|
|
|
 Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: صلاح عثمان)
|
الأخ صلاح عثمان..
بعد الغداء بالهناء.. عليك الله أعمل التعديل في الكابشن بتاع الصورة...
| Quote: العريس تمبس و ونسة خاصة مع الأخ نور الدين الفحل |
أكيد قاصد مع الشاعر الرقيق..عصام عيسى رجب..
أو إن شئت الفحل ،، فيمكنك أن تقول: العريس تمبس وونسة خاصة مع الأخ الشاعر (الفحل) عصام عيسى رجب..
وفي كل خير..
التحية عبرك للأخ الهمام نور الدين الفحل...
وكانت أمسية جميلة بحق..
مودتي..
| |
 
|
|
|
|
|
|
|
|
Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: الصادق يحيى عبدالله)
|
تمنيت فى هذه اللحظات والتى أمسك فيها اليراع أن أكون
شاعرا أو أديبا لكى أنظم كلماتى وحروفى تجاه هذا اليوم
الذى جمع إخوة أعزاء تبادلوا فيه التحيات والتشكرات وشكروا
الله كثيرا الذى جمعهم بأخا عزيزا وصديقا حبيبا ألا وهو الأخ
والحبيب الغالى ( علاء الدين ) أو كما يحلو للجميع ( تمبس )
ومعه حرمه المصون الدكتوره ( داليا كباشى ) مريخابية على
السكين ..
تلاقت القلوب مع بعضها البعض .. وأختلط دم الاخوة والصداقة
وصار كسريان الماء على الجداول .. حضر الأخ علاء وبجواره رفيقة
دربه الدكتوره ( داليا) لم نفاجا بتلك الارايحية لأنها فعلا وقولا
متأصلة بهم .. جاءوا ليلقوا التحية على الجميع فردا فردا
والأخ علاء الدين يوزع فى أبتساماته للكل .. وأيضا رفيقة دربه
أما الحديث عن ( بورداب جدة ) فهذا شئ آخر فأنا لوجلست أكتب
العمر كله فلن أعطيهم حقهم كاملا .. فهم أكبر من الكلمات التى
تقال والحروف التى تسطر .. ويكفى بأنهم ( بورداب جدة ) لهم
التحية والتقدير .
بدأ الحفل .. فكان رائعا فى كل شئ كروعة أهله تماما ورقى
نفوسهم الوضاءة .. ( تغنى ) الشاب الظريف محمد مدثر فتمايلت
معه كل الكتوف وتراقصوا معه بروح وقلب ناصع البياض وأمتزجت
روح الاخوة والصداقة والزمالة مع بعضها البعض .. وأزدان الحفل
روعة وجمالا حينما وقف المحتفى به هو وعروسته ليشعوا أنوارهم
المضئية فى كل أرجاء القاعة بمشاركتهم الفرحه وكل بتعبيره .
ومن ثم جاء دور البلبل المغرد .. الشاب الابنوسى .. صاحب
الحنجرة الماسية الأخ المفضال ( حسن ابراهيم خليفة) فغنى وأطرب
الجميع بمفرداته الغاليه فى نشوة لاأستطيع التعبير عنها فقط
أكتفى بتلك الفرحة التى عمت الجميع .
وبعد ذلك غنت الاخت منى بحرى بروائعها السمحه .. فكانت جوهرة
من جواهر بنات بلدى .. لها التحية .. ولا أنسى أمبراطور الموسيقى
الموسيقار الكبير ( سيد أحمد الجاك ) ومن معه .
بحق وحقيقة كانت ليلة أحتفائية ستظل فى مخيلتنا ماحيينا فى
هذه الحياة .. نسأل الله بأن يجمعنا دائما فى ساعات الخير وأن
يبعد عننا الحسد والحاسدين ..
لكم التحية مثنى وثلاث ورباع أخوتى الاعزاء وللاخ علاء الدين وعروسه
الدكتوره ( داليا ) كل الحب والتقدير والاحترام .. ودمتم ..
تاج السر
| |
|
|
|
|
|
|
|
|
|
Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: jini)
|
الأخ أبو قصي تحياتي
حقيقةً كانت أمسية رائعة مغمورة بالفرح
وبقدر فرحنا بوجود العرسان بيننا
بقدر ما آلمنا فراقهم بعد عودتهما لرياض الخير
أتمنّى لهما كل الخير وأن تكون أيامهم دوماً ملئى بالفرح والحبور والسعادة
تحذير:
أصالة عن نفسي وإنابة عن أخوي (الكاشِف) وليد عبد اللطيف 
نحذّر أصحاب الكاميرات والموبايلات الأعزّاء من نشر صورنا المُهجِّجة
(باعتبارنا أصغر أعضاء اللجنة سِنّاً وكدة). كما نفيدكم بأننا لن نتوانى
في مقاضاة كل من تسوّل له نفسه بالنشر قانونياً أمام المحاكم الشرعية الأوروبية
صدر تحت توقيعينا وختم اللجنة
| |
|
|
|
|
|
|
|
|
|
Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: طلحة عبدالله)
|
نشكر العرسان الاخ علاء تمبس , والاخت د. داليا على تشريفهم لاحتفالنا المتواضع
كما نشكر جميع من تضافرت جهودهم لانجاح الحفل رغم الامطار والصعوبات الناتجة عن ذلك
نعم قضينا لحظات رائعة برفقة المطربين , لهم كل الشكر والتقدير ولكن كعادة مناسباتنا انتظرنا
كثيرا ليبدا الحفل وخصوصا بعضنا الذى حضر مبكرا
بالله لاحظوا اطراف الصور دى (اقصى اليسار)
يا المصوراتى , ياخ نتفهم تماما تركيزكم فى اللقطات على المحتفى بهم لكن كمان البهدلة لى ولولدى لزومها شنو 
| |
|
|
|
|
|
|
|
|
|
Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: مجدي عبدالرحيم فضل)
|
السلامو عليكم و رحمة الله و بركاته
د. تمبس و اختنا داليا
شكرااااااااااان كدا ياخ !!
-----------
شباب بطلوا هزار آآآآآآآآآآآآآآآآ !؟
تعرفوا - في البلد عندنا هناااااااااك - ما عندنا رجال بنشروا صورم ...
طوالي القبيلة بتتبرا منك 
شفتو كيف ؟
لكن لا بأس كان لقيتو لكم صورة وجيهة كدا، تقوموا تغلطوا تختو اسمي جمبها بمبدوءاً باللازمة ( د. ) ...
و دي ما مقصود بيها دكتور ... لا ياخ !؟ ... ( ديمقراطي ) ... ديمقراطييييييييي ياخ !؟
اقول ( غولي ) هذا و استغفر الله العظيم لي و لكم ... فاستغفرووووووووووووهـ
ليلة و يال لهاااااااا من ليلة ! .. تشبه الف ليلة و ليلة ...
كنتم كواكبا و اقمارا ... و نحن كنا في زمروة ( سمارا )
| |
|
|
|
|
|
|
|
|
 Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: معتصم محمد صالح)
|
يا ســلالالالام يا شبـاب جدة غير ..
طبعا عافي ليكم كلكم كدا .. من البيك للبيــك
وصلنا الرياض انصاص الليالي بعدما تأخرت الطيارة نص ساعة في الاقلاع .. قربنا ننزل نرجع جدة تاني ..
في واحد فيكم متجنس يا رجـل أعمال ينقلنا علي كفالتو ..؟
..
انا يادوبك وصلت المكتب .. وبي سبب البهجة .. والعضلات القامت لي شخصيا من الرقيص .. ومن التعب الممتع .. الليلة الواحد طلع من البيت من غير ساندوتشات والله ..
زميلتكم زميلة البورد .. الليلة جلتني زي الما حصلت حاجة .. بحجة إنو ماف عيش .. يعني اكتفيت بي الكورن فليكس الصباحي وانا اطنطن .. وجا على لسانها وهي تتفرج على صور الحفل:
بلا مارتديلا بلا بطيخ معاك .. رجعني جــــدة
..
هناك بوست رصد لادق التفاصيل .. عندما أقول ادق التفاصيل اعني بها أدق التفاصيل
في واحدين هنا خامين ليك الناس .. لنما تشوف صورتو أو مداخلاتو تخاف عديل .. لكن لما جابو الساوند سستم .. والأورغـن مبااااااالغة
فكونو في انتظار الزوايا المعينة .. من العدسة المعينة ..
بعدين ماف واحد يجي يشبكني .. يازول كلم بكري يسحب الصور دي ..
بي صورة أوضح :
كان بكري سحب الصور دي .. انا ح اعمل لي مدونـة انزل فيها الصور دي
اكرر شكري الجزيل وعجزي عن تطويع كلمات الشكر المناسبة في حقكم .. اديتونا ليلة من ليالي العمـر الراسخـه في الذاكرة..
شكرا يا أجمل ناس
| |
|
|
|
|
|
|
|
|
|
Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: tmbis)
|
Quote: في واحدين هنا خامين ليك الناس .. لنما تشوف صورتو أو مداخلاتو تخاف عديل .. لكن لما جابو الساوند سستم .. والأورغـن مبااااااالغة فكونو في انتظار الزوايا المعينة .. من العدسة المعينة ..
بعدين ماف واحد يجي يشبكني .. يازول كلم بكري يسحب الصور دي ..
بي صورة أوضح :
كان بكري سحب الصور دي .. انا ح اعمل لي مدونـة انزل فيها الصور دي |
اللللليييييلة يا أساسي
| |
|
|
|
|
|
|
|
|
|
Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: علاء الدين صالح)
|
Quote:
في واحدين هنا خامين ليك الناس .. لنما تشوف صورتو أو مداخلاتو تخاف عديل .. لكن لما جابو الساوند سستم .. والأورغـن مبااااااالغة فكونو في انتظار الزوايا المعينة .. من العدسة المعينة ..
بعدين ماف واحد يجي يشبكني .. يازول كلم بكري يسحب الصور دي ..
بي صورة أوضح :
كان بكري سحب الصور دي .. انا ح اعمل لي مدونـة انزل فيها الصور دي
ــــــــــــــــــ
اللللليييييلة يا أساسي |
اسع البلد في حالة انفصال مافي داعي للمواضيع الانصرافية دي بالله
| |
|
|
|
|
|
|
|
|
|
Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: محمد عبد الماجد الصايم)
|
يا سلام والله با لجد ليلة ما منظور مثيلا ... كانت ممتعة بكل تفاصيلها.
شكرا يا تمبس وداليا لتلبيتكم الدعوة وتشريفكم لنا في جدة.
يا شباب أنا لو نشرتوا ولا سجلتو الأغاني بتاعتي (بتاعتي دي حلوة) سوف
أقوم برفع دعوة ضدكم لي لجنة المصنفات عشان كده تعملو حسابكم والعندو تسجيل يحتفظ بيهو
لي نفسو.
والله بالجد من ضمن جماليات الحفل هو معرفتنا بالإنسان الجميل عصام عيسى ونتمني أن نلتقي به كثيرا
ويا محمود (اقصد محمدية) بطل إحتكار، عصام برضو حبيبنا.
شكرا لكم جميعا بورداب جدة على هذا الألق ... تحياتي.
| |
|
|
|
|
|
|
|
|
 Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: جعفر محي الدين)
|
يا جماعة انا شايف في ناس رقدت قــش ..
في واحد كدا دا ما عندو ذمــة قام اتصل علي قبل شوية .. وهاك يـا تحنيس .. وعليك الله .. وعشان خاطري وكدا دا
غايتو الصور في مرحلة التظبيط .. وزي ما وعدتكم عندي بوست خاص بالمناسبة ..
لكن بالنسبة للزول الاتصل علي دا عايز زول حريف جدا يعرفو لي هو منوووووو
وعايز قبال ما يجي واحد يشوت لينا اسمو .. يجي هو يوخت ليهو نقطـة .. علشان ما انزل ليهو الصورة بتاعتو
يعني بي صورة أوضح كدا ..
ان زول ما عندي ذمـة عديل كدا قرقرقرقر الكلام القلتو في التلفون قبل شوية عااادي ممكن اعمل منو رايح ..
فحقو صديقنا دا .. يجي يخت نقطـة عشان ما انزل ليهو الصورة والكلام دا بي سرعـة جــدا
لو ما عمل النقطة دي .. انا عادي جدا بحول الصور دي لي زميلنا محمد عبد الماجد الصايم ... ومحمد دا والله اخير انا منو .. بي عدم ذمتي دي .. داك بيرش طوالي ولا يضع اي معيار لذلك ..
غايتو كان ما جيت ختيت النقطة .. اعفي لي .. 
| |
|
|
|
|
|
|
|
|
|
Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: tmbis)
|
لي بالضبط ساعه وشويه بفكر اكتب شنوو ,,
حفاوتكم اثقلت لساني فعجز عن التعبير .. وشلت يدي فلم ادري ماذا اكتب ,,
بورداب جده انشاءالله يوم شكركم مايجي ,,
وبالجد من ما اصبحانا الليله قاعدين نجتر في الذكريات الجميله والصور التي ملأتم اذهاننا بها ,,
بالجد شكـرا شكـرا شكـرا .. شكرا للجميع بدون فرز .. وانشاءالله اقدر ارد جزء بسيط من العملتوهو لينا دا ,,
انا برضو حا اعمل بوست منفصل بخصوص الزياره ,,
وأي زول عندو صوره خطيــررره كدا ,, يرسل يحنسني من أسي ,,
لانو بصراحه كدا .. انا بررضو ما بسحب اي شي .. وبكري زاتوو كان سحب حاجه حا انزل ليهو صوره (^_^)
من شده ما كان نفسي ارجع جده الليله الصباح ,
اضطريت اساوم زميل البورض على السندوتشات .. ياتوديني جده تاني ولا سندوتشات زاتوو مافي (^_^)
خاصه اني عملتا لي جكـس جديد بهناك ,, ألا وهو حمـوودي فايز ود القاضي (كان عجبك يا زميل البورض) (^_^)
الحمدلله على نعمته البالغه .. حب الناس مافي زيو والله (^_^)
-------------
مازلنا في انتظار الزميل أبو نقطــه
| |
|
|
|
|
|
|
|
|
|
Re: أمسيـــــة جداوية بوردابية في حضرة علاء تمبس ود.داليا الكباشي (توجد صور) (Re: جمال السنوسي)
|
ياجماعة,,,
الملاحظة ان ناس جدة ديل مرطبين خلاص,,,يذكروك المملكة ايام الثمانينات,,
وجاهة وسمنة وهندام ,,ماشاء الله عليهم,,
نقول دا البييييك ياود القاضى,,,,
تانى مبروك لتمبس وداليا,,,لما تجو مارين بيتنا طلونا,,حتى ولو بدون موعد
الشكر لناس جدة الجميلين فى كل شىء,,,
| |
|
|
|
|
|
|
| |
مجدي عبدالرحيم فضل
جمال السنوسي
صديق الموج
عبدالله شمس الدين مصطفى
البشير دفع الله
ادم شحوتاي
الصادق يحيى عبدالله
صلاح عثمان
Mahmoud Mustafa Mahmoud
ABDALLAH ABDALLAH
تاج السر محمد حامد
نورالدين الفحل
الطيب شيقوق
بشير أحمد
ABUHUSSEIN
جعفر محي الدين
jini
علاء الدين صالح
طلحة عبدالله
احمد التجانى احمد
Sidig Rahama Elnour
الامام الكيمني
ابو جهينة
احلام وهبي
الفاتح الجنيد
قيقراوي
محمد عبد الماجد الصايم
معتصم محمد صالح
tmbis
وليد عبد اللطيف
داليا الكباشى
عادل عوض بلال
abuguta
نادر النور آدم
garjah
Hassan Makkawi
طارق جبريل
خالد عبد الله محمود
فيس بوك
تويتر
انستقرام
يوتيوب
بنتيريست