|
|
|
 Re: ناس الزقازيق ... أجدع ناس (4) .. (Re: عبد الدائم سيد أحمد)
|
اولا قلبتو لي الصفحة قبل ما اخواني ديل يشوفو الإعلان كويس ...
والعندو رغبة او مصلحة او حتي لاصحابو او جيرانو او اقاربو ...
نحنا ما بنقصر معاهو ...
المشروع ممتد البداية اربعة فلل
والباقي جاي
حتي ناس المنظمات ما بناباهم يا جلا ...
فلل فاخرة ... عاوزين نبيع ياشباب
=====================================================
يا كوتش خواتم شنو البنبيعها لي هسع ...
الخواتم دي كنا بنوزع فيها مجانا ... زماااااان ايام الثانوي العام ...
حسع وحاتك وصلت للفلل ... وبكرة اكيد حاجة اكبر ..
بس والله مهما كبرنا ... مابنوصلها لبيع تراب الوطن ....
عندي مداخلة في البوست بتاع الفلل فاتحو بهناك في الصفحة الرئيسية لسودانيز او لاين
الجماعة زانقني في السعر زي اخونا الرشيد
وعملت مداخلة حلوه عن بيع الوطن ...
حصل شوفا ....
يا رشيد القوم ...
السعر بالدولار ...
انت فارقة معاك بشنو ...
من يوم مادخلنا الامارات السعر ثابت ... 3.65 شراء بيع 3.68 للدولار
وبالنسبة للتمويل والله شغالين فيهو
وقطعنا شوط كبير ... وقريبا حتسمع كل خير...
بس والله نصيحة اخوية ...
ابعد من تمويل البنوك السودانية ...
حتي لو تسكن معاي ... في غرفة الناطور ...
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: السعر بالدولار ...
انت فارقة معاك بشنو ...
من يوم مادخلنا الامارات السعر ثابت ... 3.65 شراء بيع 3.68 للدولار |
يا حبيب بتفرق كتيييييير....
التفاصيل دي عايزه ليها قعدة...
Quote: بس والله نصيحة اخوية ...
ابعد من تمويل البنوك السودانية ...
حتي لو تسكن معاي ... في غرفة الناطور ...
|
ده الطفشني من ساريا يا ياسر...
رغم اني كنت سنة كده و أدخل فيها...
حتى أنقذني منصور في آخر لحظة باقتراح أحسن...
و اذا كنت ندمت علي حاجة في ساريا دي...
حتكون اني ما جاورت ياسمين حاج الطاهر الشهيرة بي بطة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
الواحد بس ما ينشغل عنكم حبتين
يجيكم
يلقى بوستيكم قامت ليهو شنبات
وبنيتو فيهو فلل كمان
الود ياسر نجيلة ده , من يومو الجانى منو ايميل بتاع زيارة المسجد الأقصى داك
عرفتو قاعد ليهو فوق راى
طلع ما راى واحد
اربعة آراء ممتدة , ومتجاورة , وكل راى بى تلاتة طوابق
ابو الزفت يا منقة
والراى بى ميتين وسبعين الف قشار
وكمان تستلم طوالى !!!
نجيلة
اتصلح معانا يا زول
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
نادرا ما يفوتنى ما يكتب فى هذا البوست
او بالأحرى , ما يكتب فى اى مكان تجتمعون فيه
عهدا على اسككم وين ما كنتوا , بقيتوا عندى زى الحكمة اللى هى ضالة المؤمن
وين ما لقيتكم , اتوهطت معاكم , واديتكم يا اضانى , يا لسانى , يا اضانى ولسانى ومعاهم قلبى زااااتو
بعد مرات بتشيلو يدى زااااتا معاهم فوق البيعة
حملة الرشيد بتاعت موية السكر لتجميع الحمام الشارد
افلحت شايفا
اسكت يا محمد عيد , وانتا معاهو يا جلا وخلو الهرجلة
انا قلت شارد و الموت ده , سيرتو ما جات على لسانى
لكن زهير شايفو جاكم كبا ليكم مكنات , ما قسمت مع معظمكم
قلتوا لى انا مداخلاتى (مصبوبة مسبقا ) ؟؟
بنجى نعمل ليها قوالب بس ؟؟؟
والله اتلومتوا معاى
ياخى انا الدفيق زااااتو
لمن اجيكم تارى ومشتاق , يمين قوالب الدنيا دى كلها ما بتشيلنى
غير ان الدنيا (قلابة )
زى الفول كده , وزى رقيص العروسة زماااان , ودى اظنها بيعرفها طارق جبريل ومعه قليلون
عبد الدائم النضيف , ورهط من القوم , من الزمن بتاع ما دوامة , يا دنيا ما بتتقدرى
كلام زهير بتاع زحف الفيس بوك , فيهو شفافية بتخلى الزول يتوجع حبتين
لكن اقول ليكم حاجة
انتو فارقة معاكم شنو ؟؟ كان الله اداكم بيتين ولا تلاتة , تقولوا ما دايرين الا واحد ؟؟!!
شوفوا طارق جبريل مثلا , عنده كرت اصفر فى حتة , بيلعب فى التانية عااااااادى
نحنا بنحبه , وين ما نلقاهو ووكت ما نلقاهو , لا شغالين بى الوان كروته ولا قميصه الكاروهات الكرهنا بيهو داك
وين ما نلقاهو نشربو شراب العطشان , ونشم ريحته المدهشة , لا فارق معانا طلح الموردة , ولا حفرىة دخان الدعنونة ولا مشاط ام الحسن
وتقوم فى الأثناء دى وانتا بتكتب , يجيك اتصال من الكوتش اللذيذ
فتنسى انك كنت بتكتب فى شنو , وتتملى بس بالزول السمح ده , وتسجل تلفونو الجديد , وتحس بانك امتلكت الدنيا وما فيها
لامن تقرب تضرب لى ياسر نجيلة , وتقول ليهو انت فيلة وليد بى كم ؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
يا كوتش يا محمد صديق
انا احبك حبا عظيما
شفتوا انا زول مباشر وعدييييل كيفن
انا اظنى من الناس اللى ربنا حباهم بى عدد كبير من الأصدقاء
الزيك والأقل منك
بس ادوات تواصل الزمن ده , بقت كتييييرة ومتباينة
فى ناس , الكمبيوتر ده فى عضمه , ما عندهم بيهو اى علاقة
وازيدك من الشعر بيت , فى منهم التلفون جوال ليس من اولياتهم
اما لا يحبونه , او يتعاملون معه باهمال
لكن فيهم كذلك المنتشرين
تفتح , وين ما تفتح , تجدهم او على الأقل تجد اثرا لهم
فيس بوك منتديات تلفونات رسائل جوابات , تلفزيون رادى سكايبى سكاى دو فايبر واتس اب
الحنفية دى كان كان اتاملتها كويس , احتمال يجوك طالعين منها
على فكرة , انا لسه ما وصلت لى قناعات معينة من ناحية انو الخير وين
الأنتشار وطرق جميع الأبواب ؟؟ طرق بعض الأبواب وغلق بعضها الآخر ؟؟الأكتفاء بباب واحد مختار من بينها ؟؟
ام غلق جميع الأبوب ؟؟؟
اكيد اغلاق جميع الأبواب الأخيرة دى مستبعدة من خياراتى انا على الأقل
كدى نحاول نقسم عملية التواصل دى , ونتفهم قسميها الطبيعيين والمهمين
هى تواصل فى الأول , وبعدين تفاعل , غلطان انا ولا ما غلطان ؟؟؟
اظنو غرض التواصل يتم تحقيقه فى حده الأدنى , بمجرد حرصك على التواجد , اما على مستوى المتابعة السالبة التى تكتفى بمعرفة الأخبار
ثم تتعداها بالتفاعل , والتفاعل كمان خشم بيوت يا ناس يا حلوين
الرشيد بابكر والريس ميسرة , مثال ممتاز على التواصل والتفاعل معا , ولكن بتفضيل خيار تواصلى واحد يتم انتقاؤه بما يتناسب الميول والأرتياح (على ما اظن )
الأرتياح مقصود بيهو آلية التواصل التى اختاراها , فاصبحا من حادى الركب وراعين للمسيرة
زهير ود الزناتى ده , عنده ما شاء الله طاقة تواصل عينى باردة , تصاحبها طاقة تفاعل اللهم لا حسد
لكننا يبدو ضربناهو ليكم عين , لدرجة ان تناسب الوقت الطردى مع (الآمال العظيمة ) عنده , خلتو يركز على الحتة اللى بيلقى فيها تفاعل اكتر واكبر
انا فى الحتة دى , ما عندى اى مشكلة , بلقاهو بلقاهو , كان فى ناس الزقازيق ولا اوسكار ولا سودانيز ميوزك ولا سودانيزاونلاين ولا حتى فى التلفون
تبقى عنده اشكالية انو يلاقى الناس الما بيجوا هناك كيف ؟؟؟انا عارف انو متابعهم ومطمئن عليهم , لكنهم تعودوا منه على اكثر من ذلك بكثير
اها الحل شنو تفتكروا ؟؟؟
بغض النظر عن مقارنات ممكن تتم بين آلية واخرى , وبغض النظر عن تفضيل من كل شخص حسب ظروفه وميوله لآلية على اخرى
بقى عندنا تلاتة آليات تناسب تلاتة امزجة ليها كل الأحترام والتقدير
بوست الزقازيق العام , وبوست الزقازيق الخاص , وقروب ناس الزقازيق بى تفرعاته المختلفة الفى وش الكتاب
كل ما الناس المتعودين يحوموا فى الحيشان التلاتة ديل , يلاحظ حاجة تعزز التواصل المطلوب , والتفاعل المرجو , يخت منها نسخة كوبى بيست او مذكرة او تنويه
فيها مشكلة دى ؟؟؟
حاول توطن نفسك وتوزع مجهودك بيناتهم ما امكن , يعنى على الأقل تكون متابع فى واحدة , ومتفاعل فى اتنين منهم , حسب طاقتك ووقتك
دى صعبة دى ؟؟؟
خليك ما امكن -الا اذا منعك الشديد القوى , متابعا للثلاثة حيشان حتى ولو دون تفاعل , واكتفى بالتفاعل مع الحدث الذى ترى اهمية التفاعل معه ولو بما يشبه اللايك بتاعت وش الكتاب
يعنى اب او فوق او جاييكم بعدين او مختصر ما يفيد ذلك
هسى دى دايرة ليها درس عصر دى
دع عنك اى حواجز متخيلة تدخل تحت بند ما يسمى بعدم استلطافك لأداة تواصل ما من هذه الأدوات , وعليك ان تعرف -ان ساقك الشوق او الحنين لتواصل ما مع شخص ما - انه قد يكون موجودا ومتاحا
فى تلك اللحظة عبر تلكم الأداة , فلا معنى ساعتها اين (تبل شوقك داك ), مش المهم تبلو وخلاص ؟؟؟وعلى فكرة ان غلبتك الحيلة , فبث شوقك انى شئت , فهو واصل واصل , ولكن يمكنك ان تحوله الى تفاعل كذلك ان شئت
ومع كل ذلك فان الجميع دون استثناء معرضون اما للأنشغال او لتعكر المزاج , فلو مشغول لدرجة ما قادر حتى تتواصل , فمن باب اولى ان لا تتفاعل كذلك , وده مفهوم جدا ويحدث للكل بعض الوقت , كما وانه يحدث للبعض معظم الوقت
ولكن من المؤكد انه لا يحدث للكل كل الوقت
لو ختيتوا الرحمن فى قلبكم , فانتم متواصلون فى اضعف الأيمان , ثم متفاعلون , ثم منسجمون و ثم متكافلون ومتعاضدون ومتشايلون
فمالكم كيف تحكمون ؟؟؟!!!
اها , جات ولالا ؟؟!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote:
متين تجينا بطايوق كامل الدسم؟؟؟ |
ده طلب صعب خلاص يا كوتش , قبل شوية قبل ما اتكلم معاك تلفونيا , كنت بصدد ان احكى لك , ان ادوات التواصل الأسفيرية سرقتنا من القراءة , انا لا اتعاطى مع الكمبيوتر فى البيت الا نادرا , والمدة الفاتت كنت مشغولا جدا فى المكتب حتى تعذر على الكمبيوتر وتمنع الا فى حدود التواصل الدنيا , ارسل الى صديق نسخة بى دى اف من رواية الجنقو مسامير الأرض اكتفيت بتخزينها منذ زمن ولم استطع قراءتها , جاءتنى دعوة لمناقشة نفس الرواية فى جلسة نقدية ادبية محضورة , تلك الدعوة حرضتنى على قراءتها فى البيت خلال ثلاثة ايام فقط , بالجد يا كوتش زعلت من نفسى جدا , قررت ان اعيد ترتيب وقت يومى , ولكنى حتى الآن لا اعرف كيف ؟؟؟قالوا الوكت ممحوق , كتر الزمن ما بحوق , تخيل اكتشفت ان ساعات اليوم ما عادت زى الأول , اليوم ما ياهو يا كوتش , فاين لى بربك (ربع طايوق ) دعك من واحد كامل الدسم , الطايوق كامل الدسم , فى طريقه للأنقراض يا فردة , لحق العنقاء , لا اوافق على ادراج الخل الوفى ضمن هذه المنظومة المستحيلة , ان تأتى بريحة طايوق فقط , قانت كمن تأتى بالغول , او تسأل عن العنقاء , ارقد عافية يا حبيب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
سلامات يا ناس
Quote: انا احبك حبا عظيما
شفتوا انا زول مباشر وعدييييل كيفن |
ويعلم الله اننى ابادلك ذلك الحب....وهو من نعم الله علينا
Quote: حاول توطن نفسك وتوزع مجهودك بيناتهم ما امكن , يعنى على الأقل تكون متابع فى واحدة , ومتفاعل فى اتنين منهم , حسب طاقتك ووقتك
دى صعبة دى ؟؟؟
|
ابداً ما صعبة...انا اتجول بين البوست وبين المنبر....وأُكنكش بالمنبر وأنأى بنفسى عن الفيس بوك.
انا متابع فى واحد ومتفاعل معه بربع طايوق ...ومع الآخر بنصف طايوق...اما النصف الآخر فهو قطعاً
ليس النصف الحلو.
| Quote: تخيل اكتشفت ان ساعات اليوم ما عادت زى الأول , اليوم ما ياهو يا كوتش , فاين لى بربك (ربع طايوق ) دعك من واحد كامل الدسم , الطايوق كامل الدسم , فى طريقه للأنقراض يا فردة , لحق العنقاء , لا اوافق على ادراج الخل الوفى ضمن هذه المنظومة المستحيلة , ان تأتى بريحة طايوق فقط , قانت كمن تأتى بالغول , او تسأل عن العنقاء , ارقد عافية يا حبيب |
فتش عن النصف الحلو.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلام عليكم يا حلوين..
فاتني شي كتير.. ولذلك لن أعلق لضيق الوقت..
قالو واحد شايقي من بلديات ودجبرين..
قاعد فوق سطوح عمارتو "أو فيللا في كافوري" يحسب في القروش..
جا شويه هوا كدا.. قام جنيه طار من يدو من فوق السطوح..
زولكم قام جاري نزل بالسلالم يحصل قبل ما زول يهبت الجنيه..
لما وصل تحت.. عاين بي جاي وبي جاي ما لقي الجنيه..
بعد عشره ثواني.. جا الجنيه واقع..
مالكم لا تضحكون... :)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
صبحكم الله بالخير
دعاء الصباح...
اللهم لا تحرمنا من اطلالة منصور...
حاتم جبارة...
النكتة أضحكتني...
نكته سودانية في قالب أمريكي...
أين المدعو محمد آدم النور يا جماعة...
و المدعو موسى عيسى...
هوي يا موسى أخير ليك تظهر و بسرعة...
انتو قدورة ده ضيع الباسورد و لا شنو...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
Quote: دعاء الصباح...
اللهم لا تحرمنا من اطلالة منصور...
حاتم جبارة... |
اللهم آمين ،،،
شرح وسرد منصور افاد ووضح كل شارده ووارده
وهذا هو مضمون ما ذكرناهو بالهاتف لبعض الزملاء الشاردين
سؤال هام ! هل نهجر البوست ولنتركه جميعنا لينعق فيه البوم
هل نتركه خراب بحجة الواجه الجديدة وتعدد الزوجات
مالكم كيف لا تقيمون!!!!!!
بنفس القدر والشفافية يمكن طرح أي موضوع للناس في الموقعين المختلفين
وتلقائياً يتداخل الجميع كل في موقعة وبالتالي نزيد من حجم التفاعل والتواصل
وتلقي الفكرة وبعدين حسب ظروفك تعلق هنا أو هناك أو الإثنان معاً ،،،
بالله تصدق في بعض الأحيان أدخل هناك للتصفح والرد على بعض الإمور وتجد عزاء
أو فرح غير منقول على البوست هنا.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: بقى عندنا تلاتة آليات تناسب تلاتة امزجة ليها كل الأحترام والتقدير
بوست الزقازيق العام , وبوست الزقازيق الخاص , وقروب ناس الزقازيق بى تفرعاته المختلفة الفى وش الكتاب |
ده غير منتدى كلية الاداب بالفيس بوك ....
وده منتدى سرى للغاية و الدخول فيهو بباسورد خاص جدا" جدا"
يعنى ما تلومو زهير براهو ضمو معاهو عمر عوض الريح و منى عباس و اخرين و اخريات ....
Quote: لو ختيتوا الرحمن فى قلبكم , فانتم متواصلون فى اضعف الأيمان , ثم متفاعلون
ثم منسجمون و ثم متكافلون ومتعاضدون ومتشايلون
|
الفقرة دى ما عارف ليه ذكرتنى نشيد متشكرين و مقدرين يا مدرستنا يا مدرسين
يا معلمتنا يا معلمين .....
،،،،،،
قال ليك يا ود جبارة عروس مستعجلة و شفقانة سألوها العقد متين
قالت ليهم بعد صلاة الغـــــــــداء
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
انعي لكم اليوم رجل عظيم ... رحل والدنا والرجل المكافح والعصامي ... الرجل سنادة القبيلة وركيزة اسرته الصغيرة والكبيرة رحل عمنا جبريل موسي والد طلحة وطارق وناصر ... رحل الرجل الجميل الذي للأسف لم نتعرف عليه إلا مؤخراً ... رحل رجل لو لم يفعل شيئاً في الدنيا سوي انجابه لهؤلاء الثلاثة لكفاه ذلك فضلاً ... له الرحمة والمغفرة إنا لله وإنا إليه راجعون ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
إنا لله وإنا إليه راجعون ....
نسأل الله له الرحمة والمغفرة
واسكنه الله مع الصديقين والشهداء وحسن اؤليك رفيقا
عزاءنا موصول للاخوان طلحة وطارق وناصر
وجميع افراد الاسرة داخل وخارج السودان ...
لا حوله ولا قوة إلال بالله ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
انا لله وانا اليه راجعون
صادق التعازى للاخ الحبيب طارق والاخ ناصر و لجميع افراد الاسرة
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
لا حوله و لا قوة الا بالله
خالص العزاء للأخ الحبيب طارق جبريل و جميع أفراد أٍسرته...
انا لله وانا اليه راجعون
اللهم اغفر له وارحمه , وعافه واعفو عنه
اللهم اكرم نزله ووسع مدخله وآنس وحشته
اللهم اغسله بالماء والثلج والبرد
ونقه من الذنوب والخطايا كما ينقى الثوب الابيض من الدنس
اللهم بدله داراً خيراً من داره واهلاً خيراً من اهله
اللهم اسكنه الفردوس الاعلى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
انا لله وانا اليه راجعون ولا حول ولا قوة الا بالله
اللهم اغفر له وارحمه ونقه من الذنوب والخطايا كما ينقى الثوب الابيض من الدنس
واغسله من ذنوبه بالماء والثلج والبرد ...
واجعل قبره روضة من رياض الجنة ... واجعله فى عليين مع النبيين والصالحين
اسأل الله لكم الصبر اخوتى طارق وناصر وطلحة .... ولا حول ولا قوة الا بالله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
إنا لله و إنا إليه راجعون , اللهم لا بقاء الا وجهك
اللـهـم إنه فى ذمتك وحبل جوارك فقه فتنة الفبر
وعذاب النار , وانت أهل الوفاء والحق فاغفر له
وارحمه انك انت الغفور الرحيم.
اللـهـم انه عبدك وابن عبدك خرج من الدنيا وسعته
ومحبوبيه وأحبائه إلي ظلمة القبر وماهو لاقته .
اللـهـم انه كان يشهد أنك لا إله الا انت وأن محمداً
عبدك ورسولك وانت اعلم به.
اللهم ثبته عند السؤال .
احسن الله عزاءكم آل جبريل و ثبتكم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
لا حوله و لا قوة الا بالله
خالص العزاء للأخ العزيز طارق جبريل و جميع أفراد الأسرة...
انا لله وانا اليه راجعون
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولذويه الصبر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي الراجل)
|
آخر مرة مشيت السودان
فى العيد الصغير الفات
مشيت الدرابزين
كانت الواطة نصت نهار و والحراية تسلخ
لقيت كرسى وسرير فاضييين
منعتنى الهجيرة وانتصاف النهار من دق الباب
ما شفتو ابدا , ولا عرفتو الا من حكايات طارق
ندمت الآن على اننى لم اطرق الباب
ربنا يرحم عمنا جبريل , ويوسده الباردة
التعازى كلها لى طارق واخوانه وكل افراد اسرته
تذكر يا طارق , ان الموت يقطع العمل الا من ثلاث (عن البنى آدم)
ابن صالح يدعو له
كن ذلك الأبن الصالح يا طارق , ادعو له ولا تحزن
بالغت انا فى لا تحزن دى
احزن ياخى ما شاء لك الحزن و ولكن استعن بالصبر والصلاة والدعاء
ربنا ادخله جناتك مع صديقنك وشهدائك وحسن اولئك رفيقا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
لا حول و لا قوة الا بالله العلي العظيم ..
الموت حق ..
و أسأل الله تعالى أن يتغمد والدنا / جبريل بواسع رحمته و عظيم مغفرته ..
و أن يتقبله قبولاً حسناً و يسكنه الفراديس العلى من الجنان ..
و أن يلهم اسرت و ذويه الصبر الجميل على فقده ..
اللهم أبدله دارا خيرا من داره و أهلا خيرا من أهله ..
اللهم ادخله الجنة وأعذه من عذاب القبر ومن عذاب النار .
اللهم عامله بما أنت أهله ولا تعامله بما هو أهله .
اللهم أجزه عن الإحسان إحسانا وعن الإساءة عفواً وغفراناً.
اللهم إن كان محسناً فزد من حسناته , وإن كان مسيئاً فتجاوز عن سيئاته .
اللهم ادخله الجنة من غير مناقشة حساب ولا سابقة عذاب .
اللهم اّنسه في وحدته وفي وحشته وفي غربته.
اللهم انزله منزلاً مباركا وأنت خير المنزلين .
اللهم انزله منازل الصديقين والشهداء والصالحين وحسن أولئك رفيقا .
اللهم اجعل قبره روضة من رياض الجنة ,ولا تجعله حفرة من حفر النار .
اللهم أفسح له في قبره مد بصره وافرش قبره من فراش الجنة .
اللهم أعذه من عذاب القبر ,وجاف الأرض عن جنبيه .
اللهم أملأ قبره بالرضا والنور والفسحة والسرور.
اللهم إنه في ذمتك وحبل جوارك فقه فتنة القبر وعذاب النار ,
وأنت أهل الوفاء والحق فاغفر له وارحمه انك آنت الغفور الرحيم.
صادق التعازي لأشقائنا الأفاضل د. طارق ، و ناصر و الأستاذ / طلحة جبريل و كافة أشقائهم و أفراد أسرتهم و لكم أخي أبو دية و لكافة الأهل تعازينا في هذا الفقد الجلل .. و المصاب الأليم و أسال الله تعالى أن يجيركم في قفقدكم و يرحم ميتكم و يجعلكم بالصبر من المبشرين ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ابتهاج عبد الله)
|
يا الله يا الله
لا حولة ولا قوة إلا بالله
تعازينا القلبية للأخونا طارق جبريل وطلحة وناصر
وجميع آل جبريل ، رحمه رحمة واسعة وأدخله فسيح جناته
مع الشهداء والصديقين ،،،
اللهم اكرم نزله ووسع مدخله وآنس وحشته
اللهم اغسله بالماء والثلج والبرد
ونقه من الذنوب والخطايا كما ينقى الثوب الابيض من الدنس
اللهم بدله داراً خيراً من داره واهلاً خيراً من اهله
اللهم اسكنه الفردوس الاعلى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
لا حول ولا قوة الا بالله العظيم
خالص التعازى للاخ طارق واخوانه وجميع افرد الاسرة الكريمة
ونسأل الله ان يرحم الوالد جبريل ويغفر له ويتقبله القبول الحسن
وان يجعله في اعالى الجنان مع الصديقين والشهداء
ونسأل الله ان يلهم طارق وكل الاسرة الصبر والسلوان
إنا لله وإنا إليه راجعون
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
صادق العزاء للأخ طارق ولجميع أفراد أسرتهم
اللهم أغفر له وأرحمه وعافه وأعف عنه وأكرم نزله ووسع مدخله
وأغسله بالماء والبرد ونقه من الخطايا كما ينقى الثوب الأبيض من الدنس
اللهم ثبته بالقول الثابت وأعذهـ من عذاب القبر ومن عذاب النار
اللهم أدخله الجنة مع الصالحين .
وإنا لله وإنا إليه راجعون
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
اللهـــم أكــرم وفادته إليك برحمتك يا أكرم الأكرمين ...
اللهــم أجعله في برزخ عــامر بالأنوار .. وأجعله في معية عبادك المصطفين الأخيــار ..
التعازي القلبية الحارة لأخونا طارق جبريل وأخوانه والأسرة الكريمة في الفقد الكبير
اللهــم أجبر كســرهم .. وأجعل البركة في الذرية ..
________________________
لو تكرمتم بمدنا بتلفون أخونا طارق أكون من الشاكرين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
Quote: عم عبد الرحيم
يا كمين بشر
عم عبد الرحيم
يا كمين بشر
صحي الموت سلام
ما يغشاك شر
صحي الموت سلام
ما يغشاك شر |
شارك عدد من ناس الداخل فى تشييع ومواراة جثمان عمنا
جبريل تقبله الله القبول الحسن..
كان هناك الريس معتصم
عمربسكو
ابوبكر الصديق
احمد عوض
صالح تبلدينا
عمار رحمة الله
البرلوم محمد حسن
له الرحمة والمغفرة.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
| Quote: اليوم الخميس ....... |
انت لكن فاضي لينا من سوق العقارات...
يوم الأربعاء بيكون البوست خفيف عشان قبل الخميس...
يوم الخميس فاضي عشان اليوم القبل الاجازة الاسبوعية ونص دوام...
الجمعة و السبت اجازة و العائلة تأتي أولا....
يوم الأحد اليوم البعد الاجازة و أول يوم في الاسبوع بيكون زحمة في الشغل...
يوم الاتنين كتير من الناس بيكونوا صايمين....
يوم الثلاثاء اليوم البعد يوم الاتينين و الواحد بيكون تعبان من الصيام...
دي حالة عايزه ليها دعاء كارب من الريس ميسرة عشان تنفرج....
يا ريس ركز على الاتنين و الثلاثاء....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: لكن يارشيد القوم ...
ماخليت لينا فرقة ... نتكلم فيها ....
أيام الاسبوع كلها " لغمتها "
|
حبيبنا نجيلة...
لقيته ملغمه من يومه..
قلت أحسن أسمي الحاجات بأسماءها...
Quote: الريس ميسرة ظنيتو حيقول ليكم يوم الخميس الدعاء بالنيه ...
كل واحد يدعو حسب ... الحوجة .... |
انت الريس ده أوحيت ليهو...
و لا عندك أخباره...
ممكن تخلي الفي يدك ده و تختف رجلك تشوفو لينا مالو...
و لو سألتني ليه أنا الأختف رجلي ...
أقول ليك عشان انت الصغير...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
اللهم ياحنان يا منان يا واسع الغفران
أغفر لجميع موتانا وموتى المسلمين وأرحمهم وأعف عنهم
اللهم أجزهم من الإحسان إحسانا وعن الإساءة عفوا وغفرانا
اللهم أنزلهم منازل الصديقين والشهداء والصالحين وحسن اولئك رفيقا
اللهم شفع فيهم نبينا وحبيبنا صلى الله عليه وسلم وأسقهم من يدهـ الشريفة
شربة هنيئة لا يظمئونا بعدها أبدا
اللهم أرحمهم تحت الأرض وأسترهم يوم العرض ولا تخزهم يوم يبعثون يوم لا ينفع
مال ولا بنون إلا من اتى الله بقلب سليم
اللهم من أحييته منا فأحيه على الإسلام ومن توفيته منا فتوفه على الإيمان
اللهم لا تحرمنا أجرهم ولا تضلنا وتفتنا بعدهم
اللهم أغفر لأمواتنا وشاهدنا وغائبنا وصغيرنا وكبيرنا وذكورنا وإناثنا
وثبتهم على الصراط وأرزقهم بكل حرف من القرآن حلاوة وبكل كلمة كرامة
وبكل آية سعادة وبكل سورة سلامة وبكل جزء جزاءا وشفع فيهم القرآن
يا عزيز يا غفار يا رب العالمين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
مرحبا بزوبا...
و صادق الدعوات لي بنات زوبا بالتوفيق و النجاح الباهر...
لنسمع الأخبار الطيبة وتنطلق الزغاريد من هنا من سيدات البوست...
و التهليل و التكبير من رجال البوست بقيادة موسى عيسى....
مافي أخبار من جلا يا جماعة...
عصام دهب المداخلة الجاية بتين؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
ما اروع هذا الصباح ان يطل الانسان علي مداخلة الريس
فلك التحية و اجمل ان يكون المتداخل رشيد القوم و
يسال عنك و بس المشكلة ربطت السؤال بذكر شقى الحال
داك عموما سلمت ايها الجميل الرشيد.
و الذي بهجني و عدل المود المخربط عندي منذ ايام تلك
الصورة اللوحة الرائعة يا دودي و هي تخريج اولاد الدفعة
و أن تري مشاعر بدوي و ادروب الوسيم و الاخ الذي اشتقنا له
كيثرا ابراهيم فش و قفشاته و زبيده و ادم حميده و عييييييك
حقا انهم اناس رائعون حد الدهشة و نقلتي هذه الصباح لحالة
ممتازه من الذكري والشجون لتلك الأيام التي صارت لنا منهل
نورده كلما ضل بنا طريق الغربة و تاه عنا الاحساس بالاشياء
الجميلة بالله كمل جميلك و نزل لينا صورة اعز الناس الباقين
انشاء الله تخريج اداب 84 لو ماعندك تخريج تجارة بالعدم زراعة انشاء الله
علنا نجد مايسعد دواخلنا فلك التحية يا عبدالدائم .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: و اجمل ان يكون المتداخل رشيد القوم و
يسال عنك و بس المشكلة ربطت السؤال بذكر شقى الحال
داك عموما سلمت ايها الجميل الرشيد.
|
يعلم الله الشكر ده بيرفع معنويات الواحد...
حتى لو كان الشكر لي حماد...
شكرا يا موسى يا حبيب...
| Quote: واذا الريس ما جا ؟ ينفع نكشحكم بدعاء الصباح؟ |
دعاء من بيت الكلاوي يا كوتش يعدل لينا صباحنا...
Quote: إذا كان ذلك كذلك
اللهم لا تباعد بيني و بين أحبتي
|
ياخي الشوق بحور ما ليها حد...
ما ليها قيف...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: ياخي الشوق بحور ما ليها حد...
ما ليها قيف... |
متخيلك تقول لي دي أمنيتي في الحياة
لكن يظل الخيار و الفقوس ممداً رجليه طالما موسى عيسى حضور
أها إنشاء الله أمنياتك السابقات طلعت باسطة هردبيس!!!!!
أشتاق إليكم ... كيف ؟؟؟؟ و لما؟؟؟؟
الله أعلم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
لك التحية يا كوتش كنت عايز عايز اقول اقول
يا يا ...................................
من الممكن ان تحل محل الريس في الدعاء في
حالة غيابه و لكن الصورة الفوق دي و البدلة
الكارهات جابت ليك مداخله من النوع جلا !!!
عشان كده الجاتك في دعاءك سامحك ....
و لك التحية ايضا في تواصلك الاجتماعي الراقي يا محمد
صديق نسال الله ان يديم عليك نعمة الصحة و المحبة دوما .
الشي شنو يا جلا فاتحتنا وين شنو داخل علي طول كده
إنت قايل الحكاية من غير بواب إنت كنت وين بعدين نشوف
موضوع الدعاء الما اخدت إذن و شوت في الاوت علي طول اصلك
من زمان بصرجها !!!! كككككككككاك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
الحبيب موسى
بالرغم من أني مشتاق حتى الثمالة
إلا أنني لم أسكر بعد
هذه هي فاتحتكم ... و شكراً للخصوصية
بالله مش أقنعتو!!!!!
بالنسبة للطاعم جلال ما يجي خاشي جوز و يقول لي فاتحتنا وينها!!!
لأنو فاتحتكم يا ها دي
اللهم لا تباعد بيني و بين أحبتي
أي زول ما بيعرف بلاغة و تورية يمشي يشوف ليهو بوست تاني
أو أكون أنا خشيت غلط
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
صباح الخير يا وجوه الخير
| Quote: واذا الريس ما جا ؟ ينفع نكشحكم بدعاء الصباح؟ |
يا كوتش لك وللأخ/ جلا تصريح خاص وكمان موسى عيسى
يبدو هذا الصباح جميل ومشرق
بتداخل كوكبة من الأحبه الرائعين وكمان عودة ديجانغو (جلا)
اللهم أدم لنا هذه النعمة
وأحفظها من الزوال ،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: متخيلك تقول لي دي أمنيتي في الحياة
لكن يظل الخيار و الفقوس ممداً رجليه طالما موسى عيسى حضور
أها إنشاء الله أمنياتك السابقات طلعت باسطة هردبيس!!!!!
|
ياخي أفرض أنا قلت ليك كده..
انت حتصدقني؟
تخلو الواحد يندم على بحر شوقو الدفقو على الرهاب ده...
يا أبو الزوز مشتاقين ياخي...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
| Quote: تخلو الواحد يندم على بحر شوقو الدفقو على الرهاب ده... |
ما عارف لغاية هس إنت ندمت و لا لا
لكن ممكن أهدي!!!!!
مين رفيقك
غير شجن
واشواق
ولوعة
وشحنة الحزن البصيبك
مين رفيقك
انت عارف سر عشيقك
كلما اتخمر عتيقك
مين رفيقك
ياخي سيبك
من سليبك
ومن سريقك
ياخي سيبك
وابقي فتش عن طريقك
يمكن الاحزان تسيبك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
ابراهيم فش بشنباتو و عبدالمجيد عيسى بجلالة قدرو
وجلال كمان فى الصف الوراء ....
،،،،،،،
| Quote: انت ذاتك قيادتك للكورال كانت(كوسة) |
تصدق انت يا كوتش بالذات ما كنت قاعد تحضر البروفات بانتظام
عشان سكنك فى لكوظ بعيد ..... انا لانك دفعة اديتك الورقة قلت ليك
احفظ و بعدين بوقفك فى الصف القدام ....
يبقى الكوسة وين
| Quote: مع انو فضل المأمون كان موجود.... |
فضل المامون فى عز البرد بكون لابس قميص خفيف نص كم
وقاعد يرجف .... تقيف جمبو يجيب البرد حتى لو كنت لابس سويتر
،،،،،،
وشوف ديل ما حافظين طلعتهم بره ..
عاطف خليفة و مرتضى الفكى و اللفى النص ده نسيت اسمو
انتا مالك مربع يدينك ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
هذا الصباح أهدي نجمتين لكل من الكوتش و ديدو....
على الخد و هات وحوار الذكريات الجميل بينهم...
لو في واحد شليق جاء سألني ليه الكوتش و ديدو بس....
أقول ليهو....
ياخي (كوسة)....
أمطار صباحية غسلت الشوارع و فرحت الأزاهر و فرفشت القلوب...
بس كان ناقصاها حاجة مهمة ما بتكون المطره من غيرها...
حاجة ما بتلقاها الا في السودان...
الدنيا دي كلها بتنزل فيها أمطار لكن مطرة السودان فيها حاجة مميزة...
ما عرفتوها؟؟؟
ريحة الدعاش...ريحة الطين
ادفــقى
إدفقى ما تبقى رقراق
أبقى يا ضُل .. يا شموس
غطى المساحات بالوضوح
إستنهضى الشوق .. الجروس
وهجك شوارع ذاتى
فى ليل اليباب
ما تشفقى العطش .. الرحيل
النيل ركيزة
ودمعة الأحباب سِحاب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: لو في واحد شليق جاء سألني ليه الكوتش و ديدو بس....
أقول ليهو....
ياخي (كوسة)... |
أنا غايتو ما شليق
و لا داير أسأل سؤالك الكوسة دا
أنا داير أقول وين الدعاء بتاع الريس!!!!!
إذا كان دعاء الصباح إدفقي!!!!
إلا النشيل شيلتنا
فقرة و سطر جديد:
السلام عليكم و رجمة الله و بركاته
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
Quote:
عاطف خليفة و مرتضى الفكى و اللفى النص ده نسيت اسمو |
الفى النص اسمو عثمان المهل (رياضيات او طبيعة)...والقلت عليهو مرتضى هو اسمو النور (جغرافيا)
انت عامل فيها ابوعرام..
(ابوعرام دى سامعا جديد )....عارفك حتقول لى كده...بيدى لا بيد النضيف.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
Quote: هذا الصباح أهدي نجمتين لكل من الكوتش و ديدو....
على الخد و هات وحوار الذكريات الجميل بينهم... |
وأنا أهديك:
سيد احمد الحردلو:
يممت الفرح
توضأت بذكرى من أهوى
وقرأت قصيدة عشق
ثم نويت:
ولما أدركنى الفجر
وألفانى من دون دثار:
زملت عيونى وبكيت
هأنذا فى عشقى منهمك
أطلب سلوى ممن دنفه العشق
وأبلاه الشوق
وأضناه المشوار
هأنذا أحتار:
ما بين الموت بعشق
والعشق بموت
هأنذا أتواصل فى الحيرة
أتلاشى فى النار.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
| Quote: محمد معانا .. ما تغشانا |
يعمل الله الليلة من الصباح طاريك...
أنا قلت المطره بتاعت الصباح دي و الهواء المنعش الجميل ده...
لا بد و أن تعقبه الأزاهر...
عليك الله يا حمادة نزل لي صورة زول بيعمل (كيه)...
كيه لي زول كده...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
عارف يا جورج
سيد أحمد الحردلو دا زول عجيب خلاص
شوفو لمن يتحدث عن الماضي و المضارع
يقول
يا معشَر العربْ
(من الخليجِ الثائرِ إلى المحيطِ الهادر).
صِفوا ليَ الحربَ ،
كيف تقاتلون مَنْ يبدأُ بالعداءْ
ويستبيحُ مدنَ الأطفالِ والنساءْ .
قال خطيبهُم :-
نُحرضُ الجرائدَ الصفراءْ
ونعرضُ السيوفَ في المذياعِ والتلفازْ
ونُحسنُ القصائدَ العصماءْ
ثم نجلدُ البعضَ ،
فبعضُنا جاسوسْ
وبعضُنا كابوسْ
وبعضُنا ينخُر فيه السُوسْ ،
ثم نمشي بالوعيدِ ..
حتى يسمع الأعجلُ منا .. أو مِن العدوْ ،
فنحن أهلُ نَصْبْ .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
| Quote: فذقت فيك من التبريح ألوانا |
ده منو البرحك ده عشان أكسر ليك راسه...
تبريح شنو يا حمادة يا حبيب...
مالك لحقت صاحبي بتاع الدمام...
قال شنو...قال المداخلة الفاضية دي معناها (لايك)..
هي (لايك) زاتها معناها شنو....
غايتو زولي ده غلبنا البنسويهو معاهو....
نمشي نشوف لينا فكي كااااااارب كده...
كان نفع معاهو بنحوله للهلال يجيب بيهو كاس أفريقيا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
| Quote: ده منو البرحك ده عشان أكسر ليك راسه... |
يا رش خليك حذق
و أقرأ ما بين السطور يااااااخ
إنه الفردوس المفقود
إنه محمد عيد الموجود المفقود
و الله إنني لأشتيهه كان فاعلاً أو مفعول به
بالرغم من شحه الظاهر بيننا
و لكنه أفضل من لايك
على العموم
نزلت شطك بعد البين ولهانا
فذقت فيك من التبريح ألوانا
وسرت فيك غريبا ظل سامره
داراً وشوقاً وأحباباً واخواناً
فلا اللسان لسان العرب نعرفه
ولا الزمان كما كنا وما كانا
ولا الخمائل تشجينا بلابلها
ولا النسيم سقاه الطل يلقانا
ولا المساجد يسعى في ماذنها
مع العشيات صوت الله ريانا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
| Quote: نفتقدك ليس إلا...وما باليد حيلة. |
Quote:
تبريح شنو يا حمادة يا حبيب... |
Quote: إنه الفردوس المفقود
إنه محمد عيد الموجود المفقود
و الله إنني لأشتيهه كان فاعلاً أو مفعول به
بالرغم من شحه الظاهر بيننا |
ايها الأحباب ...
يعلم الله اننى أشتهيكم وأشتهى مرتعنا هذا
كما يشتهى صديقنا الذى بالدمام .. انتظاره لصنوه الجميل بجوار المهداوى للذهاب لتشجيع ناس اطوبونج
ويعلم الله اننى لا أتعمد او اتقصد الظهور أحيانا بالاماكن الاخرى مع الغياب هنا ...
ولكنى ربما استسهل ذلك احيانا ..!
ويعلم الله اننى أشبه هذا المنبر بالوطن والبيت الكبير ...
ابتعد عنه طويلا ... وأشتاق اليه كثيرا ...
وهل لأى منا ان ينسلخ عن ترابه .. او يخرج من عباءته الماهلة .؟؟
لن أعيد ما قاله زهير قبل ايام عن الفيس بوك ..
ولن أقول لكم انه افضل من هنا ... ولكنى أؤكد على حقيقة أشار اليها ابو الزوز
ولم يعرها أحدا اهتماما ...
وهى سهولة التواصل بذلك المكان ... وسهولة الوصول اليه ايضا ...
والأهم من هذى وتلك ...
امكانية التلاقى مع أكبر قدر من أحباب الزمن الجميل ...
والدهشة الجميلة التى تعتريك وانت فى كل يوم تستقبل وجها حبيبا طال به البعاد ...
تخيل يا رش .. عندما تدلف للمكان وتجد فى انتظارك .. عواطف دفع ( مثلا ) بابتسامتها الجميلة وهى تحييك ..
وتخيلوا مدى السعادة التى تعترى الواحد منا وهو يجد أمامه حسن برى يخطو الى حلقات الزقازيقاب المتعدده ..
وكيف يمكننى ان أغمض عينى وانا استمتع بالتداخل السريع مع قامات كنا نسمع أسماءها بذكر طيب ولم نسعد بلقاها ايام الدراسة ..؟
نجم صالح ود. رشيد زكريا واحسان عبد العزيز وسناء الرضى ومكى وشبيكة و ..... و .....
او التحاور الجميل مع اجيال اكثر حداثة وايضا لم نلتقيها هناك .. وليد حمدون وعزيز الرحمن وامال البنجاوى و....و ......
الخلاصة : او الزبده كما يقول الخليجيون ...
اننا نحب ان نلتقى ونلتقى ونلتقى .... نسترجع الجميل من الذكرى ... ونتشارك الحاضر بفرحه وآلامه
ولا يهم أين نلتقى ...
فاليوم يمكن ان نفطر مع الكوتش فى مكتبه بميدان الربيع
ونتغدى برفقة الرشيد بمكتب نهلة بشارع النيل .. ثم نحبس بفنجان قهوة مع الحاج السرى فى الفاو
والسهرة ممكن تكون صباحى مع ابو الزوز بشاطىء الهاف مون او مع جبريلا على شواطىء أغادير ...
اللهم قد بلغت .. اللهم فاشهد ( وهاؤم اقرءوا كتابيا ) ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
صبحكم الله بالخير
في احدى الحلقات القديمة لبرنامج أوبرا وينفري و الذي كان بمناسبة بلوغها الخمسين من عمرها...
قالت انها تعاملت مع مسألة بلوغها عامها الخمسين هذه برضاء و فخر...
وانها لم تشكل لها أي اشكالية من أي نوع...
و ان التغييرات البيولوجية الطبيعية التي تحدث للمرأة في هذا العمر لم تنعكس سلبيا على نفسياتها...
كان بيني و بين الخمسين سنوات كنت أشعر بها و كأنها فاصل واسع شاسع ...
و كنت كلما يسألني أحدهم وقتها (انت يالرشيد حصلت الخمسين)...
كنت أرد عليه (أنا وين و الخمسين وين ياخي قول بسم الله )....و لم تكن هي الا بضعة سنوات فاصلة...
فلقد كنت متوجسامن بلوغ هذا العمر الذي تعقد له المؤتمرات و تعمل له الدراسات و البرامج التلفزيونية...
و وجدت أن الحاجز الشاسع الذي كان بيني و بينه قد بدأ يضيق رويدا رويدا...
حتى وجدت نفسي في مواجهته أو قل على أعتابه (هذه الأخيرة من باب التجميل لا الكذب)...
لا أشعر أنه تنتابني أي نوع من الهواجس و المخاوف كلما اقتربت من الخمسين....
رغم انني كنت أشعر مع كل الذي يثار حوله كأني مقبل على تجربة خطيرة جدا...
الآن (و أنا على الأعتاب)...لا أشعر بأي مقدمات لتأثيرات نفسية أو بداية اختلال في المشاعر المختلفة ....
و حتى لا أطيل عليكم أسألكم...كيف تشعرون الآن و قد بلغتم الخمسين أو كنتم على أعتابها...[/red]
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
نجاوى صباحية :
اللهم يا راحم عبرتي
ويا مُقيل عثرتي
يا فارج الهم
وكاشف الغم
يا مجيب دعوة المضطرين
يا كاشف كل ضُر وبلية
ويا عالم كل خفية
يا الله يا أرحم الراحمين
======================
خلاص كبرت وليك خمسين سنة
عمر الزهور وعمر الغرام وعمر المُنى
بالله الكلام ده ناس زهير وعبدالدائم ومن لف لفهم
يبتعدوا لأن بلوغ سن الخمسين فيه مخاطره عليهم
ما أي زول يقدر على بلوغ سن الخمسين بسهولة
زمان لما وصلنا الأربعين قالوا دي السن الفيها يكون الراجل
قد إكتمل فهماً وعقلاً والرسول جاتو الرسالة في الأربعين
وسن الخمسين قالوا دي السنوات البستمتع فيها الرجل بشابه
بشكل مقنن ورزانه كاملة.
في سن الستين بيرجع الرجل صغير ويعود مراهق كما كمان
ويبدا يقيف أمام مدارس البنات .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote:
و حتى لا أطيل عليكم أسألكم...كيف تشعرون الآن و قد بلغتم الخمسين أو كنتم على أعتابها.. |
عندما يبلغ الرجل عامه الثالث والخمسين، فإنه يكون أكثر استعداداً لبذل الجهد الجدي
أظهرت دراسة بريطانية جديدة نشرت نتائجها مؤخرا أن الرجال يبلغون ذروة الرومانسية في سن الثالثة والخمسين،
وذكرت صحيفة «الديلي تلغراف» المحافظة، التي نشرت تفاصيل الدراسة، أن الرجال في هذه السن «يكونون أكثر
إلماماً بالإيماءات التي تنال إعجاب النساء مقارنة بأقرانهم من الشبان».
وكشفت الدراسة، التي أوصت على إجرائها شركة فندقية بريطانية، والتي شملت رجال تتراوح أعمارهم بين 51 و55 سنة،
أن ثلث المشاركين في الاستطلاع فاجأوا زوجاتهم بهدية خلال الفترة الأخيرة، في حين كتب 28% من الرجال قصائد شعرية لزوجاتهم،
واصطحب 48% منهم نصفهم «الناعم» في رحلة أو في مشوار ترويحي خارج المنزل.
تلييشة :
قبلــك وحـــدك ياخوى
| |
|
|
|
|
|
|
| |
محمد صديق
الرشيد بابكر
عبد الدائم سيد أحمد
ياسر نجيلة
منصور عبد الرازق
Hatim Gubara
ميسرة سيد أحمد
عمر نملة
زهير الزناتي
محمد عيد
موسي عيسي
سامي عبد الوهاب إدريس
عصام دهب
ابتهاج عبد الله
جلال عثمان
أحمد إسماعيل
زينب التجاني
محمد آدم النور
فيس بوك
تويتر
انستقرام
يوتيوب
بنتيريست