|
|
|
 Re: ناس الزقازيق ... أجدع ناس (4) .. (Re: محمد عيد)
|
صبحكم الله بالخير
اقترح عليك يا كيمو أن تستهل كل صفحة بعمل على شاكلة هذا العمل...
كما و أقترح عليك فتح بوست بالمنبر لأعمالك بحيث تجمع كلها في مكان واحد...
بوست للأعمال الموسيقية فقط دون الحاجة الى أي كلام أو ردود...
التعليقات على الأعمال تكون هنا في المنبر العام...
| Quote: فتحت نافذة عيادته المطلة على الشارع .. قلت : ألا يكفي هذا سببا ...؟! |
يا حمادة عيادة الدكتور ده في ياتو شارع...
اذا عرف السبب بطل العجب...
الشوارع خشم بيوت...
مش الأستاذ محجوب شريف بيقول...
المهنه:
بناضل وبتعلم..
تلميذ فى مدرسة الشعبِ
المدرسة..
فاتحه على الشارع
والشارع فاتح فى القلبِ
والقلب..
مساكن شعبيّه
تعليقاتي دي يا حماده انما تعبير عن اعجابي بهذه السلسلة من القصص القصيرة...
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
اليوم خمر و عدا امر
تشكر يا شادي علي الاهداء وبالرغم من ان
الاغنية لم تفتح معي و لكني حسب الحالة النفسية
المتسقة عشتها كما ينبغي و رجعت بالذاكرة للوراء
فكان لي من الاستماع بذكرى ايام حلوة قضيناها .
و يادودي وسع محل النواح و كتر من المناديل !!!!
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
العزيز الرشيد
Quote: اقترح عليك يا كيمو أن تستهل كل صفحة بعمل على شاكلة هذا العمل...
كما و أقترح عليك فتح بوست بالمنبر لأعمالك بحيث تجمع كلها في مكان واحد...
بوست للأعمال الموسيقية فقط دون الحاجة الى أي كلام أو ردود...
التعليقات على الأعمال تكون هنا في المنبر العام...
|
تأمر أمر
ينفذ عما قريب إن شاء الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
الشادي معانا ماهمانا
الحبيب الشادي اختيار جميل واداء قمه في الروعه
وزي ماقال الرشيد في نكهه عميريه ولكنه عبق الاداء
العميق الممتع لك التحيه اسعدتنا بطلتك في جده
وتكرر لنا الفرح بهذا العمل الجميل مزيد من الابداع والتالق
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
الحبيب محمد عيد
داير اسألك
قاعد تجيب الكلام الحلو ده من وين
قصصك القصيرة من يوم ما الرشيد هبش راسو لمن جبت سيرة التنورة الحمراء
الواحد كلما يقرأ واحدة يحس إنو إيدو بتنملو
صراحة حاجة حلوة
تحياتي
| |
|
|
|
|
|
|
|
|
 Re: ناس الزقازيق ... أجدع ناس (4) .. (Re: محمد عيد)
|
يا اجدع ناس 000
معذرة للانقطاع 00 انه ايقاع الحياة المزدحم بنغمات لا تشابه جمال
نغمات شادينا 00 واللي من ماسمعتها والا والدمعتين رفضوا مفارقتي 000
شكرا للريس وعيد 00 وطارق وزهير وكمال 00 وجروب الفيس الجميل شكرا ليكم 00
ما عارفة الواحد مفروض يفرح ولا يزعل انه سنة من عمره راحت 00 لكن تبقى داخلنا امنيات الحب والفرح دايما 000
00 ومن الليلة بدينا الاجازة 00 ودي فرحة تانية 00
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عفاف علي ميرغني)
|
رزق الاخ قيس جمال الدين بمولـــــــود قبل ثلاثة ايام
الف الف مبروك يتربى فى عزكم يا دكتور
وحمد الله بسلامة المدام
ويا ناس الرياض مبروك عليكم السماية
ويا موسى عيسى عدة السامية لموها عندنا البغسلها ليكم
بس دايرين لينا زول شاطر يسوى الجبنـــة ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عفاف علي ميرغني)
|
| Quote: ما عارفة الواحد مفروض يفرح ولا يزعل انه سنة من عمره راحت |
أقول ليك حاجه يا فافي ...أزعلي و أفرحي...
أزعلىي على ما مضى من الأيام و لن يعود...
و أفرحي للقادم من جميل الأيام ...
تميمة...ع
ندما يشعرك التعب بأنك قد تقدمت في السن...
أصرفي الأولاد و أبوهم ليلعبوا الكرة بالحديقة...
و أسحبي اليك صندوقك السحرى أو سحارتك...
و أخرجي تلك الصور..
حيث التوكات و الشرابات و الفيونكات ...
عندما كان حاج الركز لا زال يمشط شعره...
فانك حتما ستشعرين بالحيوية مرة أخرى...
تميمة أخرى...
ان شاء الله العمر كله...عمر مليان سعاده و محبة...
كل عام و أنتي بألف خير...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلام عليكم يا حلوين..
البت الرهيييييبه فافي..
كل سنه وإنتي طيبه.. وكل السنين أفراح..
آمين..
كمال يا وجيه.. إيه الحلاوه دي؟
ياخي دي حاجه ما تخلص..
مبروك يا قيس المولود الجديد..
يتربى في عزكم إن شاء الله..
بديك التقيل بهناك..
ما جايه كدا..
زول اسمو حسن وداير يعرس حسنيه..
والا دا تمويه حق أسامي..
الزناتي.. إتغيرت..
بقيت تجي للشديد القوي بس..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
الله.. المداخلات بقوا يطاقشوا..
ما باسألك يا ودعيد.. دا مثلث برمودا والا شنو..
دي صوره تاريخيه..
حقو منصور يجي يعمل لينا ليها نقد بناء..
يبدأ لينا بي غسيل العده..
ونهايه بالمريله..
بالمناسبه..
البت عرفه..
فاتحه ليها بوست لذيذ جدا..
عن سيسيليا الكنديه وفرح معبأ في زجاجات..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
هاهاهاهاهاهاههههههههههههههه
والله ياود عيد ضحكتني ... بعد ما كانت قافلة معاي ...
الله يريح بالك ... صورة زهير مباااااالغة
ينوبك ثواي ... اعمل لينا واحده ... للزول البرمي الطعمية دااااااااااااك ....
==========================
لما تجيك مكالمة عابرة للمحيطات ..
من وشنطون دي سي ... بنكهة الدومنيكان ...
تنسي الدنيا وهموما ...
وتمتلئ فرحا ... بذكريات الزقازيق ...
شكرا يا حاتم جبارة ... نردها ليك في الافراح
============================
ود جبرين ...
واصل ياخي ... جراءة لذيذة ...
=====================
مليون شمعة مضافة لافراح البوست ...
وعمرك الطويل ... ياعفاف ..
سلام للاولاد وحاج الركز ...
==================
وبس ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
كلما كان يحدثني أبو الزوز عن واجباته يوم الجمعة كنت أعتقد أنه مدعي بطولات...
حتى أتانا صاحب برنامج سري للغاية بالتوثيق...
فقررت أن آتي مخصوص عشان أهنيه على هذه البطولات...
أن تغسل العدة في حد ذاته عمل كبير...
لكن أن تلبس المريله كمان لزوم الحماية من البلل فلا شك انه شيء كبير...
فليس صحيحا ان كل الاتبلبلوا عاموا...
نفسي يا محمد عيد أشوف أبو الزوز شايل المقشاشة بيكنس...
عشان أصدق باقي كلامو...
برافو أبو الزوز
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
بصراحة ياجبيللا
انا كنت عارف إنو الرطوبة اثرت في صاحبك ده
لكن ماكنت قايلها وصلت العضم
يا أخوي الله يحفظنا
ولا يبلينا
من نوع الرطوبة دي
إنت عارف طارق
لو صاحبك ده وهو شغال بالمقشاشة دي
غطي شنبو بي حتة ملاية قديمة
الحيرقان داك ماكان جاك
والله ما كده ؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
سلامات يا ناس
يا زهير يا حليلك ....
اهى الغربة كشفت حالك....
كنت عندنا مستور...لايق مع شنبك وشنبك لايق عليك
ومالى مركزك (وملو هدومك)
زيو فى الغربة كتار....بس صاحبى بقى شقى الحال الوقع فى القيد
يا ترى الدور الجاى على منو؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
Quote: يا
ياسر نجيلة
ويا
منصور عبد الرازق
محمد صديق بيسأل منكم
ياتري الدور الجاي على منو ... ؟! |
ياود الشادي
جنس البعملوهو لناس ابوشنب ده ماعندنا ...
نحنا ناس هرشة بس ... وكواريك ساي ...
من الباب بستقبلونا ... انت الطماطم دي جايبا حمرا شديد كده ليه ...
وشبط الولد ده ما كان تجيبو كبير شويه ...
وتدخل المطبخ تشرب مويه ... وتمشي تقرا مع الاولاد ...
خشمك وعندك ... بدون ماتقول ... بغم ...
بعدين يالحبيب ... انا صوري ماقاعد اشتتا ساي كده ...
عامل حسابي لليوم الزي ده ...
لكن والله لو عملتو لينا واحد لصاحبي داااك ... البرمي الطعميه ...
يكون الكيف وصل 100%
كدي شوف منص ... يمكن ينفع ..... اصلو انتو دافننو سواي بهناك ... الرياض ...
=============================
محمد صديق ياكوتش ...
يعني انت عاوز تقول ...
المشي من دارو ... قل مقدارو ...
غايتو ياابشنب ...
عندك واحد من اتنين ...
يا تحلق شنبك ده ... يا تغطي وشك من عيد وميسرة ...
مع ملاحظ:
اخونا بتاع باغات المويه ... واكياس الزبالة لسة ماوصل ...
جلال ياسكر ... احوالك كيف ...
==============================
ياشادي عاوز اعلق كمان شويه ....
بس احجزوني من ... مني عباس ....
========================
كفايه ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
نضف ... نضف
لكن ابعد عن موداد النظافة من كلور آكس وداك وسوبر فلاش
بتسبب الحساسية .. اسأل مجرب
مع انو نضافة السيراميك متعبة بس احسن من الموكيت لانو
الموكيت برضو بسبب الحساسية وبالذات الغبار الطالع من المكنسة الكهربائية
والله يا زيزو لو عندك جبنــــــــــة بجى اقعد معاك اونسك لحدى ما تنتهى
من النظافة ... انا بجيب الزنجبيــــــــل ..... وشريط بلوبلو ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
قصــــه قصـــيره جدا
جميلة الوجه ، راقية الذوق ، رفيعة المستوى ،
تعرف نفسها إلى الناس: (أنا المهندسة ". . ." ابنة الدكتور ". . ." ).
تجاوزت الأربعين من العمر الآن ، لكنها أصبحت :
(أنا ". . . " عزباء وأقدر الحياة الزوجية ).
وأرفع لواء ... التعدد من اساسيات الحياه ...!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
| Quote: وأرفع لواء ... التعدد من اساسيات الحياه ...! |
انا بالنيابة عن ياسر نجيلة ( وبصوته العالي )
إثني هذا الاقتراح وأدعمه بشده
لان الاخ ياسر نجيلة من انصار التعدد
والتعددية
والثلاثية والرباعية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
تاني يا كيمو موضوع التعدديه..
ما قلنا ليك ناسك ديل ما تتعب روحك معاهم..
غايتو نحن البوليجامي دا (polygamy) ضد القانون هنا..
وفيها سجن وكدا..
في واحد سوداني عرس كضب..
نظام يطلع الورق وكدا..
المهم أمورو مشت كويس واستلم الجرين كارد..
ومن بعدو الجنسيه..
زولكم ما صبر يتم إجراءات الطلاق..
ومشى عرس في السودان..
ورجع وطلق الأمريكيه.. حسب إتفاقهم..
وجاب زوجته السودانيه وعايش في سعاده تامه..
قال يطلع للمرأه الجديده جرين كارد.. وفعلا قدم ليها..
في الفورم سألوهو تاريخ العرس.. كتب الحقيقه..
ناس الهجره جوهو لحدي البيت..
يازول إنت كيف عرست قبل ما تطلق؟ ما عارف ال polygamy ممنوع..
سحبوا منو الجنسيه وقتي.. وحولو أوراقو للقضاء..
دايرين يدخلوهو السجن.. وقضايا كم سنه..
قالوا ساق أولادو ورجع السودان..
هوي.. لقطوا سكاكينكم دي وخلوا أب شنب في حالو..
وخقو تحتفلوا بيهو وتهنوه على انو الرجل المثالي..
زول بيساعد زوجته في شغل البيت وبيخفف عليها..
داير أكبر وأبقى زيك يا وله يا زناتي..
رفعت راسنا والله.. وأخجلتنا..
لكن المريلا حلوه.. والكرش فعلا كبيره..
شفت صاحبك الكوتش.. طوالي فكاك عكس الهوا..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
Quote: إثني هذا الاقتراح وأدعمه بشده
لان الاخ ياسر نجيلة من انصار التعدد
والتعددية
والثلاثية والرباعية |
الروووووووووووووووووووووووووووووووووووووووب
ياكيمو ... انت الجابك راجع شنو ... D:
مالك عاوز تخرب لينا .... الاجازة ... ياخ
=======================
النضيف ... بلوبلو ... حتغني شنو ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
Quote: نجيله يا حلو..
سعدت بسماع صوتك بعد كم وعشرين سنه..
كويس لقيتك صاحي ما زي ناس كدا..
تحياتي للأولاد.. ولبتنا رشا.. ست الأسم الأصلي..
أقبل ليك علي زولك بتاع السلع والا كفاهو؟ |
ود جبارة ...
قرض على كده ...
انا هنا ماعندي غير ...
ولدنا رشا ... وبتنا رشا ..
لو كونا رابطة الزقازيق ... ماعندي غيرو ...
لو عاوزين نزور ناس الزقازيق ... ماعندي غيرو ...
لو زارونا ناس الزقازيق من بره ... بوديهم ليهو ... وما عندي غيرو ...
عاوزين نعمل صندوق ... مختلفين في الصرفة الاولي ... لو الموضوع طرشق ... برضو ما عندي غيرو ...
بحلفك يا ود جبارة ... وقف ... هنا ... بعدين زولك كلامو وقصصو ... جميلة بالحيل .... ومستمتعين بيها ...
بس لو تحنس لي ود عيد أو الريس ميسرة ... يجيبو لى ولدنا البرمي الطعمية ...
تكون كفيت ... ووفيت ... وريحت بالي ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
http://www.sudaneseonline.com/arabic/permalink/5324.html
أول المصفين من قبل حكومة القتل و التصفية حكومة ال###### هو زميلنا الاستاذ
يعقوب التجاني الرجل الجميل نسال الله له الرحمة والمغفرة و نسال الله ان يسكنه
فسيح جناته مع الصديقين و الشهداء و حسن اولئك رفيقا .
علي جميع الشرفاء ادانة هذا السلوك البربري لأبناء الشعب السوداني .
لا ثم لا للاعدام و التصفية الجسدية و الابادة الجماعية لابناء جنوب كردفان.
لا للطغاة و مغتصبين قوت الشعب .
لا لتجار الدين و سارقين حقوق المغلوبين .
اللهم عليك بهم فإنهم لا يعجزونك !!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
سجم خشمى سجم خشمى , ده منو الزول ابو كرش ومريلة ده ؟؟؟؟!!!
لا بعرفوا ولا يضرب لى تلفون تانى
جابت ليها مرايل كمان
عن نفسى انا , ساجتهد ايما اجتهاد , لأخفاء هذه الصورة البشعة خاصة عن ست بيتى
انا فى الحتة دى , تخلف الدنيا دى كولها راكبنى
لا بدخل مطبخ ولا بلبس مريلة
ولا بتبرانى مقشاشة
فى بيتنا زمان , فوقى بتين , وتحتى واحدة
من ناحية العمر بقصد طبعا
يمين بالله امى رحمة الله عليها , لو بالغلط كده لقتنى فى المطبخ , عاوز اعمل اى حاجة ولو كباية شاى
كانت تقوم ليكم فى بناتها جنس قومة
حقيقى لغاية ما انا ذاتى كنت باستغرب
فى نهاية الأمر عرفت انها كانت توصل رسالة لى بناتها , بان عليهن تولى امور البيت جملة وتفصيلا
عرفت بعد داك , انها كانت تحاول توصيل رسالة تربوية تهم البنات
لكنها -رحمها الله - لم تلقى بالا للرسالة السلبية الوصلتنى من اليوم داك
الرسالة السلبية ديك , وصلتنى بوضوح شديد , ومتمسك بيها لغاية هسى
رداء ومريلة وشنب يا ابو الزوز
لو امى -رحمها الله شافتك - كانت ورت اخواتك (المكشن بلا بصل )
قول لى ابتهاج , انا غايتو -كلام امى ما بوقعوا واطة -
وصورتكم دى , لا بوريها لى امانى ولا بدخلها بيتنا
ومن حسى ورونى الحتة البيمسحوا منها الصور وين ؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
خالص التعازي للجميع ...
والى جنات الخلد الاخ الشهيد يعقوب التجاني
ونسأل الله ان يجعلك في اعلى عليين.
| Quote: نفسي أعرف الإنقاذ دي جات تنقذنا من شنو |
والله يا طارق كان رجعونا الحتة الانقذونا منها يكون كتر خيرهم
ولكن ليل الظلم قصير ياحبيب ... ويقيننا بأن الله ليس بغافل عن هؤلاء المجرمين
وما يحيكونه بأهلنا ...
نسأل الله ان ينغشع عنا ليل الانقاذ الحالك الطويل
-------
سلام جاكم كلكم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
لاحولة ولا قوة إلا بالله
رحم الله أخونا يعقوب التجاني
وأن يحتسبه مع الصديقين والشهداء
اللهم الهم أهله الصبر والسلوان
انا لله وإنا إليه راجعون
===================
ياريت ياموسي عيسي
تشرح لينا اي واحد في الصورة هو المرحوم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
كمال الشادي سلامات ....
حاولت ارفع الاغنية لليوتيوب ابت تنزل معاي في كمبيوتر المكتب
وفي البيت نزلت ابت تترفع ... بالله ما اتلومت معاي الاغنية دي
ياخي ما شاء الله لسه محافظ علي نداوة الصوت ... ولسه طازج ...
والقدرة العالية علي التطريب .... غايتو بلبداتك الكتيرة
قاعد تظلم نفسك وتظلمنا معاك ... ياخي انت زول فنان حرام
البتعملوا في موهبتك دي .... شكرا علي الاغنيتين الجميلتين
السريتين .... وقلت ليك الكلام ده هنا عشان اثير فضول من
لم تصله حتي الآن ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
اها بالنسبة لصورة المقشاشة ... اولا دي ما مقشاشة دي مساحة
سلامة النظر يا عجايز ... المقشاشة كانت قبل المسح ... بعدين
غسيل العدة ... بعدين الملاح ... ثم غسيل الحمامات .....
يعني يوم الجمعة ديوتي كامل .. مما جميعه ...تسليم مفتاح
الماعاجبه يشرب من البحر ... والما جنبه بحر يكلمنا نشرب
ليهو .... اها البرنامج ما فيهو حمام مجد يا حاقدين ...
ولا غسيل هدوم ... بس شكله من الاسبوع الجاي حا تخش
الحاجات دي البرنامج ... يعني لفته نظر الجماعة لحاجات
ما كانوا خاتين ليها بالهم .... ولا نامت اعين الجبناء ...
ما عارف الجبناء ديل منو ... بس لا نامت اعينهم ... وليه
اعينهم ما تنوم .... انا ذاتي ما عارف ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا وجوه الخير
أصبحنا وأصبح الملك لله وحده،،،
تعجبني يا زهير الزناتي
يومين وأنا منتظر مداخلتك دي
وكمان مداخلة رشيد القوم لأن
الأمنية تحققت ليه بسرعة قاتلة
وأهم حاجة القناعةالكاملة
ولا نامت أعين ،،،،، الجماعة
والما عاجبوا يشرب من بحر جدة (علشان كله ملح)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صبحكم الله بالخير
نسال الله الرحمة والمغفرة للاستاذيعقوب التجاني...
و نسال الله ان يسكنه فسيح جناته مع الصديقين و الشهداء و حسن اولئك رفيقا...
| Quote: أقبل ليك علي زولك بتاع السلع والا كفاهو؟ |
نحن لاقينو وين قبيلكم...
عليك الله قبل علي...
عارف يا حاتم حاجة غريبة جدا ان كل الناس كانو بينادوني يا رشا...
كان ياسر لورد و كنا جيران بمدني يناديني بالصوت العالي يا رشا...
و الوالد يقول لي ياسر بيناديك بره...
أيام الكورة في ليق الخرطوم كانوا زملائي في الفريق ينادوني بيا رشا برضو...
في شفع بين الشوطين مره وقفوا يشوفوني أنا سوداني و لا حبشي (514 مره)....
Quote: عاوزين نعمل صندوق ... مختلفين في الصرفة الاولي ... لو الموضوع طرشق ... برضو ما عندي غيرو ...
بحلفك يا ود جبارة ... وقف ... هنا ... بعدين زولك كلامو وقصصو ... جميلة بالحيل .... ومستمتعين بيها ...
|
يا نجيلة بعد التلج ده الصرفه الأولى و التانية حقاتك...
بس التالته خليها لي عندي التزامات...
الأةلاد قالوا عايزين يمشوا يحضروا كوبا أمريكا في الأرجنتين...
عشان يتصوروا مع ميسي و يجو راجعين...
ميسي دخله في الشهر أكتر من مليون يورو..
يعني بيشوف حكاية انك تركب طياره من الامارات عشان تجي تتصور معاهو دي عادية جدا...
لكن أنا دخلي من ما اتخرجت من الجامعة لحدي يومنا ده ما حصل الرقم ده...
عليك الله ممكن أشوف الموضوع ده عادي...
ما تنسى...
الصرفه التالته محجوزه للأسباب أعلاه...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي الراجل)
|
العزيز ياسر نجيلة
انا عايز اذكرك في الصفحة (3) من بوست صور نادي الشرطة
تتذكر قلت ليك تعال نرصد سلوكيات ابو شنب قبل وبعد الرطوبة
ويادوب بدينا نرصد
دخل علينا البوست
انا هنا بعمل ليك كوبي بيست لمداخلتو
والتعليق عليها من عندك يا حبيب
Quote: ايها الرعاديد .... قبضت عليكم .... انا ابو شنب الذي اذا ما ظهر في المنزل ... يجلس الواقف ... ويقف الجالس ... ويتكلم الساكت ... ويسكت المتكلم .... ويصحو النائم وينام الصاحي ... ويهرول الواقف ... ويقف المهرول .... انا ابو شنب الذي لا ينظر لي جمال فارح وكاني بطل قومي .... انا من قالت فيه النساء شعراً ... ابو حيون حمراء وشرارة .... انا الذي لا يحمل الماء والغاز الا مضطراً ... ارعوا بقيدكم ....
واسالوا مني محمد صديق فهو اكثر الناس قدرة علي الشهادة .... لما لمسه من قوة شكيمة وشجاعة يتحدث بها الركبان ... حتي كان يفغر فاهه دهشة ..... حينما يراني ازمجر كما الاسد .... واحدي قصصه التي لم تنشر كتبها عني .... ولولا استحلفته بكل ما هو عزيز لكنت موضوع احدي قصائده التي لم يكتب مثلها من قبل ...
اسالوا نادر فاروق .... اسالوا محمد حسن البرلوم ...وحتي حاتم جبارة الدومنيكاني ... يتمني ان يمنحه الله جزء من شجاعتي حتي يواجه بها ناس امريكا اللاتينية ... اسالوا عني مجتبي فاروق ... اسالوا كل ناس الداخل يحكوا لكم عن سيرة بطل لم تري الحياة الزوجية مثله قريباً...
انتو الله ما ليكم .... |
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
عييييييييييييييييييييييك ياود الشادي
هو بالله ده نفس زولنا الزمان داااااااااااك ...
انت لابد ليهو من الزمن دااااااااااااك ........
والله لقيتك حريف ... وغتت خلاص ....
هسع زماااااااان كان شابكنا ...
عيون حمرا وشرارة ... واوقف ... واخوف ... وارجف ...
تصور ياشادي .. يومها لما كتب الكلام ده ...
انا طوالي جبت صورتو الكانت جنب الشجرة العجيبة ديك ... في غرب السودان
وكان لابس التي شيرت ... والشنب يقول ياليل ...
وعلقتها ليك في نص البيت ...
ولما بت الشيخ تسألني وتقول لى : ده منو ... ده الزاكي طمل ولااسد الدميره النتر ...
اقول ليها " بصوت عالي " لأ .. ده مثلي الاعلى ... ده ودالزناتي ... ده الشافو خلو ...
والله تكتري معاي ... حسع اضرب ليهو تلفون ... يجي ناطي .. اصلو اغترب قريب جمبنا ...
مش هو بشحمو ولحمو في نفس البوست نادي ودعي ... للتعدديه ... ونحنا قمنا رجفنا ... وبطلنا دخول البوست
نودي وشنا وين ... ياشادي ...
نقول شنو ... لاولادنا ...
خليني امشي انزل الصورة بتاعتو من الحيطة ... واجيكم تاني ...
يعني على كده ياشادي ...
لو شفنا الشنب ... قشوهو ... ومسحوهو ... وبقي نضيف زي السيرامك ... ما نستغرب
دي غربة شنو دي ... البتهد الجبال ...
يعني محمد صديق كان حاسس ... ولابد ساي ..
بالله يادووب كلامو قع لي ... لما عمل مادخلتو المرثية ... والمبكيه ...
عن صديقو الذي طاحت به الغربة ...
غايتو بجيكم بعدين ... راجع
لما اتخيل ود الزناتي من غير ... شنب ...
لو الشباب يقدرو (عيد والريس) يساعدوني في التخيل ده ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
عندي خالي مرة حلق شنبو زهجة كدة
جاء يسلم علي الحاجة رحمها الله قالت ليه:
لامن يبقى عندك شنب زي الرجال تعال سالمني
غايتو مع المقاشيش الحايمة دي لو كمان حلقوا الشنب
يمين اجي زيارة السعودية لتفقد الحال عن قرب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
عارف ياسر
لمن صاحبك كتب الكلام ده اليوم داك
انا يمين بالله خفت خوف قلت سبحان الله
الناس كلها عندها شنبا ( جمع شنب ) لكن زي شنب ابو الرجال ده يمين مافي
الزول ما عندو هرشة تهز الحلة
Quote: نودي وشنا وين ... ياشادي ...
نقول شنو ... لاولادنا ...
خليني امشي انزل الصورة بتاعتو من الحيطة ... واجيكم تاني ...
|
ارفع راسك وارفع وشك
ونزل الصورة وعلقها في المطبخ
كااااااااااااااااااااااااك
نداء عاجل إلى الاخوان
محمد عيد وعبد القادر
Quote: لما اتخيل ود الزناتي من غير ... شنب ...
عليكم الله صورة المقشاشة دي
عايزنها تخش الفوتو شوب وتطلع بدون شنب
لو الشباب يقدرو (عيد والريس) يساعدوني في التخيل ده ..
|
فرصة كمان عندنا زول حالف يجي يتفقد االحال
بالله عليكم ادونا فرصة نشوف طارق جبريل في السعودية بالمناسبة دي
Quote: غايتو مع المقاشيش الحايمة دي لو كمان حلقوا الشنب
يمين اجي زيارة السعودية لتفقد الحال عن قرب |
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
طبعا يا زناتي.. ناس نجيله وكيمو ومن لف لفهم..
وبالذات صاحبك بتاع زمان.. الشهير بي الكوتش..
ما فاهمين الحاجه الإنت بتعمل فيها دي..
رغم أسوديتك اللي بنشهد ليك بيها..
فأنت عطوف ورحيم بأهلك..
وحنين وحريص على راحتهم..
وقدوه لأولادك ديل.. نِعم المواقف والله..
فلو نزلت ليك صوره في دبي أو الرياض..
سأرفع لك ألف صوره بدلهم هنا..
يو آر ماي هيرو...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
Quote: فلو نزلت ليك صوره في دبي أو الرياض..
سأرفع لك ألف صوره بدلهم هنا.. |
حبيبنا ود جبارة ...
الف صورة شنو العاوز ترفعها ...
انتظر شويه .. بعد زيارة ود جبرين للسعودية ... والتي اتوقعها قريبا جدا ...
وبنرسلو ليك بشحمو ودمو ... عندك هناك ... علقو زي ماعاوز ...
ود الشادي ياخوي ...
شوف لينا نحنا زاتنا ... هيرو جديد ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
يا جبارة سلامات .... لمن اقول ليك نحن اولاد صغار ما بتصدقوا .... شوف اختلاف الاجيال والمفاهيم ...
يمين جماعتك ديل عاملين زي اهل الكهف ... يسمعوا في الرمضانات ... (زايد + حسن) ومحمد حسنين
وناس اصغر واحد فيهم مات سنة ستين .... وبنفس العقلية دي بيتعاملوا مع كل المسائل .... عشان
كده ما كنت عايز ارد ليهم ... والله لو ما خايف علي صحتهم كان نزلت ليهم مزيد من الصور ...
يمين في حاجات لو عرفوها .... الا الواحد يجيهو شلل اطفال ... ولا يمشي الانعاش .... ومهما كان
الناس ديل في مقام اعمامنا ....المهم ان كلامهم ده ما شغال بيهو .... ولمزيد من اغاظتهم
امبارح مساهر في الهدوم لتلاتة صباحاً غسيل وبتم الباقي الليلة عشان الجمعة المكوة والطبيق
والدخيل في الدولايب .... وبرضو لا نامت اعين الجبناء ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
رحم الله أخونا يعقوب التجاني
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولذويه الصبر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
اللهم أغفر لحينا وميتنا ، وشاهدنا وغائبنا، وصغيرنا وكبيرنا
وذكرنا وأنثانا ، اللهم من أحييته منا فأحيه على الإسلام ، ومن
توفيته منا فتوفه على الإيمان ، اللهم لاتحرمنا أجره ولا تضلنا بعدهـ
اللهم أغفر لزميلنا يعقوب سيئاته وأرحمه ، وعافه وأعف عنه ، وأكرم نزله
ووسع مدخله ، وأغسله بالماء والثلج والبرد ، ونقه من الخطايا كما ينقى
الثوب الأبيض من الدنس ، وأبدله دارا خيرا من داره، وأهلا خيرا من أهله
وأدخله الجنة ، وأعذه من عذاب القبر ومن عذاب النار
اللهم نشكو إليك ضعفنا وهواننا اللهم فرج همنا وأنصرنا على من ظلمنا
اللهم عليك بالظالمين فإنهم لايعجزونك .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
رحم الله أخونا يعقوب التجاني
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولذويه الصبر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
Quote: قصــــه قصـــيره جدا
جميلة الوجه ، راقية الذوق ، رفيعة المستوى ،
تعرف نفسها إلى الناس: (أنا المهندسة ". . ." ابنة الدكتور ". . ." ).
تجاوزت الأربعين من العمر الآن ، لكنها أصبحت :
(أنا ". . . " عزباء وأقدر الحياة الزوجية ).
وأرفع لواء ... التعدد من اساسيات الحياه ...! |
قصة ذات أبعاد ثلاثية ، مفصلة تمام ( قميص عامر لللبيس )، بس ما ينسى المريلة الثانية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
رحم الله أخونا يعقوب
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ،
وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ،
وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولذويه الصبر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
يُذكر أن شاباً تزوج وفي ليلة الزفاف استأذن عروسه لبعض الوقت فظنت أنه ذهب ليحضر لها هدية
جميلة أو شيئا مما يقدم في مثل هذه ( الليلة خاصّة ) !!
تأخّر عنها ولمّا عاد رأت في يده آثار ( علف الماشية ) !!
سألته : ما هذا ؟!!
فرد وعلى ثغره ابتسامة ( باردة ) : آه .. تذكرت أن حماري لم يأكل فذهبت أطعمه وأسقيه !!
ابتلعت المسكينة هذا الموقف , وفي الصباح الباكر أيقظها في لهفة . .
الحمار .. طلع النهار ولم يأكل علفه قومي إلى الحمار !!
شهر العسل انقضى .. والعريس كل همّه .. هل أطعمت الحمار ، وكيف صنع الحمار ، وهل فهمت ماقال الحمار !!
المسكينة .. أحسّت أنها تزوجت ( حمار ) !!
أخذت شنطتها وذهبت إلى بيت أهلها تطلب الطلاق !
تدخّل أهل الخير .. وافهموه أن هذه عروسه ، والحياة تحتاج إلى ملاطفتها أكثر من أن يلاطف الحمار ..
وعليه أن ينسى الحمار .
ثم أخبروها أن سيأتي ليصالحها وأنه تعهّد أن ينسى ( حماره ) !
اتصل بها زوجها وفي نبرته صوت لهفة ( وحسرة ) . . أخبرها أنه سيأتي إليها بعد الظهر ليأخذها من بيت أهلها من بعد
أن اصلح بينهم المصلحون ، وتعهّد أن لا ينشغل بالحمار عن زوجته .
تأخّر . . ولم يصل إلى بيت أهل زوجته إلاّ بعد العصر .
سألته عن سبب التأخّر !!
فردّ عليها وهو يهزّ راسه اسفا . . تأخّر بي القطار .. ثم أردف قائلا : ووالله لو أنني أتيت بحماري لوصلت أسرع من أن يصل القطار !
الزوجة فغرت فاها مشدوهة . . وردّت وهي تولول : ارجع في نفس القطار الذي جئت به !
======================
* الطيور على أشكالها تقع . .
بعض الأزواج ربما يلاطف جهاز ( جواله , الاب توب وووو) ويعتني به أكثر من عنايته بزوجته إذا مرضت أو احتاجت إليه !
شخصيّة ( الحمار ) تتغيّر وتتبدّل تبعاً للطفرة التقنيّة والحضارة الماديّة لكل زمن وفي كل بيت !
سؤال : هل عندك ( حـمـار) في البيت ؟!!؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يا سلالالالالالالالالالالالالالالالالالالالالالالالالالالام عليك يا محمد عيد
حاجة قمة في الرقي
تصور طول ما أنا بقرأ في القصة الرائعة دي اقول أيه الزول الدكم الابله ده
حمار شنو الايشغلة عن عروستو
لمن شفت سؤالك في نهاية القصة خفت والله
وللاجابة عليه
وارجو من الجميع ان يجيب وبصراحة
هل عندك حمار في البيت
انا شخصيا عندي حمارين في البيت
زوجتي كل مشاكلها معاي في عبارة واحدة
يا قاعد في النت
يا بتعزف على الاورج بتاعك
ادينا شوية وقت
إهتم بينا شوية
انا اعترف ان لي حمارين في البيت
خلينا نشوف باقي الشباب
وتسلم ايدك يا محمد عيد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
صباح النور 0000 صباح الهنا والسرور
اســتـغــفـــر الـلـه الـعــظـيــم عــدد مــا كــان
اسـتـغــفـــر الـلـه الــعـظـيــم عــدد مـا يـكـــون
اسـتـغـفــر الـلـه الـعـظـيـم عـدد الحـركـات والـسكـون
اسـتـغـفــر الـلـه الـعـظـيـم مـن كـل ذنبـا أذنـبـتـه
اسـتـغـفــر الـلـه الـعـظـيـم مـن كـل فرضـا تـركـتـه
اسـتـغـفــر الـلـه الـعـظـيـم مـن كـل إنسـانا ظـلمـته
اسـتـغـفــر الـلـه الـعـظـيـم مـن كـل صـالـح جـفـوتـه
اسـتـغـفــر الـلـه الـعـظـيـم مـن كـل زور نـطـقت بـه
اسـتـغـفــر الـلـه الـعـظـيـم مـن كـل حـق أضـعـتـه
اسـتـغـفــر الـلـه الـعـظـيـم مـن كـل بـاطـل إتبعـته
اسـتـغـفــر الـلـه الـعـظـيـم مـن كـل وقـت أهـدرته
اسـتـغـفــر الـلـه الـعـظـيـم مـن كـل ضـمير قـتـلتـه
اسـتـغـفــر الـلـه الـعـظـيـم مـن كـل سـر أفـشـيتـه
اسـتـغـفــر الـلـه الـعـظـيـم كـمــا يـنـبـغـــــي
لـجــــلا ل وجــهـك وعظـيــــم ســلــطــانـــــــك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
Quote:
قول واحد
عبد الدائم
عندو حمار
إسمو ناس الزقازي |
كان على الحمير يا كيمو ... عيييييك .... شيل واحسب ..
بس ربنا يصبراولادى وامهم ساى ...
1- الشغل وطبيعته الماعندها حدود ولا مواعيد ثابتة .
2- النت وجهاز الكمبيوتر .
3- قعــدة الشــيشـة فى البلكونة .
4- التلفون الما بيقيف دقيقة .
5- النوم ... سلطان الزمان ( وفى بعض الاقوال بسبب اشتهائى له افضله على الوجبات ..!! ) .
كفاك ولا ازيدك ..؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
وايضا ...
أزف التهاني لبناتنا الصغار
عهود عيسى موسى
محاسن بنت زينب التجاني
لنجاحهم الباهر في الشهادة السودانية
وحصولهم على نسبة عالية جداً ،،،،،
والتهنئة موصولة للجندي المجهول والذي ساعد على هذا النجاح ...
==================================
انا عندي جحش صغير ..... اسمو .... الكتشينة ...
بحب ألعب هارت ... مع الكمبيوتر ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا وجوه الخير
أصبحنا واصبح الملك لله وحده،،،
دعاء الصباح :
اللهم إني إستغفرك من كل ذنب -
نهيتني عنه فخالفتك فيه
وحذرتني منه فأقمت عليه
وقبحته لي فزينته لي نفسي
وصلي وسلم وبارك على سيدنا محمد ، وعلى آله وصحبه أجمعين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
ألف ألف مبروك لعهود بنت موسى عيسى و محاسن عمر بنت زينب التيجاني
على النجاح الباهر في إمتحان الشهادة السـودانية ، إن شاء اللـه
دائما أيامكم فلاح ونجاح وأفراح ، وعقبال لجميع ملائكة الزقازيقاب.
ويا الله نعيد سيرة جامعة الزقازيق من أول بابنائنا وبناتنا
| |
|
|
|
|
|
|
| |
محمد عيد
الرشيد بابكر
عبد الدائم سيد أحمد
موسي عيسي
كمال الشادي
عمر المهدى
ميسرة سيد أحمد
زهير الزناتي
طارق جبريل
عفاف علي ميرغني
منصور عبد الرازق
Hatim Gubara
محمد صديق
ياسر نجيلة
جلال عثمان
ابتهاج عبد الله
سامي عبد الوهاب إدريس
أحمد إسماعيل
محمد آدم النور
فيس بوك
تويتر
انستقرام
يوتيوب
بنتيريست