نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 هاشم خلف الله يتحدا ود الموج (توجد فتوة)
|
هذا التحدي النبيل الذي يُجسد مدي روح الشاعر هاشم خلف الله والسباق نحو مراقي الحروف وأحاسيسها نحو المفردة البسيطة والسهلة في قوالب الجمال وهذة المقدمة فاليسامحني فيها صديقي الجميل هاشم خلف الله وعن العنوان والدعاية السوداء للتسويق.
اتحداك ...
لو شوقِك سبق شوقي
واتحدى النعاس لو طاف
وعشعش جوه في عيوني
واتحدى السهر والليل
خلاص فارقت ود نومي
تعالي نرجِع الماضي
ونرسم في المدى الفاضي
حدائق ريد
وقهوة كيف
والوان طيف وحرية
نعيد فرحاً نسيناها زمان
وذكرى .. حنينة منسية
اتحداك ...
لو نبضك سبق نبضي
واتحدى الزمن لو يوم
صرح ليك بحبي
معاك كان العُمر انضر
وكان كُل مرة يتبسم
تداعبِك نسمة عز الصيف
تقبِل فاهِك السِكر
وما بسأل ...
القاك كيف ؟
وليه مِن بسمتِك بسكر
براك عارفة القليب بكاي ي ي ي
ودونك إنتي ما بقدر
يغالب فيني إحساسي
ودربي معاكِ ما يقصر
اتحداك .. بي كيفي
لو ريدك سبق ريدي
واتحدى المطر والنيل
لو رادوك زي ريدي .
مع تحيات الشاعر المرهف هاشم خلف الله وصديق الموج يعني الجمال في التذوق للجيلين جيل الحقيبة وجيل الحداثة.
،،،،أبوقصي،،،،
|
|
 
|
|
|
|
|
|
|
 Re: هاشم خلف الله يتحدا ود الموج (توجد فتوة) (Re: awad okasha)
|
ابوقصى ...............سلام
طبعا الزول ده انا مغرود فيه من زمن كده
الحمد لله جبتو لى براك..
عندى بعض المشاورات مع ام محمد
وكان لقيت القصيده دى فى بجى اسوى عوسى
اسماعيل عباس عارف..
وانت يا ابوقصى يكفيك اجر محاولة نشر الجمال
فى هذا المكان..
لكن اخشى ان تضر من حيث اردت ان تنفع ..
وانا جاييك بالمهله وبنشوف،،،،
| |
|
|
|
|
|
|
|
|
|
Re: هاشم خلف الله يتحدا ود الموج (توجد فتوة) (Re: صديق الموج)
|
الزول الجميل صديق الموج
الزول الحلو هاشم ده لو العواسي حلو ومر الدوكي واحدي
وام احمد بالطبع ملهمه ومحل جمال الشفيف هاشم احمد وياراقي
أتحداك لو قولك غير قولي
ولو قرقربتك تدقر في عجيني
ونواصلــ مع الجمال أي ان كان حتي لو في الأمتداد
،،،،أبوقصي،،،،
| |
|
|
|
|
|
|
|
|
 Re: هاشم خلف الله يتحدا ود الموج (توجد فتوة) (Re: ismeil abbas)
|
Quote: شكرآ أخى مجدى ..وشكرآ ألأخ/هاشم خلف الله..
وتحياتنا للأخ/صديق الموج..الزول ده قايلنو كبير عشان بفهم فى الحقيبة وللا شنو؟؟
Quote: لو نبضك سبق نبضي
ديل ماشين تك تك تك تك تك...ما شاء الله نبضين فى عرق واحد |
صديقي اللدود سمعة حبيب الكل بلا منازع
ياخ ود الموج ده كان بغني مع كرومه تقول لي برضو ما كبير
اما موضوع النبض ده فكبير جدا جداُ
| |
|
|
|
|
|
|
|
|
 Re: هاشم خلف الله يتحدا ود الموج (توجد فتوة) (Re: مجدي عبدالرحيم فضل)
|
| Quote: هاشم خلف الله يتحدا ود الموج (توجد فتوة) |
ابو قصي يا جميل مساء الخير لك ولضيوفك الأعزاء
ياخي لكن العنوان ما عندك
عليك الله ما لقيت ليك زول غير الكومر ده !!!
ود الموج وديني مشتاق ليك , مالك قاطع الحِس والخبر يا زول
عارف امبارح دي كنت مشغل الفيديو وبتفرج على ليالي منتديات
دار رابطة ابناء الصحافة , يااااااااااااااااااااااااااا زمن ياخ
| |
|
|
|
|
|
|
|
|
|
Re: هاشم خلف الله يتحدا ود الموج (توجد فتوة) (Re: mohmed khalail)
|
Quote: صاحب البوست سلامات.
صديق يا موج تحايا نواضر.
حامل المسك يا هاشم الخير
ياخ عااااتب علييييييييك بالحيل
وينك يااااخ ناشدنااااك الظهور والعودة حتى انقرش صوتنا.
بركة بالطلة
اما القصيدة فدي كلااااام تااااني.
أكيييييد لنا عودة. |
هلا وغلا بالطيب الغالي عزيز وشوفتك منيه
والله ليك وحشه يا محمد خليل بس تقول شنو ؟
ظروف الحياة بقت صعبة شديد والمنبر حامي الـو طيـس
| |
|
|
|
|
|
|
|
|
|
Re: هاشم خلف الله يتحدا ود الموج (توجد فتوة) (Re: هاشم أحمد خلف الله)
|
هاشم احمد خلف الله ياصديق
الشجر الكبار فيهو الصمغ
يعني الزول الجميل ده قال مغرود فيك من زمان وانا جبتك ليهو مدردق
والله ياصديق مازكر ود الموج وإلا كانت صحبته جمال وكمال ولا انسي ملاقاتي له في دار الصحافة العامره
وإن ك ان كانت المناسبة رحيل حبيب وعزيز علينا جميعا وهو المرحوم عماد محمود
رحمة الله عليه ولأبناءه التحايا العطرة في زكراه.
،،،،أبوقصي،،،،
| |
|
|
|
|
|
|
|
|
|
Re: هاشم خلف الله يتحدا ود الموج (توجد فتوة) (Re: فتح الرحمن عثمان)
|
Quote: مجدي يا حبيب.. إزيك..
هاشم خلف الله يا رائع..
بالله كترو لينا من الحاجات الحلوة..
وليكم وحشة والله ومطولين منكم..
سمير كيف يا مجدي.. بالله سلامنا الكتير ليك وليهو..
|
ود الخالة العزيز فتحي سيد عثمان لك وللأسرة تحية وشوق ماعادي مطولين منك شديد ابوسمرة بخير وتحياتي محمله بمودة وطيب عبير كلمات هاشم
،،،،أبوقصي،،،،
| |
|
|
|
|
|
|
| |
مجدي عبدالرحيم فضل
ismeil abbas
عبدالعزيز الفاضلابى
awad okasha
صديق الموج
هاشم أحمد خلف الله
إبراهيم عبد الحليم
أحمد الشايقي
عبد الدائم سيد أحمد
mohmed khalail
فتح الرحمن عثمان
فيس بوك
تويتر
انستقرام
يوتيوب
بنتيريست