|
زياره واحده لاتكفي!!!
|
بدون سبب لقيت روحي افتح النبر واتحكر في قلبه رغما عنه وعني انا زاتو المقاطع المنبر دي بالسنين وبعد طلقته بي التلاته مش لعيب فيه لكن ظروفي ما بتسمح اقعد فيه كتير المهم جيت اكتب شنو؟؟؟ اكتب شنو؟؟ ولي كل الرغبة دي في الكتابة ؟؟ وانا اصلا ما محدده موضوع اكتب فيه؟؟ يا زول(( دا غير يا زول داك دا زول تاني)) حاله الزهج دي تخليني اعمل اي حاجه (( يعني ما اي حاجة اي حاجة)) لكن انشاء الله اكتب في المنبر وانشاء الله هترشات (( طبعا ما زي حقت البت شيري)) انشاء الله تكون لسع بتهرش دحين هترشته كان مكسره صاحبي رومانسي الاساسي لكن مشكلته انه كان بسف صعوط وكمان كان سمين لكن حبوب والله ما علينا والمشكلة هسع الولد قعد ابكي والمدام في المطبخ اكيد حا تقول قوم شوف مصطفي ببكي ماله(( مصطفي دا باكورة انتاجي وكدا)) والمشكلة التانية انه لسع ما عرفته اسمي عنوان البوست شنو؟؟ قلت اسميه زهج ابو لستك لكن بالمناسبة ابو لستك دي يعني شنو؟؟؟ اقول ليك كدي اولع لي سجارة لكن دي زاته مشكلة تالته التدخين في الشقة ممنوووع التقول معرس لي طرمبة بنزين لازم اطلع بره اشرب السيجارة واجي راجع امكن بعد داك القي عنوان للبوست او اكون لقيت الفكره كله وطلعت من المنبر لكن الباندوث الهامل دا اخليه ساي بكري زمان كان معزبنا فيه وكمان قال احدد البوست بعدد الحروف عشان الباندوث صاحبي داك ما بجيب اسمه(( ما بامسيكا طبعا)) قال البانودث دا يعني شنو والله ما عرفته اقول ليه دا شنو لكن قلت ليه يا صاحبي دا شفته زي بيت الجداد لمن اتملي لازم تفضيه عشان الجداد اعيش كويس ههههههههههه الغريبه انه اقتنع بالفكره والله الوقت داك كنا بنستهلك جنس جداد اقصد جنس باندوث بالمناسبة دي ود عزه وين كان من كبار المستهلكين وهنا المستهلك كان منتج والله كل ما اكتب استهلك لكن الظاهر لي الباندوث فائض بقي الناس قلت ولا الكتابة بقت شويه والله بكري مشي محل السرفيرات الغالية وخلي محلات ابو الرخي المدام قالت لي قوم شوف مصطفي ماله
>>>>>>>>> يتبع
|
|
|
|
|
|
|
العنوان |
الكاتب |
Date |
زياره واحده لاتكفي!!! | 7abib_alkul | 03-03-07, 07:15 PM |
Re: زياره واحده لاتكفي!!! | Hussein Mallasi | 03-03-07, 08:17 PM |
زمن الزمن زين والناس زينين | الفاتح وديدي | 03-03-07, 11:07 PM |
Re: زمن الزمن زين والناس زينين | 7abib_alkul | 03-05-07, 05:07 PM |
Re: زياره واحده لاتكفي!!! | Raja | 03-05-07, 05:34 PM |
Re: زياره واحده لاتكفي!!! | 7abib_alkul | 03-06-07, 06:22 PM |
Re: زياره واحده لاتكفي!!! | اساسي | 03-06-07, 06:54 PM |
Re: زياره واحده لاتكفي!!! | 7abib_alkul | 03-06-07, 07:17 PM |
Re: زياره واحده لاتكفي!!! | رقم صفر | 03-07-07, 08:30 AM |
Re: زياره واحده لاتكفي!!! | رقم صفر | 03-07-07, 08:31 AM |
|
|
|