|
الجديد شديد
|
الحلم الذي راودني لسنين خلت ... في صحوي و منامي ... اربعه سنين عاشم الحلم ... و اليوم عيدك يا قصيدي فانشري اللحن الفريد .. أربعة سنين .... اعرف كل أعضاء سودانيز اوان لاين عن ظهر قلب ... افرح لفرحهم .. و أحزن لأحزانهم ... و اتكدر حينما يتهارجون تهارج الحمير ... أربعة سنين طرقت كل الابواب المغلقة ... لكنها كانت تقفل في وجهي بلطف و في كثير من الأحيان بعنف ... و أخيراً تحقق الحلم .... و لكن ماذا بعد ذلك ... هل يمكن أن تجد لك مساحة وسط كل هؤلاء العملاقة ؟؟؟ أنا الأن عضو في سودانيز اون لاين ... أذاً أنا مميز ...
|
|
|
|
|
|
|
|
Re: الجديد شديد (Re: امجد محمد الأمين)
|
الشكر الجزيل للمهندس بكري ابوبكر ... و للاستاذ خالد المحرب ... و لي برلومي معاذ حسن .... و للاستاذ / معتصم دفع الله.. و لكل من ساهم في تحقيق الحلم
| |
|
|
|
|
|
|
Re: الجديد شديد (Re: امجد محمد الأمين)
|
امجد محمد الأمين حبابك في المنبر ، وتسجيلك هناك على كامل مسئوليتك ، والبوستات و المواضيع هنا فيها الصالح وفيها الطالح وفيها دون ذلك ، والأهم من ذلك كذلك ن تجتهد أكثر وتكتب أكتر عشان بكري أبوبكر يعمل ليك مكتبة زيك وزي بقية الأعضاء. إذا إعتبرت أن نيل عضوية سودانيز أون لاين حلم تحقق ، فأنت الآن بهذا المنطق وصلت إلى القمة وهو أمر تحقق فحافظ علي ذلك.
| |
|
|
|
|
|
|
Re: الجديد شديد (Re: almulaomar)
|
الأخ : الملا عمر يجعل كلمنا خفيف عليك ... أكيد تسجيلي هنا بحالتي الذهنية و أهليتي المعتبرة شرعاً و بكامل أختياري و طوعي ... انشاء الله الواحد يحشد كل طاقتو الابداعيه عسي و لعل نقدر نلقي لينا موطاء قدم ... و تسلمي يا عزيزي على المرور و الترحيب ...
| |
|
|
|
|
|
|
Re: الجديد شديد (Re: امجد محمد الأمين)
|
أمجد تاني برحب بيك بس حكاية موطئ قدم دي ما معانا هنا ، هنا تحاول تشوف ليك space بين الكلمة والكلمة وفي مرات كده بيكون من الكياسة إنك تعمل عبد الستار وتعاين من بعيد لي بعيد وكل ده بيعتمد على الكيبورد خاصتكم وسرعة الجهاز وخدمة الإنترنت حيث تقيم. أتمنى أن يطيب لك المقام وخلينا نشوف بوستك الأول.
| |
|
|
|
|
|
|
Re: الجديد شديد (Re: هاشم أحمد خلف الله)
|
عزيزي : هاشم .. لأنك مميز بتشوف كل الناس مميزين ... تسلم على اريحية الاستقبال و الاصالة و الكرم من حديثك الواحد بيستشفها ... كرم تبين في كلامك ماثلاً و يبين عتق الخيل من اصواتها ...
تسلم على المرور ...
| |
|
|
|
|
|
|
Re: الجديد شديد (Re: almulaomar)
|
عزيزي : الملا عمر ... الله يجبر بي خاطرك و يعلي مقامك زي ما طوالي بترفع البوسط بتاعي المتواضع هذا لي عنان السماء ... أظن و أنا ما ضليع في اللغة زي زي عبدا لله الطيب لما قال : أنا اجيد الأنجيلزية و القليل من العربية .... لكن على قلة العربية العندي دا يا اخوي الملا بتتساوي عندي معني الكلمتين بتاع space و موطاء قدم بين الكلمة و الكلمة .. لا اطمان تب و ارقد قافا بعمل سواتر و خنادق ... في حاجات الواحد مفروض يشغل الدبلوماسية بتاعتوووو و ما يخش فيها و يعمل زوغبير دا احنا غلابة و ماشين جمب الحيط زي ما بيقولوا اولاد بمبة الزاحمه المنتدي زيها و زي جلابي و ظلامي ومستنير و النقد الفسيفسائي ... أنا زول بتاع اقبل الليل و شعاع القمر و الدنيا ليل غربة و مطر و أنساك انت أنت بتتنسي و الزهور صاحية و أنت نايم ... أما من ناحية السرعة فحدث و لا حرج الكمبيوترات بتعتنا شغالة بي chip فيها نظام التخاطر من بعد يعني يكفي انك تفكر فقط في آل order و الكمبيوتر يعمل respond ...
تسلم على مرورك للمرة الثانية ....
| |
|
|
|
|
|
|
Re: الجديد شديد (Re: امجد محمد الأمين)
|
الاخ امجد الف مرحب بك
ونتمنى لك اقامة طيبة بيننا
الان اصبحت عضو وخلمك تحقق
اتمنى ان تنطلق نحو القمم ...
اخى الحبيب لك منى كل التقدير...
تسلم
| |
|
|
|
|
|
|
Re: الجديد شديد (Re: عاصم ابوبكر حامد)
|
الأخ العزيز : عاصم ربنا يحقق احلام الجميع... دا الخطوة الاولي من الحلم ... مشوار الميل يبدا بخطوة ... تحياتي و عميق تقديري و مرورك اسعدني جداً ... تسلم
| |
|
|
|
|
|
|
Re: الجديد شديد (Re: فدوى الشريف)
|
الأخت : فدوي ...
من قبيل تراحيب عزابية صرف التقول ابونا ادم عاش هنا عزابي كنا محتاجين ترحيب انثوي و اهوو حصل و الصورة اكتملت .... تسلمي على الترحيب و علي المرور
| |
|
|
|
|
|
|
Re: الجديد شديد (Re: lana mahdi)
|
أمجد محمد الامين أهلا ومرحبا بمقدمك الشكر لشيخ سودانيز اون لاين بكري ابوبكر أن جعل وجودك هنا ممكنا... للارباب خالد المحرب ...
يا تمبس وخالد سعيد وناس الرياض امسكوا في الراجل دا شديد.. جمل شيل ولزام تقيلة. أهلا امجد
| |
|
|
|
|
|
|
Re: الجديد شديد (Re: معاذ حسن)
|
برلومي : معاذ .... يا هلا بيك و الواحد سعيد بيك سعادة لا يمكن أن توصفها الكلمات ... و عاجز عن شكرك على مجهوداتك المقدرة في ضمي لهذا المنبر ... البرلوم الغلب سنيرووو .... تسلم على المرور يا عزيزي و انشاء الله نكون عند حسن ظنكم بنا ...
| |
|
|
|
|
|
|
Re: الجديد شديد (Re: lana mahdi)
|
الحبيبه : لنا المهدي ...
يا ألف مليون مرحب و مرورك اسعدني جداً ...
الحبيب و الحبيبة لفظ شائع في ادبيات حزب الأمة زي زميل و رفيق لزوم التنويه ...
| |
|
|
|
|
|
|
Re: الجديد شديد (Re: هشام آدم)
|
صديقي العزيز : هشام آدم ... مرورك اضفي لواعج البهجة و السرور على قلبي كيف حالك يا زول يا رائع سلامات ... تسلم على المرور .
| |
|
|
|
|
|
|
Re: الجديد شديد (Re: معاذ حسن)
|
برلومي : معاذ شكرا بتعاتك دا ماله تعبانه شكلك أتحسست حساس عبدالله حساس ...
الكاتب الرقيق شكلك يا معاذ عاوز تجرجرني أصبر شويه ... تسلم
| |
|
|
|
|
|
|
Re: الجديد شديد (Re: امجد محمد الأمين)
|
Quote: الكاتب الرقيق شكلك يا معاذ عاوز تجرجرني أصبر شويه |
أمجد كيفك.. بس عجبتني الكاتب الرقيق دي.. صاحبنا ابو الشوش..شابكنا ليك الكاتب الساخر.والكاتب النوبي . وحظك طلعت الكاتب الرقيق.
بدون زعل يا ابو الشوش.
| |
|
|
|
|
|
|
|