|
|
 إقتراح بتسمية دوره التحالف فى جامعة الخرطوم بإسم (عمر كانديك).
|
..فى البدايه كل التحايا.للديمقراطيين على إمتداد
الكره الارضية بمناسبه فوز قائمه التحالف الطلابى بإنتخابات جامعة الخرطوم
للمرة الرابعة على التوالى...شكرا لطلاب جامعة الخرطوم الذين ترجموا الوعى
عندهم بالتصويت لقائمة التحالف...وبعد هذا لدى إقتراح صغير بتسميه هذه الدوره
على إسم فقيد الحركة الطلابيه عمر كانديك.والذى إنتقل قبل أيام من الانتخابات.وكان يمنى نفسه بمعايشة هذه اللحظات الخالده..أرجو إن لم يكن هنالك مانع موضوعى بتسمية هذه الدوره بإسمه.........لتخليد ذكراه .
|
|
 
|
|
|
|
|
|
|
|
Re: إقتراح بتسمية دوره التحالف فى جامعة الخرطوم بإسم (عمر كانديك). (Re: خالد خليل محمد بحر)
|
العزيز خالد بحر مشتاقين،
للاسف شايفك انجرفت بعيد في تيار السياسة داخل الحوش الجلابي.
لاتكن اداة لاقلية الجلابة ياخالد.
تعال مارق، اهلك في الهامش محتاجين لوعي امثالك.
مع احترامنا لتضحيات الفقيد، في طرحو وانتماؤ، يظل في تقديرنا جهوي اخر وبذلك لايستحق مثل هذا التقدير، اذا كانت الجامعة مؤسسة قومية.
قومية بالمعني الجديد للمفردة، ما بالمعني القديم الجلابي، حيث مفردة قومي او سوداني= تعني تلقائيا، شمالي!
ياخي يوميا في دارفور بموتو قرابة ال60 فرد، مئات الالوف حتي الان او من قبلهم ملايين في الجنوب او بعد ده، تقول لي الدورة تسمي بي اسم واحد برضو شمالي؟
ليه بس؟
للاسف ياخالد بتنفخ في قربة مقدودة او بتبدل للخلف، ده في احسن الاحوال!
اطلع من زنزانة العقل الجلابي الاستلابي ياخالد.
ده من عشمنا فيك.
| |
|
|
|
|
|
|
|
|
|
Re: إقتراح بتسمية دوره التحالف فى جامعة الخرطوم بإسم (عمر كانديك). (Re: Bashasha)
|
العزيز/بشاشا
...الفقيد عمر كانديك..من الذين إجتهدوا لتأسيس السودان الجديد
عبر المنابر والندوات ..والفقيد عمر كانديك,كان دوما من الساعيين
لتفكيك أطروحات السودان القديم.ومن المناصريين لإنسان الهامش .هكذا هو إنسان متسق الدواخل مرتب الفكر والافكار..أخلاقى الاطروحات...يبث عبر المنابر التى يتحدث فيها الوعى والاستناره...ويتصدى لقضايا إنسان الهامش بكل تجرد ونكران ذات...هذا هو عمر كانديك ...وإنسان بهذه المواصفات يستحق أن تحمل دوره التحالف إسمه....
| |
|
|
|
|
|
|
|
|
|
Re: إقتراح بتسمية دوره التحالف فى جامعة الخرطوم بإسم (عمر كانديك). (Re: خالد خليل محمد بحر)
|
| Quote: مع احترامنا لتضحيات الفقيد، في طرحو وانتماؤ، يظل في تقديرنا جهوي اخر وبذلك لايستحق مثل هذا التقدير، اذا كانت الجامعة مؤسسة قومية |
الاخ خالد .....سلام
الف مبروك فوز التحالف وعقبال الكبيرة .
تنظيمات التحالف تعكف الان علي تداول مقترحك وحتي غدا قد يكون هنالك قرار بتسمية الدورة باسم الراحل عمر كانديك, حسب معلوماتي ان الاقتراح جاء من التنظيمات الاخري .
الاخ بشاشا ............سلام
كان من الافضل ان تجمع معلومات عن الراحل كانديك من من تثق بهم قبل ان تقطع بعدم استحقاقة لهذا الشرف ..... فقد يكون الرجل جلابي تاب قبل ان يودع الدنيا وصار يحمل نفس رؤيتك .
انت الان حكمت علي شخص لاتعرفه لمجرد انه ينتمي لاثثنية اخري ماذا تسمي ذلك ؟
| |
|
|
|
|
|
|
|
|
|
Re: إقتراح بتسمية دوره التحالف فى جامعة الخرطوم بإسم (عمر كانديك). (Re: خالد خليل محمد بحر)
|
الأخ خالد تحياتي
أثني الإقتراح و أرجو من المجلس الأربعيني
النظر في هذا الطلب بصورة عادلة
عمر كانديك
ليس فردا
بل صار رمزاً
رمز لوعي هذا الجيل
و رمز لخياراته
و رمز لثورته
و رمز لمنج التفكير
الأخ بشاشا
أنا لا أعرفك بصورة جيدة
و لا أدعي أنني مهتم بما تكتب حتى أطلع على أفكارك
لكن ما راعني أكثر من التهجم على الفقيد الراحل
بهذه الصورة الفجة
و التطاول الذي لا يليق بمن هو في مقامه
ما راعني أنك تحاول تلمس خطاب ينافح عن المهمشين
ضد الجلابة
ما يروع في هذا التلمس أقولها لك بدون أدنى تردد
الخلط المنهجي المريع
و التلبيس الفكري
أنت يا عزيزي غائب تماماً عن أي أفق للتحليل
لمن يحاول أن يناقش قضية
مركز و هامش
بمنطق أنك تنطلق من موقف الدغاع عن المهمشين
أنا غير مستعد نفسياً على الأقل
بحكم ظروفي الراهنة أن أدخل معك في أي مساجلات فكرية
و لكن يمكن أن أحيلك إلى ما تشاء من المراجع
حتى تعيد قراءة خطاب المركز و الهامش
من أفق جديد
و لا أظن نفسي في موقف تعالي إن قلت لك
أنا لن أبخل عليك بالشرح إن إستعصى عليك الفهم
و لكن أرجوك أن لا تقع في الخلط الذي وقعت فيه
ما بين الجلابة بمعنى الشمالي الذي استخدمته
و ما بين الجلابة بمعنى المركز فرق لا يستبينه
من ينطلق في أحكامه بالسرعة التي تحكم بها
على رجل مثل عمر كانديك
قدم و رفد للحركة الفكرية و السياسية السودانية
ما لايخفى على أحد
عذراً عمر إنه لا يعلم من أنت
| |
|
|
|
|
|
|
|
|
|
Re: إقتراح بتسمية دوره التحالف فى جامعة الخرطوم بإسم (عمر كانديك). (Re: سامي صلاح محمد)
|
شكرا خالد ..
و الشكر للحركة الطلابية التي عرفت كانديك و خبرت الرجل لسنين طوال كان فيها الأمين الحكيم الحصيف العارف الواعي المستنير الثوري الديمقراطي الأغبش .. الوطني الحق .
و ليس لأحد أن يضع كانديك في خانة الهوى الذي يشاءه ..
تاريخ كانديك على قصره يعدل في الميزان الوطني تواريخ الأشباه و الدعيين و أصحاب اللوثات الفطيرة ..
كان صوتا للمهمشين و المغلوبين و الفقراء و المسحوقين ..
منهم خرج و فيهم بقي و إليهم ينتمي و في شأنهم عاش و غاب .Quote: عمر كانديك
ليس فردا
بل صار رمزاً
رمز لوعي هذا الجيل
و رمز لخياراته
و رمز لثورته
و رمز لمنج التفكير |
Quote: الخلط المنهجي المريع
و التلبيس الفكري
أنت يا عزيزي غائب تماماً عن أي أفق للتحليل
لمن يحاول أن يناقش قضية
مركز و هامش |
أشكرك يا سامي ..
لا يحتاج تاريخ كانديك لشهادة من لا يعرفه من عاطلي الأغراض و النوايا المريضة , و خالطي الحابل بالنابل , لا تحتاج إسهامات كانديك الفكرية و النضالية في قضية المركز و الهامش و كافة قضايا الحق في شأن هذا البلد للمزايدة .
يسجل التاريخ كل شيء ..
و يذهب الزبد جفاء .
تحياتي يا خالد .
| |
|
|
|
|
|
|
|
|
|
Re: إقتراح بتسمية دوره التحالف فى جامعة الخرطوم بإسم (عمر كانديك). (Re: خالد خليل محمد بحر)
|
| Quote: كان من الافضل ان تجمع معلومات عن الراحل كانديك من من تثق بهم |
بهاء بكري سلام،
ياخي انا التايب لا ازال جلابي ولم اتخلص بعد من هذه الذهنية بالكامل.
يكفي انو الفقيد كان عضو في حق!
وماهو تنظيم حق؟
كومر شيوعية عمروهو!
حق تنظيم شمالي، جهوي ولاغير!
كونو مقارنة بالشيوعي اكثر تحرر جهويا، لايعني اطلاقا انو قومي او سودان جديد!
كون استلف خطاب الحركة الشعبية لايجعل منه سودان جديد!
حق تنظيم جلابي ليبرالي!
مامعني ان تختارو اسم شمالي لتخليده، وليس سوداني من دارفور جبال النوبة او الجنوب والملايين ماتو ولايزالون في بلدنا!
البخلي فرد واحد افضل من الملايين الاذهقت ارواحم بلا جريرة شنو؟
هذا عار في فهمنا، وابلغ دليل علي جهوية حق الجلابي!
انا احترم خالد بحر ولكن للاسف انجرف في تيار السياسة الجلابية، وبذلك للاسف يظل كغيرو من ابناء الهامش المنضوين في تنظبمات الجلابة، اداة والسلام!
بعد ده كلو ناس جني يقولو ليك نظام الكيزان بتاع "فور"، لانو الكيزان فيهم كتار، وهذا نصف الحقيقة!
النصف الاخر ان هؤلاء ادوات، تماما زي ناس كوكو او ادمو، البموتو علي جانبي الصراع، لانهم قوام جيش الدولة الجلابية!
| |
|
|
|
|
|
|
|
|
|
Re: إقتراح بتسمية دوره التحالف فى جامعة الخرطوم بإسم (عمر كانديك). (Re: خالد خليل محمد بحر)
|
كتب الجلابي الليبرالي المتفلهم عماد عبدالله:
| Quote: لا يحتاج تاريخ كانديك لشهادة من لا يعرفه من عاطلي الأغراض و النوايا المريضة , و خالطي الحابل بالنابل |
طبعا هو قاصد يقول اصحاب الاغراض، فاذا به يقول العكس او قصبا عنو!
نجي للغرض والمرض في كلام بشاشا، كما يصور باستمرار:
في الاساس هو اسقاط، او في جانب منه، هو دفاع عن مكتسبات الحظوة بالميلاد، ولهذا، في لاوعي الجلابي، ان يسعي جلابي مثلهم لهد عروش مكتسباتم، فلابد يكون ما نصيح اي مريض!
وفي جانب ثالث منه، بشاشا كشاهد ملك عندما يصور بقلمه وهو يروي ماعايشه من قهر لغير الشماليين، صورة الجلابي الرسما بشاشا، وللمرة الاولي في وعي الجلابي، بتكون مقززة او كريهة بحق!
اصدق مثال كلامنا علي لسان عين العقل الجلابي عن المستلبة نور تاور!
بدل مايهاجمو الجلابي الرسم صورتو قلم بشاشا، الجلابة فتحو نار تقيل في الرسام بشاشا، ناقل الكفر الجلابي!
وهكذا، وهذا قدر بشاشا، الجلابة بفرغو شحنة غضبم في بشاشا المسكين الماسك المرايا، العاكسة صورة الجلابي النتنة الكريهة!
وهل هو ذنب بشاشا انو صورة الجلابي طلعت لاتطاق؟
ايهم يلام كمريض:
صاحب الريشة الجسد امراض الشخصية الجلابية، ام الجلابي نفسو؟
بالنسبة لي هؤلاء المجرم هو ناقل الاستعلاء الجلابي كشاهد عيان، وليس الجلابي المتغطرس المفتري الذي حكي عنه بشاشا!
ده المقصود بي مرض بشاشا، حقيقة، وماهو الا رسول بلغ عن المريض الحقيقي!
المرة الجاية لمان تقرا، بشاشا المريض او المعقد او ما شابه، فقط تامل القائل نفسو، لانو بي بساطة شاف روحو في مراة قلم بشاشا، ولهذا هاهو يفرغ جام غضبه في الزول الفضحو، ماسك المرايا، اللي هو بشاشا!
لهذا عماد عبدالله هذا، واحد من البشوفو روحم في مرآة قلم بشاشا، او ما تتغشي عزيزي القارئ، للملمس الناعم البرئ في وجوه خضر دمن الجلابة، امثال هذا الافعي عماد عبدالله!
الحذر هنا ياتي من مكمنه!
اعملو حسابكم من ليبرالية الجلابة، الحربائيين!
هؤلاء اخطر بي مراحل من باطل اوباش الجلابة، العريانيين!
خدوها نصيحة، من بروف بشاشا، استاذ كرسي مخ واعصاب العقل الجلابي!
| |
|
|
|
|
|
|
|
|
|
Re: إقتراح بتسمية دوره التحالف فى جامعة الخرطوم بإسم (عمر كانديك). (Re: خالد خليل محمد بحر)
|
Quote: ...الفقيد عمر كانديك..من الذين إجتهدوا لتأسيس السودان الجديد
عبر المنابر والندوات ..والفقيد عمر كانديك,كان دوما من الساعيين
لتفكيك أطروحات السودان القديم.ومن المناصريين لإنسان الهامش .هكذا هو إنسان متسق الدواخل مرتب الفكر والافكار..أخلاقى الاطروحات...يبث عبر المنابر التى يتحدث فيها الوعى والاستناره...ويتصدى لقضايا إنسان الهامش بكل تجرد ونكران ذات...هذا هو عمر كانديك ...وإنسان بهذه المواصفات يستحق أن تحمل دوره التحالف إسمه.... |
| |
|
|
|
|
|
|
|
|
|
Re: إقتراح بتسمية دوره التحالف فى جامعة الخرطوم بإسم (عمر كانديك). (Re: خالد خليل محمد بحر)
|
الجلابي خالد العبيد،
ده مابحلكم قط!
جربتو السكة دي للاخر مع بشاشا.
ماذا كانت النتيجة؟
نصر مؤذر لبشاشا!
قنا كلام محدد مسبب، عندكم قدرة تردو بالمنطق، ردو.
بالعدم محاولات النيل من بشاشا، بتصفيته معنويا، فلن يجدي، بل سيجعل منكم جنودا لبشاشا، ومن حيث لاتدرون!
الاعجب جلابتك في الاتحاد برضو رفضو الفكرة، او انت برضك مصر تسب في بشاشا، الحيطة القصيرة!
الي الجحيم فليذهب يسار الجلابة القديم!
| |
|
|
|
|
|
|
|
|
 Re: إقتراح بتسمية دوره التحالف فى جامعة الخرطوم بإسم (عمر كانديك). (Re: Bashasha)
|
Quote: العزيز خالد بحر مشتاقين،
للاسف شايفك انجرفت بعيد في تيار السياسة داخل الحوش الجلابي.
لاتكن اداة لاقلية الجلابة ياخالد.
تعال مارق، اهلك في الهامش محتاجين لوعي امثالك.
مع احترامنا لتضحيات الفقيد، في طرحو وانتماؤ، يظل في تقديرنا جهوي اخر وبذلك لايستحق مثل هذا التقدير، اذا كانت الجامعة مؤسسة قومية.قومية بالمعني الجديد للمفردة، ما بالمعني القديم الجلابي، حيث مفردة قومي او سوداني= تعني تلقائيا، شمالي!
ياخي يوميا في دارفور بموتو قرابة ال60 فرد، مئات الالوف حتي الان او من قبلهم ملايين في الجنوب او بعد ده، تقول لي الدورة تسمي بي اسم واحد برضو شمالي؟
ليه بس؟
للاسف ياخالد بتنفخ في قربة مقدودة او بتبدل للخلف، ده في احسن الاحوال!
اطلع من زنزانة العقل الجلابي الاستلابي ياخالد.
ده من عشمنا فيك. |
..Quote: المتعنظ عماد عبدالله:
شفت روحك في مراة بشاشا؟
صورة الجلابي كريهة؟
بالذات خضر الدمن الزيك؟
طيب يشفي بشاشا ولا يشفي الفي المرايا، ياجلابي يا مستهبل! |
..Quote: الجلابي خالد العبيد،ده مابحلكم قط!
جربتو السكة دي للاخر مع بشاشا.
ماذا كانت النتيجة؟
نصر مؤذر لبشاشا! |
..العزيز خالد خليل .. الحية عبرك لكل الشباب الواعي ف يالحركة الطلابية .. والرحمة والمغفرة للفقيد كانديك ولكل من وهب نفسه للسودان وقضاياه . واتمنى ان يجد الاقتراح .. التنفيذ ..
..
.
الأعــزاء ..
مايسمي نفسه بشاشا .. لماذا توهبونه ثواني من زمنكم ؟؟
استعجب كيف تردون لهذا الخارج عن مدار الجاذبية . ويحلق في فضاء فسيح يخصه هو .. في عالم يخصه فيه بجانب اللاموضوعية .. والوهم الكثير من طولة اللســان . وقلة الأدب الصريحة جدا .. نعم قلة الأدب .. فطريقته في مهاجمة الكل .. وفتح النيران تحت اقدامه غير مغرية للنقاش .. مع شباب محترمة ... أمثال بشاشا وبما فيهم من عقلية قديمة جدا لأجدادنــا الأوائل بتاعين الطهــور .. والكانو بنتظروا منديل العروس تحت الشباك في ليلة الدخله .. أمثال هذه العقلية يجب تجاوزهــا بي فهم واعي جدا .. حيث أن مجرد الرد عليه بنقطة فقط .. تجعل منه شخص يشاركنا الأفكــار ...
بشاشا ده كان قمتو اديتوهو من زمنكم الغالي ده .. وعملتو ليهو راس وقعــر .. صدقوني عادي جدا ممكن يمشي يقشر بيكم في البحيرات العظمي الأحد البعد بكره ده ويقول ليهم والله انا أخطر زول في سودانيز اونلاين ومنقطه عديل كدا ..
في حين انو .. اهووزي ما شايفين .. بيجي داخل مغمض وما عارف الساعة كم زاتو .. بس يلقى الناس متلميه .. يجي يجعجع .. ولا نرى الطحين ..
يا أيها الأمير الكوشي .. سليل الآلهه .. اخناتون ـ وآمون رع ... وود خالتهم توت عنخ آمون .. وكل آلهة الشمس ..
عليك الله ما بلقى لي .. ( فريني ) في جيبك امشي اجيب ليك بيهو حلاوة دربس من الدكان علشان تمشي تنوم ..
ياخي امشي نوم احسن ليك من الكلام الفارغ البتسوي فيهو ده .. والله البتسوي فيهو ده كان لمو فيك الطلبة النصاح ديل الواعيين ديل .. والله يربطوك في الميدان الشرقي من كرعينك ويعلقوك في أقرب شجرة لبــخ .
قوم بلا فقر معاك يا حـــاقد على نفسك وعلى حتى انجازات الشعب السوداني .
| |
|
|
|
|
|
|
| |
خالد خليل محمد بحر
ريهان الريح الشاذلي
Tragie Mustafa
محمد حسين آدم
Bashasha
بهاء بكري
Emad Abdulla
الطيب بشير
كمال علي الزين
خالد العبيد
Faisal Al Zubeir
tmbis
فيس بوك
تويتر
انستقرام
يوتيوب
بنتيريست