|
جورج بنيوتى -- أيامك كلها أعياد -- قول آمين
|
جورج قال، حننو الكفوف
ونحن نقول ليهو
=============================
لسه مادين الكفوف موية العيون تسقى الأفق تنهض شموس الإلفة فى ليل الظنون وكل الخلق واقفه بتشوف كل القلوب تترص صفوف ولسه مادين الكفوف وكيف ما بتكون دافقه السماح كاتبه الصدق تشفى الجراح نخلاتا دانيات القطوف ولسه مادين الكفوف رنة وتر حس زول بعيد جايب الخبر أفراح وعيد موجه وبحر قمارة نشيد كبت رحيقا وشوقا فوق خد السهر إلفة بين الناس تطوف ولسه مادين الكفوف
============================
كل سنة وإنت أطيب وأسمح وأعلى
بمناسبة عيد الميلاد المجيد يا جورج
|
|
|
|
|
|
|
|
Re: جورج بنيوتى -- أيامك كلها أعياد -- قول آمين (Re: Muna Khugali)
|
جووووووووووووووووووووورج
قربت يا جورج وانشاءالله نرجع ويرجع
لينا الوطن الحلو بكل ناسه وسماحته
وأمنه وأمانه وحلاوته وغلاوته وصفاه
ووفاه .... كل سنة وانت وأهلك والسودان
بألف خير .... ونحتفل بالكريسماس والأضحى
وشم النسيم في النادي الاغريقي كما كنا نفعل
زماااااااااااان !!!!!!!!!!!!!!
| |
|
|
|
|
|
|
Re: جورج بنيوتى -- أيامك كلها أعياد -- قول آمين (Re: أبوذر بابكر)
|
إلى جورج في عيده المجيد ..
تكتب الأعوام فرحتها بهذا
الذي عبأها بالرحيق ...
ثم ترقص في كفه مطفئة شموع
من لقنها أناشيد الحياة
علمها ثورة الأفراح
وأهداها العمر بما فيه من سرٍِ عميق
أبو ذر المطر .. يا صاحب .. يا شفيف
هكذا علمتنا أن نهنئ
ثم نجلس صاغين يمتعنا نشيدك ...
هكذا أنت أوان الأفراح تندلق فينا عميماً
تخالط دمائنا فيصبح لكرياتنا الحمراء لون الخصوص ..
فلنفتح في العشب نافذة .. ونعلم الريح كيف تصفق
في إيقاع حميم .. ونمد الكف نحوه .. نحوها .. نحوك
لكما جورج بنيوتي .. أبوذر
أقوى المقاطع في النشيد .. وأجمل الألوان في قوس قزح ...
تحياتي أقصى ما تراه عيون..
فقط كونا بخير وبحوزتكماكل عوافي الدنيا...
| |
|
|
|
|
|
|
Re: جورج بنيوتى -- أيامك كلها أعياد -- قول آمين (Re: رأفت ميلاد)
|
ليكم حرووف وسلام بالالوف.. ونسمة عابرة من طين الجروف.. نظرنا قوى وما قاعدين نشوف.. البلد تاهت من حاكم ملهوف.. حتما سنودع ذاك الخوف.. ويوما سنثور من القبور ومن الكهوف.. بس انا زول تفارل فى كل المواسم شتاء خريف.. يايها الناس اصنعوا المعروف.. ما شفتو الفرح كيفين تداخل فى عيد الميلاد وعيد ذبح الخروف...
عيد سعد جورج..عيد سعيد رافت وكل الجميلين.. ابوذر قلنا نلخبتليك الحروف بدوم الخروف... ابقوتة فى نصف الدوام
| |
|
|
|
|
|
|
Re: جورج بنيوتى -- أيامك كلها أعياد -- قول آمين (Re: أبوذر بابكر)
|
الناس العزاز
الأهل
قلقو
حياك الخالق يا أنيق وسقاك من دن السعادة كل ما فيها من رحيق
رأفت
إنت برضو إن شاء الله ايامك صفاء وهناء وبهاء وسعادة لا ليها أول ولا ليها آخر
ولمثل جورج تنحنى هامات القصائد وتصدح أعراس النشيد
أبوقوتة
الزول المؤتلق زى ياقوتة
شتلات حرفك الخدرا زى جروف جنب النخيل وطعم كلماتك السمرا زى طعم شاى الأصيل
| |
|
|
|
|
|
|
Re: جورج بنيوتى -- أيامك كلها أعياد -- قول آمين (Re: شبشة)
|
شبشة
شوف الما مشتاق ليك
والله شوق تنوء بحمله الأرواح
بعدين إنت ذاتك قاصد تخلينا نشتاق ليك
والشوق زى ما إنت عارف، مفتتح التهلكة وأحد اسباب الوجع
زول ياخ مسجل من 2004 ولحدى دلوقت 201 مشاركة بس
تعرف لو ما الدنيا أعياد ومباهج ومطايبة
كنت اشتكيك لناس حقوق الإنسان
يا زول إن شاء الله تسعد وتتهنا وكل الأعياد مباركة وبخيتة غليك
| |
|
|
|
|
|
|
Re: جورج بنيوتى -- أيامك كلها أعياد -- قول آمين (Re: أبوذر بابكر)
|
العيد وشاح مية المليون
رقص قدُر ساحة العيون ما تشيل
وفي رقعة بين قلبي ومناي
رقدن بنات أصلي الولوف
عاينت؟..... شوف.
.... أبا ذر ، قلقو ، رأفت ، والآخرين...
شكرا أحبتي...وكل عام وجميعنا بخير وموعدنا هناك:-
طينا يبل الريق
ونيلا عصاتو تدق
عاصي الأرض يخضَرْ
عمكم جورج والعائلة.
| |
|
|
|
|
|
|
Re: جورج بنيوتى -- أيامك كلها أعياد -- قول آمين (Re: أبوذر بابكر)
|
العيد وشاح مية المليون
رقص قدُر ساحة العيون ما تشيل
وفي رقعة بين قلبي ومناي
رقدن بنات أصلي الولوف
عاينت؟..... شوف.
.... أبا ذر ، قلقو ، رأفت ، والآخرين...
شكرا أحبتي...وكل عام وجميعنا بخير وموعدنا هناك:-
طينا يبل الريق
ونيلا عصاتو تدق
عاصي الأرض يخضَرْ
عمكم جورج والعائلة.
| |
|
|
|
|
|
|
|