|
Re: ناس الزقازيق ... أجدع ناس .. (Re: جلال عثمان)
|
Quote: الرشيد ابداعاتك تبعث في الروح وهجا وحكاويك تحثنا على اجترار الذاكرة واصل اخي ... فنحن في جدب وغربة وطريق ممدود يحتاج لمثل هذه ال rest houses |
جلال وينك ياخي...من قبيل عايز أجي أناوشك ومعاي ضيف... يلقاني سرحت مع الكمبيوتر يقول لي يالله أنا بمشي أخليك انت مشغول...فحسيت بي بياختي أديت الكمبيوتر ضهري و ركزت مع الراجل... تسلم يا جلجل على الكلمات الطيبات...
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
والله ياشباب أمتعتونا بالادب والادباء وخاصة بصورة أعضاء محراب الفنون وشاعرنا الأديب / مختار دفع الله ربنا يوفقوا ويحفظوا ونتمنى أن يشرفنا بجاي
الأخ محمد آدم أكيد الشرح الزيادة بفقد الشيء طعمه
لكن عندما سألتك في مداخلة سابقة عن المثل
(ابو دنقة من فلهمتوا خلّى خشمه وبقى يعضي بعنقرتو)
شايفك كبيت الزوقة مالك ماقلتو نوبة
وكلام ناس دارفور كثير لكثرة قبيلهم هل تصدقك بأنّ دارفور فيها 170 قبيلة
فلو جبنا ليك كلمات من بيت الكلاوي مثل
اللقدابة والشكابة والرقابة والدانقاية
الستيب والدليب والهالوك والجق جق
والدنزاي والطوراي والفرخاي والمندجى
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
Quote: اللقدابة والشكابة والرقابة والدانقاية
الستيب والدليب والهالوك والجق جق
والدنزاي والطوراي والفرخاي والمندجى |
سلام يا زول يا رائع أشرح ساكت ...و أنا نطيت من كلامي الأول ...ونحن نوبه وزيادة كمان بالرغم من أن زهير قال لينا نراعي التنوع الثقافي و الإثني...لكن كلامك دا مافي زول يشرحو إلا نجاة حوفي
داير تجنني مالك!!!
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
دي واحدة من إبداعات الولد عبد الحميد البرنس في بوست عن ملكات الجمال ، الرشيد الزول دا لو قدرنا جبنا بي جاي حا نكون كسبنا إنسان ما عادي ، البرنس زول كتاب وفنان ومثقف وإنسان جميل وأحسن من يتلكم عن الطيب صالح رايكم شنو يا جماعة نقول الموضوع القادم أو بعد القادم نتكلم عن عبقري الرواية السودانية الطيب صالح بشكل جديد ونأخد نموذج لواحدة من رواياته مثلاً موسم الهجرة للشمال وفي الفترة دي نعيد قراءتها بأفق جديد ويا ريت لو في زول وضع لينا محاور للنقاش عشان حتي القراءة نفسها تكون وفق هذه المحاور وانا ارشح البرنس وسأتكلم معه حول هذا الموضوع وأرشح عدد من الناس الذين عرفوا بعلاقتهم المميزة بأدب الطيب صالح كمتحدثين رئسيين ، مثل البرنس ، صلاح الأمين ، محمد صديق ، إضافة لطارق جبريل الذي يتميز بأنه صاحب علاقة خاصة بالطيب صالح نفسه
Quote: في تصوري, باديء ذي بدء, لا أكاد أقول إنه لا توجد فكرة في هذا العالم غير قابلة للحوار أوالجدل باحترام. وحتى في حال وجود درجة عالية من الاختلاف للآخر حرية التعبير والحق في اعلان رأيه عبر كافة أشكال التداول السلمي. وحسب قتيبة بن مسلم "إن الفكرة لا تقاوم إلا بفكرة. وإن الفكرة إذا اصطبغت بالدم جذبت لها مؤيدين وأنصارا". ولعل ذلك ما وعته حركة النهضة الأوروبية حين أرست هذا الشعار "دعه يعمل.. دعه يمر". ذلـك أن آليات غير عقلانية مثل القهر أوالكبت أوالإلزام من شأنها إعطاء مشروعية ما لأكثر الأفكار لا إنسانية من خلال وضعها محل الضحية وما إلى ذلك. ما أحاوله هنا بداية هو سعي لإرساء منطقة لحوار نقدي بعيدا من إشكاليات تسفيه الآخر أوتحقيره بقدر أوآخر.
واستطرادا, نحن نعلم على نحو أساس منذ ميشيل فوكو أن الاحتفاء بما يبدو للوهلة الأولى هامشيا أوحتى انصرافيا يمكن أن يقود كموضوعات بحث إلى فتوحات كبرى على المستوى الفكري, ولعل ذلك ما حاولته من قبل من خلال مقاربة احدى لوازم الفكر اليومي السائد (ود العرب ما بعمل كدا) للوصول إلى كيفية عمل وفهم طبيعة (الخطاب الثقافي السائد في السودان).
ويحمد لمهدي عامل هنا, تحذيره الحاذق من خطورة انزلاق الفكر التقدمي نحو مواقع يمنية, إذ لا يعقل بأية حال انتاج مفاهيم تثويرية للواقع بعقلية قديمة أومناهج تقليدية كالفكر الثنائي الذي يقيم رؤيته للعالم من خلال مفاهيم بائسة مثل النقل والقهر وقد استراح في كسله وخوائه على تقسيمات ذات طابع ثنائي ضدي حاد مثل الخير والشر والحق والباطل والصواب والخطأ مقيسا حركة الواقع المتجدد وفقا لقوالب حكمية جاهزة.
من جانبي, أتساءل هنا, ما مقياس الجمال؟, ماعلاقة ذلك بموضوعة الهوية مثلا؟, إلى أي مدى يكشف هذا المعيار عن درجة ما أسميه (تقبل الذات)؟, وبتحفظ شديد على تطرف بشاشا أين يقع مفهومه (كاره ذاتو)؟, هل هو المقياس الأوروبي التقليدي المتمثل في درجة بياض البشرة وطول الشعر أونعومته.. ذات المعيار الذي أثقل ميزانيات محدودة من خلال الصرف على نحو مرضي على مايطلق عليه مساحيق البشرة وكريمات الشعر؟, هل هو جمال داخلي أم خارجي, وعلى ضوء ماهو نسبي: هل يوجد معيار ثابت للجمال أصلا؟. |
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
يا ناس عندي اقتراح وهو امتداد للتواصل مع اخواننا واخواتنا المتابعين والمستمتعين في كل البقاع والاصقاع والذي قطع فيه منصور شوطا ثم نسيناه كل واحد فيكم عندو كتاب الخريج اقل حاجة بتاع السنة الاتخرج فيها عليه سوف تكون المسابقة كالآتي:
درس مراحله الدراسية في: رفاعة الشرقية الابتدائية - الشيخ الطيب المتوسطة - رفاعة الثانوية - ثم كلية التربية حكمته: Unreal friendship may turn real, but real friendship once ended can't be mended وكانت كلمته التى وجهها : اصدقاء الغربة ستظلون بأعماقي دوماً
فمن هو؟
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
مالك حواسى المرهفه
وقتين الاقى مصادفه
بى رقه وانبل عاطفه
إحساسى بغريهو السلام
****
واحساسى يصبح زى سفن
عينيها فى بر الخليج
وعتابى يبقى ملاطفه
وقتين ألاقى مصادفه
****
الدخول الى جنينة مختار دفع الله يدفعنا قسرا لفتح بوابة المحراب
وما أتى به العزيز نجيلة مع اضافات ابتهاج وعفاف وحتى ديدو اعطت بعض
الاضاءات الجميلة ...
المحراب فكرة ابتكرها اخونا حافظ ابو عاقلة ( موسى لى هسه ما جاب تلفونو )
وتضامن معه فى رعاية هذا الجنين شاعرنا الكبير مختار .. وشكلا سويا الكيان التمهيدى
للجمعية ..
وفى اواخر عام 84 تكونت اول لجنة تنفيذية للمحراب برئاسة حافظ وكان معه ..
نور الدين عثمان ( طب ) وزاهر الصادق وعادل الزاكى وآخرون .. وكانت هذه اللجنة
التى قام الاتحاد بمحاربتها وتصدت له بشجاعة وقاد حافظ المقاومة بشراسة فى جمعية الاتحاد
العمومية الشهيره التى عقدت بقصر الثقافة والتى اشتهرت بمرافعته القوية ومدخله الجميل والذى
نذكره حتى الآن ( أكتبى يا فدوى ) .. وهى نفس الجمعية التى شهدت ظهور أشهر من انسلخ من
الاتحاد فى ذلك الوقت .. اخونا عثمان الهادى بيطره ..
وقد كانت مواضيع المحراب ومشكلة اسرة زراعة التى حلها الاتحاد اضافة الى انسلاخ عثمان الهادى هى
اقوى الاسلحة التى خاض بها التجمع الانتخابات وفاز بها وأتى بالقائمة الوطنية التى رأسها الاخ /
ميسره سيداحمد ..
نعود للمحراب وقد جاءت اليه لجنة تنفيذية جديده رأسها اخونا السمؤال محمد الطيب عربى وكان
معه بهاء الدين ازرق ومحمد عيد والمرحومة نوال محمد على وعمر تربية و اميمة دفع الله ( التى
انسجبت بعد فترة وحل محلها عمر كشاح ) .. وبعدها جاءت آخر لجنة حضرناها فى الزقازيق وتلك
التى رأسها اخونا ياســر نجيلة ..
ومؤكد ان الحديث عن المحراب يحتاج الى ملفات وملفات واذا تيســر لنا الامر
قد نقوم يوما - انا ونجيلة - بتنظيمها وانزالها فى هذا البوست .. خصوصا وقد اتضح لنا
وجود مخزونا طيبا من الذكريات والوثائق لدى بناتنا ابتهاج وعفاف .
فلنكمل اولا التنزه فى جنينة مختار حتى يزداد جلا جنونا ..!!
تانى جيتك
شايل معاى طيبة الصباح
شايل معاى أمل السنين
ناسى القبيل من عمرى راح
ناسى الضياع الكان زمن
مدسوس بتاور فى الجراح
والليلة جيت بى كل ود
طالب الرضا وطالب السماح
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
معليش يابهجة "تطاقشت" الاقتراحات ويعيدا عن التنوع الثقافي والاثني والتعددية والديمقراطية وكل الحاجات التانية القادننا بيها "بعلك" وجلا ، ترتيب المداخلات هو الفيصل فشيخي الطيب الصالح يعلو ولا يعلى عليه
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
انت بس قول للحاجة تعمل الرز بي لبن منزوع الدسم وبعدها أشرب ليك كباية أتاي (شاي أخضر)...يمين الساعة أربعة صباحا دي تشعر بيها زي الساعة أربعى العصر...
انت عارف يا جلال الحكاوي كتيرة جدا والسبب انني عشت في مناطق كتيرة في السودان بحكم عمل الوالد بوزارة الصناعة...فلقد عشنا تجارب مختلفة و لحظات سعيدة وأخرى حزينة و بقيت لنا منها زكريات جميلة نسعد كثيرا عندما نتذكرها...
عندما كنا في بابنوسة..كان في واحد بيشتغل معانا اسمه عبدالله...كان عبدالله بمثابة مربي لنا أكثر من انه واحد شغال معانا...كنا دائما نداعبه بقولنا يا عبدالله شيل الحلة الحلة تقيلة وقعت منك كسرت سنك
وكان عبدالله يطلق علينا ألقابا أنا واخوتي...فلقد كان يسميني الرشيد جماده لأنني كنت أحب جمادة اللبن...كنا في مصنع ألبان و كان يؤتى باللبن بالحلة الكبيرة جدا وعندما يفور اللبن ثم يبرد اتسلل الى المطبخ دون أن يفطن أحد و أشيل كل الجماده على سطح اللبن و كنت أتلذذ بها...الوحيد الذي كان يكشفني كان عبدالله فأطلق ذلك الاسم... أصبحت أمي بعد ذلك تأخذ الجمادة و تقدمها لي..فكفتني التسلل...
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
الكلام يتواصل عن الاخ مختار دفع الله محمد واصحح اختنا الصغرى عفاف بان اخر ديوان لمختار دفع الله صدر فى اواخر 2007بعنوان الفرح المهاجر وهو بالعاميه وقد تلقيت منه نسخه مع اهداء رقيق فى رقه مختار بالمناسبه مختار جاء الزقازيق طالب بكلية الزراعه والتى سرعان ما تحول منها الى الاداب وهو الان يحضر فى رسالة الدكتوراه بجامعة امدرمان الاسلاميه0 وقد تم تكريم الاخ مختار فى رمضان الحالى بدار فلاح0 وهذه مقتطفات من بعض قصائد الديوان انا فى كوبر العشاق من اشهر مساجينك وانا يوم جيت نقرتو هواك جيتك فنجرى و جعيص ما ساومت فى ريدك ولا فى خاطرى جال تبخيس ======================= وفى قصيده اخرى
مصر يا قلبى تانى تريد تعيش من تانى متشاقى تودر فى الغرام عمرك هو فضل فى العمر باقى ===================== اترك الديوان لاعيش مع المخيتير فى الزقازيق وهو يهجو تلك الحسناء قائلا
سمحه وسمحه ايه الرقيبه ملفوفه لفه والخشيم لوشفتو تحلف تقول فوقو سفه بس لو قيله نفسك اسمح بناتنا تبقى مغشوشه ولا غاشاك المرايه <حاولت تجميعها من ذاكره خربه فعفوا ان اخطاءت> من زكرياتى مع مختار كنا نجلس عصرا فى شقه ابوبكر مكى وكان فى زيارته د0صلاح فرج الله وقد كان وقتها قد انتهى من رسالة الماجستير وهو يتحدث لنا عن موضوع الرساله وكيف انه يعمل على اصدارها فى كتاب 0000وهنا دخل علينا مختار تم تعريفه بكتابه المرتقب وبما ان مختار رجل كئير المجامله فما كان الا ان فاجئنا قائلا بانه قراء هذا الكتاب وانه يعد مرجع للفن والموسيقى فى السودان فماكان من الجميع الا ان انجروا ضحكا مع صيحة ابوبكر فضحتنا الكتاب ما طلع يا رزق البوت<رزق البوت شخصيه كاركتيريه لمصطفى حسين> عفوا للبرايه مع حبى وتقديرى
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: دي واحدة من إبداعات الولد عبد الحميد البرنس في بوست عن ملكات الجمال ، الرشيد الزول دا لو قدرنا جبنا بي جاي حا نكون كسبنا إنسان ما عادي ، البرنس زول كتاب وفنان ومثقف وإنسان جميل وأحسن من يتلكم عن الطيب صالح رايكم شنو يا جماعة نقول الموضوع القادم أو بعد القادم نتكلم عن عبقري الرواية السودانية الطيب صالح بشكل جديد ونأخد نموذج لواحدة من رواياته مثلاً موسم الهجرة للشمال وفي الفترة دي نعيد قراءتها بأفق جديد ويا ريت لو في زول وضع لينا محاور للنقاش عشان حتي القراءة نفسها تكون وفق هذه المحاور وانا ارشح البرنس وسأتكلم معه حول هذا الموضوع وأرشح عدد من الناس الذين عرفوا بعلاقتهم المميزة بأدب الطيب صالح كمتحدثين رئسيين ، مثل البرنس ، صلاح الأمين ، محمد صديق ، إضافة لطارق جبريل الذي يتميز بأنه صاحب علاقة خاصة بالطيب صالح نفسه
|
أتاريك انتي يا بهجة البتكتبي البوستات وبتنزل باسم زهير...
والله يا ابتهاج سمعت كثيرا عن البرنس و متشوق لمعرفته...نرجو أن ينضم الى ركبنا حتى يضفي اليه جمالا و ألقا... فكرتك رائعة و أنا لها من المؤيدين...
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: الاخ زهير تحياتى 00000اتصلت بك عصرا لكن يظهر بتاكل رز بلبن راجع ايميلك حولت لك طلب الاخت اخلاص نور زراعه والتى اتصلت من جنيف تبدى رغبتها للمشاركه بالبوست<مشحتفه عديل> واكيد ناس زراعه اكثر والزقازيقاب اكثر شوقا لمشاركتها000 |
و أنا أكتر واحد في زراعة تشوقا لمشاركة الجنرال اخلاص محمد أحمد...الغريبة أنا متواصل تلفونيا مع اخلاص وأعرف أنها بتفتح البوست قبل أن تعد قهوتها الصباحية ثم تتلذذ بالاثنان معا... أثني و بشدة على طلبها...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا ناس عندي اقتراح وهو امتداد للتواصل مع اخواننا واخواتنا المتابعين والمستمتعين في كل البقاع والاصقاع والذي قطع فيه منصور شوطا ثم نسيناه كل واحد فيكم عندو كتاب الخريج اقل حاجة بتاع السنة الاتخرج فيها |
جلال لا أجد أي تعارض أي تعارض بين اقتراحك و اقتراح ابتهاج...هي أيضا فكرة جيده...فالى الأمام...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
آسف أولاً علي التداخل بيني وابتهاج وفيها شنو يا الرشيد لما أشيل الباسويرد بتاعها شدة هي الفترة الفاتت ما كانت منتشرة معاي .. وطبعاً دي واحدة من مشاكل سودانيز أونلاين حينما تدخل ليس هنالك خيار لحفظ الباسويرد من عدمه ، مما يؤدي لكثير من الإشاكالات .
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
خلاص قومتها قلت ليها خلاص كفاك أمشي نومي....
انت يا زهير الجماعة الرجعوهم من ليبيا ديل جابو ليهم هدوم في الطيارة... و الله السؤال ده كان محيرني ما قدرت أسألو بي هناك شايف الجماعة جادين جدا.. و خفت يشتموني يقول لي التزم يا زميل...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: رحم الله الدكتور أحمد السيد حمد فهو من أبكار خريجي مصر ، ومن الذين وضعوا لبنات الحركةالطلابيةهناك ، الحركة التي رفدت السودان بعدد كبير من قادته السياسيين وفي كل ضروب الحياة . وقد كان رمزاً وطنياً بارزاً وقطب في الحركة الاتحادية طيلة السنوات الستين إن أتفقنا معه أو أختلفنا حول بعض مواقفه إلا أن أحمد السيد حمد سيظل تاريخاً تذكره الأجيال لفترة طويلة . رحمه الله رحمة واسعة والعزاء لأسرته وللحزب الاتحادي الديمقراطي ولصديقنا الرشيد بابكر ... |
اتصل بي والدي مساء اليوم ليبلغني بخبر وفاته...فلم أرغب في أن أفسد عليك أمسيتكم و تداخلت معكم و كأن شيئا لم يحدث لأجد السلوان عندكم... رحم الله عمي أحمد السيد حمد رحمة واسعة و انزله مع الصديقين والشهداء وحسن اؤلئك رفيقا...فلقد قدم للسودان و للسودانيين عطاءا بلا حدود..وكان كنزا معرفيا وسياسيا كان عطوفا وحنينا و رقيقا...قضينا معه أنا ونجاة شهر العسل في شقته في حي المهندسين بالقاهرة و كان يوصيني على نجاة كل صباح..فلقد كان يحبها كثيرا...كان يفرح لرؤيتنا ويغضب عندما نغيب عنه...و لي معه ذكريات لا يمكن حصرها ولا عدها... رحمه الله رحمة واسعة وجعل مثواه الجنه...
و شكرا أخي زهير...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: زهير ياخي أنا نزلت ليك الأغنية مخصوص عشانك الصباح ولم تعبرني... |
الرشيد إنت ما قاعد تفهم و لاشنو؟؟؟ الزول دا قال ليك راعي للتنوع الثقافي و الإثني في البوست دا... لأنو في ناس ما عندهم شغلة بالغنا بتاعك دا!!! لكن ممكن الإتفاق على مختار دفع الله في كل شئ بما فيه قصيدته العـام مضي العام مضي ايامو راحت وانقضى لا عشت فى ليلو البراح لا ضقت يوم طعم الرضا وانا لسه تايه يا جميل زى ضو نجميات فى الفضا العام مضى العام مضى وروح سريع وانا لسه يا زولى الوديع لا رشة فى ارضى الخريف لا طلَّ واحاتى الربيع لكنى متفائل معاك آمالى لا يمكن تضيع العام مضى العام مضى وروح هوى وانا يا جميل مفتون هوى سافرت فى دربك زمن *** اختانى فى ريدك نوى واشواقى لى طيفك بحت نتلاقى فى الاحلام سوا
ويا محمد عيد التلاقي في الأحلام إلا تكون مجنون
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
انا لله وانا اليه راجعــون
خالص العزاء للاخ / الرشيد بابكر ووالده والاسرة جمعاء
فى فقدهم الكبير المرحوم د. احمد السـيد حمد
وكما ذكر زهير مهما اختلف الناس حوله فهو رقم لا يمكن تجاوزه
بأى حال من الاحوال وانت تدون فى تاريخ هذا البلد ...
رحم الله د. احمد السيد حمد وجعل الجنة مثواه ..
والعزاء موصول لمولانا محمد عثمان الميرغنى والاسرة الاتحادية كافة .
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
رحم الله الدكتور أحمد السيد حمد بقدر ما أعطى للوطن... ونسأل الله أن يلهمكم الصبر و السلوان الجميل عزيزي الرشيد... وأظنه مرتاح البال و أنت تضع زوجتك العزيزة نجاة حوفي في حدقات عيونك اللهم أغفر له...واسكنه فسيح جناتك اللهم آمين اللهم آمين
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلام يا ناس الزنقة حاصلة ورئيس تحريرنا لسة في ولاية الامن رهن التحقيق والجريدة مشمعة والبوليس واقف لينا ديدبان
يا الرشيد والله اسعدني اتصالك شديد لي درجة ما عارف اقول شنو في جو البوليس دة يا سيدي يوم شكرك ما يجي
كذلك سعدت باتصال من زول جميل جدا مبارك جادين ياخي يا زقازيقاب مهما الزول يحبكم برضو يلقى نفسه مقصر يمين في وسط المعمعة والبوليس دة مبارك خلاني اضحك لامن وقعت علي قاي
احبكم ياخ
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
الرشيد البركة فيكم ، حقيقة لمن أطلعت لي بوست أنور التكينة إتخيلت إنه ما عندك خبر ، فما حبيت أنقل ليك الخبر الشين دا تقبل تعازي أبتهاج طبعا الحالة واحدة وكذلك تقبل تعازي زينب التجاني ما عندها طريقة للدخول هذه الأيام ، ولكنها تشكر كل من سأل عنها ، وهي قد أصبحة بصحة جيدة ، إلا أن والدتها تعاني من بعض المتاعب الصحية ، ولكنها أيضاً تماثلت للشفاء
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: رحمة الله عليك احمدالسيدحمد فقدكنت عفيف اليد واللسان لاننى اتذكر جيدا كيف باءت بالفشل محاولة التشكيك فى امانتك ووطنيتك خلال تلك المحاكمات الشهيره 0لقد كان رحمة الله عليه رقما لا يمكن تجاوزه فى تاريخ الوطن0 الرشيد احسن الله عزاكم |
لقد كان يتسلف النقود لمعاشه و هو وزيرا للتجارة...لقد كنت قريبا جدا منه أخي معتصم لم يقابلني شخصيا متفانيا في خدمة الاخرين مثلة...كنت شاهدا على احتجاجات زوجتة المتكررة على اهماله لصحته رغم نصائح الأطباء له... رحمه الله رحمة واسعة و أسكنه الجنة....
و شكرا أخي معتصم...
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
العزيز معتصم ، شكرا لك لقد استلمت إيميل الأخت إخلاص ، وسندرجها ضمن المجموعة القادمة والتي تضم حتي الآن والترتيب حسب إبداء الرغبة وليس حسب العمر كما توعدنا :
عمر نمله عرفة محمد سعيد أخلاص نور (اخلاص محمد أحمد)
كل من لديه الرغبة في الإنضمام لهذه الكوكبة نتمني المراسلة علي الإيميل [email protected]
وكذلك يمكن المشاركة في الحوار علي نفس الإيميل ، ومناشدة للأخت عرفة الإطلال عبر حساب سيف النصر حتي إكتمال تسجيلها ...
بعض من المجموعة السابقة لم يفيدنا حتي الآن بإستلام الباسويرد من عدمه : حنان مجمر نورا كرم الله كمال الشادي
بخصوص باسويرد الأخ مبارك جادين سنقوم بمحاولة أخري عساها تنجح هذه المرة ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
طارق جبريل البارحة في الأحداث كان هنالك خبر طويل عن زواج هذا الأمير وكان عنوان الحبر زواج أسطوري ، وعرفت في التفاصيل أن الزوجة المانية مسلمة وأن مراسم الزواج كان بها كثير من البذخ وأهل العريس لوالدته كما اعتقد هم أسرة الزعيم اللبناني الراحل رياض الصلح قد جاءوا بطائرة خاصة إلي غيرها من التفاصيل . فعلاً شئ مستفز حينما يشاهد المواطن الفقير في أي دولة مثل هذا التبذير في حفلات الزواج .. كامل تضامنا معكم في الصحيفة ، وكامل تضامنا مع فقراء المغرب ونقيف لا هنا عشان ما نجيب ليكم هوا مع ناس (ولاية الأمن) ودي طبعاً عجبتني جداً لأنه ناس المغرب ديل عندهم مصطلحات غريبة بنقراها في الإعلام المغربي . مشيت فقدتك في الحضور ما لقيتك ياخي طمنا عليكم ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
صباح الخير على وجوه الخير ... أصبحنا وأصبح الملك لله ... اللهم نسألك خير هذا اليوم عاجله وآجله ... ونعوذ بك من شر هذا اليوم عاجله وآجله ... يا ناس وردية الليل مبالغة لكن سهر وإبداع منقطع النظير ... نحن ناس وردية الصباح وحبة عند اللزوم ... عايزين نعرف ناس وردية الشمار ...
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
أخونا رشيد القوم البركة فيكم وأحسن الله عزاءكم ... اللهم أرحمه وأغفر له وتقبله قبولا حسن وأسكنه فسيح جناتك مع الشهداء والصديقين وحسن أولائك رفيقا ... آمين. لكن حقيقة العزاء الأول لي أختنا نجاة حوفي ... وربنا يشفي والدة أختنا زينب التجاني ويشفي جميع مرضانا ومرضى المسلمين ... آمين.
| |
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
الاحباء الرشيد ونجاة جبر الله كسركم وتقبله الله قبولا حسنا
يا زهير مالك عايز تجيب لينا الهوى
مصطلحات المغاربة دي يل زول لو باريتها تمحن عدييييييييييييييل يوم بجيكم بي مزاج لي كلامهم
البوليس فك الحصار عن المقر فقط نترقب هل سيتركونا نصدر عدد اليوم ام لا؟
برجع ليكم
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا جبريلا قطع المعايش صعب ، أقروا ليهم ياسين وإنشاء الله حا تصدروا اليوم ، ودي نصيحة مجرب
يا عبد الدائم كدي شوف لينا نورا برضك ، كمال الشادي قال الباسويرد لسه ما وصله واضح إنه بكري من الصعب يعيد عضوية زول عنده عضوية سابقة ومساهمته قليلة ، يعني واضح بيرجع للأرشيف عشان كده الزول لازم يفعل عضويته بمداخلات متواصلة .
وعايزين نعرف نورا كرم الله وصلها الباسويرد ولا لسه عشان نرسل رسالة واحدة للناس كلها ...
مبارك جادين أخيراً إستلم الباسويرد الجديد ، وقال ماشي الخرطوم وسط عشان يعمل تأمين للجديد بعداك بيجيكم ...
| |
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
احسن الله عزاكم يالرشيد ونجاة فى وفاة احمد السيد حمد ننتظر عودة الريس ميسرة والميل تسعة وستين والميل سبعين محجوزات ليهو بالكامل طارق جبريل منور الليلة فى تغطية الشرق الأوسط لموضوع عرس الأمير وايقاف جريدة اخبار اليوم عن الصدور تضامنا معاكم ياود جبريل بعدين قول ليهم , ده حالتوا كاريكاتير , لو حكيت ليكم حكايات حبوباتى وعماتى حا تعملوا شنو ؟؟ حا ترحلونا يعنى جلال منتظرين الضوء الأخضر انت واحمد اسماعيل
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
عروة يرثي أحمد السيد حمد
Quote: دعني أقصُّ عليك بعض الإنفتاقْ ...
براءة للنيل قط ما بارحته
مواجعُ الحكامِ يوماً أو أبان به انعتاقْ.
ينسابُ مثلُ الحلمِ بين هواجسي نتناً
وتحمله النبوءاتُ العقيمة
بـالنفاقِ إلى النفاقْ.
دعني أسافر فوق خدِّ النيلِ وحدي
ريثما أحترفُ فـنَّـاً للتأفُّفِ
من هشاشات الطغاة الحاكمينَ
وجفوةِ الأيامِ أو ذاك الكمين ...
من حُكِمِ بعض القائمين على الشقاق.
أنا أيها الموءودُ في صدري
تحاصرني الأماني كالحاتٍ
وجهُها الأبوي تـحملني اشتياقاً
سافراً ما ملهَّ ذا الاشتياق.
متمردٌ .. شفتاي تعبثُ بالكلامِ المُرِّ
تحلمُ بالحديثِ الحُرِّ .. تنساقُ انعتاق.
دعني أجالسُك الصباحَ البكرِ
أحملُ في دمي وجعي
وتشدُّ أنتَ مناكفاً في بعضِ أحزمةِ الوثاق.
ما زال هذا النيلُ يروي عن
تفاصيلِ الأحاجي والحكايةْ ...
وكذا السحابُ يمدُّه من كل آيةْ ...
وأنا وأنت وذلك الحلمُ الغوايةْ ...
يستغيثُ بـصحونا المعطوب غايةْ ...
فأتى الصباحُ بلا صباحْ ...
وكذا الجراحُ هي الجراحْ ...
من للجياعِِ المُصْمِدين بطونهم رهقاً
إذا برقت لحاظُ المسغبةْ ...
أو إستبان الصبحُ أوجاعَاً بطعمِ المتربةْ ...
من لليتامى القابعين على الدموع المُتْعَبَةْ ...
منذا الذي سيكون عونَ المهمَلين
النائمين على الرصيف مع الحدود ...
منذا الذي سَـيُعِينُ إن يبست
براميلُ القمامةِ من فُتاتِ الخُبزِ
والمطرُ الخريفُ أدمن في الصدودْ.
أغداً نعود !؟
تعبت خُطايَ مسيرها
وأناخَ ذاك الحزنُ في جرحي رعودْ.
والدربُ طال مُراغِمَاً
وكذا الظلالُ الوارفاتُ تئنُّ أرَّقها هجودْ.
سُحقاً فما زال الطريقُ مغرَّباً
بين الخديعةِ والوعود
أو بعد هذا قد نعود !؟!
أغدا نعود ؟!
: : وداعاً أحمد السيد حمد .. رجلاً بقامة الوطن ... |
أنا أيها الموءودُ في صدري ... تحاصرني الأماني كالحات ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
ناس الزقازيق انتو الرفيق وقت التضيق وانتو للازاهر رحيق وكلامكم حلو من غير مساحيق وفيكم الاجمل صديق ...............................................................
كيفنكم يا احلى واجدع ناس انتو في الحمد لله
______________________________ فتشت عليكم الصباح لقيتكم اتلحستو
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
ان شاء الله البركة فيكم ... الرشيد بابكر ونجاة حوفي في وفاة العم احمدالسيدحمد ... رحمة الله رحمة واسعة بقدر ما عمل لهذا الوطن الكبير ولابناءة ... والعزاء موصول لعموم اهل السودان ... تقبل ايضا عزاء رشا* ...
* حاشية: رشا المذكروة هنا هو اسم زوجتي وليس اسم الدلع لرشيد القوم ...
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
الأخ الرشيد احسن الله عزاكم في وفاة المناضل
العلم أحمد السيد حمد .. والعزاء لأسرته
ومحبيه وحزبه الذي أخلص له لآخر أيامه ..
وتعازينا للشعب السوداني وكل محبي الحرية
والديمقراطية التي ناضل من أجلها الفقيد
فهو بكل تأكيد فقد للوطن لا يعوض .. اللهم
أجعله في معية المصطفين الأخيار ...
________________________________________
الأخت زينب التجاني لم اكن اعلم بمرضك
الف لا بأس عليك وربنا يجعلها كفارة
وتسلمي من كل شر .. كذلك دعواتنا لوالدتكم
(ست الحبايب) بعاجل وكامل الشفاء ..
____________________________________
حبيبنا ود جبرين ...
هو بالله جماعتكم هناك برضو ذي جماعتنا هنا ؟؟
ناس الرقابلة للصحف ؟؟ تضامنا معكم
وربنا يحفظكم .. يا راجل يا ضــو
__________________________________
وبالله جيبو لينا كمال الشادي سريييييع
وخلونا نغني معا ( يا ضنين الوعد)
يالها من ايااااام ....
وبروفات التخريج وحفلات التخريج والرحلات
مودتي
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
طبعا في ناس كتيرة بتكون طاشة وما لقت البيت الجديد زي اخونا خالد وفي ناس كتيرة بتكون مخلوعة من الحلة الجديدة .. وما عارفه الحاصل شنو .. يومين تلاتة والموضوع يستعدل .. وتعود الحكاية كما كانت ...
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: درس مراحله الدراسية في: رفاعة الشرقية الابتدائية - الشيخ الطيب المتوسطة - رفاعة الثانوية - ثم كلية التربية حكمته: Unreal friendship may turn real, but real friendship once ended can't be mended وكانت كلمته التى وجهها : اصدقاء الغربة ستظلون بأعماقي دوماً
|
ياخ ما قلنا ليكم دا منو محمد صديق قال عرفوا وما ورانا منو ياربي يكون فاكر دا هو
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
المجنون الشاطر
في الفاشر الكبير أو ابو زكريا كما يسميه أهل دارفور
هناك مجنون يسمى عزالدين وهم وباقي لي هذا المجنون ركب فيل وعار بيه
إشتهر هذا المجنون ايام حكومة الرئيس جعفر النميري، تلقاه ماشي في
الشوارع ويقول- قلناها نعم وعشناها وهم-
المعارضين لحكومة نميري ايام جهاز الأمن الكارب وخاصة الحزبيين منهم
يستقلون عز الدين وهم بروشتات يعبر عنهم مقابل المبلغ الذي يطلبه
وفي أيام الإختلاف الكان حاصل بين النميري والغذافي الحركات الثورية
تبع الغذافي في دارفور إتفقت مع المجنون وهم بأن يهتف بسقوط نميري
في مطار الفاشر عندما يصله الرئيس نميري قادما من الخرطوم مقابل مبلغ محترم
وعندما وصل الرئيس نميري والحشود تستقبله بدا عزالدين وهم يهتف (يسقط يسقط)
الأمنجيه إتجهوا إليه ثاني قال (يسقط يسقط) عندما كاد ناس الأمن ان يمسكوا به
قال يسقط يسقط الغذافي
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: (يسقط يسقط) عندما كاد ناس الأمن ان يمسكوا به
قال يسقط يسقط الغذافي |
أول حاجة نسألك يا أحمد اسماعيل ..إنت من ناس الليل و لا ناس النهار؟؟؟ وبعدين مداخلاتي كلها ما فيها كلمة يسقط يسقط....و لا داير تحرجني مع زهير الزناتي؟؟؟
جني وجن الناس الجنها سياسة
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
سلام يا ناس شكرا على تضامنكم الامن لا زال يسيطر على مقر الجريدة تم اطلاق سراح رئيس التحرير منذ لحظات غدا ان شاء الله ستنقشع الغيوم
شكر خاص جدا جدا للناس التي اتصلت للسؤال عني بالتليفون حقيقي لمن الواحد دموعه نزلت تعرفوا اول مرة احس انه هناك من يساندني في غربتي بصدق دون رياء احبكم من اعماق اعماق ذاتي
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: يا جلال طيب زولك البتسأل منو موجود في الصورة دي.....طبعاً حتقول لي الصورة ما واضحة!!!!
بين الجماعة ديل في زول مجنون |
الصورة يعلم الله واضحة وزولي فيها تب .... لكن ماهو المجنون اها بعد دا الا اقول ليك محمد صديق
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
و الله طارق أنا حاسي بيك و حاسي بي معاناتك في تلك الفترة ويؤسفني أنني لم أتصل بك و لاحتى كتبت حاجة عن معاناتك فاصفح لي فإنه من شيمك...و سامحني فالسماح خصالك... بالرغم أنا متابع الأخبار ...لكن الشيطان أنساني إنك في قلب تلك المعركة نسأل الله أن يفك قيدكم...و أسركم ....حقيقي مهنة متاعب و مخاطر...دا شنو دا؟؟؟؟
مهنة مجنونة ....في طريقة رجوع لي بيطرتك؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: الصورة يعلم الله واضحة وزولي فيها تب .... لكن ماهو المجنون اها بعد دا الا اقول ليك محمد صديق |
طيب إجابتي صاح......جيب الجائزة و حذاري من غضبي لمن ما أستلم الجائزة!! الحمد لله إلبوم الصور رجع....ودي واحدة منو ما نزلت انت مساهر لغاية ما الناس ديلك يجو و لا شنو؟؟؟؟
أمشي شوف ليك نوم انت مجنون تنظرهم؟؟؟
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: غدا ان شاء الله ستنقشع الغيوم |
نسأل الله ياطارق ان تعدي هذه الازمة على خير وترجع الامور الى مستقرها ماتنسى وصية زهير سورة يسن
--------------- وانده شيوخك كلهم وماتنسي سيدي الحسن اب جلابية كان ما سيدي الحسن دي جابت ليك هوا مع ناس سيدي ديل
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
ساعة ساعة أنا بتاوقن ولحظه ما بقدر أفارقن لي عيوني الشوق حارقن والدموع داير تغرقن والدن قال ما يمرقن خايف النظرات تلحقن وخايف العين لاتعوقن هن وين تانى بيتلقن ولى يخفظن الخالقن متلى كم زول مات بالشجن وقبلى ود الزومه اتسجن كان زمان لى شتلو بيسقن وديمه فى اللوبه يورقن مره فى القعده ينقنقن يحلفنو ولا يصدقن أنا ما بخاف الموت والسجن ولسه جسمى الصدى بتعجن
جدى الريل ابو كزيمة تعال نتمشى فى الغيمة ماغيمة ريد تكب فى ريهدة شواطيهو الخدر ديمة نصارحك لا نخاف إنسان ننسى الماضي والأحزان نلاقى القمري لابس الطوق يغني يغني للوجدان يفر جنحيهو زى توبة يصفق للزهور نشوان
جدي الريل أبو كزيمة تعال نتمشى في الغيمة ما غيمة ريد تكب في رهيدة شواطيهو الخدر ديمة
أنت هناك ياحليلك بفر فى قلبى ونشيلك وتلقى الدنيا ياحبيب تشيل افراحه تمشيلك
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
حتى الحريه وضعوا فيها الاغلال ============================== نقول ما لا نؤمن به000ونكتب ما لانعنيه000ونفعل ما لا نريده انه الزمان المر زمان نمشى فيه ونمشى وفجاءة يلقينا منتصف الدرب الى اوله ان الظلام اليوم يغتال القمر قال احدهم اخاف اشباح الشتاء000 واخاف يوما ان اعود بلا جناح كالطائر المكسور000 تحمله الرياح الى الرياح
حالة دبرسه
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
والله وحدو بينا البارحونا وراحو شالو من وادينا بهجتو وافراحو بالكتير يا حليلو ويا حليل الراحو
* * * * * * * * * * * *
طال نواك وانا قلبى باكى ليل ونهارو فى الضياع والحسرة السنين كم راحو راحت الافراح وقلبى عاش لى نواحو مين يكون لى فؤادى روحو زيك وراحو
* * * * * * * * * * * * *
انا قلبى اتصبر لمن تعب صبارو نظرة باكية حزينة دا ال وراها ودارو يوم رحلتا وشلتا بهجتو وانوارو لا ارتويت بي عطفو ولا انكويت بى نارو
* * * * * * * * * * * * *
للقليب الصادق كنت نبعو ودارو وكنت ليهو حبيبو كنت اهلو وجارو فضحنو عيونو كشفن اسرارو العيون لو رادو ما بعرفو يدارووووو
حالة دبرسة جدا... و أعذرونا....
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: اخخخخخخخخخخخخ يا الرشيد لمن ابراهيم ابو دية خالي الله يرحمه والسني الضوي يقعدوا يشجونا بالنضم السمح دة موووووت ياخي |
طارق أخوي الله يرحم خالك ويطول في عمر السني الضوي...فلقد أهدانا والسني الضوي نغم خالد... بالله شفتو كيف كان بيبكي في النيل الأزرق لما غنو ليهو العفاريت ديل...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
الأعزاء معتصم الرشيد طارق الترتيب حسب المداخلات وليس العمر ، الليلة منكم جكه ،، ولكني أتفق معكم أن الجو العام كئيب حتي البورد بعد الأرشفة حزين ومحبط ، كأنه يشاركنا هذا الإحساس ، رغم أن الحزن والإحباط والدبرسة هي أوضاع صحية تمر بها النفس البشرية ولا بد منها حتي تتزن الأمور ، فقط إذا ما أخذت دورتها الطبيعية لتعود الأشياء لمدارها الحقيقي ، لديكم حتي صباح الغد مارسوا أحباطاتكم وأحزانكم وأغسلوها بندي الفجر والذي سيلوح سناه بعد قليل ، وارجعوا لنا كما عهدناكم ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
زهير ربما يجد غيري مخرج من حالة الدبرسة التي تلم بهم وذلك بمساعدة الآخرين حتى و ان لم يقصدوا ذلك...و لكني يا صديقي وحدي ها هنا...ادبرس براي و أفك دبرستي براي...الجو الاجتماعي هنا ناشف جدا...مجموعة من الناس من جنسيات مختلفة وكل منهم يعيش في عالمه...الصباح تتكلم في الشغل تلاقيهم المساء برضو يتكلمو في الشغل... فأجد ان أفضل مكان لي حبس نفسي في البيت...
عليك الله مش حاجه تجنن...
نعدك بأن يكون مودنا غير بكره...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الليلة صاحي بدري ماشي الخلاء ولا شنو يا ولدي... لا والله يا حاجه الليلة ماشي أم درمان زريبة العيش الفي حي العرب... تسوي شنو في زريبة العيش.. و الله يا حاجة عندي شيك من واحد تاجر هناك..ماشي اشيل قروشي منه... لا حول ولا قوة الا بالله...ما تقول لي عيشك الحصدتوهو زماااااااان داك... أيوه والله يا أمي...دعواتك الليلة الله يحلني من مشية أم درمان القطعت جزمنا دي.. الله يفتحها عليك...اسوي ليك فطور... لا مافي داعي بآكل لي سندوتشات في الطريق لو جعت... طيب أقعد أشرب الشاي... لا يا حاجه المشوار طويل أحسن لي أمشي عشان أرجع بدري..أنا راجع الخلاء بكره.. الله يعدلها عليك... طلعت من البيت و مشيت حتى شارع الأسفلت لأركب البص الى الخرطوم ثم الى أم درمان... دخلت الى زريبة العيش و سألت من التاجر فقالو أنه في مشوار الى البنك.. و سوف يحضر بعد قليل...أجلسوني ثم أحضروا لي شاي تقيل من ست الشاي التي تجلس امام الدكان...أحسست بأن معدتي تعتصرني من الجوع و من تأثير الشاي الذي شربته على الجوع.. جاء التاجر بعد ساعتين كاملتين شربت خلالهما عدة كبابي من الشاي التقيل... سلم علي ثم جلس...لم اقرأ اي شئ في وجهه...هل أحضر قروشي أم لم يحضرها... أخذ يتكلم في مواضيع مختلفة دون أن يتطرق من قريب أو بعيد الى موضوع القروش... قلت في نفسي الزول ده بيتلاعب بي مالو...و لكني و لاختصار الموضوع أخرجت الشيك من جيبي ثم مددته له...تلفت يمينا ثم يسارا...ثم نادى الى أحد مساعديه...وقال له محمد هاك المفتاح ده دخل الشيك ده في الخزنة وجيب الفروش دي...القروش ياتا... القروش الفي الشيك دي دي دايره ليها فهم كمان...تفهمت سر غضبه من محمد..فمعظم الناس تنبسط عندما تشيل القروش وتستاء عندما ترجعها(رجيع القروش حااار)... حضر محمد بعد قليل و معه قروشي في كيس ورق...أحسبها..لا والله ما بحسبها...يا زول أحسب امكن تكون زايده...أخذت أحسب في القروش رزمة تلو الأخرى...فلقد كانت قيمة محصول سنة كاملة وعائد عام من الشقاء و التعب... القروش تمام...اها أنا بمشي...يا زول اقعد أشرب شاي..لا لا لا كفاية شاي...مع السلامة.. عدت الى الخرطوم لأعود الى البيت و أنا في غاية السعاده... نزلت من بص أم درمان وفي طريقي الى بصات أركويت قابلني متسول قصير القامة يلبس جلبابا أخضرا ومتحزم بحزام أحمر ويضع مسابح عدة حول رقبتة ويحمل في يده ابريقا...كانت بيني وبينه مسافة فناداني أسمع يا الشيخ يا البخيت...أدي عمك حق الله...بسم الله الرحمن الرحيم...حسه الزول ده عرف أنا عندي قروش من وين...و الله الزول ده ما ساهل...ربما يكون وليا من أولياء الله... بحثت في الكيس فلم أجد فئة صغيرة كان أصغرهم ورقة زرقاء اللون تحمل فئة الخمسون دينارا وهي مبلغ كبير في ذلك الوقت...و الله يا حاج مافي فكة...حق الله يا البخيت جيب الزرقاء دي...أخرجت الزرقاء لأعطيه أياها...فاذا بيد قوية جدا تمسك بساعدي فالتفت لأجد رجل أبيض اللون يلبس جلبابا أبيض قصيرا و يلف عمامة بيضاء حول رأسة و معه آخر بنفس الصفات...خاطبني بلهجة غير سودانية فعرفت أنه من الخليج...ليش تعطيه كل هذا المبلغ...انت خايف منه...و الله لن يضرك بشئ..ما تعطيه...هذا اقوى مني و منك...روح أمشي اشتغل بدل ما تتسول...الله لا بارك فيك...انت مالك يا الدلاهه ده..انت الدخلك شنو...البخيت ده كريم وأجواد ما زيك يا لتخه... تمشي ولا أطلع حذائي هذا أضربك بيهو في راسك... فهرب المتسول خوفا منهم...حاضروني أصحاب العمامات البيضاء لخمس دقائق و أنا لم أنطق بكلمة طوال المجادله الساخنه... تركوني فمضيت في طريقي و اذا بالمتسول ينتظرني خلف كشك لبيع المشروبات البارده يا البخيت أوع تكون سمعت كلامهم...ديل ما بيعرفو الله...انت ما ما عرفت ديل منو ولا شنو لا والله ما عرفتهم...ديل ما الأفغان العرب... انت بتعرف قدر ده...هاك .. هاك...تستاهله عشان ثقافتك دي...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: انا قلبى اتصبر لمن تعب صبارو نظرة باكية حزينة دا ال وراها ودارو يوم رحلتا وشلتا بهجتو وانوارو لا ارتويت بي عطفو ولا انكويت بى نارو
|
Quote: لا والله ما عرفتهم...ديل ما الأفغان العرب... انت بتعرف قدر ده...هاك .. هاك...تستاهله عشان ثقافتك دي...
|
غايتو رشيد القوم ده ... لما يكون مدبرس ... نحنا بنكون مبسوطين خلااااااااااااااص ......
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
شيخ عصام دهب + عبد الدايم + زقازيق جده رايكم شنو تشربوا معاي شاي كارب وحسب توقيتكم المناسب
ود جبرين كامل التضامن معك
_______________________ الرشيد باكر ياجميل خليك مواصل وهبش لينا قرايب طارق جبريل (ابوديه )امكن ينسى الهم
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
الرشيد انا افتكرت الشحاد سرق كيس القروش وقام جارى وانت سكيتو لمن وقعت ليك فى حفره طلعتنى ما بعرف اخمن كلو كلو يا اخوى امشى لعيالك واطلعو الملاهى واتطوطح معاهم وانسى همومك
جلا شوف شغلك ونزل كتيب الخريج ما دام بديت بالسياسة و الفن خلى المشاغبين اخر حاجة
ما شفتو لى البادى
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: شيخ عصام دهب + عبد الدايم + زقازيق جده رايكم شنو تشربوا معاي شاي كارب وحسب توقيتكم المناسب
|
ما بشربش الشاى اشرب آآآزوزا آنــــــــــا
ممكن بس نجيب شايينا معانا عشان نضمن انو ناس الشعبية ما عاملين لينا حاجة فى الشاى
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
أعود لحكاية الرشيد والتي أتفق مع عبد الدائم ومحمد صديق في إنها خذلت كل التوقعات ، كنت أعتقد في البدء أن الحبكة حول المال الذي طار علي جناح شيك ، ثم ذهب عقلي لجوز الأفغان العرب فكنت أتوقع ايضاً أنهما ليس إلا محتالين أشرين . شكراً للإحباط يا رشدي ، دواخلك حكاي وراوي وبعد مقال نجيب عن الشعر هذا الصباح عليك بالتحويل إلي مدرسة الحكايين والواسطة علي الليلة نوسك لمن يرفدوك وترجع تشتغل جنب نجاة وتاني ما يجيك إحباط ...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
صباح الخير يا وجوه الخير ... عبدالدائم النضيف والنضيف أوي أشكرك على سؤالك عني ، كان مفروض أدخل الحوش في بواكر الصباح لكن ناداني الخواجة المجنون والزمن سرقنا وما صبحنا عليكم... جني وجن الخواجات المجانين ديل...
أخونا طارق جبريلا الله يكون في عونك اليوم الصباح سمعت أخبار ما حلوة في إذاعة سوا إنه مقر الصحيفة تم تشميعه بالشمع الأحمر ومنعوا جميع العاملين من دخول مقر الصحيفة ، يا زول الله يعديها على خير وتأكد دائما نحن معك على قبل رجل واحد ... اللهم أفرج كربة أخونا طارق ويسر أمره وأذهب حزنه آمين...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: غايتو رشيد القوم ده ... لما يكون مدبرس ... نحنا بنكون مبسوطين خلااااااااااااااص .....
|
ياسر نجيلة...الله يبسطكم كمان وكمان...لكن مرات الدبرسة دي بتودي في ستين ألف داهية..
Quote: انت عامل سلفوش بى قصصك ...
نزل ياخى عشان يجو معاك تانيين
|
يا محمد صديق..حكيت وحكيت ومافي زول عبرني...ان شاء الله يجو التانين.. و انت قبلهم....يا سلفوش..
Quote: عليك بالتحويل إلي مدرسة الحكايين والواسطة علي الليلة نوسك لمن يرفدوك وترجع تشتغل جنب نجاة وتاني ما يجيك إحباط ... |
يسمع من بؤك ربنا بس من غير رفد يا ابو الزوز...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
انا ما بعرف نجيب لكنى بعرف زهير البيعرف محمد صديق البيعرف نجيب كتابتك حلوة يا زهير عن نجيب استهلال رائع وخاتمة اكثر جمالا وروعة الدبرسة شعور سريع الأنتقال عدواها سريعة , تنتقل بكافة سبل الأنتقال المتاحة وغير المتاحة يكفى ان يوصل ليك احدهم شعوره بالدبرسة عشان تلقاها طوالى لصقت فيك سهرة النيل الأزرق امس كانت فيها اغنية ثنائى العاصمة ولا وحدوا بينا الفارقونا وراحو مارس فيها السنى الضوى حسا انسانيا عاليا يشعر معه اى مشاهد ومتابع بالضآلة (الألف علييها مدة ابت تظبط معاى فى كل حروف الكى بورد, عشان كده ختوها براكم ) واظنو الرشيد فى منفاهو الأختيارى ده, غلط وقعد يتفرج فى الشغل ده الشفيع عبد العزيز نفسه كان مستمعا ومستمتعا بألغنية الشفيع اندمج بى موده , والرشيد كمان اندمج بى موده الرشيد لأنه كان عايش (شجنه) شاف فى الغنية انسانيات السنى الضوى ودموعه الشفيع اتجاوز الحتة دى , لأنو الشفيع لا قاعد براهو ولا منفى , لكن الرشيد يا حليلو , ملاهو الشجن , دميعات السنى الراجل الشفيف بقت كأنها طالعة منو شخصيا , نص الليل رص لينا الحنان , بيكون اتنخج كمان لكن جاتو حالة (فشل مشاعرى ) عابرة وزى ما ابتهاج سألت , انا كمان بسأل , يتنخج يعنى شنو يا طارق جبريل يلا انداح وجاوب عارفك محاوط بى قبيلة ناس (جنابو) المغربية لكن برضو جاوب عارف جوابك , حا يجنن ناس جلال , انا فى الأنتظار
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: جلال , انا فى الأنتظار |
نتمنى أن يحمل اليوم أخبار "زينة" mainly سوف تحسم الامور اليوم مساءً واكلمك بعدها للنشر -------------- معليش ياجماعة سطحنا بيكم انا ومنصور، وطبعا كان ممكن اكلموا بالتلفون لكن مسألة تشويق وكدة - لغاية ما نوريكم الحاصل شنو
بعدين حبيت اصبح عليكم، فيها حاجة دي؟
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
تحبة و سلام لأجدع و أحن ناس ..
و وقفة تضامنية صادقة .. مع أخونا د. طارق جبريل فاللهم أجعل من بعد العسر يسرا .. و ( جاهزين .. جاهزين يا ود جبرين ) و الزقازيقاب كوووولهم رهن إشارتكم ..
كفارة و حمداً لله على سلامتك يا زينب و إن شاء الله ما تشوفي شر .. و ربنا يسلم الوالدة و يبلغها العافية و يحفظكم جميعاً .. شكراً يا وليد عبد اللطيف على دعوتكم الكريمة و إن شاء الله نجيكم في السمح ، و مرحبابك و أنت تعطر حوشنا بعبق مداخلاتكم .. و يسعدني جداً التشرف بمعرفتكم و كل أهلنا في الشعبية و إن شاء الله نلتقي عما قريب بعد التنسشيق مع النضيف ..
حي الله طلتك الصباحية يا بادي .. و الله يصرف الخواجات ..
مبارك جادين و سمؤل و سناء و شبيكة و حاتم جبارة و سامي الطاهر و صفية عبد السميع و كل الرائعين الذين نفتقد مشاركاتهم .. وحشتووووونا ..
| |
|
|
|
|
|
|
|