|
|
|
 Re: فيديو كليب نادر جدا للرئيس عمر البشير ... (Re: محمد البشرى الخضر)
|
| Quote: يا معلم تعرف أنا حضرت الخطاب دا لايف |
السلام عليكم ورحمة الله تعالي وبركاتة اخي الكريم محمد البشري ..
وهنيئا لك .. وانت في حضرة الرجل السوداني الاصيل الذي سطر له التاريخ انه اول رئيس سوداني حمل السودان علي اكتافه ((( وحكره ))) في قلب قطار الركب العالمي بعد ان كان خارج المحطة .
Quote: لما قريت عنوان البوست , تابعت الكليب تاني عشان أعرف الحاجة النادرة شنو
للمرة الأولى ما أدركتها |
تحدث البشير بكل تجرد عن الحركات الوطنية ... ومسيرة خمسين عاما .... وكانت محاضرته درسا للشباب السوداني .
الحاجة النادره ... لم يعدد البشير انجازاته في شتي المجالات السلكه واللاسلكيه .. الطرق .. الكباري ... تركيب العربات ... صناعة البترول ... انما فرحته كانت بالسلام الذي انعم الله به علي السودان ... السلام الذي تحقق في عهده وتحت رعايته ... بعد ان فشلت مايو .. والانتقاليه والحزبيه في الوصول الي سلام بين ابناء الوطن الواحد ....
لكن لقيتك خطييييييييييير
بعد ان عدد البشير وبالاسم .. رجالا وشيوخا .... لو يعلموا ان الاحفاد ينادوا بفرض الوصايا الدوليه علي السودان .... لاختاروا باطن الارض ... بدل العوده لها ...
Quote: بتاع....
أنا راكب صاح و لا تديني الباقي و تنزلني |
افوووو يا ود اخوي ... التذكره علي اخوك .. واقوم ليك من الكنبة تقدير واحترام ...
بس اديني رايك ...
للاسف يا اخي شاهدنا كما هائلا من اخوتنا واخواننا في الغربه ابتداءا بالدول التي تحيط بالسودان مرورا بكل اوربا وامريكا والدول اللاتينيه وبلاد الهند والسند وانتهاءا بتل ابيب ... ما عدا دول الخليج ... وليبيا وتل الزعتر..
.هؤلاء الاخوه والاخوات سمعنا منهم العجب العجاب ...وكأننا من كوب اخر ... .كل واحد فيهم يجي شايل ليهو شنيطه الكترونيه ويقول ليك يا لجان حقوق الانسان الحقوني ..... انا في السودان اغتصبوني ...انا احيانا بقف مزهول ... كيف راجل شنبو يرك فيهوالصقر يجي يقول ليك انا اغتصبوني ....والمصيبه من ضمنهم شيوخ في سن الخمسينات والستينات .....
هؤلاء يا اخي الكريم سماهم العالم بطلاب اللجوء السياسي .... واصبحوا من الطلاب الناجحين النابغين في تحضير محاضرات تسيء للبلد واهل البلد والاسلام والانسانيه وكل ما يمت للبني ادم بصله .....
وهؤلاء الطلاب يتمتعوا بذكاء خارق لتحضير رسالتهم لحصول شرف ونيل لقب لاجيء سياسي ...ويؤمنوا بالمثل الوقت كالسيف ان لم تقطعه قطعك فسهروا الليالي .. يذاكروا وينقبوا في نشرات سلاح التلميذ التي يكتبها لهم اساتذه من سياسيين سودانيين فشلوا لاكثر من خمسين سنه في تحقيق وعد واحد من وعودهم لرجل الشارع السوداني .... وفشلوا في بناء روضة للاطفال .. او مدرسه ابتدائيه او حتي شفخانه او رصف شارع واحد من شوارع السودان ... او حتي فتح خور واحد لتصريف مياه الامطار ...
للاسف الشديد يا اخي الكريم .... ضاعت حقوق وقضية من لهم قضيه من له قضيه وسط كشاكيل العملاء والخبثاء واعداء السودان .... واختلط الحابل بالنابل مع صاحب الحق الكريم ...
دعواتي لله الواحد الاحد ان يرفع الظلم عن كل مظلوم ... وان يكفينا ويكفيكم شر قهر الرجال ...وخيانة الوطن
وهذا ما حاول ان يقوله البشير .... ولا حياة لمن تنادي ..............
| |
 
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: شادية الطيب)
|
Quote: Author: شادية الطيب
الفاضل سمير ابراهيم
تحية وتقدير
اتصفح المنتدى منذ أمد وللمرة الاولى أجد من ينصف الفريق البشير ويعطيه حقه من التقدير
الحمد لله ما زال في شباب السودان خير
وفقك الله ووفق البشير لما يحب ويرضى |
الفاضلة الاخت شادية الطيب
السلام عليكم ورحمة الله تعالي وبركاته ...
يشهد الله في سماه ... اخوك لا سياسي ولا عندو اي ميول سياسي ... ولا في يوم من الايام اشتغلت بالسياسة ..
ولو عندي حزب واحد .. حا يكون حزبي هو ام العيال ...
لكن بحزن علي حال اخواني واخواتي ... ما قادرين يفرقوا بين مصلحة البلد والمصالح السياسية والمصالح الشخصيه ...
لكل رئيس سوداني حسناته وعيوبه ... والبشير حسناتو اكتر من عيوبو ... دعواتنا ان يوفقه الله ...
ويرعاه .. فالرجل يعمل ليل نهار من اجل السودان والشعب السوداني ...
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: SAMIR IBRAHIM)
|
البشير دي جنا ولاشنو لو هو بعرف التاريخ دا كلو وبعرف قيم الرجال ديل طيب الخلاك تقوم بانقلاب ضد الديمقراطية شنو
وبعدين انتو لم جيتو ياكيزان ماقلتو تاريخ السودان بيبداء من يونيو 1989 وقلتو ما لم يقله مالك في الخمر عن الديمقراطية ومساوئ الطائفية. كلامك عجيب يابشير ياعوير.
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: wesamm)
|
الأخ سمير إبراهيم
كتبت في بوستك:
| Quote: يشهد الله في سماه ... اخوك لا سياسي ولا عندو اي ميول سياسي ... ولا في يوم من الايام اشتغلت بالسياسة |
أها النقول ليك كلامك الكتبتو فوق دا كلو سياسة في سياسة (فإذا كنت ما عارف بنوريك) ولو كان عندك تعريف محدد للسياسة قولوا لينا هنا، يا خي أولاً أديت نفسك حق تقييم الحاصل في البلد
وقلت (بعضمة كيبوردك)
| Quote: وهنيئا لك .. وانت في حضرة الرجل السوداني الاصيل الذي سطر له التاريخ انه اول رئيس سوداني حمل السودان علي اكتافه ((( وحكره ))) في قلب قطار الركب العالمي بعد ان كان خارج المحطة |
طيب نمسك الإنت كتبتو دا ونسألك السؤال التالي:
ماذا تُسمَّي التقييم المذكور أعلاه؟
1- تقييم علمي
2- تقييم سياسي
3- تقييم عنقالي.
4- تقييم آخر (سمِهِ ما شئت)
والغريبة أنك بتواصل في كلامك (الما سياسي) وتنوب عن البشير في توصيل رسالته (اللهي قطع شك رسالة سياسية) وتقول لينا الكلام الآتي نصه:
Quote: دعواتي لله الواحد الاحد ان يرفع الظلم عن كل مظلوم ... وان يكفينا ويكفيكم شر قهر الرجال ...وخيانة الوطن
وهذا ما حاول ان يقوله البشير .... ولا حياة لمن تنادي .............. |
يعني يا أبو سمرة
دي في لغة السياسة بسموها الناطق الرسمي
وإنت (يشهد الله) ماك سياسي، أها يا أخوي عايزنا نسميك شنو.
الصادق اسماعيل
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: الصادق اسماعيل)
|
Quote: Author: الصادق اسماعيل
الأخ سمير إبراهيم
كتبت في بوستك:
أها النقول ليك كلامك الكتبتو فوق دا كلو سياسة في سياسة (فإذا كنت ما عارف بنوريك) ولو كان عندك تعريف محدد للسياسة قولوا لينا هنا، يا خي أولاً أديت نفسك حق تقييم الحاصل في البلد |
الشكر الجزيل اخي الفاضل اسماعيل ... حقا دعوتك لي بالاخ شرف كبيره ... واللهم اجعلنا اخوه لله في الله ....
اديت نفسي حق تقييم الحاصل في البلد لاني مواطن بسيط ... ورجل شارع عادي ... يرافس ويدافر من اجل وطن نفاخر به الشمس ... والانتماء له نعتبره وسام نفتخر به .
لو حبي للبلد ... وانتمائي للبلد ... والنظر الي النصف المليء من كوب الماء ... يعتبر سياسه .. اكون انا سياسي .... ومن باكر امشي استقيل من وظيفتي .. اصلو سمعنا انو ناس السياسه ديل قبب وعمارات في فرنسا وامريكا ولندن ... والقاهرة ... ومن غير حسد وربنايزيدهم .. كم فيلا في الخرطوم .
Quote: طيب نمسك الإنت كتبتو دا ونسألك السؤال التالي:
ماذا تُسمَّي التقييم المذكور أعلاه؟
1- تقييم علمي
2- تقييم سياسي
3- تقييم عنقالي.
4- تقييم آخر (سمِهِ ما شئت) |
انا غايتو بختار نمره ثلاثه .......
Quote: يعني يا أبو سمرة
دي في لغة السياسة بسموها الناطق الرسمي
وإنت (يشهد الله) ماك سياسي، أها يا أخوي عايزنا نسميك شنو.
الصادق اسماعيل |
سميني رجل شارع سودان ...... رجل الشارع السوداني في ناس باسمو حاملين السلاح .. وفي ناس باسمو اتحكروا في عتبات السياسه الدوليه عشان شوية فتات باسم رجل الشارع السوداني والسودان ..... والمصيبه ...........مافي زول عايز يستمع لرجل الشارع السوداني ...
تخريمه ... الفرق بيني وبين ناس السياسه ديل ... بنحب الخير للسودان ... وحتي يظهر لينا قائد تاني بيحب البلد ويعمل لمصلحة البلد كالبشير ... حا نظل ندعي للبشير ... وربنا يوفقك يا بشير الخير ...
وبارك الله فيك اخي الفاضل الصادق ... ونفعنا بكم وبي علمكم انشاء الله ...
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: wesamm)
|
Quote: Author: wesamm
البشير دي جنا ولاشنو لو هو بعرف التاريخ دا كلو وبعرف قيم الرجال ديل طيب الخلاك تقوم بانقلاب ضد الديمقراطية شنو |
وعليكم السلام ورحمة الله تعالي وبركاته ...
بالتاكيد ....انقلابه كان لحفظ القيم التي ظللنا نتوارثها من هؤلاء الرجال وقيمهم .
كنا نقيف في صفوف الرغيف خمستاشر ساعه ... وفي صفوف البنزين ثلاثه ايام في طرمبة البنزين ... ويوم كامل لصرف كروت البنزين .... ويوم كامل لصرف كرت السكر ... ويوم كامل في صف الدكان عشان تستلم السكر ...
بالاضافه الي ازمة الفحم .. السببوها ناس حزب البحث من كثرة الشخبته علي الحيطان .
والنهب المسلح في غرب السودان كره ناس اللواري السفر في الخريف والصيف ....
وما تنسي ناس السياسه ادمنوا .. ائتلاف ثم اختلاف ثم ائتلاف ... الميرغني يسافر ويرجع بي اتفاقية سلام شامل وكامل ... وابو الصديق في المجلس ما قادر يتخز ليهو قرار من اجل سلام ظلننا ننشده ونتضرع لله ان يتحقق .... وما تنسي ناس الجبهة طلعوا الشوارع بالسيخ والعصي .... وحيران الميرغني ... يكوركوا في الشارع حررت الكرمك يا ابو هاشم ...
خلاصة القول اخي الكريم ... قام بالانقلاب .. لانو المواطن السوداني اصبح يلف ويدور حول نفسو من اجل ابسط متطلبات معيشته !!!!!
ومن اجل حروب سئناها وكرهناها .... ومن اجل سودان عالي باذن الله ...
دعواتي ان يجزي الاخ عمر البشير خيرا عنا ....
يعني البشير قام بانقلاب عشان ينقز المواطن الغلبان ...
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: Wasil Ali)
|
Quote: Author: Wasil Ali
Quote: القائد ... حفظه الله ورعاه ......
هنا اذاعة صوت العرب |
اخو ابو علي ...
اتابع كل بوستاتك .... واسجل ليك صوت اعجاب ... وفي ميزان حسناتك كل اللقاءات والاهتمام بي البلد ...
ويا ريت تساعد اخوك وتفسر لي ..... لماذا نجلس .....في اخر القطار
نتربع وبجدارة .... في اخر القطار ,,, العالم في المقدمة ونحن مصرون علي الكنبة الاخيره في العربة الاخيره .....!! نتحرك، وندور ونلف، في مؤخرة القطار ....
يجلسون في الصف الاول ونحن نصر على الجلوس في في العربة الاخيره .....
يعملون بجد وجد واجتهاد ...يقدموا النفيس والرخيص ليحصلوا على المراكز الاولى ونحن نتحارب بالسلاح والخناجر والاقلام علي الارض ..والصحف والنت لنحافظ على المؤخرة!!
صعدوا الى الفضاء ونحن نرفض ان نتزحزح من المؤخرة!!
كانوا في المؤخرة وخرجوا منها الى ان وصلوا القمر، ونحن دخلنا المؤخرة ولم نخرج منها
المشكلة اننا لا نريد ان نترك مكاننا في زيل القطار، وكل ما نفعله اما الحرب الاهليه او الثقافيه او الضرب تحت الحزام علي السودان واقتصاده وحريته ورفاهيته ومنشاءته ووحدته.....نعمل من اجل رفعة الاخرين نعمل في بلادهم بكد وجهد ونتمني لهم ان تنهار بلادهم وحضارتهم ليجلسوا معنا ويعيشوا في المؤخرة وبهذا نتساوى معهم!!
تكيفنا في الجلوس بالمؤخرة والبعض بدأ يتلذذ من هذا الموقع واخرون ينظرون حتى لهذا الموقع وكأنه صنع خصيصا لنا دون غيرنا من الشعوب لدرجة اننا ادمنا قولنا ...كل تأخيره فيها خيره....
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: SAMIR IBRAHIM)
|
| Quote: او حتي فتح خور واحد لتصريف مياه الامطار |
كدي خلينا من الانجازات وطلوع القمر بس ورينا ياتو خور لتصريف
المطر في قلب الخرطوم فتحو الطرطور بتاعك دا اللي بيقرأ غلط ، وجعلني
اتشكك في المعلومات التاريخية لانو ما عارف
ماليزيا "صديقته والقرا فيها" استقلت متين ، قال عشر سنوات
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: yasiko)
|
[Quote: Quote: او حتي للاسف يا اخي شاهدنا كما هائلا من اخوتنا واخواننا في الغربه ابتداءا بالدول التي تحيط بالسودان مرورا بكل اوربا وامريكا والدول اللاتينيه وبلاد الهند والسند وانتهاءا بتل ابيب ... ما عدا دول الخليج ... وليبيا وتل الزعتر..
.هؤلاء الاخوه والاخوات سمعنا منهم العجب العجاب ...وكأننا من كوب اخر ... .كل واحد فيهم يجي شايل ليهو شنيطه الكترونيه ويقول ليك يا لجان حقوق الانسان الحقوني ..... انا في السودان اغتصبوني ...انا احيانا بقف مزهول ... كيف راجل شنبو يرك فيهوالصقر يجي يقول ليك انا اغتصبوني ....والمصيبه من ضمنهم شيوخ في سن الخمسينات والستينات .....
هؤلاء يا اخي الكريم سماهم العالم بطلاب اللجوء السياسي .... واصبحوا من الطلاب الناجحين النابغين في تحضير محاضرات تسيء للبلد واهل البلد والاسلام والانسانيه وكل ما يمت للبني ادم بصله .....
وهؤلاء الطلاب يتمتعوا بذكاء خارق لتحضير رسالتهم لحصول شرف ونيل لقب لاجيء سياسي ...ويؤمنوا بالمثل الوقت كالسيف ان لم تقطعه قطعك فسهروا الليالي .. يذاكروا وينقبوا في نشرات سلاح التلميذ التي يكتبها لهم اساتذه من سياسيين سودانيين فشلوا لاكثر من خمسين سنه في تحقيق وعد واحد من وعودهم لرجل الشارع السوداني .... وفشلوا في بناء روضة للاطفال .. او مدرسه ابتدائيه او حتي شفخانه او رصف شارع واحد من شوارع السودان ... او حتي فتح خور واحد لتصريف مياه الامطار ...
للاسف الشديد يا اخي الكريم .... ضاعت حقوق وقضية من لهم قضيه من له قضيه وسط كشاكيل العملاء والخبثاء واعداء السودان .... واختلط الحابل بالنابل مع صاحب الحق الكريم ...
دعواتي لله الواحد الاحد ان يرفع الظلم عن كل مظلوم ... وان يكفينا ويكفيكم شر قهر الرجال ...وخيانة الوطن
وهذا ما حاول ان يقوله البشير .... ولا حياة لمن تنادي .............. فتح خور واحد لتصريف مياه الامطار |
كدي خلينا من الانجازات وطلوع القمر بس ورينا ياتو خور لتصريف
المطر في قلب الخرطوم فتحو الطرطور بتاعك دا اللي بيقرأ غلط ، وجعلني
اتشكك في المعلومات التاريخية لانو ما عارف
ماليزيا "صديقته والقرا فيها" استقلت متين ، قال عشر سنوات |
هسع الواحد يقول ليك شنو ولا يستشهد ليك بمنو ، يا أخي نافع براه قال للترابي أيام الإختلافات الأولي " خليتونا نع>ب ونغتصب ونقتل و هسع تجوا تقولوا لينا نتصالح وتحول ديمقراطي" والترابي قاليهو "القال ليك ع اعمل كده منو" ومن يومها ونافع بيحفر للترابي
مع اني عارف انك بتكون عارف وإحتمال بتكون شاركت في حاجات زي دي ، لانه مافي زول وقف مع الجماعة ديل إلا وعندو معاهم تاريخ ما نضيف عشان كده بيعتقد أنه لو غسلهم ممكن يتغسل معاهم لكن ده ما حايحصل، إلا يعترفوا بجرائمهم و بعد داك نفكر في المصالحة بمشاورة اهل الضحايا والضحايا اللسه عايشيين.
غايتو نضيع زمنا مع زول زيك
عموما دي حاجة
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: BAKTASH)
|
Quote: Author: BAKTASH
اها وقام كدي الخواجة اداهو ليك كف طاااااااااخ وقال ليهو:-
(انتا وكت بتعرف تاريخ قدر دا المقعدك مع الكيزان ديل شنو) |
النصف المليء من كوب الماء .... انو بيعرف تاريخ ..... وقدر دا !!!! اذا لنستفيد من هذه المحاضره النادره ...
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: yasiko)
|
Quote: Author: yasiko
كدي خلينا من الانجازات وطلوع القمر بس ورينا ياتو خور لتصريف
المطر في قلب الخرطوم فتحو الطرطور بتاعك دا اللي بيقرأ غلط ، وجعلني
اتشكك في المعلومات التاريخية لانو ما عارف
ماليزيا "صديقته والقرا فيها" استقلت متين ، قال عشر سنوات |
يا سيكو ... اخوك بينظر للنصف المليان من كباية المويه ... وانا حا انظر للنصف المليان من الدخلتك الكريمه ... وربنا يجيزك خير عليها ... اولا .. الشكر الجزيل لعدم انتقادك لشخصي ... وانما هاجمت ولم تنتقد شخصيه عالميه عامه يتحدث عنها العالم بكل لغاته ولهجاته .
الكثيرن من يتحدثون باسمي نحن رجل الشارع في هذا المنبر العامر والمنابر السودانيه .. وبيطالبوا بالديمقراطيه !!!!!
انا شخصيا اؤومن ايمان قاطع .. ان الديمقراطيه احترام الرأي الاخر ... ونقده نقدا هادفا .. لا فيهو نعت ... تقليل لقيمة الطرف الاخر او معتقداته او شخصه
اذا يا ود اخوي ... اكاااااان الناس ديل ما بحترموا ما نحترمه نحن ... وما بينتقدوا نقدا هادفا لما نعجب به ... وان لم يقارعونا الحجة بالحجة ... اذا اين هي قواعد الديمقراطية وحرية الرأي التي ينادي بها كل اخواننا واخواتنا ...
تخريمة .... كدي اضرب في القوقل عن صور من السودان او صور من بلادي او ابحث عن صناعة البترول في السودان ..
وحا تلاقي خيران ........
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: SAMIR IBRAHIM)
|
Quote: Quote: Author: زياد جعفر عبدالله
مطبلاتي!!!
في ميزان حسناتك انشاء الله ....
قال سبحانه وتعالي ...
(واما بنعمة ربك فحدث)
والبشير نعمة الله علي السودان وهله ..... ربنا لا تحرمنا من الحديث عنه ... ولا تحرمنا من نعمة الوطن والبلد والانتماء ...
|
الان عرفت انك زول مكاواة و بس..
على فكرة عندي قريبي زيك كده..طوالي شغال فينا مرض و مكاواة..
تقول ليهو شمال...يقول لا يمين....عندو نوادر كثيرة لا يتسع الحديث لها هنا..
...
اضافة:
انا داير اعرف ليه البشير مصر يقول الاستغلال و ليس الاستقلال..!!(راجع الخطاب)
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: زياد جعفر عبدالله)
|
Quote: Author: زياد جعفر عبدالله
Quote: Quote: Author: زياد جعفر عبدالله
مطبلاتي!!!
في ميزان حسناتك انشاء الله ....
قال سبحانه وتعالي ...
(واما بنعمة ربك فحدث)
والبشير نعمة الله علي السودان وهله ..... ربنا لا تحرمنا من الحديث عنه ... ولا تحرمنا من نعمة الوطن والبلد والانتماء ...
الان عرفت انك زول مكاواة و بس..
على فكرة عندي قريبي زيك كده..طوالي شغال فينا مرض و مكاواة..
تقول ليهو شمال...يقول لا يمين....عندو نوادر كثيرة لا يتسع الحديث لها هنا..
...
اضافة:
انا داير اعرف ليه البشير مصر يقول الاستغلال و ليس الاستقلال..!!(راجع الخطاب) |
اخوي زياد ... صباحاتك مباركه .... قريبك ده اكيد رجل شارع سوداني حالو زي حال سمير .. قريبك ده يا صديقي اكيد بيحب البلد والدعاش والارض .... ولانو قريبكم ومتأكدين انو ما عندو اي ميول سياسيه ... ولا هو اخصائي سياسة ... او عنقالي سياسه ... قلتو عليهو .. كاااوي ... وعلي الطلاق كان ما كان قريبك كنتو طلعتوه مكوجي ...
عملت بي وصيتك وسمعت الفيديو كليب للمره التسعه واربعين ... وتاه اخوك وسط المعلومات والدروس التاريخيه ..... كدي يا ود اخوي اسمع الفيديو كليب تاني .... وقول لي ... لماذا نحن الشعب السوداني لم نحافظ علي ما بناه الاجداد ؟؟؟؟؟
وكل تأخيره فيها خيره ...
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: تاج الدين عبدالله آدم)
|
Quote: Author: تاج الدين عبدالله آدم
يا سبحان الله اخيرآ جانا مجرم الحرب القاتل يحدثنا عن الفكر وعن بطولات علي عبد اللطيف… تبآ له ولكم يا هولاء المطبلون لهذا الجزار
تاج الدين |
السؤال يا تاج أدم ...
هل علمنا الاسلام ان يسبح بحمد الله ونحكم علي خلق الله بمجرمي الحرب وفي نفس الوقت نقول لخلق الله تبا لكم ... ونصفهم بالمطبلون ... ثم نختم التسبيح بحمد الله بوصف ولي الامر بالجزار ؟؟؟؟؟؟ الاجابه هذا ليس مكانها .... ولكنها نصيحه من اخ ... استغفر ربك يا اخي ...
العوده لخطاب الاخ عمر البشير اطال الله في عمره ووفقه ... انتم تنادون بديمقراطيه الحوار .. وتنادون بوطن عاتي وتحلموا بيهو يوماتي ... هل كل من يخالفكم الرأي سوف تخاطبوه بتبا لكم ؟؟؟
اذا اين هي الديمقراطية التي تنادوا بها ....؟؟؟؟ تعال يا ود اخوي اجلس في الكنبة الاماميه مع اخوك سمير واستمع لعمك البشير واتعلم من القائد المعلم عل وعسي .....
والقومه ليك برضو ...
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: SAMIR IBRAHIM)
|
العزيز سمير
لأجل إعطاء كل ذي حق حقه وللتاريخ أقول أن التطور والنهضه التي حدثت بالسودان خلال ال17 سنه الماضيه لن تحدث به منذ إستقلال السودان .....
إنظر إلى الطرق والجسور والنمو الإقتصادي الملحوظ(ست الشاي أصبحت تمتلك موبايل)
البترول ...السلام ..... والكثير الكثير
لم يعكر الصفو سوى حرب دارفور ....................
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: محمد فرح)
|
Quote: Author: محمد فرح
العزيز سمير
لأجل إعطاء كل ذي حق حقه وللتاريخ أقول أن التطور والنهضه التي حدثت بالسودان خلال ال17 سنه الماضيه لن تحدث به منذ إستقلال السودان .....
إنظر إلى الطرق والجسور والنمو الإقتصادي الملحوظ(ست الشاي أصبحت تمتلك موبايل)
البترول ...السلام ..... والكثير الكثير
لم يعكر الصفو سوى حرب دارفور .................... |
الاخ محمد فرح ... تسلم يا غالي ... وانجازات البشير تتحدث عن نفسها ... العمران .. الاقتصاد .. الانتاج ... الوفره ....
اما حرب دارفور اللعينه .... ابتدت بنهب مسلح وانتهت باكبر قضيه دوليه ... والسبب ... ناس قالوا اهلنا مهمشين ... واحسن ليهم يكونوا مشردين ....
السودان بخير ... ما دام في يد البشير ....
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: SAMIR IBRAHIM)
|
أخي سمير السودان قبل 17 عاماً ماذا كان ؟؟؟؟؟
سأريك بعض المشهد
الأحزاب تمارس الفشل المعلن وتناطح بعيداً عن قضايا الوطن الملحه ألأمن ... السلام ... الإستقرار ... التنميه ..
حركات التمرد سيطرت على أغلب مساحة جنوب السودان وكل يوم كنا نسمع عن مدينة جديده في الجنوب تسقط في يد التمرد ...وذلك عن طريق توظيف الحركه لمخزونها الإستخباراتي الموجود بالداخل ودعم أحزاب اليسار لها فضلاً على عدم قدرة السلطه في ذلك الوقت على تكوين جيش مجهز بمعينات القتال الأساسيه ..
بانسبه للإقتصاد فحدث ولاحرج
المجتمع كان يستهلك أكثر مماينتج وكنا نعتمد كلياً على المعونات الخارجيه وأثقل الإقتصاد بدين كبير جداً مازلنا نحمله على ظهورنا حتى هذه اللحظه وصودر القطاع الخاص حتى ظهر مايسمى بالسوق السوداء وكنا نعتمد على إستيراد الوقود .......
هذا قليل من كثير ولو كنا نمضي في ذلك الطريق إلى الان الله وحده يعلم كيف كان سيكون وضع السودان الان (لاتتخيلوا فالوضع كان سيكون بشعاً وأبشع من أبشع كابوس رأيتموه في حياتكم)
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: محمد فرح)
|
اخوي محمد فرح ....
الله ما عاد الايام السوداء ... كنا نسهر في صفوف الجمعيات التعاونيه طول الليل عشان سبعة ارطال سكر ... ولو حظك تعيس تنسي كرت صرف السكر في البيت ... وهذا ومض من فيض ... اخر دراسه عن صناعة السكر في عهد هذا الرجل السوداني الاصيل ... وهذا ما نشرته المواقع الالكترونية العالميه ...
بلغت الطاقة التصميمية لمصانع السكر مجتمعة 655 ألف طن تمثل شركة سكر كنانة نسبة 45.8% منها أى أكثر من 300 ألف طن والبقية لمصانع الشركة السودانية. شهدت صناعة السكر نموا مضطردا خلال المواسم 1999م/2000م-2003م/2004م حيث بلغت جملة إنتاج السكر للموسم 2003م/2004م حوالي 755 الف طن مقارنةً بحوالي 728 الف طن للموسم 2002م/2003م بنسبة زيادة بلغت حوالي 4% أَنتجت منها شركة سكر كنانة حوالي 398 ألف طن في موسم 2002م/2003م مقارنةً بحوالي 428 ألف طن في موسم 2003م/2004م بنسبة زيادة بلغت 7% وذلك نسبة لإرتفاع الإنتاجية.
كما بلغ إنتاج الشركة السودانية لإنتاج السكر حوالي 327 ألف طن في موسم 2003م/2004م مقارنةً بحوالي 330 الف طن للموسم 2002م/2003م بنسبة نقصان بلغت 1%.
| |
|
|
|
|
|
|
|
|
|
Re: فيديو كليب نادر جدا للرئيس عمر البشير ... (Re: محمد فرح)
|
اخوي محمد فرح ... نحن رجل الشارع العادي البسيط السوداني .... بنحكم بالانتاج ... والخطط .... ايام الاحزاب ... كانت الكهرباء بتتوزع حسب المناطق الجغرافيه .... وكان نصيبنا الكهرباء تقطع طيلة اليوم الاسبوع ... وفي المساء .. بيرجعوها بعد الساعه العاشره مساءا ... اخر مره سافرت فيها السودان .... لقيت برامج المواطن السوداني سماهوالجمره الخبيثه .... والكهرباء متوفره اربعه وعشرين ساعه .... وترشيد الكهرباء اصبح في يد المواطن السوداني ... وحتي منطقة ..النهود اصبح فيها محطة توليد .... والعقبال لبقية المدن ....
منقول ... قطاع الكهرباء في السودان ...
يما يلي أهم الوحدات والمحطات التي اكتمل فيها العمل خلال العام 2004م:
· 4 وحدات (MW3) من التوربينات المصفوفة بجبل اولياء.
· بورتسودان الإسعافي (MW30).
· اضافة (MW3*2) بمحطة توليد الأبيض.
· محطة توليد النهود (MW1*2).
· محطة توليد كادوقلي (MW1*2).
· محطة القيادة العامة التحويلية (MVA10*2).
· محطة الهيئة القومية للكهرباء التحويلية (MVA10*2).
· محطة السلاح الطبي التحويلية (MVA10*2).
· محطة دار السلام التحويلية (MVA10*2).
| |
|
|
|
|
|
|
| |
محمد البشرى الخضر
wesamm
الصادق اسماعيل
زياد جعفر عبدالله
Wasil Ali
yasiko
Abdulbagi Mohammed
BAKTASH
abuguta
تاج الدين عبدالله آدم
محمد فرح
فيس بوك
تويتر
انستقرام
يوتيوب
بنتيريست