|
|
 Re: ولمن فاتهم الاستماع ..... (Re: كمال الشادي)
|
الليلة يا أنا
صا صفحتك دي
إلا اقلبها ليك
---------------------
الضو وجهجهة التساب/حميد
ودَّاها فوق قُوز الرماد
كان ظنُّو يوم يومين تلاتِة
المُوية تنزِل والبحرْ يشرد شُراد
يفضل تَرا
يبراهُو بالسلُّوكة من ورا
والعِيوش والخير يعم يرقد رقاد
والناس تخُمْ خمّ السرور ،
وماهُو البرا
ناساً كُتار فاكرين كدِي
يومين تلاتِة ، الحالة ترجع حالَتَا
ويبنوا البيوت هُو وشفَّعوا وأم الوِلاد
ينجمَّعوا ، ويسترجعوا الماضي
وشتاتات السواد في صالَتَا
شِيتاً ضحك شيتاً بِكِي
ويبقى الخراب دا رهاب رِهابْ
عِبرة وحكاوى بتنحكي
بلدك مِتلْ كمِّين بلادْ
بدت الدقون فيها الخَتَا
نجَّس تراها المُتْرَفين
كِترتْ مواعين الفسادْ
وكان كلمة الإسلام غُتـَا
جاتْ الَلَتْ الله وشالتا
كان ظنُّو يوم يومين تلاتِة
مشى السِبُوع والتاني جا
والمُوية كلما ليك تزيد ويقلْ رجا
قوز الرمادْ الكان قِريْب فات بعيد بقى ماب تخُوجْ
قوز الرمادْ يا الضوْ فِضِلْ جزيرِة ضاربْ فيها مُوجْ
وحصار حصارْ كيف النَجَا
عاينْ البلد دي دمار دمار
فيها إيش فِضِلْ
لعبة قصب فِ إيدين طفلْ
الحِيطة وكتينا الـتقـع
تقع ألفِ وجعة على الضُلعْ
دخانه يمرق في السما
آهاتو تنزف في الأرِضْ
بحر الصَبُرْ والاحتمال
بيناتو ينقطَّع تُرعْ
لا يلقى يربُط لا يحِلْ
لا حولة يا الكتب الكراريس
المكَرِّنِة في الشتِلْ
التَخْتَة أقلام الرصاص
كنَب المدارسْ كُور يلُوجْ
باب الفَصِلْ كاسحبو موجْ
لا قوَّة يا ورق الجرائد يا المصاحف
والصحيحات المَجَخْسنة في الذِبلْ
ورافعين دواليبن بعيد طابلين خَوازِيقُن طَبِلْ
لا حولة حال ما بـتِـنـْقَبِلْ
يا مسلمين وين لي تَسابْ عشرة وتَسابْ كم وأربعينْ
دا يمِين خرابْ كمِّين سنة
يا الضوْ مِنُو الفي الكون يصدِّق
كان هِنا ليلة ذِكرْ حلقةْ مديح
دارةْ غُنا هيصة
ورقيصْ القرمصيصْ
سيرة عريسْ وحلاةْ عروسُو محَنْنَة
يا الضوْ مِنُو الفي الكونْ يصدِّق كان هِنا شُفَّعْ بيلعبوا جَمْ بَعَضْ
دِيكْ لِفّتُنْ في الدِشِّي غَبْشِي مَشكَّنَة
واللاَّ الشَتِلْ خايِفْ لها فارِدْ ضَفايرُو وحاضِنَا
فِيقْ لا تضيقْ
باتْ الفَرِيقْ بَهَجِي ومَتَمْسَحة بالمِي
وين يا الضوْ نَقاقِير الهَنا
ووِيننْ مشاوِير الفرحْ غَزَلْ البناتْ
الهُودَنَة
حَشْ البراسِيمْ العصُرْ الليلْ وَنَسْتُو
الشيْطَنَة
وعِندْ الفَجُرْ كمْ مِيضَنَة
وهَذَرْ التلاميذ الصباح
بِي جَمْ رواكِيبْ الحَلَبْ
يا الضوْ بِيُوت الناسْ حياتا مَبشْتَنة
الحِلّة كلَّها في البحَرْ
كَسَر البحرْ
ولاَّ انتَحَرْ قلبْ المياهْ
واِنكبَّ قَبَلَكْ وحْدَكْ
ضاضاك فِ بلدكْ شرَّدَكْ
نَفَدتْ قوافلْ الأغنياء وجملك على الحصْحاصْ بَرَكْ
مرتاح حمامُن في البروجْ وإنت
أب حماماً طاشْ يلُوجْ
لا سوَّى عشْ لا ركَّ رَكْ
يا الدنيا كيف مِتْقلْبِنة
تصحَى العصافير الودِيعة ،
مع الصباحْ مِتْخلْقِنَة
وشرْ الكلابْ مِتْمسْكِنة
وين نْرَّتـا وهِوْهِيوَا وينْ الليلِة غابْ
######ْ الجَنائنْ زيُّو زيْ كُل الكلابْ
######ْ الغلابَة المُسْتَغلِّينْ العَبِيدْ
الليلِة سِيدْ سيِّدْ مُهابْ
######ْ أبْ زَهانَة تَهِينُو هانة ،
مِن المهانة تقولُّو تَكْ
حُكْم اِنقلاباتْ التَسَابْ
دوَّارَة دنيا فَرنْدَقسْ
نِنْجارَى فيها سبقْ سبَقْ
نخسرْ بعض في هِينْ ترابْ
نتلاوَى عند فتحْ اللَبَقْ
فاكرين برانا أهل العقابْ
تارِي البحرْ عَوَّافِي عندُو معانا حَقْ
يا الدنيا زيْ سكْرَة وتَفِكْ
مِنْ راسُو فَكْ
بعضْ المسافاتْ اِتْلَغَتْ
الفارغِة طَنْبَجَـا والملانِة اِتفرَّغَتْ
الدَنْدَهُوباتْ زيْ بعضَ
شكل العِديدِى ورَصّها
نَفس العَنَاقْريب نَفْسَهَا
عَفَشَك دَة ،حَقْ غِيَرك تَشِك
يَدَخل فى بَالك أَلفْ شَكْ
مَا الحَالة اصلاً مِن بَعض
حكم إنْقِلابات الَتَسَاب
الدِنْيا كُلَهَا حِلّتك
تَنْضُم مَعَ اَلَفِى آخْر الَبَلَد
مِن غِيْر تَفُوتَا مِحِلّتك
تَحْكِيْلُو قِصَة تَقِصّها
إِنْ نَفَسُو فِيْهَا تَحِسّها
إِنْ مَاها فِيْهَا تَحِسّها
حَتَى الأحَاسيِس نَفَسَهَا
مَا الَحَالَة كُلَهَا مِنْ بَعَضَ
إِلا الَمَسَاخِيْت الَدِقُون
خَتَوُهَا بين أَهَلَك قَرَضَ
بالَدِيِن وبالَطِين بالَنَسَب بالَمَيكْرَفُونَات بالَخُطَبَ
بالَبَنْطَلُونَات بالَرُتَبْ فرِّق تَسُد
تَاخُدْ قَنَادِيلَك تَفُوت
وإنْكَتَلُو فِى حِزْمَة قَصَب
ويَوْم التّصُد تَلَقَى الَبِيُوت
فِى أزْيَارَهَا بَانِى الَعَنْكَبُوت
والَحِزْمِة شَاَهَد فِى التُّرَب
حَرَسَك يِظَمْبِر مِنَهَا
وفَرَسَك يكُد لا اسَيَادَهَا تَسَأل عَنَها ولا زُوْل يَرُد
أرْخِيلِى اضَانِكَ يا بَلَدَ
مَرّة اسَمَعِينِى مِن الَبَعِيد
وإنْطَارَشِينِى وللابد
فِى حَبْلى مَاتَت حلتِى
مَاْت بيْتى مَاْتَت شتلتى
لَكِنِى يُوم مَاَت إِتْولَدْ جُوَاَى
الفَ إنْساَن جَدِيْد
وانَا ذَاِتِى مِن ذَاتِى إِتْوَلدْ
وَرَتْنِى مَلَتَى مِلّتى
والمُوْية بَدَلت الوجُوه
يا بَادِى مِن بيتَكَ تَتُوه
تَضهَب ضِهِب
لَوْ بَاَبُو مَافى أو العَتَبَ
تَحَسِبْلو مِن قَوْز الرَمَاد
أو بِيْت أمِيْر المُؤمنِين
ِاللِسة حِيطُو تَسِوى رَبْ رَبْ در دَرَبْ
والَدنْدَهُوب إنْدَكّ دَكْ
هَرَسْ القَزازْ المُوية جازْ والجازْوَدَكْ
بِينُو الدقِيقْ إتْلكَّ لكْ
ضِلَفْ الدَواليب الكُبارْ عائماتْ خَشَبْ
المُكْحَلِة الكُشتينة مِيزانْ الدهبْ
ضُوقْ الغضَبْ
ضُوقْ المَذلَّة الدُسْتـَبا الناس العُزازْ
سِيدك دخرنالُو المطرْ
أمَّا إنت يكفيك الرزازْ
خدرّتَ تاني يجي الجَرادْ
أقوى الحقيقة من المجازْ
وهِنا المحكْ ..
يا أرزقي يا نسلِ حمّالةْ الحطبْ
يا مستفيدْ مِن بذَّةْ أطفالْ السوادْ الما نزلْ فوقُن ملكْ
بالسُكرْ العيشْ السمادْ
المُويَة أوْلى من العبادْ
في ياتْ كتاب دين ياتْ حديثْ يا فاجِر الله بيسألكْ
يا حَسرةْ الإتغشَّى فيك كَبَّر وراكْ جاهد جهادْ لامن هلـكْ
يا حَسْرةْ الصدَّق صلاتكْ وموعظاتكْ في الفسادْ بان الشَرَكْ
أيْواتَ ليك ايوا تلك
أيْوَة أيْوَة يا بحرْ التسابْ ما أعدلكْ
شُكراً جزيلاً يا بحرْ رغم الكَساد
بحَّتْ لنا العَفَنْ المَكرِّنْ في الزمنْ
من عهدِ عاد
والضوْ وليداً ما قرا
خرَّجتو منك باقتصاد قانون فلكْ
جَفَّ المِداد ما أعدلكْ
ما أعدلك ما أعدلكْ
بالسكَّر العيشْ السماد
المُوية أوْلَى من العباد
يا شارعْ الثورة القصاد أهلي المسالمينْ البعادْ
يا بندقيتو هِنا المحكْ
*******
وقَبَّل على القِبلة ونَدَهْ
قُبَّالْ يمد إيديه إنتَبَهْ
حِسْ المطرْ بين الشدرْ
والضوْ مع الفيها إنشَدَهْ
بَرَّة المطرْ
في الدَنْدَهُوبْ برضُو المطرْ
خَتَّ البِرِشْ فوق راسُو لكِن المطر
أوْوْوْوْ والهوَا
وراسْ تمرة فوق عَقَشْ المسكينِة
الجَرِيدْ رمَى دَنْدَهُوبا العدِّة فاتتْ بالبحرْ
بِرِشْ الصلاة اللافْحُو الهوا وإبريقْ يثرثرْ بين كَررْ
يا الله سِتَّها في السفر
والضو ينط من دنْدَهُوبُو
يا جاي مارق
من دخول الغيث
شرايين التراب
السّايفَة..
أوردة الوطن
قَشَرَه اليباب..
نَشَرَه العطش..
كُلَما سرت
قطرات درب الرحمة
في جوفو
ارتعش..
بال الشدر
حال العصافير
الخياله
مع الدغش
مشدوه
متل خاطِر طفل
من ضُل ضهر راكُوبة
فوق حافة حجر
واقع سَحر..
واقف
يعد نقط المطر
ويتمطّق إحساس السحاب
بين لهفة الطين
والشمش
لمّت وراء طَرَف الحُقاب
أخر رمش
باقِيله
في عِب الشفق
والليل ملقّيِله الطرف
طَرَف الغسق.
...
شفق المغيب..
قفا غيم بِهت
كان نفضة الريشة الأخيرة
حَمَاره
فوق لُوحة الوكت..
يا كركَدَايةَ الله
إترشق ناقع عصيره
من إيد ملاك
فوق المغارب
بي تِحِت.
كانت مراكيب
حين صلاة
والترعة قِدّامن
طَشِت
ولا المراكب
من بعيد
ودعات علي
النيل
والنخيل المتكِي
دار يقرا البَخِت..
قنّب يحِت...
قلّع زريزير
غفوتو
عضّ إنطلاقة
غنوتو
وقام منحفِت..
والكمبو
ينشاف
من مسافة
قطر بضاعة
العربجية الطيبين..
سبّابة
والمتسببين..
شعراء ومغنين الأنادي..
أنصاص لصوص..
حلب البلد..
عرب الجبال..
منسللين من لا تحت.
والريح يشيل للنيل
من هرج المغنّين
الدعايات
نشرة أخبار
الولايات..الوفيات
الملايات..العبايات
المرايات..التصاوير
التعابير
الحكايات النِكـــِت.
عشم البنيات
في الضراع
الضاع
وكت حرّ الكَفِت
زاغ الصراع ذات جمعة
قدّت من وطن
توب السبت؟!
نَقَد الحَمام
خُرجَ الوكِت
طارت لو نقطة لحظة
من مية ملح
في حلقو
مرّرت الهديل..
كَمَد الجرح..
جَبَد السكات...
لكنّو فات
وأَبي يتلفت؟
...
بال الطفل
يرقِل
علي ضهر الحمار
يجمع مصابيح
السما التامنة..
ويطش
ينكربَش الحلم
البَعَد
قرّب يوافينا..إبتعد..
لو مدّت إيد
كان إنجبد..
يا الدنيا..!
بي ريحة الدعاش
لو تنعرش....؟
أو تنفرش
تحت الفراشات
بالبَرَد؟
فوقَو الوعَد
صادق يمش.
لو يلقي راس
رسن الزمان
ديك لحظة
ما كانت تمش
شان يندهش
أو ينبرش
بين نجمة الملكوت
ونسمة رضية
من رب العرش
...
يا غادي منك
فوت كلام الشوق
من القلب
الخشم بابو البلد
لو خشّ هدهد
في رماد ما فيهو
يمرق قانقرد..
والقانقرد
بابُو الحمام
راجيهو
لمليم الطيور..
ضمة جناح..
صمّة عدد..
قادرات علي
صد الحِدَي
جاسرات علي
صقر النكد.
إيدين بِنيات الفريق
بتهدهد الطفل الرضيع
بتعدّي شيخ
دومة الحفير
تشلَخ لَبَق..
تسقي الخدير
بتعوس
وتفرك للملاح
بِتَوَرّقَ اللوبي
وتحش..
تمسك مراح
تَحَلِب..تخش
تغسل هموم ايامه
في طشت الحِلم
تنفض..تَشُرّ الشوق
هِدم
تنشل من البئر
أُم تلاتين باع
تعَتّل..
تفزعَ الطيّانة
لو ما تجدَع البّانة
بتجيه بيوت
تغزل خيوط
بتطرّز المنديل
تخيّت لي طواقي العيد
صَبُر..
بتتبب السجاج
مع الفجاج..تقوم
إيدين بنيات الفريق
بتحش تمر..
تخرت سبيط
بتعتق الدكّاي..
وتخبز للصفاح
بتكفي عيزومة
وضيوف..
بتغنّي قيدومة
وتطوف
بتهني..
بتودي وتجيب
بتحنّي..
بتدلّك حبيب
بتولّد الأمّات..
تربي علي الصلاح..
زي ماب تضمّد
للجراح
إيدين بنيات الفريق
إن داهم الحلاّل
خطر
قادرات علي
شيل السلاح.
,, .. ,,
يا..مناحته
وبلاّله
يا..رجع اللي راح
يا ود عيون..
فِرحَن..بكَن
تِرحَن يغطســِن
في الدموع..
الدنيا عامرابك تظل
وإن كان رحيلك
فرتَكَه
أو يا لسان نار الصراع
لهليبه بعدك
لو هكَع
مين شالّو شيلة
بلا اتكّأ؟
...
مع إنو صبرك..ما نفَد
برشمتَ
أو كبسَلتَ
كيف؟؟
سِعة الوجود
في ضيق لَحَد ؟
باغتنا ريح الفجعة
ليل
فَرنَب في جوفنا
مَرَابَنات الصبر
شات ســِعن الجَلَد
صادنا الذهول..
زي التكنّو
قٌبُل دا .. ما فارقنا زول
بعد الرسول؟؟؟
... ...
واللاّ التقول
أوّل قلوب
في الدنيا
يغشاها القدر
بعَدِن
تضيع منّو الدروب؟!
تِنطَمبَج الساحات
حريق
يدغي الطريق
المحتمِل
كلّ الفريق
سوقَر وراك
يا جرحنا ..
الكيف يندمل؟
ما بار وراك شهدَ الغُنا
ونَحَل الحناجر
ما هِمِل؟
صادر خلايا أبو الدَبُر
صاقر حناياه
نَمل..نمل
...
...
وين ماشي..
يا نبض الرحيق
سايب المشاعر
ريق دقيق
نهب المغنّين
التِفِل ؟
غنواتن
الورطانة
أو لوطانة
في الريد المَقَق
حُترُب صفَق..
في طين ذِبل
أوصاف علي جسد الحبيبة
بَهَق..بَهَق
تحت احتماله مَرَضرَضَة
زي لعبة ما استهوت طفل !!!!!!!
... ...
وين داجّي
يا قمر الهنا الكرّمنا
عند مغرب مَرَق
سايب لياليك
لي نجوم
واقفات وجوم
علي فَد رجِل؟!
وفرع الغُنا
الميّل هنا
علي مين وراكَ.......حيتّكل ؟
والشيل تِقِل ؟
.... ....
قَدر اليشيلو الشيلة
في
لكن ظروفن
هل تفي ؟
تحتاج جماعة من الرجال
الكنت ليها براك تقِلّ !
دارت قبيلة من الحبال
الكان يقيله فَرد حبل...
|
|
 
|
|
|
|
|
| العنوان |
الكاتب |
Date |
| ولمن فاتهم الاستماع ..... | محمد صديق | 11-11-09, 10:24 AM |
| Re: ولمن فاتهم الاستماع ..... | محمد صديق | 11-11-09, 10:51 AM |
| Re: ولمن فاتهم الاستماع ..... | الرشيد بابكر | 11-11-09, 12:41 PM |
| Re: ولمن فاتهم الاستماع ..... | زهير الزناتي | 11-11-09, 12:58 PM |
| Re: ولمن فاتهم الاستماع ..... | منصور عبد الرازق | 11-11-09, 01:09 PM |
| Re: ولمن فاتهم الاستماع ..... | محمد صديق | 11-11-09, 02:14 PM |
| Re: ولمن فاتهم الاستماع ..... | عفاف علي ميرغني | 11-11-09, 08:21 PM |
| Re: ولمن فاتهم الاستماع ..... | ياسر نجيلة | 11-12-09, 08:53 AM |
| Re: ولمن فاتهم الاستماع ..... | محمد صديق | 11-12-09, 11:38 AM |
| Re: ولمن فاتهم الاستماع ..... | محمد صديق | 11-12-09, 11:44 AM |
| Re: ولمن فاتهم الاستماع ..... | محمد صديق | 11-12-09, 11:55 AM |
| Re: ولمن فاتهم الاستماع ..... | محمد صديق | 11-13-09, 08:36 PM |
| Re: ولمن فاتهم الاستماع ..... | زهير الزناتي | 11-14-09, 01:14 AM |
| Re: ولمن فاتهم الاستماع ..... | زهير الزناتي | 11-14-09, 01:25 AM |
| Re: ولمن فاتهم الاستماع ..... | محمد صديق | 11-14-09, 07:12 AM |
| Re: ولمن فاتهم الاستماع ..... | كمال الشادي | 11-14-09, 09:58 AM |
| Re: ولمن فاتهم الاستماع ..... | محمد صديق | 11-14-09, 08:04 PM |
| Re: ولمن فاتهم الاستماع ..... | أبوبكر حامد الأمين | 11-15-09, 07:16 AM |
| Re: ولمن فاتهم الاستماع ..... | البادي النور | 11-15-09, 07:53 AM |
| Re: ولمن فاتهم الاستماع ..... | محمد صديق | 11-15-09, 08:06 AM |
| Re: ولمن فاتهم الاستماع ..... | ياسر نجيلة | 11-15-09, 08:39 AM |
| Re: ولمن فاتهم الاستماع ..... | محمد صديق | 11-15-09, 09:11 AM |
| Re: ولمن فاتهم الاستماع ..... | محمد صديق | 11-15-09, 09:46 AM |
| Re: ولمن فاتهم الاستماع ..... | محمد صديق | 11-15-09, 09:52 AM |
| Re: ولمن فاتهم الاستماع ..... | ياسر نجيلة | 11-15-09, 10:05 AM |
| Re: ولمن فاتهم الاستماع ..... | محمد عيد | 11-15-09, 10:34 AM |
| Re: ولمن فاتهم الاستماع ..... | محمد صديق | 11-15-09, 12:36 PM |
| Re: ولمن فاتهم الاستماع ..... | أبوبكر حامد الأمين | 11-17-09, 09:16 AM |
| Re: ولمن فاتهم الاستماع ..... | الرشيد بابكر | 11-17-09, 12:30 PM |
| Re: ولمن فاتهم الاستماع ..... | محمد صديق | 11-17-09, 08:12 PM |
| Re: ولمن فاتهم الاستماع ..... | محمد صديق | 11-17-09, 09:38 PM |
| Re: ولمن فاتهم الاستماع ..... | محمد صديق | 11-21-09, 08:47 PM |
| Re: ولمن فاتهم الاستماع ..... | الرشيد بابكر | 11-21-09, 09:10 PM |
| Re: ولمن فاتهم الاستماع ..... | محمد صديق | 11-21-09, 09:20 PM |
| Re: ولمن فاتهم الاستماع ..... | الرشيد بابكر | 11-21-09, 10:01 PM |
| Re: ولمن فاتهم الاستماع ..... | محمد صديق | 11-23-09, 01:59 PM |
| Re: ولمن فاتهم الاستماع ..... | منصور عبد الرازق | 11-24-09, 11:37 AM |
| Re: ولمن فاتهم الاستماع ..... | محمد صديق | 11-24-09, 08:15 PM |
| Re: ولمن فاتهم الاستماع ..... | نجاة حوفي | 12-03-09, 08:32 PM |
| Re: ولمن فاتهم الاستماع ..... | محمد صديق | 12-04-09, 10:18 AM |
| Re: ولمن فاتهم الاستماع ..... | محمد صديق | 12-05-09, 02:08 PM |
| Re: ولمن فاتهم الاستماع ..... | محمد صديق | 12-06-09, 09:16 PM |
| Re: ولمن فاتهم الاستماع ..... | محمد صديق | 12-08-09, 09:16 AM |
| Re: ولمن فاتهم الاستماع ..... | الرشيد بابكر | 12-08-09, 10:18 AM |
| Re: ولمن فاتهم الاستماع ..... | زهير الزناتي | 12-08-09, 03:22 PM |
| Re: ولمن فاتهم الاستماع ..... | زهير الزناتي | 12-08-09, 03:24 PM |
| Re: ولمن فاتهم الاستماع ..... | البادي النور | 12-10-09, 02:59 PM |
| Re: ولمن فاتهم الاستماع ..... | محمد صديق | 12-10-09, 06:39 PM |
| Re: ولمن فاتهم الاستماع ..... | محمد صديق | 12-10-09, 07:12 PM |
| Re: ولمن فاتهم الاستماع ..... | محمد عيد | 12-10-09, 07:24 PM |
| Re: ولمن فاتهم الاستماع ..... | محمد صديق | 12-10-09, 07:57 PM |
| Re: ولمن فاتهم الاستماع ..... | الرشيد بابكر | 12-10-09, 08:49 PM |
| Re: ولمن فاتهم الاستماع ..... | محمد صديق | 12-12-09, 08:14 AM |
| Re: ولمن فاتهم الاستماع ..... | محمد عيد | 12-12-09, 08:37 AM |
| Re: ولمن فاتهم الاستماع ..... | محمد صديق | 12-12-09, 08:59 AM |
| Re: ولمن فاتهم الاستماع ..... | محمد عيد | 12-12-09, 09:23 AM |
| Re: ولمن فاتهم الاستماع ..... | محمد صديق | 12-13-09, 06:40 PM |
| Re: ولمن فاتهم الاستماع ..... | محمد صديق | 12-13-09, 06:51 PM |
| Re: ولمن فاتهم الاستماع ..... | الرشيد بابكر | 12-13-09, 09:24 PM |
| Re: ولمن فاتهم الاستماع ..... | عبد الدائم سيد أحمد | 12-14-09, 07:39 AM |
| Re: ولمن فاتهم الاستماع ..... | محمد صديق | 12-14-09, 01:11 PM |
| Re: ولمن فاتهم الاستماع ..... | محمد آدم النور | 12-15-09, 07:20 AM |
| Re: ولمن فاتهم الاستماع ..... | محمد صديق | 12-19-09, 09:02 PM |
| Re: ولمن فاتهم الاستماع ..... | الرشيد بابكر | 12-19-09, 09:29 PM |
| Re: ولمن فاتهم الاستماع ..... | محمد صديق | 12-19-09, 09:54 PM |
| Re: ولمن فاتهم الاستماع ..... | منصور عبد الرازق | 12-20-09, 11:00 AM |
| Re: ولمن فاتهم الاستماع ..... | كمال الشادي | 12-21-09, 08:18 AM |
| Re: ولمن فاتهم الاستماع ..... | محمد صديق | 12-22-09, 06:53 PM |
| Re: ولمن فاتهم الاستماع ..... | الرشيد بابكر | 12-22-09, 07:36 PM |
| Re: ولمن فاتهم الاستماع ..... | محمد صديق | 12-24-09, 11:25 AM |
| Re: ولمن فاتهم الاستماع ..... | مجتبي فاروق | 12-24-09, 12:23 PM |
| Re: ولمن فاتهم الاستماع ..... | محمد صديق | 12-24-09, 07:59 PM |
| Re: ولمن فاتهم الاستماع ..... | محمد صديق | 12-24-09, 09:27 PM |
| Re: ولمن فاتهم الاستماع ..... | الرشيد بابكر | 12-25-09, 05:52 AM |
| Re: ولمن فاتهم الاستماع ..... | محمد صديق | 12-25-09, 03:39 PM |
| Re: ولمن فاتهم الاستماع ..... | محمد صديق | 12-27-09, 12:32 PM |
| Re: ولمن فاتهم الاستماع ..... | مشاعر بدوي | 12-27-09, 01:37 PM |
| Re: ولمن فاتهم الاستماع ..... | محمد صديق | 12-27-09, 05:45 PM |
| Re: ولمن فاتهم الاستماع ..... | محمد صديق | 12-27-09, 05:52 PM |
| Re: ولمن فاتهم الاستماع ..... | زهير الزناتي | 12-27-09, 06:10 PM |
| Re: ولمن فاتهم الاستماع ..... | محمد صديق | 12-27-09, 06:13 PM |
| Re: ولمن فاتهم الاستماع ..... | كمال الشادي | 12-28-09, 06:53 PM |
| Re: ولمن فاتهم الاستماع ..... | محمد صديق | 12-28-09, 08:40 PM |
| Re: ولمن فاتهم الاستماع ..... | الرشيد بابكر | 12-28-09, 08:52 PM |
| Re: ولمن فاتهم الاستماع ..... | محمد صديق | 12-28-09, 09:21 PM |
| Re: ولمن فاتهم الاستماع ..... | محمد صديق | 12-31-09, 05:08 PM |
| Re: ولمن فاتهم الاستماع ..... | محمد صديق | 12-31-09, 05:33 PM |
| Re: ولمن فاتهم الاستماع ..... | محمد صديق | 12-31-09, 11:03 PM |
| Re: ولمن فاتهم الاستماع ..... | عبد القادر بابكر | 01-01-10, 11:58 AM |
| Re: ولمن فاتهم الاستماع ..... | محمد صديق | 01-02-10, 07:09 PM |
| Re: ولمن فاتهم الاستماع ..... | محمد صديق | 01-02-10, 07:46 PM |
| Re: ولمن فاتهم الاستماع ..... | الرشيد بابكر | 01-02-10, 10:19 PM |
| Re: ولمن فاتهم الاستماع ..... | محمد صديق | 01-02-10, 11:07 PM |
| Re: ولمن فاتهم الاستماع ..... | محمد صديق | 01-03-10, 08:19 AM |
| Re: ولمن فاتهم الاستماع ..... | محمد صديق | 01-03-10, 08:42 AM |
| Re: ولمن فاتهم الاستماع ..... | الرشيد بابكر | 01-03-10, 02:24 PM |
| Re: ولمن فاتهم الاستماع ..... | محمد صديق | 01-03-10, 05:56 PM |
| Re: ولمن فاتهم الاستماع ..... | محمد عيد | 01-03-10, 07:19 PM |
| Re: ولمن فاتهم الاستماع ..... | محمد صديق | 01-03-10, 07:38 PM |
| Re: ولمن فاتهم الاستماع ..... | عبد القادر بابكر | 01-03-10, 08:02 PM |
| Re: ولمن فاتهم الاستماع ..... | عبد القادر بابكر | 01-03-10, 08:12 PM |
|
| |
كمال الشادي
فيس بوك
تويتر
انستقرام
يوتيوب
بنتيريست