
07-04-2010, 10:48 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
Quote: يعني شنو ينطرد بس ؟؟ مفروض يتغير القانون في هذه الحالة عشان الكورة أصلاً خلاص جوة الجكـ
يا صديقي سلامات
والله العظيم كأنّك بتقرأ أفكاري من لحظة الكورة وقبل ما قيان يشوت ضربة الجّزاء حتّى كنت بقول القانون دا مفروض يتشاف ليهو حل وأفرض هسّع ضرب الجّزاء دي ضاعت لأيّ سبب كيف تبقى تعويض لهدف مؤكّد 100% ما ممكن كورة داخلة القون بنسبة 100% بلا أدنى شك تتعوّض بطرد وضربة جزاء ممكن تضيع أو تـُحرَز بنسبة أيّاً كانت فهي اقلّ من الـ 100% مفروض يكون في قانون في نوع الكوَر الدّاخلة القون 100% دي تتحسب هدف طوّالي
حاجة تغيظ ياخي وفشفاشي مفقوع من لحظتها وبفتّش في رقم موبايل بلاتر
تحاياي للوجيه محمّد وأُمّ محمّد
07-04-2010, 10:52 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
Quote: When you've just suffered one of the cruelest exits in World Cup history, as Ghana did on Friday, it takes something pretty big to lift your spirits less than 24 hours later. Maybe something as big as an invite to meet a living legend. Luckily, Ghana got just that on Saturday, when the whole team was invited to visit Nelson Mandela at the great man's home in Johannesburg.
That's Asamoah Gyan above, who failed to make Ghana the first African team in the World Cup semifinal when his last minute penalty kick hit the crossbar after Luis Suarez was red-carded for using his hands on the ball on the line. Gyan had looked incapable of ever smiling again after that moment, but a handshake from the 91-year-old Mandela seemed to do the trick.
07-04-2010, 12:02 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
عندما تعاني مراراة الخروج من كأس العالم ، كما فعلت غانا يوم الجمعة ، فإنه يلزمكـ الكثير لترفع من معنوياتك بعد أقل من 24 ساعة . ربما شيء جيد مثل دعوة للقاء أسطورة حية ، وهذا ما حصلت عليه غانا أن يوم السبت ، عندما دعي الفريق بأكمله لزيارة نيلسون مانديلا في منزل رجل عظيم في جوهانسبرغ. هذا اسامواه جيان أعلاه ، الذي فشل في جعل غانا أول فريق أفريقي يصل للدور قبل النهائي لكأس العالم عندما أضاع ضربة الجزاء في الدقيقة الاخيرة والتي صدتها العارضة بعد أن حصل لويس سواريز كان على البطاقة الحمراء لاستخدام يديه على الكرة على خط المرمى وكان غيان قد بدأ وكأنه غير قادر على الابتسام من أي وقت مضى بعد تلك اللحظة ، ولكن من مصافحة مانديلا 91 عاما) يمكن أن تخدع نفسكـ محاولاً الإبتسامة
______________ شكراً محجوب عبد الله
07-04-2010, 11:54 AM
walid taha
walid taha
تاريخ التسجيل: 01-28-2004
مجموع المشاركات: 4206
Quote: مفروض يكون في قانون في نوع الكوَر الدّاخلة القون 100% دي تتحسب هدف طوّالي
تصدق يا لؤي مرة نحن لاعبين مباراة واحد من مهاجمينا شات كورة فى القون (ياها ديك ماااشة القون) لدرجة انو لو بتصدق الحكم حسبها قون واللاعب الشاتاقلب هوبة و قام جارى والجمهور كورك والله شوف عيون الكل الكورة طلعت آوت علما بإنوأرضية الملعب متساوية وخالية من الحفر. والله لليلة أنا ماعارف الشئ ده حصل كيف. عشان كده مالم تعبر الكرة او تهتز الشباك ماافى ضمان بان الكورة هدف.
لا يفوتنى ان أشير بأن المباراة المعنية كانت فى (الهند) :)!
07-04-2010, 12:25 PM
Mahjob Abdalla
Mahjob Abdalla
تاريخ التسجيل: 10-05-2006
مجموع المشاركات: 8949
شكراً طارق وبرضو الغبينة في يا طارق لأنو الحصل ده ممكن يتكرر بدون تسلل وبطريقة صحيحة مية في المية ولكن !!؟؟ يجي واحد يطلعه من جوه القون ويطردوهو والمتضرر يشوت التعويض بره الشبكة ؟؟ دي المشكلة
07-04-2010, 07:46 PM
محمد علي شقدي
محمد علي شقدي
تاريخ التسجيل: 04-25-2010
مجموع المشاركات: 2730
Quote: تصدق يا لؤي مرة نحن لاعبين مباراة واحد من مهاجمينا شات كورة فى القون (ياها ديك ماااشة القون) لدرجة انو لو بتصدق الحكم حسبها قون واللاعب الشاتاقلب هوبة و قام جارى والجمهور كورك والله شوف عيون الكل الكورة طلعت آوت علما بإنوأرضية الملعب متساوية وخالية من الحفر. والله لليلة أنا ماعارف الشئ ده حصل كيف. عشان كده مالم تعبر الكرة او تهتز الشباك ماافى ضمان بان الكورة هدف.
لا يفوتنى ان أشير بأن المباراة المعنية كانت فى (الهند) :)!
وليد العزيز صباح الخير
أها دا ذاااااااااتو مفروض يتحسب قون وخلاص القانون يتعمل وتُستثنَى الهند
عمران إزّيّك
07-05-2010, 08:43 AM
مازن فيصل هلال
مازن فيصل هلال
تاريخ التسجيل: 10-15-2009
مجموع المشاركات: 1003
Quote: انتوا في دا ولا ابو جسيم قال الكورة أصلاً تسلل قبل ما تنلعب في القون!!!!! وقال ما بني على باطل فهو باطل!!! هل هي حكمة إالهية؟
ياخ دا من كورة الهلال و الزمالك دييييييييك(بتاعة صاروخ صبحي) و توادده م ابتساماته مع اللعيبة المصريين و انا ما معتبرو عندو علاقة بالكورة زاتو -خلي يكون خبير كروي
أستاذ عمران .. سلامات ... طرد اللاعب أو بقائه فى الملعب لا يقدم أو يؤخر فى المحصلة النهائية لنتيجة المباراة .. و يجب على الفيفا أن يطور قوانينه و لوائحه حتى تقضى مثل هذه الظاهرة و ذلك باحتساب الكرة فى هذه الحالة هدفا ! فالاعب ( سواريز ! ) كان تدخله قانونى و ضحى بالكرت الأحمر مع ضربة الجزاء على أسوأ الإحتمالات 20% ! بأن لا ينتج من الضربة هدفا و هذا ما نجح فيه بالضبط .. و بالتالى أعتبر اللاعب فى بلاده بطلا !!! و لقد كان ذكيا و مثل هذه الحيل القانونية معروفة فى رياضات أخرى مثل ال NBA ... علة كرة القدم اليوم فى جهاز الفيفا برئاسة بلاتر و ميشيل بلاتينى فيجب ان يخرجوا و يحرروا اللعبة من قوقعة القرون الوسطى و التعامل بتكنلوجيا و منطق القرن الحادى و العشرين ... عبدالماجد
07-05-2010, 10:24 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
Quote: طرد اللاعب أو بقائه فى الملعب لا يقدم أو يؤخر فى المحصلة النهائية لنتيجة المباراة .. و يجب على الفيفا أن يطور قوانينه و لوائحه حتى تقضى مثل هذه الظاهرة و ذلك باحتساب الكرة فى هذه الحالة هدفا ! فالاعب ( سواريز ! ) كان تدخله قانونى و ضحى بالكرت الأحمر مع ضربة الجزاء على أسوأ الإحتمالات 20% ! بأن لا ينتج من الضربة هدفا و هذا ما نجح فيه بالضبط .. و بالتالى أعتبر اللاعب فى بلاده بطلا !!! و لقد كان ذكيا و مثل هذه الحيل القانونية معروفة فى رياضات أخرى مثل ال NBA ... علة كرة القدم اليوم فى جهاز الفيفا برئاسة بلاتر و ميشيل بلاتينى فيجب ان يخرجوا و يحرروا اللعبة من قوقعة القرون الوسطى و التعامل بتكنلوجيا و منطق القرن الحادى و العشرين ...
أخونا ع الماجد وده يا سيدي بيت القصيد والرأي العاقل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة