قال مواطنون من منطقة البرارى أن راكب الموتر الذى شوهد فى تسجيل فيديو مثير للجدل على وسائط التواصل الاجتماعي اليوم وهو يغتصب سيدة بحى المنشية بالخرطوم تحت تهديد السكين، أنه مجرم معروف لديهم ، وأنه يقوم بنهب السيدات والأطفال فى الأزقة والشوارع الطرفية باحياء برى وناصر والرياض والمنشية. ووفقا لمصادر أخبار الوطن قام المواطنون ببري وناصر بتكوين اتيام قبل أسبوعين للبحث عنه .
وذكر الصحفى عمر الحلاوى فى عدد من مجموعات التواصل الاجتماعي بالواتس آب أن آخر جرائم الرجل كانت فى سلب طفلة حلى ذهبية فالصو تحت تهديد السكين والساطور بعد أن اعتدى على عمتها التى كانت تسير معه ، وأضاف أن هناك بلاغات ضده لدى الشرطة .
٢. انا واحد من الناس كنت متحفظ جدا علي موضوع الفديو بتاع الاغتصاب واراء الناس وتخميناتهم والغرض منو .. بس للاسف الموضوع طلع حقيقي والزول دا طلع سوابق واتواصلت مع حالات اتعرض ليهم من خلال مواقعهم الزول دا بتردد علي الشريط بتاع المعموره والطائف والرياض والمنشيه وقاردن سيتي والجريف مفتوحه ضدو تلاته بلاغات في القسم الشرقي بنفس المواصفات والطريقه
واحده من الحالات في المعموره الشارع التاني من القسم وللمصادفه في كاميرة مراقبه في احد المنازل التقطت ليه صوره مرفقة في البوست مع صورة من الفديو للمقارنه
الحالة التانيه بعدها بدقائق في المعموره للاسف قدر يقلع منها خواتم وتلفون وهددها بالسكين لو صرخت حايطعنها .. ديل الاتنين يوم 6/19
الحاله التالته في الطائف شارع النخيل ربنا لطف بيها وانقذها منو
الحالة الرابعة في امتداد ناصر بعد اسبوع اتردد ليها كتير وكان بيسالها من بيت محمد خالد بس اتلائمت معاه حاول يطعنها صرخت والناس ظهرو وفلت منهم
الحالة الخامسة في شارع الستين وصرخت ونجدوها اولاد الحي وهرب و
في معلومات من خلال حالات اعتدي عليها انو بستقصد الحبشيات وفي الغالب الحاله صاحبة الفديو حبشية
القاسم المشترك هو في كل حالاتو بيسال من بيت اسم مركب وغالبا محمد خالد وبهدد بالسكين و الاغتصاب احيانا و تركيزو علي الدهب و الموبايل وبسوق موتر
اوصافه كالاتي : ..
اصفر او فاتح اللون .. عريض الفم خفيف الشنب غير ملتحي .. نحيف بيتكلم بصوت هادي لا تتبين عليه ملامح الاجرام .. عادة يرتدي طاقيه معظم تحركاته مابين الساعه 4 الي 6 عصرا
ربنا يحفظكم وياريت كل الشباب يتعاونو في اسطياده و اي زول عندو معلومه عنو حتي و
لو صغيرة يدلو بيها في القسم الشرقي في بلاغات مفتوحة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اخبار سودانيزاونلاين
فيس بوك
تويتر
انستقرام
يوتيوب
بنتيريست