|
Re: ناس الزقازيق ... أجدع ناس .. (Re: ميسرة سيد أحمد)
|
يا سلام علي التلفون الجميل من الرائعين ميسرة ومني .. يبدو بأني قد أدمنت بالإنابة هذه ، فها أنا أستقبل التهاني من كل فج وعبر الوسائط المتعددة , ولكم جميعاً هذه اللوحة وهي هدية من الشباب لأمهم في عيد ميلادها ...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
مني بمناسبة 21 إكتوبر دي صورة واحدة من مناضلات الزقازيق ... يلا إختبار سريع للذاكرة أوالتحويل لمحمد لأخذ حصتكم من الكركم ..
طارق جبريل شايف كلامي بتاع أمبارح مريت فيهو زي قطر كريمة .. عرضنا ما عجبك ولا شنو .؟
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
منى يونس
غبنا كثير في تنسيق بيت الطالبات وده مبنى واحد وعشرين إكتوبر وبالمناسبة وجدنا البيت فاضي وضربنا لأخونا بشير على العبيد علشان يتم تسجيل الطالبات وأي واحدة صورتها ما واضحة ممنوعة من السكن في 21 إكتوبر
ذكرى جميلة هذا البيت والذي يصادف الإحتفال بثورة واحد وعشرين إكتوبر والإفتتاح الجديد للبيت بعد التدشين ،،،
يمكن مراجعة الكشف الأخير لدى الأخ/ زهير
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا سلام مني وميسرة .. دي صورة الأوسكار لكل الصور السابقة .. ويا جماعة العنده بكية ما تماها زمان يجي يبدأ محل وقف .. الصورة في منتهي الروعة بعد الفوتو شوب ...
طارق جبريل عليك بزينب التجاني ...
يا جماعة وين سنيرنا عثمان الجيلي ... يا جماعة الزول دا ما يكون في السودان وما عندنا خبر ...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
منى يونس
Quote: والله يا منى حاسدنك على زيارة الزقازيق |
والله يا طارق جبريل ترجع الزقازيق ما تعرف فيها حاجة وكأنك في مدينة تانية ما الزقازيق القديمة ديك وكان رجعت للكوظ إلا كان تلقى إسم الشارع بس كل شئ متغير
شكراُ يا زهير على الإطراء وحاولت بمساعدة ميسرة لوضع صورة بعض الزميلات وخاصة بنات 21 إكتوبر ،،، يا ربي عبدالدائم بكرة بيقول شنو .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
تصبحوا على خير ،،،،
الناس المساهرين المتابعين والمتداخلين ما شين نشوف النوم وين ،،، الليلة ناس كثيرين شردوا البركة في منى يونس قلبت ليكم الصفحة علشان تي آمنو ،،،
نكمل معاكم بكرة يمكن مداخلتي التاهت ترجع تاني
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
صور هائلة يا مدام منى وميسرة تعرفوا نحن لمن اتخرجنا 21 اكتوبر ذاتها ماكانت فى اسمهم كان الحميراء والزهراء مجهود مقدر وصور حلوة وكورس الفوتوشوب عمل مفعوله تصبحوا على خير جيت من العرس ومنتظرين الآذان الله يقومنا للدوام بكرة
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
ما دام كلكم حولتو مدارس ليلية انا البجيبنى تانى الصباح شنو كلو منك يا زوبة
ابتهاج كل سنة وانت طيبة وما رديتى امس على تلفونى .....
يا ريس ومنى الصور رايعة مع انى ما اشتغلت مدرس لكن جربت السمسرة
بس يا منى فى ذى 4 بنات كدا فى صور اكتوبر كانو ساكنين الانتفاضة يكونو رحلو وما ادونا خبر ولا شنو ....
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
شكراً محمد عيد علي الصورة الهدية والله إبداع ما بعده إبداع شكر خاص جداً للعزيز الرشيد بابكر عشان ما تزعل وشكر للزميل مبارك جادين وشكر لحاتم جبارة . وشكرا لطارق جبريل وشكر علي الإتصال رغم إني لم ألتقيكم يا مني وميسرة ، والله يا مني صورة اكتوبر جميلة جد وذكرتنا الايام الحلوة ، وتسلمي يا رب . وشكرا جلال عثمان
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
وصلتنى هذه القصة القصيرة المعبرة عبر البريد الألكترونى من زميلنا المقيم فى ليبيا عادل عبد العظيم نعيم تشبه القصة فى بنائها واسلوبها بناء واسلوب ومفردات الفاتح جبرا هل هى له فعلا ؟؟
.
قالها عم بدوى وهو ينهض من سريره متثاقلاً ويفرك عينيه متجها نحو باب الشارع بعد سماعه لطرقات عليه ، فتح عم بدوى الباب وهو ينهر (كلبته) الذى دفعها حب الإستطلاع لمعرفة الطارق وما أن فتح عم بدوى الباب حتى وجد أمامه شاباً يحمل على كتفه شنطه جلدية سوداء: - السلام عليكم يا حاج - وعليكم السلام ورحمة الله تعالى وبركاته - معليش يا حاج بس عاوزين قروش النفايات أدخل عم بدوى يده داخل (العراقى البلدى) الذى كان يرتديه وأخرج عدداً من الجنيهات سلمها للشاب والذى قبل أن يقوم بتسليم الإيصال نظر إلى (كلبة) عم بدوى ملياً ثم نظر إليه وقال: - يا حاج (الكلبه) بتاعتكم دى باين عليها عندها مبادئ سعر... - (مندهشاً) : سعر شنو؟ الكلبه دى من البيت ما بتطلع.. - كل الدلائل يا حاج بتقول إنها مصابه بفيروس السعر الإسمو Virus Lyssa - يا ولدى الكلبه دى أنا متاكد إنها سليمة .. - يا حاج ده شغلنا !! ذهل عم بدوى بعد أن إستمع للعبارة الأخيرة التى أطلقها الشاب (أيه صلة النفايات بالسعر) إلا أن ذهوله قد تلاشى تماما بعد أن أخبره الشاب بانه (فى الأصل) طبيب بيطرى إلا أنه لم يجد وظيفه فى مجال تخصصه فإشتغل (محصلاً) فى شركة النفايات. وهو يقوم بقفل الباب عائداً إلى داخل المنزل كان عم بدوى يردد عبارة - لا حول ولا قوة إلا بالله- الشئ الذى جعل زوجته الحاجه (محاسن) أن تسأله عن سر ترديده لتلك العبارة وعندما أخبرها رددت عليه قائلة : - ويعنى شنو؟ هسه (هاشم) ود نفيسه أختى ده ما عندو (دكتوراه فى القانون) وشغال طباخ مناسبات ! إرتدى عم بدوى ملابسه وخرج من المنزل قاصداً محطة المواصلات إذ كان عليه أن يذهب لإستلام معاشة الشهرى وعند وصوله إلى المحطة لم يجد حافلة واحده ذاهبة إلى الخرطوم ففكر أن يقوم بشراء صحيفة من كشك الجرائد ويشرب (فنجان قهوة) عند إحدى بائعات الشاى ريثما تأتى إحدى الحافلات وما أن جلس على بنبر البلاستيك أمام احدى ستات الشاى حتى وجدها تدير معركة (كلامية) حامية ا########س مع إحدى زميلاتها متهمة أياها بتصيد الزبائن : - أمشى كده يا بكالريوس محاسبه ، هو ذاتو الدنيا لو ما بت كلب أنا وأنتى نقعد فى حته واحده! - بكالريوس المحاسبه مالو؟ عاجبنى ماجستيرك بتاع (التكاليف) ده ! (ثم تنظر إلى الأسطى عبدو) بتاع الأورنيش متوجهه له بالحديث : - عليك الله يا (باشمهندس) عوضيه دى ما حقارة؟ من الصباح تشيل فى زباينى وأنا ساكته ليها ! - (يجيبها وهو منهمكاً يمسح فى حذاء أحد الزبائن) : والله الأيام دى عوضيه دى بقى لسانا طويل بالحيل أمبارح القريبه دى عامله ليها (شمطيبه) مع دكتور (عثمان) الببيع الأكياس، قالت ليهو عامل لينا زحمة أمشى بيع بعيد من الحته دى ! ? مواصلاً- هو ذاتو دكتور عثمان يستاهل عشان ما بسمع الكلام قلنا ليهو إختار ليك شغلانية قريبه من (الجراحه) تخصصك يعنى بيع ليكا (أم فتفت .. كوارع) حاجه ذى دى ، قال أيه : الأكياس بتدخل ليهو كويس ! - مواصلاً- ماهو نحنا هسه عشان (مهندسين) إشتغلنا (هندسة أحذيه) ! فى هذه اللحظة دخلت أحدى الحافلات إلى الموقف فقام عم بدوى بطى الجريده ووضعها فى جيب الجلابيه وناول ست الشاى (حق القهوة) متوجها إلى الحافلة التى كانت تقف بينما الركاب يتوافدون إليها تباعاً ، جلس عم بدوى على أحد الكراسى الأماميه إلى جانب السائق الذى ما أن دخل إلى الراكبه آخر راكب حتى قام بقفل الأبواب ثم أمسك بمايكرفون معلق على الطابلون : - السادة الركاب مرحباً بكم على متن (الفرده) رقم 13 المتجهة إلى الخرطوم ، هذا سائق الحافلة (كابتن صابر) يحييكم ويتمنى لكم رحلة سعيدة ، سوف نسير بسرعة 60 كيلو فى الساعة ، تبلغ درجة الحرارة الخارجيّة الآن حوالي الأربعين درجة مئوية بينما تبلغ الداخلية خمس وأربعين ومن المتوقع وصولنا إلى (الإستاد) بعد نصف ساعة من الآن إن لم تواجهنا أى مطبات مرورية !! قبل أن يقوم (السائق) بالإقلاع إلتفت إلى عم بدوى الذى إمتلأت قسمات وجهه بعلامات الدهشة والإستغراب وخاطبه قائلاً : - ما تندهش يا حاج أن أصلو طيار أيربص ( A330) لكن قلنا بدل الواحد ما يقعد عاطل أحسن يمشى أمورو !!
والله يستر علينا
| |
|
|
|
|
|
|
Re: ناس الزقازيق ... أجدع ناس .. (Re: ابتهاج عبد الله)
|
الأعزاء .. ميسره ومنى .. ناس خبره صاح .. شغالين معانا بنظرية .. أطعم الجائع لقمة لقمة .. عشان ما يفطس ونحن ننهل من عصير الجمال الذى تسكرون به أفئدتنا .. قطرة .. قطرة ( عشان ما نتشرق ! ) صورة 21 اكتوبر يا منى اكثر من رائعة .. واللمسات الفنية أعطتها بعدا اكثر تعبيرا وجمالا ..
************ • ارحب بمقدم أخونا الســهيلى ... وينك يا راجل ووين أيامك ؟ • منصور يا غتيت .. وقت قاسم جاء عندك ما ضربت لى ليه ؟ • ابتهاج .. زهير امس ورانا هدية الاولاد ليك .. وهو عمل نايم ولا شنو ؟؟ • منصور .. بالله نزل بيانات عادل عبد العظيم عشان سامى يضيفها للقائمة .
Quote: يا ريس ومنى الصور رايعة مع انى ما اشتغلت مدرس لكن جربت السمسرة
بس يا منى فى ذى 4 بنات كدا فى صور اكتوبر كانو ساكنين الانتفاضة يكونو رحلو وما ادونا خبر ولا شنو .... |
دودى ... يقصـــر الملـــح ...!
يا زهير .. عثمان الجيلى موجود فى جده ومتابع لكن مشغول ..
وغالبا حيكون فى السودان فى خلال اسبوع او اثنين ..
لكن هاك الشمار ده .. جمال السنوسى كان فى البلد فى العيد وطبعا لا قال
لى زول ماشى .. ولا قال لى زول بهناك انو جاء .. ! عامل فيها بوردابى كبير !!
لكن قيـــل ( والعهدة على الراوى ) انه حضر كورة رياح الخماسين
وجمهور الهلال شــيعه بالحجارة .. باعتباره كجــا" أصليا " متأصلا" ..!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
تصدقو مشتاق لاكتر اتنين قراب لى منصور وعيد اتونسو معاى شوية الكفيل يوم الخميس بكون غايب
ابتهاج الثعبان ما عندك عقبال الحباسات فى عيد الميلاد الجاى ويا يوم بكره ما تسرع بس كلو رايح من العمر .... بس ما قلتى لينا كم .. اقصد العيار مش العمر ...
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
وسع يا جدع ... للبيه .... اهو سهيلي وصل ... الرجل الجميل والدفعة ... سنصبح الأكثرية في هذا البوست
طارق جبريل حاتم جبارة زينب التجاني صالح عبد الرحمن سهيلي نورا نجاة البادي أبتهاج عبد الله زهير الزناتي
وما خفي أعظم ، محمد عيد يا جميل ياخي عملت فيني عمليةأمبارح في الصورة خلتيني أشبه البنغالة الله يجازي محنك ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الليلة ما الخميس برضو واللفحى ما غلط , فى الخميس او غيره حسب افادات الكمندان وياسر نجيلة طرف الكلام بتاع الشوق وصلنى من النضيف سر بالى وعجبنى طوالى جانى ليك ابراهيم عوض ناطى نشتاق ليك وانت (معانا) يا ملاذ افكارنا الهيمانة شوفى وين تيارك ودانا شفتوا الشوق المدفق ده ولى زول قاعد جنبك كمان السلك جاييك يا حبيب نضف لى اضانك يا نضيف من اجمل كلام الشوق الذى قيل ما سطره نزار قبانى وغناه عبد الحليم اشتقت اليك فعلمنى ان لا اشتاق علمنى كيف تموت الدمعة فى الأحداق علمنى كيف يموت الحب وتنتحر الأشواق
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
أجدع ناس... سلام
ونقول لإبتهاج كل سنة وإنت بألف خير
__________________
ويا ناس الليل والله مااااااااااا بنقدر نجاريكم
خصوصا وإنت معاكم الرشيد وزينب التجاني
ونجي تاني يوم نتابع ونستمتع
_____________________
والله يا منصور زولك بتاع ليبيا دا خلانا نمسك قوي في السعودية دي... والله لا بنقدر على الورنيش ولا سواقة الحافلات والله يصبرنا على الكفلا ديل بس
---------------------------------
يا ريس ومنى
والله صوركم روعة لكن مالا بالقطارة كدا؟؟؟؟؟
___________________
تخريمة:
يا زناتي
إنت تاريخ ميلاد إبتهاج دا متذكرو عشان هو 21 أكتوبر ولاااااااااااااااااااااااا!!!!!
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
يا السهيلي والله العظيم لمن شفت صورتك في البوست قاعد براي في المكتب كورتا اوووووه السهيلي يا زول انت وين مرحب بيك
التحية للاخت منى يونس وشكرا على الصورة الجميلة بتاعت 21 اكتوبر هذه لقطة تستاهلي عليها اوسكار احسن تصوير
ومرحب بالمناضلة الاستاذة مثابة حاج حسن عثمان وزوجها شكرا على الصورة الجميلة يا زهير الزناتي
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
يا بنج والله سهيلي دا حقو نعمل ليهو إحتفال مهيب في البوست ...
والله مثابة دي برضها محتاجة لإحتفال خاص ....
بعدين مشاعر بدوي المبشر ، توفي عمها وهو بمثابة والدها قبل فترة ، وقد تلومنا معها لوم لا تحجزه المحيطات . لذا نقترح أن يقوم الوفد الزقازيقي بالتعزية حسب ظروف الشباب إما غداً الجمعة أو السبت وانا إقترح السبت لأنه أكثر عملية ، عشان ما تروح علينا صلاة الجمعة ولا ما كده يا بنج ...
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: شكراً محمد عيد علي الصورة الهدية والله إبداع ما بعده إبداع شكر خاص جداً للعزيز الرشيد بابكر عشان ما تزعل وشكر للزميل مبارك جادين وشكر لحاتم جبارة . وشكرا لطارق جبريل وشكر علي الإتصال رغم إني لم ألتقيكم يا مني وميسرة ، والله يا مني صورة اكتوبر جميلة جد وذكرتنا الايام الحلوة ، وتسلمي يا رب . وشكرا جلال عثمان |
عارفين نفسنا ما شدينا سلك
Quote: إنت شكرك براك يا منصور وعبرك لكل ناس الرياض |
و الله يا ابتهاج بالغتي...نحن جنبكم في الفتيحاب
Quote: ابتهاج كل عام و انت بخير 21 أكتوبر أكيد أبشنب مواليد 1/1 إنتو ابتهاج دي مش عندها باسويرد؟؟؟؟ طيب الزول لمن يهنوهو مش أقلاها ترد التحية؟؟؟
أنا مولود 30 يونيو....عارف في ناس و لا حا تهببو لي...ما عدا حاج الر كز و عفاف |
دي كيف عيبيها لي....... غايتو اعتذارات ما دايرين.....أسفات ما بتحلك....عازومات مكجننها...حاجة واحدة... أمسكك مقص ويا شنب جاك زول...في كل الأحوال دمتي بألف صحة و عافية وربنا يزيد عمرك إزدهاراً و إبتهاجاً و بدوراً وخلوداً (أنتن الثلاثة ولا شك)
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
رقاريقاب جوه لكم منى كل الشكر والتقدير على حفاوة الاستقبال و الله اني
لسعيد على تلك اللحظات الجميلة التى قضيتها بينكم و رغم انشغالي عنكم
و لكن كنتم نعم الاخوة و اهل للكرم و اخص بذلك البروف محمد آدم النور و العزيز
يوسف عبدالله خالد و الجميل الكمندان محمد صديق و الدينمو زهير الزناتي و الأمير
النذير و الاستاذ الهادي حسين كتير بله و الراقي المصباح و الاخ فاروق احمد ابراهيم
و الشيخ اسامة الطيب و كل ناس مدني عبدالله الزبير و على حسن و يوسف نور الجليل
وعبدالهادي عبدالله الراقية سعاد عبدالرحمن و كل الاخوة والاخوات الذين التقيتهم
بالسودان و حقيقة سعدت بكم و حزين لفراقكم و انا بصالة المطار للمغادرة بعد
ساعة من الان .
| |
|
|
|
|
|
|
Re: ناس الزقازيق ... أجدع ناس .. (Re: وليد عبد اللطيف)
|
تعازينا للأخت مشاعر في وفاه عمها..
صحبتك السلامه ياموسى عيسى.. ميسره.. منى خرتتك في الصور.. شمشره سيف النصر عجبتني.. النضيف من خميس لخميس.. انت من زمن الحميراء.. جلا شغلك نضيف.. ابتهاج you're welcome.. منص القصه جميله.. رغم رمزيتها الا انو بتحكي وضع قريب من مغتربين أمريكا..
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
بوستيكم بطئ الخميس والجمعه .. أها النجرليكم جبريلا..
الوله جبريلا كان عندو بعض الكلمات بينطقها بلهجه شايقيه حلوه.. منها كلمه ياسلام.. بيقولها لمن يزعل أو حاجه ما تعجبو.. وكان برضو كسار.. أيام الامتحانات مابيلعب.. يمشي يصور المذكرات من أصحابو مصريين ويقوم يتلهوت يحفظها عن آخرها.. ولو ماخلصها ما ينوم لحدي الامتحان.. عكسو تماما كنت أنا.. بحب البنج والنوم والتليفزيون.. لكن بأكرب اسبوتنج رهيب.. كنت محظوظ فيهو خالص.. في سنتنا التالته.. كان عندنا خمسه مواد.. نتيجتنا جات واحده.. 3 مواد مقبول ومادتين جيد.. إلا انو أنا تقديري العام جيد وهو حقو مقبول.. الحكايه دي دخلت عليهو شديد.. يوم من الأيام قاعدين شله نتونس جات السيره.. صاحبكم قام يطاعن بالكلام.. "والله ناس محظوظه.. نتيجتهم زي حقتنا يجيبو جيد ونحن نجيب مقبول.. كوسه.." أها أنا قمت خطيتها ليهو طوالي.. "إنت مقابيلك حروكروك.." قال لي "يا سلام"..
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
ما زلنا بمطار الخرطوم في الصالة و تم تاجيل الرحلة للساعة السابعة والنصف مساءا
يعني الواحد حيكون مشرور في المطار كمان ساعتين بس يا احمد اسماعيل جهز العصيدة
ساي .
مرحبتين يا حاتم جبارة و بالمناسبة الفن في الدارسة مش الكسر و الكبكبه لكن الفن
في انك تعرف كيف تستغل الفرص لاحراز الاهداف من انصاف الفرص و دا كان وضعك في الدارسة
أو في الميدان لانك زول بتلعب مهاجم نضيف و جبريلا كان مدافع يعني لازم يجتهد علشان يمر
في الامتحان و ينضف الكورة في الدفاع و كلها قسم و حرفنه و لا رأيك شنو؟
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
انا لله وانا اليه راجعون التعازي القلبية للاخت مشاعر بدوي في المغفور له باذن الله تعالى عمها
يا منص القصة ممكن تكون تمثل الواقع الانحنا بنعايشهوا يوماتي يعني مافي اي زول شغال في تخصصه ان عندي ابن عمي اتخرج من تاريخ الفرع واشتغل في السعودية بركب دش ما عارف العلاقة شنو؟؟؟؟
كلام صاح يا الزناتي السهيلي ده حقو نفتح ليهو بوست ترحيب كامل وانحنا معاكمن يوم السبت لعزاءاختنا مشاعر
يا حاتم مرحب بيك الساعة 5 بتوقيت السودان جبريلا ده حبة كدة وحنلزا ليهو قرقروش وزمزمية مع قراصة تمر نظام اعتصام وكدة العاملينوا في بلد الملك الحسن التاني
| |
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
كل تأخيره وفيها خيره يا ولدنا موسى عيسى.. الأيام دي كوره الهجوم غالباني بقيت باك..
مبارك.. المغاربه ديل ما بيلعبو.. جهزو للزول دا شغل.. الزناتي شايفو اتملص وقال ليهو أمشي الخليج.. جهز كبار الزوار بالله.. المره الفاتت مسحتني واستقبلتنا مع قريبك.. نظام عصفورين بحجر..
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
يا حاتم انت الزول ده دقيت ليهو خروج من هناك ولاشنو؟؟؟ عموما الجايت اكتر من الرايحات والمرة الجاية بنفتح ليك الجنوبية مش صالة كبار الزوار بس كلمنا من وقت مناسب
يا موسى عيسى انشاءالله تصل بالسلامة ما كلمتنا كنا عملنا الازم لكن انا قريب للمطار منتظر لي زول كان بحاول اتلافك ارجو كتابة التلفون
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
Quote: ما زلنا بمطار الخرطوم في الصالة و تم تاجيل الرحلة للساعة السابعة والنصف مساءا يعني الواحد حيكون مشرور في المطار كمان ساعتين بس يا احمد اسماعيل جهز العصيدة ساي . |
إقلاع من الخرطوم سبعة ونص وصول الرياض العاشرة وعلى بال ما تصل احمد اسماعيل العصيدة الا تتسحر بيها
ليك وحشة والله ... تصل بالسلامة
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
تعازينا الحارة لاختنا مشاعر بدوي في وفاة عمها
ربنايتغمده بواسع رحمته وغفرانه وإنا لله وإنا إليه راجعون
أبشر ياموسى عيسى ليك رقبتنا سدادة إنت ياخي مازولاً هين إتبرلمنا سوى ولعبنا مع بعض في فريق
تجارة ومن اوائل المغتربين الزقازيقاب، ومسئول من الخير ليك كم سنة متغرب؟ اكيد عشرتين من السنين خليتن وراك والله يستر ماتكمل العشرة الثالثة.
ياموسى لو جاي بالسودانية بعد ماتصلي العشاء أحجز ليك مكان تنوم فيه بالمسجد الصغير العامل زي قطعة البسكويتة ده,
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
من ضمن طاقم الطائرة المنكوبة المهندس الكابتن محمد الفاتح مهدي محي الدين ... إنسان مشهود له بالخير والتواصل وخدمة الأهل والناس أجمعين ... رجعت من العزاء قبل شوية وكان الموقف مهيب ... جدنا مهدي محي الدين بكل وقاره غارق في بحور الحزن والشجن ... الناس بتتكلم عن المرحوم كلام جميل جدا فهو أخو الأخوان ... ورجل الواجب ونصير صلة الرحم من أهله الجموعية بالغماراب ... المرحوم قريب زميلتنا / رجاء الطيب ... حار التعازي لأختنا رجاء الطيب وأخونا أبو النسب نادر فاروق ... اللهم أرحمه وأغفر له وتقبله قبولا حسن ... اللهم إن كان محسنا فزده إحسانا ... وإن كان مسيئا فتجاوز عن سيئاته ... وأسكنه فسيح جناتك مع الشهداء والصديقين وحسن أولائك رفيقا ...
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
التعازى لمشاعر البدوى فى وفاة عمها الوالد ربنا يرحمه ويغفر ليهو ويلزمها مع اسرتها الصبر والسلوان نبذة عن السهيلى مجذوب لو سمحتوا ومرحب بى عودته المقتضبة
قصة عادل عبد العظيم عن (التخسسات) يا ميارك جادين وحاتم جبارة وكل من قرأووها , ليها ابعاد مختلفة غير البعد بتاع ضغوطات الحياة البشمل نسبة كبيرة من تداخل (الأختساسات هذا ) , الا ان هناك بعد آخرا يرمز فيما يرمز الى كون النظام التعليمى -ليس فى السودان فحسب -ولكن فى معظم الدول العربية , هو ننظام تلقينى متخلف ان احسنت التعبير , لذا فان الواحد مننا لمن يكون مطالب باختيار تخصص دراسة وهو فى عمر الدخول للجامعة (سن 18-19 سنة ) فان فكرته عن التخصص الذى يختار لا تتجاوز بعض المواضيع النظرية الجامدة التى لا تكفى تكوين فكرة مؤسسة وموضوعية تحسم عنده مسألة الميول والرغبات , دع عنك انه فى الغالب ان التوجيه لتخصص ما يكون ناتجا عن معايير غير موضوعية تضعها لجنة تسمى بالقبول تقيس الرغبات بمقياس الدرجات وجبت كم فى شنو ؟؟؟دون ترك اى مساحة لأختصاصيين تربويين يراعون القدرات الخاصة والبداعية الكامنة , بأختصار كده لأنو نفسى انقطع والليلة الخميس كأننا نرى انه من العيب ان نتخصص فيما نهوى ونحب فنفرز الكيمان عمدا فى اكبر جناية لا يتم اكتشافها الا (ضحى الغد) ده شنو ده عليكم الله الورطونا فيهو ده ده كلام يكتبوهو (ذات خميس بالله ) ؟؟؟!! وين يا جنابو حكاياتك الزقازيقية الطااااااااعمة من هسى يا ناس الليل اكلمكم انا الليلة عندى عرس كان جلال داير يقول ده منصور مركب مكنة زينب الليقول وكان فى اى زول تانى شك فى انى سعيت لى ساوند سستم وسارح بيهو فى ليالى الرياض دى برضو الليشك وانا غرضى بيكم شنو جهزتى يا امانى ولا لسه ؟؟؟
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
قبل فترة طويلة كتبت هنا الموضوع أدناه
Quote: قد يتفق معي الكثير منكم بأن أيام الزقازيق كانت تستمد جمالها من قسوتها المادية وأقصد هنا (الفلس) والذي كان نتيجة السياسات العقيمة المتعلقة بالتحويل الذي شابة العديد من الشوائب وكان في مجملها من ضمن أوراق الضغط التي كانت تستدمها الحكومة المصرية أحسن إستخدام في ظل الحكومات المتعاقبة والتي كانت في أغلب الأحيان لا تعرف أي شئ عن الطلاب السودانيين بمصر ـ وذلك من ضمن ممارسات السودان حكام (بمختلف ألوانهم السياسية) في إظهار عدم إهتمامهم بالإنسان السوداني ـ لا أريد أن أخوض كثيرا في هذا الأمر ونرجع لموضوعنا الأساسي ألا وهو معاناة الطالب السوداني نتيجة (الفلس) وما يقابلها من تكافل أظهر مجتمع الزقازيق بشكله المعروف للكل؛ طبعا يا أخوانا إمكن يكون أي واحد فيكم مرت بيهو كثير من المواقف ليها علاقة بالفلس وهي في مجملها طريفة، ياريت نكتب عنها..
|
اليوم وأنا ببحث وجدت هذا الكلام
ورأيت إنو ممكن نطرحو تاني خاصة وإنو الأعضاء الآن أكتر من الأول
________________
وطبعا دي محاولة لمجاراة ناس الليل
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
Quote: وكان فى اى زول تانى شك فى انى سعيت لى ساوند سستم وسارح بيهو فى ليالى الرياض دى |
ما فيها حاجة يا باشمهندس ما تتعقد...انت الساوند سيستم ده مش بجيبوهو في ألأعراس...و الأعراس فيها غناء و فيها عشاء...و العشاء ده مواد غذائية...و نيب...ده ما تخصصك زاتو يا منص...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: وطبعا دي محاولة لمجاراة ناس الليل |
سامي يا أحوي...والله ده شعرا ما عندك ليهو رقبة...عرفت معنى التشبيه ده ولا انت زي حاتم جبارة...حاتم جبارة عامل لينا فيها شيزاري مالديني والد مالديني و محلل قناة الجزيرة الرياضية..حاتم ما بنقدر نستضيفو في البوست ده الا لما يكون معانا أحمد اسماعيل يترجم ليهو ترجمة مباشرة.. يعني سهرة الليل دي ما بتقدر عليها يا سامي...يعني أنا الدخلت كتاب جينيس للأرقام القياسية في السهر و حاصل على لقب أكبر سقد في موسم 84/85 ...جات زينب التجاني في ليلة واحدة طلعتني أي كلام...و جات اليوم التاني و حالته قالت باصات قصيرة بس...و الله يا سامي باصاته القصيرة دي أجارك الله...غايتو أنا بحذرك......و انت حر
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
والله يا الرشيد
إنت بتقول فيه؟
ياهو داااااااااك الرز باللبن في النار
ومااااااااااااااا ظنيتنا منكم
غايتو كدي نحاول
لكن طبعا كان دخلتا لينا في واحدة من حكاويك الحلوة إمكن نقدر نواصل معاك لغاية ما تجي زينب تستلم مننا
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: لكن طبعا كان دخلتا لينا في واحدة من حكاويك الحلوة إمكن نقدر نواصل معاك لغاية ما تجي زينب تستلم مننا |
و الله يا سامي يوم الخميس ده في واحد أخونا وصاحبنا شديد كده حاجزه ليهو زي ستة شهور كده...قال عنده قصص ما ليها حد...نشيل كراسينا و نجي ننجعص ننتظره يجي مارق...و الله وحاتك غير مره واحدة بس طيب بي خاطرنا تاني ما شفناهو... أها الليلة منتظرنه...ان شاء الله يجي مارق...و لو ما جاء طالع بنشوف Plan B ...شوف جلال قول ليهو جاهز...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا دوب جيت داخل من الحجار وبكرة المحاكمة وربكم يستر
كدي خلونا مع حسن الدابي دة: مسخت عوم البترطن في جروفه
اه يا خلايه فجولي اللشوفه
الصدير رجفاته سبب لي خوفه
خام ثمار ال الله قال دانيت قطوفا
الرقيبه قزازة الروم في وقوفا
جرعتني العلاقم بي صنوفه
بروقيها الداره لخبطي لي صفوفا
خلي حسادك عديل تخضع انوفا
ديسه شوف عيني من شكت كتوفا
الا دايما نافره يا ناس ما ولوفا
صممن جاراتا قال لي عطوفه
ملا شوفته لي تشهر لي سيوفا
العلي والبي كلو سبب عزوفا
لو تحلو رموز اصابع اليد حروفا
اه يا خلايا
ابعص هنا للاستماع للاغنية:
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: في سنتنا التالته.. كان عندنا خمسه مواد.. نتيجتنا جات واحده.. 3 مواد مقبول ومادتين جيد.. إلا انو أنا تقديري العام جيد وهو حقو مقبول.. الحكايه دي دخلت عليهو شديد.. يوم من الأيام قاعدين شله نتونس جات السيره.. صاحبكم قام يطاعن بالكلام.. "والله ناس محظوظه.. نتيجتهم زي حقتنا يجيبو جيد ونحن نجيب مقبول.. كوسه.." أها أنا قمت خطيتها ليهو طوالي.. "إنت مقابيلك حروكروك.." قال لي "يا سلام".. |
تتذكر يا حاتم مرة في الصباح قبل الامتحان بي ساعة في مادة الدواجن قلت ليك راسي عضة وقلت لي دي عايزة ليها حريق قمنا انا وانت لعبنا حريق وجريتك خمسينين وطوالي مشينا الامتحان والغريبة المادة دي انا وحاتم جبنا فيها درجات عالية جدا
وطبعا السنة الاخيرة كان معانا جورج وكان جنه مسجل حاتم كان بيقرأ في البلكونة وناصر كشري قاعد في شباك البلكونة وانا كنت قاعد في مكتبي بكسر محمد صديق قام شغل مصطفى سيد احمد وكل مرة من اوضته البعيدة ديك يزيد في المسجل قمت انا قلت لي كشري: ياخي قول للزول دة يقفل استوديو المحطة دة ناصر كشري ضحك لمن وقع من الشباك
يا مبارك جادين ياخي تهون عليك العشرة وترسل لي بس قرقوش ياخي ايام الاعتصام في دار الاتحاد انا وحاتم دة كم مرة جيبنا ليك ((سكلانس)) الفيك اتعرفت غايتو
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: ونسني كتر خيره لحدي ما قطعت مساقة مقدرة و الحمد لله.... |
دايرين نعرف المسافة قدر شنو؟؟؟ عشان نقسمها سلك ناس أبو ظبي قصير شوية سلك ناس الرياض قصير سلك ناس جدة طويل بعض الشئ سلك ناس السودان حسب الجو ...براكم شفتو موسى عيسى لغاية هس ما وصل سلك ناس المغرب طويل أبعد مسافة نديها لي حاتم جبارة ورينا المسافة و بعدين نحن نخاتتها كل خميس...كل عشانك
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يمكن عشان متجوهلين ومتصوغرين وعاملين فيها لسه شباب ... |
والله الزول يحمد لوردية الليل انو كلام زي ده ممكن يعمل فيها ما شافوا ويجليه عادي بحجة الطشيش لكن والله العزر ماعندك يا ابوالزوز ... غايتو كلامك ده ما بنطبق على سامي ... لانو فعلاً لسة شباب وصغير ... لكن أخوك الكاشف بعد ده "الصبغة جاها بلا"
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
الفلس الزقازيقى
اشرقت عليهم شمس اليوم الاول لعيد الاضحى المبارك بشقتهم بمنشيه اباظه وكان ثلاثتهم لايمكون ثمن عيش حاف للفطار الحمدلله على حبيبة الشاى والسكر ديل نشرب وبعدين يحلها الحلال والله ياجماعه انا بفتكر اننا ننتشر كل زول بمش محل برتاح والله انا برتاح عند ناس مرتضى ومرشد بس لاحقننا فار00 فار مافى والله ناس فلانه ديل تلاجتم ثمينه ايه رايكم000لا00لا انته يا فقر لو اظارفته شويه ما كان جاتنه حله ولا قطر!!!! وهم على هذا النقاش اذا بجرس الباب يرن ده منو المنتشر غلط من الصباح ده يذهب احدهم ويفتح الباب فاذا بالطارق طفل من العماره بعد ان سلم قال< ماما قالت ليكم النهار ده ما تعملوش اكل اصل هى حتبعت ليكم الغدا الساعه 2 وكل سنه وانتو طيبين ما قلته ليكم الله كريم بفرجه انتو الساعه كم 10يعنى اربعه ساعات تانى الناس ديل ما تقولو ليهم نحنا اول يوم فى العيد بنفطر لحمه ياعمى انته لاقى فلافل قال لحمه قال هاهى الساعه تغترب من الثانيه وقد اصبح الوجودين بالشقه 6 فقد كانت ايام صعبه فعزمنا كل من حضر على الغداء الموعود وكان بعضهم يضحك حينما يدخل المطبخ فلا يجد الا زجاجات مياه بالثلاجه ويقسم ان لديهم مثلها ويضحك الجميع من الاعماق لتوقفوا على رنين الجرس انها تمام الثانيه0 فجاه امتلات الماثده باربعه صوانى فرن كبيره اولى شرائح بوفتيك واخرى امتلات بالفطير المحشو بالحمه المفرومه واخرى فته ثم الاخيره ارز000يا فراج اكلنا جميعا كما لم ناكل من قبل وذهب الباقى الى الثلاجه0 بعد ان غسلنا العده كانت المشكله كيف نردها فارغه 00اقول ليكم يلاكم الى وفاء كيله نحنسه نشيل منها باكوشاى زهره الشمس ونرجعو وقد كان الا ان جارتنا الكريمه اكرمها الله فاجاتنا بانها لا تريد الشاى فهى قد عاشت لفتره مع ابنها بالسودا ن و تعرف السودانين جيدا وانهم يستاهلون اكثر من ذلك وقد قبلت الهديه بعد اقناعها بان من العيب ان نرد الاناء فارغ0
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
يا سلام يا ريس علي الشراقوة فعلاً أجدع ناس وأكرم ناس . السيدة التي كنا نستأجر منها الشقة أخر عام لنا في الزقازيق ، وهي شقيقة صاحب العمارة التي بها الإتحاد ، أرملة علي ما أعتقد ولديها إبنين ، حينما كنا نذهب ونسلمها الأجرة أول كل شهر نجدها وقد جهزت لنا صينية من الحلويات الجميلة كنافة أو بسبوسة أوي نوع أخر من الحلاوة . ولكن للأسف لم يكن لدينا ذوق كسلفنا الصالح . فكنا نرجع الأواني فارغة .. سلام علي أهل الشرقية الكرام ...
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
ياريس مساك زي الفل هاك دي كنا انا وسامي ومحمد الهادي وعزام نسكن سوياً طوال فترة الزقازيق ومحمد الهادي المعروف عنه انه اكثر أهل الزقازيق عدم قدرة على تحمل الفلس
اذكر جيداً مرة كانت شقتنا تشكو من قلة الجرزان وكنا عايدين من حفلة ما وش الفجر وبلغ بنا الجوع ان بحثنا حتى تحت الثلاجة فلم نجد الا جزء من علبة صلصة في ركن قصى من الثلاجة ففكر ودالهادي وقرر امرا .... رحمة الله عليه صاحب العمار "الحاج محمد مخيمر" كان يربي بعض الدواجن بسطح العمارة، وكان من عادته ان يقوم "بنشر رغيف العيش" المتبقي من وجباتهم ليصنع منه علف لدواجنه فما كان من محمد الهادي الا ان ينتقي "اربعة رغايف" ويسخنها في البتجاز بالطريقة اياها "تسخين قليل من الماء في حلة" ووضع الخبز اعلاها في مصفى المكرونة ويصير اطرى عيش يقع عليه بصرك خصوصا اذا كنت في مثل الحالة التى نحن عليها... المهم ... كانت اجمل واحلى واطعم سندوشتات صلصة لم آكل مثلها الا الآن
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
والله يا جماعة الخيانة دي بتكتل ليها زول ، ما في زول فيكم يقول لي سهرة النيل الأزرق فيها كل الجمال تخلوني مبحلق في الكورة المرض للدوري الأوربي ، وفي البوست براي أهش في غنم إبليس ، لكن إنشاء الله نحضرها بكره بمزاج ....
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
تعرف يا جلال
أمس إتصل بي محمد الهادي وقال:
سامي كيف؟؟
والله تمام إنت كيف
تتذكر يوم كنا عازمين ناس هلا أيوب فطور رمضان (سنة 86) عزام عمل شنو في السجق؟؟؟
والله يا محمد ما مذكر (وضحكت كما لم أضحك من قبل)
وفجأة تذكرت
وكان أخونا عزام لا يفقه أي شئ أمر المطبخ
وقام بنزع الغشاء أو الجلد... يعني قشّر السجق
وإنتهت المكالمة
شفت ود الهدي دا وجنو... يعني هسه إتذكر الموضوع دا كيف وليه؟؟؟
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
أها بعد ده معاكم بالعينين ... السهرتين انتهو قشير عزام "للسجق" حادثة لن ينساها هو كل مايأكل سجق من يد المدام خصوصاً ايام العسل هذه وانا عمري لن انسي طبيخ محمد الهادي الذي لا يضاهيه الا طبيخ الشيف اسامة اذكر في مرة اصر ان يعمل لنا "زغني" ومن خوفي على الفرخة التي كانت لا تدخل عندنا الا يوم البريزة ... كاجرتو مكاجرة السنين ياخ مالك ومال التنظير ... ياخ نحن حبش ... بالله ما تقد لينا الميز في يوم واحد المهم قاموا علي هو وسامي بلعوني كلامي وكان ان اكلت اجمل زغني في حياتي
| |
|
|
|
|
|
|
|