|
Re: ناس الزقازيق ... أجدع ناس (6) (Re: موسي عيسي)
|
صباح الخير ،،، يا وجوه الخير
اللهم أرزقنا لسانا يحمل الكلمة الطيبة ليكون منديل...... ليجفف الدموع ومرهما يخفف الجروح وبلسما يشفي الالام
=========================
أحلى التحايا لناس جوبا من كمبالا ودكتور الصادق من إيرلندا ودكتور سيف النصر من أمريكا
وحلوه هذه التابلوهات وخد وهات يا سلام عليك يافنان (سيدا سابقاً)
سلام وتحية للرجل المفقود وبطل الفيلم خرج (إلى الفاشر) ولم يعود بطولة جلا ومرلين مورنو
وفي كتاب آخر (أبحث مع الشرطة) كان لابس بنطلون بلو جنز أحمر
من يتعرف عليه يرسل برقية للرياض عناية موسى عيسى
| |
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
الجميل الشادي وضاح المحيا شادينا وتؤام روحنا أخي الكبير مقاماًوالذي جمعتني به الزقازيق لأعوام خلت وتقاسمنا كل شئ جميل وعلمتنا تلكم الفترة معنى الإخوة ومعنى الصداقة والتي سرت في دواخلنا وخياشيمنا حتى تنفسناها رحيقاً وأزهارا،،،
لم أنظر الى كمال الفنان وعازف الأورغ بل كنت أشاهد أخي وصديقي والذي أتقاسم معه السكن والمأكل والمشرب وحلمنا الكبير بالمستقبل القريب
كانت لنا أيام في قلبي ذكراها وما زلت أطراها
| |
|
|
|
|
|
|
Re: ناس الزقازيق ... أجدع ناس (6) (Re: عصام دهب)
|
و سلام و تحية و تباريك ندية لشادينا / كمال .. كل سنة و أنت طيب و كل السنين لك و من تحب و الأمنيات الطيبات بدوام الصحة و العافية ..
و شكراً يا محمد عيد و أنت تهدينا الجمال دوماً ..
| |
|
|
|
|
|
|
Re: ناس الزقازيق ... أجدع ناس (6) (Re: عصام دهب)
|
قصة حفل رأس السنة والتي ذكرها دكتور الصادق بتذكرني قالوا في حرامي دخل بيت عزابه ولقى كمية سرارير وعناقريب والناس نيام ودخل الأوضة ولم يجد غير الملابس وحملها جميعاً وخرج
وعند بابا الأوضة وجد جميع السراير والعناقريب فاضية والناس ما معروفه إستخبوا وين!!! صاحبنا رجع الغرفة وقفل الباب وبدأ يصرخ حرامي ،،، حرامي ،،، الحقونا حرامي ،،علشان الناس تجي وينقذوه من ناس السرارير الفاضية دي ،،، أه الفتوات الدخلوا على ناس عاملين ليهم حفل لرأس السنة وكمان مختلط كان ما مساطيل البدخلهم شنو في كم من البشر وفيهم ود جادين !!! أولاد بمبا ديل أكيد كانوا محششين !!! هههههههها
| |
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
سنة تلتاشر , وعهد نجيلة الميمون ماشى بسرعة صفحة فى اليوم ودى بتعادل , خمسة درجات بمقياس ريختر كده فى خطورة عليكم , انتبهوا من السرعة الزائدة فى حاجات يا دكتور الصادق , اخير تتمها خيال بس راس سنة ومبارك جوز ومطوتين وناس ناطة بالشبابيك ختينا ليها صورة مختلفة جات الصورة و لقينا لينا تورتة فيرى ثن , ايفن مور زان بيتزا هوت وواحد كوكاكولا , زائد نصين وكباية شاى حليب , وكبايتين فاضيات يعنى عرفنا مطاوى الجماعة ديل طلعت لى شنو يا دكتور !!! بس بتاعت عرعر , قلبت معاها الهوبا , وانتا الشلاقة ليك شنو , داير تغالط الناس فى بروستاتهم كمان ؟؟ ثم اتممنا خيالنا الباقى بسوط العنج المحمول فى شارع المحافظة انتا كدا مريت من تحت شقتنا يا عصام دهب حتى قبل ما تصل للحتة القاعد فيها السفاح بعد كبرى الشبان طوالى الحتة دى , تميناها خيال بمزاااااااااااااااااااااااج مراحب بكل المنضمين للصفحة وان شاء الله غيث كمبالا ما ينقطع منك يا ود جادين والصور ما عندك يا ود جبريل والرايحين الجونا راجعين ديل , ناس سيف وجلال وقيس اريتهم يحفظوا الدرب
| |
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
وما دام المقام طرف وذكريات زقازيقية فكهة اليكم هذه فى مرة من ذات المرارير لمن الشقة يكون فيها ربع جنيه وااااااحد يا دوب تتم حق التاكسى البوديك من جنب الشبان المسلمين لى كلية زراعة وكان الزول المعاهو ربع الجنيه ده صحى بدرى ومشى , ياكا التميت باقى يومك نوم وفات عليك الأتندنس بتاع العملى اليوم داك كان عندنا عملى بتاع فود تكنولوجى , مع دكتور احمد الزغبى زول صعب خلاص , لو دخل , بيقول ليك احسن ما تدق لى الباب واتخارج من سكات اها , كالعادة قمتا متأخر همى فى الربع جنيه المع الرشيد بابكر والحق اتسوك (حمام شنو الفى البرد داك رغم انو سخانا كان كهرباء والله العظيم ) يا الرشيد انتظرنى عشان ما عندى حق التاكسى (الرشيد زاااتو اليوم داك اول مرة يصحى قبالى بدون ما اصحيهو انا ) شفتو جنس الغتاتة دى ؟؟!! مين ادو يا عم , ده معاهو ربع جنيه المهم , زولك ما قصر انتظرنى , وانا خمخمتا ليك دفاترى وحاجاتى ولحقتا ليكم رش فى خشم الباب ركبنا التاكسى , واتونسنا زيييييييييييييييييييييييين ووصلنا الكلية شغالين الساعة تمانية طبعا الواحد نص نايم ونص صاحى ولا اقول ليكم , تلاتة اربع نايم , وربع صاحى الناس يتجاروا عشان يدخلوا السكشن قبل دكتور الزغبى ما يخش زميلاتى قابلتهم ليك يتجاروا زيى كده صباح الخير ما صباح الخير , دى طبعا لى سناء برهان وسامية يوسف واسماء احمد ابراهيم طبعا كمان الواحد مفلس , لازم يصلح علاقاتو عشان يلقى ليهو سندوتش فى الكافتريا ويملح التاكسى معاهم بعد اليوم ينتهى , وانا مالى ومال الرشيد , هو زاتو يمشى يشوف ختتو الينحل فيها كان يلقى صفاء عباس ولا حنان القطينة ولا حتى ان شاء نجاة حوفى زااااتا , يشوف حنانو وين ؟؟؟ ونحن فى جرينا ده , طبعا الزول برتب كتبه ويطله البيخص المادة بتاعت السكشن ويستعدل اللاب كوت بتاعو عشان يلبسوا اول ما يخش على حتة السكاشن اها , العوجة جاتنى من السجم الأسمو لاب كوت ده قدر ما فردتو ابى يتفرد قدر ما ما حاولت استعدلو ابى لى كلو كلو اها الجماعة فاتونى بى كم خطوة كده , وانا فى محاولاتى الأستعدالية دى عارفينو ابى يستعدل ويتفرد لى شنو ابو الشباب ما جايب معاهو العراقى بدل اللاب كوت !!!!!! اها الجماعة يمشوا لى قدام , وانا بقيت ارجع لى ورا لمن اتطمنتا انى بقيت بعيد , فقعتا ليك الضحكة , وجرى على مربع كاى يمين فيهو جنس ونسة , حلوة حلاة بلا فود تكنولوجى بلا احمد الزغبى بلا لمة يحيا العراقى , ويسقط اللاب كوت
| |
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
.زبون بالمطعم جاهو الجرسون شطب رأسو بعندنا سلطة وعندنا وعندنا وعندنا الزبون قام طلب واحد سلطة جابو ليهو سلطة طماطم الزبون قال بندورة ساكت ، طيّب وين لحمتو
Quote: حضر معي زميلاي مرتضى إدريس و بشير على العبيد .. |
قصة زقازيقية ، طيّب وين الصورة ، يا دهب
Quote: اها الجماعة يمشوا لى قدام , وانا بقيت ارجع لى ورا لمن اتطمنتا انى بقيت بعيد , فقعتا ليك الضحكة , وجرى على مربع كاى يمين فيهو جنس ونسة , حلوة حلاة بلا فود تكنولوجى بلا احمد الزغبى بلا لمة يحيا العراقى , ويسقط اللاب كوت |
وطيب وين الصور يا أبو أحمد يا سلام ويا حليل الزقازيق ، قالو الفقرة إتقاسموا النبقة انحنا في الزقازيق إتبادلنا الجوازات أخونا أحمد إسماعيل كتوكو ثيردباك تجار ، أخذ جوازي وصرف شيكه من بنك مصر
| |
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
صباح الخير ،،، يا وجوه الخير
أصبحنا واصبح الملك لله وحده،،،
دعاء اليوم :
اللهم كن لي عونا ومعينا وحافظا و ناصر وأمينا اللهم احفظني من أعين الناظرين ومن كيد الكائدين و من قلوب الحاسدين ومن سحر الساحرين برحمتك يا أرحم الراحمين
حكمة اليوم :-
كثيرون على قيد الحياة قليلون على قيد الإنسانية
| |
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
Quote: ابو الشباب ما جايب معاهو العراقى بدل اللاب كوت !!!!!! |
عامل لينا فيها بشير عباس وانت اتاريك خلف الله حمد
بنات مربع كاي المفروض يغنو ليك :
مشيت للزغابى قال لي ما فاضى .... احب الزول السكشنو بالعراقى ...
| |
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
Quote:
مشيت للزغابى قال لي ما فاضى .... احب الزول السكشنو بالعراقى ... |
دا ما بداية لكورال جميل و كمال الشادي موجود و دودي و جمال
السنوسي عموما في الاحتفالية القربة مع فترة الريس نجلية الظاهر
حتكون اخر الشهر القادم انشاء الله مع بوستات بكري عموما بكره البروفه
في بيت الركز .
| |
|
|
|
|
|
|
Re: ناس الزقازيق ... أجدع ناس (6) (Re: موسي عيسي)
|
السلام عليكم من جوبا وصلت امس من كمبالا وهذا اول يوم في جوبا وجدت جوبا الجوفيها بارد والهواء لطيف لكن ما زي كمبالا طبعا يا د.الصادق زي ما قلت ليك قبل كدة انا ساكن في حلتكم نمرة تلاتة جنوب ميدان السلة وطبعا الان هناك ظلط جديد اسمه شارع ملكية يمر بنمرة تلاتة وكدة غربا حتى سوق كستم وشرقا يمر حتى المطار مرورا بمستشفى جوبا التعليمي دي طلة تشجعك للكلام عن جوبا
الاخ كمال الشادي كل سنة وانت بالف خير وانت اكثر ابداعا وفنا ويا ود عيد كمال راجل فنان عشان كدة تهنئتو طلعت فنانة وجميلة ...تحفة
قصة ود دهب ابداع لكن انا قلت في بالي قبل ما انتهي منها الزول اكيد عصام دهب عمل ليهو عاهة مستديمة او علامة بارزة لكن البركة في الدورية
يا احمد اسماعيل المصريين كانوا فعلا لا يستطيعون التفرقة بيننا واحد مننا ذهب لموظفة الشؤون عشان يستلم شهادة قيد لزوم البريزة الظاهر الموظفة اتكلمت معاه حار دابر يقول ليها (ما تشخوطيش في) قال ليها (ما تشخويش في )المراة اتخلعت وقالت ليهو (اشخ ليه ياروح امك ) وكلكم عارفين الفرق بين تشخط وتشخ
يا منصور في قصة بتاعت بالطو تاني لكن البالطو وصل المعمل لكن الزول عندما فر البالطو وقع منو سروال بدل العراقي
وين الريس يا جماعة الرشيد ما تفقدوا لينا
والمكرفون معاك يا ريس ياسر نجيلة
وين الكوتش
| |
|
|
|
|
|
|
Re: ناس الزقازيق ... أجدع ناس (6) (Re: مبارك جادين)
|
اول ما جينا برالمة كنت ساكن مع برلوم معاي فى الكلية اسمه اسعد مصطفى من اولاد برى
اول حفلة نسمع بيها كانت فى الشبان المسلمين نحن الاتنين كنا فاكرين الشبان المسلمين ده مسجد ولا مكان للندوات الاسلامية وكده ..
المهم الليلة ديك انا اقول ليهو يلا نلبس نمشى الحفلة دى هو يقول لي عليك الله فى البرد ده شبان شنو ياخ
بعد تحانيس نزلنا و لقينا سناير وصفو لينا المكان دخلنا القاعة متحفظين قعدنا طرف فى اول بنـــش ....
شويو شوية بقينا نشوف السنيرات لابسات عادى بدخلو القاعة اسعد يدينى عفصة فى رجلى بعد شوية الساوند ... تانى عازفين وفى الاخير طلع وردى ذات نفسو المسرح ..
| |
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
صبحكم الله بالخير
Quote: طبعا كمان الواحد مفلس , لازم يصلح علاقاتو عشان يلقى ليهو سندوتش فى الكافتريا ويملح التاكسى معاهم بعد اليوم ينتهى , وانا مالى ومال الرشيد , هو زاتو يمشى يشوف ختتو الينحل فيها كان يلقى صفاء عباس ولا حنان القطينة ولا حتى ان شاء نجاة حوفى زااااتا , يشوف حنانو وين ؟؟؟
|
لو كان بيضت النية كان طلع لاب كوت... لكن لأنك نويت البيع طلع ليك عراقي.. و كان ما طلع عراقي كان برضو لقيت البلابل مفلسات.... كنت حتقول ليهم يا جماعة ما بلقى عندكم ربع جنيه أرجع بيهو... كانو حيعاينو لي بعض و يضحكوا و يقولو ليك و الله نحن كنا عايزين نسألك نفس السؤال... و تجيني راجع حانف وشك تطلب مني ربع جنيه لي البلابل... عارفني ما بتغلبني حيلة و لو عشرة جنيه كنت جمعتها ليك في دقايق...
يا بياع.....
غلطان أنا الجبتك معاي الصباح... هي وقت أصلها ونسة لي ونسة كان أخليك تجي كداري.... و تكون المطرة صابه و البلد كلها الطين الأسود داك... عشان لما ترجع من الكلية رفعت يطردك من البيت... يقول ليك أمشي اتنضف و تعال.... و لا يفرش ليك هدومك تمشي فيهم من باب الشقة لحدي الحمام......
تخريمة... نحن زاتنا لو كنا عارفين عندك عراقي كان عقدنا اجتماع طاريء... و قررنا نسكنك مع صلاح التجاني و لا أحمد صالح... و ندخل مكانك محمد المرتضى بي شناتو دي... كيف تتجرأ تسكن معانا و انت عندك عراقي... في اشانة سمعة أكتر من كده....
يا بياع.....
| |
|
|
|
|
|
|
Re: ناس الزقازيق ... أجدع ناس (6) (Re: إحسان عبد العزيز)
|
صباحك جميل يا ست احسان
نحن جينا 85 و اتخرجنا 88 م وديل اولاد شقتنا بس دى حفلة تجارة جيرانا حيطة بالحيطة ....
ولد طب اسمو نصر الدين و ليس نور الدين زى ما صححنى د/ الصادق عبدالله
والزهايمر الزمن ده بقى حق الصغار ...
| |
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
Quote: نحن جينا 85 و اتخرجنا 88 م |
خلاص .. قمنا للسلبطه ..!! الحقنا يا ود جادين
جيت 85 واتخرجت 88 ليه؟؟ قريت معهــد .... تربوى ؟؟؟
عبد الدايم رابح كان دفعتنا وجاء معانا سنة 83
السنة البعدها ناس كشاح وحسن شطة قالو ليهو فى برلوم جديد فى تربية برضو اسمو عبد الدايم ..
سألهم .. أســـمح انا ولا هو ؟؟
لمن قالوا ليهو شن جاب لى جاب ؟؟ قال ... الدائم الله ...
معنى كده يا صغيرونى انت جيت 84 ... ( قايلنى بافوتها ليك ؟ تلقاها عند الغافل )
| |
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
Quote: تسلم عبد الدايم من الزهايمرم.. أنا عملت تعديل فى المداخلة لكن يظهر انك رديت قبل ما تقرأ التعديل.. كدة راجع اسم الزول الاسممه عمر عبد الله ده اسم صحيح.. |
فعلا" هو د/ عمر عبدالله طب ... حاليا" استشارى اطفال حديثى الولادة بكندا وجانا زيارة الى السعودية السنة الماضية وهو اخ و صديق حميم جدا" شقتهم هو وخالد محى الدين و مزمل كانت خلفنا ولازم يمر على شقتنا بعد رجوعة من الكلية ... اولا" نسمع شريط لزيدان وبعد داك عندو مادة كده كان عـاجبــانى اسمها هيستولوجى اشيل الكتاب منو واقعد اتفرج فى الصور طبعا" الهيستولوجى للناس الما قرت طب هو علم تدريس تركيب الخلايا والانسجة
،،،،،،،
Quote: حالياً شكله يبان أكبر مني ما عارف مالو كبر فجأة !!! |
يا ميسرة لما انا وانت نكون طالعين مشوار انت مش بترسل ولدك منذر ينزل يشوفنى لابس شنو وحتى بعد داك تلكم منى تفتش ليك قشرة سريع سريع والصورة دى من عمايل يديــك يا حبيب السنة الفاتت ..
تانى ما تشخبت جوة الصورة ... ثمح ...
،،،،،،
Quote: معنى كده يا صغيرونى انت جيت 84 ... ( قايلنى بافوتها ليك ؟ تلقاها عند الغافل )
|
اها يا الباكستانى جبت شنو جديد ما ياهو اولى 84/85 وفى اولى الناس عادة بتصل اخر السنة
تانية 85/86
تالتة 86/87
رابعة 87/88
،،،،،
يا عصام دهب انا ما شايف الزول ده عمل اى حاجة عشان تقول عليهو سفاح يعنى مستحيل يفوت فرصة زقاق الشبان المسلمين ويجى يطاردك بعد شارع المحافظة
| |
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
الصورة دي كانت عند زيارة كمال الشادي لنا بمدينة جدة عند إفتتاح المول الجديد وكانت شركة ناس الشادي هي المصممة للمول ،،، هسع دخل كمال الشادي هنا شنو!!!!! لحدي ما أخدنا الصورة دي إنت كنت صغنتوتي أنحنا بنتكلم عن اليوم !!! والله الليلة سناء الصباغ ذاته ما تعرفك عليك من ناس الرياض .
| |
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام يا شباب ..
و نبدأ من الآخر ..
Quote: يا عصام دهب انا ما شايف الزول ده عمل اى حاجة عشان تقول عليهو سفاح يعنى مستحيل يفوت فرصة زقاق الشبان المسلمين ويجى يطاردك بعد شارع المحافظة |
ياخي إنت خلاص خلصت مع الريس جاي تنشبك فيني ؟؟ أنا قدرك !!
بعدين حاكيها شديد كدة مالك ..
أها ياخي السفاح دة ( كتلني ) عديييل كدة و أنا من اليوم داك إتوفيت .. الله يرحمني و يغفر لي ..
و الأمبارح إتكلم معاك بالتلفون دة البعاتي بتاعي ..
إرتحت ..
| |
|
|
|
|
|
|
Re: ناس الزقازيق ... أجدع ناس (6) (Re: عصام دهب)
|
سلام يا منصور ..
Quote: اتممنا خيالنا الباقى بسوط العنج المحمول فى شارع المحافظة انتا كدا مريت من تحت شقتنا يا عصام دهب حتى قبل ما تصل للحتة القاعد فيها السفاح بعد كبرى الشبان طوالى الحتة دى , تميناها خيال بمزاااااااااااااااااااااااج |
أنا لو كنت عارف ‘ني جيت ماري جم شقتكم ..
ما كان غنيت ( تلحقني أنا و تنجدني أنا ) ..
لكن السفاح ما أداني فرصة أعرف شقتنا ذاتو ..
كتلني و ريّح عبد الدائم ..
أها إيه رايك في خيالي ..
| |
|
|
|
|
|
|
Re: ناس الزقازيق ... أجدع ناس (6) (Re: عصام دهب)
|
انتا امس لما حكيت لى موضوع حارس عمارتكم
انا قمت اعدت قراية حكايتك ...
سوط عنج قااال ... سفاح ولا خروف هو عشان يقعد يرجاكم
،،،
قالو فى واحد ضيف جاء من القاهرة للزقازيق فى وقت متأخر جدا" سأل العسكرى بتاع الوردية ... فى سودانيين ساكنين هنا ؟ العسكرى قال ليهو هو الحتة ديه فيها شى غير السودانيين و الكلاب ...
| |
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
Quote: انتا امس لما حكيت لى موضوع حارس عمارتكم
انا قمت اعدت قراية حكايتك ... |
لكن لقيتك .. أحيييييي أنا منك .. تني شوف اليحكي ليك حاجة .. عشان تاني يوم يلقاها في الجرايد ..
Quote: سوط عنج قااال ... سفاح ولا خروف هو عشان يقعد يرجاكم |
يعني إنت ما مصدق إنو الزول دة كتلني !!
| |
|
|
|
|
|
|
Re: ناس الزقازيق ... أجدع ناس (6) (Re: عصام دهب)
|
Quote: لحدي ما أخدنا الصورة دي إنت كنت صغنتوتي أنحنا بنتكلم عن اليوم !!! والله الليلة سناء الصباغ ذاته ما تعرفك عليك من ناس الرياض . |
وأنحنا بنتكلم عن العمر يا ريس ، ليس هناك صغير في الأجدع ناس لكن هناك الخبراء المخضرمين ، لمعرفتهم للحياة أكثر من غيرهم كل الأجدع ناس أعمارهم أكبر من 45 سنة ويقال أن جسم الإنسان يبدأ في الإنكماش بدلا من النمو بعد الأربعين إذا كلنا في الهوى سوى نسأل الله أن يمن علينا بالصحة والعافية والتوفيق --- وأن يبارك لنا في تجاربنا العملية والفعلية
| |
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
Quote: ويقال أن جسم الإنسان يبدأ في الإنكماش بدلا من النمو بعد الأربعين |
طيب يا ابو عمر .... الكرووووش الممدوده عن ناس منصور وود الشادى دى كيف ...
**************
كوتش يا حبيب ...
انت يا زول تعاين لى قطرات الناس فى شنو ...؟
انت ما تفتش للماســـوره المرقها فى فاشر السلطان وغاتس فى فى موية السيسبان ...
| |
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
انا قاااااااعد يا ود جادين ... ومتابع ... بل مشروووط من الضحك ... من الناس البنطو بالشباك ... والبلبسو العراقي بدل اللاب كود ... ولا الناس البخافو من ضلهم ... وقالو ساكيهم سفاح عديل كده ... وعيد ميالد ولدنا العسل كمال الشادي ... وحكاوي دكاترة ايرلندا وكندا ... وناس زراعة ... و و و وكمان محرش ليكم عبدالدايم النضيف ...
========================================= وبماسبة الشلاقة ... اسمعو عمكم شلاقة عمل شنو ... مع جارو عمك شلاقة سمع جوطة عند الجيران, سأل واحدة لقاها مارقة من بيت الجيران ... الحاصل شنو يابتي , البت خجلت تقول ليهو مرت جارهم زعلت منو رجعت عند اهلها , قامت قالت ليهو عربيتهم اتسرقت ... طوالي عمك شلاقة لفى عمته و مشي لي جارهم يواسيهو, قال ليهو: يا زول ما تزعل نفسك, الحمد لله ارتحت منها, ياخي كل ما امشي مكان القاها مع واحد من اصحابك او اصحاب ولدك, و بعدين من شكلها زاتو ما كويسة, و ما حصل مشيت شارع زلط, إلا لقيتها واقفه. بوظوها اولاد الحلة, راكبنها ليل و نهار اتعلموا فيها, اولاد حامد, ناس فريق ورا, اصحاب ولدك بتاعين الكورة, اظن اول ما انت تنوم او تكون مسافر بجوا بركبوها كلهم بالدور, و الله المكنيكية بتاعين المنطقة الصناعية ما اظن في واحد فيهم ما بعبص فيها. و كل مرة بجي عايز اكلمك القاك ماف, حتي مرة قالوا شفع الحلة نزلوا بيها الخور, انتهت عدييل كده ... و الله, ياخي ريحة دخانها دي بشمها من جوه بيتنا,,,,, لكن اقول ليك حاجة ما تزعل بتكون مع واحد من شباب الحلة المساطيل ديل, بلعب بيها و بلف بيها ... و اخر الليل بزهج منها بجيبها ليك قدام البيت و يزوغ صراحة كدا, انا و الله قبال كدا ركبتها, و ما عجبتني, و الله العندي في البيت مش قديمة؟ علي اليمين احسن منها.
جاره وقع بي سكتة قلبية ....
| |
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
Quote:
نحن جينا 85 و اتخرجنا 88 م وديل اولاد شقتنا بس دى حفلة تجارة جيرانا حيطة بالحيطة .... |
شوف كمان السلبطه متين يا عبدالدائم تجارة بقت
جيران تربية الهيته بالهيته نحن يا صحبي جيرانا
بالحيطة ناس حقوق و عشرتنا بناس حقوق اخر حلاوة
و ما كنا بنكجن في الدنيا الا ناس تربية و العجب
في الكورة و هو ذاتو يا دودي كافترتكم ما كانت علي
قدر كده نحن بنبراها بنهناك معانا الريس ميسرة و بنمشى
لكافتيريا الناس الحلوين ناس كلهم ادب و فهم و لو ما
صدقني كما اسال زهير الزناتي و محمد صديق والريس
والله صحححححححححححححححححححي
الشي التاني انت قايل الناس طشو شبكة مره واحدة لمن تقول
جيت 85 و اتخرجت 88 ليه اصلها بقت معهد زراعي طلخا !!!!!
| |
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
Quote:
يا موسى عيسى عليك الله هـــو وينـو الخشم البياكلو بيهو سندوتش المرتديلا فى اداب ....
ناس تيسير و مها صالح يأكلو شنو فتة موية فول فى الدكان |
البوش دا ما فضلت خيرك يا عبدالدائم .....
جاني خاطر هاني برعي في الشاشة ليه ما عارف .
برضو اداب و تجاره هاجه واهده !!!! ولا شنو ياريس
| |
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
Quote: والقال ليكم انا جدع منو الجدعان ديل ناس الرشيد ومحمد عيد والكوتش |
الناس تحولت لجدعان والجدع بالمفهوم المصري الإنسان الشاطر القوي الفهلوي وكل ما هو جيد
أما الجدع في مفهوم السودانين أماكن تربية المواشي الجدع هو الحمل الرضيع ويسمى جدع حتى بعد ما يكبر وقبل أن يبدأ يكسر اسانه ،،،
شكراً يا جدع ،،،،،
| |
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
سلامات يا حلوين
Quote: أما الجدع في مفهوم السودانين أماكن تربية المواشي الجدع هو الحمل الرضيع ويسمى جدع حتى بعد ما يكبر وقبل أن يبدأ يكسر اسانه ،،،
|
ناسو بيقولوها ( جَضَعْ ) بِتَفْخِيم الضَّاد.
القلتو ده ( يا ريس يا سابق ) ، بيكون اسم الدلع .
| |
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
سلامات يا حلوين
Quote: يعني مافي زول فيكم عرف صاحبة الصورة |
أول حرف لاسمها : رشا على عمر عبد المحسن ...بيطرة الزقازيق.
*************************************************************
مُنْتظِر الجائزة .
بس ما تكون كتاب .
| |
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
Quote: برضو اداب و تجاره هاجه واهده !!!! ولا شنو ياريس |
والله كلامك صاح يا موسى تجارة وآداب كانو حته واحده والما مصدقني يسأل زهير الزناتي
Quote: يعني مافي زول فيكم عرف صاحبة الصورة |
الإمتحان ده مكشوف فتحنا الفيس بوك
وعرفنا الإجابة ، لكن بضمن ليك الكوتش ده ما بيمشي بهناك
ذكرني الموضوع ده كان في دكتور في مادة الإدارة والدكتور ده
بيدرس المادة دي من اسيوط وإنت طالع حتى بنها والزقازيق وشبين
والقاهرة والعكس فكان الإمتحان لو بدأ في أسيوط تاني يوم بيكون لافي
جمهورية مصر كلها (بدون إنترنيت) لو كان في إنترنيت كان ينقل على الهواء مباشرةً
| |
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
Quote: جيت 85 و اتخرجت 88 ليه اصلها بقت معهد زراعي طلخا !!!!!
|
والله يا موسى عيسى أنا قلت يا ربى الناس ديل قروا ( تجارة ولاّ نجارة) !!!!! ههههههههههههههههههههههههههههههه وكمان قال الزهايمر بقى يصيب الصغار.. صحى صغيرونببببببببببببن ذى ما قال ميسرة..
| |
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
الريس ماجنه ... صفي النية ... عم شلاقة بوصف في العربية ... أو النعامة هي القلبت الآية ... منو القال انو النعامة بتدفن راسا ... مطلوب تدخل اخونا ابو عمر ....
ادمان حتي .... البطانية ... مهداه لولدنا .... النضيف ...
=================================== مسطول واقف يفكر بعمق ... ياربي انا مواعد ... واحدة الساعة اتنين ... ولا اتنين الساعة واحدة ...
================================== ويا كوتش ... عند الكتابة بسرعة ... عديها ... ماتدقق ...
| |
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صباح الخير ،،، يا وجوه الخير
دعاء اليوم للناس الحلوه
يا فارج الهم ،،، ويا كاشف الغم فرج همي ،،، وأرحم ضعفي وقلة حيلتي وأرزقني من حيث لا أحتسب يا رب العالمين
،،،،،،،،
قال رسول الله صلى الله عليه وسلم من أخبر الناس بهذا الدعاء فرج الله همه،،،
أقبلوا مني هذا الدعاء وأخبروا غيركم
| |
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
Quote:
قريتو لامِن حفظتو...رَسِّل المال والدهب .أصلنا السنة دى ناويين |
الليلة الكوتش وقع وقعة الما بتسمى !!!!!
صحبي جلا طاشي شبكه البوصل لينا الشمار دا منو
عووووووووووووووويك يا شباب محمد صديق ناوي ........؟؟؟
الحق يا اب شنب الكوتش ود الصديق اتشرشح يا رجالة !!!!!!
| |
|
|
|
|
|
|
Re: ناس الزقازيق ... أجدع ناس (6) (Re: موسي عيسي)
|
سلامات يا حلوين
Quote: الليلة الكوتش وقع وقعة الما بتسمى !!!!!
صحبي جلا طاشي شبكه البوصل لينا الشمار دا منو
عووووووووووووووويك يا شباب محمد صديق ناوي ........؟؟؟
الحق يا اب شنب الكوتش ود الصديق اتشرشح يا رجالة !!!!!! |
الفهم قِسَمْ.
| |
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
مسطول زهجان من مرتو ... وكايس الطريقة التخارجو منها
المهميوم جاها خاشى وقال ليها : تصدقى عايز أحكى ليك موقف غريب مريت بيهو ... لكن إنتى ما حتصدقينى ...
وحتقولى لى كضاب ... لكن أنا ما كضاب ... كضاب أبوك لأبو أهلك يا عواليق ... قومى منى إنتى طالق.
| |
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
وطــنى عيونـــك ديل ... وطنى
شاعر .. رســـام وفنان مرهف الاحساس ... وكمان ريس
لا تذكر لياليى الزقازيق الفنية .. الا ويذكر ابو الزهور
.. صــديقى .. زاهر الصــادق ... عيد سعيد وعمر مديد
| |
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
ياكوتش فهم قسم بتاع شنو ...
"قريتو لامِن حفظتو...رَسِّل المال والدهب .أصلنا السنة دى ناويين ...."
كلامك ما واضح ... ونحنا فهمنا زي ولدنا اباالعهود ...
وطوالي حنوصل لبتنا بت قسم الباري .... خالدة ...
آل قسم آل ... والله مايحلك الا عمك قسم الباري ...
أو الألف الطالع في " أصلنا" وقصدك معاك بتنا خالدة ... ناوين الحج ....
ولا تعال ورينا ناوي شنو ... بالمال والدهب ....
انت يا موسي عيسي ... الكوتش ده زمان قاعد تكسرو في الكورة ... ولا بتحرش ليهو ... جلا
==================================== عيد سعيد ... وعمر مديد لولدنا الفنان المرهف ... زاهر الصادق ...
============================== ود عيد مسطولك ده .... ورانا ... فكرة
| |
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
Quote: ياكوتش فهم قسم بتاع شنو ...
|
يا ريس نجيلة بالله خفف من التحرش بالقوات النظامية ...
ما ناقصين بكره تطلع لينا مذكرة جيش
ولا حصار قصر اتحادية ولا موقعة جمل ...
فى ثقافة جديده فى السودان بقت شائعة
يقول ليك فلان ما ظاهر ليهو فترة وين اختفى ؟؟
يردوا عليهو .. الزول ده مشى الدهب .. يعنى جارى ورا لعبة الحكومة
وماشى ينقب عن الدهب ...!!
حتى لما الهلال شطب هيثم مصطفى نزل كاريكاتير فى الصحف
يقول هيثم ماشى وين ... الاجابة .. ماشى الدهب
حكاية تانية :
ايام وجودى فى السودان قبل شهور كانت لدى باقى اعمال تشطيب فى البيت
العمال والفنيين كل يوم واحد يختفى ..
وينو يا اخوانا الزول ده .. يقول ليك باع الموتر ولا العجله بتاعتو واشترى كراكة ومشى الدهب ...!!
وكمان فى التلفزيون فى اعلان عن جهاز اكتشاف للدهب ... دى حااااله بالله ؟؟؟
اها كان نائب مدير ادارة مكافحة المخدرات ماشى الدهب ...
جادو بتاع البلاط ليهو حق ..!
| |
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
صباح الخير ،،، يا وجوه الخير
دعاء الصباح :
اللهم ولا تصرفنا عن بحر جودك خاسرين .. ولا ضالين ولا مضلين .. واغفر لنا إلى يوم الدين .. برحمتك يا أرحم الرحمين ..[/red
=======================
حكمة اليوم :-
أحياناً نتعمد أن نفهم بعض الأمور خطأ،،، لأن صحيحها مؤلم جداً
| |
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
Quote: بطِّلوا شلاقة...
كفاية شلاقة الريّس الجديد . |
قبل ما نخش في الشلاقة ... عندي سوعال .... انت اغتربت في ... اديس ... ولا رجعت ... الخرطوم سوعال جادي ...
جاوب قبل مايجي بكرة ... واكون مافاضي ليك ...
وعشان شلاقتك ... وماتفهم سبب عدم جيتي بكرة ... واكيد الخميس ... ليس هو السبب ...
السبب : بعد بكرة ... ممكن امشي للرشيد في ابوظبي ... اتغدي معاهو ... "عيار 18" .... قالو بعمل ملاح مفروكة "خدرا" ... شرط حتي اسأل طارق ود جبرين .... انت قايل ماساي دي ساهلة ... ما انت شفت ... بلدا " اديس" زاتا ... و اومال ايه ...
=================== سلام ياشباب ...
=================== ولدنا عصام دهب ليهو يومين غايب ... افقدوهو ياناس جدة ...
================== حكمة الرييس ميسرة التانية... عيار 24 قيراط .. ...
تسلمو كلكم .... ومعاكم النضيف ...
| |
|
|
|
|
|
|
Re: ناس الزقازيق ... أجدع ناس (6) (Re: عصام دهب)
|
صبحكم الله بالخير
شكرا ليكم جميعا على سؤالكم عني... خليتوني أشعر اني مهم.... و ده شعور مهم خاصة الأيام دي... و اسألوا محمد عيد يشرح ليكم و يفصل أكتر... و كان عايزين تلفون مساي بنزلوا ليكم هنا كمان... تشرح ليكم و ترسل ليكم رسائل خدراااااء .... ده لو كان عندكم قدرة على احتمال البري بتاعها... الحقيقة أنا مشغول بعدة حاجات... منها الشغل و الكان وراء عدم سفري لقضاء الاجازة في السودان... و زيارة الأخوان خالد موسى و صفوت حسن أمبارح أعادت الي الروح... و بقينا سهرانين حتى قريب الثالثة صباحا... و صحيت بعد أقل من ثلاثة ساعات للصبح و من بعده الشغل.... آآآآآآآآآه من قبيل قاعد اتثآئب في المكتب منتظر نهاية الدوام... طيب وين ليك يومين ما ظاهر؟ ده مش برضو سؤال... كنت مشغول كمان بكتابة موضوع من ثلاثة حلقات بمناسبة ذكرى زواجي من بت شيخي.... تلاته حلقات نزلتهم في الفيس بوك و في مربع كاي... المناسبة رجعتني 18 سنة لي وراء و قعدت أحكي... و الحقيقة لم أكن انوي كتابة كل ما كتبته.. لكن بمجرد كتابة أول سطرين لقيت نفسي و كأن الحكاية حصلت أمبارح... قمت دشيت دش لقى بعض استحسان و كثير مجاملة... لكن أهم ما في الأمر لقيت نفسي في الآخر اتكيفت.. لأني رجعت و عشت تلكم الأيام بكل تفاعلاتها و انفعالاتها... و دي مشكلتي بقت بعد ما وصلت الخمسين... أكون ناوي أجي اقول كلمتين ألقى نفسي كتبت صفحتين... زي حسه كنت ناوي أجي أقول ليكم شكرا يا جماعة على السؤال و بجيكم قريب... أها زي ما انتو شايفين...
ياسر نجيلة ...لو بتقدر تستحمل البري بتاعي و الملاح القرين بتاع مساي.... ممكن تستحمل أي حاجه تاني... يا ريت تعملها ياخي....
| |
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلامات يا حلوين
Quote: قبل ما نخش في الشلاقة ... عندي سوعال .... انت اغتربت في ... اديس ... ولا رجعت ... الخرطوم سوعال جادي ... |
مشيت الدهب .
Quote: واكيد الخميس ... ليس هو السبب ... |
دى بالذات عارفا كويس .
Quote: السبب : بعد بكرة ... ممكن امشي للرشيد في ابوظبي ... اتغدي معاهو ... "عيار 18" .... قالو بعمل ملاح مفروكة "خدرا" ... شرط |
يادوبك سنتى ونص جنب الخشبة .
Quote: .... ومعاكم النضيف ... |
معاك مُعَلِّم .
| |
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
Quote:
ما انت شفت ... بلدا " اديس" زاتا ... و اومال ايه ...
|
اعملو حسابكم الحتة دى بالذات , ممكن تخرب ليكم المقادير ايوا المقادير بتاعت قطراتكم دى مش انتو شغالين قطرة قطرة الليل نعدو اها دى يقطروها ليكم كيفن ؟؟؟!!!!! دى ياها زااااتا الحتات التجى تقطرها , القزازة كلها تنكبا اديس واجرك على الله ياخينا
وعشان انتو جبتوا السيرة السمحة دى , وعشان موسى عيسى ما شغال بى وعشان نستغل فكرة انو الرشيد مافيش دى تستاهلوا انتو الليلة , كلام محم سعد دياب ده
هاتى دنان العشق حتى ارتوى فالوعد ان تزهو الحروف وتكتبا لا تسألى بوحى فانى عاشق وهج الصبابة فى المآقى ما خبا لا تسألينى انت اشعلت الرؤى اشعلت انت العمر حلما طيبا هآنتذى و(النهد) يذهل روعة لا يستريح من الشموخ لكم ابى هذا الذى اذا ما اطل لأزهرت جزر الخزامى والمساء هنا صبا يرتج نبض النبض تختلج الخطا يمتد بحر الوجد افقا مخصبا هذا الذى ما جاء فى حلم الضحى ما طاف ذاكرة الزمان ولا الربى يا مدهش الأيقاع كيف اصدها هذى الحروف اذا احترقن تعجبا سكرت من الوله الطويل وتبتغى ان تستزيد تولها ان تشربا مدى الكؤؤس الظامئات اميرتى فالليل يمنحنا الخيال الأرحبا هآنتذى و(النهد) ضج بقيده يرنو لشرفات الشموس توثبا وقرات فى عينيك همسا رائعا هرب السؤال ورقرقت ريح الصبا فهفوت للمدن البعيدة اسرجت شطآنها لحنا نديا مطربا كل المواسم تلتقى مسحورة والفجر يغدو بالشذى معشوشبا من للجراح وانت قد اوقدتها من للقوافى اذا سهرن ترقبا
*قراتها اليوم فى جريدة الخرطوم , فهيجتنى الذكرى , اذ كنت قد كتبتها منذ زمان مضى , فى كرت بوستال جميل , دفعت به الى ساعى البريد وصلها وما قصر , موجودة حتى اليوم فى ضلفة الدولاب المجاور لدولابى , يستزيد بها من ارسلتها له , حينما يعز على , حلو الكلام
| |
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
سلامات يا حلوين
Quote: اذ كنت قد كتبتها منذ زمان مضى , فى كرت بوستال جميل , دفعت به الى ساعى البريد وصلها وما قصر , موجودة حتى اليوم فى ضلفة الدولاب المجاور لدولابى , يستزيد بها من ارسلتها له , حينما يعز على , حلو الكلام |
شكلك داير تحنِّكا تديك إذن .
| |
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
Quote: موجودة حتى اليوم فى ضلفة الدولاب المجاور لدولابى |
أبو الزفت ... بالله انتو من زمااااااان يامنص .... مولعين بالجاز ... يحرق ابو الجازولين زاتوووو .... طيب ياخي ... مالك وما .... أديس .....
شاعرنا الكبير محمد سعد ديان ... ده بالذااات درسني في مدرسة سنجة العليا 81 و 83 وسمعت شعرو كلو من خشمو لأضاني طوااااالي .... بدون واسطة ... وقصة البت مادلينا ما نسبها من اسمرا جمب ... أديس
================== الله يبرك يا عصام يا دهب ... ما انت ذاتك الدهب الاصلي البفتشو ليهو ... اقعد محلك والناس بتجيك ... مالك ومال الدهب التقليد .... خليهو لناس الكوتش ...
عليك الله جيب لي النضيف من ... اضانو
============ الرشيد وين ؟؟؟؟!!!! وناس ايرلندا وكندا وين ؟؟؟!!!
=================
| |
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
بسم الله ... وما شاء الله عينا باردة ...
البوست قررررررررررررررب يرجع زي زماااااان تكون بتكتب في المداخلة ... تلقي عشرة مداخلات جات مع مداخلتك ... وتبقي مداخلتك ... مامواكبة الاحداث ...
عموما ... سؤالي عن الرشيد في المداخلة اعلاه .... مسحوب ...
وبدلا عنه ... وين بتنا احسان عبد العزيز ... ماقالو عيد ميلادا الليلة ....
ود عيد ... انقل الاحتفال هنا ... لو تكرمت ومشكووووور مقدما ....
ملحوظة مهمة: كل ماتكتب مداخلة ... ارجع اقرأ البوست من اول الصفحة ... اكيد حتلقي عشرة مداخلات جديدة ... انحشرت في النص ....
================== زهير الزناتي ده ... اصلي ما ح اسأل منو ... خليهو محشور في نفاجو ....
| |
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
بسم الله ... وما شاء الله عينا باردة ...
البوست قررررررررررررررب يرجع زي زماااااان تكون بتكتب في المداخلة ... تلقي عشرة مداخلات جات مع مداخلتك ... وتبقي مداخلتك ... مامواكبة الاحداث ...
عموما ... سؤالي عن الرشيد في المداخلة اعلاه .... مسحوب ...
وبدلا عنه ... وين بتنا احسان عبد العزيز ... ماقالو عيد ميلادا الليلة ....
ود عيد ... انقل الاحتفال هنا ... لو تكرمت ومشكووووور مقدما ....
ملحوظة مهمة: كل ماتكتب مداخلة ... ارجع اقرأ البوست من اول الصفحة ... اكيد حتلقي عشرة مداخلات جديدة ... انحشرت في النص ....
================== زهير الزناتي ده ... اصلي ما ح اسأل منو ... خليهو محشور في نفاجو ....
| |
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
ما قلتو بوبه
يا نجيلة الكوتش دا جسموا ما بتحمل البتحملو
صحبي اب شنب قال احسن ننزل بيضنبوا !!!
عموما يا كوتش حتى الان نحن ما وقع لينا نيتك دي !!
أحسن ليك الافصاح اكثر قبل ما يجي الشاب جلا
وقتها الجوديات بتكتر!!!
تخريمة يا ود العيد ::
الخبر الوصلني اليوم انو جلا مشى الضهب (الدهب).
| |
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
Quote: لْلّهمّ علِّمنا ما ينفعنا
وانفعنا بما علّمتنا.
|
يا جنابو قال ليك كل شيء يرخص إذا كثر إلا العلم ، فإنه إذا كثر علا والله مجاراة القطرة بتعلم البخل يا منصور ، والحكاية دي باينة فيك
-----------------------------------------------------------
الأخت / إحسان عبد العزيز عيد ميلاد سعيد وكل سنة وأنت يألف خير
| |
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
هدية خاصة للريس المحتجب يوم الخميس
( هو زاتو منو الاداك اجازة الحميس ؟؟ )
مسطول مشى لخطيبتو زياره يوم الجمعه قابلتو وبزهج سألتو:
الحكايه شنو !! سنتين وانت بتجينا كل جمعه
حا نتزوج متين ؟؟
رد عليها : نتزوج ؟؟ !!
وتاني انا يوم الجمعه امشي وين؟؟؟
| |
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
صباح الخير ،،، يا وجوه الخير
أصبحنا وأصبح الملك لله وحده،،،
دعاء بداية الإسبوع :
لا إله إلا الله ،،، سبحانك إني كنت من الظالمين،،،
اللهم اجعلنا ممن يورثون الجنان ويبشرون بروح وريحان ،،،،،،،
=======================
تحيه خاصة للكوتش لتغطية ورديه الخميس الصباحيه
| |
|
|
|
|
|
|
| |