|
|
 Re: انتوا جلابه دي يعني شنو؟ (Re: Rihab Khalifa)
|
| Quote: لكن البرجدس ما مبني علي استعلاء فقط |
الإستعلاء هو الشعور المركب من power + prejudice القوة مع الكراهية المنمطة أو الناتجة من أحكام مسبقة كتبرير لها في ثوب ثقافة المستعلي
أما أفعال المضطهد لا تخرج عن كونها ردود أفعال لأنه لا يملك شيئا لكي يستعلي به وصحيح قد ينتابه بسبب شدة القهر إحساس بالكراهية تجاه مستعبديه ولكن هذا أمر طبيعي ولا يعد بأي حال عنصرية مضادة لأنو لا يمكن أن نطلب من مضهد مقهور أن يحب مضطهده وكذلك ليس من حق الظالم أن يحدد للمظلوم الوسيلة أوالكيفية التي يجب أن يناضل بها لإستعادة حقوقه
وإنه من الظلم محاسبة رد الفعل قبل الفعل أو لوم الضحية والتغاضي عن عنف الظالم!
الحقوق في الأصل لا تمنح بل تنتزع وقد يتحول عنفا إذا إنسدت الطرق وصلت درجة Ultima ratio
| |
 
|
|
|
|
|
|
|
|
Re: انتوا جلابه دي يعني شنو؟ (Re: Rihab Khalifa)
|
| Quote: نسوي شنو يا كبسيبه، المخ ده ما قسم و انا كنت غايبه يوم ادوهو للناس |
رحاب.
طبعا البتعملي فيهوا ده يعتبر قمة أستهبال الجلابة على واقع السودان. الواقع المرير الذي لا تعتقدين به أي شئ خطاء.
وكونك كجلابية تريدين أن تظهري لنا هنا بمظهر الشخص الذي لا يدري شئ, أو تريدين نفي الاستهبال الذي يتم بواسطة الجلابة في السودان.
لكن هيهات وهيهات, نحن لكم بالمرصاد وسوف نكشفكم ونكشف أرنبياتكم. لقد أنتهي زمن خداع الناس يا رحاب ألعبي غيرها.
دينق.
| |
|
|
|
|
|
|
|
|
|
Re: انتوا جلابه دي يعني شنو؟ (Re: Deng)
|
اي انت صاح يا دينق
نقشتني ياخ، خلاس، انت ما تتعب روحك معاي
بس عشان اكون راضيه عن نفسي في ردي، اوضح ليك، والله سؤالي كان نابع من حتتين
اولا، انا فعلا ما كنت عارفه معني كلمه جلابه، و البركه في الاخوه الشرحوا لي، زاد اهتمامي بالكلمه الكنت سامعاها كتير بعد ان نعتني بها احد اعضاء المنبر
تانيا، بعد ما وضح معناها العام لي، كنت حابه افهم ليه الناس بتستعملها بالاسلوب ده، و الكلام جاب ليهو نقاش و مشكور الاخ الدكتور ادروب بتناقش معاي بكل صبر ووضوح و كذلك باقي الاخوه، قد نختلف، و لكن يفضل الاحترام لاشخاصهم الكريمه البتفرض الاحترام بكيفيه نقاشها
اهااااااااااا، النجيك انتا عشان نفشك حبه، انت مادام جايي بالفهم ده، و رديت مره و الجلابيه رحاب دي عبرتك و ردت ليك، لسه بالي الابري بتاعك معاها ليه؟ ولا يا ربي ناس المنبر ديل محتاجين ليهم وصي يفهمهم زي حضرتك كده، عشان هم ما بنقشوا زيك الجلابيه الزكيه رحاب دي
اح، استغفرتك يا مالك روحي
المهم، ما علينا
| |
|
|
|
|
|
|
|
|
|
Re: انتوا جلابه دي يعني شنو؟ (Re: Rihab Khalifa)
|
الجلابي أبو فتيحة
| Quote: العنصرية وكما نعرفها قامت على أساس اللون أولاً ولأن اللون الأبيض امتلك الأرض ومافيها بإمكانياته هذا أدى إلى تحكمه فينا وأي لون آخر ما سوى اللون الأبيض (الأوروبي) يعتبر لون دون. |
العنصرية ما مقتصرة علي اللون والأوروبيين سادوا بالسيطرة علي القوة المادية وإستغلال جهل الشعوب الأخري (power) وصنعوا لنفسهم ثقافة الإستعلاء بسبب اللون حتي يتميزوا وتحس الشعوب الأخري بالدونية تجاههم (mentality) فعامل اللون هنا ليس سببا بل أثر!
| |
|
|
|
|
|
|
|
|
|
Re: انتوا جلابه دي يعني شنو؟ (Re: كبسيبة)
|
رحاب ( ريهاب كما يكتبها أدروب البليد)Quote: سلامات يا رحاب يا جلابية
ان شاء الله كدي عرفتي يعني شنو جلابي و جلابية
|
من النا ويهو ليك العنصرى محمد سليمان انشاالله تقطيعها بى عرق العافية!
وحتقطعى مليون زيها!
فأبشرى بطول سلامة يا جلابية!
جنى
| |
|
|
|
|
|
|
|
|
|
Re: انتوا جلابه دي يعني شنو؟ (Re: jini)
|
الجلابى ..
يارحاب الدين..
اعتقد ..
انها كلمة مشتقة من الجلب..
والجلب فى حد ذاتو..
وبعد حنك بيش مطول مع عزيزة ست الشاى ..
لم ترضى عن كشف ماهيته..
لاعتباراتها ان فى ذلك خرق لقانون مهنتها ..
وهنالك احتمال اخر..
| |
|
|
|
|
|
|
|
|
|
Re: انتوا جلابه دي يعني شنو؟ (Re: Rihab Khalifa)
|
الاخ المحترم ادروب
معاك في انه ما كل حالي تعالي عنصريه
و معاك انه العنصريه ازدراء منمط للاخر، و لكن باختلف معاك انه ما بسبب اي منقصه، و في نظري و حسب حدود معرفتي المتواضعه جدا انه مرتبط بالعرق او الجنس او العنصر، و عشان كده اسمه عنصريه، اما اذا الازدراء ده نتيجه للجنس او الطبقه، عنده مسميات اخري، ده فهمي للعنصريه و التفرقه العنصريه
لا لا، ما بتفق معاك في انه التنميط لو كان ايجابي معناهو محمود، لانه ايجابيه الحاجه او سلبيتها بتعتمد علي نظره المتعاطي، يعني حاجه نسبيه زي الجمال، كل انواع التنميط المرتبطه بعنصر او جنس معين غير مقبوله و يستحسن انه الناس تبتعد عنها
اجيك للجمله المافهمتها،انت قلت فيما معناهوانه اذا المضهد ثار باي نوع من انواع الثوره، و تشمل انه الثائر يكون عنصري ايضا، ده مقبول و انا بختلف معاك و معاك للاخر في الايه الانت جبتها و لكن الايه عندها مدلولاتها، يعني ما اظن بتاخد بمعناها كده و ياريت لو في زول عالم تفسير يجي يشرح لينا، لكن بس بالعقل كده، ما اظن معناها انه لو في زول سرق مني امشي اسرق منه
يخيل لي يا استاذ ادروب انه اختلافنا في جزئيه صغيره، و برغم الاختلاف ده اكن لك كل الاحترام في طريقه حوارك
بامانه استمتعت جدا بالنقاش و ما دايره احصرك في بوستيني، اتفهم جدا لو حبيت تخلي النقاش يتواصل بصوره تانيه او عامه في البورد و اكيد حانتقابل
| |
|
|
|
|
|
|
|
|
|
Re: انتوا جلابه دي يعني شنو؟ (Re: كبسيبة)
|
كبسيبه
حسب مفهومك للكلمه
اذا اخدت المعني الغرافي ليها، يبقي ما جلابيه
و اذا اخدت المعني التاني التابع للمثقفاتيه، يبقي بعتمد اذا ناس جوبا ديل بعملوا في نفس الحاجات الخلت الناس تتطلق الكلمه علي اخوانا في الشمال
مراجعه كويس، مش؟
| |
|
|
|
|
|
|
|
|
|
Re: انتوا جلابه دي يعني شنو؟ (Re: Rihab Khalifa)
|
الدكتورة رحاب خليفة
بالله نطلع بيك شويه من الموضوع الجميل ده
ونسألك عن واحد طبيب اسمه ابوبكر مندور المهدى يعمل فى لندن ومشتاق ليهو كتير وماعارف اخبارو مع مشاغل الحياة وضاع من مفكرتى تلفونه وعنوانه ممكن تعرفى لى عنه اى تلفون او عنوان وهاهو إى ميلى ولك الشكر مقدماً
[email protected]
| |
|
|
|
|
|
|
|
|
|
Re: انتوا جلابه دي يعني شنو؟ (Re: Rihab Khalifa)
|
| Quote: لا لا، ما بتفق معاك في انه التنميط لو كان ايجابي معناهو محمود، لانه ايجابيه الحاجه او سلبيتها بتعتمد علي نظره المتعاطي، يعني حاجه نسبيه زي الجمال، كل انواع التنميط المرتبطه بعنصر او جنس معين غير مقبوله و يستحسن انه الناس تبتعد عنها |
يا رحاااااااب
عليك الله تنميط يعني شنو
مرة كدا سمعتها في التلفزيون (في الدش) وكل ما اسال عنها ما بلاقي معني واضح
دحين اكبي فيني اجر واشرحيها لي
| |
|
|
|
|
|
|
|
|
|
Re: انتوا جلابه دي يعني شنو؟ (Re: Ahmed Mohammed Osman)
|
احمـــــــــــــــــــــــد
والله تنميط دي انا بقدر ادخلها في جمله، لكن مابقدر اقول معناها بالعربي، الا يجي زول تاني يقول لينا معناها بالعربي
يعني مثلا، يقولوا تنميط السودانيين في الافلام
بالانجليزي اظنها ال sterotyping
| |
|
|
|
|
|
|
|
|
|
Re: انتوا جلابه دي يعني شنو؟ (Re: Ahmed Mohammed Osman)
|
Quote: انتوا جلابه دي يعني شنو؟
عندي شعور انها كلمه ما حلوه، لانه في زول كان زعلان مني و قالها لي في البوردي ده
والله ما بستهبل، لكن هي من شنو يعني؟ واصل الكلمه من جلابيه ولا شنو؟
حسنه قليله تمنع بلاوي كتيره، نورونا ذادكم الله من نوره |
نحن جلابة ، من لبس الجلاليب ، لقب يطلقه اهل غرب السودان على اولاد البحر ، ثم تطور واصبح يوصف به التجار الشماليين في جنوب السودان ، وانتقل المصطلح الى غرب السودان ، والان اصبح مصطلح عام يطلق على اصحاب العربات التجارية ، فيقول الرجل للكمساري او المساعدي كلم لي الجلابي بتاعك ده ، وعند مناضلي الكي بورد اصبح يطلق على كل العرب الشماليين بدون فرز ، فهمتي حاجة ؟ ولا انا .
| |
|
|
|
|
|
|
|
|
|
Re: انتوا جلابه دي يعني شنو؟ (Re: Rihab Khalifa)
|
الدكتورة رحاب
| Quote: ابدا والله، ما عارفه كلمه خواجه دي يعني شنو |
هي مرادفة تماما لكلمة الجلابة
زي المهمشين عندنا ياخذو علي إستعباد الشماليين ويسمونهم "جلابة"
كمان الجلابة يعيروا الأوربيين لإستعمارهم ويطلقوا عليهم "خواجة"
كان عندنا في الثانوية أستاذ لغة إنجليزية اسكوتلاندي
مرة أدانا composition كتبته وجيته في المكتب إبتدرته hello khwaja
قام زعل جدا وقال لي: !don´t call me khwaja
أنا لغاية الوقت داك ما كنت عارف الكلمة عندها أي معاني تانية!
| |
|
|
|
|
|
|
|
|
|
Re: انتوا جلابه دي يعني شنو؟ (Re: Adrob abubakr)
|
Quote: هي مرادفة تماما لكلمة الجلابة
زي المهمشين عندنا ياخذو علي إستعباد الشماليين ويسمونهم "جلابة"
كمان الجلابة يعيروا الأوربيين لإستعمارهم ويطلقوا عليهم "خواجة"
كان عندنا في الثانوية أستاذ لغة إنجليزية اسكوتلاندي
مرة أدانا composition كتبته وجيته في المكتب إبتدرته hello khwaja
قام زعل جدا وقال لي: !don´t call me khwaja
أنا لغاية الوقت داك ما كنت عارف الكلمة عندها أي معاني تانية! |
لووول
يا رحاب اخدي بي كلام اي زول عدا ادروب دا لانه طايوق مافي
زول ما عارف اسم استاذو عشان يقول ليه قود مورننق مستر ماك قرقار 
| |
|
|
|
|
|
|
| |
Rihab Khalifa
Deng
jini
sourketti
Ahmed Mohammed Osman
doma
فيس بوك
تويتر
انستقرام
يوتيوب
بنتيريست