|
Re: ناس الزقازيق ... أجدع ناس ( 3 ) .. (Re: زهير الزناتي)
|
أهلاً بالرفيق الكبير أخونا صلاح الأمين
والله مبسوطين جداً بطلتك الجميلة دي
خليك معانا بقدر ما تقدر حتى نكون
على تواصل معكم .
زهير الزناتي عندك أجمل صورة بروفايل
الناس ركزت على الجلابية ولكن الصورة نفسها
جميلة ومعبره وفيها كمية من المزاج العالي.
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
محمد عيد سلامات ...
قالوا هدوها من الطشاش بقت تبيت بره ... ده مثل كانت بتقولوا حبوبتي زمان ....
يلا يا حلوين عندي ليكم كم صورة كده العايز يتفرج يرفع يده ...
طارق جبريل نحن وين والارشفة وين ... رش الصور خلينا نعمل للبرجم ده طين بحر ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
الريس ميسره.. سلامات يا وجيه.. وتحياتي للحلوين تبعك..
وله يا بسكو.. المره الجايه بالشوفه إن شاءالله.. جاي والا ما جاي..
ود عيد يا أصلي.. جبريله دا ما تحرسو.. حيجي يعملها ضحك وتعليقات.. أديهو تلفون يديك المفيد.. وكان أبى راجع معاي بعدين.. نظام حارقاني الجمجره.. وكدا..
البادي.. حليل أيامك..
أبوالزوز.. دا منو الفي الصوره دا? وياربي مالو? متمحن والا كسل ساي.. رافع يدي للصوره..
رشا يا مرتاااح.. تحس بيك جمجار.. قلت لي لافي ملايه?
عوده الأبن الضال.. شبكش..
الريس معتصم.. يا مجمع الأحبه.. تربت يداك..
حبيبنا عروه.. نشتاقك..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
Quote: يلا يا حلوين عندي ليكم كم صورة كده العايز يتفرج يرفع يده ... |
يلا شوووووووووووت
ما انحنا برضو هدانا الطشاش ..!
Quote: جبريله دا ما تحرسو.. حيجي يعملها ضحك وتعليقات.. |
حاج الدومنيكان اللذيذ ...
مشتاقين يا فرده .. وبرضو منتظرين الجمجرة ...
ولا لسه انت صايم ؟؟؟
- صاحبك جبريلا شكلو بيجهز فى الترجمة على الشريط ...
وهو ما عارف انو الوثائق وصلتنا من زمان ..
وبكرة تلقاها فى ويكيليكس ...ّّ
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
يا ود عيد ما تخلي ناس الدومينكان يدخلوا بيناتنا ياخي ديل مغرضين ياخي يا ابو الزوز ياخي نرش الفي الجراب وبعد اسبوع نقول الرووووب يا زول نزيل الصور براهو داير ليه شهر كدي بس انت روق كدة وسلم لي علي ابتهاج و((الدراري))*
ـــــــــــــــــــــ * الدراري يعني الشفع بالمغربي
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
اها يا طارق جبريل .... انا عايز اعتزل السياسة وبوستات السياسة لمدة اسبوع ... عايز اتفرغ ليكم ... عندي كم صورة كدي عاجبني من خلال مسيرتي المهنية في مجال التصوير وحتي اعتزالي له قبل فترة ... حا ابدا انزلها ليكم شوية شوية ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
Quote: 2- الزمان شهر ديسمبر 1985 م |
هوي يا موسى عيسى.. راجع حساباتك.. ديسمبر 85 دا نحن ما نزلنا برالمه.. لمن بقينا نلعب كوره كمان.. كلامك صاح مهرجان الخريج.. لكن 86..
Quote: مسابقة اليعرف الزول ده ليهو جائزة ... |
سامي عبدالفتاح ياوهم.. متين خطب? والا ما دبله?
Quote: صورة مكررة بس حلوة |
ياي! صديق دا بياكل في شنو? كدي اشوف لي ليمونه أمصها..
عجبني البوكسي الرقوه لنقل اللحوم..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
يا حاج حاتم الحقيقة التاريخ يناير 1986 و نحن في ثانية
الشي التاني انا ما عارف مداخلتي دي عملتها وين قلت يا رب
جلا دا في البوست و انا ماشايفه ؟؟؟؟؟
لكن يا زهير والله الصورة بتاعت صديق الصادق جد معبره تعبر صادق
ياريت لو كترة لينا من ناس ديل و من ناس ديل بس ما تنسى الجنس
اللطيف و ما عليك من الحيكومة ؟
و يا حاج حاتم هل لديك عنوان في الاسكايبي و لو عندك اضف حسابي
musaeisa1
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
Quote: اسمع الظاهر كلام الرشيد فيك صحيح و انا غلطان |
لم تكن غلطان الرشيد هو الصادق الصديق في زمننا هذا و أنه الصدق يمشي الهوينى و يمشي على قدمين دون إعوجاج فإن قال فقد صدق أليس كذلك أيها الفتى؟؟؟؟ إياك أعني و أسمعي يا جارا..... ما تعاينو لي ... و ما تقولو حاجة أيها .... بلاش
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
بسم الله السلام عليكم اردم ... اردم ... ابا العهود بس
---- المديدة حرقتني ... وتحيات وسلامات خاصة للواد جبريلا والواد حاتم وحمدا لله على سلامة العودة
لكن والله حكاية تربية تجارة دي حارقاني اوي ... ومنتظر الكوتش يجي وبعدين تشوفو شوف ياتجارة ياعـ..... الخ الخ الخ
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
Quote: الفلهمة العوورا ...شيل البطارية في القمرا مثل حبوباتي |
و الله يا جلا أنا وصاحبك امبارح اتفلهمنا جنس فلهمة بالسكايب... و كمان دخل علينا مولانا عادل الحسين من مدينة الحديد و النار... و هو يبلغكم تحياته الحاره و قال انو متابع و مستمتع جدا... و انت عارف الفلهمة بالسكايب ما بتحلى الا لما الواحد يقطع فيك... أمبارح بالليل ما جاتك قحة شديدة كده و انت افتكرتها من تغير الجو... ده لا تغير جو و لا حاجة دي كانت قطيعة مفلهمة...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: أمبارح بالليل ما جاتك قحة شديدة كده و انت افتكرتها من تغير الجو... |
ليكم حق أولاً ولدي عمر جا واقع من السرير لمن إتفلق ثانياً أبكباس يناتل فيني و قدر ما قلت أجري أحصل الحرامي ما قدرت ثالثاً صحبتك إنتصار تقحقح الليل دا كلو
غايتو بتكونو ورمتوني و رم زولك طبعاً ضرب تلفون طوااالي و أداني الموجز و الأخبار كلها سوا تحت تحت في كلام إلا بالمسنجر وزاتو المسنجر يمكن يكون زي ويكيليكس عشان كدا أنا متظر إجازتك المامعروفة متين عشان آخد حقي دحين النسألك ما عندك عرس لأخوك في السودان تجي و بعدين نطنشك ما نجيك؟؟؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
Quote: دحين النسألك ما عندك عرس لأخوك في السودان تجي و بعدين نطنشك ما نجيك؟؟؟ |
الأخوان الما عرسوا عندي لكن يعرسوا بتين دي الله أعلم... تقول للواحد انت حتعرس بتين..يقول عرس شنو ياخي شوف رطل السكر بقى بي كم... أنا مفكر أعمل ليهم دعاية يسجلوهم في التسجيلات التكميلية دي... هلال، مريخ أو موردة ما مهم...المهم يعرسو و بعد داك كان شطبوهم ما مشكلة.. عشان كده يا أخوي نشوف لينا سبب تاني يجيبني السودان و تطنشني...
سؤال بريء... انت جلال ده مش كان متحالف معاك قبل كم يوم كده... الليلة شايفو متحالف ضدك... عليك دي بلد تقدر تضمن انها حتنفصل و لا حتتوحد... حسه يجيك محمد عيد يقول حتتفرتق لي مليون حته... زول ما بيطمن كلو كلو...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: سؤال بريء... انت جلال ده مش كان متحالف معاك قبل كم يوم كده... الليلة شايفو متحالف ضدك... |
إذن إنها الحرب يا هذا!!!!
Quote: حسه يجيك محمد عيد يقول حتتفرتق لي مليون حته... زول ما بيطمن كلو كلو... |
محمد عيد زول بتاع حفلات من زمان و جنو وجن فرتيك الحفلات و طبعاً كنت داير أفرتك ليهو الحفلة بتاعات الزول بتاااع ويييياي داك بمناسبة عيد الميلاد بتاعو وهو شمايني لليلة عشاااان كدا لو داير تزعلو خلي زول يجي عامل زي ط......و يعمل شكلة طوالي تلقاهو خاتي ليك قوانيين في الحفلة حكاية ما دايرين أي راجل داخل الدائرة و الرجال البي غادي يزحو لي ورا و الناس الفي الجنبة التانية يزحو من النسوان و الفاصل الجاي بتاع وييييياي بس عشاااان كدا ....ما سك من حتات الفرتيك دي.. المهم زولك ممغوووص من الفرتكة بتاعت السودان و طبعاً لا يفوت على فطنة القراء الكرام إنو السودان بقى زي الحفلة البتنتهي الساعة 11 مساء غايتو في ناس كدا دا عينك ليهم راقدين سلطة و ريحتهم أسكت خليها المهم لغاية الآن الشكلة مدورة و هاك يا كع و كف ونحن ومحمد عيد منتظرين النهاية عشااان نضع قوانييين جديدة الزول الطش...الإسمو جلال دا يطلع برة الدايرة أولاً و بعدين ما عايزيين أي عكاز في المكان دا غايتو الماحضر عرس ناس نجيلة عمرو كلو ضاااايع
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
.Quote: حسه يجيك محمد عيد يقول حتتفرتق لي مليون حته... زول ما بيطمن كلو كلو... |
يا حبيب الشوق مطر فى عز الحريق ...
زمان عاطف القوز كان لمن يجى داخل الشقة يلقى هشام عثمان بيكسر كســر الجن وما يمرق من غرفته ابدا
يقوم عاطف تمسكو ليك ام هللا هللا ... ويقول .. غايتو عربى الحصايصا ده ما بيطمن ابدا .. ويوم غايتو يا كتلنى انا يا كتل حاج الركز ..!!
اها غايتو حال البلد هسه .. يا كتلنا كلنا ... يا كتلو فووق ..!!
Quote: محمد عيد زول بتاع حفلات من زمان و جنو وجن فرتيك الحفلات |
يا سرى ..
تانى الحفلات كلها حتتفرتك ..
مادام البغنو فيها عوضية بلاغات وفتحية ســجم الرماد ..!
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
يا ناس الصورة الفوق رجعتنا ربع قرن للخلف شكرا على التعليق يا عمنا موسى عيسى وانحنا خلفك واضرب بيد من حديد على كل من تسول له نفسه بالنيل منك او التقليل من مداخلتك القيمة
الي الامام يا رومل
يا حاج حمدالله على السلامة
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
الفاتحة
وما فاتحة كبيرة زي حقت موسى عيسى التي حسب راي ديدو قد اعاقت البوست او كما قال انا الا رجعت الي ذكر ما جرى ختى قدرت اكتب حاجة يعني تذاكر في البوست ساعة حتى تقدر تكتب وبالمناسبة بتاعت القراية وبما اننا ناس قدام شوية انا وصديق الصادق الشايل صحن ام فتفت حتى لايخاف ناس الزناتي ومن لف لفهم واعني جلا واخرين ممنوعين من الصرف اقول غلوتيية البحلها نخلي الفة علينا بعد الريس ميسرة لمن يكون غايب الغلتية تقول ما هي العلاقة بين المدرسة ومحطة السكة حديد ؟؟؟؟؟
التحية الكبيرة اووي للاخ صلاح الامين
والتحية ايضا لكل الذين تداخلوا في الصفحة 83 و84 واخص بالتحية المسؤل السياسي للزقازيق اجدع ناس الرفيق محمد ود عيد
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
ابو الجل يا حربي.. المديده عندك.. بالكلام والاشاره..
ابوالزوز.. لمن تنسى.. تنسى تلفون الزعيم.. إتغيرت..
ابوعمار.. القصه بقت هامله ساااي.. بقوا يضربو بيك المثل.. والبيشتت مديدتو ويمشي.. يا حليلك..
ياخوانا أين منص.. ووين جيكس البوست؟
واختفاء البادي دا محرقني.. جماعتو كويسين؟
ويا ناس الداخل.. فقدتو عابدين..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
Quote: بت مني فارح اخت جمال فارح ... صاحبتي جداً .... عرفت من جمال ايام العيد انها عيانة ... اللهم اشفها ... يا جماعة ادعو ليها معاكم ... |
اللهم رب الناس اذهب البأس اشف انت الشافى شفاء لايغادر سقما ...
====================== الدعوات تكون علني ..... وفي السر برضو بتجوز ....
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: ياسر نجيلة)
|
اللهم يا رب الباس اذهب الباس و اشف بنت اختنا منى فارح
و نسالك اللهم ان تعطيها العافية يا كريم يا رب
بالمناسبة افتقدنا السيد الريس ميسرة و الريس معتصم ججفر انشاء الله
هم بخير امل من ود عيد و النضيف و اهل الداخل موافاتنا بالاخبار عنهما .
ابو عمر طولت الغيبة و الجرد دا يا ربي ما انتهى للان و للحكاية اجندة اخري
اللهم اجرنا من شر الاجندة الضيعت السودان و بقوا حكامه الكيزان ؟؟؟؟
الحبيب ود عيد وين الطلة البهية نامل المواصلة في النضال حتى يعود منصور ؟؟
مبارك جادين الراجل جنابو فاتحته لازم تكون بالزيارة للبيت و عمل اللازم و تشوف
موضوع الكراس الموجود مع جلال و تسجل انت مع تجارة و لا ضد تربية ؟؟بعدين نشوف !!
يا 2010 عشرة اول البارحة طلبناك طلب انا صحبي الرشيد و كنا عازمنك شمارات عبر الهوا
لكنك لم تظهر و عملت جمكسين ، فلك التحية و السقط معاكم كيف ؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
يا موسي فتشت البوست في الصفحة الاولي ما لقيته .... مشيت الصفحة الثانية قلت اكيد بيكون هناك في اللحظة دي انت جبته الصفحة الاولي ... اها ما لقيته قلبي دق (ركز لي معاها عليك الله) ... قلت يا ربي يكون في الصفحة التالتة ... جائز برضو .... اها يا زول في التالتة ذاتها لقيتو بح ... قلت يا رب استر بكري ما يكون شال العدة من بدري بدري وخلانا قاعدين في الصقيعة ساكت ... الا اذكرت قلت واحد شليق من ناس الصباح سبقني ... جيت لقيتك فاتح نيران في ود حلتنا ...هوي يا موسي عيسي ... ارعي بقيدك ... والله نحن جلا ده اليرشو بالموية نرشو بالحليب ...
يا رب اشفها ...وعجل بشفاءها ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
يا زول انا جنابو ده ذاتي كايس اليصالحني معاهو ... اتصلت علي منصور قلت ليهو ياخي الكوتش صاحبي زعلان مني عايزك تخش واسطة ... قال هسه دي بتصل بيهو واجيك راجع ... يمين الليلة اليوم التالت ... اتصلت بي رشدي قلت الراجل صاحب الكوتش وعنده معزه ليهو .. يا رشدي ياخي الحاصل كيت وكيت وكيت .. قال لي آي الكوتش قال لي وزعلان منكم شديد .... لكن برضو حا اتصل بيهو ... ونخش واسطة ... اها يا زول صاحبي ذاته طنش ... المهم عايز اصبر كم يوم كده ... اشوف نهاية الفيلم شنو ... ولما اتحلت حا ادخل واسطة قوية ... وساطتها ما بتقع الواطة بس ده كرت اخير اخوك ما عايز يفكو بالساهل ...اها انا بنصحك تشوف ليك واسطة غيري ... بس احذرك من جلا بيغتس حجرك ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
يا زول انا جنابو ده ذاتي كايس اليصالحني معاهو ... اتصلت علي منصور قلت ليهو ياخي الكوتش صاحبي زعلان مني عايزك تخش واسطة ... قال هسه دي بتصل بيهو واجيك راجع ... يمين الليلة اليوم التالت ... اتصلت بي رشدي قلت الراجل صاحب الكوتش وعنده معزه ليهو .. يا رشدي ياخي الحاصل كيت وكيت وكيت .. قال لي آي الكوتش قال لي وزعلان منكم شديد .... لكن برضو حا اتصل بيهو ... ونخش واسطة ... اها يا زول صاحبي ذاته طنش ... المهم عايز اصبر كم يوم كده ... اشوف نهاية الفيلم شنو ... ولما اتحلت حا ادخل واسطة قوية ... وساطتها ما بتقع الواطة بس ده كرت اخير اخوك ما عايز يفكو بالساهل ...اها انا بنصحك تشوف ليك واسطة غيري ... بس احذرك من جلا بيغتس حجرك ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
صباح الخير ،،، يا وجوه الخير
أصبحنا وأصبح الملك لله وحده
حضرنا يوم أمس ليلاً ولم نجدكم
وما تحصلت على الفحمة علشان أكتب بيها على الباب
الحبيب موسى عيسى وود الزناتي قابضين على زناد البوست
وسادين فرقة كبيرة التحية للمهاجم القوي محمد عيد والمناضل
الرشيد بابكر ، إنشاء الله تعود بالسلامة يا البادي .
مبارك جادين سأل ما هي العلاقة بين السكة الحديد والمدرسة
- المدرسة فيها جرس الصباح للطابور ، السكة الحديد عندها صفارة البداية - المدرسة فيها جرس الفطور الساعة 9 صباحاً ، السكة الحديد صفارة الفطور الساعة9صباحاً - حدي يكمل...............!
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
غايتو الشوت الضفاري مشكلة المشاكل عندي كسير التلج ما قاعد أكتر منو لكن مرااات الشوت الضفاري قاعد يصيب الناس في مقتل المهم.... بكامل قواي العقلية و الفكرية و الأيدلوجية أعتذر و بشدة في واحد حايجي يقول لي مالك إنشاءالله خير؟؟؟ من غير أي سبب مش أنا حر
أفتكر دا برضو ما بجيب مريسة تامزين الإنكشحت
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
سلامات يا ناس
يا صاحب...سلام
ما تتخيل لما اجى عابر بكبرى الحتانة وامر من جنب
الحلوانى السورى واعاين فى اتجاه الزول الراكب جنبى...
ولما اجى راجع بنفس الكبرى واعمل اليوتيرن من تجاه المنارة
واتجه جنوب واعاين على شمالى اشوف الجوهرة ابوابا مقفولة...او
اجى مارى جنب استاد الهلال او الخرطوم او حتى استاد المريخ(عشان
ياسر نجيلة وموسى عيسى ومحمد عيد ودكتور الصادق)...
البيحصل شنو؟؟؟
انعل ابو الإغتراب ذاتو
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
سلامات يا ناس
Quote: حباب الورد ..
حباب العطر والشذى ...
حباب الجمال
|
سلام يا حبيب ...
لو لم تكونوا انتم فى هذا المكان العطر والشذى
والورود...فأين هى
تقديرى لكم جميعاً...وأيضاً إعتذارى...
ومؤكد أننا لا نكون دائماً موفقين فى احكامنا وتقديرنا للأشياء
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
Quote: انعل ابو الإغتراب ذاتو |
دي عملية تعمله يا كوتش... من قبيل ابتهاج بتحاول تهدي في زهير ده ما قادره... بكى شديد و عيون مورمه وحالتو حاله... حالف بي ليله ده يرجع السودان... و بيني و بينك أنا ذاتي جهجهتني في سلع الجن دي...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
سلامات يا ناس
Quote: بكى شديد و عيون مورمه وحالتو حاله... حالف بي ليله ده يرجع السودان...
|
تعرف يا حبيب ورغم تجربة الغربة الجميلة ونحن طلاب...القصة دى تانى
ابت تقع لى ...كذا دعوة للغربة نفرت منها....
صاحبى ده انا عارفو ...القصة دى ما واقعا ليهو....
هسة دى كان عزمتو لمباريات الهلال الإعدادية ...حيجى جارى جرى
يا حليل المساطب الشعبية ...وكوم التسالى واكياس الموية الباردة.
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
Quote: هسة دى كان عزمتو لمباريات الهلال الإعدادية ...حيجى جارى جرى
يا حليل المساطب الشعبية ...وكوم التسالى واكياس الموية الباردة. |
يا كوتش أنا زاتي كان عزمتني بجي جاري... الأيام دي يا كوتش كلما أقوم من النوم تلقاني أردد... لو لحظة من وسن... تغسل عني حزني... تحملني ترجعني الى عيون وطني... يا وطني...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
مساء الخير على الحلوين ...
شوق شديد لقعدات انصاص الليالى ...
لكنكم مالكم قاعدين ساى وراشين الطربيزة حنك بس ...
النظام وينو يا رش ..؟
....
ما يجينا زول ملقوف ويقول نظام شنو وهناى شنو ؟؟
انا قصدى الشــعر والكلام الطاعم ...
Quote: تحملني ترجعني الى عيون وطني... يا وطني... |
دايرين نعمل مسابقة ..
لاختيار اسم للوطن الجديد ...
على الاقل الواحد يشارك فى حاجة طالما ما حنصوت مع الجماعة ..!
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
Quote: لكنكم مالكم قاعدين ساى وراشين الطربيزة حنك بس ...
النظام وينو يا رش ..؟
|
حمادة يا حبيب... و الله أنا أشتاق الى تلك الجلسات أيضا... و لكن و بما ان ليس كل الناس بتحب الشعر... فالمكان المناسب لتلك الجلسات بيكون المنبر... فبوستات مثل لمن فاتهم الاستماع..و تمائم صغيرة و غيرها... بوستات فيها كلام طاعم و ممتع جدا... و لكن برضو بقول لا بأس من الاتيان ببعض الشعر في البوست العام...
أما فيما يخص الاسم الجديد للسودان لندعه الى وقته... فأنا من المتفائلين بوحدة السودان حتى يصبح الانفصال حقيقة ماثلة...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: فأنا من المتفائلين بوحدة السودان حتى يصبح الانفصال حقيقة ماثلة... |
رشا الحبيب ...
حفظك الله على الدوام
وحفظ لك روحك المتفائلة دوما ...
انت كما كنت .. دائما تزرع الفرح والامل ...
وحقيقة هذا ما يشعر المرء بحاجته هذه الايام ..
وبالفعل صدقت الحكمة .. المأمول خير من المأكول
ودائما اول الشجرة بذرة
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
حماده الحبيب... ماذا يتبقى لنا اذا فقدنا الحلم و الأمل... حتى و ان انفصل الجنوب عن الشمال بسبب غضبهم التاريخي... سيبقى عندي أمل كبير في أن يعودوا عندما يكتشفوا اننا الأقرب اليهم... يقال أن الشيخ فرح ود تكتوك أتاه المامور الانجليزي بجمل... و طلب منه أن يعلمه القراءة و الكتابة.. فوافق الشيخ على ذلك و طلب منه أن يحضر بعد سنة... و عندما ذهب المامور سأله أتباعه لماذا وافقت على ذلك... فقال لهم بعد سنة لا يموت الجمل ولا يموت المامور و لا يموت الشيخ... دحين يا حماده يا أخوي بعد سنة من الآن... لا يموت الجمل و لا يموت المامور و لا يموت الشيخ... لذلك تبقى جذوة الأمل دائما متقدة في دواخلي...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: سناء الصباغ)
|
الدكتوره الرهيبه.. بت الصباغ.. سلامنا وأشواقنا.. والله يبارك فيك ويعافيك..
Quote: يا صاحب...سلام ما تتخيل لما اجى عابر بكبرى الحتانة وامر من جنب الحلوانى السورى واعاين فى اتجاه الزول الراكب جنبى... ولما اجى راجع بنفس الكبرى واعمل اليوتيرن من تجاه المنارة واتجه جنوب واعاين على شمالى اشوف الجوهرة ابوابا مقفولة...او اجى مارى جنب استاد الهلال او الخرطوم او حتى استاد المريخ |
طبعا يا أبوالزوز.. صاحبك الكوتش لحد ما يعمل لفتو.. ويمر على الحتات الذكرها دي.. يكون سل روحك.. عارف سواقتو كيف.. اليوم داك قال لي إلا نمشى القرير.. حمدت ربي صحيت الصباح عيان.. وإلا كان حيوصلنا تاني يوم..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
دكتورة سناء .. منوره
طلتك على الحوش هى فى اساسها اضفاء
لنكهة المتابعة والاستمتاع ..
ما تغيبى علينا كتير
&&&&&&&&&&&
الدومنيكانى الجميل ...
نطيط آخر الليالى ده جايبو من السودان ولا شنو ؟؟
اوعك يكون بخور الحج راح خلاص !!
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
Quote: لكنكم مالكم قاعدين ساى وراشين الطربيزة حنك بس ... النظام وينو يا رش ..؟ |
الرحمة تغشاكم دوني أتتسامرون ليلاً و أنا بين يدي الرحمن!!!! فاتتني حرووف ونغم يتمايل طرباً عشقاً و حباً بالعودة و العود أحمد للكوتش الجميل فأنا منكم و لكم عشقت مظفر النواب في رائعته جسر المباهج القديمة
ولكن أين البصرة يا مولاي وما شأني بالبحر لا يوصلك البحر إلى البصرة ؟ بل يوصلني لا يوصلك البحر إلى البصرة ؟ بل يوصلني البحر إلى البصرة قلنا لا يوصلك البحر إلى البصرة ؟ أحمل كل البحر وأوصل نفسي أو تأتي البصرة إن شاء الله بحكم العشق وأوصلها ...
أي أنكبة و ناس مادايرة شغل زي دا عكاكيزنا تقول يا واحد أحد أحبكم في أي مكان جوه أو برا السودان
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
محمد صديق يا صديق
الغربة ليست اختيار ... انما هي امر واقع ... نجد انفسنا مساقين اليه .. كما ان الوطن ليس رقعة جغرافية ننتمي اليها ... انما الوطن هو كل من نحب ... الم يقل درويش ليس الوطن قهوة امي الصباحية وانما الوطن الرفاق ... رغم شكوكي العميقة في ان درويش هو من قال ذلك بل اجزم انها احدي تخريجات صلاح الامين التي ينسبها لآخرين .... مستغلاً ثقتي به وجهلي بالشعر ومحمود درويش ... ذات صباح ارخميديسي اكتشفت ابتهاج الحقيقة عارية ... قالت لي الغربة (ماسورة) ... ولم تنسي ان تتحسر علي مراكبنا التي احرقناها في عرض البحر الاحمر ... حينما تخطو اولي عتباتك خارج الوطن ... تكتسب شيئان ... حب الوطن وسهولة ان تذرف الدموع ... هل تصدق نزلت دموعي بكل سهولة وانا اسمع نحن جند الله جند الوطن للمرة الاولي خارج الوطن ... وقعها مختلف ... في الوطن قد لا تكلف نفسك عناء الوقوف لتحية العلم ...وهنا تبكي حد (النخجي) .... لا تفق من صدمة الغربة الا بعد فترة قد تطول او تقصر ... ثم تصير مغترباً رويداً رويداً .... اطمئن يا صديق فقد بدانا نكتسب عادات اهل الاغتراب ... قنواتنا الثمانية البائسة ... احتلت الارقام الاولي علي التلفزيون .... الا انكم ما زلتم في عمق القلب ... ولكم من الحب ... ما يفيض عن الحاجة ... والشوق لكل المساءات .. التي طالما كنا نترافق فيها لاماكن حبيبة للنفس ... الا تتفق معي بان ستاد الهلال هو المكان المقدس لاهل امدرمان ... طالما اشتهيت ان انتاول الشاي في معيتك ونحن جلوس لدي اول ست شاي نلتقيها ... واضحك حينما تكتشف ان قهوتها ماسورة ... وانت تعلم ان كل قهوة غير قهوة خالدة ما هي الا (وارغو) آخر .... تصدق دائماً ما انتظر اتصالك الصباحي ... لاقول لابتهاج قبل ان ارد (محمد صديق حا يقول لي استناني في المهداوي) ... لاننا تاخرنا علي المشوار ... هو ليس رجم بالغيب ... انما اقتراب من ذهنية الآخر بفعل اليومي والعاطفي .... هي اشياء كثيرة وناس كثر واماكن عديدة تفتقدها ... الا ان لكل شئ ثمن ... واتمني ان نكون قد بعنا بثمن مجز ... وان كنت لا اعتقد ... كن بخير يا صديق تحياتي لخالدة عمر وبكري ... وقل لها كل يوم اذهب لسوق الدهب واعزل لك (اغلد) غويشة علي البترينات ... وكوني علي ثقة سترتدينها في زواج بكري ... وليس عمر لاني غير ثقيل واعرف الواجب ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
الناس القاعد تغترب دي بتجيب الكلام دا من وين؟؟؟ غايتو أجزم...أن الغربة هدت في منص و منص هد في منو كدا ما عارف و......... لغاية جات في أبو الزوز غايتو الجاتك تختاك
يا جماعة ماتشوفو لي مخاااارجة ولا أقول ليكم أنا و الكوتش سواااااااء
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
صبحكم الله بالخير
سناء الصباغ منورة الحله بكسر الحاء ... لأني متأكد انو التانية البي فتح الحاء دي لا منوراها و لا حاجه... سمعنا في ويكليكس انك شابكه الجماعة ساندوتشات سااااكت... بعدين يا سناء والله خلاص تعبنا من كل مره يا سناء نورتي... و يا سناء شرفتي...و يا سناء ما عارف شنو... المره دي لازم نديك العين الحمراء... انتي يا سناء معانا و لا ضدنا... خليكي واضحة...
يا كوتش...النظام ما عندك لكن... انت قاعد تجيب الحاجات دي من وين ما عارف... ياخي ما تبطل الغتاته و ترسل لي حاجه كده لزوم السلع... حاجه كده تخضر المشاعر...
حاتم جبارة... مالك و مال سواقة الكوتش... انت ما عارف انو في التأني السلامة... وفي العجلة الندامة...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
فى شنو .... فى شنو ...
محمد صديق امــس لا عيد ميلادو ولا عيد زواجو
كسير تلج .. وورود و زهور .... وصدف ولآلي .. وساكتب اسمك على الرمال
وغربة و شجن ..... ونشيد العلم
،،،،،
تهانينا القلبية للريس معتصم جعفر بمناسبة عقد قران ابنة اخته بحياة زوجية سعيدة ... والف مبروك يا ريس وعقبال بناتك ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
Quote: محمد صديق امــس لا عيد ميلادو ولا عيد زواجو
كسير تلج .. وورود و زهور .... وصدف ولآلي .. وساكتب اسمك على الرمال
وغربة و شجن ..... ونشيد العلم |
هاهاهاهاهاهاهاهاهاها هههههههههههههههههههه قرقرقرقرقرقرقرقرقر هئ هئ هئ هئ هئ هئ هئ وووووو يا مصاريني آه آه يا الله الله يخت محنك
مع إنو أنا زاتي قلت نفس كلامك لكن قلنا نخش مع الموجة قلت لي كيف هاهاهاهاهاهاهاهاها ويييييييييييييييياي
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: حينما تخطو اولي عتباتك خارج الوطن ... تكتسب شيئان ... حب الوطن وسهولة ان تذرف الدموع ... هل تصدق نزلت دموعي بكل سهولة وانا اسمع نحن جند الله جند الوطن للمرة الاولي خارج الوطن ... وقعها مختلف ... في الوطن قد لا تكلف نفسك عناء الوقوف لتحية العلم ...وهنا تبكي حد (النخجي) .... لا تفق من صدمة الغربة الا بعد فترة قد تطول او تقصر ... ثم تصير مغترباً رويداً رويداً |
أنا حذرتك يا صديق قبل ما تخطو الخطوة دي... قلت ليك ما تمرق من السودان ده و ترتكب أكبر أخطائك... و قلت ليك ان كل الكوكاكولا التي ستشربها في الغربه ستذرفها دموعا... تبكي عندما تسمع النشيد الوطني و عندما يفوز الهلال... و عندما يخرج من الكونفدرالية و عندما يفوز أطفال السودان عالميا... و عندما تقول لك والدتك عبر الهاتف مشتاقين... و عندما يتبقى لك ألف ريال فقط من راتب الشهر ثم يطلب منك أحدهم أن تحولها له... هنا ستذرف المزيد من الدموع ولكن ليس تضامنا مع صاحب الطلب... و اذا كان الانسان العادي ينصح بشرب لتر و نصف من الماء يوميا... فلا بد للمغترب خاصة الرهيفين الزيك ديل أن يشربوا تلاته لترات... لأن غالبيتها سيذرف دموعا...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
يا رش براااحة عليهو يمين بالله أنا زاتي دمعتي جااات نازلة من كلامك دا يعني الدمنيكاني دا لو جا و كب نفس الكلام بتاعك غايتو أنا بكون في حالة غيبوبة
دمعة سائلة: عايز لي إعانة لأني محتااااج ليها شديد يعني زي 5000 ريال سعودي ممكن؟؟؟؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
يا جلا الــذ ما فى الموضوع حكاية انو يجى ماشى بالعربية وفجأة يدق فرامل جمب صينية الشهداء ولا شنو ماعارف ويفك الدركسون ... والدموع تجى نازلة بغزارة
الا تسكتو ست الشاي ...
وحكاية تلفون الصباح اليوماتى دى كمان حكاية براها
تقصد 5500 درهم
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
Quote: الــذ ما فى الموضوع حكاية انو يجى ماشى بالعربية وفجأة يدق فرامل جمب صينية الشهداء ولا شنو ماعارف ويفك الدركسون ... والدموع تجى نازلة بغزارةالا تسكتو ست الشاي ... |
يا ديدو حاولت أسد الفرقة بتاعتو مع جنابو لكن لقيت المسافة بين الشهداء و الفتيحااااب بعيدة بعدين حكاية السفة قبل ربط حزااام الأمان ماجات خلال السناريو أما حكايةالدموع دي خاتنها لي وكتها ما بتنزل ساااكت كدا عشان كدا جليت الفكرة بتاعت سد الفرقة
قلت 5500 درهم ؟؟؟؟ يعني كم بالسوداني يا رش سقف الدموع زي سقف التوقعات مثلاً يعني الواحد يقول 5000 ريال عشان تجي 2000 ريال يعني زي الميزانة بتاعت الدولة
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
Quote: حدي يصحي موسي عيسي |
Quote: طيب ... حد يصحي موسى عيسى
|
ياخ انعل ابو توارد الخواطر ذاتو يا ابو الزوز بالله الفرق دقيقة بس والله النت دا لو كان سريع شوية عندي كان المداخلتين نزلوا في نفس الوقت ...
يلا ياجلا ودودو ... العبوا غيرا فشلت المؤامرة قبل موسى يصحى زاتو
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
محمد عيد ...والله بطريقتكم دي ما عندكم طريقة احتفال بالمئوية .... يعني لازم الناس تشد حيلها ... وتعمل ليها كل يوم صفحة ... انا من عندي متبرع بعشرة مداخلات كحد ادني يومي ... انشاء الله اجي اصحي زول ..... يلا اها ... انا لغاية الآن ما كلمت بكري رايكم شنو نكلمه ولا اعمل نايم ... بعدين في امور كتيرة عايزين نناقشها ...
حدي يصحي منصور عبد الرازق
كمال الشادي
طارق جبريل
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
Quote: بعدين في امور كتيرة عايزين نناقشها ... |
يا صديقى العزيز ...
فى موضوع مهم انا كنت داير اطرحه قبل فترة بس خفت يعمل خلافات
والناس ما ناقصة انقسامات وحركات انفصالية ..
لكن طالما البيت الكبير نفسه اصبح مهددا .. وطالما انت جبت الكلام ... حأتوكل على الله وافول انت دفرتنى ...
انا شايف انو حوالى 50 % من العضوية اصبحت غير فاعلة او غير متواجده منذ فترة طويلة ...
وكنت عاوز اشوف طريقة انو تتعمل لائحة بواسطة الادارة الفنية لسودانيز اونلاين تحدد مدة معينة لابد من تداخل العضو خلالها
والا يصبح حسابه او عضويته مهددة بالالغاء ... تماما كما يحدث فى حسابات الهوت ميل ...
وأعتقد ان مجرد التهديد بهكذا لائحة يمكن ان يستثير ويزيد من حماس الناس ..
رأيك شنو .. ؟؟
أشوف لى ســاتر وارجع الغار ..!!
ابو الزوز .. لو فى أآ عنكبة كلمنى على الخاص ..!
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
غايتو أقول ليكم شنو... غير يا حليل رجال زمان... الواحد يسافر بالسنين و دمعة واحده بتجي نازله مافي... حسه الواحد فيكم كلها كم ساعة بالطياره... و تلفونات كل يوم... و صورة و صوت بالمسنجرات و السكايب و غيرها... و بعد ده دموعكم نازله مطر... ما تشدو حيلكم شوية...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
أنا غايتو كلما أكون في حته نضيفة كده... و يكون فيها خضرة و ماء ,.......و بس و أقوم فجأة أتذكر ليك استاد الهلال... و زريبة العيش و الخرفان و الدفسيبة و الكتاحة... بقعد أبكي طوالي..أبكي بي حرقة كمان...
بقول حسه أنا بعد المحل النضيف ده حأرجع للدفسيبة ديك تاني....
واحد...اتنين ...تلاتة ...أربعة.... ودي المداخلة الخامسة و أنا عايز أمشي أبو ظبي خلاص... جلا ممكن تتمهم لي عشرة... برجعهم ليك مرة تانية...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: وكنت عاوز اشوف طريقة انو تتعمل لائحة بواسطة الادارة الفنية لسودانيز اونلاين تحدد مدة معينة لابد من تداخل العضو خلالها
والا يصبح حسابه او عضويته مهددة بالالغاء ... تماما كما يحدث فى حسابات الهوت ميل ... |
و الله يا جماعة أنا الزول ده محتار أصنفه مع الصقور و لا الحمائم...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: ما تشدو حيلكم شوية... |
أنا قلت كدا برضو خوفاً من نزول الدموع نحن قاعدين مع حنانا و أمهاتنا و أولادنا وسودانا لكن أقول ليك حاجة بعد دا كلو ماشادين حيلنا تعرف ليه لأنكم بعيدين منا هاكم الدموووع دي
أغرب حاجة زولي من أمبارح خاتي المخدة في راسو و مقبل على الحيطة وهاك يا دموع....ما خلى ليهو دمعة حايمة و الجماعة يصحو فيهو وهو كابي الدموع أولاً و الجرسة ثانياً في زول تاني جاي خاشي و بيتكلم عن المؤامرة لكن بي تحت دموعو ومخاا....جارية
| |
|
|
|
|
|
|
|