|
|
 حالة السعار التي اصابت اهل المريخ
|
اول الغيث :
لكل فعل رد فعل...مساو له في المقدار ومضاد له في الاتجاه...
هذا هو القانون الطبيعي والمنطقي الذي نعرفه جميعا....
ولكن من غير المنطقي ولا الطبيعي..ان يكون رد الفعل اضعاف قوة الفعل نفسه...
لب الموضوع: زوبعة التسجيلات في فنجان نادي المريخ التي تحدث الان كرد فعل للفشل الذي تواصل لاربعة اعوام متتالية في احراز اي نجاح سواء علي المستوي المحلي او الخروج من الادوار التمهيدية لبطولات الوصايف الافريقية...وحتي بعد الدفرة الواضحه الفاضحه من الاتحاد العام ليلعب في البطولة العربية الا انه واجه نفس المصير....
تحرك الاداريون كل عام واجروا التصفيات في النادي وغربلة اللاعبين وطبل المطبلون في كل عام نفس النغمة النشاز التي نسمعها.هذا العام كل الكؤوس للمريخ وسنسترد ايضا كأس مانديلا...وفي كل عام يتكرر السيناريو وتذهب الاحلام ادراج الرياح...
ونسبة لنفس الوالي الطويل ومن والاه..يتحرك ويمشط القارة طولا وعرضا لياتي بالعواجيز من كل حدب وصوب ويجرب كل من هب ودب وحتي من لم يلعب كرة القدم في حياته {مثل ذلك الصربي}...ليغرف من المال السايب ويهرب...
ويطبل المطبلاتية واعلام الضلال والوهم الذي يضلل اداريي المريخ قبل مشجعيه...لتتكرر الخيبات ويتكرر السيناريو بأستقالة الوالي...ثم مايتبعها من الفيلم الهندي الذي ينص علي ان البطل مابيموت..لذلك يظل الوالي ويعود ليصرف المليارات التي لو انفقها في جلب الدواء لفقراء بلادي ويقوم يدي دعوة صادقة انو المريخ يشيل الكأس السنة دي..يمكن ربنا يستجيب لي دعاهو...والمريخ يشيل الكأس...لكن وين..اعلام الضلال من وراهو كل عام يأتي بالجديد...
الي ان تفتق ذهن هؤلاء عن فكرة ماكرة من افكار ابليس...الا وهي
مادام الجماعة ديل كل سنة بيشيلو بطولة الدوري...ونحن مالاقين طريقة معاهم...ايه رأيك نسجل كل لعيبتهم عشان نجيب الكاس ونقدر ننوم حبة....
فأنتبه الوالي ومن والاه الي الفكرة الجهنمية...فبدأت الخطة تساندها كل التسهيلات اللوجستية والامنية وكل امكانيات دولة مريخستان...المسخرة تحت الخدمة اصلا من ايام قلق وخلافه...
فبدا اكل العنب حبة حبة...
وصدقوني لن ينتهي موسم التسجيلات هذا العام الا وسنشاهد نادي الهلال يلعب باللون الاحمر الكامل........
ويا شيكوزي عليك النبي تجي....
خاتمة المطاف: اكتب وفي خدي دمعه..لما اسمعه عن مأ يحدث هذه الايام في بلادي....اللهم احفظ سوداننا الحبيب
|
|
 
|
|
|
|
|
|
|
|
Re: حالة السعار التي اصابت اهل المريخ (Re: محمد عادل)
|
الحبيب محد عادل
| Quote: ياحبيب المريخاب ماجعانين للكاسات |
في دي اختلف معاك...امال دا كلو عشان شنو.بعد ماهجرتهم الكؤوس .يموتو ويلقوا كأس واحد ان شاء الله صفيح.
Quote: طمبل وعلاءالدين طيارة
ديل خلاص انتهو |
دي اتفق فيها معاك
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
.
يا دكتور انا لي كم يوم بفتش على ( وصف ) دقيق لحالة الصهاينة ما لافي
( سعار ) دي بتعبّر عن الحالة بشكل دقيق
يا زول انت دكتور في ( اللغة) ولا شنو ؟
لكن كمان ياخي تخيل نفسك ( وصيف ) كل سنة
وانت زول عندك قروش متلتلة
والحكومة كلها معاك
تعمل شنو ؟؟
كويس انو ما لجأوا للحكومة وطلبوا منها استخدام (خبراتها) القمعية عشان ( تشمع ) نادي الهلال ويرتاحو
مساكين والله بني صهيون ..أبحث لهم عن أعذار
.
| |
|
|
|
|
|
|
|
|
|
Re: حالة السعار التي اصابت اهل المريخ (Re: hatim ibrahim)
|
الاخ عبد المطلب والاخ العزيز حاتم وكل المتداخلين ...لي عودة
الاخ علي...لي عودة خاصة لك وقبل مااجيك ارجو ان تذاكر كتاب السودان عبر القرون للدكتور مكي شبيكة...ذاكر فيهو حكاية حصول مريخ مانديلا للكاسات المحمولة جوا دي بالتفصيل...
وتحياتي
| |
|
|
|
|
|
|
|
|
|
Re: حالة السعار التي اصابت اهل المريخ (Re: hatim ibrahim)
|
الاخ عبد المطلب
Quote: زمان قلنا ليهم الهلال دا مدرسه.. لكن هم كانوا مكابرين
ومابين يعترفوا..
اللاعبين السجلم الهلال ديل ..هم ما كانوا شايفنهم من الاول ..
ليه ما كان يسجلوهم من الاول قبل ما ينضموا للهلال ؟؟
ياهلال يامدرسه ..
انا بقترح انو الهلال يفتح ليهم مدرسه يعلمهم كيف يختاروا اللاعبين..
كان في امل انهم يتعلموا ! !
بس على الاقل عشان ملينا الفلم الهندي دا |
مدرسة بس ..الهلال دا جامعة مفتوحة للجميع...من دخلها فهو المستفيد الاكبر...ومن خرج منها فهو الوحيد الخسران...
اما من خرج منها من الباب الخلفي...
فهو الخائن والجبان....الذي اضاع مستقبله بيده من اجل حفنة دولارات لن تغني ولن تعوض حب الملايين
العزيز حاتم
| Quote: يا زول انت دكتور في ( اللغة) ولا شنو ؟ |
ياخوي انت ماعارف انو ناس المنبر ديل عندهم حساسية مع قصة دكتور في اللغة دي ...داير تجيب لينا الهوي مالك
Quote: لكن كمان ياخي تخيل نفسك ( وصيف ) كل سنة
وانت زول عندك قروش متلتلة
والحكومة كلها معاك
تعمل شنو ؟؟ |
بجيني الجن الكلكي..وبقوم بقابض بلا هوادة
تحياتي
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
.....
يا دكتور ياسر لو عندك اي طريقة اتصال بـ ( الوالي ) أو بواحد من ( ومن والاه )
عندي اقتراح دايرك توصلوا ليهو
شوف ..
قول ليهم بلاش حكاية ( مقابضة ) لاعبي الزعيم دي
لانها صراحة شينة في حقكم ..
انتو سجلوا ليكم اقرب عشرة خمسطاشر لاعب تلقوهم
وأودعوهم ( جامعة ) الزعيم
والهلال ما حيقصر في إعدادهم وتأهيلهم
وبعد أن يمر عليهم الحول تعالوا شيلوهم ( جاهزين )
والهلال طبعا حيقدم الخدمة دي بدون مقابل مادي
بس حيستفيد بطريقة غير مباشرة
لانو بعد خمسة ست سنوات حيلقى ليهو فريق منافس
.
| |
|
|
|
|
|
|
|
|
|
Re: حالة السعار التي اصابت اهل المريخ (Re: abas)
|
الاخ الدكتور ياسر عبد الفتاح
وضيوفه من الرشاشات الكرام
تحيه طيبه
اولا ما دخلت لشئ الا ان انبهكم الى ان المريخ العظيم يملك من الكاسات
المحموله جوا الكثير والمثير .. بدءا من كاس جوبا وسامى مالك عليا
اتهاءا بمانديلا العظيم عظمة المريخ .
واحب ان انبهك والفرحه تغمركم بكأس الدورى المحلى للمره الرابعه
انكم لا تملكون انجاز خارجى واحد حتى تتحدثون بمثل ما تحدثتم
وحينما تأتونا بانجاز خارجى واحد ويصبح الهلال فريق كاسات وبطولات خارجيه
بعدين تعالوا اتفاصحوا ... كويس
والشئ بالشئ يزكر .. وان لم تكونوا متابعين .. فاحب ان احيطكم علما بأن الهلال
ورئيسه واقطابه وحتى لحظة كتابة هذه السطور على اتصال دائم بعلاء الدين يوسف
والذى يشمله فك التسجيلات هذا الموسم ... علما ... علما ... علما .... علما
بأن المريخ سجل لاعب سودانى محترف فى صفوف فريق اورلاندو الجنوب افريقى
وسجل لاعب استغنى الهلال عن خدماته منز الموسم الماضى
فعن اى لاعب هلالى تتحدثون
كونوا دقيقين .. وحزرين .. ولا تطلقوا الحديث على عواهنه
فالهلال هو الذى يفاوض فى لاعب المريخ حاليا والذى سيلعب ضده فى نهائى كاس السودان
وهو علاء الدين يوسف
ارجو ان تحدثونا عن لاعب هلالى اتفق معه المريخ الان ليلعب له فى الموسم الجديد
ارجو الاجابه بشفافيه وصدق ؟؟؟؟؟؟؟؟؟
| |
|
|
|
|
|
|
|
|
|
Re: حالة السعار التي اصابت اهل المريخ (Re: على محمد على بشير)
|
الاخ عباس....
ياخوي انت بي صحك...الوالي يستقيل كيف...انت شكلك مادخلت سينما الوطنية بحري في حياتك
الاخ علي ..رجعنا لك وعينينا البكن....سبق زقلت ليك
Quote: الاخ علي...لي عودة خاصة لك وقبل مااجيك ارجو ان تذاكر كتاب السودان عبر القرون للدكتور مكي شبيكة...ذاكر فيهو حكاية حصول مريخ مانديلا للكاسات المحمولة جوا دي بالتفصيل..
|
وكتاب السودان عبر القرون دا افضل كتاب لتاريخ السودان القديم وبداية الحديث....علي العموم فتش فيهو يمكن تلقي طبعة منقحه فيها تاريخ القرن الثامن عشر يكون مذكور فيهو كاساتكم دي ...وحول تنسخ منها هنا لانو الجيل الحالي الذي يلعب لنادي المريخ لم يكون مولودا عند تاريخ الحصول علي هذه الكؤوس...وممكن تحجيهم بيها حكاوي قبل النوم عن انو كان ياما كان ..في قديم الزمان كان هناك حارس اسطورى اسمه حامد بريمة هو اللي جاب كاسات للمريخ....والان في حاضر العصر والاوان يوجد استنساخ لهذا الحارس اسمو شيكوزي..مازال يحلم الوالي وكل الاخوان باحضاره للسودان لاعادة الماضي الكان زمان...وتوته توته خلصت الحدوته...لتجد الصبيان امثل عبدالحميد السعودية وبقية عائلته من عيال السعود..واخوتهم قد ناموا ثم فجأة صحوا ووجدوا انفسهم في الشارع بعد ان احتلت كراسيهم ودولاراتهم بواسطة احد الهياثم...
بالله تاني ماعايز اسمع سيرة الكؤوس دي لحدي ماتبطلوا فضائح وطلوع من الادوار التمهيدية بعدين عيدوا لينا المسلسل دا
تحياتي
| |
|
|
|
|
|
|
|
|
|
Re: حالة السعار التي اصابت اهل المريخ (Re: haleem)
|
سبحان الله ، العشر قام ليهو شوك ، إنتو نسيتوا ولا بتتناسوا أيام الهزائم الموجعة الخلتكم مشيتوا سجلتوا باكمبا وإدوارد ولا ديل كانوا جايين من زحل ؟ وهو إنتو غلبتونا إلا بعد ماجبتوا باكمبا !!!! حاجة غريبة جداً ، المثل بيقول البيته من زجاج ما يرمي الناس بالحجار .
هسه كده خلونا من خوفكم ده قالوا في كأس في جوبا بمناسبة السلام ( كأس عرقي ) كده أمشوا ألعبوا فيهو الناس هناك بيلعبوا من غير كدارات يمكن تغلبوهم وخلوا صلاح إدريس بعد ما تشيلوا الكأس يجيبوا ليكم بالطيارة علشان يكون محمول جواً . يا فضائح ، عمركم ما تجيبوا لينا كأس تشرفونا بيهو بس قاعدين للفصاحة .
مريخنا فوق فوق
بالطول بالعرض مريخنا يهز الأرض .
الوالي يا غالي الوجع طوالي . 
| |
|
|
|
|
|
|
|
|
|
Re: حالة السعار التي اصابت اهل المريخ (Re: عماد محمود علي)
|
الاخ حليم
صلاح اريس هو الشيخ ذاتو الذي حاول حواره ان يهزمه بشتي السبل...لكن طبعا الشيخ ذكي مابفك اخره لاي زول حتي ولو كان حواره....فأكيد الحوار حده الميدان...ولو زاد بيحرموهو من الميراث بعد كده
الاخ عماد
| Quote: سجلتوا باكمبا وإدوارد ولا ديل كانوا جايين من زحل ؟ |
لا وانت الصادق ...ديل سجلناهم من مريخ زقلونا
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
1-هيثم طمبل
2-علاءالدين طياره
3-مجاهد أحمد محمد
4-المعز محجوب
5-كرنقو
6-سليمان كيتا
7-عبدالسلام مدافع اتحاد مدني
8-أسامه مهاجم التعايشه
9-مانديلا ( منتخب الناشئين )
10-مارتن ( منتخب الناشئين )
11-مازن ( منتخب الناشئين )
12-التيجاني حسن حارس موردة الأبيض
13-نصرالدين محمد احمد مهاجم العلمين
14-شيكوزي
15-حارس من مالي
بالاضافه لبعض المحترفين من نيجيريا وأوروبا
دا كل بموجب حالة السعار التي أصابت أهل المريخ
بس الحاجه الواحده المحيراني دول كلهم حيشطبوا ليهم منو
| |
|
|
|
|
|
|
|
|
|
Re: حالة السعار التي اصابت اهل المريخ (Re: عبد المطلب خضر عبد المطلب)
|
ارسل لي احد الاصدقاء الظرفاء رسالة بالموبايل ردا علي التعبير العفوي..الذي ذكرت اعلاه
| Quote: ويا شيكوزي عليك النبي تجي.... |
يقول فيه...
لو روبيرو في...بي حلتكم ديك انا تاني ما بجي...
وشيكوزي هذا حكاية لوحده سنعود اليها بالتفصيل...خاصة اذا نجحت مساعي الوالي المستميته في جلبه مرة اخري بعد كل عمايله...وكان حواء افريقيا لم تنجب حارسا اخر
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
حالة السعار التي كانت اخر تشخيص سبقتها حالات اخري .....سنتطرق الان لاهم حالة اصابت اهل المريخ قبل حالة السعار هذه...
الا وهي حالة فوبيا التقليد الاعمي...وهي جزء من حالات التعقيد النفسي ومركب النقص الزايد
بدأت هذه الحالة قبل سنوات خلت مع بداية فقدان البطولات المحلية وحالات الخروج المذلة افريقيا مع عدم وجود فرصة التمثيل عربيا...
اول علامات هذه الحالة بدأت بمطاردة مدربي نادي الهلال الواحد تلو الاخر ظنا منهم ان المدربين هم سبب فوز الهلال واذلال المريخ...
بدءا ببرانكو ذلك المدرب الصربي والذي عاش الهلال معه ايام ذهبية....وفقده الهلال ليس لاسباب فنية وانما لضيق ذات اليد...فراتبه كان عاليا لذلك تم الاستغناء عنه....
هنا ظهرت اول اعراض الفوبيا واظهر سبع البرمبة عضلاته..وقال اتوا الي ببرانكو...وقد كان برانكو واتي مدربا للمريخ....ولكن علم في المتبلم يصبح......
اتي نادي الهلال قبلا بالمدرب المصري مصطفي يونس...واستطاع ان يبني فريقا متجانسا ومتفاهما ولو لا انه رجع الي اصوله المصرية وعمل بالمثل القائل انا وابن عمي علي الغريب في مباراة الهلال امام احد الاندية المصرية والتي يدربها صديقه وباع الهلال لكان هو مدرب الهلال حتي الان...
هنا ظهرت ايضا اعراض الفوبيا وطلب صديقنا هذا المدرب مصطفي يونس بالاسم..ليدرب نادي المريخ ...بالرغم من عملته السوداء ..ولكن لايهم فمادام عملها في الهلال ..فعدو عدوك هو صديقك...
ولكن لحسن الحظ تجلت لحظات عدالة في شداد ورفض استقدام المدرب لانه اساء للسودان وللسودانيين..فسكت الاخوة علي مضض برغم من عدم هضمهم للفكرة...
اتي الحيدوسي وتألق الهلال ولفت الانظار حتي موقعة تونس الشهيرة والتي انحاز فيها لوطنه...فسرحه الهلال .وعلمت حينها انه لدي المريخ نية او فكرة للبحث عن مدرب لمح بأنه تونسي.ولا اعلم ماذا حدث بعد ذلك
اخوتي سأعود لاحقا
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
بتتعلم شعوب منك بتتعلم وتتقدم....
نعم ياحاتم ابراهيم....جامعة الهلال مفتوحة للجميع....للنهل من انواع العلم....حتي لمن ينكر او يجحد او يتفهلو.....
الا رحم الله عضو البورد مجدي رحمة واسعة واسكنه فسيح جناته
عذرا للاخوة المتداخلين سأعود لكم فردا فردا بس تفرج شوية
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
سألني قبل قليل احد الاصدقاء عن ماذ اقصد بيتفهلو في...
| Quote: حتي لمن ينكر او يجحد او يتفهلو |
فلم اجد افضل مما كتب صديقنا علي اعلاه :
Quote: علما ... علما ... علما .... علما
بأن المريخ سجل لاعب سودانى محترف فى صفوف فريق اورلاندو الجنوب افريقى |
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
| Quote: والان في حاضر العصر والاوان يوجد استنساخ لهذا الحارس اسمو شيكوزي..مازال يحلم الوالي وكل الاخوان باحضاره للسودان لاعادة الماضي الكان زمان... |
الغيني والغاني يصلان غداً.. واحتفال ضخم بالسفير
شيكوزي يعود.. وشركة البترول الصينية ترعى المريخ بمبلغ ضخمأكمل نادي المريخ تحضيراته لاستقبال وتجنيس الحارس النيجيري شيكوزي توطئةً لضمه مرة أخرى للكشف الأحمر في التسجيلات المقبلة كلاعب مواطن، ومن المتوقع أن يصل شيكوزي إلى الخرطوم قادماً من نيجيريا عن طريق كانو غداً.
وكان مجلس إدارة نادي المريخ كلف قطب النادي محمد عثمان الطيب بإقناع الحارس أجيم شيكوزي بقبول الجنسية والانضمام للمريخ من جديد ونجح في مسعاه.
وعلمت (الصدى) أن مجلس المريخ أكمل إجراءات استقدام لاعبين أجنبيين أحدهما غيني والآخر غاني بغرض إخضاعهما لاختبارات فنية بواسطة المدرب أوتو فستر وتم إرسال تذكرتي السفر وتأشيرتي الدخول للاعبين فعلياً.. وسيصل أحدهما قادماً من أكرا والآخر من كوناكري.
من ناحية أخرى قرر مجلس إدارة نادي المريخ إقامة احتفال ضخم بدار النادي مساء غد الجمعة لتكريم قطبه عبد المحمود عبد الحليم سفير السودان في الأمم المتحدة بحضور عدد كبير من المسئولين ورجال السلك الديبلوماسي، وسيشارك في الاحتفال عدد كبير من الفنانين ويحوي فقرات عديدة وشيقة.
على صعيد متصل أكد مصدر مسئول بنادي المريخ أن شركة البترول الصينية العاملة بالسودان تقدمت بطلب رسمي لرعاية فريق المريخ والإعلان على قمصان لاعبيه بمقابل مادي ضخم، ويتوقع أن يشهد مندوب الشركة حفل تكريم السفير عبد المحمود وليتم إعلان الخبر رسمياً أثناء الاحتفال.
| |
|
|
|
|
|
|
|
|
|
Re: حالة السعار التي اصابت اهل المريخ (Re: على محمد على بشير)
|
| Quote: شيكوزي يعود.. وشركة البترول الصينية ترعى المريخ بمبلغ ضخمأكمل نادي المريخ تحضيراته لاستقبال وتجنيس الحارس النيجيري شيكوزي توطئةً لضمه مرة أخرى للكشف الأحمر في التسجيلات المقبلة كلاعب مواطن، ومن المتوقع أن يصل شيكوزي إلى الخرطوم قادماً من نيجيريا عن طريق كانو غداً. |
يعني ياعلي انتم تنجزون كل مانتوقعه....
دعني اذكرك بمافعله شيكوزي هذا ...
شيكوزي هذا رفض كل دولاراتكم وديناراتكم وركلها وسافر وماسأل لا في الوالي بتاعكم ولا الحاكم الكبير ذاتو...عندما رفض كل محاولاتكم المستميته لمنحه جنسيتنا المسكينة...والتي سبق ان اهانها لاعب اخر من المريخ ايضا عندما قام بارسلها واعادتها لكم بعد منحه اياها بوقت قصير جدا...
المهم شيكوزي هذا الذي تلهثون خلفه علي اعلي المستويات استهان بكم وبناديكم وبجنسيتكم السودانية وماسأل في زول فيكم...ورجع ليلعب لنادي اخر بأسم اخر وشاءت الصدف ان يلاقي هذا النادي نادي الهلال في كأس افريقيا...وكانت شكوي جاهزة لولا ان الهلال لم يحتاج اليها بعد فوزه الصريح ايابا علما بأن شيكوزي هذا هرب ولم يحضر للسودان في مباراة الاياب...
مالي اري ان ذاكرتكم اصبحت ضعيفة جدا.....
واما ملف التجنيس هذا والذي مرمطتم به سمعة جنسيتنا والتي صرنا نستجدي الاخرين لتقبلها فهذا موضوع اخر سأعود اليه لاحقا...
اما هذه الهرطقات
| Quote: على صعيد متصل أكد مصدر مسئول بنادي المريخ أن شركة البترول الصينية العاملة بالسودان تقدمت بطلب رسمي لرعاية فريق المريخ |
ليه من سماحتو يعني ولا شال بطولة الدوري
ياخي دعك من محاولات ذر الرماد غلي العيون...النادي اصبح نادي للمؤتمر بكل هياكله وفروعه...مجلس شوري ومجلس فشخرة وخلافة...حتي كرة القدم التي نعشقها ادخلتوها السياسة
يجماعة ماقلنا مادايرين سياسة...نخليها ليكم ولا شنو يعني
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
الحمدلله صدقت اثنتين من توقعاتنا
| Quote: والان في حاضر العصر والاوان يوجد استنساخ لهذا الحارس اسمو شيكوزي..مازال يحلم الوالي وكل الاخوان باحضاره للسودان لاعادة الماضي الكان زمان...وتوته توته خلصت الحدوته...لتجد الصبيان امثل عبدالحميد السعودية وبقية عائلته من عيال السعود..واخوتهم قد ناموا ثم فجأة صحوا ووجدوا انفسهم في الشارع بعد ان احتلت كراسيهم ودولاراتهم بواسطة احد الهياثم... |
فالسعي الي شيكوزي اكده قبل قليل الاخ علي المريخابي.....وعلمت ايضا ان احد عيال السعودية الذين ذكرتهم هنا والذين سجلهم المريخ العام الماضي تم شطبهم.....
اما الادهي من هذا كله...فقد ترشح للشطب اللاعب الكبير والاسطوري وايتو السودان اللاعب جيمس جوزيف والذي سجله المريخ قبل اشهر قليلة من ناد اماراتي بعد ان انتقل اليه من الهلال...وليتني كنت املك وقت ومقدرة علي التوثيق كنت استرجعت لكم كل ماكتب في صحف اعلام الضلال عند تسجيل هذا اللاعب للمريخ....فقط قبل شهور قليلة فهو كان وكان وكيت وكيت واخواتها واماتها وياحسرة للهلال ويالها من خبطة لاداريي المريخ بتسجيلهم لجيمس جوزيف....ولكني لن اكون مغفلا مرة اخري وسأحتفظ بكل ماكتب عن هيثم طمبل وجزاء الله علي خيرا فقد جمعه لي هنا كل ما كتبه اعلام الضلال عن صفقة هيثم طمبل لانني سأحتاجها قريبا جدا...عندما يتم شطبه بكل هدوء...وذلك ليس تشكيكا في قدراته..لانه وببساطة لن ينجح في المريخ....وهل لاعبو المريخ اغبياء ليمولوا لاعبا يكسب عشرة اضعاف مايكسبونه هم وليصير بطل ويتهمشوا هم لا والله...ومالكم يااداريي النادي المتهالك لاتأخذون العبرة من جيمس جوزيف ...اما عنتر زمانه فدا لوحده حكاية فقد افردت له بوستات عندما دفع له نادي المريخ نصف مليار لتسجيله....وبعد الدفع علي طول لم اسمع بهذا الاسم مرة اخري....لا استغفر الله يمكن قبل ايام قريت في موقع الكتروني انه سجل هدف التعادل للمريخ وانقذهم من الهزيمة ضد منتخب اللاجئين في نيالا...وبكدا يكون حل دين المريخ ونكون خالصين...
اما الافارقة الاعمي منهم والمكسر الذين حضروا للتجربة العام الماضي فلنحتسب مااخذوه لله...
وفي النهاية هي لله هي لله
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
ريتشارد احرز هدف السودان في سيكافا.....ياجماعة من الان وعشان بعدين ماتبقي الجرسة...ريتشارد ابدي سعادته بارتداء شعار المريخ وهو من يومه مريخابي لكنه ضل الطريق...والوالي قال ليهو..غير رقم جوالك عشان ناس الهلال مايلموا فيك بعد مانصل الخرطوم...
والله قال بقول اليجيب قون الليلة من ناس لهلال....دا قروشة جاهزة من نص مليار ولي فوق...
وفوق فوق سودانا فوق
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
حضر لزيارتي احد الاصدقاء صباح اليوم ومعه صحيفة سودانية...واول مافتحت صفحة الرياضة وجدت الخبر التالي....ان هناك وسيط عرض علي الوالي حارس مرمي نيجيري... وعلي طول اوصي الوالي بعمل فيزا للاعب والتعاقد معه و السعي في تجنيسة حتي قبل ان يأخذ اللاعب نفسه الخبر..و بعد ذلك اتصل الوكيل باللاعب واخبره بنية رئيس النادي في استجلابه والتعاقد معه ومنحه الجنسية في ان واحد....
ولا تعليق
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
المدهش ماافادتنا به المصادر صباح امس بأن نادي المريخ قد استلم فعلا جنسية الحارس النيجيري قبل ان يفكر اصلا في السفر للسودان.....
في معظم دول العالم لازم تقعد خمس سنوات علي اقل تقدير عشان تاخد الجنسية...اما عندنا فبيستقبلوك بيها في المطار....
وبالله اخبار علاء الدين يوسف شنو ....
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
مريخنا فوق فوق
بالطول بالعرض مريخنا يهز الأرض .
الوالي يا غالي الوجع طوالي
عجبونا و يجي معاهو طمبلونا تاني الا يلعبوا في زقلونا
بكوووووو و اشتكو
يا عجبونا ما كان في داعي للهدف التاني مريخ هلال دي ما زي المريخ و الأمل عطبرة كفاية هدف واحد حتى لو من ايداهو المطرود في نيالا
قال سعار ! سعار و الله حجار! بقيتو أصعب من أطفال الحجارة بالمناسبة في فكرة ياخدوا منكم خبراء في قذف الحجارة يمشوا يعملوا كورسات في غزة
الحاج حمد
| |
|
|
|
|
|
|
|
|
|
Re: حالة السعار التي اصابت اهل المريخ (Re: hajhamad)
|
الاخ حاج حمد....نحن نقدر جدا افرح اهل المريخ التي فاتت حد الهستيريا ووصلت لحد الخرافة لان المريخ فاز اخيرا علي الهلال بعد ان فقد الامل بعد سلسلة الهزائم المتتالية... وبهدفين هدية واضحه من الحارس والمدافع اما عن عدد الاهداف فاخر مباراة المريخ مهزوم بهدفين للاشيئ...
اما قصة العجب وطمبل..فالاول قد بلغ سن الاربعين ان لم يكن قد تخطاها...والثاني لن يفيد نادي المريخ بشيئ..بل العكس يكمن ان يكون ضرره اكثر من نفعه اذا اخذ فرص جيمي في اللعب ...فكا الافضل الاعتماد علي جيمي ...من دفع المليارات للاعب لايمكن ان يفيد النادي وسيشطب في التسجيلات التالية حاله حال رفقاء دربه من جيمس جوزيف وخلافه...
اما الضربة الحقيقية فتأتي من موضوع علاء يوسف والذي بحق اكبر ضربة موجعه للمريخ
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
الإخوة الأفاضل عشاق سيد البلد أبو الهِل:-
حقيقة مايحدث هذه الأيام من الإخوة في تيم عباس لهو أمر عجيب وغريب فاللآعب علاء الدين يوسف جاء إلي مكاتب الإتحاد العام وأعلنها صريحةً أنه يريد اللعب في الهلال وصرح أيضاُ أنه لايريد المريخ فأي إقرار وأي كلام فارغ سيلزم اللاعب أو يغير رأيه...
أما عواجيز تيم عباس فحكايتهم حكاية فالعجب سيدو وبعد هدية داريوكان ضمن البقاء في الكشف لسنوات و عمنا جندي بعد هدفه في الدورة الأولي باق أيضاُ بالكشف وبأمر الإدارة.
سؤال:
في أي خانة ياتري سيلعب هيثم طمبل؟؟؟ وهل طمبل أفضل من السعودي (فنياً)؟
خبر:-
عجوز منتخب توجو سيعود من الدرجة الثانية في اليونان إلي تيم عباس في الدرجة المُمتازة بالسودان.
ولي عودة الي العرضة........
..............................
| |
|
|
|
|
|
|
|
|
|
Re: حالة السعار التي اصابت اهل المريخ (Re: Elsamani A.Malik)
|
الاخ السماني
تحية وشكرا للمداخلة
| Quote: حقيقة مايحدث هذه الأيام من الإخوة في تيم عباس لهو أمر عجيب وغريب فاللآعب علاء الدين يوسف جاء إلي مكاتب الإتحاد العام وأعلنها صريحةً أنه يريد اللعب في الهلال وصرح أيضاُ أنه لايريد المريخ فأي إقرار وأي كلام فارغ سيلزم اللاعب أو يغير رأيه |
المشكلة مافي تيم عباس ...المشكلة في ان من بيده القلم يريد ان يرئسه وهو ما عارف انو كده بيتيسه والمصيبة انو المتيس فاكر انو هو مروس فعلا....ياخي هذا زمانك يامهازل فأمرحي...
المصيبة ليست في مايرتكبه الاتحاد العام من مهازل.....المصيبة في انه بيحاول انو يقنعنا بأن مايفعله هو حسب النظام واللوائح والقوانين...
انا اعتقد ان شداد وزمرته اعتقدوا ان من يتابع الرياضة في السودان او خارجه هم فقط من الفاقد التربوي او الجهلاء او ناس زعيط ومعيط..لذلك تمادي في افعالة تحت غطاء جهل متابعيه..والمصيبة الاكبر ان النادي المتيس مبسوط من القصة دي وبيحاول عبر اعلامه المضلل من اقناع الديك بأنه ملك الغابة....
واذا استمر الوضع بهذه الطريقة فعلي الرياضة السلام...وينتهي العزاء بأنتهاء مراسم الدفن
ولاحول ولا قوة الا بالله
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
في تطور مرضي خطير...تفاقمت حالة السعار وظهرت اعراضه....
فاصبحت المطاردة للمعز محجوب ليلا ونهارا...حتي اضطر المعز لاستدعاء الشرطة والكلاب البوليسية..
وحدث ان مر اسحق كرنقو بالشارع صدفة...فأصبح في عداد المطاردين وهو الان يلعن ابو سنسفيل اليوم الجابو بالشارع دا....
والله اعلم من المبشر غدا.....ربنا يستر
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
عـزيزي يـاسـر ..
تحياتي ..
| Quote: الصور مافتحت ...ارجو تحميلها مرة اخري او اشرح لنا ما بها |
الصـورة والله مفتـوحـة أوسـع مـن شـبكة المعـز ..
بس الظـاهـر صـواريخ ايـدو وسـيدو ، شـالـو نظـرك ..
عـلى كل حـال شـوف الصور دي مفتحـة ولا لا ؟؟
وعشـان تعـرف منـو الجـاهـو سـعار ؟؟؟
" حقوق النشر للعزيز راكوبة محفوظة"!!!
صاروخ ايداهو في حائط صحافة الفول ..
| |
|
|
|
|
|
|
|
|
|
Re: حالة السعار التي اصابت اهل المريخ (Re: حسين يوسف احمد)
|
نعم الان الصور واضحة الاولي لهدف المريخ في المعز ونحن نعترف بخطأ المعز الواضح ..المشكلة في انو طالما النيجيري ايداهو والسوداني العجب سيدو تمكنا من الحارس الهلالي لماذا وصلته حالة سعاركم ولماذا تطاردونه...سيبوه في حالة الراجل ماعايزكم...دي شنو البلاوي دي
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
صـديقـي العزيز ياسـر ..
تحياتي وتقديري ..
| Quote: نعم الان الصور واضحة الاولي لهدف المريخ في المعز ونحن نعترف بخطأ المعز الواضح .. |
الظـاهـر تيمـان (ايـدو وسـيدو) دخلن عليك بالساحق والماحق !!!
صور العزيز عبد المجيـد ما عندهـا عـلاقة بهـدف المـريـخ !!
الأخ مجيد جـاب ليـك صـور ايـدو وسـيدو !!!!
أما حكاية الجري وراء المعز دي فهـي مـن باب :
سـهـر الجـداد ولا نـومـو ..
ومـن بـاب سـهر البـط الـواقـع فـي الحـوض !!!
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
قبل اسابيع ذكرت
| Quote: ان هناك وسيط عرض علي الوالي حارس مرمي نيجيري... وعلي طول اوصي الوالي بعمل فيزا للاعب والتعاقد معه و السعي في تجنيسة حتي قبل ان يأخذ اللاعب نفسه الخبر..و بعد ذلك اتصل الوكيل باللاعب واخبره بنية رئيس النادي في استجلابه والتعاقد معه ومنحه الجنسية في ان واحد.... |
والان الحارس موجود بالسودان...واليوم علمت ان الحارس رفض ان يغادر الي بلاده بالرغم من ان نادي المريخ منحه فرصة ليذهب لقضاء اعياد الكريسماس مع اهله والعودة لتكملة اجراءاته..لكن اخونا رفض وقال حيستني...ويستني......
| |
|
|
|
|
|
|
|
|
|
Re: حالة السعار التي اصابت اهل المريخ (Re: yasir Abdelgadir)
|
الاخ معاوية
1Quote: -هيثم طمبل
2-علاءالدين طياره
3-مجاهد أحمد محمد
4-المعز محجوب
5-كرنقو
6-سليمان كيتا
7-عبدالسلام مدافع اتحاد مدني
8-أسامه مهاجم التعايشه
9-مانديلا ( منتخب الناشئين )
10-مارتن ( منتخب الناشئين )
11-مازن ( منتخب الناشئين )
12-التيجاني حسن حارس موردة الأبيض
13-نصرالدين محمد احمد مهاجم العلمين
14-شيكوزي
15-حارس من مالي
بالاضافه لبعض المحترفين من نيجيريا وأوروبا
دا كل بموجب حالة السعار التي أصابت أهل المريخ
بس الحاجه الواحده المحيراني دول كلهم حيشطبوا ليهم منو |
لقد صدق الجزء الاكبر من قائمتك هذه بالرغم من انه نصها حراس مرمي ودا نتيجة حالة السعار الهم فيها خوفا من البعبع المخيف...
اما المفاجأة التي طغت علي كل ذلك فهي فقد علاء الدين يوسف خلت الجماعة يطلعوا من طورهم ويفرشوا بكاء عديل.....فعلاء وحده يساوي كل هذه القائمة بل واكبر
شكرا
| |
|
|
|
|
|
|
| |
محمد عادل
عبد المطلب خضر عبد المطلب
abas
على محمد على بشير
ابو عثمان
حسين يوسف احمد
Yassir Tayfour
Moawia Mohammed
hajhamad
Elsamani A.Malik
فيس بوك
تويتر
انستقرام
يوتيوب
بنتيريست