|
|
 ،،،،،،،، مابـــــــــــــرَاي ،،،،،،،،،،،
|
ما بــرَاي شاقني نبض جوٌاَيا
وفترْ الحنين الفيني وحشًا يا
لو قلتْ أقلق بحسك كل قوًايا
الريدة رَاميه ظلاله في ضرًايا
وما بــرَاي وما كفِاي ،،،،
تشيل الدموع كـل منــَايـا
وهدبْ دغشك يظلني وماأغفايا
تصَب عندي دموعوا سقَايا
وسَر سحر المغيبْ بِكـاَيـا
وما بــرَاي ساكني ،،،،،
العبير وطَل الشَذي نفح هوَايا
وبرَد دواخلي الحبَ الحوَايـا
وخطَاها خطوات الريد بـرَايا
وكل رؤَاي حلم الشوق شاقَايا
وبريد فيك عمر المني يامنـَايـا
ومابــرَاي باراني ظَلك غطٌاَيا
مابـرَاي ...ومابـرَاي ،،،،،،،،
،،،،أبوقصى ،،،،
|
|
 
|
|
|
|
|
|
|
 Re: ،،،،،،،، مابـــــــــــــرَاي ،،،،،،،،،،، (Re: مجدي عبدالرحيم فضل)
|
أبوقصى
بالجد ما براك
لو براك ما بتعمل كدة..........
فى حب يا أخوانا أكتر من كده.....؟
بصراحة أم قصى تدرى بهذه النصوص؟
أم عامل بتدسها زى اللصوص؟
خليها فى الصورة ووريها :وقول ليها
أنا ما براى
إنتى مزمار هواى
إنتى أملى الضواى
إنتى ساكنة فى حشاى..
ياروعة اللقيا الجميلة يا مرسم طريق خطاى
يابسمة الطفل الرضيع يا سر سعادتى وهناى..
وكسرة تكسر كل يوم بيت لحدى ما تبنى عمارة..
تحياتى لها وللعيال..
مودتى...إسماعيل محمد أحمد عباس.........
| |
|
|
|
|
|
|
|
|
|
Re: ،،،،،،،، مابـــــــــــــرَاي ،،،،،،،،،،، (Re: ismeil abbas)
|
Quote: أنا ما براى
إنتى مزمار هواى
إنتى أملى الضواى
إنتى ساكنة فى حشاى..
ياروعة اللقيا الجميلة يا مرسم طريق خطاى
يابسمة الطفل الرضيع يا سر سعادتى وهناى..
وكسرة تكسر كل يوم بيت لحدى ما تبنى عمارة..
|
الخال الحبيب إسماعيل محمد أحمد عباس
وأصلك ماتسكن بالإيجار الدعوه دي محتاج ليهو كل السودانيين وإن شاء الله بيت جالوص عشان ماتلُوص
تسلم هذة المشاعر ياجميل ،،، أم قصي ماعندها نت لكن اليو تو بي حقي بيصله عبر إحساس شبكة الحب العنكبوتية.
،،،،أبوقصى،،،،
| |
|
|
|
|
|
|
| |
مجدي عبدالرحيم فضل
البشير دفع الله
ismeil abbas
شهاب الفاتح عثمان
د.محمد حسن
فيس بوك
تويتر
انستقرام
يوتيوب
بنتيريست