يذكرنى احد الشباب القدامة ان سودانير كانت تصل الى الهند ويوم من الايام تعطلت فى مطار بومبى ولم يسطيع مهندسو الهنود تصليحها فارسلو الى طاقم سودانى فتم الاصلاح مع الاعجاب بالبراعة السودانية فى القيادة والمكنكة ..بس الجو دا يعملو فيه ورشة ولا شنو مرة جئت على طائرة حبشية تراى استار من بومبى الى اديس وعند الهبوط كان هنالك ضباب ,فبرج المراقبة قال للكاتن انزلها فى اسمراء مشينا اسمراء فكان الضباب اكثر قالو ليه نزلها فى منبثا قال ليهم ما عندى وقود,الراجل توكل على الله وحلق فى جو اديس 3 مرات ولامست الارض اسهل من اكل البسكويت ونزل يتضرع زى اسد الغابة ..فكانت سيرته الذاتية انه درس فى المانية و25 سنة بنزل فى مطار اديس ابابا يعنى حافظ المطار لفة لفة وركن ركن ونحن نزلنا ولم نرى البص الذى ينقلنا الى الصالة الا ان ربطو لينا حبل من سلم الطائرة الى باب البص..وجاء مدير الطيران وشكره وسط الحضور مع زيادة الراتب. ونحن رئيسنا يرقص ووزيرنا يرقص وحتى طائراتنا ترقص وشعب يموت ودا الشغل ...دا الشغل ....دا الشعل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة