|
|
 Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
على الرغم من إنشغالها بعمليات الجرد السنوي
ولكن والله مستمتع بقوة وبسرح بخيالي في حياة
ناس الشمالية في منطقة ناس طارق جبرين
وبصراحة أعيش معها بكل وجداني وأتخيل
بأني في وسطهم ولأنه لم تتسنى لنا فرصة هذه
الحياة البسيطة الطبيعية ، حالياً أنا أعيش
هذا المخاط وهذا الإرث وهذا التراث ،،،
أحكي لينا وخلينا نعيش أن نكون نحن أبطال
هذا التاريخ ،،،
أحكي يا أخي ،،،
هذه ليست كتابة ولا سرد قصصي
هذا تاريخ وإرث نضر وجميل
ويجب أن يدون ،،،
ود جبرين الله يديك العافيه
| |
 
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
الصورة
عليك الله جيبا هنا تانى
مشتاق لى حبوبتك دى جنس شوق
صدقنى اتمنيت اشوفا
بتشبه لى ناس كتيرين
جبتا صورتا كده , قامت الصفحة انقلبت
جيبا هنا بسرعة تانى
بسرعة
بسرعة قلتا ليك
* صورة نفيسى بت البغادين , ومال صورتك انتا يعنى
الطيب دا ما عنده صورة ؟؟؟؟
| |
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
Quote: حبوبتي نفيسي بت البغاديد
غالي والطلب رخيص يا منص
وبجبيب ليك عمي هسي بس شيل الصبر |
فسرت لينا كلمات من منطقتكم كتيره
إلا بت ا لبغاديد دي ما فهمناها
يعني أبوها ده جاي من بغداد
وإسمه منو؟؟؟؟؟؟
بغاديد !!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
الريس ميسرة يا حبيب
والله ما عارف الاسم جاء من وين
بس الشئ الاكيد انهم من شبا
لانه عندنا في شبا لو ما عندك أرض «طين» انت زول دخيل
وشبا مقسمة لعدة سواقي وكل عائلة عندها ساقية
ساقية القرونة (ديل ناس ابوي)
ساقية السواعير (د. احمد الساعوري)
ساقية الكرسناب (د. ابراهيم كرسني)
ساقية البغاديد (ديل ناس حبوبتي أم ابوي)
ساقية الكنيشاب (آل كنيش)
وهكذا
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صبحكم الله بالخير
شكرا يا جبريلا على الحكي الجميل...
خليتنا نشم ريحة الطين و نسمع أنين السواقي...
رجعتنا لي زمن جميل زمن الحبوبات و العمات و الخالات...
زمن حنين و آمن و أمين و طاعم....
زمن التكل و التبروقة و المفحضة....
شكرا يا جبريلا...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صبحكم الله بالخير
الى صديقي الكوتش الجميل..
الذي لم يبلغ منتصف العمر بعد...
و لكم جميعا...
لا أجد أي سبب موضوعي لشعوري بالضيق هذا الصباح...
فالجو رائع و يشبه الى حد كبير يوم من أيام الخريف بالسودان....
و لكن بدون أمطار فآخر مرة هطلت الأمطار هنا كان قبل سنتين أو ثلاثة...
لا شيء غير حجة مهند و رغبته في ارتداء الجاكيت الأزرق و ليس الأسود....
غير ذلك لا شيء على الاطلاق و لكني أشعر بالضيق...
ربما لأنني ساهرت الى وقت متأخر و أنا أتابع مباراة تيشلسي و يوفينتوس....
كبرت و تبسملت و تحوقلت و حمدت الله كثيرا قبل الخروج من بيتي....
لبست من الملابس ما أجد نفسي مرتاحا نفسيا فيها...
رددت دعاء الركوب عدة مرات قبل أن أضع حزام الأمان و أنطلق بسيارتي....
و أستمعت الى اذاعتي المحببة البي بي سي....
صوت سونيا طربيي صوت دافيء مريح و هي تنتقل من خبر الى آخر....
و خبر عن دراسة تثبت بأن القرود تعاني من أزمة منتصف العمر كما في البشر...
حيث تتراجع معدلات السعادة و الحيوية التي تشعر بها....
رغم ان القرود لا تواجه سخافات العمل و أقساط المدارس و المشاكل الزوجية....
و قد قام بعض العلماء بعمل دراسة لعدد 500 شمبانزي في حدائق حيوان مختلفة...
فوجدوا أن سعادة القرود نفسه الذي تتبعة سعادة البشر...
و ضحكت عندما قالت بأن الأعراض عندنا نحن البشر مثل التي تلك عند أقربائنا القرود....
و منتصف العمر هذا هي الفترة التي تبدأ عند الثلاثين و تكون في أوجها عند بلوغ الخمسين....
و تبدأ بظهور تداعيات نفسية نتيجة لنوع الحياة و الأحداث التي يعيشها الانسان....
و رغم ان البحث ممتع في حد ذاته الا انني اختلفت معه في تحديد الفترة....
فمنتصف العمر هذا لا بد و أن يكون قد تغير بتغير متوسط أعمار الناس....
فان كانت الخمسين منتصف العمر زمان فهي تحتمل أمران الآن....
أن تكون بداية العمر بحكم أن معظم الناس و خاصة في بلادي لا يدخلون في تجارب حقيقية الا عند الأربعين.....
أو تكون نهاية العمر بحكم أن متوسط أعمار الناس و أيضا في بلادي أصبح أقل من السابق...
لكن الأزمات زادت و تنوعت و اختلفت في شكلها و تأثيرها....
و تتمثل أعراض أزمة منتصف العمر في عدم الرضا عن الحياة و عن كل شيء حولك...
و يمحور الشخص اهتمامه حول نفسه فقط في شكله و مظهره و طريقة حياته....
و يرتد الى ممارسات تشبه فترة مراهقته من طيش و عدم مسئولية...
و هذه من الأمور التي يتساوى فيها الجنسان مثلهم مثل أقربائهم القرود....
تساءلت في نفسي هل ما أشعر به من ضيق هذا الصباح له علاقة بأزمة منتصف العمر...
أم أنه مجرد ضيق عابر و له سبب آخر غير ذلك....
فأنا لا أتوقف كثيرا عند مظهري و لآ اتمحور حول نفسي...
و الدليل على ذلك انني لم أقم بتصفيف شعري هذا الصباح بل لبست و خرجت دون أنأهتم لذلك....
ضحكت لكوني نصبت نفسي قاضي اتهام و دفاع..أكيل لنفسي التهم ثم أدافع عنها....
يبدو أنني أدخل في أزمة أخرى غير التي تعرف بأزمة منتصف العمر...
فان كان العمر قد بلغ منتصفه فان القلب ما يزال شابا.....
اللهم إني أسألك الهدى والتقى والعفاف والغنى
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صبحك الله بالخير والسرور أخي الرشيد
يعني حكاية المسطول الماري بصاحب الأرنب العارض أرنبو للبيع
وقال القرد بكم رد عليهو صاحب الأرنب : دة قرد ولا أرنب
المسطول قال ليهو انا بتكلم مع الأرنب . تشبيه في محلو
بعدين خذ خبر الأبحاث الأمريكية هذا
أكدت هذه الأبحاث أن تناول جزرتين يوميا: يساعد على مكافحة الكوليسترول
وتخفيض كميته بنسبة 20% من جسم الإنسان حيث ثبت أنه يوجد في الجزر مادة
إسمها ( بكتات الكالسيوم) تساعد على مكافحة الوليسترول
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
ازيكم ... ومشتاغوووون .... هذا على سبيل القطارة
ويا سلام على السياحة الراقية يا طارق يديك العافية
انا غايتو عادت بي الايام الى سنوات خلت دائما احلم بها ... فانا ابن تلك البيئة ... ولدت وترعرت فيها
الى ان بلغت من العمر 10 او اكثر "وتمدنت" بعدها الا انى افتقدها الى الآن .. عادت بي الايام الي تلك الربوع
وغايتو اظن "حناكيش" الحوش يصادفون عنتا في متابعتك لذلك المابعرف معنى كلمة يكلمنى ... رغم ان جبريلا ماقصر في ايراد بعض الترجمات
حبوبة نفيسييي ... ابلغ ما قال عنها منصور "شبه ناس كتار" والله يا طارق اول ماشفت الصورة حسيت بي حنين كدة وطمأنية لاتفسر
المحنة كلها الله بيعلم.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
سلامات يا ناس
Quote: الى صديقي الكوتش الجميل..
الذي لم يبلغ منتصف العمر بعد...
و لكم جميعا...
|
يا حبيب :سلام وشوق
والله حاجات نص العمر دى القاعدة تجينا كان قلناها ليك إلا تقوم جارى
والله تعصلج تقول إلا ألبس الجاكت الأزرق.
Quote: بعدين خذ خبر الأبحاث الأمريكية هذا
أكدت هذه الأبحاث أن تناول جزرتين يوميا: يساعد على مكافحة الكوليسترول
وتخفيض كميته بنسبة 20% من جسم الإنسان حيث ثبت أنه يوجد في الجزر مادة
إسمها ( بكتات الكالسيوم) تساعد على مكافحة الوليسترول |
سلام يا أبو عمر
يعنى قطرة صباح وقطرة مسا؟
Quote: يا طرووق بت بغداد باين عليها كانت مسيــكينة
انت ساكت شايل حلا ...
يا رشا والله بعد ده الا تركب مع الطيب ود قرنين عشان
تنسى الهموم و تنبسط |
ميييين ؟؟ حسن مساخة؟؟؟
Quote: ازيكم ... ومشتاغوووون .... هذا على سبيل القطارة
ويا سلام على السياحة الراقية يا طارق يديك العافية
انا غايتو عادت بي الايام الى سنوات خلت دائما احلم بها ... فانا ابن تلك البيئة ... ولدت وترعرت فيها
الى ان بلغت من العمر 10 او اكثر "وتمدنت" بعدها الا انى افتقدها الى الآن .. عادت بي الايام الي تلك الربوع
وغايتو اظن "حناكيش" الحوش يصادفون عنتا في متابعتك لذلك المابعرف معنى كلمة يكلمنى ... رغم ان جبريلا ماقصر في ايراد بعض الترجمات
حبوبة نفيسييي ... ابلغ ما قال عنها منصور "شبه ناس كتار" والله يا طارق اول ماشفت الصورة حسيت بي حنين كدة وطمأنية لاتفسر
المحنة كلها الله بيعلم. |
ومازال الرجل (مهجوماً)...
إزيّك يا جُلّة.
Quote: صباح الخير يا حلوين
والله يا شباب نفيسي دي انا حضرت معاها جنس حكاوي
غايتو بس اعملوا ساتر من الحصحاص |
والله من يومك ملعون ...
أها بدأ يدردق فيكم ..
أنا حذّرتكم...
( الحصحاص كال حماد).
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
كانت حبوبتي تعتني بنا كثيرا منذ أن نصل إلى شبا...
كانت تحنو علينا ربما بصورة مبالغ فيها.. كأننا لن نعود مرة أخرى..
حتى أنني كنت أخشى لحظة فراقها وأنا أغادر شبا..
كنت أتجنب تلك اللحظة ما حييت.. لكن لا مفر... لا مفر مطلقا..
فالدموع والنحيب ذلك اليوم كانا يغرقان شبا في الأحزان..
****
بعد أن نستمتع بـ«اللبيني المقننة» و«القرقوش» من «تُكُل» خالتي نورا
نكون على استعداد تام لانتظار تعليماتها بالخروج من البيت وبداية «المتعة»
في أن «نندلى لاااااااااتحت».. هناك حيث ندمائها: عوض السيد كنيش،
احمد ود جبارة، احمد نعمان، غفور، جادين ود صافيات وصافيات..
فما أن تتوكأ عصاها وتنادي: يا طارق.. يا المبروك.. اندلاااكم لااااتحت..
ألا ونكون جاهزين لمتعة الصباح اليومية هذه..
كنا نمر أمام بيت «بت الشام» فتدفع حبوبتي باب بيتها لتسلم عليها:
- بت الشام كيفن أصبحتي.. طيبي..
- أهلا يا نفيسي.. أدخلي.. وحلاتو دة ود جبرين
- أيي دة طارق ولدي
- الرسول فيك تدخلي خليهو يشربلو شاي معاي
- دابن شربوهوا ودعناك الله مندلين لااااتحت عند «نيمة ود جبارة»
- الرسول فيكي أن ما دخلتو
- الرسول اليغمتك آآآبدخل لا تخصميني
- هههههههه طيب خلي ود جبرين اليدخل
- ود جبرين آآآآبيختاني.. يقوم واحد من البُطان ولاد الهرمة ديل يضربوا بي شي
- هو في شافعا بيقدر يهبشلو وليد هول بت بغداد ههههههه
- كدي اليهبشو زول إن ما بقيت طهرتو من أول جديد
- هههههههههه الله يعدل ختوتك لامن تجيبي لينا يوم
- سمح ودعتك الله..
- في مان الله
كنا نزور كل البيوت التي في طريقنا إلى نيمة ود جبارة ونسلم على أصحابها..
كانت هذه طريقة حبوبتي في تفقد القرية وأهلها..
ما بين بيت بت الشام وفاطمة بت الخضر ود كنيش وعبد الرحيم محمد عمر
ومكاوي محمد أحمد وحواء بت الخضر ود كنيش وفتح ود بلولة وعوض السيد كنيش..
ما بين كل تلك البيوت كنا نقضي أكثر من ساعتين قبل أن نصل إلى «نيمة ود جبارة»..
لكن بيت عمتي فاطمة بت الخضر كان يستحوذ على معظم الوقت..
ما أن تراني إلا وتحضنني وتبكي:
حلات طرووووق ود جبريرين حلات ود أخوي الزين..
كانت امرأة مليئة بـ«حنية» أهلنا ودموعها تسبق كلماتها..
***
حين نصل الشارع الذي يفصل بيوت القرية عن غابات النخيل نكون قد
أدينا التحية لكل أهل القرية..
ما أن نظهر أمام نيمة ود جبارة حتى يصيح ندمائها:
المرة القاهري... بت البغاديد..
ثم ترد هي عليهم:
هو في زولا قاهر متلكم إنتو.. الله لا كسبكم..
ثم تُخرج «ريال» من «محفضتها» وتلتفت إلي:
يا طارق أمشي دكان «العوضابي» جيبلي سيجارة وأملالي حقتي دي صعوط
قول لـ«النقر» يسويلك الصعوط السمح ما يغشك أنا عارفاهو ود الهرمة دة..
واشتريلك حلاوة انت والمبروك..
نتركها كي تتوسط أصحابها ونسرع لنحضر لها ما تريد..
غالبا ما كنا نجدهم عند عودتنا يضحكون حتى تدمع عيونهم من حديثها..
في أحد المرات وجدناها مسرعة إلى بيت جدي أحمد ود بغداد..
وهناك أصوات بكاء وصراخ هنا وهناك..
حين وصلنا وجدنا جدي يتلوى من الألم ويحيط به رجال القرية..
لم تُعر اهتماما لأحد وسألته: يِحمد أخوي الصايدك شنو
كانت ترجف وتتصبب عرقا..
- ردت عليها زوجته: كان قاعد يصلي ولدغته عقرب
- إن شاء الله يصلوا عليك..
إنت جنسنا دة وين قاعد يصلي.. الله لا كسبك ان كان داير تكتلني..
ههههههههههههههههههههه
ضحك المسكين وهو يتألم وضحكت القرية كلها لحديثها..
هكذا كانت «بت بغداد» لها في كل يوم طرفة حتى أصبحت ذات صيت هنا..
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
الثعلب او إبن آوى ولطرافة قصصه نطلق عليه إسم (برنو أبو حليمة)
إذا إشتدّ به الجوع يستلقي على ظهره ويحتبس نفسه داخل بدنه ، حتى ينتفخ
فيظن الطير أنه ميت ، فيقع عليه ، فيثب برنو أبوحليمة على الطير ويأكله.
÷÷÷÷÷÷÷÷÷÷÷÷÷÷÷÷÷÷
إبن آوى له حكمة يعلمها لابنائه وهي ( إذا وجدت أثر أبو رجيلتين أجري من غير
ما تلتفت مبتعدا عن ذلك المكان )
وأيضا من عاداته إذا وصل أي مكان لازم يستكشفه تماما حتى يطمئن ثم يستقر فيه
حس أمني يا جنابو
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد عيد)
|
صبحكم الله بالخير
سعيد بعودة البوست الى حالته الطبيعية...
و كذلك عودة الكوتش الى حالته الطبيعية....
و عودة جلال و محمد عيد الى رحاب البوست....
و صمود أحمد اسماعيل و استمرارة على حالته الطبيعية...
Quote: يا رشا والله بعد ده الا تركب مع الطيب ود قرنين عشان
تنسى الهموم و تنبسط
|
ما يحتاج يا ديدو....
القصة ما هموم و لا حاجه....
مجرد أزمة منتصف العمر...
Quote: والله حاجات نص العمر دى القاعدة تجينا كان قلناها ليك إلا تقوم جارى
والله تعصلج تقول إلا ألبس الجاكت الأزرق
|
كدي جربني..شوفني حأقوم جاري و لا لا....
أنا اتعديت مرحلة العصلجة لمرحلة اللياقة...
Quote: يا طارق أمشي دكان «العوضابي» جيبلي سيجارة وأملالي حقتي دي صعوط
قول لـ«النقر» يسويلك الصعوط السمح ما يغشك أنا عارفاهو ود الهرمة دة..
واشتريلك حلاوة انت والمبروك
|
المفروض انك تكون حسه حقتك علبة نيفيا كبيييرة....
أي زول كان بيرسلوهو للصعوط مصيرو يسف في الآخر...
Quote: وأيضا من عاداته إذا وصل أي مكان لازم يستكشفه تماما حتى يطمئن ثم يستقر فيه
حس أمني يا جنابو
|
شكرا يا أبو عمر على المعلومات....
بمناسبة الحس الأمني ده...
تقريبا كل الحيوانات تملك الحس الأمني...
و تطور حسها الأمني مع زيادة المهددات...
خاصة من بني البشر...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد عيد)
|
صباح الخير ،،، يا وجوه الخير
أصبحنا وأصبح الملك لله وحده
نتمنى لكم صياماً طيباً مبارك
يوم عاشورا حين نجى الله سيدنا موسى عليه السلام
-------------------------------------------
الجميل السادة جمال فارح كل سنة وأنت بألف خير
وعافيه وعقبال مائة شمعة تضئ حياتك وتنور بيتك
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صورة نفيسى بت البغاديد , اسعدتنى
ننتظر المزيد من الصور
بالحروف , وبالكاميرا
يا طروقى
داير اقول ليك كلام , حاسى انو حاتم جبارة عاوز يقولوا ليك
بس هو ما فيش
يا ربى باسويرده مالو ؟؟
هو جمال فارح ده منو ؟؟؟
* جلال عدييييل كده
* قضيت لى 23 ساعة فى بلدنا سورى فى الشمالية العيد الفات ده
شفتا فيها بت البغاديد , جنس شوف !!!
*ازمة منتصف العمر براااااااااااااااااااااااااااااااااااااااااااك
ما قلت ليك
----- طريق
قاسى وصعيب
من اولو
ما رضيت كلامنا
وجيت براك
ارضى العذاب اتحملو
* الرملة دى ما زهجتنا ووجعت رجلينا
حصحاصكم ده وينو ؟؟؟؟!!!
عشان التنوع وكده , وعشان الرملة دايرا ليها شوية اسمنت وصمغ
للبياض
هاكم دى
Follow instructions and wait a few days ! !
This year, December has 5 Saturdays, 5 Sundays and 5 Mondays.
This only happens once every 824 years.
The Chinese call it the Money Bag.
Send this to all your friends and enemies as well.
According to the legend, you will receive money in 4 days.
According to Feng Shui, if you do not send it you will stay poor.
I in particular will not let this opportunity pass by.
So I send it to you with my best wishes. (Just in case it is true !!!!!!!)
دى رسلها لى الزقازيقى العتيق والصديق اسامة صديق مدثر , رحم الله والده صاحب ضنين الوعد التى صبغها الشادى كمال بصبغة زقازيقية حانية
اها , رايكم شنو
علما بأن حساباتكم البنكية , تحت المراقبة اللصيقة لمدة اربعة ايام جايات
الما بدينى حقى , ان شاء الله ما ينفعوا
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
سلامات يا ناس
Quote: فــرح الغلابــه والمـا غلابـــه
نغمة حنان .... ولمســة جمال
مرسومة فى حيطان زقازيقنا وكتابا
يا جمال يا فارح .. عيدك سعيد ياخ
|
مبروك وكل عام وهو بخير...
بس زولكم ده ما حيشوف التهانى دى لأنو (غاتس)
فى حفرة زى حقة صدام ديك..(خوفاً من الثوار).
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
الرشيد شكرا على الصمود والتصدي هذا من دأبكم
الأخ فارح كل عام وأنت بألف خير
يقال أنّ عدد البلدان شمال خط الإستواء ثلاثة ونصف أضعاف
البلدان جنوب خط الإستواء
مساحة الصحاري تمثل 36% من مساحة اليابسة
بناء قناة السويس إستغرق 10 سنوات (1859 - 1869)
البحر الميت ينخفض عن سطح البحر420 م ، هو بحيرة
طولها (45) ميلا وعرضها10 أميال ، وعمقها (1300) م
تحت سطح لبحر ، أقل منطقة إنخفاض على سطح الأرض
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
عاوز حقك ؟؟؟
تزوج ووضع فى احلامه امرأه بيضاء تسر الناظرين.. ولكن عندما تزوج وكشف عن وجهها فهو لم يراها من قبل ووجدها سوداء وليست جميلة فهجرها فى ليلة الزفاف.. واستمر الهجران بعد ذلك فلما استشعرت زوجته ذلك..
ذهبت اليه وقالت يا مالك "لعل الخير يكمن فى الشر"..
فدخل بها واتم زواجه ولكن استمر فى قلبه ذلك الشعور بعدم رضاه عن شكلها فهجرها مرة ثانيه..ولكن هذه المرة هجرها عشرين عاما ولم يدرى ان امراته حملت منه..
وبعد عشرين عاما رجع الى المدينه حيث يوجد بيته.. وارد ان يصلى فدخل المسجد فسمع امام يلقى درس.. فجلس فسمع فأعجب وانبهر به.. فسأل عن اسمه فقالوا هو الامام انس فقال ابن من هو؟
فقالوا ابن رجل هجر المدينة من عشرين عاما اسمه مالك.. فذهب اليه .. وقال له سوف اذهب معك الى منزلك.. ولكنى سأقف امام الباب.. وقل لإمك رجل امام البيت يقول لك.. "لعل الخير يكمن فى الشر"
فلما ذهب وقال لإمه..
قالت اسرع وافتح الباب انه والدك اتى بعد غياب!
لم تقل له انه هجرنا وذهب
لم تذكر اباه طول غيابه بالسوء
فكان اللقاء حاراً
وكان ابنه هو أنس بن مالك رضي الله عنه.. خادم رسولنا الكريم صلى الله ؏ــليه واله وسلم.. وراوي احاديث الرسول الصحيحة.. وكان يفخر بذلك
شكرا لك يا أم أنس على الدرس الجميل: لعل الخير يكمن في الشر
* طيب هاك
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
شكرا لك يا أم أنس على الدرس الجميل: لعل الخير يكمن في الشر
=====================================================
سبحان الله العظيم كيف تكون النسوه في ذلك الزمن
وما الذي بدل الناس وغير الإطباع ،،،
هذه القصة عظيمة وبليغة ودرس لخلق الله أجمعين
لعل الخير يكمن في الشر (تعبير لا يقل روعة عن القصة نفسها)
===================================================
بالإنابة عن ياسر نجيلة:
مسطول قاعد في بيت واحد صاحبو بعد انتهي
موضوعهم المسطول طالع ماشي على بيتهم
المطره صبت صاحبوا قال ليه خلاص بيت معاي
الليله...
المسطول وافق صاحبوا دخل المطبخ
يظبط العشاء لمن طلع من المطبخ لقى المسطول هدوموا كلها
مبللة مويه ومليان طين قال ليه خير الحصل شنو
المسطول قال ليه ماف حاجه بس مشيت
جبتي فرشة اسناني
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote: المسطول قال ليه ماف حاجه بس مشيت
جبتي فرشة اسناني |
   
=========================================
| Quote: لعل الخير يكمن في الشر |
هسع نكتة الريس ميسرة دي ...
مابنطبق عليها مثل منص ده ...
... 
============================
ياجماعو ناس اديس رجعو السودان ولا لسة ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح النور وصباح الخير
تهدينا الحياة اناسا كاللؤلؤ ببياضه ونقاوته
فيارب أحفظهم لي حيث مارحلوا وحلوا وكانوا
جسم الإنسان يبدأ بالإنكماش بدلا من النمو ، عند بلوغ سن الأربعين
ضوء الشمس لا يتخلل مياهـ البحر أكثر من 400م
الدموع تحتوي على مواد كيميائي مسكنة للألم ، يفرزها المخ عندما يبكي الإنسان
القدماء كانوا يعتقدون أن هناك عصبا صغيرا يصل بين الإصبع المسماة بالبنصر
في اليد اليسرى ، وبين القلب ، وهذا العصب مسئول عن الحالة الشعورية ، لذلك
كان وما زال خاتم الزواج يوضع في هذا الإصبع
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
Quote:
تزوج ووضع فى احلامه امرأه بيضاء تسر الناظرين.. ولكن عندما تزوج وكشف عن وجهها فهو لم يراها من قبل ووجدها سوداء وليست جميلة فهجرها فى ليلة الزفاف.. واستمر الهجران بعد ذلك فلما استشعرت زوجته ذلك..
ذهبت اليه وقالت يا مالك "لعل الخير يكمن فى الشر".. |
يعني نحن السود كريهين وشرانيين إلى هذه الدرجة
لذلك المفوض تكون قالت (لعل الخير يكمن في السواد ) كدة ممكن تتبلع
يقال لون الحداد في الصين هو اللون الأبيض ، فإياك ان تقول لصديقك الصيني
( نهارك أبيض )
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
Quote: يقال لون الحداد في الصين هو اللون الأبيض ، فإياك ان تقول لصديقك الصيني
( نهارك أبيض ) |
هاهاهاهاهاههههه حلوه .... حكمة في الصميم يا ابو عمير ....
=====================================
| Quote: جسم الإنسان يبدأ بالإنكماش بدلا من النمو ، عند بلوغ سن الأربعين |
غايتو في دي يا ابو عمر .... نهي ... نهي... مابوافقك الرأي ...
كدي اسأل الرشيد بابكر .... يمكن ينطبق عليهو ... (الإجابة تكون مدعومة بالصور) ...
====================================
ابو الطيب ..
خلصتو الشكولاتة .... قبلتو على العسل ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
دعاء اليوم مهداه لكل الناس
وخاصة من كان ذو حاجة،،،
اللهم لا ترد مسألتي ولا تدعني بحسرتي
ولا تكلني إلى حولي وقوتي ,
فقد ضاق صدري وتاه فكري وتحيرت في أمري
وأنت العالم سبحانك بسري وجهري والمالك لنفعي
وضري والقادر على تفريج كربي وتيسير عسري
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
سلامات يا ابا عمار طيب لحين حضور الرشيد ورأيه في إنكماش البوست أو الجسم
رأيك شنو في !!!
1- عمى الألوان يصيب (5.7 %) من الرجال بينما يصيب 1 من الألف من النساء
2- العيون الزرقاء هي الأكثر حساسية ضد الضوء ، أما العيون السوداء أقل تأثرا بالضوء
3- اللسان يختلف من شخص لآخر مثل بصمات الأصابع
4- الأذنين بجانب وظيفة السمع لها وظيفة أخرى ، وهي حفظ توازن جسم الإنسان
ــــــــــــــــــــــــــــــــــــــــــــــــــــــــ
قبل إكتشاف التخدير الكلي بالعقاقير ، كان الجراحون يضطرون إلى ضرب المريض
بأداة صلبة على مؤخرة رأسه ، كي يفقد الوعي إلى أن ينتهوا من إجراء العملية الجراحية
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
Quote:
بو الطيب ..
خلصتو الشكولاتة .... قبلتو على العسل ...
|
بمناسبة العسل يقال أن تسمية (شهر العسل) إنطلقت من رومانيا
حيث كانت العادة بأن يشرب العروسان العسل ممزوجا بالماء عند الزواج
ولمدة شهر كامل ، ثم إمتدت هذه العادة إلى أنحاء العالم
وهكذا صار يطلق على أول شهر من عمر الزواج ( شهر العسل)
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
عند نيمة ود جبارة يمكنك أن تجد جميع أخبار القرية..
هنا يلتقي جميع من في القرية إما نزولا «لاااااتحت» أو طلوعا «لااافوووق»..
من أراد ابتسامة عابرة أو معلومة عن أسعار «التمر» أو القمح أو حتى
الزواج يمكن أن يجد ضالته هناك..
هؤلاء «الشيوخ» يتودد الجميع إلى مجلسهم هذا.. وهم على أية حال لا يكترثون
كثيرا لأمر من يأتون أو يذهبون.. بقدر ما يعنيهم غياب أحدهم عن «النيمة»..
ما أن يغيب أحدهم إلا ويرسلون في طلبه متمنين أن لا يكون مريضا أو
لدغته عقرب أو ثعبان أو أصابه مكروه ما..
- عوض السيد: دحين آآآنفيسي قالولي البارح كنتي مكاتلي غفير الجدول..
هكذا دائما ما يستفزها عوض السيد لكي تبدأ حكاويها التي لا تنتهي..
- نفيسي: أييي (الـ...طـي) ود (الـ...طـي) كيفن آآآبكاتلو..
- ود جبارة: ههههههه سوالك شنو الخرابة دة
- نفيسي: اندليت لااااتحت وماسكي طارق ود جبرين ولدي من يدو
قلتلو النمشي نشوف عمك الطيب سقى برسيمو ولا لليلي..
- صافيات: نان انت الطيب براهو آآبيعرف يسقي برسيمو لامن تمشي تكاتلي الخرابة دة..
- نفيسي: الطيب مسيكين وغشيم آآآبيقدر علي (الـ...طـي) دة
- غفور: ههههههههههههههه نان آآآخالتي انت أكنك دايري تسوي شنو..
- نفيسي: كيفنك آآآبسوي شي
- عوض السيد: اها شن سويتي يا القاهري ههههههه
- نفيسي: مشيت يا ود كنيش لقيتلك الطيب قاعد ممحن جنب «الكُلماي*» وقلتلو:
الطيب مالك قاعد مقهي كدي علي الماكلو أمانة... مالك ما سقيت برسيمك
- قالي: يمة حماني الخرابة أليل الجدول قالي لليلي دورك ما جاء
- نفيسي: كيفن ما جاء دورك وبرسيمك ضَبلَن والويكي قربت تصُوفن
- الطيب: جاء لقاني أعافر في «اللبقة» ونهرني وقالي لليلي لامن أقولك..
- نفيسي: وإنت سكتلو الراجل «الدِلِق» دة..
- الطيب: نان أسويلي شنو يمة أكاتلو فشان تاني ما يخليني أسقي..
- ود جبارة: واااااضيقو عاد ههههههههههه
- نفيسي: وحاتك يا ود جبارة قلت لي طارق أدني الطوريي دي
وقلت كدي كففففففففففف فتحت «اللبقة» وقلتلو أسقي يا الطيب وإن جاء خلني
أنا بنضم معاهو الله لا كسبو..
- صافيات: هههههههه ماكي مرة شي
- أها يا الحبيبن انا ماسكي «الكُشر» وقاعدي جمب ولد ولدي يلعب في الجدول
وعمه يسقي في حيضانه إن كان جاء الخرابة دة..
- ود جبارة: شن سويتي
- نفيسي: جاء يكورك للطيب... قلتلو الطيب خلو مالك تمَرِق في حُسوسَك ديل
- غفير الجدول: أنا ما قلتلو ما يسقي كيفن يفتح الموية
- أنا الفتحتها عندك كلام
- غفير الجدول: كيفن تفتحيها يا بت بغداد بلا إذني
- نفيسي: تراني فتحتها شن داير تسوي
- غفير الجدول: بسدها وتاني آآبيسقي
- نفيسي: وحات نضري تكتر تقلل علي أس###### أقولهم غفير الجن دة يجرجر في توبي..
- غفير الجدول:نفيسي باقيلي جنيتي..
- نفيسي: جملة الإيمان ما تسحف من فوقي علي (أ.....ـك) أمك بالكُشر دة..
- ود جبارة: هههههههههههههههههههههه ماكي نصيحي شي اها
- نفيسي: وحاتك يا ود جبارة ختة جلابيتو في خشمو وقام جري
- غفور: آآآآبيقدر عليك آآآخالتي هههههههههههههههه
- نفيسي: ود (الـ......فة) قايلني دايري أخاف من
- عوض السيد: ههههههههههههههههه آآآبيجي يجي تاني بي هني
ضحكوا كعادتهم.. عوض السيد يضع يديه على وجهه ويضحك
ود جبارة مسك «طاقيته» وهو يعض عليها ويضحك.. وصابرات تبكي وتضحك
وتضع يدها على مستوى «محسنها»... وغفور يتلوى من الضحك في «العنقريب»..
- نفيسي: هوي الله لا كسبكم أنا مندلي لاااااتحت
- غفور: وين ماشي آآآخالتي
- نفيسي: ماشي آكلي تُورمة مع ولدي الطيب لاااتحت.. ودعناكم الله..
...............
ـــــــــــــــ
* نوع من البلح
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
الحصحاص .... جاكم
المطر ... ام برد
==================
خدمة لله ...
لو فيكم واحد عاوز يستفسر عن كلمة من الكلمات ...
ذات الحروف الناقصة أو كلمة مشلخة ...
يتصل او يكلم الكوتش في الخاص ...
فانه يمتلك النسخة الكاملة الأصلية ... صورة وصوت ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
سلامات يا ناس
وصباحات التفاؤل
Quote: خدمة لله ...
لو فيكم واحد عاوز يستفسر عن كلمة من الكلمات ...
ذات الحروف الناقصة أو كلمة مشلخة ...
يتصل او يكلم الكوتش في الخاص ...
فانه يمتلك النسخة الكاملة الأصلية ... صورة وصوت ... |
برضو عليك الله كلّمهم الداير يسقى حوضو يسجّل عندك.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
حلووووة يا كوتش
نجلية ده داير ليهو زول يسكتو
كان داير بت بغداد
يا ابو عمر عندنا حبوبتنا زمان قالت
من الله خلقنى ما مشيت شهر العسل
واضيف ليك تلاتة حاجات ما بعرف البسهم
الساعة و الخاتم و الطاقية
خاتم الزواج لبستو بعد العرس كم يوم
ووقع منى فى ( شهر العسل ) ليوم الليلة ما لبست لى خاتم فى يدى
انتا يا كوتش ما تدى فرصة للريس معتصم يدخل معاك
بطل حركات الجيش دى
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
Quote: صباح الشكولاتع بالعسل
ابوعمار ماتنوم باالشكو حليب رسل للرشيد حقه وكمان لو في طريقه لناس السعوديه وقطر
والبحرييييييييييين. قالوا البتشكلت براه بجلبط |
يا نملوز ...
حتجيب للناس ديل نصيبم من الشوكولاتة الجديدة هنا ...
ولا اوزع ليهم .... انا
====================================
يا نضيف السنة كلها تختفي ...
اول ما الصفحة يقلبوها ... تجي ناطي ...
وده المعسم ليك رقبتك ... وفاصل كراعك ...
هسع بقيت مع ... الكوتش ...
وانا لو بقيت
بسقي حيضان الناس ... ولساني زي بت بغدان
ماكان مليت حوضي وبقيت .... مدير
بعدين تم لينا كلامك ...
الخاتم عرفناك ... زايق منو عشان مايعرفوك ... متزوج
وتمارس هواياتك كلها .... بحرية
الساعة ...
والطاقية ...
مالوم ..... كمان
========================
الرشيد ده ليهو يومين مختفي ...
ان شاء الله المانع خير ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
اصبحنا واصبح الملك لله
اها نواصل حكاوي بت بغداد ولا الفهم شنو
رشا ان شاء الله طيب ابوي
يا ناس الرياض بالله اقفروا لينا كمال الشادي
تليفونه بيرن وما بيرد
قولوا ليه انا تاني ما راجع الفيسبوك
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
Quote: يا ابو عمر عندنا حبوبتنا زمان قالت
من الله خلقنى ما مشيت شهر العسل |
يا النضيف يقال أن البارونة (بوردت كوتس) وهي في التسعين من عمرها
سُئلت : متى تتوقف المرأة عن الحب ؟؟؟؟؟؟؟؟؟؟
فأجابت : أسألوا من هم أكبر مني سناً
ويا نجيلة
العضوان الوحيدان في جسم الإنسان اللذان لا يتوقفان عن النمو طوال الحياة
هما الأنف والأذنان .
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
سلامات يا ناس
Quote: انتا يا كوتش ما تدى فرصة للريس معتصم يدخل معاك
بطل حركات الجيش دى |
رفض يجى أديس ..نعمل ليهو شنو...؟؟!!
رقبتك لسه؟؟
لو لسه سَلِّما لبت الشيخ...ولو أصلها مستلماها دخّل نجيلة واسطة
عشان ترجّعا ليك.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
ما أشقاك إلا ليسعدك،،،
وما أخذ منك إلا ليعطيك،،،
وما أبكاك ،، إلا ليضحكك،،،
وما حرمك إلا ليتفضل عليك ،،،
وما إبتلاك ،،، إلا لأنه يحبك ،،،
ولكنه لا يؤذيك ،،، وما كان ليؤذيك
إنه الله ،،،،،،،،،،،،،، إنه الله
صباح الخير يا وجوه الخير
إلا تفتقدون معي الريس معتصم
لقد طال بعدك إيها الحبيب فالبوست يناديك
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
قال الفيسبوك
* حاتم جبارة فى السودان , ولسه ما لاقى عربية ايجار
* الأغنية الفوق دى زاااتا من اخبار الفيس بوك
* الفاتح على بشير الشهير بابو التيمان , قاعد يجيب ليهو جنيس اغانى
* ومعاهو قيس جمال الدين كمان
* كمال الشادى لا فى البوست , ولا فى الفيس , ولا بيرد على التلفون
هسى ده نلقاهو وين عليكم الله
* زهير الزناتى فى النفاج دوت كوم
* محمد عيد ظابط الالارم حقو على اعياد الميلاد
ما دام مافيش , معناتا مافى زول عنده عيد ميلاد قريب
يعنى التقصير من عندكم , هو يعمل ليكم اعياد ميلاد من راسو يعنى ولا شنو ؟؟؟!!!
* ابو عمر احمد اسماعيل , نجم الصفحتين الاخرتين بدون منازع الا طارق جبريل وحبوبتو
* الداير يعرف طارق جبرين حردان وش الكتاب لى شنو ؟؟ ما يسالنى انا
* انتو مش كان فى واحد معانا اسمه موسى عيسى ؟؟؟
* والداير يسأل من جلا منو كان غاب ولا ما غاب !!!!
* انتو اديس دى برضو فيها ميدان الربيع ؟؟؟؟
* بقينا نجمع القطرات عشان نعمل بيها مطرة , ان شاء الله صناعية
* انتو صحى الليلة هلال مريخ ؟؟؟؟
* لو قلبتوا الصفحة دى بسرعة , ما تنسوا تشيلو معاكم حبوبة طارق , ودلال صالح الضى
* حبوبة طارق قالت للسقا , تكتر تقلل بقول للناس الزول ده قاعد يجرجر فى توبى !!!
لمن امرأة العزيز قالت كده لى سيدنا يوسف , وجوا بعد داك النساوين حشوا اصابعهم با السكاكين
ربنا ظهر ليهم الحقيقة لامن امراة العزيز برااااها قالت
الآن حصحص الحق !!!!
يعنى قصة الحصحاص فى الحاجات دى يا كوتش , باين عليها من زماااااااااااااااااااااااااااااااااااااان
* جد جد مستمتع يا طارق بس يمين قاعد اضطر ارجع للصفحة الورا عشان الصورة
بس الترترة القدر دى , ما بقدر عليها طوالى , قصر علينا مشوار الترترة اذا بتريد
وخلى صالح الضى ده , باكقراوند عليك الله
* الرشيد بابكر وين ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
Quote: قبتك لسه؟؟
لو لسه سَلِّما لبت الشيخ...ولو أصلها مستلماها دخّل نجيلة واسطة
عشان ترجّعا ليك. |
الرقبة يالنضيف أخوي مكمن ألأمانات ماتسلمها لحد-- لكن ممكن تسلمها للمورنقا
ـــــــــــــــــــــــــــــــــــــــــــــ
قبل كدة قلت ليكم في نبات إكتشفوهو في السودان بعالج أكثر من 200 مرض هذا
النبات هو المورنقا - الآن عاملين ليهو دعاية في قناة النيل
بعد أن إجتهد الصينيون في هذا النبات وجهزوهو في علبة بالخيط زي الشاي
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
منو القال ليك ...احب كسلا واديس
وجويده قال
اذا كنت اهرب منك واليك
فقولى اين المفر
والزقازيق والزقايقاب قدرنا
واهلنا وملاذنا الامن
بل اصبحت ضمن هويتنا
فكل منا يفتخر بانه سودانى من قبيلة الزقازيقاب
شكرا ابو سيداحمد
وللريس ميسره شكرا على السؤال ومجتمعين على الخير وفى خير دائما
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
لا اله الا انت سبحانك اني كنت من الظالمين
فضل من قال:( لااله الا انت سبحانك اني كنت من الظالمين)
عن سعد بن أبي وقاص رضي الله عنه عن النبي عليه الصلاة والسلام قال" دعوة ذي النون
إذ هو في بطن الحوت ( لا إله إلا أنت سبحانك إني كنت من الظالمين ) لم يدع بها مسلم ربه في شيء قط إلا استجاب له"
وأخرج ابن جرير عن سعد رضي الله عنه سمعت رسول الله صلى الله عليه وسلم يقول:
" اسم الله الذي إذا دعي به أجاب وإذا سئل به أعطي دعوة يونس بن متى"، قلت : يارسول الله هي
ليونس أندعوا بها؟ قال: " ألم تسمع قول الله ( وكذلك ننجي المؤمنين) فهو شرط من الله لمن دعاه"
اسأل الله العلي العظيم ان يفرج هم كل مكروب
لا اله الا انت سبحانك اني كنت من الظالمين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صبحكم الله بالخير
تسأل منكم العافية يا شباب...
المشكلة ما في الجهاز..المشكلة يبدو انها في حسابي هنا...
المهم المياه رجعت لي مجاريها و رجعنالكم رجوع القمره لي وطن القماري....
و بمناسبة رجوع المياه لي مجاريها دي اليومين ديل ممطورين و مربوعين...
مربوعين دي من ربيع فرغم ان الجو رهيييب و يساعد على جموح الخيال...
لكن وحات نضري ما لقيت لي تصريف لي ربيع غير مربوعين...
مطر نازل و شمس مغيمة و جو رهيب...
يعني في الوقت الذي يشل فيه الجليد حركة الناس في أوروبا و أمريكا...
و الأمطار و الحر و الرطوبة في آسيا...
و السقط البيشقق الرجلين في السودان...
هنا جو رومانسي يرجعك لأيام الجكس الأولى....
و يخليك بي سبب و من غير سبب تكتب ليك قصيدة...
انت مالك يا جبريلا وقفت...
نحن السنافورات فاتحنهم لحدي ما تصل آخر محطه...
يعني القشة ما تعتر ليك...
سوق ساااااكت لحدي ما تصل اجازتك الأخير في السودان...
و ما تستعجل (النبي في ايدك) كان تقيف....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
مساء الخير ،،، يا وجوه الخير
اللهم أحفظها نعمه
وأدمها من الزوال
هي نعمة هذا البوست الكبير العظيم الذي جمعنا وجمع قلوبنا
وزاد ترابطنا وتعاضدنا وجمع شملنا بعد أن تشتت بنا السبل
وبعثرتنا سبل الحياه في هذا الدينا الواسعة ،،،
ونحن نمن على أخونا الكبير عصام دهب الدهب وهو صاحب
هذا البوست وهذا الحوش ونذكر أيضاً الزقازيقاب أصحاب الفكرة
التي راعاها آخونا عصام دهب .
اليوم هو أول ديسمبر ونهاية هذا الشهر سوف يتم أرشفة هذا البوست
وقد طلب منى الأخ/ عصام سابقاً بأن أرعى هذا البوست والفكرة أن
يكون التداول هو مبدأ يسود بيننا وقد مضىت علينا سنتان
نطلب بإقامة الجمعية العمومية ومناقشة خطاب الدورة
ونطالب الزمللاء بالترشيحات وأسمحوا لي بأن أرشح من جانبي
هؤلاء النشطاء :
- زهير الزناتي
- محمد عيد
- عبدالدائم النضيف
- الرشيد بابكر
ونعتذر لناس السودان لظروف الحظر
يمكن للأخوة إضافة ترشيحات أخرى
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
صباح الخير ،،، يا وجوه الخير
اللهم اجعلنا ممن يسمعون القول
ويتــَّبعوون احسنه يارب العالمين
اللهم أجعل عملنا كله خالصا لوجهك
اللهم لاتجعلنا ممن ضل سعيهم في الحياة
الدنيا وهم يحسبون انهم يحسنون صنعا ً
ربنا لا تواخذنا إن نسينا أو أخطأنا ربنا
ولا تحمل علينا إصراً كما حملته على الذين من قبلنا
ربنا ولا تحمـِّلنا ما لا طاقة لنا به واعفُ عنا واغفر لنا وارحمنا
========================================================
الشعب يريد تنصيب الرئيس ،،،،،،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
شكرا" يا ريس على المبادرة والا كان اول جمعة من يناير
اعتصمنا فى السفارة ....
حظر سودانيز فى السودان لم يدم طويلا" فعليه
انا برشح الريس معتصم جعفر ..... انشاء الله يمشى اديس ما علينا
وكمان منصور عبدالرازق بشرط يكون ساكن المساكن ولا الشبان المسلمين بالكتير
الكوتش قطراتك ما بتأهلك للترشيح ....
طارق جبريل نهى نهى .... لانو الواحد بدل ما يقول ماشى البوست حيقول ماشى الحفرة ....
وين الجندريات صفية مساعد ، سناء الصباغ ، حوفى ، زينب ، ابتهاج و منى يونس زاتــــا ....
،،،،،،
قبل كده نتمنى الناس تعمل مقترحات للمرحلة القادمة
ووو PS
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
هذه النيمة كانت بمثابة إذاعة داخلية لكل أخبار القرية..
فالقادمون من هنا وهناك للسلام أو لتزجية الوقت كانوا في الواقع مراسلين لأخبار القرية دون علمهم..
ما أن يمهلون «بت بغداد» حتى تتوسط «الجلسة» إلا وتتقاطر الأخبار وتتناسل..
- نفيسي: انتو دحين الدقير ما جاء بي هني
(أحمد الريح الشهير بالدقير كان متخصصا في «فَتلْ» الحبال في القرية وكانت له نوادر كثيرة هو وزوجته أم الحسن»
- غفور: وين تطيري.. يكون يفتل في حباله
-نفيسي: ههههههههههههه قالولي طردوه من مصنع كريمة وأم الحسن شايلو حاله لي الله وخلقه
- عوض السيد: ههههههههههههه عاد واااضيقو
- ود جبارة ( يضحك وطرف الطاقية بين اسنانه): أييي بتكون نجمتو نجام
(تم تعيين الدقير في مصنع كريمة للتعليب كعامل موسمي... وتم صرف ملابس العمال له
وجاء بها الى أم الحسن مختالا: أم الحسن شوفتي الدقير لابس «الأبرول» والله بس أفندي..)..
نفيسي: ههههههههه قالوا جاء يبرطم من كريمة بعد رفدوهوا من المصنع
- صافيات: نعلو مشئ لي أم الحسن بي برطمتو دي هههههههههه
- نفيسي: أيي مشى يلعن ويسب في الحيكومة والحرامية الفي كريمة ههههههههههه
- عوض السيد: باقيلي كان قايل نفسو دايرين يبقوهوا أفندي بالصح
- نفيسي: قالوا وصل عند أم الحسن لقاها تشربلها في شايا احمر الضُهرية وسألتو: الدقير الجابك بدري شنو من شُغلك
- الدقير: إيي شغل شنو
- أم الحسن: شن سويت لامن طردوك باقي أنا عارفاك وكتين يجيك أليل جدودك
- الدقير: قالولي تشتغل ثلاثة شهور في الموسم... اييي كلهم حرامية
- ود جبارة: هههههههههه وشن قالتلو الخرابة
- نفيسي: قالتو اصلو شيتنا كلو كُتور.. حواء بت الخضر ود كنيش في ضهرنا حوشها مليان بُطان
ونحن فِرِد شافع ماهو عندنا.. وهسي كمان وكتين وظفوك وبقيت أفندي قاموا رفدوك..
- عوض السيد: الله ليهو عاد ههههههههههه
- نفيسي: أخدتلها صنة وقالتلو:
الوظيفى ماها فالك يا الدقير
اخير ترجع لى فتل حبالك يا الدقير
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
سلامات يا ناس
Quote: تهانينا القلبية للريس معتصم سلمان جعفر بمناسبة تخريج
ابنه الدكتور / سلمان معتصم جعفر من كلية الطب
الف الف مبروك يا ريس و عقبال الدكتوراه و عقبال تفرح باخوات سلمان كمان
|
مبروك دكتور سلمان .
مبروك الريس...
تانى قلع الضروس مِلح.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
سلامات يا ناس
Quote: اما المسكين نمله ماخلى فيديو ولا صور ولا سباق ولا شوكلاته ولا معجنات
ولاخبز وبعد كله ولا ترشيح ياخي رشحونا وما تثنوا يعني نظام كشكره
وعليه قررالشكو ليكر نملوز الاضراب الي وقت غير مسمى
والانضمام موقتا الي موقع ابله نظيره حتى يتم تعويضه المعنوي
والمادي واركز على المادي بوزو
ولاعذر لمن بنشر
|
تستاهل عشان ما رديت التحية.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
سلامات يا ناس
داير أسلِّم على نملوز.
تسلم ياجنابو شفت كيف نحنا بتاعين سلام
وكويس نلقى دعم عسكري
اقول ليك يا ابوعمار الاذن عندك مش في صور الشوكلاته بس
كمان صور السباق الخالي من اي رئاسه
وزي ماقال واحد مفلس ان شاء الله القيامه تقوم الان عليا وعلى رؤسائي
ومبروك للدكتور ابن الريس معتصم ونفخر بكل نجاحات اسرتنا
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
صباح الخير ،،، يا وجوه الخير
دعاء الصباح :
اللهم نسألك يا غفور يا رحمن يا رحيم ..
أن تفتح لأدعيتنا أبواب الاجابه ..
يا من إذا سأله المضطر أجاب ..
يا من يقول للشيء كن فيكون ...
اللهم لا تردنا خائبين ..
اللهم أغفر لنا وأرحمنا انت خير الراحمين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
اما المسكين نمله ماخلى فيديو ولا صور ولا سباق ولا شوكلاته ولا معجنات
ولاخبز وبعد كله ولا ترشيح ياخي رشحونا وما تثنوا يعني نظام كشكره
==============================================================
يا نمله والله خيرك كتير وسابق ويمكن خفنا تكون مشترك في
معسكر أروبي لأداء السباق وأنحنا فكرنا في الكوامر القديمه
لأنها بتكون زي حلاتنا معسلين في الراحة وما فيش أي رياضة
وناس السودان أسأل عنهم الزول بتاع زمان الأسمه محمد آدم النور
الشهير ب .............
يا جماعة نملوز قبل عذرنا وأنحنا بنعيد الترشيحات :
- عمر نمله
- الرشيد بابكر
- منصور عبدالرازق
- زهير الزناتي
- محمد عيد
- ياسر نجيله
- عبدالدايم النضيف
يلا يا جماعة التصويت يكون بالأقتراع السري المباشر
(تلفونيا) إلى لجنة الإنتخابات (عصام دهب - ميسرة)
========================
التهنئة موصولة لإبننا الدكتور سلمان معتصم
وعقبال حصوله على الدكتوراه
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
صبحكم الله بالخير
الصورة بتاعتي دي يا حماده لو شافها مهند ولدي حيسألني 4200 سؤال...
و حيصدق اني صاحب الصورة...
أنا ممكن أجاوب على 4199 سؤال منهم بس حيحيرني سؤال واحد...
انت يا بابا ما قلت التاتو حرام عامل تاتو ليه....
Quote: اما المسكين نمله ماخلى فيديو ولا صور ولا سباق ولا شوكلاته ولا معجنات
ولاخبز وبعد كله ولا ترشيح ياخي رشحونا وما تثنوا يعني نظام كشكره
وعليه قررالشكو ليكر نملوز الاضراب الي وقت غير مسمى
والانضمام موقتا الي موقع ابله نظيره حتى يتم تعويضه المعنوي
والمادي واركز على المادي بوزو
ولاعذر لمن بنشر
|
أشكر الريس على الترشيح و أشكر محمد عيد على التثنية...
و لكني أرشح نملوز و أثنيه في نفس الوقت...
انت هين و لا مقطوع لين يا أبو الطيب....
جبريلا شكلك كده الكوتش قر عليك...
وبقيت تكتب بالقطارة...
رغم ان المشهد الأخير ده كان ممكن يكون أربعة صفحات كاملة....
مشهد رائع يا جبريلا....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
التهنئة القلبية الصادقة لابننا الدكتور سلمان معتصم سلمان بمناسبة التخرج....
يا فرحنا بفرحة الريس معتصم و فرحة أم سلمان....
ألف مبروك يا ريس و ألف مبروك أم سلمان...
نسأل الله أن يمتعكم بالصحة و العافيةو تشهدوا تخرج باقي الأبناء...
و زواجهم جميعا و أحفادهم و أحفاد أحفاده ان شاء الله...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
يا نملوز ياخ ما ممكن نطلع من بتاع الخرفان
يطلع لينا بتاع الفرن
قالو ابوظبى احسن مدينة فى العالم ممكن العيش فيها
فــ شنو خلينا نستمتع باقى عمرنا الفضل ده ...
احمد اسماعيل ما بنفع حكاويهو تخوف الشفع كلها مرفعين وابو حليمو
موسى عيسى ليوم الليلة ما بعرف يرفع الصور
ياسر نجلية
ازيك ياااخ تصدق صاحبك عبدالرازق رجع اغترب تانى بعد
ما استقر فى السودان قبل 7 سنة تقريبا"
انتو قدورة و حاج الركز مش عندهم باسوردات ..... وتيب ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
انت الذهب يا ذهب والذهب منك يغار
فتحت باب الحوش الكبير بى اصرار
ولميت العشيره فى حب والبيت بقالنا مزار
عصـــام دهب
تاريخ ميلادك مشفر لكننا جبناهو بالحديد والنار
عيد سعيد وعمر مديد
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صباح الخير يا وجوهـ الخير
| Quote: احمد اسماعيل ما بنفع حكاويهو تخوف الشفع كلها مرفعين وابو حليم |
يا عبد الدائم يا نضيف عليك الله كلامي دة ليه علاقة بالحيوان المذكور فمثلا الثعلب وصفة المكر الفيهو
نفصل عليها ، لكن تعال شوف أفلام الكرتون يصورو ليك القنفذ بأنه صونك الشرير وسبارو البطل
وتعال شوف ناس شاكر مجننا بكثرة الأسئلة الانحنا ما بنعرفها ولا فاضين ليها وأكيد لمنصور أمثلة
أول دورة ألعاب أولمبية أقيمت عام 1896 في أثينا بإشتراك تسعة دول ، وإحتوت على لعبة واحدة
وهي العدو (الركض) ، خبر لابو الطيب عشان المخبز ماينسيهو الحكاية،
معلومة اليوم
أول من أطلق عبارة World Wide Web على الشبكة الإلكترونية هو
(أتيم بيرنرزلي) في سنة 1990م
الأخ الريس معتصم ألف مبروك لتخرج الإبن سلمان وأتمنى له حياة علمية وعملية موفقة
الأخ عصام دهب كل عام وأنت بألف خير
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صباح الخير ،،، يا جوه الخير
دعاء اليوم :
اللهم رد المسلمين إلى دينهم رداً جميلا
وأجمع كلمتهم وأحقن دماءهم
وأهلك الطواغيت وأعوانهم
وهيئ لنا حكماً راشداً
على منهاج النبوه
==============================
عصام الدهب الرجل الدهب
كل عام وأنت والعائلة الكريمة بألف خير وعافيه
وعقبال الشمعة المائة،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
وين الطيبين وين راحوا
هذا الدعاء نيابة عن الريس ميسرة لأن الصباح روّح
اللهم يا مسهل الشديد ويا ملين الحديد ويا منجز الوعيد
ويا من هو كل يوم في أمر جديد
اخرجنا من حلق الضيق إلى أوسع الطريق وبك ندفع ما لا نطيق
ولا حولّ ولا قوة إلا بالله العلي العظيم ، يارب ضاقت بنا السبل
فمن لنا سواك يفرجها .
قال رسول الله (ص)
من قالها وعلمها للناس أذهب الله كربه وأطال فرحه
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صبحكم الله بالخير
بينما كان ذلك الخيط الرفيع من الضوء يخرج من جهاز البروجيكتور...
و يتسع ليسقط على الشاشة البيضاء التي نصبت أمام الطاولة الكبيرة في الغرفة رقم 2...
و كان مدير الادارة التي انتمي اليها يسهب في محاضرتنا حول معايير الجودة ...
كنت منشغلا بحساب نسبة عدد السودانيين في القاعة....
كنا أربعة سودانيين و أمريكي و انجليزي و هنديان...
و جيسي الفلبينية و التي تبلغ نصف طولي و كانت تحضر بصفة مراقب....
عندما رأيتها للمرة الأولى حسبتها ابنة المدير...
حتى قدمها لنا و أسهب في مدحها فقلت في سري (يضع سره في أقصر خلقه)....
كانوا جميعهم مهندسون مدنيون الا أنا و جيسي...
هم ينصبون الأبراج و يرصفون الطرق و نحن نشيع الجمال و نزين الأمكنة....
شعرت و كأنني وردة وسط غابات من الأسمنت المسلح.....
كانت نتيجة حسابي اننا كسودانيين نبلغ ما يقرب من 50% من عدد المتواجدين داخل القاعة....
و لكن مساهماتنا في الاجتماع بلغت نسبة تزيد عن ذلك بكثير....
شعرت بالفخر لكوني سوداني و بأنني أنتمي لوطن جاء منه هؤلاء....
كانوا من مناطق مختلفة في السودان..شماله و غربه و وسطه...
يتحدثون الانجليزية و كأنها لغتهم الأم و يعبرون بها بسلاسة و بيان....
كان جليا بأنهم يملكون رصيدا ضخما من المعرفة و الخبرة...
لم تبلغ نسبتنا ال50% من فراغ بل لأننا كنا جديرون بها...
و لكن كثيرمن الناس هنا يستكثرون علينا أن تبلغ نسبتنا في أي تجمع هذا القدر....
لكوننا أتينا من بلد كل الصور التي تأتي منه هي صور الفقر و الجوع والجهل و المرض....
و صراع دموي بين شماله و جنوبه و غربه حتى انفصل بعضه....
و أصبح شكله يشبه مقاتل أصابه لغم أرضي...
بينما كان شكله و مكانه بمثابة القلب للقارة السمراء...
و ما تبقى منه مهدد بالبتر و التجزء.....
و نسبتنا هذه في تلك القاعة هي غيض من فيض...
فهذا هو حال السودانيون و ديدنهم في كل بقاع العالم يتقدمون الصفوف و ينالون الجوائز و التكريم.....
يعكسون صورة زاهية للسوداني الذكي الطموح الجميل الدواخل....
بينما صورة الوطن تبقى كما هي....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
تعرف يا رشا نحن حكايتنا عجيبة جدا كسودانيين
قبل شهرين تقريبا المغاربة عملوا برنامج تلفزيوني عن أكثر العرب تأثيرا في الحياة المغربية
كنا هنا ثلاثة أشخاص عملوا عننا فقرة تعريفية ولقاء تلفزيوني
ومافي واحد فينا كان عارف التاني لحدي ما زاعوا البرنامج
- طلحة جبريل
- قاسم عثمان (رسام تشكيلي)
- العبد الضعيف طارق جبريل
تم اختيارنا مع مجموعة أخرى من العرب
تعرف لمن شوفتة البرنامج لمن قلت لي بت الشيخ: انت دة أنا
سؤالي : ليه نحن برة السودان عطاءنا أكبر؟؟
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
سلام الله ورحمته وجمعة مباركة عليكم الأخوة
الرشيد بابكر و طارق جبريل ومحمد صديق
الأم حارسة الحب والحنان
يغلب على الأم العاطفة الحانية ولها من الجهود والفضائل ما لا يمكن حصره
وهي حارسة حيث لا حرس ، وتملك نياط العاطفة دقها وجلها ، إنها الأم
أم الإنسان هي أصله وعماده الذي يتكئ عليه ويرد إليه ، قال تعالى
( والله جعل لكم من انفسكم أزواجا وجعل لكم من أزواجكم بنين وحفدة )
وكون الشيء أصلا وعمادا فهو دليل بارز بجلائه على المكانة وعلو الشأن
وقوة المرجعية ، الا ترون أن أم البشر حواء ، وأم الكتاب الفاتحة ، وأم القرى مكة
فالحديث عن الأم إذاً يحتل حيزا كبيراً من تفكير الناس
قال تعالى : ووصينا الإنسان بوالديه إحسانا حملته أمه كرها ووضعته كرها
وحمله وفصاله ثلاثون شهراً حتى إذا بلغ أشده وبلغ أربعين سنة
قال ربي أوزعني أن أشكر نعمتك التي أنعمت عليّ وعلى والديّ
وأن أعمل صالحاً ترضاه وأصلح لي في ذريتي إني تبت إليك
وإني من المسلمين .
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
| Quote: سؤالي : ليه نحن برة السودان عطاءنا أكبر؟؟ |
عارف ياطارق نحنا موش عطاءنا بره السودان أكتر ...هو نفس الناس لكن السودان مابخليك تقدم أكتر ...على سبيل المثال ..في أي مجال الآن تحاول تقدم الشغل المفروض تعملو بس ...خليك من زياده واللا تمييز ...بس الشغل اللازم ...تلقى ليك مية الف معاكسه لانو البلد فقريه وناس فقريين وملاعين ...عشان كده أنا ماعندي أمل إنو السودان ده يتصلح لحدي يوم القيامه ويمكن حتي لو بعدالقيامه الله سبحانه وتعالي أدانا زياده مية سنه كده وقال لينا إنتو السجم ديل سمحنا ليكم القيامه بتاعتكم تكون بعد كل العالمين ديل بمية سنه برضو حا تجينا القيامه المؤجله دي ونكون لسه في سجمنا ورمادنا ده....بلد زفت
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
سلامات يامحمد صديق
والله خلاص البلد دي بقت ميؤوس منها ..نعم ربنا يصلح الحال ..آمين ..وهذا كل مايتمناه الجميع ..لكن ياصاحبي بيني وبينك البلد دي بقت شكلها عايزه فكي جداده بتاع ناس قوش داك ممكن يعرف يعمل حاجه مفيده ..
تحياتي
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: Dr.Elsadig Abdalla)
|
سلامات يادكتور
الوطن فعلا حالتو يرثى لها ، سائلين المولى عز وجل أن يصلح حاله
وطن زمن الركشة --- آه يازمن الركشة
زمن الفوضى االعميا وطرشة --- وزمن الوهم العسكر في البلد القشة
بلد الناس الغبشا --- الناس الجارية الداقشة
شن لاحقين ؟ الشغل العاطل ولا الأمل الطشة
الموهومين الماشايفين -- هم وين في الهرم الكشة
الكوم الفوق إتكوم وحشّ -- وهم أكوام أم فتفت وعفشة
ماكلين ألغام وكلام يندشّ -- مغشوشين في العيش والتبشة
مغشوشين في الموية الزرق وغبشا
مغشوشين في حلم راح وانكشّ
هذا من مداخلة سابقة بهذا البوست
| |
|
|
|
|
|
|
| |
ميسرة سيد أحمد
محمد صديق
منصور عبد الرازق
طارق جبريل
الرشيد بابكر
أحمد إسماعيل
عبد الدائم سيد أحمد
جلال عثمان
محمد عيد
ياسر نجيلة
عمر نملة
معتصم جعفر
Dr.Elsadig Abdalla
فيس بوك
تويتر
انستقرام
يوتيوب
بنتيريست