|
Re: أفقد شيئاً أكبر مني (Re: د. نورا كرم الله)
|
ألعزيزة نورا يشرفني ويسعدني أن أكون أول من رحب بك وتداخل معك في أول بوست لك ومبروك الباسويرد والله ما عندنا أي خبر بمجيئك كنا فرشناالحوش فل وياسمين, معليش نسيت أني قائدة حملة لمقاطعة ياسمين عشان كدا حنفرش فل ونرجس وكل أنواع الورود ما عدا الياسمين حتى لو كان عندها فيلا في الياسمين.
أها نرجع لموضوع الترحيب بصديقتنا الذوق نورا كرم الله, نورا فيها حاجة كدا تخلي أي زول يلاقيها يحبها أهلنا بقولوا علي الزول الزي دا عندو شامة ريدة وكمان فيها نكهة بت البلد يعني شهمة وبتحب الخير للناس وعندها قدرة على التعامل مع أنماط مختلفة من الناس وفي نفس الوقت عندها قدرة غلى رعاية علاقاتها. والأهم من كدا قدرتها على تحقيق النجاحات في المجالات المختلفة والقدرة دي أنا برجعها للجينات الشايقية يعني دي نجاضة شوايقة ورغم أني ما بحب حكاية التنميط دي وأدراج القبلية الكرسوا ليها مجموعات الكوميديا في النكات بتفسير دواعي السلوك المعين داخل المجموعة المعينة ورده لانتماء هؤلاء الناس لقبيلة ما , لكن ارتباط النجاضة بالشوايقة دا أمر ما قادرة أتجاوزه.
باختصار كدا نورا دي بت جدعة وينطبق عليها تماما وبشكل خاص صفة الجدعنة الزقازيقية لذافهي كتبت بأنها تفقد شيئا أكبر منها ونحن بحضورها أستعدنا شيا كبيرا كنا نفتقده لمدة وسوف لن نفرط فيه مرة أخري.
تحياتي لك حبيبتي نورا ولصغارك الجميلين وصديقي العزيز الذي منحناه الجدعنة الفخرية فهو جار اسكندراني عزيز وكمان نسيب فله التحية والتقدير
|
|
|
|
|
|
|
العنوان |
الكاتب |
Date |
أفقد شيئاً أكبر مني | د. نورا كرم الله | 08-07-10, 04:28 PM |
Re: أفقد شيئاً أكبر مني | سناء الصباغ | 08-08-10, 01:37 AM |
Re: أفقد شيئاً أكبر مني | عبد الدائم سيد أحمد | 08-08-10, 07:34 AM |
Re: أفقد شيئاً أكبر مني | عبد الحفيظ عباس | 08-08-10, 07:50 AM |
Re: أفقد شيئاً أكبر مني | محمد صديق | 08-08-10, 09:24 AM |
Re: نجاضة الشوايقة | د. نورا كرم الله | 08-08-10, 12:17 PM |
Re: نجاضة الشوايقة | مشاعر بدوي | 08-11-10, 10:59 AM |
Re: نجاضة الشوايقة | محمد آدم النور | 08-12-10, 07:23 AM |
Re: نجاضة الشوايقة | عفاف علي ميرغني | 08-13-10, 04:14 AM |
Re: افقد شيئا اكبر مني | حمد محمد احمد | 08-13-10, 03:10 PM |
Re: افقد شيئا اكبر مني | عمر نملة | 08-14-10, 04:47 PM |
Re: افقد شيئا اكبر مني | ياسر نجيلة | 08-18-10, 09:12 AM |
Re: افقد شيئا اكبر مني | البادي النور | 08-24-10, 08:13 AM |
Re: افقد شيئا اكبر مني | مبارك جادين | 09-07-10, 09:52 AM |
Re: أفقد شيئاً أكبر مني | د. نورا كرم الله | 09-10-10, 04:06 PM |
Re: أفقد شيئاً أكبر مني | د. نورا كرم الله | 09-10-10, 06:35 PM |
Re: أفقد شيئاً أكبر مني | محمد صديق | 09-13-10, 07:54 PM |
Re: أفقد شيئاً أكبر مني | عبد الحفيظ عباس | 09-14-10, 09:00 PM |
|
|
|