كتب الكاتب الفاتح جبرا المتوفرة بمعرض الدوحة
|
Re: ناس الزقازيق ... أجدع ناس (4) .. (Re: أحمد إسماعيل)
|
تحياتى للجميع ابوعمر انا اجى كيف كان منصور قلع المايق وموسى عيسى قال ما اشوفك تجى حايم بيجاى قلنا احسن نربى بناتنا بس لكن ربنا فرجها شايف ود كرتى رافع له شكوى فى ناس الطياره الضربت السوناتا بس فاكس لحاتم جباره ويزق شكوتنا و اشوفك مهنضب يا موسى عيسى بركه جاه ابو عركى الحرمونا من سهرته ، والشكوى لمجلس حقوق الرجال ، مدد مدد يا حاج الركز
| |
|
|
|
|
|
|
Re: ناس الزقازيق ... أجدع ناس (4) .. (Re: موسي الراجل)
|
رحمه الله على حبيبنا وأخونا ياسر علي الشفيع..
يوم الخميس عندكم بيبدأ من يوم الأربعاء والا شنو? نفسكم بقى ضعيف شديد..
إنتو بابنوسه دي مش العملو فوقها مصنع ألبان في الخطه الخمسيه الأولى? وتاني قلبوهو مصنع كركدي وحاجات تانيه? ياها? كان كدا زبادي عديييل.. مش روب.. الكلام دا إعتبره دردقه يا رش..
خشيت بي هناك.. لقيت واحد فاتح ليهو بوست عن المريخ.. بوست غير موفق ياأخ ياسر..
أموت وأعرف التلغرافات بين أحمد وموسى بتقول شنو.. أمدونا بترجمان..
من أمبارح بطني طااامه.. طبعا يا منص إنت عارف العلي.. أنا أصل اللون الأحمر ما بحبوش..
تخريمه: قلت أجي أكتب عن الحب.. فسألت بت شيخي رأيك شنو في الحب? قالت لي.. ما بدورو.. قلت ليها.. ليه.. مالو.. عيبو شنو? قالت لي.. بعد العمر دا كلو والشفتو منه.. تاني ما دايره.. قلت ليها.. بالله.. لا أحسن تدوري.. ضحكنا من القلب.. ودا حب اللياقه حقنا..
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
التعازي القلبية للاخ كمال الشادي وزوجته الاخت حسناء جعلها الله اخر الاحزان وانا لله وانا اليه راجعون
الحديث عن الحب شايفوا مافي زول هببوا يا ناس انتوا كبرتوا واحسن بعد كدة تبقوا ناس مصلاية ونوم بدري بعد العشاء رغم سنوات الزناتي الارعة وعشرين ونقول ليهو كل عام وانت بخير ساعود لموضوعين هما عن الحب وسنينو وعن ابوجبيهة مفاجاءة عيد الميلاد الارحم الله العم محمد عثمان الزناتي واسكنه فسيح جناته مع الصديقين والشهداء وحسن اولئك رفيقا
يا محمد عيد ال85 مليون دولار هي بداية جبل الجليد وما خفي اعظم
السلام عليكم جميعا وناسف للانقطاع التوقيع ماجد سرحان
| |
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
Quote: احتفلنا يوم الثلا ثاء بختان ابننا محمد وكان الاحتفال محصور في الاسرة والجيران وعقبال الزواج يا محمد تقبل القروش بالسوداني والدولار كما يوجد حساب خاص للاخوة بالخارج حتى تكون مخدة العريس سمينة |
ألف مبروك ختان ولدنا محمد ...
====================== انتو يا مبارك لسة في طهور الأولاد ... نحنا بعد اسبوع بس ... بسلموك الحلقة تلبسها خاتم .. قروش شنو ... كدي غطي حق أولادي التلاته وعرس عمهم على ... بعدين فتش حق مخدة محمد ... عالم بتاعه حب النفس بس ... جلا وين انت ... احجزوني من الزول ده ...
================================= ود جبارة الأحمر الوهاج فريق كبير .... وحيكون الفريق الأول في أفريقيا .... وبداية خطوات اكيده ... لتنفيذ الخطة ... كدي خش البوست مرة اخري بعد التطورات الجديدة في النقاش ... اقرأ تعليقي الآخير عن خطط إدارة فريق المريخ ... والأيام بيننا ...
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
هوي يا نجيله.. خطه شنو عليك الله؟ وإهتمام شنو بالناشئين البيعرفو المريخ؟ حقو الواحد يجيك بالدرب يحدثك.. عندي خلفيه عن المريخ ومجتمعه طويله.. لعبت في أشباله.. كره طائره.. واتمرنت كم تمرين مع بعض من ناشئين القدم.. ثم تانيا.. قلت شنو؟ الأول في أفريقيا؟ كدي ما تمشوا بعيد وأبقوا الأوائل في أمدرمان.. دايما يا مريخاب بتشطحوا بعيد.. كان شلتو كاس.. بتخيل ليكم شلتو كاس العالم.. كان صلحتو إستادكم.. كانو إستاد شنو داك في البرازيل.. البيشيل ميه ألف داك.. هدافكم.. أحسن لاعب في أفريقيا.. كاس السودان.. أحسن كاس في الدنيا.. ممتاز شنو الكعب دا.. لمن تشيلوهو كل خمسه سنين يبقى سمح.. كأس الكئوس دا مافي زيو.. ودوري الأبطال دا كعب.. يلعبوكم فيهو مع الرأفه.. تعملوا فيها أسياده لحدي ما تطيروا من الأدوار الأولى.. عموما نحي فيكم حبكم وإخلاصكم لناديكم.. بس ما تكتروها شديد.. لأنو نضاره الحب عمياء.. ودا كلامي عن حب المريخ..
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
جمعة مباركة
التحية لمبارك جادين و نبارك له طهور ابنه محمد... رسل لينا رقم حساب المخدة أو رقم السويفت...
يا نجيلة مثلي مثل حاتم أحي حبك و دعمك للمريخ... نتمنى أن يحقق المريخ كل خططه و برامجه الطموحة... فالمنافسة يجب أن تكون بين كل الأندية و في شتى المجالات... في نوعية اللاعبين و الملاعب و التدريب والناشئين و المناشط الأخرى... حتى ترتقي الرياضة في السودان...
حاتم جبارة كارلو انشيلوتي خذلكم و الله... لاعب بستة أو سبعة مدافعين في ستامفورد بريدج... يعني في Old Trafford حيعمل شنو...الله يعينكم عليهو... حتى لما عمل تغيير دخل ميكيل و خلى كالو قاعد بره...
Quote: كان صلحتو إستادكم.. كانو إستاد شنو داك في البرازيل.. البيشيل ميه ألف داك..
|
مركانا... اسمه مركانا...
| |
|
|
|
|
|
|
Re: ناس الزقازيق ... أجدع ناس (4) .. (Re: زينب التجاني)
|
زوبة بت النوبة سعيد انا والله اول واحد يرحب بيك بعد الغيبة دى كلها طمنينا عليك فقدناك كتير الفترة الماضية انشاء الله محاسن حتفرحك وتفرحنا كلنا وتجيب نتيجة كبيرة و مشرفة
يعنى دعوة ناس امريكا ودبى ما بتنفع ولا كيف ...
،،،
شكرا" تبلدينا وربنا يوفق ويكون اجتماع حاسم لكثير من الامور
| |
|
|
|
|
|
|
Re: ناس الزقازيق ... أجدع ناس (4) .. (Re: زينب التجاني)
|
يارب نجح محاسن ووفقها ونور طريقها.. ومبروك لولدنا محمد المبارك..
زول ياخوانا شغال في الحكومه الأمريكيه يدوهو صالح عام؟ الحمدلله إنو صالح عام مؤقت.. وإن شاءالله قفيل الحكومه ما يبقى.. رغم كدا الواحد مبسوط.. قاعدين علي كف عفريت وبرضو مبسوطين.. والله الديمقراطيه دي نعيم.. عقبال شفعنا الماسكين السودان ما يكبروا..
زوبه.. زول يغيب 4 شهور.. حمدلله علي السلامه يا بتنا..
دودي.. الشوق ليك كتير يا صديقي..
رش.. أنشيلوتي خذلنا براهو؟ ومعاهو دروجبه وتوريز ولامبارد وآخرون.. ولولا ما داير أتبكبك زي فينجر وأشمت فيني منص.. كان قلت ليك الحكم كمان خذلنا..
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
اصبحنا وأصبح الملك لله الواحد الأحد ليلة أمس شرفونا الإخوة والاخوات الاعزاء زهير وإبتهاج وقيس جمال الدين وموسى عيسى والأخت عفاف بزيارة في بيتنا كان لها أثر وصدى طيب في نفوسنا، لهم التحية والتقدير ودامت الإلفة والمودة
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
Quote: احتفلنا يوم الثلا ثاء بختان ابننا محمد وكان الاحتفال محصور في الاسرة والجيران وعقبال الزواج يا محمد تقبل القروش بالسوداني والدولار كما يوجد حساب خاص للاخوة بالخارج حتى تكون مخدة العريس سمينة |
عقبال العرس الما خمج يا ولدنا محمد جادين و يا مبارك الجربيكه
دفتوها وين ؟؟ . راجع جلا تمت تحويل اهل الرياض عن طريقه اوعي يلعب
بيك و يقول ليك اي حاجة و علي طول كلم عبدالحفيظ يعمل امر قبض بواسطة
جنابو و بنقول ليهو وااااااااااحشنيييييييييييييييييييييي ؟؟ ماأروعك يا عركي !!!
الحبيب حاتمجبارة ماشاء الله منور البوست و كمان حب و ريدة بيني وبينك
حب الكبر شين شنانة مشاته كلو كلو فربنا يسعدكم و يهنيكم .
زنوبة كيف حالك و الف حمدلله علي الطلة بعد غيبة و عذرك معاك ربنا يوفقك
البنية و نشوفها من الاوائل انشاء الله و ربنا يوفق الجميع في الامتحان اليوم.
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
بعد حديث مقتضب مع صديقي ..قررت ان اذهب اليها في بيتها واقول ليها بحبك .. وبعد داك يحصل اليحصل ..لقد تمكن حبها مني تماما .,,وحسب الشكل العام والنظرات والاهتمام ...اقتنعت انها تحبني وتبادلني المشاعر والاحاسيس ...توكلت عل الكريم ومشيت يبتهم اقدم رجل واخر رجل ...حتى وصلت البيت ...دقيت الباب ...ويا للروعة فتحت الباب بنفسها .كانت موجودة بكل جمالها الذي اعرفها به .استقبلتني بابتسامة ولا اروع منها .احضرت لي كوب من العصير الاصفر كلونها .تجرعته وان انظر في تمثال الفتنة الذي ينظر الى بكل ود وحب وهيام .قلت احسن اكون صاحب المبادرة قلت لها بدون مقدمات انني احبها .تجمعت دموع في عيونها الجميلة وافتر في نفس الوقت فمها عن ابتسامة جميلة خلابة قالت وانها ايضا تحبني
_________________________________________________________________________________
اعلاه مقتطف من مذكرات قديمة كتبتها بعد تجربة حب فاشله في الثمانينات من القرن الماضي عن واحدة من الغراميات غير الواتية كما يقول ماركيز بانها تذكره برائحة اللوز المر .حيث يقول (لا مناص :فرائحة اللوز المر تذكره بمصير الغراميات غير المواتية)
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
قبل نفي شايل المنقة كان المنفي الكبيرالشاعر / البارودي ، هذه الأبيات قالها في إبنته تأوب طيف من سميرة زائر 000 وما الطيف إلا ما تريه الخواطر طوى سدفة الظلماء والليل صارب 000 بارواقه والنجم بالأفـق حائـر فيـالك من طيـف ألمّ ودونـه 000 بحر من المحيط الجنوبي زاخـر المّ ولم يلبث وليـتـه أطـال 000 ولو أطالـت علـيّ الـديـاجـر
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
مكمل لللأبيات أعلاه خـماسـية لم تـدر ما السـرى 000 ولم تنحسر عن صفحتيها الخواطر عـقيلـة اتراب توالين حولها 000 كما دار بالبدر النجوم الزواهر تمثلها الذكرى لعيني كأني إليها 000 علـى بـعد مـن الأرض ناظـر فتارة أخـال الظـن حـقا وتارة 000 أهـيم فتغشى مقلتيّ السمادر فيا بـعد مابيني وبين احبتي 000 وياقرب ما التفت عليه الضمائر
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
نبدأ بى زوبة طبعا , ودى دايرة كلام لمن زوبا تجى , انشيلوتى زاتو ما عندنا بيهو شغلة يلعب جون اوبى ميكيل , يطلع دروغبا , يخلى سجم الرماد السعره خمسين مليون يورو داك قااااعد يحمد الله انشلوتى غايتو , كان ما جية زوبة , يمين ما كان خليت ليهو جنبة يرقد عليها محاسن ان شاء الله تتعلى ما تتدلى , يا بركة الله ورسوله نسمع اسمها كده من المية المتفوقين لمن المذيع حق التلفزيون يقول محاسن بت عمر اتفوقت يا رجالة اول واحد يحمد ربه , انشيلوتى ومعاهو حكم المباراة الما شاف وقعة راميريز ولا طرد لينا الواد باتريك ايفرا سامحنا الحكم , ولا زعلانين كمان من توريس الغبيان داك وحاتم جبارة زاتو قال الكورة الاخيرة دى , بقت ما بتعنى ليهو اى شى طالما المجال مجال دعوات لى محاسن عمر , بنت العزيزة الغالية زينب بت التيجانى ابو رفاد يا ربى , تنجح محاسن وتعلى مراتبها , وتفرح بيها اهلها , خاصة امها وابوها
* مشتاقين يا بت النوبا , لمن الشوق غلب
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
وكمان مبارك جادين , حبيبنا الما (منظور ) ينسانا جانا طالى , شايل معاهو ود الطهور محمد لابس عراقى ولا ما لابس عراقى يا مبارك ؟؟؟ ياسر نجيلة لبس ليهو تلاتة حلقان قبل كده من الشغلة دى , حسب ما افاد اها انتو , بتلبسوهو حلقان , ولا بتوهبوهو للمسجد الجنبكم ؟؟؟ وانت مالك يا الرشيد بابكر , ان شاء الله يعملوهو (فروة للصلاة ) !!! حاتم جبارة انت كلامى وكلام مبارك جادين ده مع تعليق ياسر نجيلة لا بيخصك ولا بيخصك , انت زول بتاع جكس سااااى انت الأيام موت ساااكت بى مغسة انشلوتى وتابعه توريس يمين بالله انا مش بشجع ارسنال لو ما المسافة بعيدة , انا كنت خنقت الحم ده فى الدقيقة اتنين وتسعين كتيرة على ناس تشيلسى فى كورة واحدة يبقى عليهم انشيلوتى , وتوريس , وكمان الحكم ياخى ده مش بلنتى ساكت ده حادث من نوع البيدخل سيده السجن داك يعمل فيها ما شايفه والغاظنى اكثر بعد دقيقة واحدة ادى ليكم توريس كرت اصفر بحجة التمثيل اتكيفت اللحظة ديك انو الكرت بقى لى توريس , رغم انه كرت ظالم وغير مستحق بس الواد عاوز يعمل فيها متابع وشايف
* ان شاء الله تحضر عرس محمد وتشوف جديده يا بركة يا ود جادين بس الهناى داك , ورينى اتصرفتوا فيهو كيف ؟؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
قبل يومين لم نستطع النوم طيلة الليل بسبب احتفال اسرة سعودية فى عمارة مواجهة لنا
بحفل قران احدى بناتها .. وذلك بسبب الصخب العالى والمزعج جدا من مكبرات الصوت
الموضوعة على سطح العمارة .
المضطــر يركب الركشة .. غايتو قعدت اومعاى بت الشيخ والاولاد نسمع فى الاغانى التى كانت تجلل فى سكون الليل ..
غالبية الغناء .. كان من الغناء الهابط السعودى لما يسمى بالطقاقات ( جمع طقاقة يا عبد الدايم )
يعنى زى غنايات الاعراس بتاعننا ...
المهم تفردت المغنية فى الصياح ( بصوت أجش ) بعديد من الاغنيات بلهجات مختلفة .. اتفقت جميع تلك الاغنيات
فى سقوط كلماتها وتناولها بشكل يجعلك تتململ وانت مغصوب عليك الاستماع اليها وبرفقة اسرتك ..1
المهم فى الأمر .. ان المغنية فجــأة قلبــت على الغنا السودانى ...
وتفننت فى اختيار باقة ( مع جواز التعبير ) من أردأ اغنيات السقوط الأخلاقى
وفى مقدمتها اغنية .. راجل المرا .....
يعنى بعد جهود ناس وردى وابو اللمين وشرحبيل وسيد خليفة والسمندل و... و......
أهم ما أخذه العرب عنــا ... راجل المرا حلو حلا ...!!!! ؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
نهاية هذا الأسبوع , كانت مليانة بشكل ما طبيعى كان عندى ارتباطات متعددة , الأربعاء والخميس والجمعة مع ان العزيزة عفاف على ميرغنى , اخبرتنى من فترة طويلة ان ابو عركى البخيت سيغنى يوم الخميس احترت فى الحقيقة كيف اوفق بين ارتباطاتى المختلفة وكنت على وشك ان اضحى بى ابو عركى , من ضغط والحاح هذه الأرتباطات وهذه الأرتباطات , اربكتنى بشكل مباشر , وساهمت فى ارباك بت الشيخ وبت الشيخ لمن تكتر عليها (الأرباكات الزى دى ) بتحلها بأن تحرد جميع الأرتباطات وتلزم بيتها فالنساء عموما , وبنات الشيوخ , لا يجدن استجابات اللحظات الأخيرة فلكل حدث عندهن , استجابة مقدرة تليق بالحدث تتناسب معه فى الأتجاه , وتتناسب معه فى القوة الله قال بى قولك لو كان التناسب ده متناسق مع النظرية الفيزيائية الشايعة القائمة على تناسب الطرد والعكس لكل فعل رد فعل مساو له فى القوة ( ودى ما فيها مشكلة ) لكن المشكلة حا تبقى لمن نجى للجزء التانى بتاع ( ومضاد له فى الأتجاه ديك ) ابذل كل جدهدك لمن تقع فى المغارز الزى دى , من تضاد الأتجاهات داك القوة خليها تبقى قوة خارقة لكن اوعك ثم اوعك من تضاد الأتجاهات داك
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
نسمات الشرقية هبت و سالت الافراح بقدوم الاستاذة ابتهاج عبدالله
و في معيتها الاستاذ اب شنب و الكبير مجد و باقي الكتيبة و كان
اللقاء جميلا بحضور الاستاذ حاج الركز والمناضل موسى الراجل و شخصي
و كانت حلاوة اللقاء الحفل الرائع للرائع دوما ابوعركي البخيت الذي
حرك الشجون و طاف بنا سنين عدة من البهجة والطرب الذي افتقدناه زمنا
طويلا حتى حسبنا ان احساسنا بهذه الاشياء قد تبدلت و لكن كان لوقع جمسي
انتحل و واحشني و بخاف في حضور الاحبة المنصور حاج الركز و الزناتي
و احمد اسماعيل وقيس جمال الدين واحمد السيد و محسن دفعة كانت البهجة
و كان التطريب العالي بحضور مثالي لسماع الجميل ابوعركي كانت ليلة ولا
الف ليله .
كما التقينا الاستاذ جمال السنوسي بالحفل وكان مبتهجا مع النغم الجميل
الذي قاده من شواطي جده للرياض للعملاق ابوعركي و ايضا كان لنا لقاء اخر
مع السنوسي في لقاء البورداب . فلك التحية اخي جمال ونتمنى ان يديم الله
علينا ساعات التلاقي في السمحات و مرحب بيك في الرياض .
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
اجعل قلبك كالقبر لايدخله سوى واحد .... ولاتجعله كالبئر يشرب منه أكثر من واحد
والواحد هو الحب بشى صنوفه ، الجميع هرب من الخوض في هذا الجمال عدا أخونا مبارك وحاتم ومنصور ،،،،
هل فقدنا جذوة الإنجذاب وتراخينا عن الإهتمام بالحب هل الحياة تفقر الحب ،،،، هل يموت الحب ويندثر بعد الزواج هل إنتقالنا إلى صنوف الحب المتعددة شتت الكورة أين الحب القديم ،،،، هل تفتقدونه ،،،، ولماذا نخاف أن نكثر الحديث عنه؟؟؟؟
الحب شكل من أشكال الجمال الرباني التي وهبها الله إياها لنستظل به من وعثاء الحياة وروتينها اليومي.
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: محاسن ان شاء الله تتعلى ما تتدلى , يا بركة الله ورسوله نسمع اسمها كده من المية المتفوقين لمن المذيع حق التلفزيون يقول محاسن بت عمر اتفوقت يا رجالة اول واحد يحمد ربه |
سلامة العودة يا زوبة وكلنا كدي مبسوطين لقرار العودة الطوعية ،،، واصلي لأنه فاتت أشياء كتيرة وجميلة.
مبارك ود جادين ربنا يطول في عمرك علشان كمان تقوم بمهام العرس (ما تفهم غلط) للود.
يا ناس الرياض مبروك عليكم زيارة آل الزناتي وتجمعكم ، وعلشان حاسدنكم كمان ناس جدة مسافرين لمدينة رابغ زيارة للإطمئنان على سامية إسماعيل بعد فترة النقاهة
الدعوة لكل ناس جدة وعبدالدائم بيقول السفر يوم الجمعة القادم الساعة 8صباحاً
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
ثم قالوا عنه :
الحب : تجربة إنسانية معقدة ,,, وهو أخطر وأهم حدث يمر في حياة الإنسان لأنه يمس صميم شخصيته وجوهره ووجوده ,,, فيجعله يشعر وكأنه ولد من جديد ,,,
الحب : هو الذي ينقل الإنسان إلى تلك الواحات الضائعة من الطهارة والنظارة والشعر والموسيقى ,,,
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الي هؤلاء الشكر على لسان محمد ولدي: الرشيد موسى عيسى احمد اسماعيل منصور عبد الرازق عبد الدائم سيد احمد ياسر نجيلة حاتم جبارة ميسرة سيداحمد ود عيد
___________________________________________________________________________________________
السؤال عن البتاعة عملنا بيها شنو خارج المضبطة بتاعت البوست وانحنا بنخاف كما خاف ابوعركي الذي نهنئكم يا ناس الرياض على حفله
____________________________________________________________________________________________ لكن هاشم في العيد ما لقطة يا دودي شكرا
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: الحب : تجربة إنسانية معقدة ,,, |
فعلا الحب مقوماته كثيرة منها الغيرة المحمودة التي تعتبر أداة للتعبير عن الحب بأن يهتم كل طرف بالآخر ويجعله محور حياته ، ولا يسمح لأي شخص أن ينازعه فيه ، مما يولد الثقة ، شرط أن تكون الغيرة المحمودة والحرص بالكلمات الطيبة اللطيفة التي لا تعطل الطرفين من آداء عملهما مراعاة لمصلحة الأسرة
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
ثانياً ترحيب كبير اوي بالصديقة زوبة بت ام زوبة .... حمد الله علي السلامة بعد الفاتحة والذي منه ... ندعو الله بن يوفق بتنا محاسن ... ويجعلها من المتفوقات والكلية النفسها فيها ... والدعاء ايضاً لعهود موسي عيسي ... انشاء الله طب القصر العيني ... وكل بناتنا الممتحنات .... واولادنا الممتحنين .... ويا زوبة خليك قاعدة ... الامتحانات وانتهت ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير ،،، يا وجوه الخير
صباح الحب،،،
صباح الجمال،،،
صباح الناس الحلوه،،،
نحن في إنتظار ناس الجمعية العمومية
ونشوفهم إشتغلوا بأي دستور ،،،
شاهدنا الصور في الفيس بوك بس التفاصيل قالوا
عند صالح تبلدينا ===================================================
أنا شايف هباني
وسامي الطاهر في الجمعية العمومية وكمان أدروب وصلاح جلال
ومجدي النعيم وزاهر الصادق والناس تهتف ، يا أكتوبر جاك أبريل
أعظم شعب وأعظم جيل،،،
.
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
تشكر الاستاذة ابتهاج عبد الله سليمان والوفد المرافق لها ... اهل الرياض بدون فرز .... حيث كانت واسرتها في زيارة الرياض لمدة ثلاث ايام .... التقت فيها بكل الجميلين ... اجدع ناس .... كان في استقبالها والوفد المرافق ... محمد عثمان حاج الركز والموسيان ... عيسي والراجل .... قضينا مع اسرة عفاف علي ميرغني هذه الايام الثلاث ... فلهم الشكر مع اشادة وشكر خاص للاخ علي محمد عثمان ... ما شاء الله عليهو .... وبس ... الشكر لك من التقانا وقدم لنا الدعوة لزيارته ... دفعة ... منصور ... قيس ... احمد السيد .... اما اجمل حدث في هذه الزيارة ... فهو وجودنا في معية احمد اسماعيل واسرته ... وقد كانت بحق اجمل ما حدث لنا ... اما حفل ابو عركي فهو حدث استثنائي ... لا يتكرر في العمر سوي مرة واحدة ... بس شايفك يا موسي فطيت منصور في موضوع الحفلة .... عليك الله منصور ده بيتنسي مادياً او معنوياً والله لكن اتلومت لوم السنين (فاتن حمامة عديل كده) ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
يا شباب مسؤلين من الخير اليوم شنو انشاء الله
يكون يوم الثلاثاء !!؟؟؟؟ عموما نتمنى كل الايام
تكون ثلاثاء و الماعندو ثلاثاء يفتش ليهو ثلاثاء؟
انشاء الله في اسبوع قادم من ايام السنة .
و يا ناس جده لو اخرتو الزيارة للجمعة الجاية قطع
شك سامية اسماعيل ما ساهلة و تستاهل بس دخل علينا
يوم الثلاثاء في النص و لكن اتقدموا و بنلحقكم مع جلا
انشاء الله و بلغوهم تحايانا بالجملة و ربنا يديك الصحة
يا بت اسماعيل .
و يا مبارك ما زال سؤالنا قايم و اذا لم ترد علينا!! محمد الا
كم تشوف ليهو عروس من اولاد سام جنب ناس حاتم جبارة !!!!
و ياشباب وين طارق جبريل ما شفناه في الختة بتاعت الطهور دي
عموما يا حاتم اذا طارق جبريل ما ظهر اليوم بالله قول ليهو يرجع
لينا قميصنا و يادار ما دخلك شر !!!!!!
و جلا برضو عامل زوغانات عموما نحن الماجينا في حنة محمد مبارك دي
تاني لا بينا و لا بينو ...
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
تعلن رابطة خريجي الزقازيق عن قيام رحلة ترفيهية أسرية يوم الجمعة 15 أبريل على أن تكون المساهمة 10 جنيه للإستفسار نرجو الإتصال على الأخ محمد صديق 0912162923 أو على محمد آدم النور 0912319724 نقدر إهتمامكم مقدماً
حاجة أساسية: بعد ما رسلت هذه الرسالة عبر الهواتف التي معي جاءتني مكالمات كتيرة مقدر و شاكر كل الذين تواصلو معي شاكر أيضاً الذين يتواصلون عبر هذا البوست في إرسال هذه الرسالة للآخرين الذين لم تصلهم الدعوة بعد مع علمي التام هم راغبون بأن يكونوا في الزمان و المكان مع الأحبة
زوباااااا ما تجينا في رحلتنا دي طارق جبريل رسل المساهمة بتاعتك مع إحتفاظك بحق البهجة متى كان ذلك ممكنا
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
الرحلة ماشة وين بلبيس ولا القناطر فيها خلط ولا نجيب اطفالنا معانا
غايتو يا جلا لو الرحلة دى حصل فيها كانى مانى شيل شيلتك مع الكوتش وخصوصا" ده اختبار صعب بعد سفر الزول ابن شنب داك
،،،
يا موسى عيسى ما سمعت بالنفايات الطبية
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
بدءً و للمرة الآولى أوافق هذا الرجل
Quote: و يا ناس جده لو اخرتو الزيارة للجمعة الجاية قطع
شك سامية اسماعيل ما ساهلة و تستاهل |
أقلاها و نحن في رحلتنا نكون تحدثنا معها هاتفياً خاصة و الرحلة لامة ناس كتار
بالمناسبة الرحلة برضو بمناسبة طهور محمد المبارك يا موسى طارق جبريل لو خت تحت المخدة بجلينا في مساهمة الرحلة و الراجل خاتنو لي عوزة ما تخرب لينا مجهوداتنا
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: غايتو يا جلا لو الرحلة دى حصل فيها كانى مانى شيل شيلتك مع الكوتش |
تعرف يا ديدو أنا ضهري مأمن عندي نهلة نجم الدين و معتصم سلمان جعفر يعني أخوك خاتي رجل على رجل يعني لو الناس ما جو طوالي بمشي لي نهلة في بيتا و أكون مثلت كل شرائح المجتمع و بي كدا الرحلة قامت شنو ليك؟؟؟؟؟
متوقع صاحبي يجي شايت ضفاري اللهم حوالينا و ما علينا على الآكام و الوديان و الشجر
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
كتب الأخ ميسرة
Quote: ناس جدة مسافرين لمدينة رابغ زيارة للإطمئنان على سامية إسماعيل بعد فترة النقاهة الدعوة لكل ناس جدة وعبدالدائم بيقول السفر يوم الجمعة القادم الساعة 8صباحاً |
ثم كتب الزول داك من غير ذكر أسماء
Quote: و يا ناس جده لو اخرتو الزيارة للجمعة الجاية قطع شك سامية اسماعيل ما ساهلة و تستاهل |
منصور حذاري ثم حذاري أن تجد تفسير لهذه الجمل!!!! خليك في الأرسنال و أنشلوتي الطلياني بتاعك داك
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
والله انا من قبيل ماسك خشمي و ساكت الي ان
شهد شاهد من نفسه والله يا شباب اي واحد يجيب
معاه عموده و يجي لو الشغلانة علي صحبي البعرفوا
ياكم وطاتكم اصبحت والشعب يريد تغير لجنة الرحلة
فورا و كذلك مندوب المغتربين بلجنة الشركة ؟؟
طبعا حتقول لي علاقة الرحلة بالشركة شنو اقول الاتنين
مترابطات مع بعض تقول كيف اقول اسال زهير الزناتي تقول
دخولو شنو اقول ليك عارف ببواطن الامور الفترة الكان فيها
موجود في السودان ما سمعنا جلا مسؤل من رحلة و لا اذاع بيان
انقلاب ولا رحلة يعني بالواضح غاب اب شنب و لعب اب .............. ؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
سلامات يا اجدع ناس والله كنت فى غربه وانا بعيده عنكم يا ود جادين مبروك لولدنا محمد بلمناسبه البعيدين شويه ممكن برسلو لمحمد تحويل رصيد يا منصور ويا جلا ويه ود اسماعيل وود الزناتى ويا دودوى ويا مبارك ويا ميسرة وكووووووووووووووولكم بدون فرز والله محاسن بتكم وعارفه دعواتكم من القلب
غايتو خلاص حاسجل حضور دائم زى عبد الدائم
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
اب شنب عرفناهو اب ضنب , منو ؟؟؟؟ الثلاثاء بعد بكرة ده , ولا البعدو ؟؟؟ الرابط شنو بين معتصم سليمان جعفر , ونهلة نجم الدين كل واحد منهم , قاعد على جناح كبرى , يتلقف الزائرين شايلين من البحر , جنس شيل الحب هو , يا ريس ميسرة ان تقعد على جناح الكبرى , وتقول , هل من مزيد لقيتونى كيف ؟؟؟؟
* خارج المضبطة , القال ليك منو ؟؟!! ده ياهو ( المضبطة زااااااااتا ) المخدة دى , ما قربت تنفجر يا جماعة , فضوها لينا عشان نخت (ختتنا )
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
انا كنت بقول شنو , امبارح ما الليلة ايواااااا , لمن نظرية الفعل ورد الفعل دى , تبقى جاياكم اوعى بس من تضاد الأتجاهات زى ما قلت ليكم , كنت مشغول اشد الأنشغالات زاتو حتى اننى فكرت ان اضحى بحفلة ابو عركى البخيت لكن يوم الأربعاء , حدث حدثان اسهما فى اعادة ترتيب اوراقى فى جلسة بسيطة لترتيب الأولويات , وايجاد صيغة تفاهم للمزاجات احمد ومجتبى , كانت وجهتهم واضحة وصريحة , وانحازوا للبرنامج البيتوافق مع ميولهم وهم ميولهم رياضية , تنحاز لنشاطات الجم , وبرامج السباحة حضروا عدة السباحة من بدرى وقطعوا امرهم , وقربوا يقولوا لى , (ابو عركى بتاع فنيلتك , امشى شوف حنانك وين ) ما اتفاجات ولا استغربت , لأنى اتوقعت الخيار ده , وكنت منحاز ليهو مبدئيا خاصة وان ايثار , ماى سمول ليدى , كانت تبدو منحازة لذات الخيار , لأن الأستراحة الدورية بتاعة بداية كل شهر , الصادفت الخميس الفات والبتتوافق المرة دى مع بداية اجازة (الربيع ولا ربيع ) ولكن انحيازها كان بسبب آخر مختلف تماما عن اسباب اخوانها , الا وهو التقاءها برفيقاتها وصويحباتها من اهلها المقاربين لها فى السن بت الشيخ , اخدتها من قاصرها وتمردت على البرامج المتنوعة دى , بحجة انها مش حمل تلتلة وهى ككل النساء , يحبذن ان تكون برامجهم نجيضة من بدرى ,حتى يعطونها حقها ومستحقها من ( الأستعدادت اللازمة ) وامثالى ( من المشلهتين ) العاوزين يلحسوا عنب اليمن وبلح الشام , والذين يحددون برامجهم فى اللحظات الأخيرة هم (اعدى اعداء ) برامج النساء وبنات الشيوخ , مما يضطرهن للحردان , ايثار السلامة , محبذين اجابة الأستاذة منى , لا هذا ولا ذاك مش انا قلت ليكم حصلت حاجتين اعادتا ترتيب الأوراق فى اللحظات الأخيرة من يوم الأربعاء يا ربى هم شنو ؟؟؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اما الحدث الأول , فقد اتصل الزناتى زهير وقال جاى مساء الأربعاء , سيحضر حفلة ابو عركى الخميس ويعود الى (دمامه ) يوم الجمعة وزهير لمن يجى , وخاصة لو معاهو ابتهاج , وكمان لو حا نشوف معاهم ميار اليادوب جاية من امتحانات السودان ومعاها مزن وحنا ومجد , فان توفير زمن مناسب لشوفتهم , امر لازم وحتمى لو زهير جاى براهو , على الرغم من معزته , فان لدى تجاهه من التلقائية والوضوح , ما يجعل عدم مقابلتى له حدثا عاديا وان كان موزوزنا بموازين (الخسارات الفادحة ) ولكنى اتوق للقاء اسرى مع ابتهاج واسرتها , فى زيارتهم الأولى للرياض , هذا هو الحدث الأول اما الحدث الثانى , فهو مختلف تماما فى المعنى والمضمون ايثار بتى , تحب الموسيقى والغناء , وان كان ذلك بمزاج (متغرب ) بتأثير الحدث الأول اعلاه , فكرت اخلى احمج ومجتبى يمشوا برنامجهم براهم واصطحب انا ايثار معى , لأصطاد متعة الأستماع لابوعركى والألتقاء باسرة زهير , بحجر واحد وايثار كانت منحازة لبرنامج الأستراحة والألتقاء بصديقاتها زى ما قلت ليكم لكنى شعرت ان خياراتها قابلة للزحزحة بمغريات الأستماع الى موسيقى جميلة من نوعية (ابو عركى البخيت ) ولكن نتيجة (التخيير ده ) كانت كارثية , وضربت معنوياتى (التربوية ) فى الصميم ايثار , انتى مش بتحبى الموسيقى موت يا بابا انا الليلة حا اسمعك موسيقى والحان عجب بالجد يا بابا , وين ومتين حاتمشى معاى يعنى , لأنو ماما قالت ما ماشة طوالى يا باب , ما دام فيها مزيكا خلاص انا اوصل ناس احمد ومجتبى , واجى القاكى لآبسة يااااى , بفرحة شديدة , ولكن مع تساؤل استدراكى قاتل وين يا بابا قاعة ما عارف اسمها شنو والله فى الفحص الدورى اوعى يكون عرس بس عرس شنو يا بت , اقول ليكى موسيقى تقولى لى عرس حفلة يعنى ؟؟ ايوة الحايغنى منو ؟؟؟ ابوعركى منو ؟؟؟!!!!!!!!! ابو عركى البخيت وده منو ابو عركى البخيت ده ؟؟؟!!! ما بتعرفى ابو عركى البخيت !!! مستغربا ما سمعت بيهو مش انا مرة كنت بغنى ليكى بخاف , وماما قلت ليكى دى اغنيتها المفضلة ؟؟. آآآآآه , فنان سودانى يعنى ؟؟؟ ومال انا حاوديكى تسمعى فنان جنسه شنو ؟؟؟ بس انا ما بحب الغناء السودانى يا بابا (بى زعل وتأفف ظااااهر ) لا بالله , خلاص انتظرى لغاية ما تامر حسنى يجى يعمل حفلة , واسوقك ليها !!! يعنى هسى ابو عركى ده , احسن من تامر حسنى عاوز تقول انت ولا شنو ؟؟ صمت ومقاومة لبوادر دوخة ودوران ارض ظاهر اخير لى امشى اقابل صاحباتى امتعاض ولفة راس ودخول للحمام وضرب الباب بقوة كبيرة (وفى البعيد ضحك مكتوم وشماتة من بت الشيخ زادت من لفة الراس واصبحت احتمالات الغثيان اكبر من الأول ) الموية الباردة , ساعدت على اعادة ترتيب اوراقى , وكظم غيظى , وخرجت من الحمام مستبدلا ملابسى , ومستبدلا معاها خطة التعامل مع الواقع الجديد - ايثار البسى تودينى الأستراحة مع ناس احمد ؟؟؟ لا , انتى حاتمشى معاى تسمعى ابو عركى صمت عشان تعرفى الفرق بين تامر حسنى , وابو عركى البخيت صمت تامر حسنى شنو , وجستن بيبر زاتو شنو صمت اوصل ناس احمد واجى القاكى جاهزة حاضر , بس ماما دى بتضحك مالا ؟؟!!
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
نسيبنا أبو عركي البخيت هبش أوتار حساسة فينا باغنياته وكلامه ربنا يوفقه ورفيقة دربه الأستاذة المربية الدكتورة عفاف الصادق حمد النيل هناك الشاعر المصري/هشام الجخ في برنامج أمير الشعراء وشاعر المليون بقناة ابو ظبي AD poed برنامج يتكرر باستمرار ارجو متابعته للإستمتاع.
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
صباح الاثنين 4\4\11 كنت ادخل حاملا الهاند باك الى احد فنادق دبى المدينه التى ازهلتنى بمعمارها ونظافتها ونوافيرها الراقصه والادب الجم لقائدى المركبات بانواعها يا الله لو حركة السير تصبح هكذا فى خرطومنا. الخميس مساء كان لقاء لاينسى بالمستشار اسامه دبلوك وجلسه جميله الى الساعات الاولى من الصباح الذى ما ان لاح حتى شددنا الرحال الى ابو ظبى دون ان التقى رشيدالقوم الذى كان من اولويات زيارة ابوظبى فرجعت بعض المغرب الى دبى وانا العن تلك الذاكره الخربه التى انستنى الموبايل وبالتالى فقدت الطريقه الوحيده للاتصال بكل الاخوان وحرمتنى من الذ فنجان قهوه بينهم فلهم اعتذارى. السبت وصلنا الخرطوم لنعيش الواقع ويا له من واقع . الثلاثا انشاالله تحتضننا ارض الكنانه لاربع ايام اتمنى ان تتاح لى فرصة زيارة الزقازيق ولكن هل هناك زقازيق بدون ذاك الزخم الاسمر؟؟؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: معتصم جعفر)
|
Quote: صباح الاثنين 4\4\11 كنت ادخل حاملا الهاند باك الى احد فنادق دبى المدينه التى ازهلتنى بمعمارها ونظافتها ونوافيرها الراقصه والادب الجم لقائدى المركبات بانواعها يا الله لو حركة السير تصبح هكذا فى خرطومنا. |
والله ياريس ... بالغت عديل كده ......
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
أبو الزوز تلفون الرابطة بتاعك دا بتاع مشاكل عملت رسالة عن قيام الرحلة جاتني رسالة زي السيف قبل ما أكمل Hi قبل ما أرد جاتني واحدة طايرة who r u ثم L و أثناء ما كنت قاعد أكتب في الرد جات نابلة واحدة تانية whats ur name قلت ناخد أجر و أرد رد مختصر my name & phone r there و الله الزول التقول ترزي ما خلاني أتابع مواصلة إرسال الرسائل dont. bug me i dont know u قلت دي مشاكل شنو الوقعت فيها دي غايتو تمتمت i am sorry for disturb
هس دا يشيلو منو 10 جنيه مساهمة كيف؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
حمد الله الف عل السلامة يا ريس وربنا يوصلك ارض الكنانة بالسلامة فعلا" اتصلت عليك قبل كم يوم تلفونك مقفول شكلك كده ما حتحضر الرحلة
الناس القادة عربى فى امتحان الشهادة و امتحان القيد الصحفى هاك النكته دى حقيقية والله عندنا ود جيرانا اسمو عادل ملقبنو فى الحلة بـ ( مــكوك ) زول كان بليد وما شاطر قمت يوم سألت دفعتو مالكم سامنو كده قالو لى اول ما ظهرت لغة الراندوك هم كشلة كانو بستعملوها مع بعض فى اى مكان
المهم يوم فى حصة الدين الاستاذ سألو ماهى المدينة التى يطلق عليها اسم ام القرى الزول سكت ما عرف يجاوب ، اصحابو بصوت خافت وبلغة الرندوك قالو ليهو مكوك ... مكوك صاحبنا ما صدق طوالى قال .... مــكوك يا استاذ الاستاذ طاااااخ اداهو كف .....
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير ،،، يا وجوه الخير
أصبحنا وأصبح الملك لله وحده،،،
سبحـان مـن أيـَد اليتيـم بجبـريـل ودمَـر أبـرهـة بطيـر أبابيـل يامـن هـو فـوق عبـاده ظاهـر يامـن هو مطلـع عليهـم وناظـر
أعنا على ذكرك وشكرك وحسن عبادتك يـارب
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
الحقيقة يا زناتي انا لو مشيت ابوظبي وكانت لي
ظروف و ما قابلت الحلوين بتاعين المريخ او ما اتصلت
علي ابو امينة يعني الحكاية صافية لبن !!!يا ابو الزوز
عهدت صاحب حق لكن يبدو انك اتاثرت بالغربة قبل ما تكمل
عامك الاول !!!! يعني ناس عزاز زي الرشيد ولا الحبيب نجيلة الواحد
يجي معد عليهم كدي ساي و لا فيها تلفون انا شخصيارغم اعتذار
الريس لكني ما قابلها بس كان اتصال حتي لو يتصل علي وزارة
الداخلية و ياخذ التلفون ؟؟؟؟
لقيتني كيف يا جلا ؟؟
انتو ياربي اليوم اثنين ولا ثلاثاء ؟؟؟ سؤال برئ .
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
شوف يا موسي الريس ده زول صاحب واجب ... انا عارفه كويس ما بيقصر الا الشديد القوي ... انت قايلوا زي صاحبك جلا .... يمين الريس ده لو زعل هسه يلغي رحلة مصر دي ويسافر يسلم علي مريخاب ابو ظبي واحد وكمان علي الرشيد ونجاة وكل ناس الزقازيق .... بس صاحبك جلا عجبني ليهو ... قلت لي بالانجليزي اللبع ... بس يا جلا ما وريتنا الزول ده جوه السودان ولا بره ... غايتو لو بره معذور وانت ذاتك تستاهل ما تعاين للارقام ... يعني لو زول في الصين ... ولا البرازيل يجي يحضر رحلتكم دي كيف ... غايتو عالم عجيبة ... اها شوف خسرتك هسه حق رسالة عالمية ومعاها زي خمسة رسائل تبرير .. اضرب اثنين في تلاتة باقي الشهر ده الا تموا مكرونة والسبب شلاقتك ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
عجبني للمرقود !!!!
اللقاشة الليك شنو يعني اي رسالة تجيك
عامل ليها فيها ابو العريف تقوم ترد اها
صاحب الرسائل دا لو ما جاء الرحلة قيامتك قامة!!
مع ناس الهادي كتير في الجمعيةالعمومية !! براك
جبتو لنفسك و الله الان تلفون لعطاالمنان و عينك ما
تشوف الا النور ....
ما زال السؤال قايم يا شباب ؟؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
صبحكم الله بالخير
Quote: حتى شددنا الرحال الى ابو ظبى دون ان التقى رشيدالقوم الذى كان من اولويات زيارة ابوظبى فرجعت بعض المغرب الى دبى وانا العن تلك الذاكره الخربه التى انستنى الموبايل وبالتالى فقدت الطريقه الوحيده للاتصال بكل الاخوان وحرمتنى من الذ فنجان قهوه بينهم فلهم اعتذارى.
|
يا ريس حسه الواحد يلومك و لا يلوم ذاكرتك... ربما نكون قد التقينا ذلك اليوم عدة مرات في طرقات أبو ظبي... ليتك كنت تحمل لافته من نوع ما، مثل تلك اللافتات التي تشاهدها في المطارات.. عندما يستقبل أحدهم شخص لا يعرفه... لقد فوتت علينا ذاكرتك لقاءا عزيزا...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
الليلة الأتنين يعنى اليوم القبل التلاتاء طوالى يا ود عيسى يا (ولضمى ) اكان تلاتاء بكرة , باقى يوم واحد , وكان البعدها ثمانية يوم عليك الله كلمنا قبل وقت كافى عشان نقدر نضاير الحتة وكان الشغلة فيها احتمال جرى , خلينا نجهز الشورت والجزمة الرياضية (حليلك يا نملوز ) وكان فيها احتمال غناء , خلونا نرجع المايك من موسى الراجل (حليلك يا كمال الشادى ) ولو فيها مشاوير كتيرة وبنحتاج لينا لى امجاد زينب التيجانى دى كان ما كلمتوها من بدرى انا متأكد انها الخميس البعد نهاية امتحانات محاسن , بتكون محجوزة من بدرى (حليلك يا ندى القلعة ) غايتو موسى عيسى ده , انحنا حفظناهو حفظ من مارس لى نهاية مايو , معنوياته دى فى السماء كان قلت ليهو امشى الدرعية نص الليل , ما عنده مانع من ما يونيو ده يقرب يبدأ , الزول تقول ضربه تسونامى يابانى عارفين الفرق وين ؟؟ الفرق تلقوهو فى الجوافة طبعا يا يوم بكرة ما تسرع , تخفف لى نار وجدى
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
يارشيد القوم ... ذاكرة شنو ... وتلفون شنو النساهو ... الداتا بتاعة ولدنا سامي عبدالوهاب ... ختيناها في البوست لشنو ....
================================= غايتو يازناتي انا من يوم جلو عرس اخوي على ... وانا جنبهم هناك خلاص ... قلبي مات ... لو نزلو في البناية الفيها شقتي ... وما جوني بقيت مابزعل ... ما كفاية منصور ورشا ... برج دبي ده لو طلعو الطابق 514 كا ن شافوني ... عليك الله خلينا في المريخ ....
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
مالو المريخ دا عليك الله عيبوا لي يعنى طلع من دور
التيت في التصفيات ما برضو الارسنال البشجعوا منصور
والزي الرئيسي احمر زي المريخ برضو طلع و بالتلاته!!
ما لو المريخ ما ناس تمام و استاد تمام و حارس عظيم
يعني شنو لو طلع ما عادي زي شيلسي البشجعوا اخونا حاتم
جبارة وطلع !! انا ذاتي معاك يا ابو احمد عموما الجاتك
في ابو ظبيك سامحتك و حقك علينا و لكن بس صحبي جلا البعزم
في الخوجات بره السودان للرحلة و غالبوا يحضر مناسبة في
الخرطوم بالله يا ياسر نجيلة دي تتبلع كيف !!!!!
عموما كلنا بقينا علي تشجيع المريخ و يوم الثلاثاء بس !!!
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
Quote: يا ابو الجل عليك الله اخجل او كما يقول دينق اختشي ... ياخي نحن جينا الاربعاء .... الساعة حداشر بالليل واتصلنا عليك الخمس وسافرنا السبت ... اها المتلوم منو عليك الله ... |
ابوالزوز انت بي صحك ... وكتر خير حاج الركز يا اخوي اتصل علي الجمعة الساعة 2:24 وانت بي عضمة لسانك قلت لي مسافرين الساعة 8 عشان انت مداوم صح يا عزوز المهم ياسيدي ما في زعل والله انما كانت مزحة ارجو انك ماتجيرا لي ... والمرة الجاية تعالوا انزلوا عندنا عديل اصلوا نحن بينا وبين ناس الركز اشارة بس واقرب من ناس عبدالمحسن واحمد اسماعيل
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
Quote: فرحة للطيش: بمناسبة الثلاثاء حمد لله بالسلامة ومقدماً إنشاء الله تجي راجع معاهم |
يازول هوي ... ما بسلم مش على كيفي .... أأأي زعلان انت مالك عليك الله هو زول يرسلوا ليهو رسالة ما يعاين لي الرقم الجايه منو ... انت بتعزم من طرف ولا شنو ... تاني ما ترسل لي رسالة بالله ... كلمني عديل ------- هذا ولا يخفى انها محاولة مني لنفي الامية التكنولوجية التى اتهمك بها صاحبك ... غايتو مؤقتا كدة ضيفني لناس الرحلة بس من غير "شيرنغ"
اخبارك شنو
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
Quote: عارفين الفرق وين ؟؟ الفرق تلقوهو فى الجوافة طبعا يا يوم بكرة ما تسرع , تخفف لى نار وجدى |
Quote: عموما كلنا بقينا علي تشجيع المريخ و يوم الثلاثاء بس !!! |
ياجماعة التلاتاء بتاعة ولدنا موسي عيسي فيها شنو ....
غايتو يا اباالعهود ... لوغلبك تكب الكلام هنا في البوست حاول كلمني بالتلفون ... النزلة راحت ... وكان لي صاحبك بتاع الخواجات ... حاجاتو كلها .... جلا
================================== النضيف ... الجماعو زنقوني بالكلام وكنت عاوز اعلق على كتابي الأول وكتابي الثاني ... في ناس كتار بابعرفوهو ... اغلب ناس البوست قرو الكتاب ... حتي اب شنب ... وخصوصا الاساميهم يبدأوا بحرف "الميم" بس رشا ماماهم
ياخي كتابي الاول والتاني ... بالواضح بس انا وانت وحاتم جبارة بنعرقو ....
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
سلام للجميع ياطارق جبريل عليك الله البريحك فى عضامك دا رسل لى منه شويه و كان كمل انشاء الله فتيله كان فاضى اصلا عضامى بتوج وجان
يا زهير ما منمشى لى ناس ما بجونا وبعدين شن لم كسلا على نيالا يمكن الجناين وشوف (كسلا - كوستى ) شاعر و فنان وابو جبيهه دى وصلتها كيف ؟
ولا التابا
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
حوالينا و ما علينا على الأكام و الوديان و الشجر
Quote: صحبي جلا البعزم
في الخوجات بره السودان للرحلة و غالبوا يحضر مناسبة في
الخرطوم بالله يا ياسر نجيلة دي تتبلع كيف !!!!! |
و شرحو
Quote: ما بسلم مش على كيفي .... أأأي زعلان انت مالك |
ما قدرت أبلع دي
Quote: وكان لي صاحبك بتاع الخواجات ... حاجاتو كلها .... جلا |
عليه فقد قررت دخول كورس إنجليزي بريطاني تحسباً لإي دشمانات جاية مبروك عليك التلاتاء تقعد تمسك في التلاتاء دي و يقدر ربك الجماعة ما يجوك تقوم تفوت بي عدلك
أرحمو من في الرياض يرحمكم الله إستوووووووووو
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: انا بره يا ياسر نجيلة (بنعرقو) دي الا يجينا طارق جبريل
|
هوي يا موسى عيسى انا ود صغير ونايل كورس ما حضرتو كلام العرقوب والبقنية والمعسلات دي ما بعرفها
موسى الرجل ايه رايك نمشي اسمرا سوى
يا جلال ياخي القنديلا الفي برفايلك دة هلكنا
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
حكاية موسى حافظنو ذكرتني نكتة قديمة قالوا واحد من الفنانيين دفعة أبو عركي بضرب الجاجمبة صاح فدابما رايح وجاي من الحمام وبدأ فاصله ومدخل الأغنية على وشك إستعجل ودخل ناسي أن يقفل سستت البنطلون ، الجماهير تصيح وهو ينفعل واحد من المبشرين كأنه يطلب أغنية قال للفنان سستتك مفتوح ، قال ليه والله ماحافظها
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
جلال والله ما بتقصر ونار موسى ميته مهما هباها والنت اجيبو من وين واسال منو والله غير الهنود وبقية الصفر ماشفته زول ويا زناتى والله ما كتيره على الرشيد ونجيله وحرم كان اكرره قريبا واسلم وارجع كان من المطار بس اشوف الموج الازرق فى الخليج ولا هو احمر يا موسى عيسى !!ويااااا زناتى
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
نكمل دعاء الصباح :
يـارب ناداك نـوح فنجيته مـن كربـه.... ونـاداك أيـوب فكشفـت مابـه مـن ضـره ونـاداك يونـس فنجيتـه مـن غمـه ونـاداك زكــريا فوهبـت لـه ولـدا مـن صلـبه....بعـد يـأس أهلـه وكبـر سنـه ونـاداك إبراهيـم فأنقذتـه مـن نــار عد وه وأنجيـت لـوطـا وأهلـه مـن الـعذاب النـازل كلـه....
أن تعينناعلى ذكرك وشكرك وحسن عبادتك يـارب العالمين،،،،
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
مساء الخير يا شباب
تأكدت زيارة مجموعة ناس الزقازيق إلى مدينة رابغ
لزيارة سامية إسماعيل بعد العملية الجراحية وعادل الجعلي
التحرك يوم الجمعة الساعة الثامنة والنصف صباحاً الإتصال على الجوالات
والتجمع الرئيسي يكون عند الرحيلي قبل التفتيش
يا ناس جدة وما جاورها يوم غداً يكون دفع الشيرنق لدى د. حسن وذلك
لتأكيد عدد المسافرين وعائلاتهم لأن مندوبنا سوف يغادر يوم الخميس لذبح
الخراف قبل وصولنا يوم الجمعة .
نؤكد هناك شيه ومرارة نية سوف تكون جاهزة فور وصولكم ولا عزاء لناس قندهار
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
تذكير و تعديل لقد تقرر تأجيل رحلة الزقازيق لتكون يوم 6 مايو بدلاً من 15 أبريل وذلك حتى نتمكن من دعوة عدد مقدر من الأعضاء المساهمة لا زالت 10 جنيه للأستفسار نرجو الإتصال على الأخ محمد صديق 0912162923 أو الأخ محمد آدم النور 0912319724 نقدر إهتمامكم
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
- ألو - وعليكم السلام و رحمة الله و بركاته - أهلاً ...ياخ أنا جاتني رسالة - أيوا يا فلان نحن ناس الز.. - ياخ فلقتونا عارفين و عندكم رحلة و مرة واحد عندو عزاء - معليش يا الأخو... - التلفون دا بتاعي أنا.... رجاءً - معليش أظن نحن كنا قاصدين زول من ناس الزقازيق - زولكم دا فتشوهو حتة تانية - ممكن أسألك عندك زول عندو علاقة بالزقازيق؟؟؟ - هو زاتو الزقازيق دي وين؟؟؟ - نكرر أسفنا يا أخ و نأسف للإزعاج
غايتو أنا حدي معاكم الرحلة
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير ،،، ياجوه الخير
أصبحنا وأصبح الملك لله وحده،،،
اللهم أجعل عملنا كله خالصا لوجهك
اللهم اجعلنا ممن يسمعون القول ويتــَّبعوون احسنه يارب العالمين
اللهم لاتجعلنا ممن ضل سعيهم في الحياة الدنيا
وهم يحسبون انهم يحسنون صنعا،،، ً
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: لقد تقرر تأجيل رحلة الزقازيق لتكون يوم 6 مايو بدلاً من 15 أبريل |
يا جماعة الرحلة قائمة يوم 15 أبريل بالمملكة
العربية السعودية لناس المنطقة الغربية للذهاب
إلى مدينة رابغ لزيارة عادل الجعلي وسامية وأسرتهم
تحدثت بالهاتف مع أحدهم فأخبرني بتأجيل الرحلة !!!!!!
الرحلة المؤجلة دي رحلة داخل السودان وفيها على ما أظن
خواجات جايبهم الحاج جلا!!!!
يا جلا ياخي ما عذبتنا ؟؟؟؟؟؟؟؟؟؟؟
ما تلخبط لينا الكيمان
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: اول مرة اشوف لى خروف يضبحوهو قبل يوم وياكلو مرارتو تانى يوم ... نجيب ليكم صديق الصادق ولا شنو .... |
عبدالدائم عايز تخوف الناس مالك
الدبيحة صباح الجمعة وناس رابغ قالوا الساعة
عشرة صباحاً فطوركم مرارة وكبده نيه !!! وجع
شوفوا الناس الحناكيش حتقول هي ما بتاكل مرارة وكبدة نيه؟؟؟؟
رايك شنو يا زهير !!! كل الناس دي حتاكل كبده نيه
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
زولك ده يا ريس قرأ اول سطرين ولا كيف من العشرة جنيهه دى مش واضح الرحلة فى السودان
Quote: تذكير و تعديل لقد تقرر تأجيل رحلة الزقازيق لتكون يوم 6 مايو بدلاً من 15 أبريل وذلك حتى نتمكن من دعوة عدد مقدر من الأعضاء المساهمة لا زالت 10 جنيه للأستفسار نرجو الإتصال على الأخ محمد صديق 0912162923 أو الأخ محمد آدم النور 0912319724 نقدر إهتمامكم |
| |
|
|
|
|
|
|
| |