كتب الكاتب الفاتح جبرا المتوفرة بمعرض الدوحة
|
Re: ناس الزقازيق ... أجدع ناس .. (Re: زهير الزناتي)
|
صباح الخير يا وجوه الخير ،،،،
صباحاتكم نديه ،،، يبدو إن الناس صارت مادخلاتها بطيئة جداً وإختفاء كثير من فرسان هذا البوست إثر سلباً على التقدم والسرعة المذهلة السابقة .
مقارنة بسيطة اليوم من الصباح عملنا 4 مداخلات أو خمسة ناس الشعبية قبلوا التحدي حتى اللظة عملوا عشرين مداخلة من الصباح واضح الفرق .
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
تحية و سلام لأجدع و أروع ناس ..
و ألف كفارة للزقازيقاب من المرشوشين ..
و تعيشوا و تأخدوا غيرها ..
مراحب ألف بالعائدين ..
و دعوة صادقة لكل الغائبين الحاضرين و جميع المتاوقين بأن يتواصلوا معنا ..
و لي قدام ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
سلام أيها الناس متابع و مستمتع ومتخندق يا جماعةإذا كلام الكورة إنتهى و عندكم موضوع تاني صحوني عليكم الله آه اه اه اه اه اه اه اه اه الله أخخخخخ يا بت الشيخ عليك الله زيدي المروحة دي...يا لطيف
هس عليك الله الزول لو ما مجنون يقوم من النوم ويقابل بوست الزقازيق دا!!!!!
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا قلبا ... انا متابع من الصباح وكنت حاسى انو البادى عاوز يقلب الصفحة لكين خجلان .. اهو جاتو هجمة مرتدة وراحت عليهو
يا نجيلة انت نسيت كلية تجارة ولا ما مذكرها
ناس نايمة تحت التكييف وناس بالمروحة ... وناس قاطعة موية ونور ....
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: ناس نايمة تحت التكييف وناس بالمروحة ... وناس قاطعة موية ونور .... |
و الله مشتاقين يا عبد الدائم...لكن نسوي شنو ...غايتو كويس صحيتني...و لو ما كلامك دا ماكان صحيت لكن النجهي عندك ...تتخيل المروحة زاتها وقفت ...لأنو الكهرياء قطعت قالو واحد قال دي حكومة شنو دي؟؟؟ الكهرباء تقطع النور يطفي...نقول نمشي الحج الضحية تجي
حكومة داير تجننا و لا شنو؟؟؟
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
بسم الله الرحمن الرحيم
السلام عليكم ايها الأحباب
الكلام المهم كلام العزيز الزيناتي بمناسية تعليم أبنائنا الذين على وشك الدخول للجامعات ونبدأ من نقطة الأخ ولياب
التي ذكرها عن الأثر الطيب الذي تركه الزقازيقاب في إدارات جامعة الزقازيق طبعا هذا الأثر عند مواطني الزقازيق
حيكون أعمق وابلغ، إذا هذا إرث لنا، ليه مانحييه ونجعله
ستمر بتعليم ابنائنا هناك مع العلم بأن جامعة الزقازيق
صارت جامعة لايتهان بها.
وهنا بالرياض على سبيل المثال نذكر بعض الزقازيقاب الذين
أبنائهم بالثانوي يعني على وشك الدخول للجامعة
- موسى عيسى إبنتيه أول وثاني ثانوي
- عصام جلي إبنه اولى ثانوي
- منصور عبد الرازق اولى ثانوي
- أحمد إسماعيل اولى ثانوي
- عبد الغني محمد زين أولى ثانوي
- د. حسن إسماعيل اولى ثانوي
لذلك ممكن يمتد إرتباطنا بالزقازيق
عبر ابنائنا ونحي برودة مدينة الزقازيق
الذي لمسه كل من ذهب إليها اخيرا وبالأخص
إذا عملنا رابطة تمثل كل الزقازيقاب لتخاطب
الجهات المسئولة وإدارات الجامعة المختلفة
وتحقيق كل المبتغى,
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
هاتفني بعض الزقازيقاب من عدة دول وخاصة القدامى وهناك نفر حتى لا أعرفه أو أذكره يطالبوني بالمزيد من صور الزقازيق ،،، يبدو إنها ضربت منهم أوتار حساسة وذكريات قديمة ما زالت في الوجدان والخاطر البعيد .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: الريس ميسرة صباحاتك خير ... الله يديك العافية ... قلبا قلبا قلبا ... |
صباحك نور أخونا البادي ،، ويبدوا بأن الأخوان زهير وجلال وشاعرنا نجيلة والبادي حاولوا تعديل ميلان البوست والان تعدلت خطواتنا فإلى الأمام ،،، شباب
الخطوة التالية كلية الزراعة لأننا حاولنا تكملة مهمة ولدنا ياسر نجيلة وبعدين نجي آداب وتربية وتجارة .
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ياريس شكرا على شحذ الذاكرة طبعا ياجماعة انا سوف تنطبع في ذهني هذه الصورة اولولى ليه ..... عشان نحن بيطرة دي يوم واحد ماشفناها بالنهار طوالى بالليل ... على مدرج كدة وبالباب الوراني ونكتل حفلتنا ونتخارج .... لذلك اسا الواحد قاعد يتخيل في جبرييلا داخل من البوابة دي بس الفرق شنو عارفين؟ شاطر ياجلا صاح الوكت داك بدون الصلعة .... واسا تخيلاتي دي بالاستايل
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يعني يا جلال عثمان وعبدالدائم ... ماشفتو في اللستة الطويلة العريضة دي الا الكلمة دي ... اها انا كنت عاوز اكتب بعدها ... ستيلا ... بس قلت عشان التأمين بتاعها كان عالى ... 25 قرش يمكن كل الناس مابعرفوها ....
تشكر ياريس ميسرة على الصور الرائعة ... واصل ... الميل ده والبعدو حاجزينو ليك ....
تسلم يارشيد القوم ...
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
Quote: سؤال...بعدين بي ناس شانغ يونغ ديل حنلعب في بطولات افريقية ولا آسيوية |
رشيد القوم ... حنلعب في البطولات ... الافرواسيوبية
لان هويتنا حتزيد تعقيد بدل افراقة وعرب بس ... حنكون افارقة وعرب واسيويين ...
؟؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
صباحات بيض زى اللبن الحليب صباحات ما بعد(الأجهاضات والأحباطات) اى واحد (مجهط) ندخله قسم الجراحة الفوق بتاع ناس طارق جبريل ده ونعمل معاهو اللازم مابعد هزيمة الهلال المذلة تاكدت بأن الدنيا هلال الكورة هلال الفرح هلال الحزن هلال الصباح هلال الليل هلال والبوست ده زاتو هلال رفضت الصفحة 72 ان تتقلب طالما ان الهلال (اتغلب) الليلة نحن استعدنا لياقتنا بعد ان سحبها مننا البادى النور وود اخته البادى زاتو رجعناهو البوست , ولغينا منو الأيقاف , وقررنا نمشى قندهار كلنا يوم السبت الصباح وبعد داك السهرة صباحى فى شارع الشنقيطى فى بيت ناس خالدة الجديد المعنويات ما رجعت ارتفعت تانى يا جورج يا جلا شغل المروحة واملأ الباغات عشان الكهرباء جات ما هسى بتقطع اما محمد عيد وعبد الحفيظ عباس وياسر نجيلة فلو (بهمسة ) قول احبك
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
يا جماعة في حاجات كدة اتغيرت من يوم الأحد... أول حاجه الريس ده كان معانا زول ليل حسه بقى زول نهار...يا ريس انت لسه في اجازة؟؟؟
رغم زحمة النهار الا انني اختلست لي بضعة لحظات و تابعت الصور الجميلة يا ريس...تصور دي أول مرة أشوف بيطرة من الداخل...هم ناس بيطرة كانو مديننا فرصة نمشي ليهم...
ياسر نجيلة ده أكيد الليلة قاعد في البيت...و لا الكفيل في اجازة...
منصور بعد الغياب يا دوب بي نمرة واحد...نتمنى الوصول للدفع الرباعي عاجلا.. البادي رغم زعلنا من ود أخته الا أن وجودة يضيف للبوست نكهة القرنفل..
جلا وينك..انت ما عرفناك شايت وين...لكن ما كتبناك مع الناس الزعلونا... انت عمر ده أنا ما ضربت ليك تلفون باركتو ليك أول زول...صحي عزيتيني في عمي رحمة الله علية...لكن ما بنساها ليك عدم مواساتي ليلة الأحد الحزين...
أمبارح كنت عايز أكتب عن أول يوم دخلت فيهو سينما قاعة الصداقة في بداياتها كتبت سطر اتذكرت القون الثالث شطبتو...كتبت تاني اتذكرت القون الرابع شطبتو كتبت تاني اتذكرت القون الخامس شطبت الفكرة من دماغي ومشيت نمت.... شاحد الله الكريم يشطبوا خمسة من اللي بالي بالك...الشطبو أفكارنا... ما بقول أسماء يقوم البادي يزعل...
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
انا من الليلة عايز اركز على يوم الخميس الجاى بعد ان حصرنا انفسنا فى (الفات) ردحا من زمن ولكن قبل ان ادخل فى هذا لخميس (المتاهة) هناك اشارات حرام ان تضيع مشكلة البوست ده , هى اشاراته الضايعة بين الرجلين ايقاعه السريع , بخلى اشارات عديدة تتعفص وتضيع حرام ان لا نعطى اشارة احمد اسماعيل (البالغة الذكاء) حقها من التوقف مخاطبة جماعية لأبناء وبنات (زقازيقاب )بحكم منشأ الوالدان احدهما او كلاهما فكرة عبقرية واشارة غاية فى الذكاء يجب ان لانمررها مرور الكرام اما كتابات الفاتح جبرا المنقولة الينا بشفافية وعين ود نجيلة النجيضة فهى (حزمة تفانين) او قل (استقراء كاريكوتورى شفاف وانيق) فيهو مشكلة اليوم بى عين بكرة وهذا مشابه تماما لخيال يسمح لك بان ترى احمد منصور طالبا زقازيقيا بعد كم سنة يمكنك ان تضحك هنا وهناك او ان تبكى فيهما معا والحال ياهو زاتو الحال اما (تصاوير) الريس ميسرة المضاف اليها (رتوش استديو مصر) زماااااان وهسة فانها اشبه ما تكون يا ميسرة يا حبيب (علاجا بأبر صينية ) استوردتها شركات الفاتح جبرا الخيالية فوخزنا بها ود نجيلة وخزات شفيفة , لطيفة فيها بعض الم الوخز ولكن فيها كل جمال وروعة واناقة (شفاء مابعد الدواء ) احبكم , واجن بيكم , واستأجر بساط الريح بغرضين ولسببين وعشان حاجتين (براندى واستيلا) تنسى الناس ان الدنيا (هلال) وكمان مواصلات زى ركشة جوية تقول كدة وتشيلك توديك شارع الشنقيطى يوم السبت
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
سجلنا موقف واشرنا على محطات مهمة ختينا تحتها خط بلون احمر يذكرك ليها لو نسيت يوريك انها من الأهمية بمكان لكن عندنا الليلة يوم الثلاثاء عندنا خميس باقى ليهو يومين خميس حا تلاقى فيهو عماد عثمان , , عبد رب الرسول حماد , محمود محمد آدم , مكى عباس , عبد الله بشير مدثر ابا يزيد , ياسر محمد عبد الرحمن , عبد المنعم عبد الرحمن , حامد صاغة , آدم محمد عبد الله , احمد محمد اسماعيل حاج الركز , ايوب معاذ, هاشم الريح , احمد السنى , , الصادق ابو سكين , عبد المحسن دفعة ,ابراهيم الأمين محمد حسن جبر , على احمد يوسف , موسى الراجل , عثمان الجدى , احمد الفيصل , عوض الجيد سعيد , صلاح السر , حامد الحبر حماد احمد حماد , هشام النعيم , حبيب الله كدام , محجوب حسن ربيع , فايز عبد الرحيم , محمد وداعة , حمدان رضوان عبد الغنى محمد زين , صلاح سعد , صديق ابو لكيلك , عصام عبد الدائم , محمد حسين , اسامة ابو زيد , عبد الباقى مخاوى , جمال ادريس , مطيع الحورى , قيس جمال الدين , عاطف القوز , جلال عثمان , منصور عبد الرازق , كمال الشادى كل ديل من عصور الزقازيق الوسطى اما من عصرها الحجرى فحاتلاقى قدورة , قمر الدولة عبد المطلب , عبد العزيز ادريس , مكى احمد محمد حمزة , عبد الرازق نجم , الفاتح ثابت , احمد عجوز الشهير باحمد عوض , دكتور فاروق نصر , وناس عيسى موسى المفروض يكونوا فى التصنيف الأخير ده هو ومعاهو عصام جلى لو ماهم آثروا السلامة وفضلوا يكونوا فى شارع الشنقيطى بدل استراحة طيبة اها خميس بتلاقى فيهو الناس ديل , رأيكم فيهو شنو *(احترنا عند حصر الأسماء وتصنيفها , فى اى خانة نخت عفاف على ميرغنى ام الجيفارات الثلاثة , فتعمدنا ان (يسقط اسمها ويسقط ويسقط ويسقط ويسقط ويسقط , تماما كمطر ندى , ينزل كيفما يشاء , ساعة يشاء , ومتى ما شاء ) * اما احباطات سامى عبد الوهاب الهلالية , وبعد صلاح على صالح المكانى الزمانى , ومتاوقات كل ناس جدة ومكة , عثمان الجيلى وديدو ومن لف لفهم , وتجمعات زقازيقاب السعودية المنتشرين فى انحاء المملكة , فلو سمحوا لها ان تتملكهم وقرروا الغياب عن مثل هذا التجمع الفريد فينطبق عليهم قول (جلا) وطلاع الثنايا تكونوا مجانين بس
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: منصور عبد الرازق اولى ثانوي
- أحمد إسماعيل اولى ثانوي
- عبد الغني محمد زين أولى ثانوي
- د. حسن إسماعيل اولى ثانوي
|
قبيل الصباح و أنا بتاوق بسرعة و أحاول أن ألتقط كلمة هنا وهناك من مداخلات الأخوان فوجدت مداخلة أحمد اسماعيل دي...فقلت بسم الله الرحمن الرحيم البوست ده ركب آلة الزمن و لا شنو...يعني لو الناس زي ما مكتوب في أولى ثانوي... ناس الشعبية يكونو فايتننا حسة بي 56900 صفحة...
مافي زول يتعب نفسه يقعد يضرب يقول الزول جاب الرقم ده من وين...ده رقم ساكت يا ناس..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الفكرة بتاعت احمد اسماعيل و التي أجهز عليها منصور بفنياته العالية... وجدت عندي القبول و الرضا.....وهو امتداد و تواصل لجيلنا الما مفهوم دا... لأنو ماسك أي حاجة و مجضمها...يعني ..سمك لبن تمر هندي.. تتكلم في الكورة ...يقول ليك ما أديناك الون و ين التو؟؟؟؟... تتكلم في الشعر ....يردموك ...شعر الجاهلية ....و العرب العاربة...وشوام ....ويدوك تحلية من د.عبد الحي... تتكلم في الغنا....طوالي خال ابوديه خال طارق حبريل ...وينتهو بيك بالفرعون... تفتح خشمك تقول الطيب صالح...تجيك دراديب من المغرب يقول ليك كان وكان وكان لكن عندما تذكروا البراندي واستيلا...البوست كلو يترنح دا شنو دا؟؟؟؟ بعدين يقوم (الأخ ولياب) و الذي كتب مشكوراً عن سمعة الطلبة السودانيين بالزقازيق... و التي لا شك شرف لنا جميعاً...يغمض عين و يفتح عين ....مستفسراً .... طبعاً بيكون خايف على ولدو ...و حسب ما ذكر في معرض حديثه أن هناك سيرة ذاتية لبعض السودانيين كويسة ....غايتو كان ما أخاف الكضب أنا واحد من هؤلاء الناس السيرتهم كويسة.... ما تحمر لي يا موسى عيسى أها يا الناس المتابعة و المستمتعة مش الناس ديل جيل ما مفهوم؟؟؟؟؟
دا جيل مجنون ساكت ياخ
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: - موسى عيسى إبنتيه أول وثاني ثانوي - عصام جلي إبنه اولى ثانوي - منصور عبد الرازق اولى ثانوي - أحمد إسماعيل اولى ثانوي - عبد الغني محمد زين أولى ثانوي - د. حسن إسماعيل اولى ثانوي |
الإحصائية المذكورة أن للأخ موسى بس بنتين و الباقين ما عندهم ... لكن الغريبة أن كل من الأخوان منصور و أحمد إسماعيل و عبد الغني و د. حسن ...رجعو تاني الثانوي... عشان كدا و صيتي لموسى عيسى بناتك ديل لمن يبقو على الجامعة ما توديهم الزقازيق مع ابهاتهم ديل و لو في إمكانية تشوف ليك اتنين من الجيفارات الثلاثة بتوعين حاجز الركز و عفاف بس تخلي لي التالت بتكون ما قصرت....
زول يرجع الثانوي تاني؟؟؟؟...زول مجنون ليس إلا
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: لكن ما بنساها ليك عدم مواساتي ليلة الأحد الحزين... |
بالرغم إنو أنا متابع و مستمتع حسب ما ذكرت في مداخلتي لكن يعميني و يطرشني....مالك الجاك شنو يواسوك فيهو؟؟؟؟ لا طردوك من الشغل...و لا جاتك ملاريا سودانية....و لا الكهربا عندكم مقطوعة المهم اعتبرني مجنون ما واسيتك دي تنفع؟؟؟؟ الغايظني محمد عيد....قبل يوم الأحد بتاعك دا قلت ليهو عليك الله تعال و عايزنك.... وووووو لكن و لاجاب لينا خبر...إلا خبر السلم الخماسي الفي الغنا السوداني الدايرين يلغوهو
وكان تم إلغاءه حصلو الكمندان بيكون جنَّ
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا شباب متابعين وما مستمتعين ، والله يجازي اللي كان السبب .... نأمل أن ينجح لقاء الخميس لأهل الرياض ، ويجب أن نقوم بحملة إعلانية مجانية هنا في البوست من أجل إنجاح هذا اللقاء ... ومع أهل الرياض غلباً وغالباً (قلباً وقالباً) الله يجازيك يا مازيمبي ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
لما جيت مسافر الاجازة الأخيرة غادة أختي بكت جنس بكاء لحدي ما خوفتني قلت البت دي مرات عندها أحلام عجيبة و مرات بتصدق..تكون حلمانه الطيارة وقعت ولا شنو...و الا ما سبب البكاء الشديد ده...أتاري القصة محنة ساكت و أنا القلبي حجر ده ما قدرت أفهم...و هي لأني متواجد معاها في نفس المنطقة شعرت بالوحدة والوحشة لسفري...فقلت لها ممازحا مالك بتبكي يا غادة...عليك الله خليني أرتاح من غياثي و من قراصتك الهريتينا بيها دي فضحكت و جففت دموعها قليلا... أنا والله قصة القراصة دي ما كنت بهزر فيها... حسة ليها اسبوعين تقول لي عليك الله ما أعمل ليك قراصة بي ملاح تقلية.. أقول ليها والله مشغول ما بقدر...عايز بعد الشغل أمشي أنوووووم...تضرب تاني يوم أقول ليها عندي اجتماع... من أبارح بالليل و حتى اليوم حاصرتني حصار شديد خلاص...من بالليل ضربت لي تلفون...اسمع والله أنا ناوية أعمل ليك ملوخية رهيييييييييييبة...انتي عرفيتها رهيبة كيف...كيف ما بعرفه أنا والله بظبط ملوخية زي حقت أمي...يا غادة قولي زي حقت نجاة حوفي بصدقك..لكن ملوخية أمي دي تعلو ولا يعلى عليها... المهم ما نفع التعلل بالمشغوليات ولا بالاجتماعات و أصبحت الملوخية واقعا لا فكاك منه... ضربنا الملوخية الما خمج و أحتسيت كوبا من الشاي الأخضر...تحوطا ليس الا... و رغم الشاي الأخضر الا اني أشعر بانني أرتفع عن الأرض قليلا كل شوية... آلو.. آلو...الرشيد أيوة أنا.. مالك صوتك متغير... طاير في الهواء شوية... سجمي طاير كيف.. طاير طيران الله والرسول الواحد ده... انتي يا غادة الملوخية دي عملتيها بالكربونات ولا حاجه تانية... حاجة تانية زي شنو يعني...
زي غاز الهيليوم مثلا...
هههههههههههه يجازي محنك...نفختك... ما قلت ليك مشغول عندي اجتماعات ما ريحتيني... حسه الا أخت لي مرتبة في السقف أنوم قيها نومة العصر دي...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
رشيد القوم ... الله يديك العافية ... لو عندك أي حاجة في نفسك ما تخاف نحن روحنا رياضية مسلمين سودانيين زقازيقاب وهلالاب والحمد لله ... شفته نعم الله علينا كتيرة خلاص ... يا زناتي الله يجازي محنك ... والله يجنن مازيمبي زي ما جننا ... خلي ناس الرياض يعملوا لمتم يوم الخميس ونحن نمشي قندهار يوم السبت وننسى كل الهموم والجنون ... ما تفهمونا غلط يا جماعة لا في براندي ولا إستيلا ... جني وجن الحاجات البجنن دي ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
ازيكم 000 الخميس زكرني ايام التجهيزات لحفلات التخريج من يجي حاج الركز من برة طوالي السؤال (اه اتصلت بمنو زقازيقي 00 والله انت يا محمد كسلان00 لازم ننجح) ويجيك علي الجيفارا الكبير يسالني(انت يا ماما وبابا مسافرين تدرسوا تا ني في الزقازيق) الله برقت الفكرة بكتابة احمد اسماعيل برلومي 00 الله لو يرجعوا اولادنا ويعيشو نفس زمنا وبنفس عمق حاجاتنا 00 وممكن يتخلق جواهم كل دا 00 بنقل الصورة ليهم بتجمعاتنا الجميلة دي 000 الله يا يوم الخميس ما تسرع
يا ناس الشرقية ما تفوتوا الجمال دا يا ناس جدة 00 كلكم نظر الله يا رشا يارشا لو افتح يوم الخميس والاقي نجاة داخلة الاستراحة كلللكم نفسي الاقيكم يوم الخميس
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
مســـاويات حلوه على الحلويـــن
يا سلام عليكم يا ناس الرياض ... نحســدكم على حظكم السعيد بالتجمع الحميمى المرتقب ..
خصوصا وقد ورد فى لســـتة منصور ( الشحمانه ) اسماء جميله من الزمن الجميل
امنياتنا لكم بقضاء امسية جميلة لعلها تكون نواة للقاءات مماثلة فى
المناطق الأخرى بالوطن والمهاجر ..
اما عن احتمالات مشاركتنا ( ناس جده و ضواحيها ) ..
فان هذا الأمر يتوقف على وصول طرد الملوخية ام هليوم
من اختنا غاده بابكر ...!!
Quote: فافي أنا لو استمريت بي حالتي ياني الجاييكم جوا...تأشيرة ما عايز... |
زيـــد الســرعة يا حبيب وأغشانا بى هنا .. عـــمره وشـــوفه
الريس ميسره ...
مالك جيت متاوق لغاية بوابة زراعة ووقفت ... ؟!
مشاعرنا متأججه لرؤية مراتع الصبا والجمال ..
بالله ما تشحتف روحنا ..
جلا ... فيك حاجة زايده ...!!
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
الشكر والتقدير والعرفان لصفوة الجدعان حسب ترتيب مشاركاتهم ( حتى ولو تكررت الاسماء..) فسلام مربع لمن تكرر ورود أسمة >> • سامي عبد الوهاب إدريس 03-10-09, 06:26 م, • جلال عثمان 03-10-09, 07:47 م, • معتصم جعفر 04-10-09, 08:44 م, • أحمد إسماعيل 05-10-09, 07:30 ص, • زهير الزناتي 05-10-09, 07:31 ص, • ميسرة سيد أحمد 05-10-09, 07:31 ص, • سامي عبد الوهاب إدريس 05-10-09, 10:15 ص, • أحمد إسماعيل 06-10-09, 08:45 ص, • محمد آدم النور 06-10-09, 11:31 ص, لجميل ترحيبهم وطيب كلماتهم .. والتحية موصولة لجميع رواد البوست
Quote: الكلام المهم كلام العزيز الزيناتي بمناسية تعليم أبنائنا الذين على وشك الدخول للجامعات ونبدأ من نقطة الأخ ولياب التي ذكرها عن الأثر الطيب الذي تركه الزقازيقاب في إدارات جامعة الزقازيق |
عموما انا مع الفكرة.. لو في جديد ادونا خبر ...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا شباب لا زال الوضع كما هو عليه عملنا ندوة صحفية في الصباح احتمال كبير تذاع في قناة الجزيرة مع حصاد اليوم المسائي خصوصا نشرة المغرب العربي يمكن الصلعة حينها تظهر ليكم بوضوح لدينا غدا ندوة مع الجمعية المغربية لحقوق الانسان والاتحاد الاوربي لحقوق الانسان المهم لسة صامدين
والله يا ريس ميسرة نجضتني نجاض ياخي خصوصا قسم الطب الشرعي دة ياخي كان مدير الوحدة دي دكتور يورم الزول لانه مادته بايخة كان فارض علينا الحضور تجي تقعد تسمع في السمم بالزرنيخ والذي منه ياخي الله يديك العافية
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
بالنسبة لإبنائنابالمدارس الثانوية المذكورين أعلاه بمداخلتي السابقة وحلّ محهم اباؤهم هم على سبيل المثال بالرياض
1- أحمد الصادق ابوسكين 2- عهود موسى عيسى 3- سجود موسى عيسى 4- أحمد منصور عبد الرازق
5- محمد عبد الغني محمد زين
6- الطيب عصام جلي 7- عمر أحمد إسماعيل
8- محمد صلاح سعد
9- إسماعيل حسن إسماعيل
10- إبن محجوب حسن ربيع 11- ابوزيد اسامة ابوزيد
ابناء د. فاروق وهناك آخرين اما بالمتوسطة العددكبير بالرياض لحالها.
لذا نرجوا التحرك من أجل إيجاد الفرص بالزقازيق إذا وافق الأباء.
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
شكراً أحمد اسماعيل لأبناء الأخوة بس داير أقول ليك حاجة الناس الذين ذكرتهم ديل ما عندهم بنات؟؟؟؟ لأنو بنات موسى عيسى دايرات ليهن رفيقات....و لو ما عندكم ...ما تحسبوهم معاكم بعدين هم زاتهم ما أولاد مغتربين.....وطالما أنا عمهم قاعد معاهم هنا في السودان...بنلقى ليهم فرصة ما مشكلة.... و بعدين الزول المجنون الأسمو بالقلبة دا...خلاص داير يقعد هنا في السودان
دا كان ما جاب ليهو جن تاني
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
عندما يرن جرس التلفون ويكون رقم المتصل من السودان أرد بأسرع ما يمكن.. رن هذه المره و رفعت بنفس السرعة... آلو آلو...السلام عليكم.. و عليكم السلام.. كيفك يا الرشيد... تووووووفي...مش معقول..كيف حالك و حال عيالك... غنيماتك بقيراتك...و أبو العيال..
أمشي كده...والله أنا زعلانه منك جدا... مني أنا ليه...ان شاء الله خير... تجي السودان و ما تجيني يا الرشيد...أسمع بيك سمع... لكن أجيك كيف و أنا ما لقيت ليك تلفون ولا دليل...عارفك في بنك المزارع...و جيت كم مره جمب البنك...لكن في بالي انك في بحري.. سألت كل الناس ما عرفت ليك تلفون...
كانت تلك الزولة الجميلة الفاتت الكبار و القدره..عواطف دفع الله... عواطف دفع الله و بسيرتها الذاتية الكاملة الدسم...رغم انها دفعتنا و لكن من فرط محنتها و اهتمامها بالآخرين كنا نناديها بيا ماما... دائمة الابتسام...كريستالية القلب..
شكرا عواطف دفع الله...و عدم جيتي ليك في السودان رغم المحاولة الا انني أطلب السماح يا ماما و أمسحيها لي في وشي...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا جلا والله الزول المع يوسف خالد دا ما عرفتو ... وبعدين حول موضوع قبول أولاد ناس الزقازيق في الزقازيق فكرة جميلة والله حقو الناس الكبار ذاتو يمشوا يقروا معاهم يعني تكون نظام أسر وكدا ، اليعمل ماجستير ، والعندو ماجستير يعمل دكتوراة , كده الفكرة تبقي أحلي ، كل زول يقنع ليهو من سنتين تلاتة أصلهم رايحات ساكت . والماعندو طريقة ممكن بالبحث يعني كل سنة يمشي شهرين تلاتة أو مرتين تلاتة يقابل المشرف أو شئ مشابه لذلك تكون الفكرة أحلي ... بس في حاجة مهمة راي الأولاد ديل شنو في النهاية وزي ما قال الرشيد بابكر قبل كده نحن زمان كنا في زمن سيادة الآباء علي الأبناء ، والآن في زمن سيادة الأبناء علي الآباء يعني في الحالتين انا ضايع ... انا شخصياً موافق علي الإقتراح دا وما عندي مانع ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: بس في حاجة مهمة راي الأولاد ديل شنو في النهاية وزي ما قال الرشيد بابكر قبل كده نحن زمان كنا في زمن سيادة الآباء علي الأبناء ، والآن في زمن سيادة الأبناء علي الآباء يعني في الحالتين انا ضايع ... انا شخصياً موافق علي الإقتراح دا وما عندي مانع ... |
أحرص دايما على موعد نوم أمنية و مهند...فأفرض عليهم الحظر بعد التاسعة حتى يأخذوا قسطا كافيا من النوم ينعكس ايجابا على نشاطهم و تحصيلهم في اليوم التالي... في يوم وبعد أن اوى مهند الى فراشة تفقدته بعد نصف ساعة فوجدته صاحيا ثم بعد نصف ساعة أخرى وجدته صاحيا...قلت ليهو مالك يا مهند صاحي في حاجه...قال مافي حاجه...مش على كيفي أنوم و لا ما أنوم...
و تقول لي برضو تحدد ليهو يدرس وين وكيف....و من حسه....
رغم انني أؤيد الفكره (غلبا و غالبا)...خصوصا فيما يتعلق بالدراسات العليا.. لكن ده زمن مختلف...و من ما كان أسماء لاعبي الكورة القطر ودريسة و المحينة أصبحوا هيثم ومهند...و برضو مؤيد (غلبا و غالبا)...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا جلا والله الزول المع يوسف خالد دا ما عرفتو ... |
الزول دا من قدامى المحاربين يا زناتي...يمكن الرشيد يجيب خبرو ...يمكن....يمكن.... لكن أقول ليك ...شد جرس للكمندان
بس ما يقول ليك دا زول مجنون لقوهو في الشارع و صوروهو
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
جلوسا طبعا يا رشيد ..
رشيد القوم
عائشة محمد دين او درية عبد السلام ( والله ما باعرف افرق بيناتهم )
( الثالثة دى جليتها لكن بمكن تكون نجاة الامين )
هويدا عوض الكريم
الرقيقة .. سلوى عثمان عبيد
( فــوّت يا رشا .. ما لابس النظارة ودايش وراسى لافة )
سؤال ليك يا حبيب :-
من هو صــاحب القولــة المشهورة ( خــــلنى انــا ســـاف ) ؟
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: عائشة محمد دين او درية عبد السلام ( والله ما باعرف افرق بيناتهم )
( الثالثة دى جليتها لكن بمكن تكون نجاة الامين )
|
عائشة محمد دين...
و الثالثة دي مفيده...
ما عرفت الزول صاحب المقولة المشهورة...
محمد صديق حمدالله على السلامة...ان شاء الله تكون استقريت خلاص....و استحميت...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
جنابو مرحبتين .. وحمدا لله على السلامة يا جميل
مبروك البيت والحمام وانشاء الله منو للملك طوالى ..
أها بعد ما تقشوا العتبات يوم السبت .. راجينك بى حكاوىك الطاعمة
هاردلك لسيد اللبن .. كورة البلد شكلها كلها بقت .. المعاهـ قزاااااز !!!
*********
صح يا رشيد مفيدة سعيد
صاحب القولة هو صاحبنا اللذيذ ... محمد العوض الطيب ... تخيييل!!!
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: والله حليلك يا بت يا بطه ... |
اضافة ياسمين لهذا البوست يعتبر اضافة بهجة لا حدود لها له...
عرضت عليها مشاركتي الباسورد...أو مراسلتي عبر الايميل... هنالك مرة أولى لكل شئ...و ما ان بدأت لأدمنت...
و لأدمناها...
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
راحتْ تُعطِّرُ صوتَها بالوردِ
تفتحُ غيمَ دهشتِها
علي مِسْكِ السؤالْ..
قالت عشقتُكَ مرَّةً
فرميتَ أطلسَكَ البهىَّ على مواقيتِ الزوالْ..
وهربتَ..
عينُكَ هِرة’’ كالصلِّ
توغلُ فى الصدى الليليِّ ،تحلف لا تنامْ..
أتنالُ قربَك هذه البدويةُ الأمجادِ
حين أموتُ بالحمي
على موجٍ تلعثمَ فى حلوقِ الصمتِ
يبحث عن بداياتِ الكلام..؟
أنا لا أقول
فإنما وسمي هنالك عند قاسية الهوي
يرتدُ كالنصلِ القديمِ
يظل ينبحُ في دمي
يرعي ويرضع..ليس فى البال الفطامْ..
إن كان عشقُكِ صادقاً
فتوكلَّي قبلي
أمامكِ صندلُ الأحزانِ فاغتسلي
ودُلَّيني على شرطِ الزمانْ..
لأضوغَ منه رمادَ قافيتي
وألتمسُ الأمانْ..
لا البحرُ يُنجيني ، ولا صيفُ البراءةِ ..يحتوى وجعي
ولا رعبُ التوهجِ أو فضاءاتُ الكمالْ
لا شىءَ
غير تفرُّدى نجما ً يُضيىءُ دواخلَ الأعماقِ
يسطعُ من مراياتِ الشمالْ..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا الرشيد قبل شوية علقنا علي صورة البروفايل السابق وإنها صورة جميلة وخلفيتها رهيبة ، وقلت لإبتهاج الصورة دي كانت محتاجة تتقرب شوية مع تصغير مساحة الخلفية لتكبير وإيضاح الجامع .. أعمل ريفرش أجي القاك شلتها ،، أكيد أنك جاسوس ....
طبعاً المداخلة لحرف البوست عن الشعر والقصائد ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
من الأخبار الهامة هذا المساء أن بوست ناس الزقازيق قد تجاوز عدد قراءه بوست ناس بحري ، وأعتقد بأن هذا الإنجاز أهم من إنجاز أن تكون عدد صفحات البوست هي الأكبر في المنبر .. لأن عدد القراء العالي يشير إلي أن ما يكتب هنا يجد من يقراءه ويتابعه بدقة .. ويضع علي كاهل الكتاب المزيد من التجويد والتنوع ولهؤلاء الذين يقرأوا في صمت نتمني مشاركتهم لنا ونضع ايضاً الإيميل [email protected] لإستقبال هذه المساهمات أو أي من إيميلات الشباب المشاركين بالكتابة في هذا البوست ...
الميكرفون مع البادي ، لا أعتقد هنالك من سيأتي بعد هذا فالكل ضرب الرز باللبن ، وأهدي لنفسي رائعة عبد الرحيم أبو ذكري التي يغنيها مصطفي سيد أحمد (أيها الراحل في الليل وحيدا)
امس زارتني بواكير الخريف غسلتني بالثلوج وباشراق المروج ايها الراحل في الليل وحيدا ضائعا منفردا حين زارتني بواكير الخريف كان صيفي جامدا وجبيني باردا وسكوتي رابضا خلف البيوت الخشبيه مخفيا حيرته في الشجر وغروب الانهر وانحسار البصر لوحت لي ساعة حين انصرفنا ثم عادت لي بواكير الخريف حين عادت وثب الريح علي اشرعتي المنفعله سطعت شمس الفراديس علي اروقتي المنعزله ومضت تحضنني الشمس النديه التي ماحضنتني في الزمان الاول في الزمان الغائب المرتحل ايها الراحل في الليل وحيدا ضائعا منفردا انتظرني فانا ارحل في الليل وحيد موغلا منفردا في الدهاليز القصيات انتظرني في العتامير وفي البحر انتظرني انتظرني في حفيف الاجنحه وسماوات الطيور النازحه حين تنهد المدارات وتسود سماء البارحه انتظرني انتظرني
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: لا أعتقد هنالك من سيأتي بعد هذا فالكل ضرب الرز باللبن |
مين قال ليك يا جميل ...
ما قالوا ليكم جده غير ...
وانا بدورى أهدى لنفسى رائعة بدر شاكر السياب .. ســـفر أيــوب
ثم انام ملْ جفونى لأصحو على وقع خطوات الريس ميســره فى حدائق كلية زراعة
ومهما استبدّ الألـمْ لك الحمد، إن الرزايا عطاء وإن المصيبات بعض الكرمْ ألم تُعطني أنت هذا الظلام وأعطيتني أنت هذا السّحرْ؟ فهل تشكر الأرض قطر المطرْ وتغضب إن لم يجدها الغمام؟
شهور طوال وهذي الجراحْ تمزّق جنبي مثل المدى ولا يهدأ الداء عند الصباحْ ولا يمسح اللّيل أوجاعه بالردى ولكنّ أيّوب إن صاح صاحْ: لك الحمد، إن الرزايا ندى وإنّ الجراح هدايا الحبيبْ أضمّ إلى الصّدر باقاتها هداياك في خافقي لا تغيبْ هداياك مقبولة. هاتها ***** أشد جراحي وأهتف بالعائدين: ألا فانظروا واحسدوني فهذى هدايا حبيبي جميل هو السّهدُ أرعى سماك بعينيّ حتى تغيب النجوم ويلمس شبّاك داري سناك جميل هو الليل أصداء بوم وأبواق سيارة من بعيد وآهاتُ مرضى، وأم تُعيد أساطير آبائها للوليد وغابات ليل السُّهاد الغيوم تحجّبُ وجه السماء وتجلوه تحت القمر وإن صاح أيوب كان النداء: لك الحمد يا رامياً بالقدرْ ويا كاتباً، بعد ذاك، الشّفاءْ
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: وأهدي لنفسي رائعة عبد الرحيم أبو ذكري التي يغنيها مصطفي سيد أحمد (أيها الراحل في الليل وحيدا) |
زهير الزناتي يقول حاجة ويسوي حاجة علماً بأنه ذكر في مداخلته عايز يكسر حاجز الشعر
Quote: وانا بدورى أهدى لنفسى رائعة بدر شاكر السياب .. ســـفر أيــوب
ثم انام ملْ جفونى لأصحو على وقع خطوات الريس ميســره فى حدائق كلية زراعة |
محمد عيد دائماً حضور...لمن يكون شيطان الشعر لافي بوست الزقازيق بي رجل واحدة
Quote: من أجمل وأمتع ما تغني به الموسيقار الأستاذ يوسف الموصلي .... الأماني السندسية |
ياسر نجيلة...يحليها و يصبح عليكم بي الأماني السندسية ....وعزف موسيقي رائع طوالي ركبت الموجة و قلت يلا نمشي نشوف الزول المجنون الدسوقي المعطون حباً بأمدرمان يقول شنو
يا زمن الأفراح الورديه فى ماضى الأيام القاسية المرّه كلماتى.. تعبر موجات البحر وتصل إليك وتحط على فرعٍ فى حقل فؤادكِ.. بين يديك وتقول :أنا أهواك أحببتكِ حين الحب بأرضكِ غير مباح ممنوعُُ بالقانونْ ممنوعُُ يا سمراءُ لأن الحب هناك جنونْ وأنا مجنون تعرفنى كلُّ الأشعار يعرفني الليلُ المسدلُ سترتَهُ وشقاءُ الفنِ وكلُّ نهار لا أُحْسِنُ أن أبقى من غير الحب والحب حرامُُ فى الصحراء وأنا يا أنتِ أيا سمراء إحساسى لا يعرف طعم المال ولا البترول الشاعرُ يسمعُ صوتَ الحُسْنِ ..ويُحْسِنُ كُلَّ فنون القولْ لكنْ أن يحيا فى أرض جفافْ أنْ يصنعَ أعصاباً من أليافْ لتكون مكان الحِسِّ على الإنسانْ فمحالُُ ذلك ليس من الإمكانْ ولذلك حينَ عبرتُ البحر إلى السودانْ غنّيتُ سعيداً كالأطفالْ ونسيتُ حلاوةَ طعم المالْ ورجعتُ أغرّد بالأفياءِ بكل مكانْ وركعتُ أقِّبلُ أم درمانْ هذى العاصمةُ الأنثى أهواها مذ كنتُ غراماً فى عينىْ أمى وأبى وحملتُ الحبَّ معى بدمى.. فى رحلة هذا العمرِ... . .وأحْمِلُهُ حتى ألقى ربى كلماتى يا زمن الأفراح الورديه عبرت موجات البحر لتصل إلأيك لتقول: أنا مشتاق لِتُطِلَّ قليلاً فى عينيكْ ولتحملَ عذرى فى سفرى فأنا يا سمراءَ الصحراء.. . .هذا قدرى.. ان أعشق أنثى عاصمةً تلك المحبوبة أم درمان
بالله مش جننتكم
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: دي هدية صباحية لعثمان الجيلي من ألبوم العزيزة حنان مجمر علي الفيس بوك .... |
و الله يا زهير ذكرني المسلسل بتاع راجل و ست ستات اها عثمان الجيلي قال ليك راجل و تلات ستات و الله أيام يا زمان....شباب و ذكريات و لا أحلى
ذكريات تجنن....
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
صباح الخير يا وجوه الخير ،،،،
يا ناس وردية الليل يوم أمس لم أزوركم لإرتباطات إجتماعية ،،، وبعتذر لناس زراعة لتأخري في إنزال صورهم وبطلب منهم المعذرة لأن الكلية عجبتني بخضرتها النضره وحائقها الجميلة وبحثت عن مربع كاي ولأني أجهل من هو كاي وفي أي موقع وبصراحة حاولت أصور كل المربعات حتى أظفر بمربع كاي الشهير منكم من خلال الصور فأعذروني أنا ما زي النضيف بزور زراعة كل ثمانية ايام في الإسبوع .
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا الرشيد قبل شوية علقنا علي صورة البروفايل السابق وإنها صورة جميلة وخلفيتها رهيبة ، وقلت لإبتهاج الصورة دي كانت محتاجة تتقرب شوية مع تصغير مساحة الخلفية لتكبير وإيضاح الجامع .. أعمل ريفرش أجي القاك شلتها ،، أكيد أنك جاسوس ....
|
أبو الزوز.... الحيطان.........ليها ودان...
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
تعازينا للأخ الطيب شيبس في والدته
اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله لها الرحمة ولذويها وللأخ الطيب الصبر
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
كتبنا اسماء زقازيقاب الرياض قامت علينا جنس كتاتيح ظهرت لينا جنس كوامر قديمة قديييييييييمة شى عايز يتعمر , وشى عايز ليهو مكنة جديدة عدييييييل وفى حاجات كمان التقول مقرشة ظهرت تانى بى ورقتها قمر الدولة عبدالمطلب يا الرشيد الطيب سلمان ونادر سعدابى يا محمد عيد اها وقالوا ليك فى كمان محمد عوض وعبد العزيز ادريس اها ديل ما بندخلهم الا يبرزوا ما يثبت انهم زقازيقاب زى شهادة قيد وكده عاطف عبد الملك قال من خريجى 1981 والليلة عنده دكتوراة وحاجة كبيرة اوى فى الأنتاج الحيوانى يعنى باختصار كده يوم الخميس الجاى المواقف بتاعتنا حاتكزن شايلة ركشات , اتوسات , كورلات , باجيروهات , برادوات وتوجد اماكن خاصة للترلات والكوامر
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
الرشيد والله نهلة دي كنت بتكلم معاها نهاية الأسبوع المضي وكانت تمام التمام ، المرض إلا شئ جابتو في اليومين ديل بعدين صاحبك معاوية يحيي الأيامات دي خاشي في حالة بيات شتوي ، وعامل نايم من أي حاجة ... أكيد حا أتصل بيها ونشوف الحاصل شنو ....
يلزم سرير المرض بمستشفي ساهرون الأخ يعقوب كبر (حقوق) وهو الآن يتماثل للشفاء بعد إجراء عملية جراحية وأحاول إدراج رقم يعقوب في البوست للإتصال به والإطمئنان علي صحته ...
بالنسبة لتلفون الطيب يبدو لي أن الوفاة كانت في صبيحة اليوم ولديه رقم آخر وهو سوداني 0122295955
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
أسال الله تعالى أن يرحم والدة زميلنا و أخانا الفاضل الشيخ / الطيب ( شيبس ) و أن يغفر لها و يدخلها فسيح جناته و أسأله تعالى أن يعف عنها و بكرم نزلهاويوسع مدخلها و يغسلها بالماء و الثلج و البرد .. و أن ينقها من الذنوب والخطايا كما ينقى الثوب الأبيض من الدنس .. وأن يبدلها دارا خيرا من دارهاوأهلا خيرا من أهلها ..و يدخلها الجنه و يعذها من عذاب القبر ..ويجعل قبرها روضة من رياض الجنة .. أحر و صادق التعازي للأخ الفاضل / شيخ الطيب و لكافة أفراد أسرتهم في هذا المصاب الأليم و الفقد الجلل .. و لا حول و لا قوة إلا بالله العلي العظيم .. و لا أراكم الله مكروهاً .
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: ركشات , اتوسات , كورلات , باجيروهات , برادوات وتوجد اماكن خاصة للترلات والكوامر |
عارف يا منص يوم الخميس بتاعكم ده ح يكون زي الجمعية التأسيسية زمان لمن إنتهى الإجتماع قال ليهو البوس أخوي مركوبي ما وقع في عينك ، آه لازم توثقوا لينا اللقاء ده وتبثوه عبر ناس الزقازيق أجدع ناس بعد يوم السبت أكون أنا خلصت حكاية الزقازيق الناقصة , سامع الكلام ده يا جلال ، صاحب الكاميرا منو يا جماعة ؟
عموماً أنا ح أكون معاكم أو كول ،
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: المواقف بتاعتنا حاتكزن شايلة ركشات , اتوسات , كورلات , باجيروهات , برادوات وتوجد اماكن خاصة للترلات والكوامر |
الفنان الراحل أبو داؤود جاء للمشاركة في احد المهرجانات في قاعة الصداقة فاراد أن يوقف سيارتة في الموقف و كانت سيارته قديمه لا تشبه باقي السيارات فطلب منه شرطي المرور أن يوقفها بمكان آخر...قال ما ياها العربيات واقفة قال ليهو ديل زي عربيتك...
قال ليهو أبو داؤود ماله عربيتي.....بتبعر...
قمر الدوله ده وقفوهو على بعد اربعة شوارع من جلال....
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: يلزم سرير المرض بمستشفي ساهرون الأخ يعقوب كبر (حقوق) وهو الآن يتماثل للشفاء بعد إجراء عملية جراحية |
اللهم انا نسألك ان تعافية من كل بلية ونسألك أن تتم عليه العافية ونسألك له دوام العافية ونسألك الشكر على العافية....
| |
|
|
|
|
|
|
|