|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
زواج ابنة الاخ محمد عبدالعزيز عبدالله
آداب الزقازيق _انجليزى
الخميس 20/1/2011
عقد القران بمسجد الشهيد _الخرطوم
عقب صلاة العصر.
دعوة عشاء __المنزل ب سارية ج الازهرى
الدعوة للجميع
ناس الداخل والخارج
وعقبال ...هانىء وصالح.
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
يا كوتش .. تحياتى ..
عقبال اولادك ...
عربون محبة .. اليك هذه الابيات ...
غادة السمان....
أن أكون معك ،وتكون معي
ولا نكون معا
ذلك هو الفرق......
أن تضمنا غرفة واحدة
ولا يحتوينا كوكب واحد
ذلك هو الفرق.......
أن يصير قلبي
حجر كاتمة للأصوات مبطنة الجدران
وان تلحظ ذلك
ذلك هو الفرق........
أن أفتش عنك داخل جسدك
وأفتش عن صوتك داخل كلماتك
وأفتش عن نظراتك داخل زجاج عينيك
وأفتش عن نبضك داخل كتلة يدك:
ذلك هو الفرق
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: وعقبال ...هانىء وصالح. |
و شاويش وصديق الصادق ديل بتخاف منهم .... انا غايتو الزول التالت داك بخاف منو ... هسه لو جبت اسمه يقوم فاتن حمامة يتصل بيهو ... يعمل لي تلفون ينعل ابو خاشي .... عشان كدي بكتفي بالاثنين ديل ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلامات يا ناس
Quote: و شاويش وصديق الصادق ديل بتخاف منهم |
والله ما بخاف منهم لكن ما فى حساباتى لاسباب كتيرة ليس
من بينها الوجاهة ...لكن اهم حاجة انو ما منهم رجا...
التالت داك الما بخاف منو امو ما ولدتو...
تأكد كلامنا ده حيكون وصل .
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: طبعا فى اللحظة ديك , انا ما عرفت ادخل وين , لوالبوست ده كان جنبى , كنت دخلت فيهو عااادى ) اها هسى انت ما تأكلنا حنك , جايينا وسط الحفلة وعامل فيها بتبشر والودرقاااص يعنى اها اقول ليك حاجة , خال ميسرة زاتو مات !!!!!!! |
منص يا منص
والله من هسه
الفاااااااااااااااااااااااااااتحة لكل من له/لها عزيز رحل او عزيزة رحلت
اخوان اخوات امات اباء اصول او فروع
وجيران اهل او حبايب
يا منصور ما جابني هنا إلا التونسية
خايفا تفوت وما نركب
قاطعين فيها درجة اولى
يمكن ناس قاسم يرجعو لينا تاني
ونرجع لـ 29 واللمة
والكوارع
وناس الحوري
وزمن جميل مع ود نيني النوام
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
كلما يجي واحد مصري مسافر يسألني توصيني بحاقه من مصر... لا و الله سلامتك تمشي و ترجع بالسلامة ان شاء الله... لا و الله مش ممكن لازم تئول..نفسك في ايه... طيب جيبلي معاك فطير مشلتت... بس يكون بتاع فلاحين...ما تجيبليش بتاع المخابز... حاضر...عيني...بس كده... يمشي و يجي راجع بالسلامة... يجي شايل كيس شكلو كده ما فطير مشلتت... معليش سامحني أصلي انزنأت و ما عرفتش أقيب فطير... قبتلك لب عشان تأزأز بيه و انت بتتفرج على الماتش... اتكررت معاي الحكاية دي أكتر من مرة.. لحدي ما بقت كمية اللب العندي في البيت تكفيني لحدي آخر السنة... و ما زال ركب المسافرين الى مصر مستمر... و بقيت لما يصروا علي و يلحوا الحاحا... أقول ليهم جيبوا لي معاكم لب... أنا متأكد ان اللب جاي جاي... و يجيك الواحد راجع شايل اللب بفخر و اعتزاز... أهي الحاجة اللانت طلبتها.. كنت حأقيبلك حاجة تانية بس انت طلبت كده أعملك ايه...
حد عايز لب يا جماعة نصدر ليهو...
موسى و جلا...
كنت راضي تدللك براي بتحمل صعابي إلا ما برضى التجاهل لي شعوري لي عذابي
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
أصبحنا وأصبح الملك لله وحده،،،
تغادرنا عصر اليوم الأخت العزيزة نوال البلول
إلى السودان بعد أن تماثلت للشفاء بعد العملية
الجراحية الكبيرة ونحن فرحين لأنها تعود إلى أولادها
وحزينين لفراقها ، على الرغم من معرفتنا الزقازيقية
بالأخت نوال إلا أننا تعرفنا على هذه الإنسانه الأصيله
أكثر وأكثر بجده ،،، تصحبك السلامة يا أختنا العزيزة
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: ما زال صاحبي موسى عيسى مسجل غياب... أبقى ظاهر يا أبو عيسى...و الا...
أما صديقي الآخر جلا برضو مسجل غياب... ربما يكون الديسك مليان...ربما... |
الرشيد يا حبيب ، إلا تتصل بالإنتربول شوف
نتيجة القيادة البلهلوانية بتاعة شيخنا جلا
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
غايتو لو رشيت الزول دا ما أظن حيجيكم منص طلب منو يدينا فاتحتنا طوالي زولكم رشانا
Quote: الفاااااااااااااااااااااااااااتحة لكل من له/لها عزيز رحل او عزيزة رحلت
اخوان اخوات امات اباء اصول او فروع
وجيران اهل او حبايب |
أخليهو و لا أرشو ليكم؟؟؟؟؟ أنا بستأذن السناير هنا أبو الزوز لأنك ما سنيري و برضو طاشي شبكة ما تعلق على مداخلتي دي لأنو حا تخربها و عارفك بعدين تقوم تعتذر....
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يا جلا جمال السنوسي ده ترشوا بنلحقك امات طه ... هلالابي وخريج تجارة ومعارضة ومغترب في السعودية .. ومن الصحافة كمان ... يعني زول عنده حماية محل ما تقبل عشان كده اعمل حسابك ... انت صاحبك موسي عيسي ما قادر ترشو ... تجي ترش السناير الكبار ... اعمل حسابك رجعت الشبكة ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلام ياكرام مسئولين من الخير وين ( أجدع ناس للتجارة والإستثمار المحدودة) وين عبد الحفيظ عباس وين كل الإخوة الذين متحركين في شأن هذه الشركة هذه الشركة لازم نهتم فيها ولازم تنجح لأتها بداية تجربة لمجموعة فاعلة (إمكانيات علمية ونوعية ومالية وعددية وإنتشارية وإسفيرية وعالمية ومحلية)
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
لقيت البوست راقد سلطة و متنفقل في الصفحة التانية قلت أكيد وردية الليل ناس القطاع الشرقي من العالم تكون ضربت الرز بي لبن و نامت بدري أما ناس القطاع الغربي الدوميكاني و صحبه بيكونو ناموالعصرية بتاعتهم أنا من ناس قطاع الشمال الشمال الجغرافي!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
نرجع لموضوع الإحتفالية بمناسبة البوست الجديد الإحتفال روعة و لا شك إلا أن الزمن لا يتناسب و الفرحة من المفترض أن نحتفل بالمئوية عند يوم الأرشفة و دا ما حصل إذن يوجد خلل المعالجة تقسيم المئوية على أربع يعني كل أرشفة ربعية يكون عندنا 25 ميل يعني كل شهر يكون عندنا 8 أميال و 33 مداخلة يعني 27 مداخلة يومياً تقريباً عشان كدا أنا سأكتفي ب مداخلتين يومياً و الله ولي التوفيق
| |
|
|
|
|
|
|
Re: ناس الزقازيق ... أجدع ناس (4) .. (Re: عادل عبدالرحمن إبراهيم)
|
أيها الشاعر الرقيق أين أنت منِّي لك أقول كما قالت بنتنا الكسلاوية
وأحتجتُ أن ألقاك
حين تربع الشوق المسافر وإستراح
وطفقتُ أبحث عنك
في مدن المنافي السافرات
بلا جناح
كان إحتياجي ..
أن تضمخ حوليَ الأرجاءَ
يا عطراً يزاور في الصباح
كان إحتياجي .. أن تجيءَ إليَّ مسبحة ً
تخفف وطأة الترحال ..
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الاسبوع الفات جابو حلقة فى التلفزيون عن عوضية سمك نديكم نبذة بسيطة عنها لمن فاتتهم الحلقة
الخالة عوضية عبده امرأة عصامية وطموحة سقف طموحاتها ارتفع خلال سبعة عشر عاماً حتى وصل بها لتصبح أول تاجرة أسماك امرأة بموردة مدينة أم درمان. قصدناها لإجراء حوار معها فقابلتنا بترحاب فاق كثافة دخان صاج السمك الذي يرقد بجانبها وتمطره بين الحين والحين بوابل من السمك المتعدد الأنواع والأحجام والأسعار. جلسنا إليها في ونسة دقاقة نسألها عن مهنتها وحكايتها مع التجارة بالأسماك فقالت: أنا اسمي عوضية عبده عبد الله آدم، أسكن منطقة أمبدة وقصتي مع تحمير السمك بدأت قبل 17 سنة على شاطئ النيل بمحاذاة الموردة مع "السماكة" بدأت ببيع الشاي والزلابية ثم تدريجياً انتقلت إلى العمل في مجال الأسماك لأن العمل في مجال الشاي غير مريح. × أنتِ كامرأة هل كان من السهل لك الولوج في سوق السمك لتنافسي الرجال... أحكي لنا عن ذلك؟ -البداية بالنسبة لي كانت صعبة جداً أولاً لأنني امرأة وثانياً لأنني أعاني من إعاقة حركية كما تلاحظين.. ولكن قوة الإرادة والعزيمة والتوكل على الله هي التي أعانتني على تحقيق هدفي إضافة إلى المساعدات العظيمة التي قدمتها لي منظمة تحدي الإعاقة من تجهيز الشواية بهذا الشكل الذي يرضي كثيراً من الزبائن وشكل الشواية والمطعم واحدة من الحاجات التي حققت لي النجاح – بارك الله في منظمة تحدي الإعاقة. وجزأهم الله ألف خير. × هل الدعم هو الدافع الوحيد.. أم أن هنالك دوافع أخرى؟ مثل ماذا.. لم أفهم قصدك -أقصد إنتي يعني ما كنتي راغبة تتعلمي تحمير وشواء السمك وتسويقه لكي تحسني وضعك؟ في قصة كده حصلت لي في المستقبل مع شراء السمك هي التي دفعتني للتعرف على أنواع السمك ثم المتاجرة به وتجهيزه وطهيه وبيعه للزبائن هنا. × ممكن تحكي لينا القصة دي؟ أيوه جداً.. في البداية زي ما قلت ليك أنا كنت شغالة ببيع الشاي وظروفي كانت صعبة وفي مرة طلبت من واحد من تجار سمك يديني سمك أوديهو لأولادي في البيت قام جاب لي كيس كبير مليان.. فرحت بيهو شديد وديتو لأولادي لقيتو كلو كبده سمك... واليوم الثاني كلمت واحد من السماكة الطيبين... فزعلتوا الحكاية دي وقال لي دا ما كويس ومرات بيعمل تسمم فطلبت منه يعلمني نظافة السمك عشان أتعرف عليهو أكثر وفعلاً علمني الكثير عن السمك وأنواعه ويمكن دا الخلاني أخش مجال طهي السمك وبيعه فيما بعد.
× يعني دي ما كانت البداية؟ - أيوه وطبعاً ما كانت بداية ساهلة زي ما إنتي شايفة المنافسة شديدة ومرات المعروض بيكون أكثر من الطلب.. إضافة إلى المضايقات الشديدة والإجراءات بتاعة ناس المحلية. × ماذا عن أبنائك والتعليم؟ عندي اولاد وبنات والحمد لله فيهم البيقروا في الجامعات منهم مودة وجيهان. والأولاد منهم طارق المعاي في الشغل. × بالتأكيد رسوم الجامعة كثيرة هل دخلك يكفي؟ - بدفع رسوم الجامعة بالأقساط، بدفع 3 ملايين لطالبة واحدة والثانية مليون ونصف والحكاية صعبة جداً. كيف بتضعوا أسعار السمك؟ - السمكة الكبيرة زي دي من 20 إلى 15 جنيهاً وآخر سعر للطلب هو 7 ونصف جنيه وبتماشي مع الناس وفي ناس بيشتروا بخمسين جنيه وديل يكونوا مجموعة وفي ناس بي 30 جنيه. والحمد لله الزبائن زايدين كل يوم وأنا بعمل سمك بس. × هل بتشتغلي يومياً؟ من الساعة 8 صباحاً حتى 8 مساءً دون انقطاع وبشغل معاي أولادي وأخواني وبنات عمي حتى في الأمطار الشغل متواصل وما بنقطع وشهر رمضان بنعتبره راحة وإجازة وبجهز مصاريفو من بدري. × ذكرتي ناس المحلية بضايقوك.. كيف يعني؟ - هم خير وشر في وقت واحد. كانوا معذبني والآن بعد مساعدة المنظمة أموري مشت تمام. × لماذا اخترتي شارع الموردة دون غيره؟ - كنت في البداية في سوق الموردة فلما ضايقوني شديد والناس اضايقوا من وجودي معهم كامرأة انتقلت لدكان آخر برضو ضايقوني وبعد 30 يوم رحلت بعد ما لقيت مضايقة من الناس الحولي خاصة أصحاب الشوايات. حتى في واحد جاء ومسك الدكان الجمبي كمان. × ما هي الأشياء التي يفضلها الزبون مع السمك؟ طبعاً العيش والشطة والبصل والسلطة عشان غالية بيشتريها الزبون بألفين جنيه وبعد دا بنبيع سمك البلطي بـ10 جنيه والصغار من 9 إلى 10 جنيه والبرفض نديهو بـ7 جنيه. × هل قعدتي في الشوايات قبل ما تبيعي السمك؟ الشهادة لله قبل الشغل ما حصل أكلت طلب سمك لأنو ما عندي قروش آكل سمك وأشرب بارد كنت باكل فول وعيش بشاي لأنو الوراي كثير وأول مرة بعد اشتغلت اشتريت 7 ملايات للبيت أولادي قعدوا يكوركوا من الفرح الشديد وحسيت بالسعادة واليوم داك اتملت دموع الخالة عوضية بالدموع من الفرح.
× متى يرتفع سعر السمك؟ - في الصيف الشديد وفي موسم الخريف × أبرز الشخصيات من الزبائن؟ الليلة جانا مدير هيئة المرور ومن شدة الزحمة لم أنتبه إليه ومن كل المؤسسات لدي زبائن كتار. × الديكور الموجود بالمحل منو العملو؟ - عملتو جمعية المعاقين وكلفنا 2 مليون جنيه وناس الضرائب مصرين يدفعوني الضريبة والمفروض يعفوني لأني معاقة وبربي اولاد وبنات. × رسالة لمن تبعثيها؟ - إلى كل مسئول نقول ليهو بنصبر على أرزاقنا بالرغم من كل المضايقات الموجودة دائماً. × ذكرت إحدى النساء المشتريات للسمك بأن الخالة عوضية امرأة محترمة ومقدرة لأنها معاقة وتعمل وتشهد لها أنها لا تتمسك كثيراً في السعر يعني مجاملة مع أنها محتاجة للالتزامات. × وذكر أمين عام منظمة متحدي الإعاقة الفاضل موسى محمد والأستاذة مشاعر مصطفى قالوا إذا نجح المعاق في حياته لا يجب أن نكسر جناحاته وأن يعفى من الضريبة. وعلى الدولة تنفيذ هذا البند.. فعوضية تقوم بتشغيل المعاقين معها وكل يوم جمعة تقدم وجبة لسجن النساء بأم درمان وتساعد الفقراء وتعتبر أنها تعمل للبر والإحسان أكثر من التجارة.
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الف أهلا وسهلا بالشاعر الرقسق ..
والأديب الأريب .. عادل عبد الرحمن
نرجو ان يطيب لك المقام بيننا ...
فمكانك بيننا مازال شاغرا ..
وهذا البوست يتشوق الى أنفاسك الشعرية العطرة ...
مشكور للتحية ونرجو دوام التواجد ..!!!
&&&&&&&&&&
الاخ بتاع القطاع الشمالى .. صاحب النزعات اياها ...
اعتراضك على التوقيت لماذا لم يظهر حينما تم تحديد ذلك قبل الاحتفال باسبوع ؟؟ ...
بالله هســـه الداير رش منو ؟؟
عموما اقتراحك الاخير به بعض وجاهة ..
ومبدئيا سيكون هناك احتفال خاص بســعادتكم ...!! بس كيف يظهر موسى عيسى ..!
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
أي زول بكون لابس جلابية ديل الناس المهمشين وه بالتحديد من ناس المعسكرااات عليك الله تخلوهو يقوم من الكرسي عشان منصور يقعد فيهو؟؟؟ أها دي زاتا الفوقية يعني عشان لابس جلابية؟؟؟ و بعدين بتاع السيرفيرس قلتو لهيو تعال الكمرة جاهزة و أخد الصورة خاصة و إنك جيت خاشي طرف
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
اهم حاجة د. عمر جاى جده متين
يا طارق اعمل حسابك عوض عبدو عندو ولدو الصغير عكليت خلاص زول خشن ومتخصص بجلد الشفع كان مجنن بنات عصام دهب جن بخمشهم ليك جنس خمش ، غايتو ارتحنا منهم لما نقلوه الطايف بس برضو مشتاقين ليهو كتير
الجابو عندكم شنو ؟
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
سأل عالم تلميذ: منذ متى صحبتني؟
فقال التلميذ: منذ ثلاثة وثلاثين سنة...
فقال العالم: فماذا تعلمت مني في هذه الفترة؟ !
قال التلميذ: ثماني مسائل...
قال العالم: إنا لله وإنا إليه راجعون ذهب عمري معك ولم تتعلم الا ثماني مسائل؟ !
قال التلميذ: يا أستاذ لم أتعلم غيرها ولا أحب أن أكذب.
فقال الأستاذ: هات ما عندك لأسمع ...
قال التلميذ:
الأولي :
أني نظرت إلي الخلق فرأيت كل واحد يحب محبوبا فإذا ذهب إلي القبر فارقه محبوبه
فجعلت الحسنات محبوبي فإذا دخلت القبر دخلت معي .
الثانية:
أني نظرت إلي قول الله تعالي :
'وأما من خاف مقام ربه ونهى النفس عن الهوى فإن الجنة هي المأوى '
فأجهدت نفسي في دفع الهوى حتى استقرت علي طاعة الله
الثالثة :
أني نظرت إلي هذا الخلق فرأيت أن كل من معه شيء له قيمة حفظه حتي لا يضيع
ثم نظرت إلي قول الله تعالي: 'ما عندكم ينفذ وما عند الله باق'
فكلما وقع في يدي شيء ذو قيمة وجهته لله ليحفظه عنده .
الرابعة:
أني نظرت إلي الخلق فرأيت كل واحد يتباهي بماله أو حسبه أو نسبه،
ثم نظرت إلي قول الله تعالي: 'إن أكرمكم عند الله أتقاكم'
فعملت في التقوي حتي أكون عند الله كريما .
الخامسة:
أني نظرت في الخلق وهم يطعن بعضهم في بعض ويلعن بعضهم بعضا،
وأصل هذا كله الحسد،
ثم نظرت إلي قول الله عز وجل: ' نحن قسمنا بينهم معيشتهم في الحياة الدنيا '
فتركت الحسد واجتنبت الناس وعلمت ان القسمة من عند الله فتركت الحسد عني .
السادسة :
أني نظرت إلي الخلق يعادي بعضهم بعضا ويبغي بعضهم علي بعض ويقاتل بعضهم بعضا ونظرت إلي قول الله تعالي: 'إن الشيطان لكم عدو فاتخذوه عدوا '
فتركت عداوة الخلق وتفرغت لعداوة الشيطان وحده .
السابعة:
أني نظرت إلي الخلق فرأيت كل واحد منهم يكابد نفسه ويذلها في طلب الرزق
حتي انه قد يدخل فيما لا يحل له،
ونظرت إلي قول الله عز وجل: 'وما من دابة في الأرض إلا علي الله رزقها'
فعلمت أني واحد من هذه الدواب فاشتغلت بما لله عليّ وتركت ما لي عنده .
الثامنة :
أني نظرت إلي الخلق فرأيت كل مخلوق منهم متوكل علي مخلوق مثله, هذا علي ماله وهذا علي ضيعته وهذا علي صحته وهذا علي مركزه
ونظرت إلي قول الله تعالي 'ومن يتوكل علي الله فهو حسبه'
فتركت التوكل علي الخلق واجتهدت في التوكل علي الله .
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يا موسى عيسى بتاع القطاع الشمالي يقصد شننو بالكلام أدناه
غايتو الصورة طالما فيها أحمد إسماعيل طوالي تبادر إلى ذهني حركة جديدة من دارفور بس لو طلع منها كمال الشادي و الناطق الرسمي للحركة الزول اللابس جاكت أبيض
| |
|
|
|
|
|
|
Re: ناس الزقازيق ... أجدع ناس (4) .. (Re: عثمان الخير)
|
صبحكم الله بالخير
التحية للأخ الدكتور عمر عبد الله و الذي كانت آخر مرة شفناهو فيها كان الشعر يغطي أذنيه... الآن و بعد دخوله نادي المائة أصبح من الصعوبة التعرف عليه... نادي الميه ده فيهو جبريلا و حاتم جبارة و حاج الركز و جمال مصطفى و بس... ديل كم ؟؟؟ أرجو أن يطيب لك المقام أين ما حللت و ما عايز أدعي عليك و أقول ليك ربنا يرد غربتك...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
جلال لكن وجاهة تتعدى الخيال (العبارة دي مستلفة من بت الشيخ)... لكن مالكم كلكم اتفقتو على اللون الرمادي ده... ما لقيتو ليكم لون بمبي و لا شنو...
و عيني بارده على صاحبي منصور... استعاد جزء كبير من رشاقته... التحية من هنا لبت الشيخ و التي فرضت حصارا قويا على منصور...
صاحبي موسى عيسى..الجاكت لكن ما رهيب... ذكرتني حسن عطية بالبدله البيضاء دي...
حاج الركز مبسوط و يتبسم ساكت... شعر انو مايكل جاكسون مع عمر عبد الله... أنا لو مكان حاج الركز اصاحب عمر عبد الله و حاتم جبارة و جبريلا... عشان يشعر بالخنفسه في وجودهم...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا ناس الرياض و الله لماتكم دايما فيها نفس خاص بيكم... فيها روح جميلة و تنظيم جميل و مميز... خايف أقول ليكم ما انتو معاكم منصور و أنا عارفو بيحب الحكحكة... تقوموا تقولوا لي هو صاحبك عمل شنو غير جاء لابس الجاكيت بتاع الجلد ده... لكن دايما لماتكم تخلي الواحد يتمنى تجمعو معاكم لمة زي دي... ياخي ما تعملوا لينا حفلة كده على شرفنا... و ترسلوا لي زيارة و لأولادي... و تذاكر طيران لي و لأولادي... و أحجزوا لي في فندق خمسة نجوم بس... سبعة نجوم ما عايز... و بعد داك كان ما جيت لوموني...
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
Quote: يا ناس الرياض و الله لماتكم دايما فيها نفس خاص بيكم... فيها روح جميلة و تنظيم جميل و مميز... خايف أقول ليكم ما انتو معاكم منصور و أنا عارفو بيحب الحكحكة... تقوموا تقولوا لي هو صاحبك عمل شنو غير جاء لابس الجاكيت بتاع الجلد ده... لكن دايما لماتكم تخلي الواحد يتمنى تجمعو معاكم لمة زي دي... ياخي ما تعملوا لينا حفلة كده على شرفنا... و ترسلوا لي زيارة و لأولادي... و تذاكر طيران لي و لأولادي... و أحجزوا لي في فندق خمسة نجوم بس... سبعة نجوم ما عايز... و بعد داك كان ما جيت لوموني... |
رش ياحبيبنا ... والله كم نتمنى ونشتهي ان تجمعنا بك لمة ان شاء الله في برج خليفة ... آخر دور عشان نحلق مع النجوم وشد حيلك الزيارة انا برسلا ليك ومعاها التذاكر .. وحجز الاوتيل.. وكل حاجة بس النبى فيك وانت جاي جيب لي معاك "همر" ان شاء الله موديل قديم ياخ الرياض دي من امس السماء "انقدت" فيها مطر شديد ياخ عاوز ليهو همر وبالعدم "سيكويا"
عارفك ما بتقصر يا ابو مهند
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
صباح الخير ،،، يا وحوه الخير
ناس الرياض أهلاً ومرحب بيكم وإنتم
تحتفلون بدكتور عمر الذي تغير في كندا
صوركم جميلة ومنسقة ومبهجة, ++++++++++++++++++++++++++++++++
صورة الإسبوع :-
بعد سقوط (هُبل) عقبال اللات والعزة ومنات الكبرى يا ربي منات الكبرى ده منو ، أسألوا شيخي جلا
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
برافو ناس الرياض 000
تجمعكم دايما جميل 00
ومرحب بدكتور عمر عبدالله في الرياض000
وبمحسن دفعة 0000((لاني مندهشة يا زهير)))000
0000000000000000000000000000000000000000000000000000000 تخريمة صغيرة من غير ليه
راي دايما انو التجمعات الزقازيقية يكون طابعها اسري 000
ولكم مني حبل ود ممدود00
| |
|
|
|
|
|
|
Re: ناس الزقازيق ... أجدع ناس (4) .. (Re: عفاف علي ميرغني)
|
والله يا عفاف يا بتي من قبيل غالبني اعلق ... يا ربي ده دفعه ... ولا واحد يشبهوا ... ما شاء الله عليه وجاهة ... واناقة ... اكيد الواحد حا يطلب نقلية الرياض ... محل الناس النضاف ... والله يا ناس الرياض عقدتوا النضيف ذاتو ....
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
والقال ليكم منو , دفعة كان معانا الذ حاجة فى عبد المحسن ده , ان اسمو , دفعة عشان كدة الواحد ممكن يقول دفعتو عادى , عشان مافى اى زول قاعد يقول ليهو الا دفعة بس مافى زول بيقول دفعة كم لى درجة الناس كلها رشحته يفتتح الجلسة , ما دفعة عاد وكده دفعة الكان معانا ياناس , الليلة ما جانا
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
والجاكتات , ترفعن المعنويات كانت هذه مقولة قديمة واثيرة عند الحلبى الحبيب , رفعت نور الدين الذى كان , والى عهد مضى , يكمل معى (زيتون وجبنة ) بيضاء , مدغمسة فى صحن عشاء لا يمكن رؤيته او مشاهدته بالعين المجردة والجبنة والزيتون (لحداقتهما ) , وطيب معشرهما , ولاذع مذاقهما , وتضاد الوانهما يشكلان دائما , معن واذا ما اجتمعا , رماحا تأبى على التكسر , وتستعصى على الأنتشار رباطهما , يشبه سالب الأحداثيات الكهربية , وموجب العلاقات الأنسانية ومتعادل مباريات اصدقاء (رونالدو وزيدان ) اذا اردتم ابدالهما , بباجيو وحاتم جبارة , فلا ادنى مانع عندى , ولكن بعد استئذان موسى عيسى لماذا موسى عيسى بالذات باعتباره (موترا) اصيلا , و(فيسبا ) اصلية , عملت فى شوارع الزقازيق , سواة الركشة فى شوارع الصحافة ولا اقول (سواة العاصفة فى ساق الشتيل النى , وفعل السيل وكت يتحدر يكسح ما يفضل شىْ) ولكن دعونا نعود , للمعنويات المرتفعة , بفعل الجاكتات البرد رفيق المطر , والمطر عاوز دفأ , والدفا عاوز جاكيت , والجاكيت راقد فى السوق , والسوق عاوز ضحاكات والضحاكات عاوزة شركات , والشركات دايرة التسجيل , والتسجيل داير محامى , والمحامى عامل تقيل , والتقيل يعمل ريجيم والريجيم داير اصرار , والأصرار عاوز عزيمة , والعزيمة لازما خروف , والخروف عند المسلخ , والمسلخ عاوز مشوار , والمشوار داير عربية والعربية فى الكرين , والكرين داير محمد الهادى , ومحمد الهادى عايز باسويرد , والباسويرد داير واسطة , والواسطة عاوزة ابو الزوز وابو الزوز قاعد يبكى , والمنديل داير بهجة , والبهجة دايرة الربة , والربة عند احمد عوض , واحمد عوض فى السودان , والسودان وينو , اكلو الدودو وبس ________!!!!!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: عفاف علي ميرغني)
|
Quote: والله يا ناس الرياض عقدتوا النضيف ذاتو .... |
من فوق هلهلة ومن تحت يعلم الله
الناس دى جاية خايجة موية المطر ولا شنو ...
مع انو اللقطة دى ممكن تقودنا الى نقطة مهمة جدا" بنشاهدها كل يوم فى قنواتنا الفضائية ، ليه الضيوف فى البرامج بيقدو ويمددو رجليهم كانهم قاعدين فى ضل الضحى ... كااااك
ولا شنو يا جلا بالله عاوز رد عميـق للموضوع ده .
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
ابو الزوز والله الثاني لومته قلت ليه نحن عندنا فيك تلتين
Quote:
عمتي الزهرة سليمان ود كنيش الشهيرة بي الزهرة بت ككو
- انت يا عمتي دحين موش حجيتي - ايي يا ولدي احمد الله - قالولي خربتي الدنيي هناك - ههههه حج معاي عمك محمد سليمان وعمتك خضرة رحمهم الله - الرسول يا عمتي شن سويتي - يا ولدي لقيتي ايرانيات ولا خرابات لابسات أسود ويبكن ويكوركن ويس ك ل بن قمت سألت عمتك خضر: انت الخرابات ديل مالن يكوركن في الحج قالتلي يبكن علي النبي (ص) قلتلا نان هو النبي ميت من هسي البني ما مات من حياة جدي مالن فاتحات البكي تاني - ههههههههههههه م اظنها حجتك دي قايمي من بُكانها دة - قام عمك محمد رحمه الله قالي: يا الزهرة حجتك سمحة واقعة يوم جمعة يعني بي سبعة حجات اخديلك اربعة والباقي قسميهو علي عاشة وخالاتي - اها - قلتلو انا مارضتهن لامن ماتن رحمن الله حجتي آبديها ليهن والله ان بقيت فرشتها في سوق كريمة آبديها ليهن - هههههههههههههه الله يقلعك يا عمتي ماك نصيحي شي - والعجب يا ولدي الكبسة دي هرونا بيها هري زي الماروق قبل يلموه من تحت النعاج - هههههههههههههه
|
دة هنا كنت هناك... (نِقة وصور)
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
كلاركس انجليزية بى ميتين ريال يا حاسد !!!!
اريتا رقدة السرور رقدة عمتك , يا ود جبرين ظنيتلك صورتا دى , نهارن بدرى , ولسا الضو مالى الفجة عارفا عمتك , كان مغربت , بتسوى شنو احبك واحب عمتك زاتو ياخ (قولها فى اضانا , صحبى القاعد فى بلد الله الجزمتو كلاركس انجليزية , بورلو عروسة لى عمو , اها نقرا الفاتحة ؟؟)
حيدر حنين مع الزول الأسمو محسن خالد داك , عاملين ليهم بوست كامل الدسم , ظنيت اسمه محسن خالد وابن بطوطة فى لندن البيدخل فيهو , مروقو منو صعب
| |
|
|
|
|
|
|
|