كتب الكاتب الفاتح جبرا المتوفرة بمعرض الدوحة
|
ليه حروفك..غالطت ريدي البعينك ؟؟
|
زي قريتك مرَّة بتودِّع حنينك.. وزي حروفك ..غالطت ريدي ..البعينك ..
****
إنتا البنيت القيف يوم سبتا الحنين هجيت .. مابين بدور ...وبدور .. أرجيني ..وقدر مارجيت وحنستا العليّ يرجاك وقدر ماتاني إستنيت.. لقيتك إنتا بتجافي .. روَّحتا ضل البيت وضاعت فجأة ألحاني .. المعاك ..غنيت.. ياحليلو.. الحلم مفزوع إنتا الليهو... جيت.. صحيت .. ما سبتا الصباح يلقاو ومن أكتافو.. ليه هزيت ؟؟ موَّتا النجوم والضي سمعتك يالحبيب.. ..عزيت ! طويت الصفحة... بتنادي وليه من تاني إترجيت ..!
****
إتغابيتك ...وإنتا بترجِّع حنينك .. وزي عيوني ..غالطت ..حسبة سنينك ..
|
|
|
|
|
|
|
|
Re: ليه حروفك..غالطت ريدي البعينك ؟؟ (Re: تماضر الخنساء حمزه)
|
أخاف إن قلتا شوقك حرفتى أدمن رؤاكا وأرتحل وتصبح عيونك وجهتى ويسكن الإحساس هطول تِخْضَرَّ يمكن ...وحشتى ! أخاف .. إرحل حنينك ويختفى السميتو برضك.. مهنتى وألقانى مرهونة ذبول وماشة تنقص فرحتى تقدر تبدِّل رهبتى ..؟؟ وتوهب الإحساس خلود الكان بشتِّت فُرقتى عارفنى بفتقدك كتير تبراكا ديمة محنتى وإنتا بينات المسام وكتين تصادفك دهشتى وتديها من لقياك فرح ماإنتا أصلاً روعتى أنا بيكا بتحدَّى الأماكن كان تشابه حتتى وبتحدَّى فيك حتى الحدود مالمساحات ..حقتى مملوكة لى بعضك براك ماإنتا وحدك جنتى
| |
|
|
|
|
|
|
Re: ليه حروفك..غالطت ريدي البعينك ؟؟ (Re: تماضر الخنساء حمزه)
|
أنا سكتى لو ..تعرفا.. بسيب عيون الشوق تشوف.. وين الخطاوى الماشة ليك .. وأبراها من لحظة تمنِّى .. لحين ..إصادفنى اللقا لاهى فترت من جفا ولاهى متكية فى ظروف تودر الإحساس إليك وبعزم الآمال تغنِّى ويصفق الريد البقى ملهوف ..من المشوار حِفا وببشرك .. ما زارو خوف.. وسرابو لو تعرف ..إيديك البيها كم مرَّة إتسقا وبطمنك ..
رفيقو واحد ..هو الوفا
| |
|
|
|
|
|
|
Re: ليه حروفك..غالطت ريدي البعينك ؟؟ (Re: تماضر الخنساء حمزه)
|
Quote: ياحليلو.. الحلم مفزوع إنتا الليهو... جيت.. صحيت .. ما سبتا الصباح يلقاو ومن أكتافو.. ليه هزيت ؟؟ موَّتا النجوم والضي سمعتك يالحبيب.. ..عزيت ! طويت الصفحة... بتنادي وليه من تاني إترجيت ..! |
تماضر
اليومين ديل مالك .. ايه الجمال ده
بطريقتك دي بتقتلي ليك بوردابي !!
كسره خفيفة :
ماشي قبل ما يجوا يقولو كمان دي مغازلة
| |
|
|
|
|
|
|
Re: ليه حروفك..غالطت ريدي البعينك ؟؟ (Re: عبد المنعم سليمان)
|
Quote: عارفنى بفتقدك كتير تبراكا ديمة محنتى وإنتا بينات المسام وكتين تصادفك دهشتى وتديها من لقياك فرح ماإنتا أصلاً روعتى أنا بيكا بتحدَّى الأماكن كان تشابه حتتى وبتحدَّى فيك حتى الحدود مالمساحات ..حقتى مملوكة لى بعضك براك ماإنتا وحدك جنتى |
زى ما بقول عماد الله إنتى مسـكونة.
يكفيك شر عينى وقولى يا عين وعينية
| |
|
|
|
|
|
|
Re: ليه حروفك..غالطت ريدي البعينك ؟؟ (Re: تماضر الخنساء حمزه)
|
مش مهم في أي حته المهم في الممشي رحت ولسه بنفتش عليك لو عرفتك أو دقست حاجه زي جواك تسافر وفي مساحاتك كسحت ومش مهم في أي مقطع المهم عزف الكلام من غير تردد واحتشام خلي ممشاك باقي نوته وباقي ساحاتك زحام وابدي أعزفي أي مقطع جد بنقراك باحترام يا تماضر ... جوايا بغريك السلام
| |
|
|
|
|
|
|
Re: ليه حروفك..غالطت ريدي البعينك ؟؟ (Re: محمد أبوعاقلة الطريفي)
|
Quote: مش مهم في أي حته المهم في الممشي رحت ولسه بنفتش عليك لو عرفتك أو دقست حاجه زي جواك تسافر وفي مساحاتك كسحت ومش مهم في أي مقطع المهم عزف الكلام من غير تردد واحتشام خلي ممشاك باقي نوته وباقي ساحاتك زحام وابدي أعزفي أي مقطع جد بنقراك باحترام يا تماضر ... جوايا بغريك السلام |
وخلِّي بس عينيك دروبي .. الفيها مابتوه عيوني .. وخلِّي قلبك إبقى شاهد وإنصف أشواقي ..وشجوني .. أصلي مولودة عِشِق.. توَّهت ذكراك ..ظنوني ...
الطريفي ..كل الود..
| |
|
|
|
|
|
|
Re: ليه حروفك..غالطت ريدي البعينك ؟؟ (Re: nourelhadi awad)
|
Quote: سكة تماضر سايقانا وين؟؟؟؟ يازولا أقيفي كم وكم حاولنا تهنا وماعرفنا نهايتو ميزك يابنية من جنـس الغنا شوفي النضم كيفن بريدك نمي دقي ويلا غنــي وربنا يغطيك يذيدك
نورالهادي |
أنا تهتا بين وعدك وشكى وبين إرتحالات اللقا ماجيتنى شايل قدرة بتحقق وفاءك ولا أمانيك الدفيقة أو حتَّى رقراق بيسند الشوق البقى بيحالف الإحساس عليك وأنا قلتا ليك ريدى متعوِّد عليك حتَّى الغناوى الفى عيونى صدِّقنى جد مكتوبة ليك واللحن جد بفضح حنينى وإتوارى رمشى .. ..ياسيدى بيك إنتا لو قادر تفارق .. إحنا جد بتعبنا بعدك ياإجينا الليلة حِنك أو نشيل الشوق نجيك
| |
|
|
|
|
|
|
Re: ليه حروفك..غالطت ريدي البعينك ؟؟ (Re: مهند الجيلي بادي)
|
Quote: أقعدي الندفق عليك المطر أبلل مسام الكلام البيمرق مرتل تصِن القواقي البتسمع نداهو يصوم الشِعِر ويفطر بحرفك في آخر غروب للحزن ويشتهيك الصباح .. |
خلِّي الضي الفيك إتمدد .. إسيب البخل العطَّن شوقنا إليك خلِّي الخير الفيك ..إتشتَّت .. جوَّة قلوب الناس القاسية عليك.. خلَّي عيونك تملا الوله الفرتق لمة شوق ..والفيني بجيك .. وخلَّي إحساسك يحكي غُنانا .. والنغم الأشتر كان بحميك .. تعرف وين بتودِي مراكبك .. ووين الزول الكان بفديك .. بي غنوة نبضو وكيف إتحدَّت .. كل أحزانك وهي بتشجيـــك !
| |
|
|
|
|
|
|
|