|
Re: شاهد على الفضائية السودانية حفل تكريم عثمان حسين وحسين بازرعة وذو النون بشرى وفيصل عبد اللط (Re: عادل جبارة)
|
الأخ الحبيب / عادل جبارة رغم مشاهدتي للشريط في شركة السرب للإنتاج الفني التي قامت بعمل المونتاج الا انني حين رأيته في التلفزيون كان كأن أشاهده لأول مرة وصراحة كانت قمة الروعة والبهجة ولمست هذا فعلياً في تأثير هذه الحلقة من خلال كمية الاتصالات التي تلقيناها اثناء بث الحلقة خاصة وان فيصل عبد اللطيف كان معي بالمنزل في تلك اللحظات الجمييييييييييييييييلة .
ابن عمي العزيز عمر (القردابي) كل سنة وانت طيب وتحياتي القلبية للعيال وامهم .
Quote: لكن أكتر شى عجبنى قميص أمير الجمرى الأزرق زمااان قلنا ليكم الزول ده هلالابى زعلان |
تعرف يا عمر انا عارف انه حا تكون في زحمة شديدة ومدافرة وعارف اولادي ما حا يريحوني وكل واحد داير يتشال شوية وخاصة ايمن الصغير والشغلانية حا تجيب ليها ريالة ومسيلات أخرى عشان كده ركّزت على أكثر الألوان تحملاً للأوساخ فلم أجد سواه .. وإلا كنت لبست قميص أحمااااااااااار (زي عنبر العجلاتي) الله يرحمه .
Quote: يأخي أمير الجمري ده حيرنا عديل كده مش بس قميصه أزرق حتى قلبو برضه أزرق ما عارف المزعله شنو من فريقه الهلال ؟؟ |
قلبو أزرق دي يا عادل جبارة شكر وللاّ شتيمة ؟!؟! والله كمان كان الهلال فريقي ما عارف !! انا اكتر تلاتة حاجات مكجنهم في الدنيا دي البرد (السقط) والهلال وملاح الخضرة (الملوخية)
قال هلال قال !!!!!!
| |
|
|
|
|
|
|
Re: شاهد على الفضائية السودانية حفل تكريم عثمان حسين وحسين بازرعة وذو النون بشرى وفيصل عبد اللط (Re: عادل جبارة)
|
حقيقة كان حفل في قمة الروعة والبهجة وحقيقة سعدنا جدا بالمشاهدة ورفعتوا راسنا فوق يا اولاد الصحافة بل اولاد الوطن كما قال السيد السفير ...فعلا اولاد الوطن ...
وخاصة نحن اولاد حيمورة عندنا علاقة مميزة جدا مع الفنان الاصيل ود السجانة عثمان حسين من زمن بعيد جدا فهو صديق للاسرة...
والذ شي كان علاء الدين متابع معنا بالتلفون رايكم شنو في اللقطة دي وشوفوا دي كمان .. وعثمان حسين حا يغني مع فيصل ... آهة ورايكم شنو في الخلفيات ... استمتعنا جدا جدا ...
وكمان كنت مبسوطة لانو ابوي وامي بغنوا مع فيصل بصوت عالي وصفقة...
وكنت كل ما اضرب لزول في الاسرة يقول لي هسي كنا عايزين نضرب ليكم يعني الحيموراب كانوا حضورا خارجيا وداخليا ...
وكمان يا عادل جبارة الوالدة آخر انبساط وحقار ماسك الشاشة
ربنا يخليكم - رابطة الصحافة - اينما كنتم ...
| |
|
|
|
|
|
|
Re: شاهد على الفضائية السودانية حفل تكريم عثمان حسين وحسين بازرعة وذو النون بشرى وفيصل عبد اللط (Re: عادل جبارة)
|
الاخ الفاضل: عادل جبارة : و كل شباب الصحافة الميامين نشكركم جدا علي ذلك اليوم الرائع الذي لم اشهد مثله منذ قدومي للملكة حتي ولدي الصغير محمد قال لي انت مالك فرحان كده العريس ده صاحبك !!! قلت ياولدي العريس انا ذاتي !! بعد شوية قام غتني مع امه بعد مازاغ و مشي صايد النسوان ,,, حقيقة كان يوم استثنائي و لا يستطيع اخراجه بهذا الشكل الا شباب الصحافة و دمتم ........ اخوي عمر محمد الحسن ,, مشتاقين جدا و امير ده لو ما كان خجلان كان قلب هلالابي قبل عشرين سنة و لكن العشم في ناس عثمان و ايمن و انا متاكد انهم حيقدروايفرقوا بين جمال الازرق و نشاذ الاحمر الداكن,,,,,
| |
|
|
|
|
|
|
|