|
|
 Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال (Re: ghariba)
|
Quote: سلامات با غريبة ...
Quote: نسبة لأني مشغول اليوم واحد يمشي بدلي
كنت داير أرشح ليك صديق الموج لأنو فاضي وما عندو حاجة الليلة ..
لكن وكت لقيت ليك زول خلاص ما مشكلة ..
صنفرة :
الجايات أكتر من الرايحات |
Quote: مامشكلة اخ ناذر
نحن فيها .........
يمشي صديق بس يقول ليهم
أنا جاييكم من صلاح غريبة
( وجه مبتسم ) |
ناذر كتر خيرك على التكليف ومشيت وسمعت نصيحة الزول ده ودار بيننا الحوار التالى:
انا:السلام عليكم
اللجنة :وعليكم السلام ورحمة الله وبركاته
انا :فى الحقيقة انا جاييكم من صلاح غريبة ،عضو تجمع المتطوعين،رئيس جمعية تعزيز
دور البوامة فى خدمةالمجتمع،مقرر منظمةتاكل عيش،رئيس مجلس ادارة اكاديمية
سكينة العليا ،المسؤؤل الاعلامى لهئية كن عويرى،الامين العام لجمعية شوفونى
المدير التنفيذى لمنظمة الميكانيكين ذوى الاحتياجات المخصوصة،رئيس هئية مبرمجى
كمبيوترات العجائب،مقرر منظمة مزر كير للطفولة المعذبة،نائب الامين العام
لجمعية ترقية وتطوير كوانين الفحم..و..و..و..و.
اللجنة :طظ
انا : ياجماعة هو قالى امشى قول ليهط انا جاى من طرف الاس..
اللجنة :انطم
انا :انتو مش رسلتو ليه دعوة
اللجنة :والله دعواتنا دى بنرسلها لى البنى ادميين
انا : لكن هو قال..
اللجنة :انطم
انا : حاجة غريبة والله
اللجنة : تاخ كف
انا : انا ما عارف حاجة
اللجنة :ظوط بنية
انا :اقبف ياخى
اللجنة :بمب شلوت
انا :انا مرسل ساكت بناء على ترشيح من اخونا ناذ
اللجنة :كع ام دلدوم
انا :معقول الزول ده ما بتعرفوه
اللجنة :زررر مجموعة كفوف
انا : ياجماعة انا غلطان
اللجنة :تفوووووو بزاق بى كمية تجارية
شفت يا ناذر انا بين توف وتاف وكع وكركرع من الصباح لى بعد الظهر
لما ربك رب الخير بعت واحد بقى لى جبارة
قال لى ايش عندك ؟
انا:فى الحقيقة انا رشحنى اخونا ناذر والاستاذ صلاح ارس...الخ
قال ليهم كيف ما تعرفو صلاح غريبة ده.
ده اكبر متطوع فى الدنيا بس ما تقول ليه فى جمعية والا منظمة
حتى ولو اصدقاء المخدرات يتطوع طوالى ..زول بركة خلاص
باخى ده بطلب عضوية اول حتى يسأل من فى شنو
ومرات بخلى طلبات تقديم عضوية فاضيات باعتبار ما يقوم من
منظمات وهئيات وجمعيات وروابط..راجل طيب خلاص
وعندنا هنا زول معتمد..هاك يازول نظف الحوش ده..ويا ناذر ادونى
فرشة اسنان ..قالوا انظف بيها حوش مساحته 2000 متر
قلت ليه انا من طرف غريبة
قالوا لى ياهو ده التطوع البجينا ليه صلاح سنوى
يعنى صلاح حقك ده انت قايل نحن بندعوه عشان نشاورو والا عشان
يترجم لينا والا عشان يقدم ورقة عمل ...هو براهو اتطوع ينظف لينا
وهسع مادام هو اللى بعتك تقوم بالمهمة بدلو..لكن يا جماعة هو ما فهمنى كده
نط واحد قال ليه ده واللى بعتوا ما ينفع معاهم الا الاسلوب الاول
قمت قلت ليهم امرى لله بس كبرو لى المقشاشة
اها يا ناذر كده كويس الزول يتابعك انت وعوير الفلم الهندى ده دى اخرتا.
قال دعوة تطوع قال..وكل مؤتمر تطوع وانتوا كناسين.
|
|
 
|
|
|
|
|
| العنوان |
الكاتب |
Date |
 نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال ) | ghariba | 03-11-07, 10:07 PM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | ghariba | 03-11-07, 10:54 PM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | ناذر محمد الخليفة | 03-11-07, 11:50 PM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | ghariba | 03-12-07, 00:01 AM |
 Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | nile1 | 03-12-07, 04:43 AM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | صديق الموج | 03-12-07, 05:57 AM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | عبدالكريم الامين احمد | 03-12-07, 06:09 AM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | عبد المنعم سليمان | 03-12-07, 06:24 AM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | ASAAD IBRAHIM | 03-12-07, 06:32 AM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | Zoal Wahid | 03-12-07, 03:48 PM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | ناذر محمد الخليفة | 03-13-07, 06:38 AM |
| Re: نسبة لأني مشغول اليوم واحد يمشي بدلي (مؤتمر التطوع السعودي الثاني الرياض فندق إنتركونتننتال | nadus2000 | 03-13-07, 11:20 AM |
|
| |
صديق الموج
فيس بوك
تويتر
انستقرام
يوتيوب
بنتيريست